ع المغرب
البنات سارن صوب مصمم مدحته لهن ربيعت العنود
شمسة طالع التصاميم والعنود ترمس مع المصمم
ولطيفة ووديمة يالسات يطالعن المصمم وهن منصدمات ع الاخير
طبعن فيكم فظول تبون تعرفون شعنه منصدمات
اوصفلكم شكل المصمم لابس بــــوت الكعب ماله اطول من قعوب البنات
ولا بـــس بنطلون ظيـــــــــــــــــــق مادري كيف حدره
وشعره حدث ولا حـــرج شوي وبيوصل نص ظهره
ولا الظفور حفـــلة اطول عن ظفوركن انتن البنات
لالا الحيـــن صدق بيغسلكن بمشيته مشيته بروحها عرس
شمسة:افففففففففففففففففففففف
العنود:شو فيج؟؟
شمسة:ماشي
وديمة:هب زين تقولين اف اطير الرزق
شمسة:يعل مامن رزق
العنود:بسم الله شعنه تقولين جي؟؟
شمسة:بــــــــــــــــــس
لطيفة:هههههههههههههههههههههههههههههههههههههههههههه ههههههههه
وديمة:هههههههههههههههههههههههههههههههه شفتي الحركه
لطيفة:ههههههههههههههههههههههههههههههههههههههههه يلـــعــنه
العنود:شعندكن؟؟
لطيفة:رافع ضغطيه هو وظفوره يالله نظهر
شمسة:انا بعد مزاجيه زفت ماروم افكر باجر بنردله
العنود:اوكيه
العنود حجزت موعد باجر مع المصمم وظهرن هن الاربع
ويلسن في كوفي مقابل المحل يرقبن راشد ايي
العنود:شمسة انتي شو فيج؟؟
شمسة:مــاشي
لطيفة:اونه ماشي
شمسة:يعني تتحرن السالفه الي ستوت اليوم الصبــح شي عاد
يـــرن تلفونه ويختبص ويهه ويظهر برا ويتم برا اكثر من نص ساعه
وبعد مايحدر يسير ع طول فوق منو بيكون متصل واحد من ربعه؟؟
انسان عادي ؟؟يعني فكرن فيها شوي وبتعرفن منوه متصل
وديمة:حرام عليج لا تظلمينه
لطيفة:شمسة انتي شو تقولين!! انتي تعرفين ان احمد يموت فيج هب بس يحبج
شمسة:لا والله ماظلمه الحركه الي ستوت وايــد عاديه صح ؟؟
العنود:انزين شعنه ماتتخبرينه منوه الي كان متصل بدال ماتمين حاطه في خاطرج ومتضايقه
شمسة:اتخبره ؟؟ تتوقعين بيقوليه الصدق ؟؟ اذا مألف قصه محترمه
لطيفة:يمكن اتصال مهم من الدوام من اي حد ولا واحد من ربعه بس مايبا يرمسه وهو عندنا
شمسة:صح صح
رن تلفون شمسة وشمسة طالعت الرقم وحطته عدالها ولاكن شي يرن
العنود:ردي
شمسة:مابا
العنود:حرام عليج للمره المليون يـرن تلفونج
شمسة:مابا يعني مابا
العنود:كيفج
دويمة:والله حرام حالته صعبه
العنود:منوه؟؟
وديمة:المصمم
لطيفة+العنود:ههههههههههههههههههههههههههههههههههههه هههههههههههه
لطيفة:بعدج تفكرين فيــه
وديمة:هي والله انا اول مره اشوف مثل ها الناس ع الطبيعه
العنود:عيل ابشري بتشوفين وايـــد
وديمة:صــراحه فضيــع ولا منفخ شفاايفه بعد
العنود:انتي ماشفتي الاينر والجحال
وديمة:انا سدنيه الرموش والمسكره
لطيفة:بنات تبن تسير الهردز
شمسة:ابا ارد البيــت
العنود:شو نرد البيت نحن ماسرنا مكان اليوم ..الحين رشود بيي وبنسير الهردز
شمسة:وانا تعبانه وابا اسير البيت
لطيفة:رمسي ذياب ايي يشلج ولا اي حد
شمسة:برمسه
راشـــد وصــــل
راشد:هـــاي بنات
كلهن:هـــــــــاي
العنود:قصيت شعرك
راشد:يب يب دقراديه >>اسم قصه يعني مـدرج
العنود:كشخــــــــــه حلووو
راشد:ادري انيه حلو
العنود:هب انته الي حلو شعرك الحلو
لطيفة:ايــه بسكم يالله نسير
راشد:وين نسير؟؟
لطيفة:الهردز
راشد:الحيــــن!!
العنود:هيه بليــــــز
راشد:اوكيه من عيونيه
العنود:فديت عيونك
شمسة:انا ابا ارد البيت
راشد:الحين!!
شمسة:هيــه
راشد:لحضه برمس أحمد ولا ذياب
شمسة:ذياب مايرد عليه مادريبه ويــن
راشد:اوكيه تعالي معانا بتستانسين وايد انتي ماقد سرتي شارع الهردز
شمسة ستحت من راشد:اوكيه خلاص بسير معاكم
راشد:فروم يور خــاطر >>يعني من خاطرج
شمسة:يس فروم ماي خاطر >>يعني هيه من خاطريه
راشد+شمسة:هههههههههههههههههههههههههههههههههههههههه ههه
العنود:رحموا اللغه شوي خبصتوا اخلاقها
ساروا كلهم شـارع الهردز
وفــي كوفــي رهيب في الهردز اقولكم شو فيه ولا تبون تقرون رواحكم
المهم حدروا كلهم
ياهم الي يشتغل هنــاك وسأل راشد اذا هم اول مره ايــون راشد قاله هيه
المهم يلسوا كلهم عنود وراشد عدال بعض وشمسة ولطيفة ووديمه في
الصوب الثاني يعني مقـــابلينهم
ابتسامه غريبه ع ويه راشد والعنود وهم يطالعون بعض ويطالعون البنات
لطيفة:شو فيــكم؟؟
راشد:نحن!!
العنود:ماشي
راشــد نش وسار صوب الي يشتغلون هنــاك ورد يلس
لطيفة:ويــن سرت؟؟
راشد:كلكن تبن كبتشينوا صح؟؟
لطيفة:لا
راشد:لالا كلكن تبــن
لطيفة:ع كيفكم
المهم يلسوا كلهم يرمسون وملتهين بسوالف
مادروا الا بهاي الحرمه الي يايبه الصينيه الي فيها كبتشينوا وتخرطفت وصينيه
انجلبت عليهــن طبـــــعن شمسة ووديمه ولطيفة تمن يصارخن
وراشد والعنود يظحكون بطريقه هستيريه
وبعد ماصارخن البنات وشبعن صراخ اكتشفن ان ماشي انجب عليهن
لن الي محطوط في الاكواب اسفنج ومن فوق ع شكل الرغوه الي في الكبتشينوا
وشكله صدق صدق طبيعي يعني ماتنكرين
كلهم تموا يضحكون وخلاف الحرمه قالتلهن ان هاي طريقه ترحيب لـ أي حد يديد
ايي الكوفـــي وخلاف سجلت طلباتهم وســـــــارت
شمسة:فارقتها روعتنيه
وديمه:انا زين ماتفصخت
لطيفة:وانتوا الملاعين تعرفون بسالفه
شمسة:وانا اقول شعنه يتبسمون من اول ماحدرنا
راشد+ العنود:ههههههههههههههههههههههههههههههههههههههههههه ههههه
شمسة:ماعليه ماعليه مردوده
راشد:لا هدي اعصابج هب لازم
شمسة:ههههههههههههههههههههههههههههههههههههههههههههه ههههه
راشد:انزين هب حلوه الحركه
شمسة:حلو بعد شو بعد ماصارخت لين ختفا صوتيه
راشد:شو اسويبكن انتن البنات ع اتفه سبب بتشغلن الونان
العنود:انتي فــاتج يوم ستوتبيه ها الحركه
شمسة:شو سويتي ؟؟
العنود:كـــان ثاني يوم لنا في لندن وبعدنيه هب متعوده ع الجو
ولا متعوده ع راشــد المهم الحبيبه كااشخه ع الاخير وحالتيه حاله
ويوم يلسنا طلب راشد انا قلت ع كيفه يطلب الي يباه بس طنشت المهم بعدين
يت الحرمه وسوت نفس الحـــــركه وقفت وانا انفض تنورتيه وابااغم اخر شي ماحسيت ان
شي حــرقنيه شو السالفه وراشــد يظحك اخر شي ستوعبت السالفه وزعلت ماطعت ارمس رشود
كلهن:ههههههههههههههههههههههههههههههههههههههههههههه هههههههه
لطيفة:وانته رشـــــــود؟؟
راشد:ههههههههههههههههههههه انا كفخت ربيعيه الي عداليه حليله
شمسة:طبعن انتوا الشباب مافي تفاهم اي شي بيستوي راعي سمحه وبتكفخ الي عدالك
كلهم:ههههههههههههههههههههههههههههههههههههههههههههه
رن تلفون شمسة وردتلها الضيقه مـــره ثانيه
أحمد طرشلها : ياجـــرح قلبــــــي ودكتوره لا تجــرح القلب بلعاني
لايخرج الوضع عن طور واضيع اسمي وعنواني>>بس طرشها بصوته هو يغنيها
شمسة وايـــد اثرت فيها الغنيه خاصه ان نبرة صوت احمد كان فيها حزن
راشــد: خلصن اكل بوديكن مكان عجيب
لطيفة:وين ؟؟
راشد:بتشوفين
لطيفة:انته واحمد كل ماقولكم وين تقولون بتشوفين
راشد: براويج الفرق بين شحاتين البلاد وشحاتين لندن
لطيفة+وديمة:هههههههههههههههههههههههههههههههههههههه هه
العنود:هيييه عرفت وين بتوديهن
بعد ماكلوا ظهروا من الكـــوفي وراشد وداهم مكان عجيـــــــــــب
راشد:تشوفن ها الريال من يوم يت لندن وهو كل يوم هنيه كل يوم يكمل خمس ست سبع ساعات بالبراده
وديمة:والله
راشد:هيه ..وايد شراته بعد
((الله يسلمكم ها الريال ايي يوقف ويتفصخ بس يتم بشورت ويرش
جسمه كـــــــــــــامل بفليت لونه ذهبي ولا يتحرك ولا يرمس ولا يسوي شي
وقدامه شرات الطاسه ايون الناس ويحطون فيها فلوس يعني يشحت بس بطريقه محترمه
وفي واحد ثاني بعد نفس الشي يتصنم وقدامه الوان وفرشاة الون وانته تلون ويهه وملابسه
وتسوي اي شي تباه وبعد ماتخلص تحطله فلوس وتسير))
لطيفة:الله حلوووووو بصوره
راشد:تعالي تعالي ..براويج شي بيخليه يتحــرك
راشد ولطيفة ساروا صوب الريال الي حاط قدامه الوان وفرشاه ويلسون يلونون قميصه
وايده ورقبته وراشد يرسم ع ريله وع بنطلونه من ورى وكتب ع ظهره حبتين
وكل هذا والريال ولا تحرك وتموا يحاولون يزيغونه وبعده ماتحرك
حط راشد لون احمر في الفرشاه وطبغ شفايف الريال والريال بيموت من الغيظ والمفروض
انا مايتحــرك وهو بيموت غيظ ع راشد ويبا يمسح الون الي ع شفايفه وكل الناس الي
يخطفون يتمون يضحكون ويصورن الريال خلاف الريال رفع يده ومسح الون الاحمر ورد يده محلها
راشد+لطيفة:هههههههههههههههههههههههههه خاطره يشوتنا
لطيفة:تعال نسير عند الثاني
راشد:وينــهن ؟؟
لطبفة:منوه؟؟
راشد:البنات
لطيفة:عند الي صابغ عمره
راشد:هههههههههههههه اونه صابغ عمره مافي امل لتطور
لطيفة:جب جب اونك عاد
راشد:انزين انا تعبت ابا ارد البيت اقنعي البنات
لطيفة:ســــوري
راشد:بتندمين
لطيفة:انا مايخصنيه
راشـد:لطيفان ومرض انتي بس اسألي البنات اذا يبن يردن ولا شو
لطيفة:انته شعنه مسولهن سالفه الا هن شموس وودوم
راشد:انزين رمسيهن بيطيح نصــج
راشد ولطيفة ساروا صــوب البنات
لطيفة:بنات شو رايكن نسير السنما؟؟
راشد بصوت خفيف:الله يغربلج
شمسة:لالا انا تعبانه ابا ارد البيت
وديمة:وانا امايه حرقت تلفونيه تبنا نرد البيت
راشد والعنود وصلوا البنات البيت وردوا شقتهم لن باجر عليهم جامعة
شمسة اول ماوصلت حدرت تتسبح وع طول رقدت
وديمة ولطيفة ع طــول سارن الصالة وقناة الافلام وبطاطسيات وعصاير وحلاويات وسهره صباحي
ذياب في جوله حول العالم من يوم ظهر من البيت مارد لين الحين
في الصــالة
وديمة:لالا ردي على ستوك ان مي شكله احــلى
لطيفة:اونه ستوك ان مي شعرف الحمير بكل الشعير اسمه ستوك ان يو
وديمة:مي ولا يو كله واحــد المهم تردين الفلم
لطيفة:لالا شكله سخيف ندور فلم ثاني احلى
وديمة:لا حلو انا تابعته
لطيفة:سخيــــــــــــفه تابعتيه وتبين تابعينه مره ثانيه
وديمة:سخيفة محد غيرج
لطيفة:ادري
وديمة:ملل
لطيفة:أحمد وين؟؟
وديمة:شدرانيه اخويه ولا اخوج
لطيفة:تتمنين يكون اخوج
وديمة سكتت شوي وردت بحزن:طبعن اتمنى يكــون عنديه خوان بدال ماتم وحيده
لطيفة:ودوم انا ماقصد جي لا تاخذين الموضوع بحساسيه
وديمة:ادريبج
لطيفة نشت وسـارت عند ودوم :ايــه دبوه لا تمين جي مكان قصديه احسسج انج روحج
وديمة:وشعنه تحسسيني بها شي انا حاسه من زمان لا ام ولا ابوا ولاحتى خــــوان الحمدالله ان عنديه يده بعد
ولا الانسـان الوحيد الي كان بيرتبط اسميه بأسمه مــات شو عنديه من ها الدنيا وانتوا تتوقعين ماتعلقتبكم
انتي شموس والعنود صبح وليل معاكن يوم برد دبي كيف بصبر عنكن أمج وراشد حتى أحمد وذياب كلكم
أحبكم وكلكم متعلقتبكم تتوقعين انش الصبح ماكون معاكم كيف بيلس اتريق روحيه كيف بصبر عن الحشره
والظرابه الي نسويها كل يوم كيف بصبر عن خبالج انتي وخوانج
لطيفة:ودوم بــس لاتصيحينيه
ذياب فتح باب الصالة وشغل الليت
وديمة ع طول انخشت ورى لطيفة وتحاول تغطي شعرها ولطيفة تدفر وديمة بيدها لن هي بعد تبا تتغطا
ذيـاب:شعندكن <<بعده ماستوعب انهن بدون شيل ولابسات بجايم >>جمع بجامه
لطيفة:ذياب اظهر برى
ذياب:انزين انزين
سارن البنات يترابعن فوق وفتحن باب الحيرة بقو ويلسن يضحكن ومحتشرات
طبعن شمسة كانت راقده في الحيرة وهي روحها مزاجها زفت وماتزداد
شمسة شلت الفراش عن ويها :مــــــــــرض يهــــــــد سلال مطول
يعني شو محد يروم يرقد في ها البيت مافي احساس مافي احترام للي ملتعن راقد
لطيفة ووديمه وايد منصدمات من شمسة وظهرن بسرعه في الممر الي بين الحجر لنهن يبن يضحكن ولو
ضحكن قدامها يمكن تنفجر من العصبيه
طبعن شمسة لحقتهن:يعني اذا انتن هب راقدات طــز في الي يبا يرقد طــز فينا نحن
لو انا حادره ع وحده منكن ومسويه كل ها الحشرة بتسكتن
أحمد كان راقد بعد ويوم سمع الحشره والهزاب تروع وماعرف شو السالفه
أحمد فتح باب حيرته وهو فاتح عين ومغمض العين الثانيه لنه مايشوف عدل في اليت
أحمد:شو فيه ؟؟
شمسة:وانته شو بعد ياي تكمل ع الشله ناقصتنك انا ..انتوا مافيكم ذرة احساس
أحمد بعد مافتح عيونه وشاف شكل شمسة عدل فطس من ضحك طبعن الحبيبه
كانت متسبحه وحدرت سيده ترقد بدون ماتمشط شعرها يعني تخيلوا وحده شعرها لين ركبها وتتسبح
وترقد ع طول شو ممكن يستوي في شعرها شلق كرنفال فلم هندي ولابسه قميص البجامه بالمقلوب
شمسة:تضحـك!!طبعن بتضك لنك عديم احساس ونذل وحقير ومايهمك غير نفسك
ولايهمك اي حد ثاني ان شالله دوس ع قلوب كل الناس بس عسب توصل لشي الي تباه
واناني بعد وتحب عمـرك
أحمد:منو هذا !! انا !! انا اناني ومادري شو
لطيفة:شموس هدي شوي نحن ماسوينا شي يستاهل كل هذا
وديمة اول مره تشوف شمسة بها الحاله تمت متيبسه مكنها ولا حتى فكرة ان احمد موجود وهي بدون شيله من الصدمه
بس واقفه متفرج لها المسرحيه شوي تضحك وشوي تم ساكته وتتسمع
شمسة:جــب ولا كلمه لا تفتحين حلجج وانته بعد جب اكرهكم كلكم واكرهك انته بعد ياراعي البنات
يا الخايس اصلن انته ماعندك قــلب يا أكبر منافق وأكبر كذاب في العالم
طبعن ذياب سمع الحشره وحب يشارك في الحدث ويوم وصل ان الدنيا
مختبصه وشموس ماخلت حد في حاله وكل شوي تسب حد وتيب كلام من الشرق والغرب
ولا حد رام يفتح حلجه ولا حتى ينطق بكلمه وأحمد الشي الوحيد الي فاالح فيه هو كلمة ((أنا!!))
ذياب:أيــــــــــــه شو مستوي
كلهم ساكتين
شمسة:وانته بعد شرفت طبعن بتشارك في كرنفال عديمين الاحساس نقدر نصفك معاهم حيوان شراتهم
ذياب:هاي شو مشكلتها في الحياه حد يفهمني شي ..عشان اعرف اتفاهم معاها ولا اكفخها بكف ولا شو بضبط
أحمد:انتن شو سويتبها ؟؟
لطيفة:نحن !! نحن كنا
وديمة:والله ماسوينابها شي بس فتحنا باب الحيره
شمسة:يلعــــــــــــنكم كلكم (ورقعت بباب الحيرة )
كلهم قدام الباب وساكتين يطالعون بعض
ردت فتحت الباب:التعنوا انقلعوا من هنيه مابا اشوفكم
ذياب:هاي وايد مكبريلها راسها
أحمد:سكت عنها
ام سلطان فتحت باب حيرتها:شو مستوي ؟؟
أحمد:ماشي
ام سلطان:كيف ماشي وشو كل ها البغيم والحشره
أحمد:صرصور ظهر للبنات وكانن يروغنه
ام سلطان حتشرت بعد وعقت كلمتين وحدرت ترقد
أحمد:آآآآآآآآآآآآآآآآآآآآآآه ياقلبيه كم بيتحمل
لطيفة ووديمه سارن الحيرة الثانيه طبعن تروعن يردن يحدرن عند شمسة
ذياب حدر يتسبح
وأحمد سار حيرته يحاول يرقد يتجلب بس ماياه الرقاد طبعن اي انسان طبيعي بينش ع ها الكرنفال
مابيه الرقاد يســـد الروع لو انا منه مابظهر من الحيره بقول يمكن حد مات
أحمد:شو قصدها يوم قالت ان انا اناني وحقير ومايهمني غير نفسيه ولا راعي بنات بعد يمكن ماتقصد
رمستها بس تبا تقهرنيه ولا هي ماتدري شو تقول ...صـــح طبعن تقصد سالفة مهره لالا مستحيل
شو مستحيل هب هي طول اليوم ماترد ع اتصالتك طبعن عشان ها السالفه اوكيه كيف اتفاهم معاها
مابيني رقاد وانا ادري انها متضايقه ..لو سرت صوبها الحين بتم تزاعق ..ارقبها لين تهدا ..وهاي شو يهديها
تقول بركــان ههههههههه كله كوم وكشتها كوم.....والله فاضي الحين ابا احل السالفه ولا اتمصخر عليها
انزين بس شو الي خلاها تنفجر مره وحده انا عمريه ماقد شفت شمسة جي تباغم حتى ذياب متروع منها
والله حاله ...قطع حبل تفكير أحمد صوت مسج
أحمد قرا المسج وهو يفــور من الغيض
((غريبه ماظهرت اليوم من البيت عسا ماشر لايكون شي مضايقنك ولا مريض
لا ماعتقد بتكون مريض وحبيبت قلبك بتخليك وبتظهر عنك الـــهردز ))
طبعن أحمد ماقدر يمسك أعصابه وعلى طول تصلها بس ماردت عليه
أحمد:آآآآآآآآآآآآآآآآآآآآآآآآآآه أنا من وين بلقها من شموس ولا من ها الوث ولا من الماضي الي شرات ويهيه
أحمد:وضحــــــت همـــــــــــــــومي من ورى الخـــــــــــافق همـــــــــل
واحجــــــــامها حســـــــب الــــــــوضع متفـــــــــــاوته

في حيرة شمسة
الشيخه ردت وحطت راسها ولا كن شي ستوا ولا حتى كدرة مزاجها ولا قالت حليلهم الي برا
عايشين حالة رعب ولا بعد قفلت باب الحيره عسب مايحدرن البنات >>حليلهن وين بيحدرن عند الفك المفترس
أحمد ظهر من حيرته وسار الصاله الي فوق ماحصل حد نزل تحت بعد ماحصل حد
سار المطبخ سواله نسكافيه وسمون جبن >>ويوو حالته صعبه
ويــلس برى معن الجو كان وايد برد والدنيا كلها ثلج بس الحبيب عايبنه الجــو
(( فـي بوظبــي))
نهيان:يالله اميه انا اترخـص
ام نهيان: فداعــت الله ....ربيـــه يحفظك
العنود:مع السلامه يدوتي
ام نهيان:مع السلامه فديتج
نهيان حـب امه راسها
ام نهيان:الله يرضى عليك دنيا واخره
نيهان:امين ياربيه
شما حدرت الصالة: السلام عليكم
كلهم:وعليكم السلام
ام نهيان:وااااااااايه فديت ها الويه >>تقصد سواف
شما:ههههههه ونحن متكشخين ولابسين بيبي ديور عشانج
نهيان:اوهوو وانا وعنوده طاح كرتنا من يوم حدر الشيخ
العنود:هيه والله
شما:لازم ترى ماشي اغلا من الضنى الا ولد الضنى
نهيان:فديت ولد الضنى انا
شما:انزين يالله سيروا .. بتتأخر العنود ع المدرسة وانته بعد بتتأخر
نهيان:يالله مع السلامه
شما:لا تسرع
نهيان:من عيونيه
شما:ربيه يحفظكم
العنود:باي ماماتي
العنود:باي حياتي ...تعالي بحبج
العنود:امواااااااااااح
نهيان وبنته ساروا
شما:وين عميه ؟؟
ام نهيان:عمج يسلم عليج من امس ساير
شما:وين سار؟؟
ام نهيان: سار الســعوديه
شما:قنص ولا صوب عزبه ؟؟
ام نهيان:والله مادريبه تعبت منه ومن حلاله ومن قنصه
شما:ههههههههههههههههههههه ياويلج الا هو عميه
ام نهيان:خليج من عمج الحين عندنا الي اغلا عنه
شما:اونه والله لو ايبلج درزن عيال ما يون اغلا عنه
في الختم
ام سهيل:يابويه بسك رقاد يالله نش
مبارك:اممممممممم
ام سهيل:يالله يعلني فـدا خشمك نـش
مبارك:انـــزين انــزين
ام سهيل:بتنش ولا شــو ؟؟
مبارك:صبري انزين مابتطير العزبه
ام سهيل:لا بتطير
مبارك:انزين الحين بنلحقها قبل لا طير
ام سهيل :والله يأن مانشيت لاشل الدريول وسير روحيه
مبارك:ها نشيت لا تتهندقين عليه
مبارك نش من الرقاد وتسبح وتلبس بسرعه
في الدرب
ام سهيل:وين الدلال؟؟
مبارك:في الدوسه الي ورى
ام سهيل:اصبلك قهوه؟؟
مبارك:لا
ام سهيل:حوه شعنه لفيت كمل سيده ؟
مبارك:بخطف ع دكان حمدان
ام سهيل:شعنه
مبارك:ابا ولاعه ابا ادوخ
ام سهيل:يعلك دوخ البعـــر
مبارك:اميـــن
ام سهيل:انته مابتودرها ها الدواخه ...سقمت حالك
مبارك:محد يودرها في يوم وليله
ام سهيل:وين بتودرها وانته اربعه وعشرين ساعه دوخ
مبارك:وين اربعه وعشرين ساعة ادوخ انا من يومين مادخت بـس الحين محتاي ادوخ
رن تلفون ام سهيل :الوووه.......مرحبا ملاين......بخير يسرج الحال............مديم ياربيه
لا والله سايره صوب عزبتيه الي ورى الريـس ........هيه مبارك يعني فداه .............كيف ..........اليوم!!
بشوف ...لالا ماورايه شغله ............هيه .........ظبابه وبناتها؟؟.....................ع خير انشالله
.............فداعت الله ........ربيه يحفظج
مبارك:ترمسين خالتيه؟؟
ام سهيل:هيه
مبارك:شعندها
ام سهيل:مـاشي تقول ظبابه وبناتها بين اليوم ومسويه عزيمة
مبارك:اهاا ...انزين رمستي خالتيه ؟؟
ام سهيل:في شو؟؟
مبارك:لاحـــول عن شو بعد عن لطيفة ...انا ماعرفتلج يوم انا مابا اعرس تحنين ع راسيه
والحين يوم خترت الي اباها متعايزه ترمسين ختج
ام سهيل:ومنوه قالك مارمستها
مبارك:والله !! شو قالت ؟؟
ام سهيل:من شوي معصب عليه والحين تبا تعرف شو قالت
مبارك:فديــــتج يالله رمسي
ام سهيل:قالت البنت بنتكم وانتوا شوفوا شو تبون تسون
مبارك:هذا كلام العيايز الي انا مادانيه ...كلام في كلام بلا فعل
ام سهيل:عيز حيلك قول امين
مبارك:ههههههههههههههههههه
شمسة نشت ع الساعة عشر الصبــح
طبعن كان مزاجها وايد اوكيــه ورايقه بعد
لبسة تنوره حرير ورديــه ...تجحلت... وحطت ايشدوه وردي خفيـف وقلوس وبلشر
ظهرت من حيرتها البيت هدوووووء بس تسمع صوت خالتها ترمس في الفون
نزلت الصالة الي تحت
شمسة:السلام عليكم
ام سلطان+غبيشه:وعليكم السلام
شمسة:شحالكن لاخليت منكن
ام سلطان:بخير وسهاله
غبيشه:بخير يعنيه فدا روحج
شمسة:يعله دوم
غبيشه:نشن البنات ولا بعدهن راقدات؟؟
شمسة:مادريبهن ..بسير اشوفهن
غبيشه:لالا فديتج خليهن
ام سلطان:يلسي شربي جاي ولا لبن
شمسة:لا مابا بسير اسويليه عصير برتقال
سارت شمسة المطبخ حصلت ميشيل يالسه تنظف هناك
شمسة:هااااي
ميشيل:كيفوا؟
شمسة:منيحه
ميشيل:شو بديك ؟؟
شمسة:ابا عصير برتقال
ميشيل:من عيوني
شمسة:تسلمين فديتج
شمسة ظهرت تحوط
وسارت صوب الحيره الي فيها بلياردوا
وخلاف ظهرت صوب القسم الي ورى عباره عن صاله هب وايد عودة واطرفها الثلاث زجاج
شمسة فتحت باب الصالة وانصدمت ان احمد راقد فيها ..وراقد ع الكنبه بدون لحاف وبدون اي شي وعداله كوب كوفي
شمسة تشاورت تقرب من أحمد وتوعيه ولا تخليه راقــد ..قربت شمسة شوي من أحمد عسب توعيه