أشكي على نفسي ولا به فوايد=عجزت لا ألقى لي رفيق أشتكيله

أنوح نوح الورق فوق الجرايد=ماعاد له جدوى ولا له وسيله

عليك ياللي كاسيتك القلايد=ياصاحبي يابو العيون الكحيله

فيك الحلا ياناعس الطرف زايد=وفيك الدلع خلٍ يلاعب خليله

الزين زينك سربهن وأنت قايد=خصرٍ نحيل وفوق هذا طويله

والردف يشكي من رفيقه عوايد=شفت الظهر في وقفتك ينحنيله

وليا مدحتك مابه أية جدايد=كم واحدٍ خليت نفسه ذليله

مادام وأمِك جابتِك برض زايد=يا ويل قلبي (جِد)ما فيك حيله

وش كثر أحبِك(حيل,مرَه,)و(وايد)=حب الفرزدق للحمام وهديله

ناوي بصيدك(شفتني اليوم صايد)=شوف الخلايا والعظام النحيله

تدري وش اللي حدني للقصايد=طيفك معي في كل يومٍ وليله