السلام عليكم ورحمة الله
الانسان مادام عايش بيشوف مواقف كثيرة جدا
وانا حصلي موقف عمري ما بنساه مع انه صار لي من زمان
المهم اني كنت ادرس بمدرسة اعدادية # يعني كنت لسة صغيرة # وكنت اروح انا وصديقاتي للمدرسة مشي وفي يوم وانا ماشية ، شفت واحد وجهه يخرع والعياذ بالله ، لما شفته خفت الصراحة لانه طلع بوجهي فجاة ، وبعد كم يوم شفته مرة ثانية ، وبعدين بعد كم يوم كمان شفته واستغربت كل مرة اشوفه قريب للمدرسة ، بس ما قلت شي لاحد ، بس صديقتي شافته يتبعنا وقالت لي ، ويا يمة دخلني الرعب وحاولت اشيل فكرة انه يتبعني من البيت للمدرسة ، بس مع الاسف كان فعلا يتبعني من البيت للمدرسة ولما تاكدت ، ماعرفت شو اسوي ومر اسبوع وانا كل يوم امشي للمدرسة برعب ، وما خبرت اهلي لان ابوي لو عرف بيروح يقتله اكيد.
كان الخوف مسيطر علي وقعدت اتغيب من المدرسة لحد في يوم قررت اني اتخلص منه ، وفي يوم غابت استاذة عن المادة ولان المدرسة يطلعونا برة ، فخرجنا وانا اشوفه واقف ينتظرني لما اطلع لانها كانت اخر ساعة ، وانا اعطي شنطتي لصديقتي واروح له واقوله انت ما تستحي على وجه ، تراني قد بنتك وبعدين روح شوف شكلك في المراية والله لو شفتك مرة تانية بعلم اهلي والشرطة وبتشوف
والحقيقة كان دوا هالكلام وارتحت من وجهه ومن الرعب الي كان سكني كانت حتى احلامي كلها يدخل فيها
وبس الله سترها معاي وربي يسترها على بنات المسلمين جميعهم
واسفة على الاطالة
اسعدني موضوعك ايزيس وفقك الله ورعاك
|