الحزن راحه | سمو الشيخ حمدان بن محمد بن راشد آل مكتوم - فزاع

الحزن راحه

ياللي تقول ان الصراحه شعارك

طبّق على نفسك نظام الصراحه

الناس ما يمـشي عليها قـرارك

بعض الصراحه تعتبرها وقاحه

ومن دوّر لشورك عسى لا استشارك

شـورك يكون اكبر سبب لارتياحه

لا تنـتحر لا ضقت لان انتـحارك

جريمه ف دين الهدى والسماحه

فالضحك راحه بس احب آتدارك

واعلّـمـك إن الحــزن فيه راحـــه

لذا في قلبك هـ الثـنين تشـارك

منهم ترى ما للخفوق استراحه

من كثرة افراحه في عيدٍ مبارك

يوم الحــزن لابد تكثـر جراحــه

قبل يضيع العمر ، حدّد مسارك

ما زالت الفـرصـه أمامك متـاحه

لو ان هـمومك فالضـمير تْـعارك

دع للتفاؤل في ضميرك مساحه

شف سوريا بعد السياحه معارك

والبوسـنه بعد الـمعـارك سياحـه

تصفح بالعنوان

أرسل تعليقك

( *حقول مطلوبة )
( *حقول مطلوبة )