ثــلاث مـرّات | سمو الشيخ حمدان بن محمد بن راشد آل مكتوم - فزاع

ثــلاث مـرّات

ثـــلاث مـرّات .. وانـت تـدوّر فـراقي

وثــلاث مـرّات .. وانـا اقـول لا ترحــل

الظـاهــر ان الـغــــلا مـا عـاد لـه بـاقـي

بيـني وبينك أشوف الوضع مسـتفـحل

عِـشـرة زمن تجـبر الـمشـتاق يشـتاقي

سـحـلـتـها بالهـجـر ، والوصـل ما يسـحل

عليك صــابر ، وهذي قيـمـة اخــلاقي

لأن أرض الوفــــا دون الـوفـا تـمـحــــل

ولأنّـك الـغـــالي اللي حَـــرّك اشـــواقي

بـمكـحّـــلات الـعـيــون اللي بلا مـكـحـل

بالرقّـه .. انت الأرَق ، وذوقك الراقي

وبين الخصور النواحل خصرك الأنحل

وقـلـوب عـشّـاقــك اللي كـثـر عـشّــاقي

عيونـهـم نحـل ، لان شـفاتـك الـمنحل

أصـعب سؤال فْـ حياة العاشق الشاقي

إللي طـرحتـه علـيك وما لـقـيت الحـل

وشلون ترحل وحبّك وسـط الاعـماقي

وانـا نـويت الرحـيل ، وما قدرت أرحـل

تصفح بالعنوان

أرسل تعليقك

( *حقول مطلوبة )
( *حقول مطلوبة )