الجزء الثاني
((طلعو عبدالله وعلياء من الجامعه وقبل مايوصلون البيت....
.
.
(( استوى شي محد يتوقعه شي فضيع..شي ما كان يخطر فبال علياء..
شي غيرر ..شي
شي
أخليكم مع القصه عشان تعرفون..
.
.
.
.
.
((((يالس عبدالله يرمس مع علياء. في السياره))))
عبدالله: علياء أنا بقول شي بس لاتزعلين.
علياء: عبدالله شو فيك تراك طيحت قلبي.
عبدالله: فديت قلبج أنا.
علياء(محمره وساكته من رد عبدالله).
عبدالله( خايف ومتردد): والله أخافج تزعلين.
علياء: عبدالله فيك شي ..قوول لا تيلس تلف ودوور شغلتلي بالي.
((يوم توه بيقول رن تلفون عبدالله..))
علياء: الله يلعن هاالحاله..هذا التلفون ما عرف يرن إلا ألحين.
(ور عبدالله على التلفون )
عبدالله:ألو
بو محمد: مرحبا عبدالله.
عبدالله:هلا أبويه شحالك
بومحمد: بخير الحمدلله
عبدالله: هاه أبويه ..شي في خاطرك؟
بومحمد: هيه يابويه.. بغيتك اتسير تيب حشيش للحلال لأنه الهندي سافر والعمال مشغولين في المزرعه وأنا عندي حايه أقظيها في أبوظبي.
عبدالله:انشاء الله أبويه بس متى تباني أسير.؟
بو محمد: باجر ..أباك تنش من غبشه( من الفير) تيبه قبل الزحمه.
عبدالله: انشالله أبويه.....بس قوول لاميه توعيني قبل الصلاه.
بومحمد:انشاء الله بخبرها انا ...بس باجر عليك دواام؟
عبدالله: لا أبويهباجر عندي إجازه ,,,امس نازل من الدوام.
بومحمد : زين عيل برايك شي فخاطرك...
عبدالله: فداعت الرحمان.
(سكر عبدالله عن أبوه وحط التلفون عند القير ولف على علياء لقاها اطالع الشارع وسرحانه.)
عليا في خاطرها: عبدالله شو يبا يقولي ..يمكن يبا يقولي أحبج بس مستحي ولا السالفه خطيرة ما يبا يقولي ..ياربي شو يبا يقوول
عبدالله: علياء..((((علياء قاعده تفكر وما سمعته)))
عبدالله: شو ياها هالبنت((بصوت عالي))عليااااا
علياء: لبيه
عبدالله: وين سرحانه
علياء: لا مب سرحانه بس ..
عبدالله: بس شو؟؟
عليا: عبدالله قول اللي تبا تقوله
وتوه عبدالله يبى يقولها..
عبدالله( متردد): علياء أنا..أ.( رن تلفون علياء وظهرت التلفون تبى تعرف منو متصلها وشافت غريبه بنت يرانها متصله هي ربيعتها ووياها في الجامعه علياء تعرف انه غريبه تحب أخوها أحمد بس ما تدري انه غريبه ترمسه في التلفون توها يايه بترد عليها قالها عبدالله.
عبدالله: علياء خلاف ردي على التلفون أبى اقولج السالفه أول.
علياء حطت التلفون صامت وخلته عدال تلفون عبدالله.
علياء: ياالله عبدالله انقفض قولي من أمس ما رقدت زين أبا أسير أرقد.
عبدالله( تردد وغير رايه خاف يخبرها وتكرهه): لا خلاص ما بقوول
علياء(عصبت لانها متضيجه عشان طردوها ): ما بتقوول ؟؟.. الطقااق انشالله.
عبدالله( عصب من ردها بالسب): طقاق يطقج...
عبدالله: تعرفين لو ما أقوولج يكوون أحسن لي ولج...
علياء: والله حرام عليك تخليني أقعد أفكر...
عبدالله: لا يا حلوه لا تيلسين تفكرين لأني ما بقولج...
علياء: والله حرام عليك والله ..يعني يسد خليتهم يطردوني من الجامعه
عبدالله: عاد والله شو تبيني أسوي ..غرت عليج...
علياء: أصلن أكبر غلط سويته اني ركبت وياك....
(صد عبدالله قدام عنها وقال في خاطره أكيد علياء ماتحبني مثل ما أحبها
بس من تصرفاتها انا شاك انها تبادلني الشعور)...................
ووصلو بيت بو أحمد... ووقف سيارته في الحوش
عبدالله: أقوول نزلي بسرعه أحسن لج ...
علياء: ليش ما تقوولي ؟؟
عبدالله( حط صبعه على راسه وسوا حركه ): كيفي ...
علياء: أنا عرفتك ليش ما تبا تقول....
عبدالله ( واثق انها ما اتعرف لو تعرف ما بتكون راكبه معاه ): مستحيل تعرفين ليش......
(نزلت علياء وهي معصبه من عبدالله وسكرت الباب بقو ولفت تبى اطالع عبدالله جان روح ما شافت غير غبره لأن عبدالله من كثر ما كان معصب صيح ويل وروح ........وبعدين دخلت علياء الصاله حصلت شيخه ياسه على الكرسي اروحها اطالع التلفزيون.
شيخه: هلا والله
علياء(بصوت واطي): هلا
( شيخه حست انه علياء فيها شيء )
شيخه: شكلج فيج شي؟
علياء( مضيجه ): ما فيه شي.
شيخه: ليش ييتي بسرعه..ما حيدهم يظهرونكم نفس هذا الوقت؟
علياء: اعرفهم انهم ما يردونا الحين بس السالفه وما فيها اني انطردت من الجامعه.
شيخه ( متفجأه): شووووووووووووه انطردتي!
علياء: هيه انطردت.
شيخه: وليش طردووج شيء مسويه؟
علياء: لا ما مسويه شي بس المدير الله يخسه طردني..أوين بس غايضته وطردني.
شيخه: والله هذا ياي يراويكم قوته.
علياء: ههههههههههه..خليها السالفه مستووره
شيخه : وألحين شو بسوين بتمين ياسه في البيت ....
علياء : فكه من الدراسه ... انا امبوني ما بغيت اكمل الا عشان خاطر ابويه ......
شيخه : عيل لو درى ابويه شو بيقول ؟؟؟والله لا يعصب عليج !!
علياء: لالالا افا عليج انا غرشوبت باباتي ....ما بعصب عليه لانه اروحه قالي درسي بس لين 3ثانوي وفنشي شو تبينها الجامعه .... بس ما ادري شو فيه وقلت خلني اجرب ادشها كم سنه والحين صارلي سنه وكرفونا كراف الحمد الله افتكيت منها .........
شيخه: انزين انتي منو يايبنج؟؟
علياء: عبدالله...ولد عمي ...
شيخه (فرحت يوم سمعت اسم عبدالله لأنها هيه بعد تحبه )) : عبدالله يايبنج وليش ما نزل يتقهوي ؟؟
عليا: ما طاع ينزل.
شيخه((غيرانه)): هوه اللي ودااج ؟؟
عليا: هيه ما قصر الله يطول عمره