07-12-2007, 01:43 PM
| #101 (permalink) | |
|
V.I.P 
 |  ************************** سجى صحت من النوم وماشافت خالد فيه .. ناظرت الساعه .. 8 الصباح وهي سمعت امس تركي "اوف " ماعنده دوام .. وقال لاهله لاحد يجي للبيت الا وقت الغداء لانه يبغى يرتاح .. فتحت الباب بشويش .. ماسمعت صوت احد تحت بعكس العاده .. لا اكيد مابيجوا لان الدوامات بالمدارس بدت .. سكرت الباب بهدوء .. وابتسمت بخبث .. مشت للحمام تتاكد اذا تركي فيه ولا لا ..ماسمعت صوت .. نزلت بسرعه لتحت تركض .. بدون جزمه علشان مايطلع صوت .. مع ان الدرج مفروش بالسجاد لكن للاحتياط .. ركضت لحد الباب الرئيسي والبيت غرقان بالهدوء .. قفلت الباب مرتين ولوفيه قفله ثالثه كان قفلته .. وراحت عند الجرس وطفته يعني مايسمعوا الصوت .. ضحكت بطفوله شيطانيه : ههههه فرجوني كيف بتدخلوا يالهمج ..خخخخ وطلعت لفوق تكمل الخطه .. ماتبغى احد اليوم كيفها بتاخذ راحتها في بيتها .. خلاص هذا بيتها هي .. وهو لها .. وتركي بعد لازم يكون لها .. وهي تعرف كيف بتحطه بصفها يكفيها بلاهه وغباء .. فتحت باب غرفة تركي بهدوووء .. المشكله الجو شتاء ومافيه تكيف او ازعاج .. مو مشكله كل اللي يبغالها خفة حركه بس .. تركي ماحس بدخولها .... لان راسه كان مصدع امس ومانام الا لحد ماخذ منوم .. سجى بهدوء مشت لعند الكومدينه اللي عند سريره وشافت مفتاح السياره وتلفون البيت وجواله وعلبه دواء .. قطعت سلك التلفون من الفيشه وهي تبتسم وخايفه يحس فيها او يصحى ... واخذت الجوال قفلته بسرعه وطلعت منه البطاريه ورمته على الارض بجنب السرير بهدوء وبجنبه البطاريه .. علشان يضن انه طاح منه بالليل .. ومفتاح السياره ناظرته وهي تفكر وين بتحطه وييين ..؟ وش تعمل فيه .. رمته ورى الدولاب يعني محد يخطر بباله انه هناك .. ابتسمت بفرحه ومنعه شهقه انتصار تطلع منها .. هاللحين لو تدق امه للفجر مراح يرد عليها .. ناظرت بعلبه الحبوب مستغربه منها..وبعدها ناظرت بتركي وهو نايم (( ياحليله مايدري وش انا ناويه عليه خخخخخ .. نوم العوافي يا قلبي هههههه )) طلعت من الغرفه بنفس الهدوء ونزلت لتحت .. دخلت للمطبخ اكيد وصخ من بعدهم امس هذا اللي شاطرين فيه .. نظفته بسرعه وهي تسمع صوت الباب يندق وصوت ام تركي وشذى ينادوا تركي .. وهي مبسوطه : احسن تستاهلي انتي وجهك لما تعرفوا تنظفوا اللي بعدكم ادخلكم .. نظفت وطلعت الكروسان ودهنته بالزبده باستمتاع وهي تتخيل ردت فعل شذى ونوره بعد تطنيش تركي لهم .. : احسن علشان مايعاملها وكانه زوجته مو اخته .. – تقلد صوت تركي – ارتاحي ارتاحي لاتوقفي كثير .. مالت عليها عندها زوج واخ يخاف عليها .. ملت الكروسان مرتديلا وخس وطماطم وهي تدندن : اقترب مني ترى الدنيا فرص .. خذ من شوقي اذا شوقك نقص ..امم ..- رفعت صوتها اكثر – اقترررررب مني ترى الدنياااااا فرص جهزت الكابتشينو بالاله .. وطلعت لفوق بسرعه وهي تدندن ..: اقترب مني ترى الدنيا فرررص .. اقترب مني ترى الدنيا فرص ..خذ من شوقي اذا شوقك نقص عاجبها المقطع تحسه يحمسها على اللي ناويه عليه .. دخلت للحمام تتروش .. نفسها تشوف التلفزيون على راحتها .. وتغني وترقص .. ببيتها وبراحتها .. وصلت لقرار ..امس وخالد بحضنها.. لازم تستقل طيبة تركي معها ببعض الاحيانا .. وحنانه معها .. تذكرت الحبوب اللي بجنب تركي .. توقعت ان تركي مريض بشي .. الا اكيد فيه مرض .. مزاجيته وراها " غولون" او " الضغط " او اي مرض من هذي الامراض اللي تسبب اضطراب بالجهاز العصبي .. طلعت من الحمام وهي رايقه لان صوت امه وهي تدق الباب لحد هاللحين وفجاءه سكت الصوت شكلهم يائسوا.. طنشت وطلعت لها بدله مرتبه .. من زمااان ما طلعت لسوق او اشترت لها ملابس جديده .. صحيح ان اغلب اللي بشنطتها مالبستهم ولا مره بس ماتعودت ماتغير ستايله او ملابسها كذا .. لازم تختار ملابس مميزه تخلي تركي يموت فيها .. ويعرف قيمته اذا فكر بيوم يطلقها او يتخلص منها .. اخذت لها بنطلون فوشي صارخ .. "بقي" وااسع بالمره .. لتحت الخصر كان واطي مرره يبان بطنها وظهرها بشكل فاضح ..ومغري .. لبسته وناظرت بالمرايه اليتيمه اللي بجدار غرفتها ..: واااو طولني وزاد من جمال خصري .. ياربي سجوج طالعه على مين حلوه كذا هههههه .. ولبست بلوزه شتويه خضراء بلون فستقي فسفوري ... سكرت جرار " سحاب " البلوزه لبدايه الصدر بشوي ..كشفت نحرها ناويه على تركي .. ناظرت بلبسها بالمرايه وتذكرت ندى بنت عمها حمد .. هم يتشابهوا كثير وكانهم خوات وقريب لتوم وهذا ماكان يبان لان في فرق واضح بين ملابسهم واذواقهم .. لكن بعد ماكشختهم هواجس وصارت ندى تلبس السبور والصارخ مثل سجى بان الشبه الكبير بينهم .. وحكي الناس عن التشابه الفضيع بينهم بملكه وعود ورياض لانهم نفس الفستان .. ابتسمت واشتاقت لهذي الايام .. صحيح انقهرت بوقتها لكن التنافس حلو وبالذات انها كانت الربحانه دايم ... ياكره ندى طويله اللسان ماتطيقها ولا تحبها خير شر بس هاللحين خطرت ببالها .. لانها حاسه باعجاب تركي لشكلها وملامحها ... لو انها فقيره مثل ندى .. او ندى نفسها يعني ماعندها حركات سجى وطلعاتها .. كان بيعاملها كيف ..؟ او بيحبها ..؟ تركي .. لما شاف ندى ضنها هي ولما عرف انها بنت عمها سرح بتفكيره .. ياترى عجبته اكثر منها او شاف البراء والاحترام اللي يدوره فيها .. اجل ليه سال عن اسمها ..؟ جففت شعرها بالاستشوار لحد ماطاح على وجهها وصار من شده النعومه مايرضى يرجع ... قصتها ستايل وشكلها غير شكل .. حتى صارت جذابه اكثر من فيكتوريا بيكهام اللي سجى قلدتها بالقصه .. الكاريه القصير من ورى والطوويل من قدام .. تركت وجهها على طبيعته بدون اي مكياج لان وجهها مورد هذا الصباح ..بس عدسات سماويه على رمادي .. لونها هادي ورايق ..وثقلت رموشها بالعدسات وقلوس وردي ناعم .. تعطرت ..بعطرها المفضله سكادا ..هي وشموخ .. هزت راسها تبعد الخبيثه شيطانة الانس شموخ عن راسها هاللحين .. طلعت لغرفه تركي بعد مازينت شكلها النهائي وكانها مغنيه روك بملابسها "الفرش " هذي دقت الباب ومثل ماتوقعت ماسمعت رد لانها تعمدت تدقه على خفيف .. فتحت الباب وقلبها يدق بسرعه تخاف من ردة فعل تركي .. وقفت عند راسه تناظره يازينه ياخذ العقل حتى وهو نايم ... فتحت الستاره الخفيفه .. وشافت تركي يعقد حوجبه ..من النور القوي ويرفع الغطاء لعيونه : يممممه انا وش قايلك اتركيني انووووم .. سجى خافت اكثر يضنها امه اخذت نفس وراحت لعنده .. رفعت الغطاء عن وجهه بنعومه وقالت : تركي تركي .. تركي شم ريحه العطر والصوت الناعم هو يحلم بسجى هبلت فيه حتى وهو نايم .. فتح عين وحده وترك الثانيه مغمضه .. شاف سجى تبتسم وشعرها على وجهها : صبااح الخير تركي غمض عيونه من جديد وتاكد انه مايحلم ..اخذ نفس طويل وقال بدون نفس : خير وش تبين مصحيتني هالصبح .. سجى بخيبه امل : احم احم .. ماودك تفطر .. تاخرت على الدوام الساعه تسعه ونص .. .. كانت تستهبل عليه اسمعته ان مافيه دوام بس كذا لعانه .. تركي لف ظهره عنها وغطاء وجهه يبعد المشاعر القويه اللي بتتفجر هاللحضه وهي ترمش ببراءه وتحكي بطفوله ..: ماعندي دوام .. وانتي من الاساس وش دخلك بدوامي .. سجى ببراءه ودلع : مادري .. ماماتك ماجاءت اليوم ومحد صحاك لدوام خفت تتاخر .. تركي وهو على جلسته : وهذا انتي سمعتي مافيه دوام ,,, اطلعي بره .. سجى جد صابتها خيبه امل قالت بتردد واضح : انا جهزت لك حمام دافي و..و ..وعملت الفطور ماودك تصحى .. تركي حس بالاغراءت من كلمه حمام دافي لان الجو باااردوالبيت مافيه نظام تدفاء : لاااا سجى على وقفتها قريب من السرير قالت بتردد : ممكن ماتردني وتفطر معي .. تركي كسرت خاطره واضح انها ثقيله على لسانها وقلبها تترجاءه بس يفطر معها ... رفع غطاء عن وجهه وناظرها ببرود ..ارتبكت وناظرت بايدها .. قال بدون نفس : اوكيه دقايق ونازل لاتحني على راسي .. سجى انبسطت هي عارفه ان تركي قلبه ابيض وحنون ماقدر يردها .. طلعت سجى وهي مبسوطه وماغابت الفرحه اللي بعيونها عن تركي : اوكيه ..والحماااااام جاهز .. طلعت وهي تمشي ببرود علشان تتركه يناظر فيها كويس .. تحس بنظراته وكانه اسد في عرينه ...<< يعني تركي بسريره .. تركي ناظرها بتمعن ياحلوها اليوم فيها شي متغير .. صحيح دوم كاشخه لكن اليوم غير.. لا وجسمها حليان والا هو يتوهم ..ياحلو الصباح اللي يفتح عيونه وتلتقي بعيونها .. سجى لفت عليه متعمده شافته يناظرها ابتسمت ببشاشه وقالت : اوووه كنت بنسى ..تحب اكثر لك سكر والا تركي حس في فراشه صغيره ترفرف حول قلبه من ابتسامتها .. (( والله انتي السكر حطي اصبعك ويكفي )) وقف بلامبالاه وهو مرتبك : لا انا اذا نزلت ابجيبه لك اقصد بزيده مثل ماحب .. سجى انبسطت من غلطته يعني مرتبك .. قالت بدلع : اوكيه توتي .. طلعت وتركته وهي تضحك بصوت واطي مبسوطه : ههههههه .. دخل تركي للحمام بعد مانزلت سجى كان مبتسم من كلمه توتي (( ياحلو الدلع لاصار من اهل الدلع ..)) كان الحمام بخار وريحة البابونج وعطورات زهور الريف ماليته .. وزادت من الدفاء فرش اسنانه وغسل وجهه .. واول ماسترخى بالبانيون مع الروايح السنعه .. ياحلو سجى ويازينها .. (( ايووه هذا اللي يتزوج بنات عز يوسع صدره )) خلص من حمام ودخل للغرفه شافها مجهزه له بيجامه ..تركي ماتعود على البيجامات ابدا ولا فكر يلبس بيوم .. وهذي المدلله تبغى تلبسه اياها .. رفع البيجامه باستنكار وناظر بشكله بالمرايه (( هذا وجه واحد يلبس بيجامات .. معقوله متعب هالتعبان لاجاء ينام يلبس بيجامه .. ايوه متيعب بطران وتربية ام سجى اكيد بيكون مثلها .. ههههه والله هذولاء اللي عندهم فلوس مادري كيف يفكروا .. الا متى اشترت البيجامه .. معقوله وهي تجهز تذكرتني .. بس كان ممنوع تطلع من البيت ..اكيد كانت شاريتها لعمر ... تركي تعوذ من الشيطان ومو وقته هاللحين اسالها وتعرف ..)) لبس البيجامه ونسى موضوع جواله او اهله .. نزل واول مادخل للمطبخ شدته ريحه الكابتشينو والسندويتشات بالزبده .. اخذ نفس على هالريحه اللذيذه .. سجى اول ماشافته داخل بالبيجامه بنطلون ابيض ومخطط بكحلي خصر واطي .. وبلوزه ثقيله مره وهاينك كحليه .. تبخر الكلام اللي بفمها وتنهدت من حلاته ماتوقعتها بتكون عذاب كذا عليه وبالذات مع شعره المبلول .. نزلت عيونها لصحون وهي ترتبهم وجلست ورى واحد من الكراسي وهي ندمااانه علي عملته كانت تبغى تطيحه طاحت مكانه ..لا وريحه المسك من زهور الريف هي اللي مختارتها بنفسها .. ملت المكان .. تركي انتبه بارتباكها وارتبك معها وعلى قد مايقدر حاول يكون قاسي او حتى طبيعي معها .. جلس ساكت وسجى توهقت ماقد جلست معه لوحدها بدون هواش او خلاف الا هاللحين .. قطعت بالشوكه والسكين من الكروسان ..وصارت تاكل وهي تناظر بتركي .. تركي حاس فيها تناظره قال وهو ياكل بيده ورامي الشوكه والسكينه بعيد .. بدون نفس وخشن صوته على قد مايقدر ... : هاللحين فطور وفطور وبالنهايه كروسان .. سجى كانت طايره فوق وفجاءه طاحت على الارض وكانها اصتدمت بشاحنه او شي كانت تضن سكوته عاجبه لكن مامنه فائده وجود اهله ماله دخل بتصرفاتها .. قالت بمرح على قد ماتقدر : ليه مو حلو .. انا عاملته مثل طريقه " صب واي " .. تركي : كلها سندويشه تقولي طريقه من مطعم سجى نسدت نفسها عن الاكل : طيب الكابتشينو كويس .. تركي اخذ الكابتشينو ووقف يكته في المغسله .. سجى انقهرت من جد : ليه .. ليه تعمل كذا انا تعبانه وعاملته حتى سكتت لان تركي كانت نظرته بارده ابرد من الجو اللي هم فيه ..نظره قشعر لها جسم سجى ليه يعمل معها كذا وهي تحاول تصلح كل شي .. تتقرب منه وهو الغلطان .. ناظرته بقهر وتحاول تمسك اعصابها ودموعها .. تركي لف كرسيها لعنده.. ورفع كرسيه وحطه قبالها بالضبط..... مايفصل بينهم ولا شي ركبته الضخمه بركبتها النعومه .. سجى ارتبكت اكثر وحست بدقات قلبها بتوقف .. تركي رفع راسها وصارت عيونه بعيونها .. قال بجديه : اسمعيني يابنت الناس .. اللي جالسه تعمليه كله ماراح ياثر فيني او ينسيني حقارتك .. سجى ضغطت على اسنانه وتجمعت الدموع بعيونها .. تركي زادت دقات قلبه من ردت فعلها ..لكن كمل اللي ناوي يفهمها اياها .. : انا مابغى اجرحك او اقول حكي ينقص من قدرك اكثر .. سجى لاتفكري او تحلمي حتى اني اناظرك انتي وحده مستعمله بالحرام .. يعني ماثق فيك ولا سجى قاطعه ودموعها نزلت : كذب والله العظيم كذب شموخ كذابه انا بنت والله مافي رجال لمسني انا ك قاطعها تركي وهويحط ايده على فمها وقال بعصبيه : اووش لاتفتحي فمك لحد ماخلص ..سامعه .. مابغى ارجع لنفس الموضوع عن هذا ابن الكلب اللي كنتي معه .. والا عن عمر وحركاته الحقيره وخيانتك لاختك .. لاني شفتك بعيوني هذي محد حكى لي كنت بين ايده ومبسوطه سجى فتحت فمها ببتقاطعه عطاها نظره سكتتها : ولا تنسي اللي بزواج رياض مادري من هذا اللي .. - سكت شوي لان سجى شهقت بالبكي اكثر حست انه يطعنها بحكيه ..يقتلها ظالمها.. نزلت راسها بقله حيله كمل تركي وهو يدوس على قلبه ومشاعره – : عارفه اني لما اكون برى البيت او بالعمل اجلس على اعصابي والافكار تاخذني لبعيد انا ماثق فيك ولا اظن بيجي اليوم اللي بتكوني محل ثقتي لانك خنتي اهلك ونفسك حتى امك ماتبغاك .. وابوك ماسال عنك سجى كانت تذوب وتذبل مع كل كلمه شك يقولها ويناظرها فيها قالت بشفايف مرتجفه : طيب خذني للمستشفى تاكد .. مارفعت راسها خايفه تكون الطعنه الاخيره اللي يقتل فيها الحب اللي نولد بقلبها لتركي هذي الايام .. تركي ضحك ببرود والم : هههههههه مستشفى لااا غلطانه يا نانه انا ماني بغبي تضحكي علي بالمستشفى .. وياكثر من يبيع ضميره ..لاااا وبهذي الايام عمليات الرقع على افا من يشيل ..وانتي ياا حفيييييييده الرالي الرالي هذا ماتعجزك عمليه بكم الف .. سجى غطت وجهها بيدها تبكي اكثر ولو بعد مليون سنه مراح يثق فيها : طلقني خلاااص دام الموضوع كذا طلقنننني ... قال لها تركي وهو يوقف.. كان يضغط على نفسه : تاريج 1| 12 من هذي السنه بطلقك .. بدايه اخر شهر من هذي السنه .. هذا اتفاقي مع امك .. سجى بكت اكثر : اكرررهك اكررررررررررهك من جد ماقد كرهت حد مثلك .. تركي انشد عرق بخده .. وحس بتاثير الكلمه قوي عليه : هههه طبيعي مو انا كاشف حركاتك .. سجى مشت بسرعه تطلع من المطبخ بتموت اذا ضلت اكثر من كذا .. رن تلفون البيت بصوت عالي .. سحبته سجى وهي متوقعه من المتصل احتقرت تركي ولفت عنه : آآآآلو خير في حد يدق من صباح الله ... ام تركي : اعوذ بالله وشهالنفس وين تركي ..؟ سجى : وش تبين فيه مقفل جواله ومافتح لك الباب يعني افهميها انتم متى بتحسوا ..ها آآآآآف سوفاج .. ناس ماتفهم .. سكرت بوجه ام تركي السماعه .. تركي ناظرها والشرر بعيونه هو عارف من اللي حكى امه ..واكيد تسال عنه : من اللي كان على الخط ..؟ سجى بطفش ناظرته وهي تمسح دموعها تحس ان في قوه وشجاعه غريبه : امك يعني في غيرها .. تسال عن البيبي تركااان .. وانا سكرت بوجهها السمااعه وقفلت الباب وطفيت الجرس وطفيت جوالك وقطعت سلك التلفون اللي بغرفتك .. كيييفي مابغى احد مابغاهم يجوا .. اقرفوني بعيشتي .. تركي صرخ : لاااا والله احلفي .. وتقوليها ببرود انتي كيف تفكري ها .. اهلي بيجوا ويجلسوا غصب عنك وعن اللي جابوك سامعه .. سجى رفعت خشمها لفوق وقالت بقرف : ايوه سامعه وانت بعد اسمع والله والله والله اللي ماينحلف باسمه لعب .. ماني محركه ملعقه وحده بهذا البيت .. ودامهم مرابطين هنا ينظفوا اللي يوصخوه هم وعيالهم .. سوفاااج ..اقذر ناس شفتهم بحياتي .. تركي قدم خطوتين سجى ركضت بسرعه لفوق : والله مراااااح احرك شي وبطردهم كل ماشفتهم .. سكرت الباب بقوه ولما جئت بتقفله ماشافت المفتاح حست قلبها بيوقف لان تركي فتح الباب بقوه ..: لاااا وطلع لك لسان بتظفي وترتبي مثل الخدامه لهلي سامعه .. سجى ترجع لورى بخوف : لاااا احلم مراح اعمل اي شي من اللي تقوله ويله كيف بتجبرني .. تركي كان متنرفز ومقهور من الغبيه اللي قباله : شكل العقال المره اللي فاتت مارباك .. سجى : لااا ولاتفكر تمد ايدك لاني بكسرها لك .. تركي ضحك وهو متنرفز : هههه ضحكتيني شكل ايدك انتي اللي يبغالها الكسر .. سجى لما انتبهت انه بوسط الغرفه ركضت بسرعه وبحركه مفاجاءه لبرى الغرفه وداخل الحمام ..قفلت عليها مليون مره وهو تبكي خايفه وترتجف .. تركي تركها ونزل لانه معصب مايبغى يتصرف تصرف يندم عليه .. جلس على الكنبه يهدي اعصابه دق التلفون كانت امه رد عليها وخلقه ضايق : آلو .. ********************** | |
 سبحانك اللهم وبحمدك |
|
07-12-2007, 01:44 PM
| #102 (permalink) | |
|
V.I.P
| ************************** المطر نزل وملى المكان اللي بالمدن دخلوا بيوتهم احتموا بالسقف والجدران الاربعه اما اللي بالبر .. فكان الجو عندهم غير والمطر له طعم ثاني واحلى .. روابي : يمه مايصير تسذا الخيام بارده .. خديجه وهي تغطي وجهها تكمل النوم : وش تبيني اسوي لتس يعني .. ام يعقوب : قولوا لمتعب وهو يحلها روابي باستهزاء: ياااويلي البزر بيحلها (( هآآ ياروابي بزر وامس كنت تتراعدين وانتم لوحدكم بعيد )) احلام متنرفزه : روابي وبعدين معك .. عيب تحكي كذا عن – بحياء كملت – متعب روابي احتقرتها من فوق لتحت : هااا احلاموه وجهتس تورد وش قصتس ..؟ احلام ابتسمت بخجل : ولا قصه ولا شي .. بس انشد عن ولد عمي بالسنع ..لانه رجال .. – فتحت باب الخيمه شويه ودخل المطر الغزيره واشرت على متعب وهو يركض وفوقه الفروه " البشت الشتوي " ويحمل اغراض من الددسن للخيام علشان ماتمتلي مويه – بذمتك روابي هذا بزر .. دانه تنهدت : الا سبع من ظهر سبع ظربتها احلام : وجعه ان شاء الله دانوه استحي على وجهك هو ولد عمي انت وش دخلك ..؟ روابي ناظرت فيهم وتحسهم زارين جد : ماقول الا الله يخلف على امن جابتكم .. تركتهم وراحت تتغطى باكثر من غطاء من البرد اللي زاد مع المطر ..وصوره متعب وهو يركض بالبرد والمطر لداخل الخيام بس علشان مايتعب الشياب ويدخل الاغراض (( صدق من قال عنه سنافي .. و سبع ..)) وقف المطر فجاءه مثل مانزل فجاءه .. وبعد نص ساعه دفى الجو .. ماصدقوا الحريم وطلعوا من الخيام للمطبخ لانه بمكان مبني وبعيد عن الخيام مثل الحمامات روابي راحت معهم للحمام وهي عيونها على خيمه رجال لانها مالمحت متعب باي مكان .. ناظرت وماهو موجود بعد .. الظاهر مو بس هي اللي تسال عنه .. دانه قالت : احلامووه ولد عمك الحمش مو بخيام الرجال .. احلام وعارفه تحركات متعب من اخوها فواز اللي بالمتوسطه : راح هو و ياسر اخوك لسوق الغنم يشتروا خرفين .. لان ابوي وعمي فهد عازمين رجاجيل اليوم .. روابي اذنها معهم قال باستهزاء : خرفين الله يخلف عليتس خرفااان خرفاان دانه : ههه تكلمت اللي ماتعرف تقول رجاجيل .. رياجيل ها ههههه احلام تكمل طريقها بغرور: ماعليك منها هالعانس .. دانه : على قولتك ههههههه روابي كان نفسها تتفل عليهم البزارين لكن كملت طريقها ساكته .. واول مادخلت للمطبخ صارت هي اللي تامر وتنهي بتعالي وازعاج لان هي اللي بتطبخ الذبيحه ..ولازم يسمعوا حكيها.. في احلى من ذبيحة من ايد روابي .. اللكل طفشان وطفران من تدخلها بالبصل والطماط وكل شي .. بس ساكتين .. السلطه العظمى و بنتها روابي بمكان وين مايسكتوا .. اول مارجع متعب من سوق الغنم وقف الددسن عند المطبخ علشان ينزل الخرفان من صحن الددسن .. : ياااا مراءه طريق .. طلعت روابي بسرعه مبسوطه بس سمعت صوته ماتغطت حتى من ياسر ولد خاله احلام لانه اصغر من متعب يعني عنها صفرين على االشمال : هلا بالحامل والمحمول . متعب : ههه هلا فيك كيف الصحه اليوم روابي : مالك دخل ويله نزل الخاروف الكبير هذا .. متعب ناظرها بخبث : ادخلي لداخل واستحي على وجهك ياسر هنا .. روابي : يؤؤه تراه صغير مايفهم بزر رفع حواجبه وقبل لايرد اشر له متعب اسكت وعمل حركه عند راسه يعني مجنونه .. روابي بس شافته ولعت وظربته بالملعقه الكبيره اللي بيدها : انا مجنونه يامضيع المذهب اقلب وجهك هناك انت وخويك .. مالمجنون الا انت متعب تعجبه اذا عصبت كذا وجهها حمر : هع هع هع هع روابي ولاهمومها فتحت الددسن من ورى وقفت نزلت الخاروف اللي تبيه ورجعت سكرته .. ومتعب وياسر فاتحين فمهم هذي القصير النعومه وكانها لعبه او عروسه يبانيه بتدور برشاقه هاللحين .. تنزل الخاروف وتجره ولا عندها ..: امسك متعب : لا ماني بماسك لك شي امسكيه انتي روابي استحت تقول لياسر وهي ماتعرفه .. صحيح ان ياسر باولى جامعه لكن رجال ويفهم .. بس عند روابي مافيه ماتعترف ..الا باللي اكبر منها وبعد مو اي احد اكبر منها بسنوااات .. عطت الخروف متعب غصب عنه : امسك بس امسك مسكه لانها تركته ودخلت لداخل .. متعب: هع هع هع والله رهيبه شي ماحصل ياسر استحى من متعب : يله انا بروح لعند رجال يمكن يحتاجوني تامر على شي .. متعب : لااا الله معاك خفت ها هع هع هع راح ياسر وطلعت روابي وبيدها ساطور كبير وسكاين ومشمره ايدها ولابسه شي فوق ملابسها علشان لاذبحت الخروف : امسكه عدل متعب : هع هع هع من جدك روابي عصبت : وليه وجهي فيه مزح .. متعب : لااا انتي في احلى من وجهك السمح .. روابي انحرجت وحمرت خدودها .. متعب انبسط انها انحرجت قال بهدوء: اظن في رجال هنا تذبح الخروف يله ادخلي الله يستر عليه .. وشمر ثوبه ..يعني مافي نقاش .. روابي : وين خويك هذا راح للخيام واضح عليه يخاف من الدم جد عيال هاليومين مامنها فايده .. متعب : هع هع هع هع رهيييييبه مسكت روابي الخاروف ومتعب ذبحه عجبه الشكل حس ان روابي مراءه سنعه وينشد فيها الظهر هذي اللي يدورها من زمان وتناسبه .. روابي استحت كثير وناظرت الخلا بعيد عن متعب : استح على وجهك لا تناظرني تسذا .. متعب انتبه على نفسه (( دامها قالت تسذا يعني مستحيه هع هع هع ياحليك يا روبتي وزباديي )) نظفوا الخروف سوا ومتعب مارفع عيونه عنها يحس ان فيها شي مميز ..روابي قلبها يدق بسرعه حاسه بنظراته لكن تطنش .. اول مره بحياتها كلها حد يناظرها كذا وبالذات رجال غريب .. ********************** | |
| |
|
07-12-2007, 01:44 PM
| #103 (permalink) | |
|
V.I.P
| ************************** دخلوا ندى ونجودوبو هواجس لشقه الواسعه .. وكل وحده مبتسمه .. احساس غريب منعش انهم مو بالسعوديه ومسافرين ناظروا بالشقه ..العصريه باثاثها .. ندى : اكييييد حنا ... ب "الزمالك ".. نجود تخصرت : وليه ان شاء الله ..؟ من قالك ..؟ ندى بذكاء زايد : لان الشقه كشخه ومرتبه وطول وقتهم بالمسلسلا ت يمدحوا بالزمالك .. نجود: لا احب اصحح معلومتك حنا بفيوم ..؟ ندى : لااا مانقص الا تقولي شرم لشيخ .. ياشاطره حنا بالقاااااااهره .. نجود: بس هذا اللي حافظته القاهره ... بو هواجس راسه صدع وصرخ فيهم : خلاااااااص اسكتوا ... سكتوا شوي بعدها قالت نجودبحماس : تعالي نشوف باقي الشقه .. مشوا لداخل وشهقوا : وااااو .. بو هواجس بيده ورقه: هذا المطبخ والصالون .. واللي قبل شوي غرفه الضيوف .. ندى رمت حجابها على الطاوله وقالت وهي تفتح الادراج : وناااااااااسه ..؟ الله يخليك ياهواجس .. نجودبدون نفس : هواجس و علي اخوووي .. ندى : وعلي اخوك درينا .. يله الغرف .. نجود: هم غرفتين واسمحي لي خالك ينام بالصاله .. بو هواجس احتقر نجود: انتي يالبزر بنتي دافعه علشان انام بمكان عدل .. نجودرفعت كتوفها /: انا لي غرفه وندى لها غرفه تصرف انت وبنت اختك ..؟ ندى حست بالكائبه فجاءه وتانيب الضمير اللي ماتركها من طلعت من البيت .. قلبها انقبض ... لكن قالت مبتسمه : ماعليه خالي بعد قلبي نام بالصالون على مايجوا البنتين اللي بالشقه المقابله هم ورجالهم وتروح معهم .. بو هواجس : لااا انا برجع بعد شهر .. يعني ابغى غرفه لي .. ندى تاففت : ماينف هذي نذله نجودبتكبر مصطنع : لوووو سمحتي احترمي نفسك واذا بتحاكيني انا نجودمو هذي .. ندى : اقول ضفي وجهك لغرفتك .. وتهاوشوا لحد ماستسلم بو هواجس وقرر ينام بغرفه الضيوف لان الصالون ممعه المطبخ يعني ازعاج .. دخلت ندى لغرفو اللي اختارتها .. وقلبها يدق بسرعه من الخوف ماتدري ايش اللي قدرت تحكي فيه هواجس مع امها وابوها وكيف بيتصرفوا مع خديجه ... سريرين وش تعمل فيهم .. يله مصير البنتين الي دفعوا معهم بالشقه يجوا ويزاحموهم .. هي ماتبغى الا مع نجود.. ماتدري وش قصة البنتين الثانين بس اللي حكوه انهم خليجين .. تمددت على السير بتنام نزلت دموعها بسرعه وبدون مقدمات وبكت .. حست انها مخنوقه ومتضايقه .. اهلها زعلانين عليها ومتضايقين وهي كذا .. تسولف وتضحك وماخذه راحتهم لا وتركتهم ...بطريقه شينه ... بكت تحس بالندم لكن مافي مجال لتراجع .. * وبنتدمي كثير ياندى المشوار طويل قدامك ..؟ ********************** | |
| |
|
07-12-2007, 01:45 PM
| #104 (permalink) | |
|
V.I.P
| ************************** رياض دخل للمحلق وهو كاشخ بيطلع لشركه .. لكن دقت امه عليه تطمن على حبيبة قلبها وعود .. يموت ويعرف وش سر الحب القديم لهذي المغروره وعود .. دخل للغرفه وكانت ثاني مره يدخلها ... الاولى كانت لما شرف على التشطيبات .. وقف عند السرير مد ايده قبل لايصحيها او يحكي شاف سماعه التلفون على اذنها وهي غرقانه بالنوم .. وشعرها الذباح حوالي وجهها .. استغرب من السماعه نامت والسماعه باذنها رفعها لاذنه شاف الخط مشغول .. رجع السماعه بلامبالاه مايهمه من تحاكي او سهت عيونها معه .. قال بصوته الخشن وهو متوعدها : حنااان حناان ..حنااان وعود سمعت صوته ينادي حنان من حنان يمكن خدامه هنا .. فتحت عيونها شافته قبالها مكشر ومرسم .. بهمس : رياض رياض بدون نفس وهو يناظرها تعدل من جلستها : ايوه ريااض .. يله حنان قومي اذن الظهر وانتي نايمه ..؟ وعود صحت من النوم .. وناظرت بالغرفه لثواني متنحه رياض مشى لعند المدخل ونادى على الخدامه تجهز الحمام لوعود .. ..(( من حنان ..؟ هذا من جده مايعرف اسمي والا يستهبل .. وجهه مايوضح انه لستهبال )) وعود حست بالعبره تخنقها وقلبها يتقطع .. جرحها حتى اسمه مو عارفه .. لملمت شعرها عن وجهها وظهرها رياض لف عليها وهو مستعجل بيطلع كان يخفي ابتسامه وهو يشوفها مكشره من بعد ماقال لها حنان .. : قبل لانسى امي تقولك دقي عليها .. وماله داعي تحكي لها عن كات.. وعود بهدوء : مين كات ..؟ - باستهزاء – اهااا استاز رياز .. رياض ناظرها باحتقار : تستهبلين انتي وعود نزلت من السرير تاخذ الشبشب من الارض : ليه مره الميانه بيننا علشان استهبل .. رياض ناظرها تمشي وشعرها يتحرك معها : انتي ماتعرفي تردي مثل الناس انسي ايام الفقر واسلوبها ودعي اي شي من حركات عيال الفراشين .. وعود انقهرت منه لكن ماردت دخلت للحمام يقهر مصدق حاله ..ومطنش .. وبعد ماطلعت ماشافته موجود : يورم وين بابا رياض ..؟ يورم وهي تنظف السرير : مسيو رياد في روه .. برى بيت مس كات .. ويقول انت في جهز هو عندك الليله .. وعود استغربت .. (( يعني لي ليله وامس هوجد الهبله المضيعه تقول اكيد مايبغاني .. )) بدلت وعود وطلعت لبره الحديقه تستمع بالعز من زمان نفسها تكون بحديقه تجلس فيها .. وانتبهت ان فيه ورى اصطبل خيول ماحبت تروح لان اكيد فيه رجال ورى .. جلست تتمشى وتغير جو .. سمعت ازعاج وصوت ناس من نافذه بقصر كات .. حست بالفضول مشت لتحت النافذه وقلبها يدق بسرعه لو حد شافها ..هذا اول يوم وتتجسس اجل باقي الايام وش بتعمل بتدخل عليهم بالرشاشات .. رياض بهدوء ونعومه عكس صوته معها : بس ياحبيبتي كات انا من حقي يكون لي عيال يحملوا اسمي .. ومراح يضمن لي جدي الشركه الا بولد على اسمه ... كاترين : آآي بعرف حبيبي بس انا مابدي بيرديك رشاتي وجسمي هيدي م قاطعها رياض بشويه عصبيه ..: لااا ياكاترين ماهي بحاله انا ابغى عيال ومن حقي .. امي مصره اجيب من هذي بنت الفقر ..؟ وعود غضت شفايفها بالم ..والدموع تجمعت بعيونها .. مو بس يجرحها .. حتى يشمت كاترين فيها .. كمل حكيه وتجريح لها : وانا مابغى الا منك ..؟ - باشمئزاز – تصوري ان عيالي همج ومايفهموا مثل هذي ..؟ كاترين جلست ببرود : اي تحمول .. انا ماخصني .. ولاد مابدي .. (( تحمل انا.. وش دخلني .. وعيال مابغى )) رياض ناظرها معصب .. لكن هي تداركت الموضوع و قال بدلع : رياز انت بترداها لالي بجيب ولاد بهيدي السن .. انا ب 24 بحمول .. والله مابادر صعبى علي كتير .. بدي اتهنى بشابابي .. (( رياض انت ترضاها لي اجيب عيال بهذا السن .. انا بال24 اصير حامل .. والله ماقدر صعب علي كثير .. ابغى اتهنى بشبابي ..)) رياض طلع وتركها معصب .. دخل سيارته يسب ويلعن .. تاخر على الشركه والسبب كاترين .. دخل يتطمن على كاترين قبل لايطلع لانها مزكومه .. كان يضنها حامل ونبسط لكن معها رشح بسيط .. وعود كانت حاطه ايدها على قلبها من القهر جد ان رياض ولاشي نافخ نفسه على الفاضي وحده مثل كاترين تحركه .. رجعت لملحقها بجيبة امل .. كانت متامله ان حضها يكون احسن لكن الظاهر ان حضها هذي المره اشين من الاولى .. دقت على ام رياض وهي تنتظرها فكرت بضيقه .. (( وش الفائده اهل زوج يحبوها وزوج يكرها ويناظرها بتعالي .. مالها حظ ابدا يعقوب كان يموت فيها لكن اهله يكروهها و عذبوها جد .. )) جاءها صوت ام رياض الواثق : ياهلا ومرحبا بالعروس ابتسمت وعود ببرود : هلا فيك يمه وش اخبارك ..كيفك .. ؟! ام رياض قلبها دق لكلمه يمه تحب وعود كثير : كويسه وانتي كيفك وكيف رياض معك عساك مرتاحه والا زعلك ها ..؟ ********************** | |
| |
|
07-12-2007, 01:46 PM
| #105 (permalink) | |
|
V.I.P
| ************************** سامي ناظر لجوال .. (( اصايل )) تافف وقرر يرد عليها من كم يوم غاثته تدق وهو عاهد نفسه مايخون وليد صحبه بعد ماوقفه اللي ماينساه له طول حياته .. بصوت مبحوح : الو .. اصايل قلبها دق بسرعه اشتاقت له وحست بالحزن اللي بصوته : سامي .. عظم الله اجرك ..؟ سامي بجديه : اصايل اسمعيني يابنت الناس ... انتي محترمه ومربيه ومالك بهالسوالف .. واخوك رجال و النعم فيه .. اخو وعزيز وغالي ..انا كنت اللعب عليك .. وماحبك و تهميني اصلا .. اصايل شهقت : ايش ..؟ سامي كمل بنفس القسوه مثلي مانتي سامعه ومافي واحد يحي مع وحده الا يبغى منها شي .. وانا كنت ناوي اقابلك واضيعك فاهمتني اصايل تبكي : ........ سامي : انا لا حبيتك ولا راح احبك او حتى اناظرك .. انتي رخيصه بعتي ثقة وليد وامك وابوك فيك .. انا مستتتتحيل افكر اثق فيك ..او حتى اتزوجك ... الرجال اذا فكر يتزوج اول من يخطر بباله وحده نظيفه .. ماعرفت حد قبله .. علشان يضمن ان عياله وسمعته وشرف بيد امينه .. سكت بنتظر ردها عوره قلبه على بكيها .. لكن لازم يجرحها ويقسى عليها علشان تفهم وتعرف .. عالم المكالمات والشباب كيف قذر ..ونهايته ماساه وعار .. : اصايل انا فقدت اختي نجلاء وحسيت بحرقه القلب على الاخت . .. لاتنزل راس وليد بالارض ولا تحرقي قلبه عليك .. وان شاء الله بتحصلي اللي احسن مني واللي جاد وبيتزوجك .. الله يوفقك ويستر عليك .. سكر بدون مايسمع رد ها .. اول مره ينهي علاقته مع بنت وهو مرتاح .. حس براحه عجيبه ونفسه يضحك انبسط كثير .. وريح ضميره .. لكن مراح يرتاح الا لما يبعد اصايل عن هالطريق القذر اللي هو دخلها فيه وهو السبب .. دخل سلطان للبيت وشاف سامي بالحديقه متمدد وسرحان .. حزن على حال عيال اخته واخته المرميه عندهم ماتحس بشي .. صحيح كانت مغروره ومتكبره على اهلها .. لكن حالها هاللحين يبكي العيون .. : ساااام السلام عليكم .. لف عليه سامي وهو سرحان : حكيتني ..؟ سلطان : لا الجوال ايوه انت .. وين سرحان فيه سامي تنهد : شموخ ..؟ سلطان ارتبك من طاريها .. هو ماكان يشوفها كثير ولا جاء لبيتهم ..لان الجده قالت له مايحكي معها وحكت له كل القصه .. من صغرهم علشان كذا مايحب يشوفها مو حلال عليه .. الا بايام العزاء دخل وكانت فيه ماتصورها كبرت كذا وزادت حلى : وش فيها بينك ..؟ سامي : بالمستشفى .. مقهور عليها يقولوا لازم تضل عندهم وعند دكتور الاعصاب .. سلطان بواقعيه : طبيعي اللي شافته مو قليل .. سامي بضيقه : المشكله حالتها ماثره على سكت يفكر بداخله .. (( ريان .. حالته ماتسر ومتوتر من عرف واحسه مستحيل يرضى او يسكت )) سلطان : ايوه امي تقول كانها مجنونه مات سامي قاطعه بعصبيه : شموخ ماهي بمجنونه .. سلطان بسرعه : ايوه فاهم بس هذا حكي اللكل عنها .. ********************** | |
| |
|
07-12-2007, 01:47 PM
| #106 (permalink) | |
|
V.I.P
| ************************** ام نواف ضربت صدرها من المصيبه : هربت ..؟ هواجس وجهها متغير لالوان : لا ماهربت – بلعت ريقها من الخوف – هي سافرت مع ابوي تكمل دراستها ..؟ بو نواف ماسك الورقه بقله حيله وجالس على الارض رجلينه مو شايلته : متاكده مع ابو يعني لو ادق عليه اسمع صوته ..؟ هواجس : ايوه والله معه انا ماتركتها بالمطار الا معه .. والله ياعمي بو نواف بعتب وصوت مبحوح : ليه ياهواجس تركتيه تروح ..؟ ليه توصليها بنفسك ..؟ انتي عارفه ان ابوك مايدري وين الله حاطه ..؟ هواجس ارتبكت ونزلت راسها للارض حست انها خجلانه من عمها زوج عمتها مالها وجه ترد عليه .ز وحجتها سخيفه .. قالت بصوت ضعيف : مابغاها تعيش مثلي .. مابغاها تكون رخصه .. عمي انت عارف ان خديجه ماترحم وولدها ماعنده شخصيه قدام امه .. ام حمد الجده كانت تتبسم : والله بنتي تربيتي عفيه عليك يانديه .. – قالت بصوت عالي لبو نواف وام نواف – تستاهلون ياعديمين الشخصيه .. كنتم بتتعشوا فيها تغدت فيكم هههه .. ام نواف بحسره : حسبي عليك ياسعيدان حسبي الله عليك حطيت الفكره براس البنت وجرجرتها معك .. بو نواف وقف : انا اعرف ارجعها .. هواجس : لا ياعمي فات الوقت دقت علي وطمنتني انها وصلوا واخذوا شقه لهم .. لاتخاف انا ماجرتها بمكان سنع ومحترم .. ام نواف شدت على كتف هواجس وقالت وهي تبكي : مالي قلب يدعي عليك ياهواجس والا كان دعيت عليك .. من اليوم مابغى اشوفك ببيتي هواجس فتحت عيونها للاخير عمتها تطردها من بيتها عمتها اللي بغت امها وبيتها مفتوح لها طول عمرها .. بو نواف هز راسه يايد زوجته بحكيها : لكن اخبار ندى نبغى نسمعها وقولي لي هاللحين وين ساكنه وباي حي ..؟ ام حمد : ياقليلين الخاتمه تطردوا هواجس ها .. وهي اللي ساعدتك يا حمد لما حتجت لفلوس .. ولبست بناتك ورزت نواف بمدرسه سنعه .. ماقصرت عنك وعيونها بتعطيكم اياها . .. ماشافت عمرها اول ماوصلتها الفلوس وذكرتكم .. حتى لبيتها ترجتكم تسكنوا معها وانتم رفضتوا وهذا انتم مو اهلها لا امها ولا ابوها باليا قاطعتها هواجس وهي ماسكه دموعها : لا يمه لاتعبي نفسك معهم حق .. ابشروا اخبار ندى عندكم اول باول .. تركتهم وطلعت .. ام نواف بكت من قلب خايفه على ندى ومقهوره عليها ..ندمت انها فكرت تغصبهاعلى عبدالعزيز .. عارفه ندى عنيده لكن مو كذا .. تتركهم وتهرب مع خالها بو نواف تمنى ندى قباله علشان يقطعها قطع صغيره ويربطها يذبحها من الضرب .. لكن ندى هربت اللي مطمنه ان خالها معها يعني بتخافه وبيتصرف معها .. مهما كان سعيدان عصبي ويفهم .. حس بالحسره بقلبه ان بنته تهرب منه وتدور الامان بعيد عنه .. ندى اكشن البيت هربت منه ..؟ : والله لو ترجع لاذبحها بمكانها .. هواجس ارجعت للبيت وهي حاسه بتانيب الضمير ... على اللي عملته .. ندمت انها سايرت ندى بهبالها .. ********************** ************************** بعد مانطبخ الغداء وخلصوا من اكله وريحوا.. وتقهوا .. وسوالف البر ولمت البنات والضحك .. كانت روابي مبسوطه مع البنات لانهم استهبلوا معها وتعلموا بالطبخ .. بعد ماتروشوا وصلوا المغرب جاء متعب وياسر لخيمه الحريم .. : السلام عليكم .. الحريم بعد ماتغطوا الا روابي : وعليكم السلام .. ياسر مبتسم : دانوه ..ساره بنت عمي ماودكم تسوقوا السياره احلام : اكيد .. دانه : قال دانه وساره .. ساره توها صاحيه من النوم وحصلت شي يسليها .. متعب : لا يابنت عمي ياسر بياخذ اخته وبنت عمه وانا بما ان خواتي مو هناباخذ معي بنات عمي .. روابي وقفت : من هاللحين اذا بسوق انا بطلع معكم اما اذا متيعب بيسوق بجلس متعب عطاها نظره جمدتها بمكانها : متيعب هذا بحوش بيتكم .. يله انتي اللي بتسوقي .. اقول عمتي خديجه ماودك تركبي معنا خديجه : لاااا تركت هالخرابيط من زمان ههههههههه متعب :: هع هع هع عقبال بنتك هع هع هع يله روابي انحرجت منه حتى لو بزر مفروض ماتقول عنه متيعب ..اابتسمت ومشت معهم بدون عبايه واحلام بجلال .. بعد ماشاف متعب ابتسامتها نوى اول مايرجع يحكي لامه تخطبها له وشموخ الله يوفقها باللي احسن منه ركبوا بالسياره روابي تسوق ومتعب بالكرسي اللي بجنبها واحلام ورى .. كانت تناظر متعب مبسوطه مره .. وقلبها يدق له بسرعه .. اما روابي معقده حواجبها تركز بالسواقه كانت فنانه فيها متعوده على طلعات البر مع ابوها .. متعب : هااا والله فنانه .. روابي : هههه شايف .. متعب: لا والله مو سهله ههههه احلام بدلع : متعب انت تعرف تسوق صح ..؟ روابي: جد ماعندتس ماعند جدتي .. هذا سؤال اكيد يعرف يسوق .. احلام : انتي يالعانس مالك دخل .. روابي انقهرت منها طوال الوت عانس وتجريح فيها . : اقول اسكتي لاتوطى بتس .. متعب : ياجماعه حصل خير .. كل واحد يصفط سيارته ناظروه الثنتين اي سياره يحكي عنها .. كانوا معصبين ثنتينهم ..ضيع الموضوع مايعرف وش ممكن يعملوا فيه من نظرتهم هذي : اقول روابي انتبهي لطريق ..وش حابين تسمعوا .. احلام : امم خالد عبدالرحمن .. متعب لف عليها مبتسم : خالد عبدالرحمن حتى انتي انا بعد يعجبني .. احلام انبسطت وقلبها يدق بقوه متعب يسولف معها لا وبعد يحب المغني اللي تحبه ..: ايوه واموت على اغنيته – قالت بخجل – حبيبي اسف ازعجتك حلو صوتك قبل لاتنام .. روابي عصبت من جد وحس بنار بقلبها .. غارت على متعب من احلام الغبيه اكيد بيحب احلاموه دامها راميه نفسها عليه كذا .. وهو قال لها ان مافي بنت تحس فيه وهذا احلاموه البزر ..تهتم فيه .. حست بشي يعور قلبها وهي تسمع ضحكت متعب لاحلام : هع هع هع هع اكيد بو نوره تحبيه بعد ..؟ احلام بدلع مايلبق عليها : لاااا اكرهه صوته مايعجبني .. روابي بغيره وصوت متسلط .. : لا انت معها كملوا مصاخه ولا كاني موجودها فيذا .. بعذرهم رسلوني معكم يالمراهقين .. ماتنفعوا لوحدكم متعب : شدعوه شدعوه شركه الالبان معصبه علينا .. ولووو حنا نقدر نتعدى حدودنا وانتي فيذا .. روابي: تتمصخر ها لااا لا تتمضخر .. وقفت السياره نزلت ..: تعالي يالهبله سوقي وانقلعوا من وجهههههههههههي متعب ناظر باحلام مستغرب ..احلام متعوده على عصبية روابي : كيفك بتجلسي هنا بهالبر لوحدك اجلسي ترى ماهميتينا ..؟ متعب نزل من السياره : وش مهمتنا . لا هذي روابي ... محد يزعلها .. راح لعند روابي : شدعوه روابي تزعلي مننا .. روابي كانت مولعه من العصبيه .. :لا مابغى خلااص انت معها روحوا .. كملوا سواليفم عن بو نوره وخالد عبدالرحمن .. متعب : والله مانتحرك من هنا الا وانتي معنا.. انتي روابي مو اي احد .. روابي ناظرته مرتبكه ماقد حد قالها هالحكي ركبت بسرعه لسياره ..ابتسم متعب (( ياحليلها بسرعه تعصب وبسرعه تهدى )) رجع لسياره وكل ماحكت احلام مع متعب قاطعتها روابي بعصبيه وغيره واضحه .. اما متعب كان مكيف وجالس يوزع ابتسامات .. واضح على روابي الغيره .. احلام : الحمدلله والشكر من اسلوبك هذا بتضلي عانس طول عمرك .. روابي ضغطت على اسنانها وعلى الركسون بيدها ..حتى بيضت اصابعها كانت مقهوره من جد .. ونفسها تكسر راس احلام ومتعب اللي بجنبها .. متعب شاف ايدها وكيف تحاول تمسك اعصابها ..عصب من احلام طول وقتها تجرح في روابي .. هو صحيح ماتوقعها تنجرح من حكيه .. لكن الظاهر انها جد تحس .. متعب يغير الموضوع : شركه الالبان يله ورينا شطارتك واسبقيهم .. روابي اخذت نفس طويل وقالت بهدوء : انا مليت برجع للخيام وانت مع الزباله اللي ورى اسبقوا اللي تبغون .. احلام: مالزباله الا انتي يالغبيه العانس ال متعب لف عليها على احلام معصب و صرخ : اسكتي .. احترمي نفسك شوي احلام من اول مادخلتي لسياره وانتي تغلطي احلام انصدمت من صرخته .. حتى روابي ماتوقعته بيصرخ معصب على احلام ..ماشافته معصب كذا من قبل .. هو ماكان معصب كثير لكن مو من طبعه يصرخ على بنت .. احلام غطت وجهها بيدها وبكت .. انصدمت ان اللي تحبه يصرخ عليها علشان عانس .. المراهقين تفكيرهم ياخذهم لبعيد .. متعب توهق هذي تبكي من بنات بو الدمعه.. مثل سجى اخته مشكله والله .. روابي بسرعه وقفت السياره عند الخيام ونزلت احلام منها تركض وتبكي .. ولما جئت روابي بتنزل قال لها متعب بهدوء وارتباك ..كان مترد يحكي او لا.. : لاتضايقي نفسك ياروابي .. ماعاشت من تعصبك ..واوعدك محد يضايقك هنا .. روابي ناظرته متنحه .. وقلبها يدق بسرعه .. ليه متعب يعاملها كذا ..ماردت عليه ونزلت متعب ابتسم وهو يحرك السياره لعبيد (( فدييييييتك بو الهش بديت تعرف تحكي هع هع هع هع )) ********************** ************************** نور تصرخ باعلى صوتها : مااااااابغاه .. مابغاه ... ام هواجس بقهر : حسبي الله عليك ياسعيدان .. هواجس ساكته بدون تعليق ابوها نذل لكن ماتوقعته كذا عاقد على نور بدون ماتدري.. والحقير بو ماهر يدري لكن ساكت ... ماحكى قال بس ان يزيد خطبها .. ام هواجس : يمه نور لاتقهري نفسك .. نور تبكي من قلب احلامها كلها ضاعت مع راكان وكان عندها امل كل شي يتصلح .. لكن هاللحين بعد مازوجها ابوها وقبض الثمن بدون ماتدري ضاع كل شي .. قالت بصوت مبحوح : ليه .. ليه ابوي كذا ..؟ ليه يكرهنا حنا وش اللي عملنا له ضيعنا وباعنا برخيص .. يزيد كان بالصاله وسمع كل الحكي .. وقف لعند بابهم و | |
| |
|
08-12-2007, 02:48 PM
| #109 (permalink) | |
|
V.I.P
| الفصل الثالث والعشرين الجزء الثاني هواجس ساكته بدون تعليق ابوها نذل.. لكن ماتوقعته كذا متملك بنور على يزيد ... من غير ماتدري.. والحقير بو ماهر يدري لكن ساكت ... ماحكى قال بس ان يزيد خطبها .. ام هواجس : يمه نور لاتقهري نفسك .. نور تبكي من قلب احلامها كلها ضاعت مع راكان وكان عندها امل كل شي يتصلح .. لكن هاللحين بعد مازوجها ابوها وقبض الثمن بدون ماتدري ضاع كل شي .. يزيد كان طالع الدرج رايق اللي يبغاه وصار .. نور اللي شافها صدفه بالمطبخ وحس انها هذي البنت المحترمه اللي يدور عليها ... وخلاص ملك عليها .. وضمن انها له ..وكان مفتخر بنفسه ويضن انها بعد ماشافته بالمطبخ وافقة عليه .. اكيد في حد بوسامته ينرفض .. مر من عند غرفتها وسمع كل حكيهم وبالذات الاخير منه .. وصوتها المتضايق .. قالت بصوت مبحوح : ليه .. ليه ابوي كذا ..؟ ليه يكرهنا حنا وش اللي عملنا له... ضيعنا وباعنا برخيص.. يزيد حس انها مو موافقه ومن حكيهم انها مغصوبه عليه او تملكت بدون ماتدري ..؟ ام هواجس : خلاااص يانور الل حص حصل .. لاتضايقي نفسك ومابيدنا شي .. نور بقسوه قالت لامها وهي تبكي : انت السبب بكل هذا ..انتي السلبيه ضعيفه الشخصيه هو ماتجرء يعمل اللي يبغاه برضاك او بدونك الا منك .. ليه تسكتي له ..؟ ليه ماتصرخي بوجهه ها .. هواجس بصوت واثق : نور اسكتي واستحي على وجهك .. نور بطفش : اووه هواجس لاتعمليلي فيها العاقل المتزنه ..انتي اكثر وحده دفعت ثمن سلبيت امي ... من صغرنا وامي سلبيه وساكته وانتي اللي تاخذي شويه من حقنا من الزفت ابوي وبالاخير يضربك وهي واقفه تتفرج ..تخاف تنظرب معك.. مع انك اذا ظربها رحتي تساعديها .. حتى هاللحين انتي تدفعي ثمن سلبيتها .. زوجك لشايب الغبي واخذ ثمنك وانتي الضحيه .. ام هواجس كانت تسمع نور ..وتسمع الواقع والحقيقه اللي تهرب منها .. نور كانت تطعن فيها وتنزف جراح قديمه فيها بدون ماتدري .. هي عارفه ان نور بلحضه غضب نادر تحصل معها ..لكن منهاره من تصرفات ابوها .. هواجس : اقسم بالله يانوير اذا مانطميتي لاكون متصرفه معك ... نور بتريقه : يااامي ارعبتيني ..هواجس لاتنكري انك تبكي كل ليله وتتحسري على حالك .. لاتظني انك ساكته ماحنا بحاسين بالحزن اللي بعيونك .. والا لاننا مطنشين تظني مانحس .. اانا مستحيل ارضى باللي رضيتي فيه لو على جثتي .. هواجس لامس حكي نور وتر حساس كانت تداريه وتبعده عن اللكل لكن الظاهر فاشله توزي الحزن عنهم : مابيدك شي يانور هو زوجك هاللحين خلاص .. نور باستنكار وعيونها بتطلع من مكانها من الصدمه والقهر : كيف يزوجني لهذا المستهتر .. ويسافر ها ..؟ وراكان ... كيف نسى قلبي المتعلق فيه .. هواجس انتي ترضينها لي ا قاطعتها هواجس : احمدي ربك اللي زوجك اياه شباب والحياه قدامه .. نور من قلب مقهور : الله يلعن الفقر والحاجه ... الله يلعن المشروب اللي ضيع ابوي وتركه بدون عقل .. يزيد اللي سمعه يكفيه وزياده .. كسرت خاطره نور .. وحس ان نفسه يطمنها ويوعدها بحياه احسن من الحرمان اللي هي عائيشه فيه .. قرر بينه وبين نفسه يعوضها عن كل شي .. ويعلمها انه مو مستهتر مثل ماتظن .. هو نفسه يبدى حياه جديده معها واكيد بتساعده .. رجع لبرى القصر .. لشركه علشان مايتاخر على الاجتماع .. ....... & ...... نور وهي تدخل لغرفتها.. قالت بتعب لان مابيدهم شي : خلاااص اتركوني لوحدي هاللحين مابغى اجلس مع حد .. ولاتخافوا بجهز نفسي يوم الخميس .. سكرت الباب ورمت نفسها على السرير تبكي .. هواجس هموم الدنيا كلها على راسها وبالذات ان اللي حصل ذكرها بنفسها وحالها .. حطت ايدها على كتف امها اللي تبكي مو من زواج نور .. لااا من الحكي القاسي اللي حكته نور .. : يمه لاتضايقي نفسك ولاتزعلي منها .. تعرفي نوير كانها ندووش اذا نقهرت تقول حكي ماتقصده .. ام هواجس بصوت هادي : لااا مازعلت ولايهمك مني يمه وروحي صحي زوجك للعمل ولا نسيتي ان عنده اجتماع .. هواجس ابتسمت لامها : لا مانسيت هذا انا طالعه اصحيه .. طلعت هواجس من الغرفه وهي متوعده بو ماهر واول شي بتعمله بتتركه نايم لحد مايطير عليه الاجتماع اللي بعد نص ساعه .. لعانه فيها كذا بتتركه .. دخلت للغرفه وناظرت بوجهه نفسها تخنقه ...تعوذت من الشيطان ..ولفت بتطلع الا جوال سعود يدق .. رفعته بسرعه وردت وهي تركض لبرى الغرفه علشان مايحس فيها : الوووو يزيد بدون نفس : وين عمي ..؟ هواجس كشت على السماعه (( مالت عليك وعلى وجهك )): عمك نايم خير بغيت منه شي .. يزيد مستغرب: نايم والاجتماع بيبدى ..؟ هواجس بدون نفس : هو قالي لاتصحيني ولا اني برايح لمكان .. اغصبه يعني .. يزيد نفسه يطلع لها من السماعه ويضربها ضرب : صحيه وقولي له الاجتماع ضروري .. هواجس مقهوره منه وعلى حركته يملك بنور من دون ماتدري : والله ماني بعبده عندك ... علشان اصحيه مثل ماتامر حظرتك ..ويله فارق لامنك ولامن عمك .. سكرت بوجهه السماعه وهي مرتاحه تادبه على الاقل ... يزيد عصب منها وحقد عليها : مردوده يابنت الكلب .. ناسيه انا اختك بين ايدي ..لكن نور مالها داخل انتي انتي اللي بكسر خشتك يالحقيره .. ********************** | |
| |
|
08-12-2007, 02:48 PM
| #110 (permalink) | |
|
V.I.P
| وعود حاطه ايدها على خدها وتحكي مع الشغاله : هو اكيد قالك بيجي عندي ..؟ يورم: يس مدام ... هو في قول ..قول هذا واود في يجي ليل.. وعود بصوت واطي : دامه قال كذا ليه دخل عند ام ريحه .. جد حمار مفهومه حركته ... انا اللي مره بموت عليه مالت عليه وعلى وجهه .. يورم : يبي شي مدام .. وعود: لااا روحي نامي .. قامت ودخلت غرفتها وتمددت بتنام .. وهي تتوعد رياض (( مردوده يالنذل )) ********************** ************************** وصلت الطياره للمطار .. تنفس فهد هواء السعوديه والرياض .. شتاء بارد للمتعودين على حر السعوديه اما اللي ماذاق حرها مثل فهد عادي عنده .. لابس بنطلون جنز وتيشرت ابيض مفتوح الصدر والعقد طبعا .. اخذ شنطته المتوسطه وحطها بالعربه بهدوء ناظر المطار من حوله كثير لابسين ثياب وكاشخين وهو عقدته الثوب والشماغ مايعرف لهم .. ومايهتم لان نزلاته لسعوديه نادره لكن يزيد حلف يحضر علشان .. يشهد لملكته .. عيونه على العربه خايف على الفستان ثلاث ايام تكسرت ايده وظهره ورقبته وهو يخيطه ويفصله ومافي ايد لمسته غيره .. وصل للمشغل فرعه اللي بالسعوديه .. ناظر فيه اغلب اللي يشتغلون سعوديين ..من جده يشرف عليه من بعيد لبعيد .. دخل وهو يدور على غطاء ومخده وينام .. سلم على الشباب وتطمن على الشغل وعلى الفرع النسائي منه ..واخذ سياره للفندق ..بعد مارسل ليزيد انه وصل وبيقابله على الغداء ... ********************** ************************** .. الساعه 7 الصباح من اليوم الثاني .. .. بام الدنيا مصر .. ندى تناظر الناس بالجامعه فاهيه ... ماقد شافت مثل هالمجتمع غيييير عن جامعات المملكه .. هنا بنات وشباب يجلسوا سوا.. وسواليف وضحك ..مجتمع مختلط شافت مثله بالتلفزيون مليون مره .. لكن بالطبيعه غير... وبالذات ان فيه خليجيات ومتبرقعات مثلها كثير .. وفيه فسقانات وخالعات جد كثييير.. بنات وشباب ولاكانهم بجامعه كانهم بمرقص على الوقفه سوا والنظرات الماصخه .. نجودوعيونها على اللكل : ندوووش ندى : هااا نجود: شنو هذا ..؟ حنا وين بهالزحمه ... ندى: مادري .. تعالي نروح للمدرجات نشوف شالقصه .. نجودفتحت فمها : المدرجات كثيره وزحمه وين نعرف ..؟ ندى عوجت فمها : وحنا ماخترنا الا مصر هم سبعين الف مليون نسمه زدناهم نسمتين نجود تمشي وهي تجر ندى : قصدك ثلاث نسمات وخالك اللي ماشفناه من امس الليل ... ندى: مادري من وين له هالفلوس مستحيل هواجس تعطيه كثير وهي عارفته .. طبعا مهر نور أخذه كله ابوها علشان سفرته لمصر .. دخلوا للكلاس اللي هم فيه وكان مزحوووم وحار ..ومليان والشباب على البنات مخلوطين ... ندى: ياويلي معه حق ابوي مارضالي بهالسفره .. نجود: تعالي بس تعالي وانا ادبرها .. اذا وقفنا كذا مادرسنا .. مشوالعند مكان فيه شباب قليل وبنتين خليجيات وبجنبهم واحد مصري .. اظطروا يجلسوا بجنبه ونجودجلست لان ندى حلفت وتوعدت ماتجلس .. بعد فتره بالمحاظره ندى طفشت وابتسمت تحت البرقع : نجووووده قلبي انتي نجود احتقرتها : خير ... ندى : هههه وش رايك نستهبل على هالمصري اللي بجنبك ونتمصلح معه نجود: والله وليه ماتتمصلحي مع بنات ندى: يؤه البنات مملين هذا مصري ونلعب عليه نجود تحمست للفكره : حلووو بس من بيحاكيه احلمي انا ندى : لا انا ... وانا بنت حمد .. ابعدي كذا احاكيه .. لما بعدت نجودوهي تاركه مسافه شخص بينها وبين المصري.. ناظرت بالمصري لحد مانتبه فيها واول ماناظرها .. بعدت عيونها .. ناظرت مستغرب ورجع ناظر قدام .. لكن حس بنظرات ندى اللي رجعت تناظره مستهبله .. لف ناظرها بعدت عيونها ... وعلى هالحال لحد ماقربت المحاظره الاولى تنتهي ... بعدها قالت ندى بصوتها العادي : لوسمحت ياباشا .. المصري لف عليها مستغرب اول مره يحاكي متبرعات : هو انتي بتتكلمي معايه انا .. ندى بالمصري : ايووه .. امال احاكي مين ..- بالسعودي – هذي احاكي مين حقتنا ههههه نجودضربتها بخفيف : اتعدلي يابت ندى شهقت: اآآآآآآآآآآيه بت بت لما تبتك .. انا آنسه .. نجود بصوت واطي : خلصينا الولد يناظرك ندى رجعت تناظر المصري : ايوه لو سمحت يااا .. اسمك بالخير .. نجود: هههههههههه ندى : وجعه انطمي المصري ابتسم : انا محمود وانتي .. ندى بدون نفس : لاااا وتسال عن اسمي ياقليل الادب نجود بين اسنانها : هيييه انتي حنا بمصر قولي اسمك عادي .. – ناظرت بمحمود - هي ندى وبصراحه ياخوي يامحمود هي معجبه بك وبعيونك الخضراء ندى : يالحماره وش هالحكي استهبلي عدل الله يفضحك متاثره من الافلام مع وجهك .. محمود ابتسم اكثر وهو ينار ندى : دنتي صريحه اوي ياندى ندى (( عشتوا ههههه.. الهبله من اول يوم قالت لواحد معجبه فيه .. وش ورانا نستهبل بس خخخخ)) نزلت عيونها علامات الحياء .. نجودكاتمه ضحكتها ومبتسمه تحت البرقع ..: لا يامحمود حنا بنات صريحات ..وماعندنا لعب .. ندى قبل لايرد محمود وقفت لان المحاضره تقريبا انتهت ..: خلاص يانجودتعالي نطلع احراج ... لحقتها نجودوتركوا محمود قبل لاتنفجر بالضحك قدامه ... واول مابعدوا ماتوا ضحك : هههههههههههههه ندى: والله شكلنا بننبسط بهالمصري هههههههه نجود: والله لانهبل بهالمصري خخخخخ ندى وهي مبتسمه من قلب : الا غريبه مانبسط لما قلنا له مع وجهه ثقيل هههههههههههه نجود: شكله خاطب ههههههههه ندى : لا خاطب مستحيل وانا ههههههههههه نجود: اسمعي بس استهبال انتبهي ندى احتقرتها : يعني وش رايك .. بحبه مثلا .. امشي بس نقز بالخليجين اللي هنا نجود: الا قصدك الخليجيات ..ياكثر البنات السعوديات بالبراقع هنا ندى بتفكير: ترى في مصريات محجبات .. المهم لموويه انتبهي مانبغى نتعرف على احد ولا ناكل شي من ايد احد نجودبدلع : ولا حتى محموووود ندى: هههههههههه .. امشي يالهبله على طول معجبه هههههههههههههه نجود: اكشن هههههههههه ********************** | |
| |
 | |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
