اذكر عند عودتى من السفر وبعد ركوب الطائره وربط الأحزمه
تحركت الطائره لمدرج الإقلاع ثم توقفت بعدين جت سيارات الصيانه وبعد فتره ذهبت( ودى اعرف وش سوو)؟؟؟
وتحركت الطائره للإقلاع وكان يدعس اخونا كابتن الطائره وتطيح بعض الشنط (قلت عسى خير)؟؟
وبعدها اسمع اصوات وقرقعه ماعمرى سمعتها (معقوله شارين الطياره من الحراج)؟؟
اثر اخينا الكابتن يبى يجرب الإقلاع العمودى؟؟؟؟
وبعدها اقلعت الطائره والأجواء كانت ملبده بالغيوم (يالله السلامه)
وبعد هدوء الأعصاب ...... كان نضرب مطب (ما عمرى اكلته بالسياره هزنى فى المرتبه)
واسمع رجفات والمضيفين يتمسكون بالمراتب وبعدها مطب ثانى (قلت ياولد تشهد )
واقعد استغفر الله (بغيت اقول نزلونى....وتذكرت انى فى طياره) ههههههههههه
وبعد فتره جابوا العشاء (معقوله والله منسده نفسى)؟؟
الناس تتعشى على صوت شلال او مكان هادى (وانا اتعشى على صوت قرقعه ومطبات هوائيه)
وبعدها ضربات خفيفه...(وانا افكر وشلون بننزل فى المطار)
وبعدها عندما اقتربنا من المطار وينزل الطياره من ارتفاعات عاليه الى الأقل بشكل مظلى
يوم وصلنا فى اجواء الرياض( اتوقع الكابتن قال ابى انسيهم اللى صار)
كان يفر الطياره على الجنب الأيمن يبينا نشوف الرياض من الجو (يعننى حريف)
ويفرها على الجنب الشمال ..هذا كله والطياره يطلع فيها اصوات غريبه( الطيار شكله بايعها)
وبعدها ينزّل الطائره فى المدرج...... ...يمكن يمشى (2000) (نموت فى الأرض ولا نموت فى السماء)
وتقعد تصافق الدروج وتطيح بعض الشنط ...(توبه ان سافرت مره ثانيه) شكله بيصدم فى مبنى المطار...
وبعد ها يهدى السرعه باا لفرامل (وانا عينى على مخرج الطوارىء)
لين وقفت ولله الحمد ....(والله وانكتب لك عمر جديد )
واقعد اسلم على صاحبى ونقول لبعض الحمدلله على السلامه
ودى اشوف الكابتن على شان اسلم عليه بحراره