ســامح | سمو الشيخ حمدان بن محمد بن راشد آل مكتوم - فزاع

ســامح

أحيـــاناً افـكّر .. وافـكّر .. وافـكّر

إلى متى عزمـي بالاشـواق جامـح

ما دام بـاب الـمـغـفــــره ما تسكّـــر

تعـال وارسـل لي خـيـالي مـــــلامـح

لو الـحـياه بطـولـها طـعـم سكّـــــر

ما كان احس بْذنب غيري واسامح

هـذا كــلامـي لـو مـزاجـي تـعـكّـــر

وخيل الهـجر بيـن الـحـنايا ترامح

أقـولـهـا للّي فـي حـبّــي تـنـكّـــــــر

أسـامـحـه .. وَلا يعـرف الـتسـامــح

إطـمح تراضـيني يا زيـن وتذكّـــر

إن عاشـقك لرضـاك يا زين طامـح

لا تصير مالـح في الهجر وانت سكّـر

سامح ما فيه اجمل من اللي يسامـح

تصفح بالعنوان

أرسل تعليقك

( *حقول مطلوبة )
( *حقول مطلوبة )