السلام عليكم ورحمة الله وبركاته
حلوة ياختي بسلم عليكي إزيك انتي؟
ايه الجمال ده أنتي بتدرسي هنا يا حظك<<<أشتغل شغل الحقد أهوه
لا بس بجد يا زيزو تحفة ما شاء الله
بس تعرفي مش عارفة ليه بحس أن دمياط توأم لبورسعيد يمكن بسبب موقع الأتنين على البحر المتوسط
اما بالنسبة لكون دمياط مشهورة بالحلويات فاسأليني انا كان عندي واحدة زميلتي من دمياط
معايا في الكلية كانت كل ما تنزل إجازة أوصيها تجيب لي كام كيلو مشبك بعيد عنك
مدمنة مشبك دمياطي ليه طعم خاص بصراحة. اما بالنسبة للأثاث فدي حاجة أساسية أي
عروسة لازم تجيب فرشها من دمياط نيجي لرأس البر فهي لوحدها حكاية لي فيها ذكريات حلوة
عارفة المصدات بتاعت الموج دي لما كنا داخلين مدينة رأس البر كنا واصلين بدري شوية
فمش كانت واضحة إنها مصدات فمن بعيد اللي يشوف المصدات دي يفتكرها ناس قاعدة على
الشط يومها كنت لسه صاحية من النوم في الأتوبيس لما شوفتها أفتكرتها ناس يومها قلت اهلاً
ضاعت الرحلة مش هننزل البحر بس لما نزلنا من الأتوبيس عرفت من خالي إنها مصدات
علشان الموج عالي. برده من الحاجات الحلوة اللي أفتكرها في رحلتي لرأس البر
السمك المشوي تأكليه وهو سخن على البحر
ياااااااااه فكرتيني يا زوزو وفكرتيني برده إن كان في عربية هتخبطني كنا لسه طالعين من
الجامع بعد ما صلينا المغرب فماما وستات العايلة قالوا اقعدوا انتوا هنا وهننزل نجيب حلويات
ألا لازم أنزل معاهم رخامة بئه فسبقوني ومن إستعجالي علشان ألحئهم مخدتش بالي وأنا بعدي
الطريق بس ربنا سترها مش حصل لي حاجة
ذكريات بئه بس تصدقي يابت يا زوزو انتي رغاية أوي أيه ما صدقتي
نازلة رغي رغي أرحمي نفسك شوية
بما إنكم يابان مصر فتحية مني من باريس مصر للدمياطية كلهم
تسلمي يا زوزو الموضوع تحفة والله
في حفظ الرحمن
|