ذوق | سمو الشيخ حمدان بن محمد بن راشد آل مكتوم - فزاع

ذوق

تْـسافر الروح لكن بالجـسد باقي

والعـقل ثلثـين راح وبـاقيٍ رُبْـعَه

مَعَ حبيبٍ نزع روحي من اعماقي

وماني بمجبور بس أجبرني بْطبعه

نتيـجة العـمر لـذَّتـها مع السـاقي

لو ارتشف قطرتين تسد من نبعه

في مْحبتك مدري الخفَّاق وش لاقي

حتى اصبح يتابعك قدّام تـتَّبْـعه

عطني ولو ذوق يامستأسر اذواقي

الذوق منّك يكفّيني عن الشَبْعَه

أكْرمني بْيـوم في الإسـبوع يا راقي

وحَدّد ما يحلا لك من ايّامَه السَّبْعَه

تصفح بالعنوان

أرسل تعليقك

( *حقول مطلوبة )
( *حقول مطلوبة )