اغسلي بالبرد
اغسلي بالبرد قلب صب تشهد
بعد عقل يدله ضاع منه الدليل
ساهر مارقد لين جفنه تجمد
يسهر الليل كله في نحيب طويل
جمر شوقي توقد في ضميري وعود
بالعنا والكلافه والبكا والعويل
لو حسنك سجد في هواك وتعبد
واصبح الشوق ملهة كان لجلك قليل
كلما اللليل رد ذكرها له تجدد
علة فوق علة من يداوي العليل
بين صد ورد ناعس الطرف وسدد
نظرة منه عجله من تصيبه قتيل
بعد طيب الوعد من اوده تمرد
مارحم قلب خله شام عنه الرحيل
مل مني السهد لو ينام المسهد
طيب النوم شله ظبي طرفه كحيل
سامني بالزهد وفي غرامي تزهد
منوتي ليت فعله مثل وجهه جميل
له نصيب الاسد في فؤادي مؤكد
وناظري مستحله ومالحبه بديل
ان تقربت صد او تبعدت هدد
حيرنيه بدله وين بامري اميل
مستحيل البعاد له دموعي بتشهد
وانت يا العمر كله قربك المستحيل
|