Poetry | سمو الشيخ حمدان بن محمد بن راشد آل مكتوم - فزاع
English

مفهوم

ياليل ياللي في سماك نجوم

ياصاحب الولهان والمهموم

عرفتني والاّ  ما زلت مشبّه

نعم أنا حمدان ابن مكتوم

اللي فهم أكثر شعور العالم

وهو شعوره ماهو بمفهوم

يحب يكسب هيبته بذراعه

مايحب يكسبها بحب خشوم

صارت عيوني تستلذ السهره

وعيون غيري تستلذ النوم

فإن ظننت ان السبب من غالي

جذب فؤادي عوده الـمبروم

أقول ظنّـك غير ظنّـي .. لكن

تراك عندي غالي ومحشوم

لو كنت مسقومٍ من اللي حبه

بين الحنايا ، قلت لك مسقوم

أنا سهرتـك والسهـر يغـريني

عندي من احداث الزمان علوم

ترجمتها لك في قصيدة شاعر

حسب قـوانين الشعر محـكوم

وانا على نظم الشعر من صغري

غير البيـوت النــادره ما اروم

تغريني الأفكار واجمل فكـره

تْلامس اللي في الصدر مكتوم

أرسم طريق القافيه والـمعنى

رسم الطريق الواضح المعلوم

والشاعر اللي يدعمه جمهوره

تلقـاه دايم بالنصـر مدعـوم

دارت رَحى حربي مٓعٓ  أيامي

حاربتها وآنا معـاي سهـوم

الصبر والايمان ان الـمؤمن

لابـد لـه من يومـه الـمحتوم

عندي أمل بالنصر لو قلتوا لي

ترى النتيجه وضعها محسوم

ويا منافسيني في بقاع الدنيا

عن الحـسد والكبرياء آشـوم

روحي رياضيّه وقلبي صافي

أنا في كوم وحاسدي في كوم

أهنّي الـفـايـز علي وارفـع له

كفّي وارحّب فيه في الـمرموم

واللي ماهو ملزوم في تقديري

أنـا في تـقـديره تـرى ملـزوم

وان كانت النخوه معه معدومه

طيبي في راسي ماهو ْبمعدوم

أعاملـه باخـلاقي اللي كانت

مشهورةٍ  عن جـدّي الـمرحوم

لو كل طيرٍ في جناحه ريشـه

أهل الصقاره تعرف الصيروم

وتميّـزه عن غيره من اوصافه

لو كلهّا فـوق الجـبال تحـوم

ان شافته ماتلتـفت في غيره

وان سامته قامت تزيد السوم

ويا زارعين الثوم في بستانٍ

عشبه خضر لاتزرعون الثوم

الناس تعشق نفحة الريحانه

والـفل والياسمين والـمشموم

وصيّـة القـايد لإبـن القـايد

اللي يكـرّرها زمـانـه دوم

ماهو مهم انّه يطيح الفارس

مليون مَـرّه من طعون القـوم

لو لم يكن فارس ماجاته طعنه

بس الـمهم انّـه يعـرف يقوم

وانا عزومي ماتعرف الطيحه

عندي من الصدمات قوّ عزوم

اللي يحسب ان دمعتي من عيني

باتطيح ، قولـوا له عليه اللـوم

لو نفرض انها طاحت مْن عيوني

تراي واقـف وقـفة الشغـموم

مْن الغيوم تطيح قطره قطره

لكن ماشفـنا تطـيح غـيوم

لله رحمه تكفي اهل الدنيا

من يوم آدم لين هذا اليوم

فاليرتجي رحمته من يرجوها

والـمنحرم منها هو الـمحروم

لا شفت لك انسان مُعطى نعمه

لاتحسده في رزقه المقسوم

ولا تسب الوقت ، وَلاَ حظّـك

وتزمّ  خشمك مايفيد الزوم

يـومٍ عليك ويوم لك والدنيـا

ماترحم الخادم ولا الـمخدوم

لو تنصر الظالم على من يظلم

ياويلك مْن الواحــد الـقيّـوم

من دعوة الـمظلوم قل للظالم

يحذر ، لأن ربّي مع الـمظلوم

وَلا تعاتب كل شخص بزلّـه

الناس مافيهم حدٍ  معصوم

الاّ نبي الأمّـــه اللي ديْـنَــه

هدم صنم كسرى وذل الروم

وأهل الخيانه والغدر والفتنه

اللي يجاملها ترى مأثـوم

لو انها بهـدوم بين العالم

كأنّها تمشي بدون هـدوم

وهذه رسـالتي لاصحـابي

وأعدائي اللي فكرهم مسموم

ارسلتها عبر البـريد العاجـل

يوم اكملت في ظرفها الـمختوم

وَلا كشفت اللي يدور فـ خلدي

لكن كشفت الواقع الـمشؤوم

هَل الكلام اللي أقوله واضح ؟

مفهوم .. والاّ  ماهو بْمفهوم ؟

تصفح بالعنوان

  1. 1

    roro

    October 29, 2010 at 10:20 pm

    روعه

  2. 2

    مروه

    October 30, 2010 at 7:11 pm

    تسلم يافزاع

  3. 3

    siham

    October 30, 2010 at 9:53 pm

    أجمل قصيدة و أغنية في الكون الله يوفقك

  4. 4

    فوووفووو3

    October 31, 2010 at 1:54 am

    ابداااع يافزاع وانا من اشدمعجبينك الله يحميك من العين ويحرسك ويوفقك ياااااااارب

  5. 5

    أميرة

    November 1, 2010 at 12:22 pm

    صراحة لا أجد تعليق مناسب لأن الكلام غير كافٍ للتعبير
    بس ما اقدر ما اقول اني بسمعها يمكن عشر مرات باليوم وكل مره اسمعها احس انها اول مره أسمعها .. وكل مره تعجبني أكثر
    سيدي المبدع
    صح لسانك وباقة ورد لإعجابي

  6. 6

    بنت الاردن

    November 1, 2010 at 2:36 pm

    ماشاء الله عليك متالق بكل شي الله يحفظك و يرعاك وكلمات القصيدة اكثر من رائعة

  7. 7

    abderrazak almannani

    November 2, 2010 at 5:07 am

    صح لسانك، قصيدة رائعة
    أسأل الله أن يحفظكم سيدي لعائلتكم ولشعبكم الوفي

  8. 8

    اذا الجمال دوله اناعاصمته

    November 2, 2010 at 2:10 pm

    الزين مايكتب الا الزين ما شاء الله

  9. 9

    كتمان

    November 4, 2010 at 1:04 pm

    ومرّت سنه صابر وعذري في الصبر

    ومالي غير الصبر

    ^_^

    تســـــــــــلم

  10. 10

    بنت الشام

    November 4, 2010 at 3:59 pm

    اغنية جميلة جدا وكيف اذا كان شاعرها فزاع
    ماشاء اللله على هل الابداع

  11. 11

    اريج المسك

    November 4, 2010 at 5:04 pm

    شيخ ٍ ولد شيخ والنعم والله بك يا شيخنا ودوم انشاءالله للعلالي صح السانك ونتريا يديد افعاللك

  12. 12

    بو علوة

    November 4, 2010 at 6:35 pm

    ما فيك حيلة يا بو فزعة .. صح الله لسانك

  13. 13

    بنت الاصيل

    November 4, 2010 at 7:18 pm

    صح لسانك ياشيخ والله القصيده روعه وربي يحفظك ويخليك ويسلمك

  14. 14

    الـع ـنـود

    November 5, 2010 at 3:47 am

    انا الصراحه ماادري وش اقول غير صح لسانك ياشيخ حــمــدان

  15. 15

    ام غفران

    November 5, 2010 at 1:34 pm

    الله على صوتك
    الله على مشاعرك الجياشه
    الله على احساسك المعبر
    الله ايخليك وايحفظك لينا

  16. 16

    قلب فزاع

    November 5, 2010 at 5:47 pm

    ماشاء الله عليه يستاهل بو راشد
    ماقول غير ((صــــح لســـانك )) يالشيخ ..

  17. 17

    حياةنونة

    November 5, 2010 at 9:42 pm

    اشهد بالله ان كل اشعرار الشيخ فزاع حلوة

  18. 18

    احمدوووووة

    November 6, 2010 at 4:42 pm

    وايد حلو صح لسانك

  19. 19

    طاهر ابوزيد

    November 7, 2010 at 2:39 am

    ماشاء الله الله يزيدك من نعيمه ان شاء الله

  20. 20

    noor

    November 7, 2010 at 11:01 am

    صح لسانك وربي يحفظك من كل شر ويحميك

  21. 21

    noor

    November 7, 2010 at 11:02 am

    انا معجبه كثير بشعر حمدان بن راشد وبقله صح لسانك والله يحميك

  22. 22

    ملكة العيون*2010

    November 8, 2010 at 3:58 am

    والله كلام غاية في الجمال والذوق العالي الله يحفظه من كل مكروه

  23. 23

    hana

    November 9, 2010 at 11:41 am

    صح لسانك ……….

  24. 24

    جنون الامارات

    November 9, 2010 at 1:58 pm

    صح السانك يا فزاع والله يعطيك الف عافيه

  25. 25

    بنت السعوديه

    November 9, 2010 at 3:44 pm

    خطييييييييره القصيده
    ^_*

  26. 26

    فاطمة فو

    November 9, 2010 at 9:51 pm

    هلا كثير حلوة القصيدة عن جد يسلم كاتبها وابغي اقول كل عام وانت بخير يافزاع قرب عيد ميلادك وكل عام وانت بخير بمناسبة قرب العيد

  27. 27

    freefantom

    November 11, 2010 at 8:03 pm

    صح لسانك وما عليك زود

  28. 28

    بنت السعوديه

    November 24, 2010 at 3:38 am

    على الــجــرح

    صح لسانك الشيخ

  29. 29

    أبو طايل العنزي

    December 6, 2010 at 1:23 am

    الإهداء إلى / الشيخ حمدان بن محمد بن راشد آل مكتوم – ولي عهد دبي – حفظه الله – مناسبة اليوم الوطني الـ39 للدولة –
    تزور المباني قافيه شعر قبل العين تزور القلوب النابضة في محاجرها
    تدق الفضاء من كل باب ولها داعين تواجد على ضفة هل المجد وأنثرها
    قبل كم سنة كنت أنتظر محبره وأيدين لقيت الأيادي وصرت أدور محابرها
    ولو ما لقيت النصف الأخر فلا تأمين ولا لي على عقل القوافي بأسوارها
    لذا قد أرى في زحمة الناس من رأيين وقد أختلف في منهج الـدرس وأخسرها
    وفي آخر الموقف للأمجاد علم أيبين على صفــــحة التاريخ تشرح معابرها
    أمارات في قمة منارات للقاريين لها من مواقــــفها ما يـسبق مخابرها
    صنعها بطل لو مات فعله ألين الحين منهاج لقادات الدول يوم تعسرها
    سلامي من دبي الغلا لين رأس العين سلامي لكل أشيائها دون ما أخصرها
    سلامي لبن راشد عظيم المناقب دين يغيب الهواء ما غاب ذكره لذاكرها
    رسمها بعرض العقل والحكمة بتمكين محـــمد أبن راشد حلمها وفسرها
    لكم يا الفلاحيه أزف التهاني منين وأنتم أهل أفعال لا أقوال أنشرها
    سبقتوا أمم من قبلكم وبعدكم عادين تجاوز توا التوقيت في حل عاثرها
    فلله در الشيخ لأخلص وراعى الدين تشوف الأمل يكبر بعزه يكابرها
    شعب يستحق الشعر كله ما هو بيتين فعذري عن طوال القوافي أسايرها
    حلمت وتأملت وعلمت بفرح غالين وجت للتهاني والتهاني بأساورها
    الشاعر
    أبو طايل العنزي

أرسل تعليقك

( *حقول مطلوبة )
( *حقول مطلوبة )