((في حجرة اليازية ))
كأننا العنود واليازية يالسات ترمسن .......
اليازية:لا تقولين جذي .......
العنود: ما أدري أحس سالم ما يحبني ولا يكن لي ذرة حب .....
اليازية:يالمينونة .............سالم ماراح يتزوج غيرج ..........وأنتي تدرين ها لشيء ...
العنود:اذا راح يتزوجني غصب ما اباه .............
اليازية : أنزين .....شو رايج نرسل مسج لسالم .........
العنود:هو وين الحين ........
اليازية:رايح عرس خويه في سويحان .....
العنود:الساعة الحين 10وربع .........أكيد مرتبشين في العرس ......
اليازية :عادي ما راح يقول شيء ............
وكانوا مبارك وسالم وأحمد ماسكين الخط من سويحان للعين ................................................
وطرشت العنود مسج لسالم ............
" مرحبا ........اشحالك الغالي ..............شو بعدك في سويحان ؟؟ "
رد عليها .........
"شو دراج أني في سويحان ........."
ردت عليه.....
"مو كل أخبارك عندي "
رد عليها .......
" لا انا في الدرب اسير صوب زاخر "
ردت عليه ..
" اول ما توصل البيت طرشلي مسج .. تراني ما بنام بترياك "
رد عليها ..
" لا ترقبيني .. نامي .. أمكن إبطي "
ردت عليه ..
"ما بنام الين ما تخبرني انك وصلت .. بترياك "
رد عليها ..
"انشالله "
مبارك:سالم أشوف المسجات مالهن من يشلهن .....
سالم:معجبات شو أسوي....وتم يفكر براعية المسج من هي....................^_^.........................
مبارك:حوووووووووووووه شعندك؟؟؟؟
أحمد: انا شعندي و الا انت ؟؟!!... وين وصلت يالكتبي ..؟؟
مبارك: لا وصلت و لا رحت .. انت شفخاطرك .. حشى عميتني ..
أحمد: آااااااه فديت عيونك و الله .... مبارك جن خواتك شراتك ... يوزني وحده منهن ..
مبارك : شوووووو !!!... حشى ما طرالي ابلي خاواتي بخييلي .. لا و الله
أحمد: : يالله عليك عاد بلاه الخييلي مب عايبنك ؟؟!!!... والتفت للصوب الثاني وتم يعابل تلفونه ..............
مبارك تم يطالع أحمد:الخييلي ....
أحمد:عوووووووووونك.....
مبارك:يأخي أحبـــــــــــــــــــــــــــــــك.....
أحمد:ههههه ههههههههههههههههههههه أكرهــــــــــــــــــــــــــــك....
مبارك:عنلالالالالالالالالاتك يالخام هههههههههههههه..........
العنود :قومي بروح البيت ....
اليازية:قعدي النوم مانج نايمة الحين لانج نايمة لين العصر...
العنود:ما فيني على حشرة امايه ....
وراحت اليازية ووصلت العنود وردت صوب حجرتها .............
.................................................. ...
باجر العصر الساعة 5ونص كانت سلامة محتشرة على أمها ......
سلامة:يعني الحين ما شيء سيرة ....
أم محمد:يا بنت الحلال محي الدين راح صوب العزبة .....وأخوانج ما أدري وينهم وسالم نايم ما هو راضي يفتح لي الباب ...
سلامة:يا ســـــــــــــــــــــــلام الحين بيي معلم العربي ......وبيشرح و ما راح يتنظرني ....
أم محمد:وين هم بيتهم ...
سلامة:وراء بيتنا ....
أم محمد:خلاص خلي ليلى توصلج ....
سلامة:عادي عندج...
أم محمد:مو الحين تقولين بيروح عليج الشرح ...أحسن أنج تروحين ولا يفوتج شيء ....
لابست سلامة عبايتها وكانت وواقفه عدال باب الصاله تعدل شيلتها: ليلى وصمخ.........
ليلى يايه تربع من صوب المطبخ: هااا ماما سلامة يريد شيء....
سلامة :وصليني بيت سارة .....وردي البيت مافيه روح مني مناك ......
ليلى:وين بيت سارة
سلامة:سكتي الحين بنروح صوبهم .....
كان بين بيت قوم سلامة وبيت سارة شارع...وهن في الشارع هي وليلى لفت عليهن سيارة ستيشن سودا وكانت متروسه شباب...وتمت السيارة تمشي عدال سلامة إلي كانت مرتبكه وخايفه وكل شوي تعدل غشوتها...
نزلوا الشباب جامات السيارة...وطلع واحد منهم رأسه: ياحلوووو عطانا ويه........
ويطالع ليلى : أيييييه يا البقرة قولي حق عمتج تعطينا ويه....
ليلى أطالعه بنص عين: أنت سو يبا.......
دزتها سلامة وبصوت واطي: جب ويا هالويه.......
الريال: أبى القمر إلي يمشي عدالج يالسباله....
ليلى : أنتي سباله.....
إلي في السيارة تموا يضحكون عليها...
الريال: سمعوا الهرمه..أونه أنا سبال...والله لو ماحشمت هالزين إلي عدالج ولا نزلتلج وشخطج بهالعقال......
زخت سلامة أيد ليلى وطلعتها من الرصيف وسارن يمشن في الرمل علشان يبتعدن عن هالسياره...وفي نفس اللحظة إلي سلامة قربت من بيت قوم سارة......... تموا الشباب يصارخون وعلى التصفير وحالتهم حاله....دخلت سلامة حوش قوم سارة ...وكانت سارة يالسة في الحوش تنتظرها ......
سلامة وهي تتقدم صوب سارة:أه يا قلبي ....يعلهم الموت خوفوني .....حشى تقول أول مرة يشوفون حرمة تخطف قدامهم ..
سارة:وأشوف الصراخ والتصفير و الأغاني لمن ..... ثره للغزال سلامة.......
سلامة وهي تسلم عليها:مشكورة يا قلبي ....
وشوي كان أحمد طالع من البيت ساير صوب سيارته شاف سلامة تكلم خدمتهم علشان ترد البيت .....
أحمد وهو ساير صوبهن :هلا وغلا بنور العين ....أشوف بيتنا منور ...
سلامة وهي تتغشى وقلبها يدق بـــــــــــــــــــــــــقوا :مرحبا أحمد.....
أحمد:اشحالج سلامة عساج بخير ....
سلامة وهي منزلة رأسها :الحمد لله .....
سارة:خلينا سلامة نروح للميلس لان المعلم ينتظر من ربع ساعة .....
أحمد:افاااااا وأنا بتخلوني بروحي ....
سارة وهي تطالع سلامة:نعم سيد أحمد .....نحن مو بطرانين مثل بعض الناس ..... ورانا أمتحانات ....
سلامة تمت تضحك على أحمد وسارة ......وبعد حوار ونقاش بين أحمد وسارة واللي كانت سلامة ساكتة وطالعة أحمد من وراء الغشوة .......راحن صوب الميلس ودرسن لين الساعة 7ونص المغرب ......
سارة:مشكور أستاذ ...
الاستاذ:العفو ياسارة ....
سلامة:أستاذ متى الحصة الياية ...
الاستاذ:ممكن تكون الخميس ... أنا هأتصل عليك يا سارة وأكد ليك موعد الحصة .....
سارة:أوكية ..... مع السلامة.....
راح الاستاذ من عندهن وتمين يالسات في الميلس ....
سارة:قومي بتروحين تشوفين حجرتي ......
سلامة:أخاف حد في بيتكم ..؟؟؟
سارة:لا استريحي ما حد في البيت ...أمي راحت بيت خالتي وخذت معها خواني وأبوي مو موجود ...وأحمد شافتيه يوم طلع برع البيت ....
وراحن داخل البيت ....وشافت سلامة الصالة وكان وايد حلوة ومرتبة ...وبعدين راحن القسم اللي فوق وراحن صوب غرفة سارة .....
سلامة وهي عند باب الحجرة :يلعن شكلج ...غرام غرفتج ...وخاصا لونها....
سارة:تراني مرتبتها من قريب ...
سلامة وهي تيلس على السرير :يالله ما حلى اللون الوردي ....
سارة تمت تشغل المسجل وحطت شريط ميحد حمد أغنية تكلم ....{{{ ( تكلم لا تناظرني تكلم .. كلام العين ما يطفي لهيبي .. انا اتحراك طول الوقت و احلم .. وش أحلا من صدى كلمة حبيبي )}}}.......
سلامة:يالله يا سارة اليوم أنا أسعد أنسانة في هالوجود....
سارة:ليش حبيبتي ...
سلامة:شفت أحمد وسلمت عليه ....
سارة:يالله عليج الي بيسمعج بيقول شايفة شيخ من الشيوخ .....
سلامة:هو شيخ وملك وأمبراطور وكل شيء في نظر عيني .....
سارة تمت تضحك على سلامة وكل شوي تعلق عليها ......
وبعدين راحت سارة صوب غرفة الملابس اللي كانت حاطة ثلاجة صغيرة فيها وكان فيها حلويات وعصاير ......من شافتها سلامة راحت وراءها .....
سلامة:يالله يا سارة حجرتج فيها كل المستلزمات الضرورية ((تلفزيون وكمبيوتر وثلاجة وتلفون )).....لو أنا مكانج ما راح أطلع من حجرتي ....
سارة:قلتها قبلج بس يوم سويت كل هذا كرهتها ....
سلامة:أنا غــــــــــــــــير ...
ويلست سلامة حتى الساعة 8 وبعدين نزلن تحت علشان توصلها سلامة والخدامة للبيت لانه مو بعيد وايد منهم ........
وهن نزلات كانت أم أحمد توها ياية من عند بيت أختها .....ومن شافت سلامة تمت ترحب فيها .....
أم أحمد:مرحبا بسلامة...... مرحبا الساع ....
سلامة:مرحبا خالتيه .....وراحت سلامة وسلمت على أم أحمد .....وقعدت عدالها .....
أم أحمد:أشحالج سلامة وأشحال هلج أن شاء الله ....بخير ....
سلامة:يسرج الحال خالتيه ... .....
وقعدن سارة وسلامة عند أم أحمد يرمسن .....
و بعدين راحت سارة هي وخدمتهم ووصلن سلامة حتى باب البيت.....واللي كانوا الشباب يحوطون عليهن ومشغلين المسجل على الاخر ......
دخلت سلامة البيت وكانت مرتبكة وخايفة وكانت ما سكة كتب العربي .......وكان الكل(بو محمد وأم محمد ومحمد وعفراء والصغار)) يالسين في الخيمة اللي كانت مقابلة باب الدروازة .....
وسلامة وتقول في خاطرها :افاااا الحين بيفتحون لي محاضرة ....(((((((( يالله استعد أنطلق)))))))) وراحت صوبهم .....
محمد:حي حي من وين يايه سلاموه ...
سلامة :يايه من بيت ربيعتي ....
محمد:قوية وبكل جرأة تقولينها ....
سلامة:عادي ما فيها شيء ...وحتى أني خبرت أمي وقالتلي روحي .....
محمد:صدج أمايه ...
أم محمد:ايوه أنا قلتلها لان ما كان محي الدين موجود علشان يوديها .....
محمد:عاد اذا أمي تدري بالموضوع ...خلاص ما راح أنازعج .....بس ليش ماتصلت علي البيت ....
سلامة وهي تدور كذبة:أتصلت بس ما حد يرد عليه .....
*************************************
الساعة 11 المسا فوق جبل حفيت...واقف بعيد شوي عن السيارة وفي أيده سيجاره يدخنها...ولا منتبه للوقت ولا للحشره إلي مسوينها مجموعة شباب مشغلين أغاني ويولوا... ولا لمحمد إلي واقف عداله ويرمسه من فتره......
محمد:سالم .....
سالم والسيجارة في حلجه: هممممم.........
محمد: أقولك باجر وراك مشاوير في المسا......
سالم يلتفت صوبه وكأنه وعاه من حلم: هااا "وبعد لحظات أنتبه للسؤال" لا ......ليش ....
محمد:عيل خلنا نروح دبي ....نطمش شوي .....
سالم من قال محمد دبي تذكر شوق......... وتذكر أنها اليوم با تنزف لمنصور .......وقعد سالم يفكر فيها.......ولأيام اللي قضوها مع بعض في دبي ...
محمد عاقد حياته :حوووووووووووووه..... شو فيك سالم من فترة وأنا أكلمك وأنت ما ترد علي ....
سالم:ما فيني شيء......
محمد:عيل في شو تفكر ....
سالم وهي يطلع سيجارة ثانية :أفكر في شوق,,,,,,,,
محمد:يا ريال أنسى شوق الحين هي على ذمه ريال ثاني ......
سالم:أحبها ....
محمد:حاول أنك تنساه....
سالم :ياليت فيني أقدر .....
وتموا ساكتين ...وبعد ربع ساعة راح سالم صوب سيارته وطلع ملف فيه ورق وعطه محمد .......
سالم:تفضل ....
محمد وهو يفتح الملف :شو هذا ....
سالم:أقراه ....
وتم محمد يقرأ الي في الملف وكان مجموعة من الخواطر والقصايد لشوق .......................
{{ثوبــــــها كـــــــــــــفن}}
ثوبها بعيونهم ثوب الزفاف
وثوبها بعيون خفاقي كفن
والزغاريد بفرحها... والهتاف
التراب الي على حلمي دفن
والزهور والورد... في دربه يلاف
كن نصايب عالي القبر.... انصبن
ودمعتي ...صمتي والأحزان اعتراف
عن غرام كان لأحلامي....... وطن
وادمعي ياعين وأغرق يا جفاف !!
واجزعي يا نفس ...واضحك يا زمن
.................................................. ...
وفتح الورقة الثانية وكانت مكتوب فيها خاطرة(( أجر الصوت )).........
اجر الصـــــــوت ...من جرح برانــــــي
الا والــــــــجرح أكبر...من زمـــــــــاني ...
و منين ابـــــــتدي ...يا جرحي الـــــندي ..
حســــــــبي على الأيام ....والحظ الردي ..
*********
كانت معي طول العمر ....عين وهـــدب
كانت معي ...من الصغر ....حب أنكــتب
وآه على عمري اللي راح ...يا زمن كافي
جــــــــــــــــــــــــــــــراح
************
واليوم أنا عندي خبر.....وعلم أكيد
حبيبتي... في قلبها ...حـــــــب جديد
أه ......على حبي......... اللي كـــان
يازمـــــــــان......... ما به أمــــــان
************
.................................................. .......................
محمد وهو يسكر الملف : ليش يا سالم تعور قلبيك على الفاضي ....خلاص الانسانة تزوج .... خلها تشوف حياتها وأنت بعد شو ف حياتك.....
سالم:أحبها أحبها ....
محمد:أدري أنك تحبها بس مع الوقت راح تنسى شيء اسمه شوق ...
سالم بعصبية :مينون أنت ...حد ينسى روحه ....
سكت محمد عن سالم لانه حس أنه صج معصب على موضوع زواج شوق من منصور .............
.............................
في البر خيم مبارك وربعه...وكانت يمعه حلوووه......فكانوا غير قوم مبارك وايدين مخيمين قريب منهم...في النهار فوق العراقيب على الدراجات وفي الليل سهره صباحي بالسوالف ولعب الورقه وغيره...أكثر شيء ضايج مبارك في ها لرحله مجموعة شباب كانوا مخيمين جريب منهم... يوم أيي وقت النوم يبدو الدق...فكانوا إزعاج بمعنى الكلمة...ونوم ماشي طبعاً .
مبارك يشرب شاي حمر: باجر على منوه طباخ الغدا...
سعيد: أنت طبعاً..
مبارك معقد حياته ويلتفت صوب أحمد : ياخي طبخ عني.....
أحمد : سوووري باجر دورك...عنبوه شو يايبيني وياكم طباخ.....
سعيد : ههههه مبارك مبونه يتهرب من الطباخ...لا بصراحة أنا متوله على طباخك
مبارك: ماعليه يا سعيد...قال متوله أونه.....
سعيد : ههههههههههه شو تهديد هذا...
مبارك : وبعدين أنت ليش متفيز فوق الكرسي..شو الأخ زلمه
سعيد : ياخي موب زلمه ... بس ريلي تعورني وماأروم أيلس تحت بعدين مابروم أنش....
أحمد إلي كان يلعب ورقه: أنت بعد من متنك...يحليلها هالريل شاله طن..
سعيد: أنت جب...عاد إلي يشوفك يقول مايحتاي هناك الرشاقة
عبدالله يطالع أحمد: أيه أنت عن الغش .. لأعطيك بهالدله على رأسك
أحمد يطالعه بخيث: جب جب زين لأفضحك....
عبدالله : أونه يفضحني...أصلا أنت مكشوف...
مبارك: ياخي لعبكم كله غش في غش....
سعيد: هههههههه واللعب ماينفع بليا غش...يصير من دون طعم...
مبارك ينش: ياللا تصبحوا على خير
عبدالله : وين..توه الليل في أوله
مبارك الي كان تلفونه يصيح : وين توه..الساعة الحينه 2 .. وبصراحة أنا تعبان حيل ... وفيه رقاد
أحمد:الحبيبة تتصل عليك ...
مبارك:حرام عليك هذي توها معجبة .....
أحمد:اها معجبة ...
مبارك:بعدها ما تعلقت فيه ...
أحمد:ههههههههههه عجيب مبارك عالفكرة أنت أخر واحد تنام فينا ...بسبت التلفون
مبارك:شو اسوي طفربي بتلفوناتهن ....
أحمد:مو لسواد عيونك ...
مبارك:عيل لشو ..
أحمد وهو يضحك:للبوك الي يزيده من الخير ...
مبارك:عنلالالا تهن زاد ...
سعيد: هههههه مبارك أقولك أحسن لك ترقد بسرعة قبل لا يبدأ الدق ....
مبارك: عنبوهم زاد أمس طول الليل ماخلوني أرقد..
أحمد : خساره والله مايبت العود مالي.....
مبارك: عيل بتكمل.....
أحمد : موب أحسن على العود بدل هالأم علايه إلي كل يوم حاشرينا فيها
سعيد: صح باجر متى بنتحرك؟؟؟
عبدالله : العصر
مبارك : وليش العصر...ليش ما نطلع بعد الغدا...ماحب أسوق في الليل
عبدالله : والله إلي تشوفونه
مبارك: وعاد أنا أمس موب راقد واليوم بعد مسهريني لين الحينه ... مافيني أرقد وأنا أسوق.....
سعيد: هههههههههههه منوه موب راقد ..أنت
أحمد يغمز حق سعيد: عيل شخير منوه إلي شال البقعه
مبارك:: شو تقصد..أنا أشاخر !!
أحمد : على كل الموجات!!!!!!
مبارك: ياخي من التعب ... ولا أنا مبوني ماأشاخر
تم الكل يضحك على مبارك وسوالفه...الكل أستانس في ها لرحله...أربعه وعشرين ساعة ضحك وسوالف......في اليوم الثاني يوم الاربعاء شلوا سامانهم وقشارهم وردوا العين............................................. .
*&*((الجزء الحادي عشر))*&*....
واقفه عدال الدريشة...أطالع منظر المطر إلي غسل كل شيء برع...كان المنظر روعه...والعنود من حلاة المنظر ما سمعت ولا كلمة قالتها أمها إلي يالسه تشرب قهوة...
أم راشد: أيه أيه أنا من الصبح أرمس بس جى اليدار يسمع.... و العنود ما تسمعني......
أنتبهت العنود لأسمها: هااا شو قلتي أمايه.....
أم راشد تبتسم: ماشي فديتج.....
غصباً عنها ودرت المنظر إلي كان ساحرنها وسارت صوب أمها ولوت عليها...وخشت رأسها في ثبانها: برد برد..
أم راشد تضحك: ويوم برد أنا بدفيج..
العنود تحط رأسها على ريول أمها: ومن غيرك يا حنون يدفينا.........
العنود وهي مبوزة :لوني ريال الحين يالس سوي ويلات في الشوراع .....اها يالقهر ......والله نحنا مظلومين ...
أم راشد :لا والله ....
العنود:امايه خليني أسوق السيارة .......
أم راشد تضربها على جتفها: ياللا نشي من جدامي لأضر بج على هالرمسه الماصخه.....
العنود تنش وتربع صوب الدريشة وتحط خدها على اليامه: يااااي بارده...والله لو ماميته برد ولكنت ظهرت برع في المطر........
أم راشد : بعد هذا إلي قاصر...جى ياهل أنتي....
العنود تلعب بشعرها وطالع أمها بدلع: عيل!!!!
أم راشد : ههههههههههه أونها ياهل وتوها تبى العرس.....
العنود : لا العرس أباه اباه..أنتي بس يوزيني...
أم راشد : وين راشد بيسمع هالرمسه.....
العنود تمشي صوب الدرج: خلي راشد بعيد...المهم يا ست الحبايب بعد ما يوقف المطر بسير بيت عميه.....
أم راشد : أنا إن ياني شيء ومت تراه كله من ورى رأسج...عنبوه الدنيا برع أمطار ومتخرسه وبتسيري بيت عمج..حتى الناس بتعافج......
العنود: أميه والله ملانه وتعرفيني ما أعرف أيلس بليا اليازية ..
أم راشد : طلعه اليوم بيت عمج ماشي....نحنا هل البيت ما غدينا نشوف مثل الاول ...
العنود مبوزه: أميييييييه....
أم راشد : قلت ماشي يعني ماشي روحه...ياللا فارجي......
طلعت العنود فوق حجرتها بضيج...تعودت ما يمر يوم ماتروح بيت عمها ولا تشوف اليازية ...وبالذات اليوم الجو برع وايد حلو أكيد بعد المطر...كان نفسها تروح تمشي في الحارة...بس شكلها أمها مستحيل تخليها تظهر....راحت وفجت باب البلكونه وظهرت منها ....الحينه المطر خف شوي ... وهي واقفه أطالع برع شوارع حارتهم إلي كلها ماي..."يالله يالجو يرد الروح" رغم إنه بعده عصر بس بسبت الجو والغيوم جنه مغرب...واليهال الصغار برع في الشوارع...والشباب بمواترمهم رايحين رادين في الشارع.."يالله لو أنا ولد هب أحسن...والله مايلست محبوسه في البيت شرات الدياي" سمعت التلفون يصيح وربعت صوبه وشلته...................
العنود تنافخ: ألو
اليازية : هلا..مبروك عليج الرحمة....
العنود خذت نفس: الله يبارك في عمرج.....
اليازية: بتينا اليوم....
العنود : لا تعالي أنتي...
اليازية : لا والله ماروم..جني بزجم
العنود : سلا مات ما تشوفين شر...بس حتى لو ....مابيكم تبي تيي حياج الله......
اليازية : ليش ....
العنود : أمايه ماخلتني...
اليازية مبوزه: ولا أمايه بعد...قالت ماشي طلعه...
العنود أنسدحت تحت: عيل الحال من بعضه...
اليازية : والله حظهم الشباب...
العنود : هيه والله..محد يروم يمنعهم عن الطلعة..
اليازية : هيه والحينه كلهم برع..إلا نحن
العنود : يحليلنا..
اليازية : حقنا مهضوم..
العنود :هههههههههه جى أكل ينهضم
اليازية : ههههه والله إنج ياهل...إلا ماخبرتج...
العنود بهتمام: شوو......
اليازية:طرشتي لسالم مسج اليوم ...
العنود:لا ..ليش ..
اليازية:بس أسال ...
العنود:الله يخسج ....خوفتيني ....
العنود تسمع أمها تزقرها: انزين اليازية بخليج الحينه أمايه تزقرني...
اليازية مبوزه: انزين...
العنود : بس بتصل فيج بعدين ...
اليازية : أوكى...سلمي على عموه....
العنود : يبلغ..وأنتي بعد سلمي على قلبي وعمري وحياتي وروحي ودنياي (( ســـــــــــــــــــــــــالــــــــــــــــــــــ ــــم))
اليازية : إن شاء الله بس طرشيله مسج ..باي
العنود : أن شاء الله بباي.....
بعد مابندت التلفون نشت من تحت وراحت صوب السرير مالها ........و بعدين أفترت صوب الكبت ووقفت أطالع نفسها في المنظر ه وفجت شعرها الطويل إلي يوصل لين ركبها...العنود تعرف زين إنها رحيمة وألف من يتمناها..."بس ليش لين الحينه ماياني نصيبي...معقوله حتى الحين سالم ما يفكر فيني ....... تمت أطلع ويها الدائري الأبيض ...بعيونها السود الوساع تظللها رموش طوال كثيفه...وحبت الخال إلي على خدها اليمين...كل شيء فيها جمال في جمال...والجسم يعد فيه القصايد... العنود كل ملامحها تشبه أهل أمها ولا ماخذه أي شيء من أهل أبوها..إلي يتميزوا بسمار البدو...بس مع هذا علاقتها بأهل أمها معدومه...بعكس أهل أبوها إلي أربعه وعشرين ساعة وياهم...ومتربيه من بينهم...
العنود تقول في خاطره :ليش ما أرسل لسالم مسج ....وأرسلت له ....
..*** ماشي فالكون عن شوفتك يمنعي... الا النظر لو يفارق مقلت أعياني... من دون ما اشعر لك الأشواق تدفعني... و أظن
حتى بحلم النوم تلقاني ***...
سالم كان ....هو محمد وربعهم يالسين في العزبة .....ومن سمع المسج فتحه وقرأه .....وتم يتبسم ..............
ورد عليها ....
*** العين تحكي لو خبا كل منطوق .. تحكي و تروي ما خفى وسط خفاق .. و الشوق ناره يشبها حب مخلوق .. و لو لا
الوصل ما تنطفي نار الأشواق ***
العنود من قرأت المسج تمت مصدومة وما عرفت بشو ترد له .....................
ردت عليه .....
" رقبتك اليوم اطرشلي مسج .. بس ما وصلني لا علم و لا خبر .. رب ما شر "
رد عليها ..
" ما من شر الغاليه .. بس انا عند الرياييل .. "
و ردت عليه ..
" اها .. السموحه ان كنت غثيتك .. بس من تفضى طرشلي مسج ^ــــ^ "
و توه بيرد عليها .. جان يفضي تيلفونه ..
سالم : لا حووول ..
محمد : شعندك ..؟؟؟...
سالم : تيلفوني فضى ..
محمد : و انت ما تصبر عنه ..
سالم : ليش قالولك فاضل المزروعي ..
محمد: هههههههههههههه .. لا سالم الكتبي ..
سالم : جب جب .. لا افلعك بهالفنيال بين عيونك ..
محمد : ههههههههههههههههه .. كل هذي غيره مني يوم اني أحلا من سودتك !!..
سالم و هو ينش و يأخذ ماي بالفنيال الي في أيده من الغسول : انا اسود يالخام .. ( و يرش محمد بالماي ) ..
محمد : حوووووووووووووه .. هههههههههههههههههههههههه ..
سالم و هو واقف : كعبي ما تنعطى ويه ..
سلطان : هههههههههههههههههههههههه ... حمد ربك يوم ان الي فالفنيال ماي هب قهوة .. ههههههههههه
سالم : ههههههههههه .. لا ما يهون عليه احرقه .. هو جذيه و هب لاقي حد يعطيه ويه .. وين لو هو محروووق .. هههههههههه .
و نش عنهم سالم ..
محمد : وين بها ..؟؟...
سالم : برووح أحط التيلفون في الجراج ..
و ظهر عنهم سالم من الخيمة صوب سيارته .. ركب سيارته و حط تيلفونه في جراجت السياره و تم شوي في السياره .. و طرش للمجهولة مسج ..
**********************************
الريم وسلامة ونيرة ومنيرة وسيعد وسيف .. كانوا يالسين في الحوش يلعبون في المطر ....واليازية كانت تطالعهن من باب الصالة ........
أم محمد تطالع من الدريشة :قومي اليازية دخل سعيد بعدين بيمرض ...................
اليازية:ما رضى ساعة وأنا أحيال فيه ...بس ما طاعني ...
أم محمد:ما حد في شوره................. روحي يبيه ...
وراحت اليازية ودخلت سعيد اللي كان يصارخ ويبكي بالغصب دخلوه البيت ........
الريم: الله ينطبج يا السباله .. خيستني ........
سلامة:أحسن ليش تقهرني ......
اليازية كانت تطالع على خوانها اللي يلعبون من الخاطر ....
الريم:اليازية ليش ما تلعبين عندنا .....
اليازية: ما فيني بعدين بزجم .......
سلامة:عادي ما فيه شيء ....
الريم:الزجام بيج يومين بيروح ....أما المطر ما راح تشوفينه الا السنة الياية ......
اليازية :لا تحاولين أنج تقنعيني .....
الريم:على كيفج ....
وتموا يلعبون في المطر لين المغرب وبعدين دخلوا كل واحد راح حجرته علشان يتسبح ............
طلعت سلامة من حجرتها وراحت صوب التلفون اللي في الصالة واتصلت على سارة ....بس ما حد رد عليها ....... وبعد ما أيأست........ راحت صوب الصالة اللي تحت ........
سلامة وهي تنزل من الدري :السلام عليكم ....
عفراء :مرحبا بل الياهل....
سلامة وهي تضحك:وأنا بعدني ياهل .....
عفراء وهي تلتفت صوب اليازية :وين العنود عنج ....
اليازية:ما رضت تيني ...
عفراء :ليش ...عسى ما شر....
اليازية:ما شر بس أمج ما خلتها ....تباه تيلس عندها ...
عفراء:يا حيها يوم بتيلس عند أمايه ........
.................................................. .....................................
تما مبارك (( اللي ياي من البر ))وسالم وكل الشباب يالسين في حوش بيتهم ... عقب العشى يسولفوون كانوا يالسين عالفراش برى و كان الجوو واايد حلوووو ... فجأه سمعووو صووت مسجل شااال الدنيا .. كان واحد من الشباب مشغل مسجل سيارته و مطول عليه ................
قال : هاه شباب الي فيه هبه يله يا حياه في الميدان....................
اشتلووو الشباب و كل شوي ينشوون مجموعه و ايولون ... يوم شافت اليازية هالربشه طرشت للعنود تيب كيمرة الفيديو عشان يصوروون ... و اتصلت بمبارك و عطته الكيمره عشان يصور ... كان كل شوي واحد يحط شريط و ينشووون ايولون و ايبسوون الشبيبه كان جووو رهييييب .... راح أحمد و حط غنيه لميحد حمد ..........
أحمد : شباب هاليوووله و هالغنيه اهدااااء خاااص مني لعرب غاليييييييين عقلبي ..
واحد من الشباب : هههههههه ... منوه منوووه هالعرب ..؟؟.
واحد ثاني : اكيييييييييد وحده من غراشيب الهير ...
أحمد و هو يضحك : ههههههههههههههههه .... لا من غراشييب زاخر ...
كان أحمد قاصد هالشي بس الشباب اعتقدووو انه يسولف ...
و اول ما بدت الغنيه نزل أحمد من سيارته و يلس ايووول ..
(حد مثلي بات مشجنه ... حلم طيف ٍ مر خطافي ...و اغتنم من وجدي الونه .... يوم كل ٍ بالكرى غافي ..جرح في جاشي ومخفنه ... و الخوافي ضربهم خافي ... لي محب ٍ مني و منه ... حب مثل الجوهر الصافي .( ...
و اشتلوو الشباب مع أحمد في اليوله .... بس أحمد يال من الخاطر..... اول مره يحس بان لليوله طعم ثاني............
و يوم وصل هالمقطع من الغنيه ... تم أحمد يغني و هو ايوول و ايسوي حركات جدام الكيمره جنه يعني حد بهالحركات ..
(حيث لان بالعرب سنه ... خص عند الناس لشرافي ... يا نديمي وصلكم جنه ... و البخت الي هب مسعافي ... حاليه يا زين مدعنه ... من ودادك منقل الحافي ... لا تخيب فيك من ظنه ... خير و انتو حق و انصافي ..(...
قال واحد من الشباب : مسكيييين حالك يالخييلي ...
أحمد و هو يسوي حركه ايأشر على قلبه و من عقب ينزلها : لا تتخبر يالخوي ...
الريم وسلامة واليازية كاننا تويقن من دريشة حجرة الريم ومبندات الليتات علشان ماحد يشوفهن ............
سلامة من شافت أحمد أيوووول ويأشر على الكيمرة تمت تصارخ :ياويل حالي أنا على راعي الكندورة البيج .....
الريم:الله يلعــــــــــــــــــــــــنــــــــــــــــــــــ ــه ما حلاته .....يخبل
سلامة وهي تقرص الريم:لا تدعين عليه ...
الريم وهي تضرب سلامة على ظهرها :ما لج خص في الريال .....
سلامة :ايييييييييييييييييي عورتيني ....
اليازية:سكتن ...بصوتكن بتخلين محمد يدق علينا الحين ....
تمين البنات تطالعن من الدريشة وتعلقن على الشباب ...........
عقب اليوله و الربشه الي عاشوووها الشباب .. سرى كلن لداره ... تم مبارك وأحمد وسالم يالسين يرمسون حتى الساعة 2 ..
و عقب ما يلسوا شوي سرى أحمد عن سالم ومبارك ... دخلوا البيت و كانت سلامة بعدها واعية اللي (( كانت تتنظر على أحر من الجمر الكيمرة))...................... ..
سلامة : وين كانتوا ؟؟؟
سالم وهو يركب الدري علشان يروح صوب حجرته : يالسين عند الشباب ..
سلامة وهي تلتفت لمبارك : ازين مبارك هات الكيمره ...
مبارك : شو تبينها ...؟؟..
سلامة : بشوووف .. ظنك بايته ارقبك....تحدر عسواد عيووونك .. الا عشان ان الكيمره عندك ..العنود موصتني عليها ....
مبارك:و الله ؟؟.. ما عليه عيل ماشي كيمره و لا بتشوفينه الفلم .....
سلامة : مبارك فديييييييييييتك ....
مبارك : هههههههههههههه .. ترجيني أكثر ..
سلامة : بتبطي ... يالله عطني الكيمره ...
مبارك و هو يمد الكيمره لسلامة : ههههههههههه ... لو مب تعبان وقدلي يومين ما نمت ... جان راويتج............ ..
سلامة : ههههههههههه و اهون عليك برووووك ..
مبارك و هو رايح صوب حجرته : لا ما تهونين .. بس يله رقاد خلي عنج السهر ..
سلامة : انشالله باباتي ...
مبارك:باباتي في عينج ....يا لبقرة .....
دخلت سلامة حجرتها و الكيمره في يدها ... يلست عشبريتها و عادت الفلم الي في الكيمره و فتحت الشاشة الصغيرة الي في الكيمره و يلست تشو ووف الفلم ... و طلع أحمد في الفلم واااايد و كانت كل ما تشووفه تعيد اللقطه عشرين مرة ...... الين ما وصلت عند الإهداء يوم نزل أحمد من سيارته وتم ايوووول .......
كانت تشووف أحمد و هو ايووول ... ذبحتها حركاته ... منوه المعنايه بهاليوله ؟؟؟؟؟ممكن انا ؟؟؟ يارب يحبني مثل ما أنا أمووووووووت فيه... ويكون شعور متبادل .. احتارت سلامة بأفكارها ... في شي في أحمد يجذب سلامة صوبه كل مرة أكثر ..... ؟؟. سلامة تقول في خاطرها ليش يعذبني أحمد ……...؟؟!!... سلامة تمت تفكر في أحمد ..
و أحمد اول مره فحياته يحس بشي غريب هالليله .. شي مب عارف شو هو .. ليش أهديتها الغنيه و اليوله ؟؟.....
تم أحمد يفكر في سلامة طووول الليل .. كان يتخيلها و هي تمشي.... و هي تتكلم .. كان يتخيلها و هي معاه ... نش أحمد و طلع من حجرته صوب سيارته هو لابس الا الفالينه و الوزار ..... شغل أحمد سيارته و تم يحوووط في الشعبيه ... و بعدين رجع البيت و نام ...
.................................................. ......................
الخميس الساعة 6 الا ربع المغرب ......
أم محمد: وين مبارك ..... وتمت تدق على باب حجرته برووووك ....وينك
سلامة :مبارك ....يتسبح ...
أم محمد:وسالم ...وينه .....
سلامة:في حجرته ....رااااقد ؟؟؟
أم محمد:زقريه .... وخليه يقوم علشان يصلي ويـأكل له شيء .....
سلامة :أن شاء الله ....
و راحت سلامة صوب سالم في حجرته .. ....
سلامة و هي أدق الباب : سالم ....سالم ...
و سالم راقد و لا هب حاس بها .......
سلامة : ساااااااااااالم .. و جان تفتح باب حجرته .. و راحت صوب سالم ...
سلامة : سالم .. نش فديتك ..
سالم و هو دهمان : هاه .......
سلامة : نش فديتك المغرب اللحين .. ...
سالم : انشالله .. و رد و لحف رأسه ..
و في هاللحظه يه مسج ..
جان تفتر سلامة صوب تيلفون سالم .. و لقت 8 مسجات يديده ..
سلامة : حشى ..... يا مكثر المسجات ..
و من قالت مسجات نش سالم .. و شل التيلفون ..
سلامة : خيبه .. كل هذا عسبات المسجات ..؟؟!!..
سالم : سلامة عن الحشره ..؟؟؟
سلامة : انزين نش .. امايه تريدك ..تقولك قوم بسرعة
سالم : انشالله ..
و طلعت سلامة عن سالم .. الي من ظهرت سلامة و هو يشوف المسجات .. و طبعا كل المسجات كانت من المجهولة ((العنود)) ..
*** ساكن بعيني خيالك وانت ما تدري .. اني بحـبك اســابق فـيك امالك .. ليت اقدر اوضّح لك بعض امـري .. وأرسل حروفي باسـم الحب تهجالك .. يا ليت عينك بصدفه تنظر بشعري .. والا خـيالي يمر في يوم ٍعلى بالك***
.................................................. ................
*** ايه احبك هذا حظي الي انكتب .. دربي الي امشيه و ادريبه تعب .. ايه احبك و انت في عيوني سهر .. و انت وسط القلب حرات و خبر ***
.................................................. .......
**اسكن اعيوني يالغلا ..و اجفوني أتغمض عليك .. خذ ما تشى من دنيتي ...بس لا تقلل من غلاك **
.................................................. .......
(تعال نعيش في دنيا الحنان .. حبيبي خل لي قلبك حنون .. ألا ليش التغلي من زمان .. على خل ٍ لذكراكم يصون)
.................................................. .................
" ليت قلبي ما عشق طيفك "
.................................................. .......
"صباح الخير ....عسى ما شر يالشيخ وينك والله أني أحتيك "
.................................................. ..........
"نايــــــــــــــــــــــــم......أن شاء الله نومت العوافي "
.................................................. ......
و المسج الثامن كان من محمد .......
"اسميك عفنت من الرقاد .. من تنش اتصلبي "
سالم :لا حول .. المسكينة من الصبح ترسل مسجات وأنا نايم في سابع نومه .....
و راح و اتصل سالم بمحمد ..
محمد : هلا و الله ..
سالم : حيبه .. علومك ؟
محمد : ايه بتخطف المول اليوم .؟؟..
سالم : ليش انت في المول ؟..
محمد : هيه ..
سالم : خلاص بتسبح و بييكم ..
محمد : غايته ..
و نش سالم و تسبح و تلبس وصلى وطلع من حجرته ....
ظهر سالم من الحجره و ان امه و الريم وسلامة ومبارك واليازية يالسين في الصاله .....
وسلم ويلس وتقهوى وبعد ربع ساعة قام من مكانه ....
سالم : مبارك ما بتخاويني ..؟؟؟..
مبارك : الرحمن ..
سالم :يا ريال نش ....والله أني اموووووت في مخاوتك .....
مبارك:عاد اذا أنت تموت في مخاوتي لازم أروح ...بس خلني أقول لأحمد يلاقيني في المول ....سلامة من سمعت طاري أحمد تم قلبها يدق بقوا ...........................
سالم:خلاص قوله ...
مبارك اتصل بأحمد وخبره أنه يي المول ........
و راح سالم ومبارك العين مول .. ...........
ولاقوا محمد وهزاع وأحمد في العين مول ..تمو الشبيبه يحوطون في المول .. و مبارك ما سلمت بنت من لسانه ..
سالم : لا حول .. بتخبرك لسانك يحجك انت ..؟؟.
مبارك : خلنا نسترزق ..
سالم : تسترزق عبنات العرب ..؟؟..
مبارك: شوف هالبنات ما اين المولات الا عشان الشباب يرقمونهن .. و الا يعله في ذمتك هاذيج شيفتها شيفت وحده تبى الحشمه .؟؟
أحمد: تبون الصدق .. ما جذب مبارك .. البنات ظيعن المذهب ..
سالم: : ظيعن المذهب و الا ما ظيعنهن .. ما علينا منهن ..
هزاع: لا سالم .. ياخي اللحين الغشوه ما يعرفن دربها ..
سالم: بنت العرب حاشمه عمرها بغشوه و بلا غشوه .. و الله يا بنات ما يعرفن الشيلة و حشمات عامارهن زود عن بنات متنقبات .. ...................
أحمد:يا ويل حالي انا .. الشيخه .. و تم يرقم ..
مبارك : ههههههههههههههههههههه .. و تباني ايوزك ختيه بعد ؟؟.. بتبطي الساع ما قربتبك ..
هزاع :ليش أحمد خطب أخته ؟؟؟..
أحمد بمزاحة : لا بعدني ما ادبست بالكتبية بس على وشك انشالله ..
و من عقب راحو الشباب و شافوا فلم في السينما......... .. ... ... ...
في حجرة اليازية .....
العنود:وين كان سالم أمس والله أني استهمت عليه .....
اليازية:ما راح مكان ...كان يالس عند الشباب في الحوش ....
العنود:على طاري الشباب وين الكيمره نبا نشوف الشريط ....
اليازية :بروح ايبها ....
وراحت اليازية صوب حجرة سلامة اللي كانت قافلة الحجرة وتشوف الشريط .....
اليازية وهي تدق الباب :سلامة فتحي الباب .....
سلامة وهي تربع صوب الحمام وتفتح الباب وتنتظر اليازية علشان تدق عليه مرة ثانية .....
اليازية وهي تزيد الدق :سلامة طلعي الكيمره .....
سلامة وهي تصارخ من الحمام:حــــــــــــــــــــــــــزن
اليازية:يحزنج ....هاتي الكيمرة ...
سلامة:ما أقدر أنا في الحمام ....
اليازية:شو تسوين ...
سلامة:أتسبح ......
اليازية:تراه عليج معلم بعد شوي .....
سلامة وهي تصارخ:كنسل الحصة بيروح دبي بعياله وحرمته .....وبتكون الحصة باجر .....
اليازية:الله لا يوفقه .....
وراحت اليازية لحجرتها ودخلت وقفلت الباب ورأها .......
سلامة من سمعت بأن اليازية راحت قعدت وتمت تشوف الشريط في غرفة الملابس وكل ما يطلع أحمد تعيد للقطة 10 مرات ...
في حجرة اليازية......
العنود:وين الكيمرة ....
اليازية:عند سلامة وهي تتسبح وما تقدر تطلعها لي ....
العنود:اهااااا....اليازية
اليازية:هلا ....
العنود:أحس أني كل يوم أتعلق في سالم أكثر ...
اليازية:أن شاء الله .....هو يتعلقبج ...
العنود:آمـــــــــــــــــيــــــــــــن .....
اليازية:طرشتي له مسج من قريب ...
العنود:ايوه طرشت اليوم 7 مسجات ...
اليازية:خيبة ..مرة وحدة
العنود:شو أسوي خفت عليه ....
اليازية:يالله على الحب ......
العنود:شو رايج نرسله ...
اليازية:بيقول أذتني هالانسانة .....
العنود:ما رد عليه يوم طرشت له المسجات 7 ....
اليازية :خلاص خلينا نطرش له ......
محمد وسالم بعد ما شافوااا الفيلم اللي في سينما العين مول راحوا صوب ميلس قوم محمد ....أما مبارك ما طاع يروح في خاطرة اليوم بنات واااايد في المول ولازم أستغل الفرصة ووزع الرقم على جميع الجــــــــــــــــنس الــــــــــــناعــــــــــم ...........
سالم ومحمد كانوا مندمجين في الرمسة وقطع عليهم بوصول المسج لتلفون سالم ....
"البارحة و نيت من قلبٍ عويجي.. و القلب صابه من بلاوي الحب عايق"..
محمد : مسجات مالها والي ..
سالم : ياخي ما اعرف شو اسوي بهالبنت ..
محمد : خاوها ..
سالم : شوووو ...!!!!!!!!!...
محمد : شو شو ؟؟..
سالم : شو خاوها بعد ..؟؟.. عنلات صداك شو تشوفني جدامك .. ملغوث عالحريم ..؟؟؟..
محمد : انزين انت ليش معصب .. ما تباها طبها عنك ..
سالم : ياخي تفكيرك خايس .. ...
محمد : انا الحين تفكيري خايس ..؟؟!!!..
سالم : هيه ..
محمد : انت ليش مكبر السالفه .. خلاص كلمه قلتها و السموحه عليها سحبناها ..
و نش محمد يصب له عصير ..و سالم حاز في خاطره .. لانه عصب على محمد بدون سبب .. و محمد نفسه سوى من أسلوب سالم .. بس ما بغى انه يرمسه .. و رجع محمد صوب سالم ..
سالم :حموووود .. عندك مسجات حلوه ..
محمد : خل الحبيبة اطر شلك مسجات .. مسجاتها أحلا .
سالم : لا حوووووول .. ياخي انزين شو تباني اسوي ..
|