الإســـم | سمو الشيخ حمدان بن محمد بن راشد آل مكتوم - فزاع

الإســـم

ما كنـّك الا شوق في بحر نسيان

كل المـشاعـر قـبل لا اجـيـك لـبّــتـك

قبل المحبّه تنخلق حـس الانسان

كل الحـواس الخـمس يا شوق حبّـتك

وقبل آتعنون صرت للروح عنوان

ما دام هي في وسط الاحساس ربّتك

من سبّتك غيّرت انا إسم (حمدان)

لين عـرفـوني باسـم ( فزاع) سبّتك

تبـقى بمكان ويطـلع البـدر بـمكان

واذا طـلعـت يـضـيع نـوره بهيـبتك

ما انته بلون الشمس وقت المسيّان

أسـتغـفر الله الشمس بالنور صبّـتك

كن العـمر لحـظة إذا معـك سهـران

وكن السهر عـمري بلحظات غيبتك

ان جيت صوبي صرت لك دار واوطان

وان رحت عنّي صرت بعدك وغربتك

قالوا تحت الاضلاع ما تنبت اغصان

قل لي وش اللي تحت الاضلاع نبّتك

قطر الندى يصبح على الورد ولهان

سمّيت طيب الورد من أصل طيبـتك

شفـتـك وعاتـبت اللـيالي والازمـان

ويـن اللــيالي كل هـالـوقـت خـبّـتك

ومن سبّتك غيرت انا إسم (حمدان)

لين اعرفوني باسم ( فزاع ) سبّتك

تصفح بالعنوان

  1. 1

    شوق الإمارات طوني

    July 25, 2010 at 2:15 am

    صح لسانك شيخ ~.~.حمدآآن بن رآآشد~.~.حفضك الله
    ودام وجودك

  2. 2

    الحب الراسخ

    August 18, 2010 at 1:04 am

    ميرسي على القصيدة جدا حلوة ورائعة كلاماتها ..!!

  3. 3

    ابو عمر

    September 22, 2010 at 11:56 am

    حمدان وفزاع وشيخ الشباب وشيخ الفرسان الله يحميك

  4. 4

    عبدالله الشملان

    October 28, 2010 at 11:32 pm

    صح السانك…
    وربي انت راس قمة الشعر يارب يحفظك

  5. 5

    Rana

    November 1, 2010 at 3:10 pm

    كم هو جميل هذا الكلام…

أرسل تعليقك

( *حقول مطلوبة )
( *حقول مطلوبة )