محمد : لا تسوي شي .. لم ثمك ..
سالم : محمد ..
محمد : شوف سالم .. انت تغلط و لا تبى حد يقولك انت غلطان .. توك تقول احب شوق و ذابحتني و ما ادري شلون أقدر أنساها .. و اللحين هذي البنت مطرشتلك مسج .. وفيها سوالف حب وغرام وشوق و تقول تعرفون بعض من سنتين مو من كم من يوم .....
سالم : ياخي هي اطرش شو اسوي بها ..
محمد و هو معصب : هزبها قولها ازيد ما طرشتي لا طرشين ..
سكت سالم ..
محمد : تعرف سالم انت شو مشكلتك ..؟؟.. تحب شوق وحتى الحين تفكر فيها .. بس انت تعرف انها ما بتكون لك لانها تزوجت بأنسان ثاني والحين تلقهم في باريس ولا ايطاليا في شهر العسل ...وتخلي هذي البنت سبير عن شوق .....
سالم : ياخي تحسسني اني نذل ..
محمد : حشاك .. بس لا تلعب عالحبلين ..
و في هاللحظه رن تيلفون محمد .. ارتبش .. و تأخر اللين ما رد
محمد : مرحبا الساع حيبه ..
...: هلا و غلا ..
مجمد : هلا و الله ..
... : شحالك ..؟؟..
محمد : بخير ربي يسلمك .. و من صوبك ؟
.. : شو مشغول ..؟؟..
محمد : يعني ...
.. : امممم .. خلاص عيل بخليك ..
محمد : انشالله من اتفيج بتصلبك ..
... : ربعك عندك ..؟؟؟..
محمد : هيه ..
... : و الله ..؟؟!!.. خلاص عيل بسكر عنك اللحين ..
محمد : في وداعت الرحمن ..
و سكر ..
سالم : ياخي اللحين شو اسوي ؟؟..
محمد : في شو ..؟؟..
سالم : فشو بعد فهالبنت ..
محمد : سهله .. اتصلبها و قولها لا تطرشلك مسجات ..
سالم : ما ترد عليه لو اتصلت عليها يومين وراء بعض ماتــــــــــــــــرد .......وبعد أخاف اجرح شعورها ...
محمد بنقه : لا و الله ..؟؟.. !!!..
سالم : فكنا الله يخليك من هالطاري.... ..
محمد:أمانة تطرش لها مسج واحد .....بس مسج ..
سالم:مو الحين أنت تقول لا تعطيها ويه ......
محمد:كلام .... أكيد الحين تلقها قاعدة على نار تتنظر مسج منك ............
أرسل سالم مسج للمجهولة((العنود))......
فتحت العنود الرسالة وكانت .......
"عيني تمنى شوفك لوني جتيل سيوفك ......قلبي تراج روفك لا لا تكسر فنه ........دنيا تدور وتكبر وأنت بعيني أكبر ..."
محمد:حرام عليك تحسسها أنك تحبها ...
سالم:الا أعرف ...ليش ما ترد على اتصالاتي ....
العنود من قرأت المسج تمت مسدوحة على الفراش تحاول أنها تستوعب المسج .....
العنود وهي تلعب بشعرها :ظنج اليازية ....من قلبه هذا الكلام ....
اليازية:ممكن ....ليش لا...
العنود:والله أني خايفة .....
اليازية :من شو ....
العنود:انه يعرفني اني انا اللي أرسل المسجات ......
اليازية :أن شاء الله ما يعرف .....
وشوي يوصل مسج من سالم .........
"هلا الشيخة ...أشحالج أن شاء الله بخير ......أقول طويلة العمر ليش ما تردين على اتصالاتي ترى بموووووووت اذا ما سمعت صوتج "
ردت عليه
"كل شيء بوقته حلو ....ياشيخ الشباب "
رد عليها
"بس أنا ما أقدر صبر....... أكثر من جذي "
ردت عليه
"سوري ما أقدر يالغالي "
وأغلقت العنود التلفون بسرعة وغيرت البطاقات من المدفوعة للخط ..........
.................................................. .........
الساعة 9 فالليل كانت سلامة تكلم سارة في التلفون ........
سلامة:أخبار أحمد عساه بخير ....
سارة وفيها ضحكه :يسرج حالها ما يشكي من بأس ؟!؟!؟!؟
سلامة:باجر المعلم بيكون عندنا أو عندج .....
سارة:لا بيكون في بيتنا ...لان كلهم بيروح الهير صوب بيت يدي ....
سلامة:خلاص اتفقنا .......أقول
سارة:هلا
سلامة:وين أحمد ......
سارة:هذو توه ياي من برع ......
سلامة:قولي والله ....
سارة :ليش بكذب ....
سلامة:ابا أسمع صوته ....
سارة:من صدقج ..
سلامة:ايوه
سارة وهي تكلم أحمد اللي كان يشرب شاي :عرب عيونهم سود .....يبون يسمعون صوتك ...
أحمد من قالت له سارة عرب عيونهم سود ...يا في باله سلامة ......وراح وخذ التلفون من أيد سارة .....
سلامة((( تمت تدعي على سارة لانها تحسبها تمزح عليها ...يوم قالت لها أن أحمد توه حادر البيت .....))
أحمد بصوت ناعم :...ألوووووو...
سلامة تمت مستحية :............
أحمد:مرحبا بالشيخة سلامة ....ليش ما ترمسين يا بعد قلبي ....
سلامة من قال لها يا بعد قلبي قالت :......ألوووووو.....
أحمد:أشحالج ...
سلامة:بخير ونعمة.......وأنت اشحالك
أحمد:....يهمج تعرفين حالي ....
سلامة:.................
أحمد:تراج تذبحيني بسكوتج ....
سلامة:شو تبيني أقولك ...
أحمد:اللي في خاطرج ...
سلامة:..............
أحمد:.................
سلامة:امممممممم
أحمد:أمري شو تبين
سلامة:خلاص ابا سارة .....
أحمد:وأنا وين موقعي من الإعراب ....
سلامة:ما أدري ...
أحمد:بس أنت يا سلامة موقعج بين ضلوعي ......أنتي ملكتي قلبي وعقلي ........
سلامة من سمعت هذا الكلام سكرت في ويه أحمد .....أما أحمد تم يضحك على ردت فعل سلامة .....
أحمد سكر التلفون .....وسارة كانت تطالع فيه ....
سارة:ليش سكرت ...
أحمد:هي سكرت ....
سارة:من كلامك اللي ما له معنى ....
أحمد:لا والله ....
سارة:هيه
أحمد:أقول سارة ....
سارة وهي تعيد الرقم :شو ...
أحمد:قولي لسلامة أني اباها .....
سارة وهي مستغربة :شـــــــــــــــــــو
أحمد:اباه على سنة الله ورسوله ...
سارة:من صدجك ....؟!؟!؟!؟
أحمد:ايوه .....
سارة:خلاص أنا راح أقولها وأرد عليك ....
أحمد:سلمي عليها وقولي لها صوتها غرام ....وشكله يخبل وبنت عرب وناس غاليين على قلبي .......وهذي البنت اللي أدور عليها .....
سارة والابتسامة على ويها :من عيوني ......
ردت سارة واتصلت على سلامة ......سلامة من شافت الرقم ردت بسرعة ومل خلت له مجال يصيح أكثر ..........
سلامة وهي متحمسة :..ألووووو
سارة:أهليين ....علومج ليش سكرتي .....
سلامة:تراه ذبحني بكلامه ....وما قدرت أستحمل أكثر .....
سارة:اهااااا ....
سلامة:ليش ما اتصلتي عليه بسرعة .....
سارة:أحمد كان يكلمني ....
سلامة وقلبها يتقطع:في شنو .....
سارة:ام ممممم
سلامة:حرام عليج ...تراج تذبحيني ....
سارة:كلمني عليج ....
سلامة:شو قال ....
سارة:قال خبريها أني ابيها ....
سلامة:يعني شنو ...
سارة:يعني يباج على سنة الله ورسوله .....
سلامة:قولي والله ...
سارة :والله وقال بعد .....
سلامة:أه شو تراج تقطعين قلبي ...
سارة:أنه صوتج غرام .....
سلامة:اهااااا
سارة:وشكلج يخبل ...
سلامة:ياويل حالي أنا
سارة:وبنت عرب وناس غاليين على قلبي .....
سلامة:ما أقدر أستحمل أكثر من جذي .....
سارة:وأنتي شو قلتي ؟!؟!؟!؟
سلامة:في شنو ...
سارة:أحمد ..تبينه أو لا ...
سلامة:من صدقج ...أكيد أباه يعني أفداء روحه وقلبه وعقله وعينه وكل شيء .....
فهاللحظة كانت الريم داخله الصالة .....
الريم وهي تسمع كلام سلامة :من هذا اللي راح تفدينه ......
سلامة واللي تغير لون ويها مليون لون :شو ....
الريم:من اللي راح تفدينه كل هذا ....
سلامة:ما لج خص ...
الريم:تحبين من ورانا .....
سلامة:لا والله .....
الريم:عيل منو هذا ...
سلامة:ما راح أقولج ....
الريم:أن شاء الله بعد ربع ساعة الخبر عند مبارك ....وبتكون جميع حقوق الطبع محفوظة للريم ......
سلامة وهي خايفة: تخسي أنتي ومبارك ....
الريم:تخسي والله يا خبره .....
سلامة:بعدين راح أقولج ....
الريم:حلفي ...
سلامة:ليش أحلف قلت بخبرج يعني بخبرج ....
الريم:في ذمتج أنج بتخبريني ....
سلامة:اها يالله عطيني مقفاج علشان أكلم سارة في الامتحانات والملخصات ......
راحت الريم عن سلامة وكل تفكيرها من هذا اللي راح تفدينه يا سلامة ........ سلامة كملت رمستها عند سارة وبعدين سكرت منها و راحت تصلي العشاء .......
أحمد كان يحوط في الحارة وكان كل تفكيره في سلامة ........
أحمد شالنه هوى الغزال الكتبي ... كان رايح و راد من هذا الشارع للشارع الثاني ....... و هو يسمع المسجل...........
و كان خلالالاص ميت من سلامة ... عمره ما اثرت فيه وحده مثل تأثير سلامة عليه ......{مع أنه شاف وكلم بنات واااايد الا سلامة غير عنهن كلهن }..........
و يرن تيلفون أحمد ...
أحمد : مرحبا الساع ...
مبارك : مرحبا ملاييييييييييين ...
أحمد : و لا يسدن بالكتبي ...
مبارك : تسلم الغالي .. علومك بو سيف ..
أحمد : علوم الخير يالخوي ... و من صوبك .؟؟
مبارك : علومي تسرك و لا تضرك ..
أحمد : يالله عساك دوم انشالله ...
أحمد : يميع انشالله .... هاه المزيون وين دارك ؟؟؟
مبارك : أنا ولا أنت .....
أحمد : والله انا راحت عنك ......لان العيوز اتصلت عليه وقالت تعال داخل البيت
مبارك : افاااا ليش ؟؟؟؟
أحمد : الا تبا تروح الجمعية .....
مبارك : اهااااا ....
أحمد:وين بتروح الحين ...
مبارك:مالي نفس أطلع من البيت ...
أحمد:افاااا عسى ما شر ....
مبارك:ما شيء شر بس رأسي يعورني ,,,,,
أحمد:كل بندول ....
مبارك:كليت ما يا به شيء ...
أحمد: خلاص أنا بسكر عنك واذا غيرت رأيك اتصل عليه ...
مبارك: ايه بتخبرك عاد .. تراني وايد عطيتك ويه ... يله يله جلب ويهك..... ..
أحمد: اجلب ويهي ؟؟!!!.. انت متصل مو أنا .......ما عليه الحين تمسح رقمي من تلفونك .....واعتبر ها أخر مرة اسمع فيها صوتك أو أتصل عليك ............
مبارك بغرور : ههههههههههه ... اذا ما تعنيت و اتصلتبي بمونه بتتصل عيل ؟.. ....
أحمد: عرب عيونهم سود ..
مبارك:يا ويل حالي أنا .....لا يكون طايح في الحب وأنا ما أدري......
أحمد:افاااا عليك أول واحد راح تعرف اذا صار شيء ....
مبارك:يا حيك .....
أحمد:عيل برايك ...شيء في خاطرك ....
مبارك:سلامتك ...بس لا تزعل علي ....اسوي سوالف عندك .......
أحمد:افاااااا أنا أزعل من خويي.....
مبارك:ههههه عيل يالله مع السلامة ......
أحمد :في أمان الله ....
وسكر مبارك من أحمد وراح صوب الخيمة .......اللي كان سالم ومحمد يالسين هناك .......................
مبارك:السلام عليكم ....
محمد وسالم:وعليكم السلام ...............
أنسدح مبارك على المخدة وكان قابض رأسه .......وكان سالم يطالع مبارك ؟...؟!؟!؟!؟!؟
سالم:عسى ما شر مبارك أشوفك قابض على رأسك ......
مبارك:ما شيء شر بس رأسي يعورني .......
سالم:خذ بندول ...
مبارك:كرهت هذا الطاري ...خلصت قوطي كامل وما نفعني ......
سالم:عيل ربط رأسك بالغترة ......
مبارك:تضحك بي ...
سالم:لا حشى بس أقول الصدق ......
محمد:اه اه اه اه اه ...
سالم وهو يضحك :وأنت شو فيك بعد .....
محمد:القروض حتى الحين ما وقعوا عليهن ...
سالم:الله كريم .....الخير مقبل ....
محمد:أن شاء الله ...........
مبارك:يا لـــــــــــــــــــــــــــــــــــــــــــــــــ ــــــــــــــــــــنــــــــــــــــــــــــاس رأسي يعورني ....
سالم تم يضحك على مبارك وشوي صاح تلفون مبارك ......مبارك تغير 360 درجة .........
مبارك بصوت ناعم :ألووووو ....
عالية:ألووووو ....
مبارك:هلا والله .....
عالية :أشلونك حبيبي ....
مبارك: بخير يا روح حبيبج .....
عالية:صدج ...
مبارك:قسم بالله أنه صدج .....
عالية:والله بمووووووت منك يا مبارك تراك تعذبني كل يوم أكثر ....
مبارك:افاااا ليش ....
عالية:{{أحــــــــــــــــــــــــــــــــــــــــ ـــــــــــــــــبــــــــــــــــــــــــــــــــ ك }}
مبارك:مشكورة الشيخة ....
عالية:وانت ...
مبارك:أنا شو ...
عالية:تحبني ....
مبارك:ممكن تقولين أعجاب بسيط ....
عالية:لا والله هذا اللي طلع منك ...
مبارك:ليش تحسبين شو بيطلع مني .....
عالية:تحسبتك بتقول حقي أنك ما تقدر تعيش بدوني ......
مبارك وهو يضحك:هههههههه قوية ...
عالية:قوية ليش ...
مبارك:يا حبيبتي ......أنا بعيش بج وبدونج ....وعلى فكرة عمري بيد الله مو بيدج ....
عالية:مشكور الشيخ مبارك ....
مبارك:لا شكر على واجب ....يا الشيخة عالية ....
عالية:أوكية أنا بسكر التلفون .....
مبارك:الله يحفظج ....
عالية سكرت قبل ما تسمع رد مبارك عليها ......أما مبارك راح وانسدح وكل تفكيره في الدوام اللي قرب ...................
وبعد ربع ساعة دخلت العنود واليازية وسلامة ........
العنود:السلام عليكم ....
محمد+سالم +ومبارك(اللي ما قام من مكانه وكان مسدوحة ):وعليكم السلام ....
مبارك:السموحة العنود ما أقدر أقوم أحس بروحي تعبان .......
العنود:لا عادي ...خذ راحتك .....
سلامة:شو فيك مبارك عسى ما شر ....
مبارك:سلامتج بس رأسي يعورني ....
سلامة :ما تشوف شر .......
ويلسن البنات عندهم وكان كل القعدة ضحك وسوالف ..................
العنود :اه يا بطني حرام عليك مبارك......دخيل والديك تسكت .....
مبارك:خلاص بسكت علشان عيون العنود.......
العنود:مشكور يا شيخ الشباب .......
سالم ما كان يتكلم{.{ وكان عايش في عالم المجهولة ويقول في خاطرة متى راح أشوفها ...... ليش ما أروح الاتصالات وأحاول أعرف الرقم حق منو....لا حرام برايها بيي اليوم بعرف منو هي ...بس ليش ما ترد على اتصالاتي.......ممكن تستحي}.}.
.................................................. .............
باجر الساعة 3 الظهر راحت سلامة صوب بيت سيف الخييلي ....علشان تدرسن عربي هي وسارة .....ودرسن لين الساعة 5 وربع العصر .... وبعدين سارة أجبرت سلامة تروح معها فوق لحجرتها علشان ترويها شيء ................دخلن الحجرة وكانت مدخنة ومعطرة وحاطة سارة الشاي والنسكافية والعصير والحلويات ...........................
دخلت سلامة الحجرة ويلست فوق السرير ....أما سارة راحت غرفة الملابس ورجعت وكانت شاله كيس ................
سلامة : شووو هذا ؟؟؟...
سارة : امممممممممممم ... هذي هديه ..
سلامة : حقي .؟؟... فديتج سارة انا كنت ادري انج تحبيني ... بس بصراحة ما توقعتج تحبيني لهالدرجه ...
سارة : و منوه قال اني أحبج ..؟؟؟..
سلامة : هههههههههههه ... يالسباله .. انزين جامليني ...
سارة : ههههههههههههههههه ... أولا هالهديه مب مني ... امممم ...
سلامة : ساروه شو بلاج ؟؟؟؟؟...
سارة : سلامي ... ما اريدج تفهميني غلط ..
سلامة : سارة شعندج ؟؟... يا ويلي رمسي ..
سارة : امممم ... سلامة ... هالهديه من أحمد و هو طلب مني اني اوصلها لج و هو ...
سلامة و تقطع رمستها : شووووووووووو ؟؟؟؟؟؟؟؟.... ليش انشالله هو منو يكون عشان يهاديني ؟؟؟.. يخسي الا هو .. شو يتحسبني وحده من خايساته ... عنلالالا ته ..
سارة : حوووووووه ... هدي اعصابج لا ينطرلج عرج ... خييييييييييييييبه نتفتي اخوي تنتيف ... حشى ..
سلامة : لا و الله ؟؟؟؟...
سارة : سلامة .. انجبي شوي ..
سلامة و هي منصدمة : انجب ؟؟؟؟...
سارة : هيه انجبي ... يا بويه عطيني فرصه أرمس .. و اخبرج بالسالفة .. من عقب سوي الي تبينه ... حشى .. اسميك يا أخوي أحمد ما ظويت عخير يوم ظويت ..
سلامة بنقمه : لا و الله ؟؟؟... رمسي بالي في خاطرج اشوف ...
سارة : .......
سارة : يالله عليج ...... تعرفين انه راح السوق أمس فالليل و شرالج هالهديه و رد عليه و عطاني إياها .. ؟؟؟
سلامة : سارة .. لو الموت ما خذتها ..اذا كانت هذا تفكيره ....
سارة : لا و الله ؟؟؟... ليش عاد ؟ ...
سلامة : لا و الله .... تبيني اخذ هديه من واحد لا اعرف و لا يعرفني و لا هب من هليه بعد ..
سارة : حي .. وين ما يعرفج و لا تعرفينه ... سلامة لا تكابرين .. أنا أدري ان أحمد يحبج .. و انج أتحبينه ..
سلامة : شوووووووو ؟؟؟...
سارة : ههههههههههههههه هههه ... عنبوج يالزيغه شو تسوين ... خيبه كل هذا خوف ؟؟.. ههههههههههه
سلامة : ليش سارة انتي ما تبيني أخاف ؟؟... تخيلي لو الخبر وصل محمد و الا سالم .. و الا مبارك حرااام لا يقصبوني قصاب ....
سارة : سلامة انتي ما غلطتي بشي .. انتي تحبين أحمد ......الحب مو عيب ......
سلامة :... بس أحمد شو يكونلي ؟؟؟؟....
سارة وهو تضحك : يقربلج .....ياركم ..
سلامة : يالله عليج ... اليار الحين يقربلي
و في هاللحظه دخل أحمد عليهن ... كان شكله عجيب (لابس كندورة بيضاء وبدون غترة وكان مطول شعره شوي ).....
سلامة من شافت أحمد وقفت مكانه ....وأحمد من شاف سلامة وقف قلبه وتم يطالعها .....لحظة صمت وكانت العيون هي اللي تتكلم في هذيك اللحظة ......
سلامة وهي تعدل شيلتها :أنا بروح البيت سارة ....
لمت سلامة كتبها وقامت بتطلع الا أن أحمد كان واقف على الباب .....
سلامة:لو سمحت شوي ......
أحمد:ما ابا ....
سلامة وشكلها بتصيح:حرام عليك ......ابا أروح البيت ...
أحمد ما تحرك ...بس سلامة قالت في خاطرها اذا تقدمت هو بيوخر عنها الا انها يوم تقدمت صوب أحمد ما تحرك ...ردت سلامة وراء وتمت تطالع سارة .......
سلامة:سارة قولي لاخوج ....
سارة كانت مصدومة من وجود أحمد في حجرتها فما قدرت تنطق بكلمه .......
أحمد وهو يطالع في سلامة :سلامة أنا أحـــبــــــــــــــــــــــــــــج ....
سلامة:لو سمحت شوي ....تراني بخبر عليك مبارك ....
أحمد :ما عليه من مبارك ......ولا من حد أنا أحـــــــــــــــــــــــــــبــــــــــــــــــــ ــــــــــــــــــــــــــــــــــــــــــــح ....وراح أحمد ومسك أيد سلامة ......سلامة من حست أنه مسك أيدها بكت بدون مقدمات ......وأحمد من شاف سلامة تبكي طلع برع وسكر الباب وراه.....
سارة:خلاص سلامي ....
سلامة:وخري عني .....
وفتحت الباب وراحت صوب الدري واللي كان أحمد واقف هناك ........
سارة وهي تتقدم لسلامة وشكلها بتصيح :حرام عليج سلامي والله ما كنت أدري أن أحمد ما راح الهير .....
سلامة وهي تصيح :لا تحاولين أنج تبررين موقفج .....كنتي تدرين بوجود أحمد في البيت ....خليته يستغل الفرصة ...
و نزلت سلامة ولبست نعولها .....وتمت تسير في الحوش وهي ماسكة كتبها وتصيح من خاطرها ((لانها كانت خايفة على نفسها...ولان سارة ما قالت لها أن أحمد في البيت وممكن يدخل بأي لحظة عليهن)) ..........
أما سارة كنت تلوم بأحمد في الدري.....
سارة وهي تبكي :أنت أكيد موب أنسان ....حرام عليك بسيتك راح أخسر ربيعتي ......
وربعت سارة صوب الحوش .......بس ما حصلت سلامة .....................
...طلعت من باب الدروازة شافت سلامة بعيد من بيتهم ........ وكانت قريب من بيتهم ...
*&*((الجزء الثاني عشر))*&*
((في الصالة))....
العنود واليازية والريم يالسات في الصالة اللي تحت ......طالعن التلفزيون ....
العنود: اليازية ....الحين البروجيكت متى راح نسلمه ؟!؟!؟
اليازية:على ما أعتقد الدكتور قال يوم الاثنين ......
العنود:أحسن ....بعدنا ما خلصنه كله ......بيكون عندنا وقت ....
فهاللحظة دخلت سلامة الصالة وكانت تبكي وراحت صوب الدري علشان تروح حجرتها ....الريم اخترعت من شافت سلامة تبكي تقدمت لها علشان تسألها شو فيها .......
الريم تمسك أيد سلامة :سلامة شو فيج ليش تصيحين ....
سلامة وهي تمسح دموعها :ما فيني شيء وخري عن طريقي .....
الريم لا اراديا ... وخرت عن سلامة وهي مستغربة ليش تبكي سلامة أكيد متواجعه عند سارة ......
راحت سلامة حجرتها وقفلت الباب على نفسها وتمت تبكي من خاطرها ........
الريم تلتفت لليازية والعنود:عندكن برود أعصاب خطير ....
اليازية:شافنج قمتي قلنا خلاص أنتي راح تخبرينا بالموضوع .....
الريم بنقمة:لا والله ......
وراحت الريم تدق على سلامة اللي ما رضت تفتح الباب لريموه ....................................
الريم:سلامي فتحي الباب ....أمانة فتحي ...........
سلامة ما كانت ترد على الريم .......
يلست الريم نص ساعة وهي تدق على سلامة اللي ما رضت تفتح لأحد .........................
...............................................
أحمد كان يحوط في سيارته الرنج السوداء ومضايق من الوضع اللي حط فيه سارة وسلامة ....اللي كان بالصدفة ......قال في خاطرة أحسن شيء أتصل بمبارك وأساله وين هو الحين ......وأروح صوبه علشان افكك رأسي ....
مبارك : مرحبا السااااع ..
أحمد : يا بو عيون سو وود و وساع ...
مبارك : ههههه و منوه جاذب عليك ها لجذبه ... لا تصدق أشاعه أشاعه .. انا عيوني خبو ووق ربي لا هانك ..
أحمد : لالالا ما اصدق ... حاطينك غرشووب زاخر .. و امس متوجينك شيخ مزاييين الكتبين ..
مبارك : ههههههههههه بعد ؟؟!!... .. منو الريال ؟؟
أحمد : معجب انا و اعجابي يزيد ... الشيخ ممكن نتعرف ؟؟..هههههههه
مبارك : هههههههه تتعرف ؟؟!!.. اقول الغالي قدم اوراقك فمكتب السكرتير و راجعنا عقب شهر ...
أحمد : السكرتير بعد مش مكتبك ؟؟!!!... هههههههه منحقك يالكتبي .. اففف لو ما كنت احبك بس ..هههههههه
مبارك : هههههههه فديت عيونك يالخييلي ... حرااام اني اموووت عليك .. فديت منطوقك و الله .....
أحمد : هههههههههه.. تسلملي يالغالي .. هاه المزيون وين دارك ؟؟..
مبارك : ربي يسلمك انا متواجد في الدولي للألعاب حاليا ...
أحمد : و الله ؟؟.. عيل انا اسير صوب الدولي اللحين ..
مبارك : و الله ؟!؟.. غايته ....خلاص الغالي برقبك عيل ..
أحمد : خلاص عيل بنتلاقى بعد ربع ساعة ........
مبارك : خلالاص تم عيل.....
قعدوا في الدولي حتى صلاة المغرب....... و تخاووا أحمد فسيارة مبارك........ بعدين راحوا يحوطون شوي في الشعبية ......
أحمد كان ساكت وقليل يتكلم ....أما مبارك لحظة ها لشيء على أحمد ....اللي مب طبيعي ......اليوم ...
مبارك:بو سيف عسى ما شر أشوفك مهموم وشال الدنيا فوق رأسك ........
أحمد:ما شر بس شوي تعبان .....
مبارك:من شنو ....
أحمد:حتى أنا ما أدري شو فيني ....
مبارك:أنا أعرف عوقك يأخوي ....
احمد والابتسامة في ويه:شنو ...
مبارك وهو يأشر على قلب أحمد :قلبك .....
أحمد من سمع قلبك خاف ليكون مبارك حاس بشيء :شو ...
مبارك:قلبك حد فاز فيه ....
أحمد:لا والله .....
مبارك:لا تحاول أنك تبرر لي أنا أدري بالموضوع .........
أحمد:أي موضوع ....
مبارك:موضوع قلبك .....
أحمد وخلاص ما قدر يستحمل :شو فيه قلبي ....
مبارك:يحب ..
أحمد:حرام عليك تتهمني بشيء انا ما فكرت فيه ......
مبارك:من قال أن الحب تهمه بالعكس ما شيء أحلى من الحب في هذي الدنيا.......
أحمد يحاول أنه يغير الموضوع: أفااااا ما صدق للي يتكلم قدامي مبارك ....
مبارك:ليش عاد ....
أحمد:اللي يسمعك يقول عند شهادة في الحب .....
مبارك:تصدق يا أحمد ...
أحمد :شنو ..
مبارك:أحاول أجرب الحب ....بس ما لقيت الشخص اللي اعطيه الحب والشوق اللي في قلبي ....
أحمد وهو يضحك :يعني الحين أنت في غرفة الانتظار .....
مبارك وهو يضحك : هههههههههههه حلوة هذي ....
أحمد:وأنا من مثلك ....في الغرفة الانتظار
مبارك:أنت تكذب عليه أحس أنك تحب.................. وخاص يوم الاربعاء ارتبشت وكنت توصل اهداءات للحبيبة ....
أحمد:لا والله بس علشان الفت انتباه الشباب ...كان هذا تفكيري .....
مبارك:قول تم ...
أحمد:تم ...
مبارك:اذا حبيت أكون أنا أول شخص يعرف بالموضوع ..؟؟
أحمد :من عيوني ...
مبارك:شو رأيك نروح الميلس مالنا ....
أحمد:على كيفك ...
وراحوا صوب ميلس قوم مبارك ........
.................................................. ...................
في الصالة الريم تتصل بنوف علشان تسألها عن البحث .....بس نوف ما كانت ترد على تلفونها واتصلت على البيت ........
الريم : الو .. السلام عليكم ..
راشد : و عليكم السلالام و الرحمه ..
الريم : شحالكو.؟؟
راشد : بخير و نعمه الشيخه ..
الريم : منو الريال ؟؟؟
راشد : شووو ؟؟؟ ... انتي منوه تبين ؟؟..
الريم : حشى عافانا الله .. شو اشحت منك انا ...
راشد : اففففففففف ... الشيخه منوه تبين ؟
الريم : اريد نوف .... و بعدين لا تتأفف ..
راشد : انشالله .. لحظه ..
راشد : نوووووووووووووفووه .....نوف
نوف : اووووه شو هذا الواحد ما يعرف يرتاح في هالبيت ؟؟..
راشد : شعندج تتحرطمين ؟؟..
نوف : كيفي مواطنه .. كيفي يعني .... شو تبا .؟؟
راشد : وحده تباج في التيلفون ...
نوف: يالزفت و ليش ما قلت ... و ترووح نوف صوب التيلفون ..
نوف : الو
الريم : بابا فين ..
نوف : بابا هينه هن هو .. أأوله من بيكلمووو ..
الريم : هههههههههههههه ... فقتج ..
راشد : هيه يوم التلفون خاز عنج التعب .. و لو انا طلبتج بشي جان صميتيني ع ويهي ..
الريم : الا بتخبر هالملقووف منوه ؟؟؟... عبيد أخوج اللي تكلميني عنه ؟؟
نوف : لا فديت عبودي و الله ... هذا بوثنيده ..
الريم : هههههههههههههه ...
راشد : بو ثنيده ؟؟؟... الله لا بليتنا باليهال ..
الريم وهي تضحك : ههههههههههه .. فديتج سلمي عليه ..
نوف : رشود .. يسلمون عليك ..
راشد : الله يسلمهم من الشر ..
الريم : عاد هو تراها ما عرفني منو انا ...
نوف : و الله ؟؟... راشد معقوله ما عرفت بنت شيوخ دبي .......
الريم:سلامي عليج ......شيوخ دبي مرة وحدة .....
راشد و هو يكابر : لا عرفتها و لا اريد اعرفها .. و عن الحشره خليني اقرى الجريدة ..
حزت فخاطر الريم رمست راشد ...
الريم:ترى أخوج واااايد شايف نفسه ...مغرور
نوف:قلتيها بنفسج شايف حاله ...
الريم: نفسي أشوفه علشان أتأكد على شو شايف حاله .....
تأكدت الريم أن نوف خلصت البحث وأن شاء الله باجر بتسلمه .....
وسكرت عنها ...
.................................................. .........................
في الصالة الكل يالسين على العشاء ما عدا سلامة اللي حتى الحين تحت تأثير الصدمة .....{{على بالها أن سارة مسويه خطة عند أحمد علشان يدخل الحجرة ويشوف سلامة ويكلمه؟؟؟؟؟ وما توقعت أنه يمسك أيدها}} ...............واذا عرف مبارك بالسالفة بيذبحها ..............
مبارك:أكيد القيامة قربت وين سلامي ما أشوفها على العشاء ....
الريم:دخل غرفتها ما رضت تفتح الباب .....
أم محمد:عني أفداها تذاكر حتى الحين .....
مبارك: ريموه روحي خليها تنزل .....
الريم:ليش عاد ....أمكن ما تريده لانها تعرف أن الحين نتعشى .....
مبارك وبحزن :كانت تغسل الصحون عدل......حـــــــــــــــرام اليوم محمدوه بي تعب من كثر الغسل أول من يحطهن في الماء صارن تلمعن ....وكله بفضل سلامي .....
فهاللحظة صاح تلفون البيت راحت الريم ترد عليه بس مبارك أشر لها علشان هو يرد عليه ..............
مبارك وهو يرد :ألوووووو......السلام عليكم .....
سارة:ألووووو ..وعليكم السلام ؟؟؟
مبارك:اشحالج ...؟؟
سارة:بخير وبنعمة !!.....
مبارك:منو الأخت؟؟؟
سارة:شو ....
مبارك:منو تبين الشيخة؟؟؟
سارة:ابا سلامة ....
مبارك: سلامة داخل حجرتها وما نزلت حتى الحين من تنزل راح أخليها تتصل عليج ....منو أقولها
سارة:ربيعتها ...
مبارك:أدري أنج ربيعتها بس ألنك نيم مالج شو ؟؟
سارة:لازم ..
مبارك:اذا تبين تكلمينها لازم ؟
سارة:خلاص قول لها سارة اتصلت عليج
مبارك:من عيوني
سارة:تسلم عيونك ...
مبارك:.................
سارة: امممم ........مشكور يا الطيب ....
مبارك:افاااا واجبنا ...بس انا بكلمج لين ما تنزل سلامة ....نخطف الوقت ...
سارة :لا والله ....أوكية مع السلامة
مبارك:في أمان الله ....يا بنت الشيوخ ....
سكرت سارة من مبارك وكلها حزن وهم وتقول في خاطرها أكيد سلامة زعلانة مني ....ليش ما نزلت حتى الحين ...أنا لازم أشوفها وأكلمها بس ما أقدر أروح لهم الحين ....باجر في المدرسة راح أكلمها ........
.................................................. ............
الساعة 11ونص كان سالم نايم على السرير ويقلب المسجات اللي في تلفونه وقال في خاطره ليش ما أرسل مسج {{للمجهولة}}.......الا أعرف ليش ما ترد على اتصالاتي...... والله بموووووت اذا ما سمعت صوتها .....
أرسل مسج لها .....كانت العنود قاعدة على الفراش وتلعب بشعرها وتتسمع المسجل وكل تفكيرها في سالم من سمعت المسج افترت للتلفون وفتحت الرسالة وكانت ......
...( اتصلبي تسلم اعيونك .. ما يطيق القلب هجرانك ... لتصلت و قلت يا عونك ... ينشرح قلبي على شانك ...)
العنود تقول مستحيل أكلمه ......وسالم كان ينتظر الرد من {المجهولة} .....بس ما طرشت له مسج ........راح ورد عليها ..
....***... ااااه يا من رووحه اعتلت و أصبحت في حسب لمواتي ...***....
العنود قرأت المسج وتمت تقول لا ان شاء الله أنا ولا أنت ..............
وردت عليه
"عسى عمرك طويل أن شاء الله ....."
ورد عليها ..
"هلا وغلا اشحالج ...الشيخة ....علومج ....ابا اطلب منج طلب "..
وردت عليه
"مرحبا مليون بشيخ الشباب ...أنا بخير.... عساك بخير أن شاء الله ....أمر... أنت أطلب مني وتدلل "
ورد عليها ..
"الحمد لله ما نشكي من بأس .....الا أقول من أسمج "
العنود من قرأت المسج نبضت ....وما فكرت في هذا السؤال....صح شو اسمي عمري .....
وردت عليه....
"ليش يهمك تعرف شو اسمي "
ورد عليها...
"أكيد الشيخة ....يهمني أعرف منو أكلم "
وردت عليه...
"شمسة يا طويل العمر "
ورد عليها...
"عاشت الا سامي يا شمسة "
وردت عليه....
"ليش حتى الحين صاحي "
ورد عليها...
"مافيني نوم ....ابا أكلم أحد "
وردت عليه..
"أنت الحين قاعد تكلمني "
ورد عليها...
"ياشمسة في فرق بين أنك تتكلم وبين أنك تكتب "
وردت عليه...
"صدقت يا الغالي "
ورد عليها....
"الحين أنا صدج غالي "
وردت عليه ....
"امممم ....أكيد يا بعد عمري "
ورد عليها....
"افاااااا ....تراني ما أقدر على الكلام الحلو يا حلوة "
تموا ساعة وبينهم المسجات ..........وبعدين أغلقت العنود تلفونها وغيرت البطاقات من المدفوعة للخط ....وراحت تنام لانه باجر بداية أسبوع يديد ......
سلامة ما طلعت من حجرتها وكانت متأثر حــــــــــــــــــــــيـــــــــــــــــــل باللي صار اليوم .....راحت وفتحت دفتر الخواطر ويلست تكتب ...
في وحدتك ......أحسد عليك الدقايق
ياليتني ساعة ....في زمانك ودنياك
وبعدت ما كتبت خربطت على الخاطرة بالقلم وتمت تبكي على الحلم اللي رسمته ويمكن ينهدم......
.................................................. ............................
بالباجر الظهر الساعة 2ونص دقت أم محمد على سلامة اللي خافت عليها لانها ما طلعت من حجرتها من أمس العصر ولا أكلت شيء .. .......
أم محمد وهي تدق الباب :سلامة بنتي فتحي الباب...
بس سلامة ما ردت عليها .....
أم محمد:سلامة بطلي الباب .....ياويلي يا بنتي لا تكون ماتت ......
زادت أم محمد الدق على سلامة ........
سلامة كانت نايمة في سابع نومه ....وقامت على دق الباب ....وراحت صوب الباب وفتحته ....
سلامة وهي فاتحة الباب:شو
أم محمد:ليش قافلة الباب ...والله أني خفت عليج .....
سلامة ما تكلمت وردت صوب فراشها علشان تكمل نومتها .....
أم محمد وهي طالع سلامة وهي رايحة صوب فراشها :سلامي بسج نوم الحين الساعة 2ونص الظهر قومي أكلي لج شيء من أمس ما ذقتي شيء ..... وشوفي اذا عليج مذاكرة أو واجبات ...........
سلامة وهي تتلحف بالفراش :أن شاء الله امايه ....
ردت سلامي تكمل نومتها لانه لين صلاة الصبح ما نامت .....
العصر خبرت الريم أمها انها موافقة على راشد ولد عمها ..............
أم محمد: الله يوفقج يا بنتي ....
الريم وهي منزلة رأسها :ويوفق الجميع أن شاء الله ....
مبارك:ياويل حالي على المستحى اللي ياي فجأة ....
الريم:ماني مستحية ..............حد خبرك أني مستحية ...
مبارك:أنتي ...
الريم:متى قالت لك ...
مبارك:بحركتج يوم نزلت رأسج .....
الريم:الله يعطيك نعمة العقل ...
مبارك:الله يعينك يا راشد على ريموة ...اسميها بتشوفك نجوم الظهر ....
الريم:تخسي أنا سوي براشد جذي بخليه في عيوني وأغمض عليه ......
مبارك: ....عز الله أنه مات ....أنزين أكرمينا بسكوتج ....الا أمايه وين سلامة مالها أثر ....
أم محمد:أحيدها نايمة ....
فهاللحظة دخلت سارة عليهم في الصالة وكانت شالها كيس في أيدها وكتب ........
سارة ما قدرت تتغشى من مبارك لان في أيدها اليمين الكيس والأيد الثانية الكتب .............
سارة:السلام عليكم ....
أم محمد:وعليكم السلام وراحت أم محمد وسلمت على سارة وبعدين الريم سلمت عليها وتخبرتها عن أحوالها .....
أما مبارك ما تحرك من مكانه كان يطالع سارة..... . كانت هالبنت سارة أحلا بنت ممكن العين تشوفها ..عليها جسم مرسوووم رسم .. و شعرها يتعدا الركب ... لها هيبة فرزتها ..تفز لها القلووب من حلات عودها ... اول ما شافها مبارك فج ثمه ما قدر انه يشل عينه عنها ..........
سارة:اشحالك أخوي ....
مبارك وهو يرد لوعيه :بخير يسرج الحال اشحالج انتي ......
سارة:بخير وبنعمة ...
الريم :استريحي سارة ....
مبارك من قالت الريم ســـــــــــــــــــــــــــــــــارة انتفض قلبه وقال هذي سارة ربيعت سلامة عنلالالالالالالالالالاتها ما حلها......الريم كانت تعطي مبارك نظرات علشان يطلع من الصالة علشان سارة تأخذ راحتها ........{{بس لا حياة لمن تنادي }}
الريم وقفت قدام مبارك:أخوي ممكن تروح علشان البنت تأخذ راحتها ...
مبارك وهو يشوار بها :وين أروح ....يعلج السل
الريم بصوت ما يستمع وايد :روح أي مكان يأخي ...
مبارك وهو يعطي الريم نظرات :أن شاء الله ست ريم ............
وراح مبارك وهو متخبل من سارة اللي كان جمالها مش طبيعي .....أنا لازم أكلمها أقولها أني أبا أكلمج في التلفون((مغازلجي درجة أولى)) ...
مبارك:أنا شو أقول هذي بنت عرب وقبايل ....بس والله أن قلبي يدق بسرعة .....
راح مبارك صوب ربعه .....أما الريم وسارة وأم محمد تمين يالسات في الصالة ................
سارة:وين سلامة ...
الريم:في حجرتها ....
أم محمد:قومي وديها حجرة سلامة ......
الريم: قومي سارة خلينا نروح صوب حجرة سلامة ...
سارة:يالله .....خالتي نستأذن منج ......شيء في خاطرج
أم محمد: سلامتج بس خذي راحتج يا سارة..... ترى البيت بيتج ...
سارة :أن شاء الله خالتي ...
وراحن الريم وسارة صوب حجرة سلامة ....الريم أشرت لها وين حجرة سلامة ....
سارة:وين رايحة أنت ؟.؟.؟.؟.
الريم وهي عند الممر:بروح أخليهم يسوون نسكافية ....
سارة:والله ما تحتشرين يالريم ...
الريم:والله ما راح أسوي شيء بس الخفيف ......
نزلت الريم تحت علشان تخبر ليلى تودي النسكافية والعصير وبسكوت وخضرة صوب حجرة سلامة ......
سارة كانت مترددة تدق الباب أو لا ....وبعد تردد دقت الباب .....
سلامة كانت تمشط شعرها:مــــــــــــــــــــن .......
سارة ما تكلمت واكتفت بالدق ....
راحت سلامة وهي معصبة وتقول في خاطرها هذي نيرة أو منيرة ما عليه ما ضربتها ....بس يوم فتحت الباب حصلت سارة قدامها .....
سلامة من شافت سارة قدامها ما تكلمت وراحت صوب المنظرة علشان تمشط شعرها .....سارة توقعت هالشيء من سلامة دخلت الحجرة وقفلت الباب ورآها ...وحطت الكتب والكيس على السرير ...وسارت صوب سلامة .....
كانت سلامة تطالع سارة من المنظرة بس يوم تقربت سارة منها نزلت سلامة رأسها تحت .....
سارة وهي تحط أيدها على كتف سلامة :سلامة والله أنج فاهمة الموضوع غلط .....
سلامة ما تكلمت وكانت الدموع تنزل من عيونها ........
راحت سارة وسحبت سلامة وخلتها تيلس على السرير ويلست مقابلتها ........
سارة:قسم بالله يا سلامي ماكنت أدري أن أحمد موجود في العين اصلا ...لانه قال لي أنه هو بيودي قوم أمي الهير صوب بيت يدي... بس أبوي وداهم ...حتى هو ما يدري أنج عندي في الحجرة ...بس كان خاطف صوب حجرته وسمع صوات وفتح الباب
|