إذا قالت ألو | سمو الشيخ حمدان بن محمد بن راشد آل مكتوم - فزاع

إذا قالت ألو

وش رايك فْـ وحـده لها صـوتٍ حـلو

ما تـتـصــل إلاّ مَـعَ وقـت الفـطـــور

لـكـن صـدّقــــــنـي إلى قـالــت ألــــو

ما عـاد افـكّــر بالأكـل لين السَـحــور

مـن الـكـبــر كـنـها تـكـلّــــم مـن عـلـو

ومن الـغـنـج كـنها خليـط مْن الزهـور

أطـيـش مـثـل الـما مـن بطـن الـدلــو

وتهـيد مثل الحزن في وسط الصدور

لو قـالـت آنـا فـاتـنـه .. قـلـنا ولـو

ما قلتي إحنا نقـولها يا اخت البـدور

وانـا عـلـيـها ذاب حـالي .. واسـألـوا

إحساسي اللي يدفعـه صـدق الشـعور

أحبّــــها .. حـتى درجــــــات الـغـلـو

واكـتـب تنـاهـيـدي لها بيـن السـطور

فـي كل دور فْـ قـلـبـها بادفـع خـلـو

واطـلّـع الـمسـتـأجــــرين فْـ كل دور

أهـل الـقـلـوب اللي مـن اللـهـفـه سـلـو

وش فرقهم قلّي عن اصحـاب القـبور

إلى رخـص مـقــــدارهـم والاّ غـلـو

غـيـابـهــم عـندي يـشـابه ألـحـضـور

والاّ انت يالـمـزيون أبو صـوتٍ حلـو

لا تـتصــل إلاّ بعـد وقـت الـفـطـــور

تصفح بالعنوان

  1. 1

    فزاعه

    August 17, 2010 at 6:43 am

    وااااااااااااااااااااااااااااااااااااااو صح لسانك ورب البيت ابداااااااااااااااااع ابداااااااااااااااع ابداااااااااع

  2. 2

    فزاعه

    August 17, 2010 at 6:45 am

    ورمضان كريم وكل عام وانت بخير

  3. 3

    فاطمة الهاشمي

    August 17, 2010 at 9:41 am

    اكييييييييييييييييد وااااايد حلو …… مبارك عليك باجي الشهر

  4. 4

    امولج القدر

    August 17, 2010 at 4:18 pm

    كل عام وانتم بخير يا اهل الامارات وعمان والقصيدة وايد روعة عن جد يسلم الي كتبها ………..

  5. 5

    عاشقة فزاع

    August 20, 2010 at 6:40 pm

    كل عام انت بخير فزاع

    يالله المطلوب يالواحد الفرد السلام
    ……………….ياعظيم الشان سبحان الرب الجليل
    ابتدي باسمه واوّصفّ تراتيل الكلام

  6. 6

    RaYoOoMa

    September 2, 2010 at 9:22 pm

    صح لسانك

  7. 7

    بائع الخواتم

    September 3, 2010 at 7:13 pm

    très fort ce poème plaine des émotions ferre hamdan / شو هدا الكلام العصرى مع االاصلى مزج رائع

  8. 8

    زينه العلي

    September 11, 2010 at 2:42 am

    صح لسانك

  9. 9

    سنــــآ

    September 24, 2010 at 3:23 pm

    فضيــــــــــعه ……………………………….

  10. 10

    ملامح يوسفيه

    October 22, 2010 at 12:17 am

    واااو مره نااايس
    صح لساااانك

  11. 11

    شوق الإمارات طوقني

    November 9, 2010 at 10:40 pm

    ياشيخ حمدان ياملهف عقول البشر
    ياشخ حمدان ربي يحفظك من كل شر

    صح لسانك وسلمت اياديك على هذاي الكتابات

أرسل تعليقك

( *حقول مطلوبة )
( *حقول مطلوبة )