الهجر | سمو الشيخ حمدان بن محمد بن راشد آل مكتوم - فزاع

الهجر

ياللي ذكـرت الهـجر وتحـدِّد الـمهـله

لا ما تـروم الهـجر لو قلـت لي رايـم

الهـجر ، لا تحسب انّه مسأله سهله

الهجر يجـرح خفوق العـاشق الهايم

منهـل شـفايفك منه العيـن من نهـله

لكـن راعـيَّــــها مـن مَـنـهـلك صـــايـم

لا يجهل الحب قلبك ، وان طغى جهله

إفرد جـناح الهـجر يا طـيرنا الحايم

هاجر ودرسك مَعَك والوقت درسَه له

وانا من دروسك وْدرس الزمـن شايم

الوقت .. خـذيت مـنّـه تجـربة كـهـله

وطاحـت من عيوني الدنيا وانا قايم

والكـفر ملـعـون ابو لـهـبه وابو جهـله

والعـشـق ملـعـون ابو بايعـه والسـايم

طَوِّل وقَصِّر على ما تريد فـي الـمهـله

مصـير قلبـك يـردِّك عاشــقٍ هـايـم

الواحـد يْغـيب عن أهـله ، و هم أهـله

لكـن ، قلـبه يـردّه صـوبـهـــم دايــم

تصفح بالعنوان

أرسل تعليقك

( *حقول مطلوبة )
( *حقول مطلوبة )