27-03-2008, 04:30 PM
| #51 (permalink) | |
|
عضو مجتهد 
 |  البااااااارت (( 14 )) قبل يوم الحفله.... الاحــــد الصبح.... بوظبي دار الظبي.... في بيت عمير...... اليازيه : يالله متى بنسير العين... ام خليفه : سيري طاعي خواتج الحينه بنسير..وخلي البشكاره اتحط الشنط فالسياره اليازيه : اوكيه ) تراهم بيباتون في العين عندهم بيت هناك .. بيباتون اسبوع واصلا هم سايرين عشان الحفله ( حمدان : اميه وينهن بناتج عنبوه هب يلسه عندهن .. من جيه ما اداني اودي حد ام خليفه : فديتك الحينه بين.. حمدان : يعلهن ام خليفه : فديتك ما تدعي... مصبحت ازقرهن واترياهن النيره : يالله انسير ام خليفه : يا حيج يوم هضلتي عنبوه هب يلسه عندج... وين رفيعه واليازيه حمدان : يزوي سارت تطحن وعرست اليازيه : انا هنيه ييت هاه حمدان : لا جان يلستي ما يحتاي بنترياج بنت عمير ام خليفه : يالله ركبوا .. ونزلت رفيعه.. ومهــيــّـــر من الصبح يالس تحت يتريى حمدان : يالله اذا ما شفت حد راكب بسير بروحي العين ام خليفه : الحينه يايين.. يالله حد منكن يزقر البشكارات.... وخلاف ركبوا السياره... وفي طريق العين حمدان كان حاط أغنية عمر العامري... " نسيم(ن) هب ذكــــرني... بخل(ن) طول بفرقـــا وليفن دار على بالـــــي... عليها انوح و اونـــــــــي احبـه صدق من قلبــــي... رفيع الشــان واتمنــــــى" ام خليفه : بنده بنده ... بسم الله نحن الحينه قابضين خط.. العرب اتحط قران وانته حاط لنا غنى حمدان : اشعنه امايه ما عيبتج الاغنية ) وبندها ( ام خليفه : اقولك سو لخوك راشد شوفه وين ومتى بيضهر من بوظبي حمدان : ان شاء الله ام خليفه : ول سوا له وعطني اياه برمسه.. حمدان : انزين... ) واتصل..( راشد : مرحبا الساع ام خليفه : المرحب لا هان راشد : امايه... ام خليفه : هيه راشد : مرحبا بج امايه.. ام خليفه : وين راشد : في بوظبي دار الظبي ام خليفه : شو اتسوي.. ومتى بتي هاه راشد : خلاف ام خليفه : شو خلاف بعد هاه الحينه تعال ما بتحضر الحفله راشد : اكييييد بيي.. بس خلاف الحينه انا ويا الربع ام خليفه : خلهم ربعك وتعال متى بتي فالليل متاخر راشد : لا ما عليج بلحق ام خليفه : هيه اسرع وانته ياي انزين راشد : ههههههههههههههههههههههه ام خليفه : يالله بشوفك ويـّه صوب العين الحينه... وعن السرعه... تراه العمر هب عود جت كل من حشيته نقض راشد : هههههههه ان شاء الله الغاليه ولا يهمج ام خليفه : هيه لا هب ما يهمنيه... انته ولديه.. راشد : يفداج ولدج يا ربيه امره فالج طيب... ام خليفه : ما عليه سم باسم الله الغالي ويالله تعال لا تبطي راشد : الحينه ياي ان شاء الله ام خليفه : ان شاء الله.. ربي يحفظك يا الغالي راشد : شي فخاطرج الوالده ام خليفه : هيه عن السرعه راشد : ههههههههههههه ان شاء الله ام خليفه : عيل ما شي فخاطريه غير.. يالله فمان الله راشد : فمان الكريم.. ويوم وصلوا رماح حمدان شغل امارات اف ام يبا يطالع شو فيها.. وكانت أغنية بن روغه ... هلا بنسيم ... " هــــلا بنســـيم(ن) هـــب من صـــوب اعربـــي... نسنس وهيـــــض مزملي وألحـــــانـــــــي واذكـــــرت نفســـــــي مســــــار حبـــــيبـــــــي... فــــــــــي ليلة(ن) يهـــــنى بهـــــا الولهاني " سار حمدان وبند الاف ام ام خليفه : وايه اشعنه حمدان : شو اميه ام خليفه : اشعنه اتبندها الاغنية حمدان : تراج ما تبين غنى ام خليفه : لا لا خله خله هذا غاوي الكل : هههههههههههههههههههههههههه النيره : لازم بروغه ويوم شغله.... تحــــكم عليـــــــه دون حق وواجــــبـــــي... شـــــــــروات وصــف(ن) قالها الهزاني يــــا نـــاقتي وال العصا وال اشــــــربـــي... وال اصـــــبري عالجـــــود والحرمـانـي ام خليفه : يا حافظ عليه.. سمعتوها... عيده عيده حمدان : ههههه لا امايه هذا الاف ام ام خليفه : جيه مب شريط.. اتحراه شريط حمدان : لا امايه هب شريط ام خليفه : ما عندك فالشريط.... حمدان : عندي بروغه بس نزلته امس وخليته فالبيت ووصلوا العين .... فديــــــــــت الــ ع ــــــــــــــــين انــــــــــــــــــا فالعـين مسكنيه وفالعين انا رابــــي يعل شيخن بناها جنة الرحمن مثواه ... [[ حقوق القصيده محفوظه عنديه... ]] .....>>>> الا بيت واحد من قصيدتيه.. // بداية قصيديته \\...^_^ وساروا صوب بيتهم ونزلوا ورتبوا اقشارهم العصــــــــر سلامي اترمس ودوم سلامي : قوم خاليه عمير هنيه فالعين ودوم : هيه تراه حفلتيه باجر سلامي : انزين لا تدرين انهم بيباتون هنيه ودوم :هيه قالتلي النيره سلامي : يا حيهم ودوم : اقول برايج الحينه مشغوله شويه مشتطين فيا الحفله سلامي : اوكيه برايج عيل ودوم : فمان الله في بيت عمـــــير اللي فالعين ام خليفه : سري طالعي منو ياي اسمع تصيح هرن اليازيه : اوكيه وسارت طالعت من الدريشه اليازيه : امايه هذا رشود يصيح هرن حق الطباخ ام خليفه : جيه اصغر عيالج رشود عيب عيلج حشمي... اليازيه : اسفيييين راشد بن عمير والنعم ام خليفه : هيه اصتلبي راشد حادر... راشد : السلاااااااااام عليكم ام خليفه : وعليكم السلام والرحمه مرحبااااا بالغالي راشد : الله يرحبج عفضله يا الغاليه ام خليفه : فديتك يا ربيه راشد : هاه امايه ما اتعديت عن 150 السرعه بعد شو تبين ام خليفه : يييييييييييه >> شهقت 100 وكم راشد : 150 بس ام خليفه : خيييييييبه وانا موصيتنك لا تسرع راشد : امايه والله ما سرعت اليازيه : لا اتحلف راشد : جب انتي اشدراج.. امايه انا ما امشي جيه بالعاده اسرع عن جيه وهذا ابطأ شي عندي ام خليفه : لا شو ابطأ شي.. عنبوه جانك طاير.. لا جان مشيت 120 انزين راشد : ههههههههههههههه جيه امايه ما تبيني اوصل عنبوه 120 متى بوصل .. ام خليفه : جيه شو وراك ..عنبوه طاير بالله يغير الله... هوب لازم نص ساعه وتوصل... يوم قلتلك اضهر ويانا ما طعت.. راشد : انزين... يالله انا بسير فوق .. نظفنها حجرتيه... ام خليفه : ما وحالهن حليلهن كم بيرابعن ايلس هنيه بخلي ختك اتقولهن ينظفنها.. راشد : جيه شو يسون من الصبح ام خليفه : يا حليلهن يابويه جانهن من الصبح ينظفن من وصلنا.. وبعدين البيت مغبر وايد من زمان ما ييناه من العام راشد : عيل انا بسير احوط ام خليفه : وين توك ياي عنبوك صك الدعنه... ما اتقرون فالبيت.. جنه ما عندكم بيت هايمين فالشوارع غيركم يدور بيوت وانتوا عندكم الخير وهايتين.. راشد : هههههههه اميه فديييييييت روحج انا.. تدرين بي ما اداني يلست البيت جني حريموه ام خليفه : جيه بلاهن الحرمات الا هن ييلسن فالبيت.. والبيت الا الهن بروحهن راشد : انزين ما بتأخر الغاليه بسير شويه وبيي ام خليفه : سر ما اقدر لك حيله.. سم بسم الله راشد : ان شاء الله اليازيه : بسير وياك راشد : وين.. صكي الدعنه ما شي سيره ام خليفه : وااايه وين بتسيرين انتي بعد .. عيب قري جادنه بيسلم على ربعه ولا شي وين تبين مطوزله اليازيه : لا حووول خلاااص ما نبا انسير راشد : دواج.. يالله فمان الله ام خليفه : فمان الكريم عبادي ومنصور رادين من دبي سايرين فنيسان عبيد ((النسيان الابيض ^_^ )) عبيد كان حاط أغنية...... قلــــــــــبي خــــــــذاه لـــــي ساكـــن دبــــي.... غر(ن) جمــــــــيل ومرهـــــف اسلوب فتــّــــــان و بنـــــــــظرات يــــــسبـــــــــــي.... فــــــــايج على الخفـــــرات حـــــــبوب واصبـــحت لا مــــيت ولا حـــــــــــــــــــي.... يـــــــوم ألتقــــــــي بـــــه اذوب واذوب منهـــــا العــــــذوبت صافـــــــــــــي المــي.... مـن مبـــسمن بــو ريــــــج معـــــــذوب خلاف كانت سياره كرزلر عليها رقم رباعي ازرق.. وراهم لازقه فيهم بالقوو وتعطيهم فول ليت... كانوا على خط التجاوز طريق ( دبي – العين ) طبعا عبادي : شوف شوف ورى.. منصور : خيبه هذا ليش جيه لازق فينا عبادي : ما بخوووز براويه شو يتحرى بعمره جيه شارع ابوه وتمت السياره لازقه فيهم وتعطيهم فول ليت.. وعبادي ما خاز عنه تم محله يمشي... السياره (( كرزلر )) جاوزتهم على اليمين يوم ما طاعوا يلفون عنه وسارت جدامهم عقب ما جاوزت منصور : شفت عبادي : خسه الله.. خلافه منصور : الحينه ما بيطيع يعطيك السيد عشان اتجاوز عبادي : جي بترياه انا.. براويك وجان يسير عبيد يمشي على الخط اللي فالنص تراه طريق (( دبي – العين )) ثلاث خطوط ، ثنينه خطوط عاديه والثالث خط التجاوز طبعا اللي يكون عاليسار >> اوني اعطي درس فالشارع والخطوط ^_*.. عبيد مشى فالخط العادي اللي فالنص.. سيارة الكرزلر ما طاعت اتخوز عن خط التجاوز يتحرى راعيها انه عبادي او راعي النسيان يبا يتجاوز خاصه انه في سياره ثانيه صالون عاديه تمشي على الخط الثاني (( اللي فالنص )) جدام قوم منصور عبادي : خل الشارع له السبال وسار اتجاوز على اليمين وكانوا يمشون عبيد وراعي الكرزلر عدال بعض بنفس السرعه منصور : عبادي لا اتحاول تراه لو يبا بيسير عنك عبادي : ادري...انته طالع بس كيف يطنز السبال... خلافه منصور : طبه طبه عبادي : لو اميه هنيه (( قصده يدته )) جان نزلتله بعجويتها (( العجويه = العصا )) منصور : هههههههههه عبادي : هيه ذاك اليوم كنا انا وهيه سايرين دبي وما كان عندي ليسن هذيج الايام وجان يلف علينا واحد جنه لبناني..خلانا ندعم الصوب الثاني اقولك نزلت له وقلت له شو فيك انته شو فيك تميت اواجعه منصور : بعد بليا ليسن وبطران اتهازب العرب عبادي : هيه عيل عندي عيوز وولد صغير لو متنا ... المهم تم الزلمه يهازب وانا ارد عليه وجان اسير واظهر السبانه من ورى لحمار يهدد بعد.. اوني بروعه شوي ... ولانه امايه نزلت له بعجويتها وجان تتحرطم عليه زين ما ضربته منصور : هههههههههههههههه.. شو قالت له عبادي : انته ما اتشوف عنبوك جان نفدتنا.. يا الخلافه.. وخلى مطر لخبر عليك الشرطه منصور : هههههههه حليله الريال ما فهم عليها صح عبادي : وين بيفهم اميه ترمس بدوي منصور : ههههههههههههههههههههه ويدوه دومها وخلى مطر عبادي : هيه .. سرت لها وقلت لها بصوت واطي.. وين تزقرين الشرطه انا بليا ليسن بيعقوني وياج فالسجن منصور : ههههههههههههههههههه انزين عبادي : هههههههههه اونه اتقول لا ماعليك انا براويهم... خلافه وين يعقونا فالسجن وهو الغلطان.. ما جنه نحن الغلطانين بليا لسن لا ومن العين انحوط في شوارع دبي.. ههههههههههههه منصور : هههههههههه انزين خلاف شو سوى.. عبادي : ما شي اتروع عقب ما هازبته .. وسار السبال فاليــــــوم الثــــــاني يـــــــــــــــــــــــــــــــــــــــوم الحفــــــــــــــــــــــــــــــــــــــــــــــ ـــــــله كان براد ذاك الوقت والجوووووو روعه خاصه انه كان نازل مطر ومغيمه البقعه كانوا مسوين ديكوووووووور روووووووووعه وحاطين الطاولات والكراسي خاري حاطين الطاولات والكراسي مرتبينهن بشكل فنااااااان المهم مرتب اممممممم وحاطين ليتات على البيت مثل ليتات المعاريس و طبعا في بلونات مرتبه بشكل فنااان ومنسقه في ورود طبعا معدلينه بشكل رهييييييب والالوان روووعه واللي ساعدهم انه حوشهم وااااااايد عود وكانوا حاطين الكراسي جدام باب الفله وكانوا فارشين فراش تحت اذا اتعرفون الفراش اللي يحطونه في ارضية خيمة المعاريس نفسها .... وبرى البيت مسوين مكان بعد حق الرياااييل (( من العايله ويرانهم وربعهم بس يعني ما عزموا رياايل واايد تدرون حفلة حريم اما الحريم ين من دبي وبوظبي واللي من العين يعني وااايداات )) ويابوا يويله وفرقة وعند الحرمات يت وحده مغنيه ونعيشات.... يعني جنه عرس مب حفله بس تستاهل بنت سلطان ^_* سلامي : الله ودوووووم طالعه قمر.. باجر بيصبحون الخطاطيب على الباب ودوووم : حبيبتي اصلا من زمان هم على الباب بس نحن ما نبا ^_* سلامي : يالخقه... ودوووم : وجنه انتي محد على بابكم ^_^.... سلامي : جيه تبين الفكه منيه ودوم : لا والله سلامي : اذا بنعرس بنعرس رباعه شو رايج ودوم : اوكيه النيره : طالع الماصخات يفكرن بالعرس..... ودوم صدق صدق طالعه فناااااانه المكياج والفستان حتى الحفله ودوم : ثانكس ميرووه : ودوووم قوم عواش وشميم ولطوف وميثه ين ودوم : ياااااااااااا مرحبااااااااااااااا منوره البقعه كلهن : بوجودج الغاليه..... عواش : الله ودووووم طالعه روووووعه... اشعليج... شمه : يه يه يه شهالجمااااااااااال ما انرووووووم كشششششخه اسميج ودوم : من طيبكن والله يلسن يلسن سلااامي ميرووه لا اتخلنهن ام محمد : ودوم تعالي سلمي شو جيه عيب عليج >> من بعيد تزقرها ودوم : يالله يايه عواش : الله يعينها ما بنشوفها وايد لازم تيلس على كل طاوله شميم : هيه مب الحفله حفلتها خلاااااااااص والحرماااات مكثرهن والسيايير والزحمه والحشره حتى الشرطه كانت موجوده هناك يعني كمن دوريه تقريبا 3 دوريات.... ومحمد وحمد كانوا ينظمون السير داخل البيت عند دروازت الباب اللي برى خاصه السيايير اللي تدخل عسب اتنزل الحرمات وخلاف سار محمد عند قوم ابوه يفازعه وفلاح وسلطان ساعدوا حمد... شوي حمد سار وخلى فلاح وسلطان هم اللي يتولون المهمه ^_^ البنات عند قوم بو محمد وهله عيب يرقصن ولا ينعشن بس البنات الصغار ين وانعشن مع النعيشات وارتبشن كانت المغنية اتغني اغنية ميحد ورد جوري .". ورد جوري فوع وجناتك والزمرد فيه خصـــــــــــــيته والمحاسن في تحــــــــــــياتك رد قلبي يوم شــــــــــــلــــيته ما خلج مثلك ولا شـــــرواتك فالخليج ولا بعد ريــــــــــــته حسن بدر وريم لفتاتــــــــــك في فلاه يرب لاقيتــــــــــــــه ليت لي وقتك وساعاتــــــــك ملماكم زرعي اسقيتـــــــــــه وشاقني جيدك ونظراتـــــــك سولعي والقلب شطــــــــــيته من لطاف الطيب عــــــاداتك صبتني والنوم خلـــــــــــــيته راحـــتي ساعة مـــــــلاقاتك يا منايــــــــــــــه اللي تمنيته .". وخلاف قالت لها ودوم اتغني اغنية حربي قالوا تحبه لانه البنات الصغار وخوها منصوري يحبونها وااايد // قالـــــوا تحبـــــــه.... قلـــــــت لاااء ما احبــــــــــــهـ // // يا غـــير احيــــــــــــــــــــــى في محبته وامـــــــــوت // // مــــــــــــــا غيره اللي ساكن القـــــــــــــــــــــلب حبهـ // // ولــــــــــــــــــــــــــــــــه منزلن يعلى على كل لبيوووت // // الصافي الوافي محلـــــــــــــــــــــــــــــــــــــــيه ربــــــهـ // // فيه الحــــــــــــــــــــــــــــــــــسن بين المزايين منــــــعود // // ما رمــــــــــــــــت اقارن او اوازن واشـــــــــــــــــبـــــــهـ // // مـــــاله شبــــــــيه(ن) فالمخالــــــــــــيق منــــــــــــــفـــــــود // كانوا تقريبا كل الحرمات ين ... صدق صدق كانن حرمات واااااااااااااااااااااايد تقريبا حاطين 25 – 30 طاوله وعلى كل طاوله 10 كراسي وبين الكراسي كان في مساحه في هالمساحه كانت المغنيه واقفه والنعشيات والبنات الصغار واليهال محتشرين حمد سار صوب الرياييل اللي في حجرة الباب (( الدي جي )) قالهم عسب يحطون اغنية لايق عليك ويقولون اهداء من حمد بن سلطان لوردة الحفله ودوووم وطبعا ما كانت المغنية بتغنيها خلوا الشريط يغني الاغنية لانه حمد طالب جيه ويوم توها الاغنية بتبدأ المغنية قالت فالمكرفون : احلى اهداااء من حمد بن سلطان لوردة الحفله ودووم.... سلامي : يالله اهدوووج..... ودوم : فديته والله... سمعي كلماتها رووووعه لايــــق عليكـ >> سوري كنت بحط لكم رابط الاغنية لكن قالوا ممنوع ام محمد : سيرن اللي تبا تلبس عباه ولا شي بندخل اليويله والشباب ودوم : اوكيه شوي ولانهم اليويله والشباب داخلين (( عمهم مطر – محمد – حمد – سعيد – عبيد – أحمد – حتى منصور بن سالم – و فلاح – سلطان – علي – سيف – راشد – سالم – حمدان – مهيـّـر – حتى ربعهم : هزاع – حميد – محمد – سعيد – خالد وبعد كمن واحد )) مع اليويله وعيال يرانهم أحمد خبرهم يحطون اغنية وكانت بالهداوه ميحد حمد وقالهم يقولون اهداء من بو محمد واولاده ومن بو سعيد واولاده ومن بو علي واولاده ومن بو خليفه واولاده ومن العم مطر بالهــــــــــــــــــداوه >> سوري كنت بحط لكم رابط الاغنية لكن قالوا ممنوع وكانوا ايولون في نص المنطقه الفاضيه بين الكراسي اللي مخصصينها حق اليواله والربشه ودوم كانت واقفه والكل يصفق والربشه..... ودوم : سلاامي اهدوني اغنية بالهداوه... سلامي : هيه يعرفون انج اتحبينها خلصت الاغنيه وسارت ام محمد صوب الشباب يرمسونها وخلاف سلامي سارت عند المغنية وقالت لها عسب يحطون أغنية ميحد ليديده قمه ويقولووون اهداء من سلاااامي المغنية : طبعا الحينه بنسمعكم اغنية ميحد قمـــه واحلى اهداااء للغاليه وديمه... من سلاااامه بنت عمج قــــــــــمهـ >> وردوا الشباب ايولون وحشره استوت.. طبعا كان هناك تصوير بالفيديو ...:: قــــاصد جاكم حـــــافي يا حلـــــوين المشم ::... ...:: ولكــــم ضميري صافي والغيركم ما يضـم ::... ...:: وانتوا من الاشرافي والكم قــــــــدر بيعـــم ::... ...:: ما انتوا مـــــن الاطرافي دانات غزر ويــم ::... ...:: والاحــــــــــترام الـــــــوافي حقن علينا يتم ::.... ...:: افضيت سرن خـــــــــــــافي في قلبي منكتم ::... ...:: يــــــا كــــــــامل الاوصافي الزين فيكم عم ::... ...:: مــــــــــذهب وخلقن واافي وبسماتك تنسجم ::... ...:: ما هو من الاخفافي رزيـــــــــــــن ومحتشم ::... ...:: يا صافي الاطرافي انته قصـــــــــــــد اللزم ::... ...:: قاصد جداكم حافي يا حلوين المشـــــــــــــم ::... ...:: والكم ضميري صااااااافي ولغيركم ما يضم ::... برراويكم مخطط عسب تفهمون أكثر كيف كانت الحفله وكيف كانت اليواله راشد بن عمير سار عند الدي جي وقالهم يحطون أغنية عيضه ..× يا ويــل حــالي ×.. وقالهم يخبرون المغنيه اتقول :- " أهداء من البدوي لراعية الحفله وديمه " واختار البدوي عسب محد يعرفه من الحرمات ولا الرياييل يعني فضيحه بس ودوم يباها اتعرف المغنيه : اكبر تحيه لصاحبة الحفله وديمه... والحينه اغنية يا ويل حالي واهداء من البدوي لراعية الحفله وديمه طبعا محد من الحرمات سمع رمست المغنية لانهن كانن يسولفن وحشره واللي اتسلم واللي ترمس واللي تاكل واللي تشرب... يعني ^_^ سلامي : يا عيني البدوي.. منوه هاه اتعرفينه ودوم : لا ما عرفته... سلامي : حركات... سمعي سمعي.. وليش اختار هالاغنية النيره : هذا راشد.. سلامي : ما انروم هذا كله حقج يا ودوم... ودوم : كيف عرفتي النيره : توه مطرشلي مسج سلامي : الصراحه.. حركااااات... سمعي كلمات الاغنيه زين تراهن صدق فيج لووووول ودوم : جب يالله ماصخه بعد تدرين انه هالحركات عيب عندنا :: يـــاويـــــل حـــــالي من جفــاك ومـــــــن بعــــــــادك ومــن فــــرقاك :: :: وأنــــــا الــــذي مـــن زود مـــــا يهــواك قلــــبي علـــى روحي يبديك :: :: أرخصــــت له عمـــــــــري وعيــــــــــني تنمـــــــى شوفك ولقيـــــاك :: ودوم كانت يالسه على الكراسي عدال يدتها طبعا عند الدري مال البيت تحت في المكان اللي امبين فالصور باللون الاحمر | |
 * * * * * * * *  |
|
28-03-2008, 02:36 AM
| #53 (permalink) | |
|
عضو مجتهد
| السلام عليكم واسمحولي على التاخير هاى تكمله البارت 14 [/img] والشباب ايولون.. (( محمد – حمد – أحمد سعيد – عبيد – سيف – منصوري – مطر )) ايبسون عند يدتهم ووديمه اما (( بو محمد – علي – منصور بن سالم - حمدان – فلاح – سلطان – مهــيـّــر – خالهم عمير – عيال يرانهم – ربعهم )) ايولون رباعه ومرتبشين وكل واحد يتخقق راشد سار عدال حمد لانه كان اييبس عند اخته.. منصور شافه وجان يسير صوب اخته سلامي منصور : سلامي ... منوه هذا البدوي اللي اهدا وديمه.. اتعرفينه سلامي ضحكت وبخبث : اعرفه بس ما بقولك منصور : قولي عن لا افضحج الحينه واكفخج سلامي : واحد منصور : انزين ادري انه واحد هب وحده سلامي : واحد يعشق ودوم منصور : منووه >> بصوت قوي شويه سلامي : يهمك اتعرف منصور : لاء.. بس قولي سلامي : وان ما قلت منصوري : عادي لا اتقولين... بس لا تين باجر واتقولين منصور اريد واريد... خيبه اسويلج اللي تبينه .. ) وسار (.... سلامي : منصور تعال بخبرك منصور طالعها : خلاص ما ابا اعرف تدرين ما يهمنيه سلامي : ولد خالي راشد منصور : في ذمتج سلامي : والله.. سمعت كلمات الاغنية كله بالعاني مختارنها منصور : هيه... ) وسار عنها ( منصور دخل مره ثانيه وياهم ايول... ودخل واحد شيبه بعد ايول واحد يعرفونه بس ما يقرب لهم ابدا وتموا يضحكون عليه والشباب عافدين عنده ايولون وايبسون...يعني استوت الحشره والضحك ... كااان فنااااان بمعنى الكلمه شوي وضهروا الرياييل كلهم والشباب برى البيت يعني ساروا بقعتهم.. اتعرفون عسب يتعشون وعقب ما خلصوا عشا عمتهم مريم اذا تذكرونها اخت بو محمد بغت يولعون شلق وسارت رمست قوم حمد وعبادي عبادي : عموه سيري رمسي الشرطي اخاف يقبضونا ما انروم انولع اتعرفين ممنوع خاصه انه دوريات هنيه عند الباب مريم : ما عليه انا برمسه... حمد : انزين عيل يالله مريم : لا قبل ودونيه عسب اييب الشلق عبادي : يالله وركبوا السياره وساروا صوب بيتها ما شي قريب وااااااايد في نفس الحاره ويوم ردوا.. عبادي : هذوه الشرطي رمسيه... ) وفجت الدريشه ( مريم : السلام عليك خوي الشرطي : عليكم السلام مريم : لو سمحت ممكن انولع شلق الشرطي ابتسم : عاد يا ختي ممنوع والله مريم : جيه... عاد هالمره اسمحلنا... و نحن يينا ورمسناكم.. وخلونا حفله وحشره... الشرطي : والله... ( وتم ساكت وخلاف وافق اشر لهم يالله سيروا ) مريم : مشكور اخويه ما اتقصر.. عاد اسمحلنا الشرطي : مسموحين اول واخر مره نسمح مريم : ان شاء الله مشكور وساروا وولعوا االشلق ( مناورات وغيره ) الحرمات كانن يتعشن ومن سمعن تنقيع فوقهن وحشره اتروعن اللي غصت بالعشيه واللي اتغيضت... وفي من الحريم تمن هدادات ليش يولعون شلق... حد منهن من سمع التنقيع ضهر وسار.. طبعا الا كمن حرمه مب الكل وخلاف الشباب والرياييل يعني من اهل البيت عقب ما ساروا الرياييل عنهم دخلوا داخل البيت من الباب الثاني (( طبعا باب الحوش )) لانه ما ايرومون يخطفون جدام الحريم وهن يتعشن وطبعا حد منهم تم خاري واللي دخلوا داخل البيت بو محمد – سعيد بن سالم – حمدان بن عمير – حمد بن سلطان – عبيد بن راشد – سيف بن راشد – على بن راشد – راشد بن عمير يالسين داخل الميلس اللي داخل اما أحمد بن سالم خاري عند هزاع اربيعه – خليفه بن عمير بعد خاري ومحمد وديمه ما كانت تدري انهم ساروا داخل البيت وهي كانت لابسه العباه والعباه خفيفه هاي اللي يحطونها على الراس بس طبعا هي ما حطتها على راسها على جتوفها وما سكتنها بايدينها ولابسه شيله تور كلها شك وتطريز وفوقها شيله ثانيه سودا لانه الشيله التور يبين شعرها وهي اصلا سارت بتعق الشيله والعباه داخل البيت وبترد تضهر لانه خلاص الشباب ضهروا وهي اصلا لبستهن لانه الشباب دخلوا ايولون وبعد لانه امها طرشتها داخل عسب شي وتوها داخله... راشد كان يالس فالصاله يرمس فالتليفون يعني ضهر من الميلس وشافها هي ما كانت متغيشه لانها ما شافته هو بعد ما شافها زين الا شويه من علباها (( علباها = ظهرها )) لانها كانت عند الباب اللي داخل بين مدخل البيت والصاله والله سلمها انها بعدها ما عقت العباه وبتقولون كيف عرفها من صوتها طبعا لانها كانت اترمس البشكاره على طول راشد سكر عن اربيعه ويوم يت بتدخل لمحت كندورة ريال بيضا يعني شافت صوب الريول مب صوب الراس لانه كان يالس فبسرعه بسرعه اتغشت قبل لا يشوفها.. يعني الحمدلله ما شافها وكانت متستره وديمه (( اوووهووو منوه هذا بعد يالس هنيه شو جيه اسميهم الا ضغط الواحد ما ياخذ راحته ابد افففففففف )) ومشت تبا اتسير صوب الميلس ما تدري انه الرياييل هناك.. راشد : سلام عليج وديمه وديمه : عليكم السلام ) طعبا وهي خاطفه تمشي حتى ما وقفت ولا لفت ويهها ( راشد : واشحالج... وديمه : ابخير الحمدلله ومن صوبك راشد : دامني شفتج انا ابخير وتراني ما اشجي غير من فراق الغالي وديمه : انزين راشد : مبروووك ... تستاهلين وديمه : الله يبارك فيك سلامي داخل شافت راشد جان تتغشى سلامي : ودوم وديمه : لبيييه سلامي : لبيتي حايه.. اوه راشد اشحالك راشد : يسرج الحال ولا يضرج يا غير اشكي فراق الغالي سلامي : الغالي هاه.. انزين راشد : لا ما شاء الله وديمه اليوم ضاهره حلوووه >>> طنش سلامي سلامي : جيه بس اليوم راشد : لاااا طبعا كل يوم بس تدرين اليوم اسبشل ودوم طنشت وسارت صوب الميلس وكانت تبا تحدر ومنصور بن سالم يبا يضهر والله سلمها ما اداعموا منصور عرف انها ودوم لكن ما رمسها ولا قال شي.. وعفكره كان يالس عدال الباب لانه كان يرمس فالتليفون والرياييل كانوا يرمسون فما كان يقدر غير انه يضهر او يسير عدال الباب وطبعا سمع الحوار اللي دار بين راشد وودوم وسلامي ... وطبعا يوم ودوم شافت انه هناك رياييل ظهرت واصلا بعدها ما دخلت وسارت المليس الثاني مال الحريم راشد طبعا اتغيض من الخاااطر (( هاي ليش اطنشني هاه شو بلاها عليه يا ربييييه... لا وزين ما دعمت منصور هاللي قاصر بعد.... لتيها دعمتني انا ^_* جان بفرح............ افففففففف .... )) منصور : ها بوسنيده واشعنه متبرز هنيه عن الرياييل راشد : ما شي كنت ارمس اربيعي منصور : هيه يا حيك.... انزين قم خلنا انسير عندهم راشد : ما عليه شوي وبييك.. بس اتريا اتصال مهم منصور : هيه سبحان الله ) وسار عنه ( منصور (( اونه اتصال مهم بصدقك اتحرانيه ..)) في ميلس الحرمات ودوم : شو جييييييييه افففففففف سلامي : خيييبه يا ودوم كنتي بتدعمينه ودوم : المشكله السبال ما قال انه رياييل داخل وهو شافني اني سايره بدخل سلامي : ما عليه حصل خير.. يالله خلصي انتي انقفضي خلينا نضهر خاري شوي ولانه ميروووه يايه ويايبه عواش وشميم ولطوف شميم : هيه دبوووووه يالسه هنيه هاه ودوم : بسم الله ... انزين العرب اتسلم.. شميم : السلام عليكم ... انتي وينج وينج هاه خبريني وين وين اختفيتي ونحن اندورج نحن ياين حق منوه هاه سلامي : بسم الله... انزين عواش لطوف اشعنه ما اتقولن بعد شي عواش : جيه شمامي خلتنا انقول شي سدت الرمسه عنا شميم : جب يالله جب ودوم : الله حركااااات اسميكن... شميم : وانتي شو ميلسنج هنيه عواش : لو تدري امايه اني اتحركت من الطاوله بتغيض اصلا يالله يالله خلتني ايي.. شميم : واشعنه اتحركتي من الطاوله جان يبتي الطاوله وياج عسب يوم بتحلفين بتقولين والله ما اتحركت الا ويا الطاوله الكل : ههههههههههههههههههههههههههههههههههههه ودوم : جيه امها هنيه ما بتشوفها يعني ... وتمن يسولفن وكان باب الميلس مب مسكر الا ملايم يعني مفتوح شويه.. واذا واحد واقف مجابل الباب وفتحته يمكن يقدر يطالع اللي داخل اذا كان اللي داخل واقف عند فتحت الباب حمد سار وزقر منصور خاري وتموا يرمسون فالصاله.. حمد عاطي مقفاه لميلس الحرمات اما منصور فكان مجابل الميلس وما كان يطالع لانه كان يرمس حمد.. شوي حمد ضهر التليفون وتم يرمس.. >> هذيلا شي عندهم ^_*..... المهم .... منصور يوم كان حمد يرمس يطالعه ويطالع اماكن ثانيه يعني ما بيتم الواحد يطالع بقعه وحده وجان يلاحظ حركه ورفع عيونه واطيح عيونه على ميلس الحرمات وعلى الشخص اللي مجابل... وعرف انها ودوم وبدون شعور تم يطالعها وسرحان منصور (( ما شاء الله عليج يا وديمه... اسميج الا غاااااااااااااويه بمعنى الكلمه .... بس والله ما ادري بس اكرها الحينه المشكله الاهل غاصبيني اخذها وانا ما اباها وهي ما تباني.. واللي زاد الطين بله انه انا اتحديتها بخبالتيه وقلت لها باخذج غصبن عنج.... اففففف اخر شي اللي بيطيح فيها انا.. يالله... شو الحل الحينه... بس انزين اذا خذتها بيكون هالجمال حقي انا وبس... مب حق رويشد.. لا لا ما ابا الجمال دامني اكرها... يالله شو الحل )) بشكل عام اذا واحد تم يطالعك ولا خوز عيونه من عليك... اكيد واصلا بدون شعور او اراده بترفع نظرك صوبه... حتى لو ما كنت منتبه... بس هذا شي طبيعي فاالانسان...واكيد انتوا جيه استوابكم واذا ما استوى وهذا طبعا غير ممكن... جربوا وطالعوا.... نفس الشي ودوم... مندمجه فالسوالف والضحك.. وكانت طبعا تضحك وبدون شعور لفت ويهاا صوب الباب لانها حست انه حد يطالعها ولقت واحد اسمه منصور.. يطالعها هيه يوم شافته يطالعها خاصه بدون غشوه على طول غيرت موقعها ولفت عقب ما حمر ويها ... وحمر لانه مهمى كان مدى كرهج للواحد ساعات يصير موقف يخلي وييج احمر.. مثل ما صار على ودوومه الحلوووه ^_^ ودوم (( شو هذا شو يبا يطالع عنبوه ما يستحي ولا يخيل.. خيبه اذا اللي يكرهني وعارف ملامح ويهي جيه يطالعني لو راشد شو بيسوي.... افففففففففففففففففف.... صدق انه مضيع المذهب.. شو يبا يطالع ابا افهم.. ماااااااااضخ... سباااااااااااااااال.... اووووووهوووووووووو... ما تسوى عليه هالحفله يوم كل هذي اثموووم )) شميم : حووووووووه بنت سلطان.. وين وصلتي ودوم : هلاااا هنيه والله بعدنيه ما ظهرت من الباب.. والحينه ناويه اظهر سلامي : صدق فضيحه وخاصه ودوم ودوم : امايه بتحتشر عليه ... عواش : يالله عيل حتى انا ما فيه امايه اتعصب .. بتقول حوامه.. ادور لها معرس الكل : هههههههههههههههههههههههههههه شميم : فديت امايه قلت لها بسير اطالع ودوم قالتي سيري بنيتيه... ودوم : تعالي ما سلمت عليها امج ولا ام عواش ولا لطوف شميم : يالله انزين خلينا انسير عسب اتسيرين اتسلمين عليهن قبل لا يسيرن ويشلنا وياهن سلامي : يالله وسارن خاري عقب ما اتغشن لانه منصور وحمد حضرتهم يالسين عالدرب اقصدد فالصاله ما ادري شو عندهم... سلامي : عنبوه شو ميلسنهم هذيلا هنيه لا خيال ولا مستحى ودوم : درانيبهم.... برايهم المهم ضهرنا... اقول بسير هناك بتين سلامي : هيه ودوم : ميروه وين سلامي : عند قوم شميم ودوم : احسن عسب اتعرف عليهن سلامي : اصلا شمامي ما خلت مجال حق عواش ولطوف يتعرفن على ميرووه.. ودوم : لطوف بنقول بتم ساكته لكن عواش لا مستحيل حتى لو شميم ماسكه الجووو اكيد بتحط بصمه سلامي : اسميهن هههههههههههه ودوم سارت عند المغنية وحبت تهدي الحضور اغنيه ميحد حمد ... ثروة الحب المغنية : اهداء خاص من ودة حفلتنا.. وديمه لكل الحضــــــور للاستـــــماع <<< سوري كنت بحط لكم رابط الاغنية لكن قالوا ممنوع وبعدين سارت ومسكت الميكروفون وعدت قصيده من قصايد الشاعره القديره عوشه... فتاة العرب.. وديمه : السلام عليكم... ومساكم الله بالخير والسرووور.. ويا مرحباااابكم ملاااااااااين... حبيت اعد قصيده واهديها لكم.. طبعا مب قصيدتيه ^_^ قصيده الشاعره فتاة العرب..... واتقول : هــــلا يا مرحبـــا باللي جـــدانا عنو والحق واجبـــهم علــــينا تشــرفنا ونورتوا مــــــسانــــــا وعم الانـــس واسفر به حوينا وعذرِ ٍ به جميل الرد يانـــــــــا تلقـينا قــبوله شــــــــاكرينـــا عســانا ما نخلي منكم عســانــا ولامنـّــا تنال المغرضـــينـــا محبـــي يوم حققتوا رجــــــانـا ولا شمتـّــوا الحســــــاد فينـــا عرفنــــا ثابت ٍ معكـــم غلانــا وصـــار الشـّـك يمحيه اليقينــا تـــــطاولنا من الفرحه سمـــانا ونــوطي فوق لاعــدا قاهرينـا وقلنـــا يا هلا باللي لفـــــانـــــا ولـــو ندري فرشنــــا الياسمينا وسواااااااالم الكل : صح لسانج... وحده من الحضور : لا عاد نبا قصيده من قصايدج وديمه في خاطرها (( خيبه اشدراها اني اعد قصيد.. خيبه استحي ما قد عديت او سمعت حد قصيدي.. مبتدأه فيدتني.. يا ربيه )) ودوم تمت تضحك ومستحيه واصلا هيه كانت واقفه عند الدري مال بيتهم فوق يعني عند مدخل البيت والكل يطالعها ^_^ مستوي جنه مسرح لوووووووول طبعا نزلت وسارت تيلس عدال يدتها ام محمد : محد قالج يالله عديلهن وحده ودوم : ما اقدر امايه استحي وتمن الحرمات الا يسمعن قصيده من قصايدها ..<<< اسميهن الحرمات حشره يالله طبعا داخل يسمعون لانه ميكروفون وسماعات حمد : هههههههههههههههه حليلها بو محمد : والعثه شو بيفجج بنيتيه من اللسنتهن.. الله واكبر عليهن حمد : بيعطونها عين هههههههههههههههههه أحمد : وتضحك.. حمد : جيه ما ضحكت عليها انته الكل يضحك (( حمد – منصور – عبيد – راشد – أحمد – محمد – سعيد – حمدان – سلطان – فلاح – مهـيـّـر )) ودوم : ما اعرف اعد قصيد وحده من الحضور : لا لا اتعرفين سمعنا انج شاعره يالله سمعينا ودوم : استحي الكل : لا لا يالله تمن ساكتات وودوم ميته من المستحى شوي وبطيح وبيغمى عليها يدتها يالسه تقرا عليها ^_* وعدت قصيده يالله يالله 4 أبيات ما رامت اتكمل والحرمات يصفقن لها ويردن وراها.. وحشره سلامي : هههههههههههههههههههههههههههههههههههههههههههه شميم : مسكين حالها هههههههههههههههههههههههههههه سلامي : راحت لبنيه فيها عاد ودوم ما تقهر ههههههههههههههههههههههههه شميم : شوفي الدخان اللي يضهر من راسها.. اختربت التسريحه الكل : هههههههههههههههههههههههههههههه سلامي : حرام عليج.. شميم : كله كوم والمكياج اللي اخترب كووووووم صدق صدق تحفه مستويه.. ميكب موديل يديد لووووووووووووووول وخلاف ردت الاجواء حشره مره ثانيه عقب ما عم الهدوء يوم مسكت ودوم الميكروفون وتمت الحشره لين ساعه متأخره من الليل وعقب ساروا العربان ومحد تم والكل تعبان والحوي استوي فاضي كراسي وطاولات خاليات وديكور وخياس وحاله ام محمد يالسه على الطاوله اللي قرب البيت ام سعيد وياها وبو محمد .... بو سعيد وسعيد ساروا وزاهره وياهم البيت سلامي بعد يالسه عندهم وحمد ومحمد وسلطان وفلاح ... فطامي سارت فوق ودوم سارت بتيلس عندهم بعد يسولفون شوي منصور يى ويلس بعد ويوم يلس ودوم نشت ودوم : يالله انا بسير حد في خاطره شي ام محمد : لا الغاليه برايج سيري بدلي اثيابج سلامي : جيه بتخليني بروحي ام سعيد : جيه منو بيشلج وانتي يالسه عند امنوه الكل : هههههههههههههههه سلامي : لا امايه.. انا ابا اسولف ويا حد... ودوم : انزين تعالي عندي فوق وبدلي ثيابج... سلامي : جيه ابدلهن هاه.. تستهبلين ودوم : برايج.. عيل.. يالله تصبحون على خير.. الكل : وانتي من أهله ودوم كانت سايره ويالسه ترقى الدرى ... منصور يطالعها.... ودوم وقفت عند الباب ما دخلت.. اترمس البشكاره اللي كانت خاري فالحوي... منصور : يالله حتى انا بسير اسمحولنا .. حد في خاطره شي الكل : سلامتك... منصور : هاه امايه بتسيرين ويايه... ام سعيد : ما ادري.. لا برايك بسير ويا أحمد منصور : عراحتج الوالد.. يالله فمان الله وسار ركب سيارته شغلها وولع الليت .. ودوم كانت بعدها خاري يعني هي قامت هو قام عقبها وكل شي صار فنفس الوقت... ودوم لفت ويها لانه الليت ضارب فيها... ودوم (( منو هذا عنبوه اشعنه ما بنده ... منصور.. شو ليش ما يبنده عنبوه يبا يعورنيه )) كان يتعبل بفصوص السياره وخلاف عدل عمره ويوم كان بيسكر الباب شاف انه اللي ضارب على ودوم ابتسم ونزله عنها وسكر الباب وريوس وسار يعل الله يحفظه وودوم دخلت داخل وسارت حجرتها اتبدل ثيابها وتسبح ام سعيد : يالله عيل بنسير بعد نحن شي فالخاطر ام محمد : ما قصرتي الدوب ام سعيد : بسير انتو تعابا ونحن بالمثل ومن الصبح هنيه ام محمد : يتج العافيه ختيه... ام سعيد : يالله بو محمد شي في خاطرك بو محمد : وين ما يلستوا ام سعيد : بنسير.. بو محمد : الله يحفظكم... وساروا بيتهم >>>> يتبــــــع عقب كمن يوم كان الجو مغيم وحلووو .. فكروا يسيروون شمال يتغدون هناك يعني صوب سيح راس الخيمه وهنه....الكل سار يعني قوم بو محمد (( ام محمد – حمد – محمد –ودوم – فطامي ومنصور وبيث )) طبعا محمد يسوق وسايرين فاللكسز وقوم خالهم عميــــر ) بو خليفه ( .... (( ام خليفه – راشد – النيره – رفيعه – اليازيه ))واللي يسوق بهم راشد فالنسيان والعصر كانوا مخلصين وفدرب الدره كانوا في شارع الامارات محمد كان حاط اذاعة امارات اف ام .. وكانت اغنية نانسي عجزم مالت اليهال اليديده شخبط شخابيط محمد يوم سمعها طول على الاخير عليها... عشان منصوري تراه يحبها واااااااااااااااااااااااااايد منصوري كان زعلاااان وتوه ساكت عقب الصياح ومنسدح ويوم سمع الاغنية قام وتم يضحك محمد طالعه من المنظره ومنصوري طالع محمد وعرف انه يطالعه من المنظره وجان يحط ايده على عيونه اونه مستحي محمد : هاه منصوري... شو هذا منصوري استحى وتم يضحك ما رام يسوي شي برستيجه بيطيح >>> حركات اليهال بعد ودوم : منصوري تعال عنديه ) وسار عندها ( حمد : شو هذا منصوري منصوري : خطاطيب >> ما يعرف يقول شخابيط ويسميها خطاطيب ودوم تمت اتغني وياها تبا اتراضي منصوري : شخبط شخابيط.. لخبط لخابيط....مسك الالوان.. ورسم عالحيط خلصت الاغنية ويت اغنية ثانيه وجان يبند الرادو ....وحد السي دي... وكانت أغنية يا شفاتي ميحد حمد.. هالاغنية اتعيب محمد شوي ولانه سيارة رنج يايه طايره على الخط اليمين ومحمد كان ماسك خط السيار (( خط التجاوز )) وتم راعي الرنج يمين يسار يجاوز السيايير يعني واحد طايش ما عليه من شي.. وعقبه يايه سياره ثانيه اودي من اليداد بس اللي نفس الصالون يعني صغيره وراها مسرعه ويمين بعد ويسار وفول ليتات وحاله محمد : هاه يتسابقون ام محمد : بسم الله الله يهديهم... عنبوه فهزحمه ... الله يسلمهم << كان الشارع وااااايد زحمه ودوم : الرنج سابق السياره الثانيه حمد : هيه صبري خليها تمسك الخط واتخوز عن هالزحمه .. وين الاودي بتغلب الرنج اسميها بتسير محد بيقضبها ودوم : جيه الاودي اسرع عن الرنج حمد : هيه وين محمد : طالع وين وصل راعي الرنج ودوم : اسميه خبااااااال ... عنبوه زحمه وجيه خبال حمد يرمس محمد : الرنج مب غريب عليه محمد : شفت الرقم... حمد : لا ما انتبهت لو انتبهت عليه يمكن اعرفه عقب يوم وصلوا طريج العين – دبي شوي .... ولانه راعي الرنج اللي كان يتسابق ويا راعي الاودي وراهم محمد : جنه هذا هو اللي كان يتسابق ويا راعي الاودي حمد : وينه.. لاه هذا منصور ولد عميه ام محمد : وينه منصور وكان منصور توه بيتجاوزهم حمد : هاذوه.... هيه منصور... بسويله ودوم (( خيبه منصور هذاك الخبله... اسميه صدق طايش )) منصور : مرحباااااااااا الساااااااااااااع حمد : المرحب لاهان.. واشحالك منصور : يسرك حاليه ومن صوبك حمد : طيب الحمدلله.. وين منصور : فالشارع حمد : هيه اسمعك جنك قابض خط منصور : هيه الحينه راد العين حمد : وين كنت ثرك منصور : احووط... حمد : خطفت على شارع الامارات منصور : هيه حمد : هيه عيل انته .. منوه وياك منصور : شو انا... وبعدين محد ويايه ابروحي فالسياره حمد : عيل منو راعي الاودي عليها رقم ازرق منصور : هيه عبادي هذا حمد : ثركم نتوا اللي كنتوا تسابقون منصور : وين شفتنا ؟؟!! حمد : شفناكم يوم كنا في شارع الامارات والحينه انته متجاوزنا ولا سلمت... منصور : وين ما شفتكم شو من السيايير عندكم حمد : لكسز منصور : هيه تونيه متخطي وحده.. والله ما انتبهت كنت ارمس بو عسكور حمد : يا حيك.. وشو علومه منصور : ما عنده علوووم يهييت يقول باجر بيسيرون العمره حمد : هيه منوه وياه.. حد من الربع وال منصور : لا بيسير ويا الاهل.. حمد : يا حيه الله يتقبل منه... ان شاء الله يرد مصطلح حاله ويخلي لمغازل عنه منصور : هههههههههههههههههههههههههههههههههه ان شاء الله يا الحشيم انته حمد : وغصبن عنك حشيم... منصور : انزيييين حمد : ها تسمعها الوالده شو اتقول منصور : لا شو اتقول حمد : اتقولك عن السرعه وهالله هالله على عمرك العمر... عبنوه اونه اترابع بليا ذهن... تراه هب عود جت كل ما حشيته نقض.. منصور : ههههههههههههههههههههههههههههههههههههه قولها ان شاء الله وفالها طيب حمد : يا حيك عيل ما اطول عليك بخليك منصور : برايك عيل سلم.. حمد : يبلغ.. فمان الله.... يسلم عليكم منصور الكل : الله يسلمك ويسلمه من الشر محمد : هو صح حمد : هيه هو اللي هذاك اللي اتقولون عنه خبله ام محمد : خيبه.. هذاك اللي شفناه في شارع الامارات حمد : هيه.. ام محمد : عنبوه.. واشعنه جيه يسوي حمد : بعد ام محمد : اها ان شفتك سويت جيه بعمرك تسمعنيه حمد : ههههههههههه ليش امايه يمدحونه ام محمد : خيبه يمدحونه الكل : هههههههههههههههه حمد : جيه اميه يقولون رياضه للسياره واللي يسوق... حتى دكاترت برى يوصون به ام محمد : عن الجذب هذا... صه.... ان سويت بعمرك والله لزعل عليك.. حمد : فديتج وانا اروم عزعلج يا الغاليه ... ان شاء الله امره لا اتوصين.. ام محمد : هيه الغالي جيه اباك ... ربي يحفظكم يا عيال بطني فطامي : ليش ماماه اتقولين عيال بطنج نحن عيالج محمد : جيه بطنها وين هب فيها هب هي فطامي : لا بس ليش اتقول عيال بطنها المفروض اتقول عيالي ام محمد : وانتوا من وين ظاهرين ووين عشتوا قبل لا تضهرون... فطامي : بطنج ام محمد : عيل... ودوم ما كانت وياهم كانت بروحها اتفكر وشالتنها الافكار لمكان بعيد عن جو السوالف عند اهلها.... اليوم الي عقبه الضـــحى..... في بيت قوم بو سعيد.... الحشره شاله البيت خاصه انهم يسون صيانه للبيت كامل... تدرون الحينه أحمد وسعيد بيعرسون وكانوا يبون يعدلون اقسامهم.. ام سعيد فكرت اتسوي صيانه للبيت اصلا دومهم يعدلون بيتهم يعيبهم وما يخلون شي فخاطرهم... اللي يبونه سووه لو شو ما كان سلامي : افففف راسي عورنيه من هالحشره.. متى بتخلص حجرتيه... زاهره : ماماه قالت اليوم بنسير ويا سعيد عسب نختار اثاث حجرنا وحجرت سعيد سلامي : والله اخييييرا... الحمدلله... زاهره : اليوم بنحوط فالعين و باجر بنسير دبي والشارجه عسب انطالع سلامي : يا حيهم.. اصلا ما شي هنيه فالعين عالفاضي احسن عطول انسير دبي.. ولا من برى ابرك... زاهره : صدق بطرانه انتي سلامي : جب يالله... لو نبا انروووم... انزين.. زاهره : ايييه لا اتقولين لي جب تفهمين سلامي : ليش الشيخه شو بتسوين اذا قلت لج.. جب جب جب جب جب زاهره : شو بسوي ) وسارت اضاربها ( دخل احمد وكان مستعيل ضاهر وناسي تليفونه ولقاهن يضاربن.. أحمد : والخيبه ان شاء الله... شو جيه زاهره : هي الباديه.. سلامي : يا الجذوب امنوه اللي ضرب اربيعه هاه هب انتي ) وبدى السب من اول ويديد ( احمد : بــــــــــــــــس عنبوكن هب يهال انتن.. اصطلبن وغدن حريم... ام سعيد حادره ام سعيد : والعثره اتعثركن من بنات.. عنبوكن شو هالزفنه.. سلامي ويونج العاجل.. خسكن الله سلامي : يالله كله سلامي سلامي.. احسن شي بسير فوق...ولاحد يدورنيه ام سعيد : ذلفي محد بيدورج ممتحنين منج اندورج.. وانتي يالله لحقيها بشوفج زاهره : اووهووو انزين... احمد سار فوق ونزل وبعده ما ضهر ام سعيد : هاه الغالي وين بتسير أحمد : طشونه الا هنيه وبرد.. ها الوالده شي فخاطرج.. حايه ولا شي اقضيها لج ام سعيد : سلامتك الغالي.... أحمد : الله يسلمج من الشر...... ) وضهر....( في بيت بو محمد بو محمد : وينها امج زقريها انقفضي فطامي : ماماه في حجرتها بو محمد : جيه انزين اقولج زقريها فطامي: ان شاء الله ) وسارت تزقر امها .... نسيت اخبركم تراهم معزومين عند عرب على الغدا.....( ام محمد : يالله اسميك اكل فواد عنبوه اصبر طشونه شو عايلنك بو محمد : جيه متى تبينا انسير يوم يسيرون العرب عنهم.... يالله انقضي... بيتهم هب فرت حصاه... ولا جريب ام محمد : يالله الحينه........ تبا دخون بو محمد : ما ابا شي اباج قد راكبه فالسياره وخلااااااص ام محمد ابتسمت : انزين انزين... الحينه ان شاء الله... وشلت المدخن وسارت اتدخنه بو محمد : خلصتي انتي ام محمد : هيه بس بلبس عباتيه ونعاليه وبضهر بو محمد : يالله عيل... بسني بسني من الدخون ام محمد : يالله سر اركب وانا لاحقتنك... بو محمد : هيه وخلاف خليني اتريا فالسياره ام محمد : اييييييييهااااااااا سر اقولك انا يايه بس برمس البنات والله انيه خالصه حتى بلبس عباتيه ونعاليه جدامك.. هاه ) وسارت تتلبس ( بو محمد : يالله عيل انا بسير اركب انقفضي الا ام محمد : ان شاء الله... فطامي... فطامي: هاه امايه ام محمد : شو بعد هاه امايه ... سمعي خوج محمد محد وحمد ضاهر خاري سكروا الباب ولا اتفجونه وطالعوا منصوري لا يضهر في هالرمضه... واتغدوا تسمعيني فطامي : ان شاء الله امايه ام محمد : هيه واذا تبون شي اتصلوا عندي ولا عند ابوكم فطامي : اوكيك ام محمد : يالله عيل فمان الله فطامي : فمان الكريم ... في بيت اليد محمد ...... ام علي واليده ومريم بنت اليد محمد واخت بو محمد يالسين فالصاله يسولفن.. اليد محمد توه حادر من الباب يزاقر اليد : راشد... راشد... مريم : جنه ابويه يزاقر ام علي : هيه ... بسير اشوفه اليد : راشد.. ام علي : هاه عميه شو في خاطرك اليد : وينه ريلج ام علي : توه ضاهر اليد : وين سار ام علي : ما ادريبه عميه... تبانيه اتصله.. اليد : لا بوحي بتصل... حد هنيه حرمات عندكن.. ام علي : لا بنتك مريم اليد : هيه متى يتكم ام علي : من شوي... اليد سار داخل عسب يسلم على بنته وخلاف اتصل براشد ولده... يرمسه... العصــــــــــر محمد : ها خلصتوا ام محمد : هيه يالله محمد : ودوم... فطامي ... وينهن فطامي : بوووووووو انا هنيه محمد : اتروعت وااايد.. سيري طالعي ختج يالله فطامي : الحينه بتنزل محمد : اقولج سيري يالله فطامي : اوووهووو ما فيه محمد : سيري بشوفج فطامي : انـزيــيييييين..) وسارت ( وخلاف كلهم ركبوا السياره (( محمد اللي يسوق وساييرين فالاستيشن.... ام محمد ... ودوم... فطامي... منصوري + بيث بشكارته ^_* )) وطبعا فلاح ويا ابوه سايرين دبي وكانوا قوم محمد وامه وخواته بيسيرون العزبه .. تدرون ام محمد سايره تبا اطالع تراهم بانين بيت يديد هناك فالعزبه عشان يوم يبون يباتون.. وهم عندهم قبل بيت بس جديم وصغير يبون شي مريح.. وسارت عاد اطالع (( وطبعا مكيفات وكهربا وماي وكل اساليب الراحه بس تصميم بدوي يعني لانه فالبر وما ينفع اتسوي فله لانه بيكون خاااااااااااايس.... )) :::: أحمد : مرحباااااااااا بو سنيده >> راشد ولد خاله عمير راشد : المرحب باااااجي واشحالك الغالي أحمد : يسرك حاليه ولا يضرك.. ومن صوبك راشد : ما اشكي الا من فراق الغالي.. أحمد : الله يعينك يا اخي راشد : ويعين الجميع أحمد : وين راشد : يا طويل العمر انا في دار الزين.. وبتحديد فالبيت في الصاله على الكرسي الي عدال الدريشه اللي أحمد : حووووووووه بس بس بس... عنبوك انا ما طلبت كل هذا... راشد : انزيييييين والا جيه علومك يا حيك أحمد : الله يحيك شو اتسوي راشد : يوم ييت بخبرك وبكمل شو اسوي ما خليتني محد قالك الحينه ما بقول لووووووول أحمد : ايييييييهاااااااااااااا... سكر سكر.. راشد : هههههههههه يالس بعد شو اسوي.. ما عندي شي اسويه أحمد : هيه عيل اتزهب يالله بخطف عليك راشد : ما فيه.. راسي يعورني اليوم احمد : جب جب.. اونه ما فيك... يالله اتكشخ الحينه يايينك راشد : انزين... وليش بعد اتكشخ وين بتوديني أحمد : بوديك العزبه مووول راشد : لووووووول.. غايته .. هزرك بلاقي حد اغازله أحمد : اتفــوء ... الخير فاضل طال عمرك.. امره.. ان جان تبا البوش ولا الهوش ولا الخيول ولا غيره.. كله موجود راشد : هيه.. انزين شو مثله هالمطلوب أحمد : عيل يالله ألقاك زاهب راشد : ما عليه أحمد : برايك عيل فالعزبه عند فريج بو محمد ودوم : الله اسميه بيت غاوي.. طررررررر من الخاطر صدق صدق الحينه اللي بيخطف وبيشوفه بيموووت لوووووووول ام محمد : هيه عاد باقي الاشياء الخفيفه الشباري وانورد كهربه وماي محمد : ما عليج سويت لهم قالوا باجر بييون وبيرتبون كل شي.. ام محمد : عيل باقي الشباري.. والاشياء الباقيه يوم بني انبات بنيبهم ما يرزن محمد : امره ازهليه كله مسدوود عنج بنت حمد ام محمد : يعلني افداك يالغالي... يعل روحك حرام عليه وعالحساد والظلام.... لا خليت ودوووم : وانا بعد وانا بعد محمد : يالله يا الغياره.. الكل ضحك فطامي ومنصوري يشالون خاري (( يشالون = يتحوطون = يتمشون )) احمد وراشد وصلوا العزبه وساروا يطالعون الخيول... وعفكره نسيت اقولكم عزبة بو سعيد وبومحمد عدال بعض أحمد : جنه حد في عزبة عميه راشد : دراك احمد : اشوف سياره راشد : هيه يمكن بو محمد ياي يطالع احمد : هذي سياره محمد.. تعال بنسير عندهم راشد : الا جيه بنسير احمد : جيه عادي... عميه وبعدين نحن اصلا بنودي الخيول هناك عند خيول محمد راشد : هيه ... يوم الا جيه عراحتك وودوا الخيول هناك محمد كان عند خيوله بعد واتلاقى ويا احمد وراشد واتوايهوا وسلموا على بعض محمد : يا مرحبا احمد + راشد : المرحب بااجي.. محمد : الوالده فوق جان بتسلمون عليها احمد : هنيه هي محمد : هيه يايه اطالع البيت احمد : خلص ولا بعده محمد : خلص .. بس باقي غريضات خفيفه راشد : يعله مبرووووك احمد : صدق يعله مبروووووك ان شاء الله محمد : الله يبارك فيكم.. راشد : عيل بنسير انسلم.. محمد : هيه برايكم.. فوق هيه )) تراه عزبة قوم بو محمد مرتفعه من مكان ونازله من مكان.. البيت في بقعه مرتفعه.. اما الحلال تحت وبعيد عندهم وطبعا كلهم في شبج واحد والبقعه وسيعه (( وساروا صوب ام محمد راشد : هووووود حد هنيه ام محمد كان خاري ولفت ويها ام محمد : هدااااا... مرحباااا السلاااااااااع ملااااااااين احمد + راشد : الله يرحبج عفضله ... ) وسلموا عليها ووايهوها ( ام محمد : واشحالكم ربكم ابخير احمد + راشد : ابخير يسرج الحال ام محمد : واشحال هلكم وعربكم مناك.. احمد + راشد : كلهم ابخير ونعمه الحمدلله ام محمد : يا مرحبااااا راشد : يعله مبروك عمتيه ام محمد : الله يبارك فيك الغالي احمد : خالتيه مبرووووووك ما شاء الله شكله فناااان ام محمد : ربيه يبارك فيك الغالي... هيه يوم قلت لامك قالت لا منوه يقوله بيضهر مب حلووو احمد : هههههههههههههههههههه ام محمد : بعده ما خلص مالكم احمد : لا محد فاضله الحينه مشدوهين (( مشدوهين = مشغولين )) ام محمد : هيه صدق وراكم عرس انتوا.. يالله يعله بالبركه عليكم... احمد : الله يبارك فيج.. ام محمد : هبطوا براويكم البيت راشد : يالله وراوتهم البيت (( الصاله... والمبرز عشان يوم بيونهم عرب.... والمطبخ.. وحجرة البشكارات .. وحجرة الام والابو... وحجره لمحمد ... وحجره لحمد وفلاح.... وحجره لودوم وفطامي .... وطبعا كبار شويه بس لانه ثنينه فيهن.... )) .....المبرز = الميلس....^_^ ودوم كانت خاري... ويوم وصلوا عند حجرة قوم ودوم ام محمد : وهاي حجرة ودوم وفطامي.. راشد فز قلبه.. (( فديتها هاي حجرتها... يالله... متى بتستوي من نصيبي... بتخبل انا... احلى حجره <<< ما كان شي فيها من اثاث ابد وين احلى حجره ^_* )) احمد : يالله مبروووك.. ام محمد : الله يبارك فيك راشد : غاااوي ما شاء الله... عيل جيه ما سويتولي حجره هنيه وياكم يوم بيي ابات.. ام محمد : ما درينابك.. امره فالك طيب.. احمد : عنبوك خيـّـل..(( خيـّـل = استح )) ام محمد : لا برايه خله راشد : فالج ما يخيب عمتيه بس اسوي سوالف وياج.. وديمه شافت سياره تحت.. وعرفت انها سياره احمد وسارت صوب البيت مب متغشيه.. لانه احمد عادي وديمه : منزله راسها ولابسه كندوره سودا وفيها رسومات باللون الرمادي والذهبي طالعه خبال وشيله صلاه طبعا تناسب الكندوره (( الشيل الملونه اللي يلبسهن الحرمات فالبيت.. )) وكانوا ام محمد واحمد وراشد عند مدخل الباب داخل واقفين... كلهم لفوا ويهم يوم دخلت ودوم... راشد فز قلبه.. ودوم : افففففف حرررررر... )) ويوم شافت انه حد داخل ...على طول اتغشت.. هي اتغشى من راشد اما احمد لا عادي..(( ودوم : السلام عليكم الكل : وعليكم السلام.. احمد : اشحااااالج وديمه : يسررررك الحال ولا يضرك ومن صوبك... احمد : ابخير وسهاله الحمدلله راشد : اشحالج وديمه وديمه : ابخير الحمدلله وانته اشحالك راشد (( حالي بخير يوم شفتج وسمعت حسج )) : ابخير الحمدلله وكانت واقفه عدال امها.. وديمه : شو رايكم فالبيت راشد : فنااااان ما شاء الله احمد : ما شي مثله غاااوي.. يسد انه خالتيه هيه المتعبله فيه ام محمد : لا خليت منكم يا ربيه احمد : عيل نترخص منكم بنسير نحن ام محمد : وين افااااا احمد : ورانا هالخيول مشغولين.. ام محمد : الله يعينكم يا ربيه.. وديمه كانت سايره صوب حجرتها... لانه كانت فاره تليفونها هناك وتبا تيبه... راشد : اوه تليفوني وينه احمد : تراك حطيته عالدريشه فحجره من الحجر.. ام محمد : سر دوره الغالي ما عليك راشد : انزين.. ) وسار وهو يذكر انه في حجره قوم ودوم... ( وديمه كانت هناك مبطله الدريشه لانه حررررر واترمس اربيعتها.. وواقفه عند الدريشه.. راشد يا يبا يدخل ولانه يسمع صوت.. ويوم وقف على الباب.. شافت عينه شي اتحبه واتموووت فيه ودوم عاطيه مقفاها وواقفه عند الدريشه راشد (( فديييييييييييييييييييييييييييييتتتتتتتتتتتتتتتتتتت تتتتتتتتج والله )) .... عاد هو استحى وما يبا يحرجها.. وجان يتنحنح.. وديمه انتبهت وجان اتغشى بسرعه واتسكر عن اربيعتها... راشد : نسيت تليفونيه.. عند الدريشه وابا اشله.. وديمه : ما شفته.. راشد سار يبا يشل تليفونه.. وديمه ظكت بعيد شويه.. ويوم شله.. راشد : وديمه وديمه ( يالله بدى لمغازل ) : نعم راشد (( اقولها ولا ما اقولها )): الله ينعم عليج .. في خاطريه شي وديمه : ؟؟؟؟؟؟؟؟؟؟؟؟؟؟؟؟ راشد (( بقووووووول .. هاي هيه الفرصه المناسبه.. بعدين ما بروووم )) : ابا اخذ رايج قبل لا اسوي شي.. عشان يرتاح قلبي وتفكيري وديمه : ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ راشد : وديمه.. انا اباج... وناوي اخطبج.. عاد ابا اعرف انتي موافقه ولا لاء وكان متقرب منها... ودوم فجت عيونها على هالجرأه خاصه انه ما عندهم هالحركات في عايلتهم عيب وديمه (( خيييييبه شو هالمصاخه محد يسويها عندنا الا جان هالغربتيه او المجنسين ولا اصل من هنيه.. محد سوالها.. خيييييبه يالقوااااه )).. وطاح التيفون من ايدها.. سار وشله من تحت وسار صوبها ومد ايده يبا يعطيها التليفون.. ما عرفت اتمد اتشله ولا لاء.. سارت مدت ايدها... وخلاف يوم يت بتشله كانت ماسكتنه بطراف صبوعها اونه ما تبا ايدها تلمس ايده.. وكان بيطيح مره ثانيه فنزلوا ايدهم هم الثنينه اتعرفون يوم حد ماسك شي ويبا يعطيه الثاني ويوم ما يمسكه زين كلهم ينزلون يمسكونه عسب ما يطيح.. ومسك التليفون وصبوعها.. عاد هيه استحت من الخاطر وافتضحت... راشد انشق من الفرحه.. (( فديت صبوعها انا .. يالله متى بتكونين من نصيبي... لااااااا اسميني الا متخشع تخشيع... والله بهدلني هالحب... مالت عليه.. وين مالت الا يا حافظ عليه... يالله يعلني افدااااااج )) ... طنشته وسارت عنه.. ما سوت له سالفه راشد (( يا ويييييييييل حالي... طنشتني...ولا يمكن مستحيه.. ما ادري... يالله بسير بيقولون ابطيت.. )) وسار أحمد : عنبوه شو حيرك.. راشد : ادوره وانا ما ادل فالبيت دخلت كل حجره وطالعت كل دريشه حتى المطبخ.. ام محمد : بلاك عليه جيه ما ينلام الريال وين يدل الا توه طالع البيت.. احمد : لو هب خالتيه يالسه اتحايز عنك جان كفختك الحينه << طبعا كان يمزح وياه ام محمد : وايه اشعنه اتكفخه الا عسب اتأخر احمد : هيه شدهنيه الحينه بتظلم البقعه وما قضية شغلتيه... راشد : عنبوه ما يسوا علينا.. احمد : يالله الغاليه شي فخاطرج.. ما تامرينا بحايه نقضيها ام محمد : لا الغالي طول عمرك.. مشكور ما اتقصر... احمد : فمان الله ام محمد : ردوا السلام على هلكم.. احمد راشد احمد + راشد : سلامن يبلغ ان شاء الله ونزلوا تحت شويه ساروا.. خطفوا على عزبة قوم بو سعيد.. وخلاف ساروا صوب دكان عبدو... براويكم صوه بسيطه للهدكان... الصووووره الله يسلمكم هذذي نبذه عنه الاسم : مطعم وادي الحمام الموقع : فالعين.. وبتحديد بدع بنت سعود .. وبتحديد اكثر صوب البديع... يعني على طريق البر... المواصفات : هالمطعم..معرووووف واااايد خاصه اللي يشتغل فيه والمسؤول عنهم تقربيا اللي اسمه عبدو <<< يحليله استوى مشهور الريال.. هالمطعم يكون زحمه يوم ينزل مطر لانه الشباب كلهم يلعبون بالسيايير والدرجات والبقي عند مكان يسمونه البطحا او فالسيح والعراقيب المجابله لبيت الحلامي... المهم خطفوا ياخذولهم سندويش اسمه ...جيلي جبن... و بارد.. >>> رادين من البر شو تبون ياكلون برجر ولا بيتزا ^_* طبعا كانوا يتريون لين ما ايبون لهم العشا احمد : تدري راشد... راشد : شوه احمد : وااااااايد افكر كل ما اشوف وديمه لازم افكر... راشد مستغرب : ؟؟؟؟؟؟؟؟؟؟؟؟؟؟؟؟؟؟؟؟؟؟ ما فهمت احمد : ادري انك ما فهمت... شو اقولك يعني.. راشد : اللي في خاطرك.. قول.. وبعدين أي وديمه.. احمد : وديمه بنت سلطان.. بنت عميه.. وبنت عمتك ... بعد شو اي وديمه راشد : بلاااااااهااااااااا <<< كان مستغرب من الخاااطر.... احمد : اتعرف.. اربيعيه هزاع.. راشد : هيه بلاه احمد : سار يخطب ودوم من فتره جيه عقب ما ردينا من السفر.. راشد هنيه بغى يموووت : شوووووووووووووووووه احمد : بلااااك.. ليش معصب راشد : هاه لا ما شي كمل.. وافقوا.. احمد : وين وافقوا.. منصور خويه خلاهم اصلا راشد : ومنصور شو يخصه.. احمد : يوم درى اتغيض وحلف انه ما ياخذها.. راشد : ليييييييش احمد : محد يدري بروحه الا جيه من سمع قال والله ما ياخذها وال بحطه تحت التاير راشد : خييييبه انزين ما سألتوه ليش وشو السبب احمد : ما خلوه لا امايه ولا بويه لكن هو ما طاع يخبر.. راشد : انزين وخلاف................ امممممممم... هووو.... ي ح ب ها احمد : ما شي منيه مناك اخر شي خبروا قوم خالتيه.. وقوم خالتيه قالوا حق هزاع وهله انه لبنيه محيره لولد عمها.. وردوهم... وبعدين معروف انه منصور ما يداني ودوم في عيشت الله وين يحبها صدق ضحكتنيه راشد ارتاح شويه بس : والله احمد : والله ... وعقب ما ردوهم وعقب عقب فتره.. يى منصور يقول انا ودوم ما اباها برايها ومتى عقب يومين عقب ما يى ثاني ولد راشد يخطبها وهم ردوه عشانه راشد : الحمدلله احمد : شوووه راشد : لا ما شي ما قلت شي... كمل.. الحينه شو مخطوبه ولا لا احمد : والله يا بوك ما ادري... ابويه حلف انه منصور ياخذ وديمه.. لانه ما عيبه لعبته كل ما اييها حد يتعذرونه والسبه هو واخر شي يقول ما يباها.. راشد : في ذمتك ليييييييييييش.... مب غصب العرس احمد : هد انزين بلاك جييييه راشد : لا ما شي <<< واتغير وييهه احمد : وساروا يخطبونها رسمي.. راشد : ووافقت ... وافقوا هلها احمد : اكييييد راشد : لاااااااااااا اتقوووووووووووووووووول احمد : راشد بلاك انته بلاك.. انا يالس اشكيلك وانته جيه بلاك بتخبرنيه ولا شو راشد : هاه لا ما بلاني شي خبرني كمل.. احمد : هب مكمل لين ما اتقول بلاك.. والله لتقول.. راشد : اممممممممم... احمد : خلاص عيل ما بقولك.... برايني بفكر بروحي فالليل.. ولانه عبدوه يايب العشا احمد فج الدريشه : هاه عبدووه.. عنبوه هب يلسه عندك عبدو : انا شو يسوي هذوه كلاس احمد : شو هذا عبدو : اااااااا هدا جيلي قييييبن احمد : قيييبن عبدو ضحك : هيه قيييبن... و كولا.. احمد : هيه يا حيك.. ما يبت شي غير عبدو : لا انته ما يقول.. احمد : انزين.. كم حسابك... وخلاف ساروا... في العزبه... ام محمد : وينه منصوري... طالعوه بنسير نحن ودوم : اخييييراااا والله مت حر العرب اتسافر وانتوا يايين البر صدق بدوووووو ام محمد : وااايه بلاهم البدوووو.. هم رست الدار... ودوم : والنعم فيكم والله ... انزين انا بدويه بعد محمد : واااااااااايه امحق... الا البداوه خطفت من عدالج وروحت ودوم : لا والله شو قالولك حضريه ولا دلوعه محمد : لا ما قالوا شي.. ام محمد : يالله بس بقفل البيبان وبيكم يالله ركبوا... وساروا البيت في نفس الوقت في العيـــن مول عبادي : يالله عنبوه ما اتحصل باركنات امره... خالد : جيه الا ابروحك اللي تبا يحوط هنيه... العربان كلها هنيه واجازه وفليل.. عبادي : انزين.. خلاااص اوكيه.. فهمت... خالد : اقول.. جنه هناك واحد بيضهر عبادي : وين خالد : هناك هاه ما اتشوف.. عبادي : هيه.. بسير هناك.. ) وساروا ووقفوا سيارتهم ( سعيد : وينهم عنبوه قالوا بيون... حميد : يا خي بعد الواحد وظروفه سعيد : هيه صدق.. حميد : هاه هكم... عبادي : السلاااااااااااااااام عليكم ونشوا عشان يتوايهون مع بعض... سعيد : يا مرحباااا واشحالكم عبادي + خالد : يسرك الحال ومن صوبك سعيد : ابخير ونعمه... عبادي : عنبوه هب حاله سعيد : شو حيركم.. عبادي : عبنوه ما حصلنا باركن بالغصب خالد : كان بيوقف غلط سعيد : عادي متعودين من عبادي.. حميد : يا حيكم.. تعالوا... اتحيدون هذيج لبنيه اللي قلت لكم عنها... الكل : هيه ... حميد : اونه تباني اخذها... سعيد : هههههههههههههههههههه في ذمتك... خذها انزين.. حميد : اتخسي الا انته وحده مرمستنيه ومرمسه غيري شباها عند قوم راشد واحمد..... راشد : يالله كمل وعقب ما اتكمل بخبرك لانيه ما اروم ما اخبرك.. احمد : لا الغالي عراحتك انا ما احب اجبرك عشي ما تباه راشد : لا والله بالعكس بس تدري انا منصدم ومضيق من شي... وعشان جيه ما قدرت اقولك يالس افكر.. دخيلك كمل عشان خاطريه وغلات غاليك احمد : ليش يهمك راشد : شو يهمني بعد هيه يهمني... بموووووت والله... دخيلك ورفجة غالي... احمد : يالله هالكثر... ان زين بخبرك... راشد : وانا اسمعك... احمد : راشد اللي قاهرني الحينه انه ودوم ما اتهون عليه ولا حتى خويه منصور... يعني لا هو يحبها ولا هي اتحبه شو اقولك يعني صدق يتكارهون.. ولو بيد واحد منهم الموت جان فجه على الثاني.. راشد : خيبه لهدرجه ما يدانون احمد : واكثر... واللي قاهرني.. كيف بيعيشون مع بعض ... حرام ودوم يضيع مستقبلها.. منصور ما عليه شر ريال المحنه هي (( محنه = مشكله )) راشد : والحينه.. احمد : ما ادري يا بو سنيده.. عاد التهينا في عرسنا.. وانته اتعرف وعقب العرس ما ادري شو بيستوي.. راشد نزل راسه حزين والدمعه في عينه (( لا شو يعني بتروح مني.. لا واليوم بقوات عين ساير اقولها اباج لي.. اباج حلالي..)) احمد : راشد.. راشد.. راشد : هاه.. وياك احمد : اكرم انك ويايه.. بلاك ما بتقول.. راشد : ااااااااااااااااااااه يا احمد... لو تدري... جان عذرتني... احمد : قول وانا بسمعك عنبوه خويك.. راشد : احمد احمد : عووونك.. راشد : عانك ربك... احمد انا ..... انا احبهاااااااااااااااااااااااااااااااا احمد هنيه فج عيونه : شووووووووووه.... لحظه.. لحظه... ليكون هذيج.. يوم قلتي عنها في ليوا... راشد : هيه احمد هيه... هي.... هي وليتها مب هي.... اااااااااااااااااااااااه يا ويلي... احمد : لا تعليييييق... راشد : شو اقولك يعني.. احمد اليوم يوم سرت اييب تيلفوني يوم كنا في عزبة عمتيه كان في حجرتها.. وانا يوم سرت شفتها..ورقص قلبي من شفتها.. وخلاف قلتلها.. وديمه.. انا اباج.. ابا اخذج.. اباج لي بروحي.. اموافقه احمد : في ذمتك قلتلها....شو قالت لك.... راشد : ما ردت عليه وسارت.. اااااااه يا احمد ما دريت اففففففففف احمد : هد دخيلك هد والله ما احب اشوفك جيه... خلااااااص الواحد ما يدري شو بيستوي باجر.. واصبر لين ما انعرس وانخلص وخلاف بنشوف شو بيستوي.. راشد : اللي قاهرني انه ما يحبها ليش يحرم غيره لييييش احمد : انزين خلااااص... راشد... انسى... سبحان الله يمكن اتكون من نصيبك.. انته شو دراك... راشد : وكيييف مب انته اتقول انه ابوك حلف ودوم محد ياخذها غير منصور... وهلها وافقوا بعد كيييييف تباني اخذها.. احمد : شو اقولك يعني انا الحينه منصدم منك.. منصدم انك اتحبها.. راشد : لا هب من اليوم ولا البارحه انا من اسنين احبها ا احمد من سنين وربي يعلم... احمد : ما عليه.. اتعشى الحينه... راشد : ردني البيت الحينه دخيييلك.. ردني.. احمد : يا ريال... )) وكان يبا يرمس لكن راشد قاطعه (( راشد : ردني اقولك احمد : لا حوول ..ز ان شاء الله.. )) وكسر عالسكان ودار بالدوار وسار صوب بيت قوم خاله عمير (( ورده البيت .... عقب يوم ردوا قوم ام محمد البيت وديمه دقت لسلامي... سلامي طفرانه ومضيجه ما عندها شغله : اهليييييييين بالغاليييييييين ملااااااايييييييين وديمه : هلااااا بج زود يسلمووو على هالتعبير الفنان... سلامي : واشحالج... وديمه : بنعمه.. ومن صوبج سلامي : ما نشكي من شي يا غير هالضيجه اللي فيني طفرانه من الخاااااطر ودوم : وااايه وين تتطفرين وانتوا الحينه عندكم حشرت العرس المفروض اكثر وحده مرتبشه.. سلامي : هيه صدق.. والله تعب.. اسميه هب هين.. ودوم : سلامي.... سلامي .. والله مضيجه.. سلامي : افااااااااا شمنه الغاليه.. شو مضيقنج رمسي وبسمعج... ودوم : اليوم... كنا سايرين العزبه سلامي : هيه صدق بيتكم خلص وال بعده.. ودوم : صدق متفيجه... هيه تقريبا خلص باقي الا غيضات... سلامي : فديتج كملي.. بس صبري بحط سبيكر... ودوم : وليش اتحطين سبيكر لا لا اتحطين... برمسج برمسه خطيره.. ولا ابا حد يسمع سلامي : جيه منوه بيسمع انا يالسه في حجرتيه... ومسكره الباب وايديه خايسه دهان... وال تبينيه اخيس التليفون.. ودوم : انزين... خلااااااص سمعي.. سلامي : هلاااع.. ودوم : اليوم يونا يوم كنا فالعزبه اخوج احمد وراشد ولد خاليه عمير... )) وتمت اتخبرها السالفه (( منصور كان يبا يسير صوب سلامي دق الباب ولا سمعته وفج الباب وسمع كل شي قالته وديمه... وانصدم... سلامي : هههههههههههههههههه ويل حالي... خطبج.. ههههههههههههههههههههههه حركات بو سنيده ما انروووم... ودوم : جب يالله.. والله ما سويت له سالفه وسرت سلامي : استحيتي.. ودوووم : وااااااااااااااااااااااااااايد.. والله افتضحت.... منصور.. اتغيض هنيه من الخاطر.. وجان يتحنحن.. : احم احم... سلامي ارتبكت خاصه انه خافت منصور سمع السالفه وهي قايله لودوم انه محد بيسمع سلامي : ودوم برمسج بعدين حد يدق الباب ودوم : خيبه ليكون حد سمع... منصور يأشر لها عسب تسكت.. واصلا سلامي ارتبكت.. سلامي : ها... ااا .. لا لا محد سمع افاااا عليج.. يالله برايج عن لا يدخلون ويسمعون الحينه .. ودوم : اوكيك... مع السلامه سلامي : فمان الله.. سكري انا ما اروم اسكر.. ايديه خايسه ودوم : اوكيك... )) وسكرت... (( سلامي : جيه ما تستحي انته ليش ما ادق الباب... منصور : جيه مصبحت ادق ولاحد دز ليه ويه... سلامي : انزين... اااااا... سمعت انته شي.. منيه مناك منصور بخبث : مثل شوووه يعني سلامي : هاه... لا ولا شي بس يعني رمستنا.. يعني سمعت شي من سوالفنا العطبيه منصور : لا انا ما اسمع عبط... تدرين.. مب من مستوايه.. سلامي بصوت واطي : يالخقه .... وفي خاطرها (( زين انه ما سمع شي رغم انيه شاكه من الخاطر )) منصور : لبيييه شو قتلي.. سلامي : سلامتك اقولك.. هاه شو تبا...ليش ياي منصور : وانتي شو هذا اللي مازرتبه شعرج ها سلامي : دهان... وبعدين ما يخصك.. منصور : خيبه كيف ريحته خايسه.. عنبوج شو حاطه ..)) وجان يسكر على خشمه (( سلامي : فارج يوم ما عندك سالفه... منصور : ليش اتحريني بيلس هنيه عشان انفد خيبه هب ريحه هاي... ما ادري كيف متحملتنه.. انتي.. سلامي : اوووووهووووو علينا... صدق مزعج.. يالله سر )) ونشت سايره صوبه اونها بتمسكه من ايده وبتضهره (( منصور : حوووووه خوزي لا اتصكيني والله ان خيستينيه بزوالج... سلامي : عيل اضهر.. منصور : هب ضاهر... جيه ما عندج احترام.. سلامي : ما عليه هب متفيجه للاحترام الحينه.. شو عندك ... تبا شي ارمس ما تبا شي الباب وراك اقبضه.. منصور : اتخسين الا انتي والله ما ضهرت يالخايسه.. ما عاش من يضهر منصور بن سالم... )) وسار وانسدح على شبريتها (( سلامي : انته شو.. يالله اضهر.. وتموا يضاربون.. وجان يدخل عليهم ابوهم سالم بو سعيد : عنبوكم شو هالزفنه سلامي : باباه ولدك ما يبا يضهر.. بو سعيد : وانته اشعنه ما تضهر.. منصور : جيه بويه ما عندها احترام اضهرنيه عيب عليها خوها اكبر عنها.. وتطردنيه.. المفروض بأدب وبعدين ما عاش من يطرد منصور بن سالم بو سعيد : صدقه ولد سالم .. وانتي وين الاحترام والا مضيعتنه في السكه يوم كنتي بتسيرين الدكان.. منصور :ههههههههههههههه عااااااااااااااش الشيبه.. في ذمتيه ما فيك حيله.. بو سعيد : اص صه.. الشيبه قال ما تدري اني اصغر عنك ب5 سنين.. منصور : ههههههههههههههههههههههههههههههههه صدق.. نسيت السموحه منك الغالي.. يا بوك الكبر شين.. بو سعيد : هههههههه يالله تعال انزين... منصور : ان شاء الله... سلامي تضحك وفي نفس الوقت معصبه على منصور... سلامي : احسن.. منصور : والله لو هب الوالد يبانيه والله اني ما بضهر..لكن ما عليه براويج سباله وحده سلامي ضهرت السانها عليه.. منصور : ما عليه الخبر عند اميه اضهرين لسانج هاه.. اوكيييه سلامي : عااااادي... في بيت عمـــير............. راشد يوم رد على طول سار حجرته... متغيض وفكره مشغوب.... ولا رمس حد راشد (( مشغوب منك ومشغبني.. يا السولعي يا اريش العين ) ) ام خليفه : بلاه خوج اشوفه مغندم سلم وسار ولا رمسنا غير.. النيره : ما ادريبه تراني وياج يالسه وهو توه حادر.. ام خليفه : يمكن مضيق من شي.. بسير اشوفه النيره : لا خليه الحينه برايه يريح شويه وخلاف سيري طالعيه ام خليفه : ما عليج انتي بسير له الحينه انا امه ...)) وسارت صوبه (( ام خليفه : ها الغالي... راشد : لبييييه ام خليفه : لبيت حايه فديتك.. بلاك اشوفك مضيق... راشد : لا ما شر فديتج لكن تعبان.. ام خليفه : شمنه الغالي راشد (( اااااااه شو اقولها.. يعني )) : لا خليت منج يا ربيه.. اميه انا ما بلاني شي.. يا غير كنا عند الخيول انا ولد عمتيه وكان حر وتعبان بس.. ام خليفه : هيه بس هذا... ما بك شي غير راشد : لا اميه شو بلاني ما بلاني الا العافيه الحمدلله يا غير تعبان وابا ارقد ام خليفه : عراحتك الغالي ارتاح.. اتعشيت راشد : هيه الحمدلله.. ام خليفه : يعله بالعافيه... يالله عيل وط راسك.. فديتك وارتاح راشد (( ااااااااه وين برتاح.. يا امايه لو تدرين )) : ان شاء الله امايه ... تصبحين على خير... ام خليفه : وانته من اهله...)) وسارت عنه (( راشد (( هوب رايم اصدق اللي سمعته من احمد .....اااااه يا وديمه.. ااااه يا عذابي.. وسبت جروحي... كيييف انزين هذا بعده يدرس هذا ياهل... ويييين... شو جيييه... اففففففففففف... اسميها هب حاله هاي يا الله... )) عقب يومين ميره : مرحباااااا ودايم... اشحاللللللج دبوووووه وديمه : بنعمه ومن صوبج ميره : ابخير وسهاله.. ودووووووووم وديمه : لبيييه ميرووه : لبيتي في مكه.. قولي تم وديمه : اممممممممم.. ليش.. ميروه : قولي اول.. وديمه : لا ما بقول اخاف شي ما اروم عليه... ميروه : وين ما اترومين الا اترومين... قولي يالله تم تم تم وديمه : امممممممم انزين تم.. ميروه : تعالي باتي عندنا.. بعد في بيت قوم يدوه ها شو رايج اذا ما تبين عندنا (( قلت لكم راشد واليد محمد مع بعض عايشين في نفس الحوش وفيه بيتين )) وديمه : اوكييييه بشاور هليه وبرد عليج ميروووه : اوكيك.. وبترياج هنيه بتغدين عندنا تسمعين.. وديمه : لا دخيلج .. انا العصر بييكم ميرووه : اففف... اوكيه عراحتج المهم انج تيين وديمه : اوكيه.. اقولج قلتي حق سلامي.. ميروه : هيه اصلا سلامي في بيت قوم يدوه الحينه بتبات عندهم عشان جيه قلت بطالع اذا بتباتين عندنا والله بيكون طماشه.. وديمه : اوكيه خلاااااااص ان شاء الله الليله عندكم.. ميره : اترياج.. وديمه : سلمي... اوكيه ميره : ان شاء الله يالله فمان الله في بيت عمير راشد ما ضهر خاري اليوم من البيت ام خليفه : بلاك الغالي شو يعورك راشد : ما ادري ام خليفه : قم خلنا انوديك الدختر راشد : لا امايه ما ابا ام خليفه : عيل خبرنيه شو يعورك فديتك راشد : ما ادري اميه راسي يعورني وبردان ام خليفه : خيبه جان ما اتكون فيك حمى... بتهيسك الغالي ...) واتهيسته ... (( اتهيس = تلمس ))....( راشد : ااااااايييييي >> صوته متغير شويه ام خليفه : لا لا الا فيك حمى.. قم فديتك بنوديك الدختر.. راشد : اميه ما ابا اسير خليني ام خليفه : اقولك قم ) ومطت اللحاف ( راشد : اميه برد ليش اتمطين اللحاف ام خليفه : جيه بتزيد عليك الحمى خلك جيه عشان اتخوز راشد : لاااااااا .. ما اتحمل بردان انا ام خليفه : بسير وبرد وان تلحفت بعمرك وسارت عنه اطالع حد عشان يودونه الدختر لانه الولد من يومين ما ضهر من البيت ولا يطيع يتغدى ولا شي.. وشكله امره رايح فيها... فالصاله حمدان : جيه بلاه بو سنيده.. ام خليفه : ميهود فديته قم الغالي خلنا انوديه الدختر.. حمدان : انزين... نزليه قبل ام خليفه : وين اروم انزله ريال ما شاء الله عليه .. حمدان : ما عليه يالله خلينا نيبه النيره : بلاه راشد ام خليفه : محموم النيره : يالله.. من يومين هب عايبني حسيت فيه شي... ام خليفه : قومي تعالي النيره : ان شاء الله وساروا كلهم فوق حجرة راشد.... ام خليفه هي اللي فجت الباب ويوم فجته لقت راشد متلحف ام خليفه : واااااااااااااااااااايه... شو قايتلك.. ) وسارت صوب اللحاف وعقته عنه ( راشد : اميه بردان.. ام خليفه : يعلك البرد... عنبوه... حمدان : بلاك بو سنيده اشوفك الا والله انك راشد : راسي يعورنيه حمدان : قم انزين بنوديك المستشفى راشد : يالله خلوني ما ارووووم اتحرك.. ما ابا اسير ام خليفه : عيل والله لتنش .. راشد : يالله.... ومسكته امه من صوب وحمدان من صوب ... و قوموه من الشبريه يعني كان منسدح وخلوه يالس...بعدهم ما وقفوه ام خليفه : يالله.. قم فديتك.. وال تبانيه اشلك... هيه يا بوسنيده يوم الشل شليت.. الحينه ابا حد يشلنيه.. حمدان : الله يعطيج طولت العمر الغاليه والصحه والعافيه ان شاء الله الكل : اميييييييييييييييييين ام خليفه : يالله عيل قم الغالي.. قم فديتك.. ويالله يالله قام.. والنيره يابت كندوره له ولبسها بروحه ما طاع حد يلبسه.. ونزل تحت بمساعده حمدان طبعا ما خلى امه لانه ما يبا يتعبها.. ام خليفه : خلني اساعده واقبضك راشد : جيه امايه انا ثقيل وما ابا اتعبج ام خليفه : فديتك وين بتعبنيه وانته غادلي عصقول يابس ما تاكل.. حمدان : هههههههههه سبوك.. ام خليفه : والله يوم اقوله كل.. يقول ما اشتهيه.. ما ادري جيه الا يبا يختفي.. حمدان : النيره سيري فجي باب السياره وسدحي الكرسي شويه هب وايد راشد : شو بعد تسدحه جيه حامل انا النيره : هههههههههههههههههههههههههههه حمدان : لا بس انريحك .. ام خليفه : ايهاااا هذا يزاته خوك يبا راحتك حمدان : سيري وشغلي السياره.. اتعرفين اتشغلينها النيره : لا ام خليفه : شو اتشغل السياره بعد... امفففففف... لا لا انته شغلها... ما عندنا بنات جيه حمدان : هههههه انزين سيري فجي السياره بس وفجي الباب وسدحي الكرسي وتعالي النيره : ههه ان شاء الله..)) وسارت (( ومشوه لين وصل السياره وركب... ام خليفه : سيري هاتي عباتي النيره : ان شاء الله.. ام خليفه : انقفضي سارت يابت عباة امها... وساروا.. مستشفى الامارات ... في بيت اليد محمد ...... اليده : عبيد.. عبيد عبادي كان توه ياي من الصلاه... وحادر البيت عبادي : عووووووووونج اميه اليده : عانك ربك ان شاء الله... تعال واتقرب منها ويلس عدالها.. عبادي : هالغاليه شو في خاطرج.. اليده : العصر بنسير وياك مساجن ( مساكن ) >>> منطقه على طريق دبي - العين.. فيها مزارع .... عبادي : ان شاء الله اميه.. اليده : بطالعهم هناك.. ما ادري خلصوهن الصنادج ولا لا..(( الصنادج = جمع مفردها صندقه.. تسميه محليه بدويه )) عبادي : لا تدرين باقي شويه.. عاد نبا حد يسير يطالع للحمامات (( الله يعزكم )) اليده : هيه لا خلاص سارت عمتك وطالعت هي وابوك.. عبادي : هيه احسن.. عيل ما عليه متى تبين اتسيرين اليده : الساعه 4 عبادي : فااااااااالج طيب الغاليه... اليده : فالك ما يخب.. صليت ... عبادي : عالنبي.. اليده : عليه الصلاة والسلام.. عيل سر اتغد هلك داخل عبادي : ان شاء الله وانتي.. ما بتين اليده : الحينه بلحقك عفكره اليده ما شاء الله عليها اتروم تمشي ويوم يسيرون دبي ولا بوظبي ولا مكان بعيد عادي بتسير.. يعني ما شاء الله عليها ربيه يحفظها.. ابخير... وعبادي دومه ويا يدته ويده.. وخاصه اليده هيه مربيتنه حتى يبات ساعات عندها هي ويده.. تحت وساعات في حجرته... واليده ما اداني اتسير العزب او المزرعه او بقعه اذا ما وداها عبادي.. وعبادي ما يرضى على امه... ويحبها وااااااااااااااااااااااااااااااااااااايد... ولو تذكرون مره كان يرمس اربيعه ويقوله شو المسنجر.. مب انه ما يعرف حق الانترنت.. يعرف وعنده بس ما يحبها وصدق هو ما يعرف شو المسنجر..بس يسمع عنه واصلا هو اخر همه هالشي... وان شاء الله عيبكم هالبارت.... | |
| |
|
28-03-2008, 03:39 PM
| #57 (permalink) | |
|
عضو مجتهد
| البــــــــــــارت (( 15 )) العصـــر في نفس اليووووم...... ام سعيد : زهـّـووور سيري وعي خوج سعيد.. زاهره : وين ماماه بنسير ام سعيد : ما يخصج .. وانتي وين تبين بعد بتسيرين زاهره : جيه بيلس بروحي..ماماه خليني ابات عند قوم عمي سلطان دخيلج ام سعيد : ما شي قري بقعتج زاهره : ليش خليتي سلامي اتسير وانا لاء ام سعيد : سلامي سارت اتبات عند يدتها... زاهره : انزين هناك ميرووه.. وانا ما عندي حد ماماه دخيلج ام سعيد : يعلج الحشره.. ذلفي امره... زاهره : الله مشكوووووووووووووره الغاليه الحينه بسير اوعي سعييييييييييييييييد طبعا وديمه شاورت اهلها وسارت بيت يدها محمد عشان اتبات هناك واتلاقت فيا البنات.... ام محمد وبو محمد كانوا في بيت اليد.. لين ياهم الخبر من ام سعيد... وساروا ميروه : بلاهم امج وابوج.. وديمه : ما ادري... بسير لهم... )) وسارت صوب ابوها (( بو محمد : ها الغاليه شي فخاطرج وديمه : لا فديتك بس... ما ادري شغبتوني سرتوا بسرعه ومتغير ويهكم.. حد استوابه شي.. بو محمد : لا فديتج ما شر.. وديمه : صدق ابويه... بو محمد : ولد خالج مرقد فالدختر.. وديمه فاجه عيونها : أي واحد واي خال منهم.. بو محمد : راشد بن عمير... )) وهنيه كانت مثل الصاعقه على وديمه (( وديمه : شوووووووووووووووه... متى ولييييييييييييييش بو محمد : ما ندري توها خالتج عاشه سوت تليفون اتخبرنا... وديمه : هيه... انزين... خلاااااص سلم عليهم... بو محمد : يبلغ ان شاء الله )) وساروا صوب السبيتار = المستشفى (( ميروه : ها شو المستوي ؟؟؟ ودوم : ولد خليه عمير مرقد فالدختر.. ميروه : ليييش.. شو السبب ودوم : ما ادري ويوم اتخبرت ابويه قال ما يدري عاد بتريا الخبر منهم يوم بيردون... ميروه : الله يقومه بالسلامه ان شاء الله.. وديمه : قومي انسير عند سلامي... ميروه : يالله...... فالعزبه... عند اليده وعبادي... ^_* كانوا فالسياره وعالكدش يمشون يعني ناهين صوب العزبه اليده : وايه عبيد اشعندك ابويه عبادي : شو اميه اليده : براض عالسياره.. )) براض = شوي شوي (( >>> دليل السرعه عبادي : ليش اميه زين زين جيه اليده : عنبوه كسرت اضهورنا ابروحهن ما يقهرن.. عبادي : ما عليج ميرانه هناك بتهمزج اليده : واااايه لا خليت منها ومن تهميزها... عبادي : اميه وين تبين هنيه وال هناك... اليده : لا سر مزرعتيه... عبادي : ان شاء الله )) وجان يلف صوب مزرعة يدته اقصد امه (( ونزلوا وفرشوا... وخلاف تمت تتحرطم على البيادير والعمال اللي يشتغلون هناك... عبادي : اميه بلاج عليهم.. اليده : خسهم الله وخس الله مونتهم فوقهم.. اتشوفهم يسمعون الرمسه ثرهم... اقولهم شرق يقولون لي غرب... وووووووايه فضل عنهم ... عبادي : ههههههههههه مزينج يوم اتعصبين.. اميه هدي عن لا يفلعونا بالشيول اللي عندهم اليده : ايخسوووون... وخلى مطر... لركبهم المازدا هالعوده وانهـيّ ابهم للشرطه.. عبادي : هههههههههههههه انزين اميه... فالمستشفى..... سلموا على بعض.. وكان هناك النيره وامها وخوها حمدان... وخلاف يت ام سعيد وولدها سعيد وبو سعيد... وعقب شويه بو محمد وحرمته... ام محمد : ما اتشوفون شر ان شاء الله... ام خليفه : الشر ما اييج ان شاء الله ام سعيد : عنبوه شو من السلطه يته >>> في فرق بين السلطه اللي ناكلها وبين كلمة سلطه ... وسلطه = بلوى او من هذا القبيل ^_* ام خليفه : ما ندريبه يا خويتيه... حصل علينا >>> حصل = تعب... ام محمد : الله يقومه لكم بسلامه ان شاء الله.... الكل : امييييييييين سعيد : انزين شو قالوكم الدخاتر فيه ام خليفه : يا بويه ما قالوا شي لين الحينه وانا ما اعرف ارمسم انقريزي >> انجليزي :0 سعيد : انزين خلي حمدان يرمسهم.. ام خليفه : ومن يرمسهم يقولون لحظه شوي ... صبر شوي.. سعيد : لا حووووول ولا قوه طبعا راشد كان مرقد فالعنايه وحاطيله مغذي واوكسجين... لكنه ما يلس فيها وايد بس خمس ساعات وبعدين ضهروه وشلوه حجره ثانيه... قوم بو محمد وحرمته يلسوا وخلاف ساروا... وبو سعيد بالمثل... يعني ما يلسوا وايد.. تدرون الريال فالعنايه وين يعني بيقعدون... المهم... المغــــــرب.... عقب ما ظهروه من العنايه بـ 3 ساعات يعني (( يعني 5 ساعات فالعنايه.. و 3 ساعات عقب العنايه )) حمدان خاري عند الدخاتر.. شوي وامه لحقته واللي تم عنده بس اخته النيره... راشد : النيره .... النيره فرحت يوم خوها نش الا طارت من الفرح : لبييييييييه... يالغالي.. فديتك والله.. ربك اشوى الحينه.. راشد : والله تعبان.. لكن اشوى عن قبل... النيره : الحمدلله.. ان شاء الله الا ابخير... شو في خاطرك الغالي.. راشد : حد يانا اليوم ؟ النيره : هيه... يوم كنت فالعنايه... راشد : منوه ؟؟؟!!!! النيره : قوم عمتيه حصه وريلها.. وعمتيه عاشه وريلها وولدها.. واضني واحد يسمونه بو خلفان.. واربيعك راشد : النيره ..... منوه من قوم عمتيه حصه يــــى النيره : فهمتك.... اتوقعتك تسأل منوه من ربعك يـــى ......لا الغالي وديمه ما يت.. راشد حزن : في ذمتج...!!!!!!! النيره : راشد.. بالعقل يعني وين بتي ما يصير... اصلا اهلها ما بيطيعون... فكر شويه.. راشد نزل عيونه وهو حزين... النيره : لا راشد... لا تزعل المفروض اتقدر.. .. انزين راشد بسألك شو ياك... راشد : ما شي.. النيره .. خليني شويه... تعبان... النيره : عراحتك.... في بيت بو محمد ... وديمه اتصلت على ابوها عشان تتنشده عن ولد خالها... عقب السلام والتحيه.. وغيره... وديمه : باباه.. بو محمد : لبيييه وديمه : لبيت بمكه... بتخبرك.. شو الحال عليه راشد.. بو محمد : والله يا بنتي ما ابا اروعج.. ولا ابا اجذب عليج... )) وديمه صدق اتروعت من هالرمسه... (( وديمه : ابويه شو جيه بلاه راشد.. بو محمد : مرقد فالعنايه...لين ما سرنا عنه الحينه ما اندله... وديمه : خييييييييبه العنايه مره وحده ليييييييييييييش... بو محمد : يا بوج ما اندريبهم... ان شاء الله.. الا الله يشفييه... وديمه : ومنوه عنده هناك بو محمد : امه وخوه حمدان والنيره... وديمه : النيره ... هناك.... بو محمد : هيه... وديمه : حراااااااام... بسويلها اتشكر لها بالسلامه... بو محمد : يزاج الله خيييير.... وديمه : وياااااك يا ربيه.... انزين باباه برايك الحينه... بسير اتعشى يدوه تزقرنيه.. بو محمد : ما عليه وردي السلام عليهم... وديمه : يبلغ يا الغالي... فمان الله وعفكره... يعني ما كان باقي شي على العرس... يعني اللمسات الاخيره مثل ما يقولون... في بيت اليد محمد..... وديمه / ميروه / سلامي / اليده / عبادي / ام علي / موزه بنت راشد...>> معرسه طبعا اذا تذكرونها .. اخت عبادي / مطر >> ولد اليد محمد كلهم يالسين فالصاله في بيت اليد.... ويسولفون... وديمه + ميره + سلامي يالسات عالكراسي عدال بعض ويسولفن مع بعض... سلامي : خييييييييييبه فالعناااااااااايه... >>> منصدمه.... وديمه : هيه... والله اتروعت... مميروه : تراج ما كنتي ادانينه... وديمه : انزين بس ولد خالي .. هليه... اكيد ما بيهون عليه.... سلامي : حراااام والله... وديمه : والله احاتيه.. اتصدقين.. يا الله ... رااااااشد... ما اصدق.. وين .. و وين ميروه : ربج... ادعيله.. عبيد ياهم شوي شوي طالعهن متغير ويهن.. عبادي : بووووووووو... الكل اتروع..>> طبعا ثلاثي العيايله المرح... ميروه : انته شو جيه خبله.. عبادي : بلاكن.. فجأه اتغير الويهه وجنه عندكن عزى الكل سار يتعشى وانتن هنيه... سلامي : ما عليه.. اوكيه بني الحينه.. ميروه : وبعدين تعال انته ما يخصك فينا.. عيييب.. عبادي طنشهن ورمس ودوم اللي كانت زعلانه ومزله راسها ولا رمست بأي كلمه.. عبادي : ودوووووووووووووم... بلااااج وديمه كانت سرحانه مب مصدقه انه راشد فالعنايه .. راشد السوالف المرح.. اللي .. الل......... اللي يحبها مرقد فالدختر.. خيييييييييبه.. ليييش وكيييييف وشو السبب عبادي : حوووووووووه ودوووووووووووووووم.... وديمه : ها..شو... عبادي : شو شوه بعد..... بلاج من الصبح ازقرج وارمسج وانتي في وادي ثاني وديمه : هاه ما شي اوكيه الحينه بنسير انتعشى )) وقامت (( عبادي سار و وقف جدامها.. ما خلاها اتخطف.. عبادي : انتي بلاااج.. الحينه منوه طرى العشى هاه وديمه : توك طريت العشى عبادي : لا ما طريت...وديمه بلاااج وديمه : منوه انا عبادي : صبري بتأكد يمكن بنت اليران... هيه انتي تستهبلين... وديمه : ما شي.. ليش اتشوف فيني شي.. عبادي الحينه بدا يتكلم جد : وديمه.. بلاج صدق... شي فيج.. انا متأكد... ميروه : اووووهوووو عبادي.. استح شويه لبنيه ما فيها شي... حشم عاد.. عبادي : جيه شافتني فاصخ الحيى.. هاه >> محرج عليها سلامي : عبادي ... خلها والله لبنيه مضيجه تبا الصدق.. عبادي : انزين من شوه.. ودوم طنشت الكل وسارت عندهم وين يتعشون لانه اذا ما اتعشت اليده بتهزبهم... وما خبرتكم... محد يروم يقول انا ما اشتهي العشيه في بيت اليد محمد ابد.. يا ويله... اليده بتستلمه وبتم اتلقمه واتهزبه ... وخلاف عبادي والبنات سارن صوب العشى بعد اليده : عنبوه هب يلسه العرب خلصت العشى وانتوا توكم بتهضلون... سلامي : السموحه امايه.. اليده : يالله يلسن... خلن الرمسه وكلن.. ودوم كلت لقمتين يعني... كلت خبز وصالونت خضره.. ونشت.. وديمه : الحمدلله اليده : واااااايه اشعنه ما اتعشين.. وديمه : الحمدلله يدوه اتعشيت.. شبعت اليده : لا ما شفتج اتعشين.. تعالي تعالي وديمه : بسني يدوه والله شبعت.. اليده : تعالي اقولج.. عبادي تم يطالعها..... سلامي وميروه يضحكن عليها.. اصلا هنه ما يشتهن العشى بس ما رامن ينشن عن لا تستلمهن اليده... وديمه : بسني يدوووووه اليده : لا بعد انتي ما كلتي شي... )) وتمت اتلقمها بايدها يعني وديمه تاكل من ايد يدتها ^_^ (( عبادي (( بلاها ودوم اليوم...اول مره اشوفها جيه.. احسن شي بتخبر ميرانه بعدين )) خلصوا عشى.... وسارن البنات فوق...وطبعا الكل تحت.... فالصاله اللي فوق..عبادي كان يبا يسير فوق عسب يتخبر ميرانه عن ودوم... وسمع الرمسه وديمه : انا بسير ابدل بجامه اريد ارقد سلامي : ودوم بلاج انتي بلاااج... امره من سمعتي انه راشد مرقد وانتي هب العاديه... ودوم : انتي بلاج جيه ما صخه شو قصدج هاه... قولي.. اذا في خاطرج شي قولي.. لا اتخلينه في خاطرج.. سلامه فاجه عيونها مستغربه من رمسه ودوم.. ميروه : ودوووم هدي بلاج جيه.. سلامي هوب قصدها شي... تبين ترقدين سيري رقدي.. عبادي (( بلاها ودوم.. انا قلت فيها شي.. لا وشو خصه راشد.. واي راشد هذا ؟؟!!! )) وسارت عنهن وديمه االحجره عسب ترقد سلامي وميرانه بعد كانن بسيرن داخل الحجره يبدلن بجامه... ويوم كانن يمشن... عبادي : ميرووووه... ميره وسلامي لفن ويهن صوبه.. سلامي شافت انه عبيد وسارت لانه يبا اخته... ميره : هلاااااااا عبادي : تعالي ابا ارمسج شويه.. )) و ساروا شويه صوب حجرة عمهم مطر.. (( ميره : لبيه شو في خاطرك... عبادي : لبيت بمكه ان شاء الله ميره : اميييييين وياك يا ربيه.. عبادي : ميرانه بسألج لكن ورفجت غالي اتجاوبين صدق.. ولا تجذبين ميروه : اوكييييه خيوووو عبادي : وديمه بلاها.. ميروه : امممممممممم... زعلانه ومضيجه واتحاتي حد من اهلها... عبادي : ومنوه راشد هذا... ميروه : ؟؟؟ وين سمعت هالاسم عبادي : وانا ياي عالدري سمعتكن تطرنه.. ميروه : هو اللي اتحاتيه وديمه.. عبادي منصدم : أي راشد؟؟؟؟ ميروه : لا لاتفكر بعيد ... ولد خالها عمير.. راشد بن عمير.. عبادي : هيه..... انزين شو فيه وهي شو تباه... ميروه : عبيد بقولك راشد مرقد فالعنايه... وهي اتحاتيه واااايد عبادي : عاد مب لهدرجه اتقولين عندها عزى.. ميرانه بسألج... ميره : تراك من الصبح تسأل.. عادي : جب يالله... اتحبه.. ميروه : شووووووووووه.... لا عادي واحد من الاهل لازم بتحاتيه... عبادي : عاد مب لهدرجه.. انزين يعني ما اتحبه عادي صح... ميره : قول والله ما اتقول لحد... عبادي : يعني اتحبه ميروه : لااااااااااااااا... بس قول احلف انته عبادي : والله العظيم... ميره : هو يحبها.. اما هي لا.. يعني عادي.... عبادي منصدم وفاج عيونه... : شوووووووووووووه في ذمتج !!!!!!!!!!!!! ميره : والله... عبادي : هيه.. انزين خلاص برايج... وسار عنها وفي راسه اسأله واااااايد.... وكانت الساعه 10:04 فالليل.. وديمه يونها راقجه ومناك ما رامت ترقد.. سلامي وميرانه يسولفن... اليده واليد ساروا يرقدون... مطر عند ربعه في ميلس الرياييل... عبادي سار ضهر فيا منصور خاري يحوطون........ وديمه (( بقول حق هليه عسب اسير ازورهم فالمستشفى ... يا الله ادري انهم ما بيطيعون... لا لا بحاول )) منصور يالس يسولف ومحتشر... اما عبادي في عالم ثاني.... عالم الاسئله اللي يدور لها اجوبه وما لقى.. في عالم الصدمه.. ويحاول يفهم ... منصور وقف السياره ومد ايده صوب باب عبادي >>> منصور اللي كان يسوق... عبادي : حوووه بلاك شو تبا... منصور : بطل بابك.. عبادي : ليش... ليكون هب مسكر زين... منصور : فجه انته بس... عبادي حليله صدق وفج الباب منصور : انزل.. عبادي :؟؟؟؟؟؟؟؟؟؟؟ منصور : انزل بشوفك بسرعه... انقفض.. عبادي بعده هب فاهم ونزل.. <<< بالعاده يفهمها لكنه كان في عالم ثاني ومب قادر يستوعب شو يستوي وياه تفكيره مشتت بين رمست منصور يوم يقوله انزل وبين ودوم وراشد ورمست ميرانه ... حليله نزل... منصور: سكر الباب.. هنيه عبادي فهم : يا الجلب.... جيه يايبني وبتخليني فالشارع... منصور : لا ارمس عمريه جني خبله ولا شارد من مستشفى الميايين... عبادي : ما عليك يا الهرم.. هب منك... سر.. << وسكر الباب منصور صدق مستغرب.. اول مره يسويها عبادي... بالعاده يوم يبا ينزله عبادي يتم يتمصخر ولا يطيع ينزل واذا نزل لازم بيركب.. سار وغمز سيارته ووقف جدام عبادي كان بيدعمه.. وعطاه فول ليت وعور عبادي.. وطبعا عبادي حد ايده على عيونه لانه الليت قوي وضارب فيه وعداله.. ونزل منصور.. ومسك عبادي من كندورته صوب حلجه منصور : بلاااااااااااك بلاااك انته.. شو المستوي.. مب عبادي اللي اعرفه... عبادي : ما فيني شي...ليش اتشوف فيني شي... منصور : هيه الا بكبرك فيك شي.. عبادي.. تراك متغير واحس انك مضيق.. اتفكر زعلان ما ادري.. عبادي دز منصور وسار يركب السياره ولاجنه شي مستوي.. منصور تم واقف محله مستغرب وعبادي يالس يزقر منصور ويضحك ومنصور واقف محله منصدم.. سار عبادي وصيح هرن اتخيلوا واقفين جدام السياره وحد يصيح هرن ومب طايع يوقف.. المهم منصور سار وركب السياره ..وغمزها وساروا صوب العرقوب... ونزلوا... هناك ويلسوا ولا حد منهم رمس مع الثاني.. منصور يلعب بتليفونه.. وعبادي يفكر.. شوي عبادي انته انهم في حالة صمت..... عبادي : انزين وعلومك منصور.. منصور ما يرمس.. ولا رد عليه.. عبادي قام ومسكه من زنوده وعقه عالتراب عبادي : انا ا ر مس ك... ما تسمع.. منصور : قوم عني... عبادي : ما بقوم.. ليش ما ترمس... منصور : هوب رامس... غياض فيك بس.. عبادي ضحك : غصبن عنك بترمس تبا ما تبا... منصور : وجيه ما بتروم اتغصبني.. اللي ابا اسويه بسويه ومحد له خص فيه.. عبادي : انزين اعرف شو مغيضنك... منصور .. انا هوب قصدي لكن اللي سمعته قبل لا اضهر من البيت خذ تفكيري.. منصور : انا ما يخصني فيك.... كيفك.. وهذا شي راجعلك... عبادي : انزين... لا اتحط في خاطرك عليه.. ما اتون عليه منصوووور... منصور : هيه صدق.. )) وجان عبادي يقوم عن منصور ويلس عداله منصور قام واتنفض عن التراب وخلاف رد ويلس (( عبادي : منصور بقولك شي.. منصور : لا اتقول لاني ما بسمعك عبادي : ههههههههه ادري.. اانزين برمس عمري.... منصور : احسن بعد شرات ما رمست عمري فالسياره عبادي : تدرين منصور : لا ما ادري عبادي : ههههههههههههه انزين... تدري عبادي.. اليوم ودوم بنت عميه سلطان زعلانه ومب بالعاده جيه حتى ما اتعشت وكله مضيجه ويوم حاولت اتخبرها ما قالتلي... المهم.. انزين عبادي.. سرت واتخبرت ميرانه اختي عقب العشا واجن اتقولي انها اتحاتي ومضيجه وزعلانه عشان راشد منصور فج عيونه : شووووووه عبادي : لا تراني ارمس عبادي انا.. احيدك ما تسمعني منصور : انزين انا ما اسمعك اقول حق عمري شوه... عبادي : هيه احسن تراه عرقوب الميانين هنيه... منصور : ومنوه أي راشد عبادي : ولد خالك عمير... منصور : .؟؟؟؟؟؟؟ شو بلاه عبادي : مرقد فالعنايه... منصور : شووووووووووووووووه متى عبادي : ما ادري.. يمكن اليوم... منصور : وودوم زعلانه ومضيجه.. عبادي : عشاااااانه.. منصور سكت ونزل راسه... وخلاف رد يرفع راسه.... منصور : تدري ورفجت غالي ما اتخبر حد... عبادي : تم... منصور : راشد ولد خاليه يحب ودوم هنيه عبادي ضحك... منصور : باااك تضحك.. عبادي : كل واحد يقولي لا اتخبر حد واخر شي ضهرت العايله كلها اتعرف ... وانا اخر من يعلم.. منصور : شوووو عبادي : ميرانه بعد قالتلي لا اتخبر حد .. منصور : والله تدري... عبادي : هيه.. تعال انته كيف عرفت... منصور : سمعته..... عبادي : هيه... وتموا يسولفون وخلاف رجوا البيت... اليوم الثاني.. العصر... وديمه سوت لامها اترمسها.... وديمه : ماماه بتسيرون الدختر.. ام محمد : هيه اتريا ابوج وديمه : انزين امايه ابا اسير.. ام محمد : وين اتسيرين.. صكي الدعنه ما شي سيره... عيب عليج وديمه : امايه شو عيب... انزين بسير اسلم على خالتيه وعلى النيره.... دخييييلج... ام محمد : ما شي سيره.. عنبوه رياييل هناك وبعدين انتي شو تبينه عيب عليج.. وديمه : اوكيه خلاص امايه. برايج ما بطول عليج ام محمد : يالله فمان الله وردت طرشت مسج حق ابوها,,, وخلاف سوالها.. و غصب وافق..بعد مووووت وديمه ردت اتصلت على حمد... عقب السلام والتحيه.. والترحيب.. وديمه : متى بتسير المستشفى حمد : الحينه بخطف على عبادي وبنسير..بنسلم وخلاف بنسير انحوط وديمه : انزين بسير فياكم.. حمد : وين بتسيرين عيب قري.. وديمه : يالله.. حمد دخيلك انا رمست امايه ولا طاعت وخلاف رمست ابويه وغصب طاع ... دخيلك حمد : ما عليه .. ابويه طاع.. وديمه : هيه واتصل اتخبره بعد قالي حمد بيي وخليه يوديج.. لانهم هم ساروا خلاص حمد : ما عليه كوني زاهبه بس ما فيه اتريا.... ديمه : اوكيه...)) وسارت اتلبست واتزهبت ونزلت تحت (( عبادي كان فالصاله عند يدته يغايضها.. وميروه وسلامي بعد كانن يالسات عندها قبل لا عبادي ايي..طبعا ويضحكن على يدتها وعبادي وسوالفهم... شوي ولانه تصـيح هرن... اليده : ميرانه سيري طالعي امنوه يصيح هرن عبادي : لا يلسي هذا حمد بن سلطان... اليده : فديته .. وينه واشعنه يصيح هرن.. عبادي : بسير فياه اميه.. اليده : وين ؟ عبادي : الدختر.. اليده : عل ما من شر... عبادي : ما شر الغاليه... بس راشد بن عمير مرقد فالمستشفى اليده : أي راشد بن عمير.. عبادي : عنبووه امايه..عمير بن حمد ال....ي اليده : هيه... وهذا ولده مرقد.. عبادي : هيه راشد.. اليده : قلفولك.. شو فيه عبادي : ما ندريبه الحينه بنسير انطالعه بس سمعنا انه مرقد.. وعاد قلنا بنسير انسلم عليه... اليده : يزاكم الله خير... ردوا عليهم السلام عبادي : يبلغ ان شاء الله.. شي فخاطرج الغاليه اليده : سلامتك... وحمد اشعنه ما ينزل يسلم.. عبادي ابتسم : ما عليه الحينه بخبره... وسار عبادي واتصل بحمد وقاله اشعنه ما تنزل.. عاد حمد اتلوم ونزل عسب يسلم على يدته... وخلاف طبعا ظهروا ويوم كانوا عند الباب يلبسون نعولهم ولانه وديمه لابسه عباتها وضاهره فياهم.. عبادي : وين تبا هاي.؟؟؟؟!!!!!! حمد : لا اتخبر... بتسير فيانا عبادي : !!!!!!!!!!!!!!!!!!!!!!!!! لا اتقول وين تبا اتسير... حمد : درانيبها... عبادي : لا وين تبا... شاورت اهلها.. حمد : لو ما شاورت ابويه انا اللي ما بخليها.. لكن الوالد وافق.. عبادي استغرب وانصدم... المهم ركبوا السياره وساروا صوف مستشفى الامارات... وهناك... بو خليفه ( عمير ) – ام خليفه – النيره – رفيعه – اليازيه – مهـيّـر – بو محمد – ام محمد – محمد – سعيد – بو سعيد طبعا وخلاف لحقهم أحمد.. وشوي ولانه حمدان بن عمير بعد ياي لانه كان ابوه امطرشنه في مونه.. شوي ولانه قوم حمد – عبادي – ودوم يايين.. وسلموا عليهم... واتشكرولهم بسلامة راشد.. وديمه سارت صوب النيره ... وسلمت عليها... وديمه : تستحجون سلامة راشد .. النيره : الله يسلمج الغاليه.. وديمه : وينه راشد.. ربه ابخير الحينه.. النيره ابتسمت : ابخير الحمدلله... تبين اتسيرين اتسلمين عليه وتتطمنين.. وديمه طبعا رفضت ومع ضغط من النيره اترددت اتسير واخر شي وافقت ويوم نشت وضهر منصور بن سالم توه ياي وسلم عليهم.... وديمه والنيره كانن سايرات صوب راشد.. اللي كان لاف ويهه صوب الدريشه.. وشوي ولانه يسمع صوت يزقره.. صوت اخته.. >> تبا اتأكد اذا كان واعي ولا راقد .. تراه الدخاتر يوه فاضطروا يضهرون عن راشد وساروا الحجره الثانيه طبعا عشان يتقهويون.. ويوم لف شاف اخته ووحده متغشيه عدالها مب بروحها لكن هالوحده جيه بنيه صغيره تبين.. استغرب لكن يوم سمع الحس.. رد قلبه محله.. رد دمه في عروقه عقب ما جف وبدت الحياه عليه... وفي نفس الوقت كان منصدم ومستغرب... اللي يعرفه انه لو شو ما يكون وديمه مستحيل الا من سابع المستحيلات اتسير اتزوره وهو يعرف هالشي.. تم مستغرب ومب مصدق اللي يشوفه... في نفس الوقت بضبط... منصور عقب ما سلم اتخبر عن راشد عشان يسلم عليه.. قالوله هناك فالحجره الثانيه ونش يبا يسلم وقبل لا يسلم على راشد سمع رنسه وتم واقف عند الباب وديمه : السلام عليك راشد راشد بيطير من الفرحه .... وقلبه بيظهر من صدره : عليييج السلااام وديمه : الحمدلله عالسلامه.. ما اتشوف شر ان شاء الله.. راشد : الله يسلمج والشر ما اييج ولا يقرب صوبج يا ربيه... وديمه : سلاااامات سلاااامات.. شو ياك.. انصدمنا يوم قالولنا انك كنت فالعنايه >>> اول مره اترمسه ودوم جيه بالعاده ما ترمس وياه اتعرفون... راشد : يـا طـير سلـم عالحبيـب ... قله تراني مستصيب ... وجروحي قلبي ما برت ... وانته الدوى وانته الطبيب ... احبيبي روحه شكل ... ماله وصيف ولا مثل ... ريمن تربى في غتل ... من نظرته قلبي يشيب ... يجبر مصابي خالجي ... من حالتي وشو بجي ... الحب خلاني شجي ... لي شط بي هجر الحبيب.... النيره تضحك : حتى وانته تعبان بتحب ... راشد : انا شو اللي رقدي فالدختر ووداني العنايه غير هالحب وطاريه... النيره تتحراه يمزح لكن من طريقة رمسته وملامحه عرفت انه صدق .. فاستغربت وودوم بعد مثلها ... النيره : شووووووه.... منصور اكثر واحد انصدم من اللي سمعه.. وانقهر... راشد : لا والله صدق ما امزح... والله انه هالحب اللي رقدني فالدختر.. هيه.. وديمه انتي السبب.. انتي علتي .. انتي طبيبي وانتي دوايه .. انتي اللي وصلتني باب العنايه ولا انا ما ادلها بنعمه من ربي.. لكن انا مستصيب.. وديمه منصدمه ومفتضحه ولا رامت ترمس لا هي ولا النيره .. منصور ما رام يحتمل ولا عيبه اللي استوى.. جان يدخل ويقطع عليهم ويتحنحن : احم احم .... السلام عليكم طبعا وديمه من سمعت الصوت ارتبكت وخافت انه ايكون سمع...... الكل سكت ورد السلام.. وسار منصور صوب راشد ايوايهه وايسلم عليه منصور : سلامااااات سلااامات راشد : الله يسلمك... منصور : واشحالك.. وشو الهبه الحينه راشد : الحمدلله.. الحينه انا ابخير. >> وطالع وديمه ... منصور طبعا لاحظ وجان يعصب منصور : ان شاء الله دوووم... افاااا افااااا امره عاد.. شو ياك... راشد : لا اتخبر... ياني شي غالب القدر... بس ربك... منصور : سبحان الله... يوم انك ابخير.. خلاف منصور لف ويهه صوب النيره ووديمه : واشحالكن.. النيره.. النيره : ابخير وسهاله ومن صوبك.. >> استغربوا قال واشحالكن وخلاف النيره... منصور : تستحجين سلامة خوج.. النيره : الله يسلمك.. منصور : وديمه.... اشحالج.. وديمه (( توك اتفيجت ولا جني موجوده.. مسخفه كريه )) : ابخير. منصور : غريبة اشوفج هنيه ما اتوقعت وديمه : هيه ... بعد... منصور : انزين حمد يدورج بيسير.. << كان يجذب بس يباها اتسير عن راشد وديمه : والله منصور : جيه ما تبين اتسيرين..>> راشد من سمع هالرمسه من منصور فرحه لانها طبعا في صالحه.. ولانه أي واحد بيطالع او بيسمع رد منصور.. يفهم انه ودوم ما تبا اتسير.. وديمه : لا مب قصدي.. <<< بطريقة كره منصور : لا اذا ما تبين برايج بقوله.. تدرين مستعيل وديمه : قلت لك الحينه بسير له.. افففف منصور : احسن بعد >> وطالع راشد... راشد (( والخيبه صدقه احمد.. شكلهم يتكاروهن واااايد وما يدانون )) منصور : الحينه بترتاح... بيسيرن عنك.. راشد (( وين برتاح قوم عشب لفواد بتسير.... )) : هاه هيه منصور (( اونه الحينه بترتاااح... لوووول عيبتيه حركتيه ^_* )) وديمه : يالله ما اتشوف شر..وسامحنيه.. بسير.. راشد : بالحـــــــــــــــــــــل الشيخه.... وسارت وسبحان الله اتقولون الله ما يبا منصور يجذب كان حمد مستعيل ويدور ودوم... سارت عند حمد وسارت وهي اتفكر ومب مصدقه.. مب مصدقه انها سبب دخلت راشد المستشفى.. العنايه... منصور عقب ما ضهرت وديمه والنيره.. ضهر ووادعهم وسار تحت وكان موقف سيارته عدال سيارة حمد ... سار منصور وهو متغيض من اللي استوى وهوب عايبنه اللي صار (( الحينه مرقد وحطوه العنايه بسببها.. وديمه ثرها شو سوت به.. شو اللي صار بينهم.. اموووت واعرف... شو اباها... برايها... لا هوب برايها.. الحينه بتستوي حرمتيه... غصبن عنها...يا ربييه.. شو اللي صار وخلاه يتعب لدرجة انه يترقد فالعنايه.. لهدرجه يحبها... شو فيها.. اخخخخخ صدق ما عنده سالفه.. والمشكله هو يحب وانا ابتلش ابها.. لحظه ليكون اتحبه.. هيه اذكر عبادس قالي انها كانت زعلانه ومضيجه ولا طاعت تتعشى يوم درت انه راشد مرقد .. والمشكله اللي يتني مثل الصاعقه.. كيف اتسير له المستشفى.. عيييييييييب... ما اقدر اصدق انه ابوها وامها خلوها.. يالله.. ))وتمت الافكار في ذهنه وتم يسترجع الذكريات والاحداث وتم يفكر ويفكر ويفكر...... ويوم كان بيضهر من الباركنج.. من كثر التفكير.. كان بيدعم ما انتبه انه سياره وراه تبا اتخطف...>> طبعا كان بيدعم حمد ... ^_^ عبادي : حوووه بلاه ما يشوف... حمد : حرام عليك يمكن ما انتبه... حمد يسوق وعبادي يالس عداله.. وجنه عبادي اللي يسوق.. حاط ايديه عالسكان ويصيح هرن ويعطي منصور فول ليت.. منصور عطاهم اربع اشاير.. عبادي.. رفع ايده معناها : اشعندك شو جيه.. المهم وسار مسرع... وتم عبادي وحمد يسولفون.. وحركات ودوم سرحانه واتفكر.. وودوها البيت نزلوها وخلاف ساروا يوقعون على كل شوارع العين ... فالليل.. منصور سار بيت يده محمد وشل حمد وياه.. طبعا حمد وعبادي كانوا يحوطون وخلاف.. ردوا البيت عقب صلاة المغرب.. اما منصور سار عقب صلاة العشا صوب بيت يده.. المهم .. وديمه وميروه وسلامي يالسات فالصاله فيا يدتهن.. اليد بعده ما رد من العزبه.. وكان وياه ولده راشد .. وسيف بن راشد.. اما بنسبه للعرس كان باقي التشطيبات الاخيره.. وتحديد موعد العرس كبعا عقب ما يضهر راشد من الدختر.. منصور + حمد حادرين.. : السلاااااااااااااااااااام عليكم.. الكل : علييييكم السلااااام... اليده : مرحباااااااااا السلاااااع ملاااااايييييييين ولا يسدن.. منصور + حمد : المرحب باجي.. اشحالج يدوه اليده : ابخييير وشهاله.. واشحالكم.. منصور + حمد : الله يعاااافيج.. اليده : يا مرحبا... منصور منصور : عونج )) ويلس عدالها (( اليده : عانك ربك.. انته وينك.. منصور : هنيه ويالس عدالج بعد )) وحبها عراسها (( اليده : هنيه الحينه هاه .. عنبوه ما اتقول يدتيه بسلم عليها.. منصور : ااااااااااااااااااسسسسسسسسسفففف اليده : هيه هوب اسف هو منصور : لا تزعلين عليه امايه.. اليده : لا ما بزعل يا غير هوب اتقصر وما اتسلم.. منصور : فااااااااالج طيييييييييب... اليده : فالك ما يخيب.. هيه الا رمسه.. منصور : ما يطيع زينج بنت سعيد ... وديمه لا فه ويهها مثل واحد مضيق..منصور لاحظ هالشي.. وكانت يالسه عدال يدتها.. شوي ونشت... اليده : ودوم وين بتسيرين.. وديمه : ما بسير بقعه .. يدوه ... بس بسير ايلس هناك.. )) وسارت وما وحالها يلست الا وضهرت من الصاله ما تبا تجابل ويا منصور (( سلامي عرفت انه منصور السبب وجان اطالعه وهو طالعها وكل واحد فهم عالثاني << لغة لعيون ^_* الموووووهييييم... عقب يومين ضهروا راشد من الدختر ولا فيه شر.. خلاص وديمه زارته بعد شو يبا وحددوا العرس متى وكان يوم الخميس...عقب اسبوعين... وقبل العرس.... الكل مشتط محد تم فاضي.. واحمد فرحان ومرتبش.. اكثر واحد فرحان... رفيعه متروعه والنيره بعد... وقبل العرس بيومين... طبعا بيكون العرس في بوظبي دار الظبي ... قوم بو سعيد ساروا بوظبي.. هناك في بيت اليد محمد ... يلسوا...ومحتشرين... وطبعا سووا مكسار وعرضوا كل زهاب العروس وكاااااان حلوووووووو وفناااااااااااان من الخاااااااااااطر كل شي مرتب ومعروض بطريقه غااااااااااويه من ذهب وعطور وملابس مخوره ومغربيه وموديلات وفساتين وطبعا النعول والشنط والعبي يعني كل شي.. طبعا غير الهدايا سواء كانت العينيه او النقديه كل شي معرووووض وام محمد وبو محمد ما قصروا بعد الهديه وصلتهم لين دارهم.... يا حافظ.. سنع لوليين وفي يوم العرس... طبعا العرس تعب من الخطوبه لين يوم العرس وبعدين اهون شويه ... احمد : يا ربييييه شو جيه سلامي.. اسميج الا ملغه ملغه.. خوزي خوزي سلامي : يالله يا احمد ... بلاك جيه.. احمد : ملغه بعد شو بلاني.. ما بلاني شي... والعصر كانن العرّس يتزهبن ويتسبحن وطبعا يتمكيجن وخلاف لبسن الفساتين... ويوم خلصن اتصورن ابروحهن وعالساعه 10:30 فالليل ركبوهن السياير وودوهن صوب الصاله... ونزلن ودخلن الصاله وطبعا بعدهن ما ظهرن حق الحرمات... اول وحده ظهرت رفيعه و كانت الكووووشه رووووعه من الخاطر و الكل مدح ترتيبهم ومايوبهم... المهم.. دخلت رفيعه من مكان مخصصينه حق دخلت العروس.. ومشت وخلاف عقب ما خلصت سارت ويلست وعقبها ضهرت النيره وقبل لا تضهر جدام الحريم طاحت عليها ورده من الروعه.. صدق كانت متروعه وتنتفض وخلاف ضهرت ومشت ويلست عالكرسي.. كان كرسيين واحد على يمين الكوشه والثاني على اليسار.. النيره على اليمين.. ورفيعه على اليسار... واستوت الحشره والحفله... سلامي خت المعاريس.. فكانت مرتبشه ومشغوله فيا امها وودوم بالمثل بعد ما قصرت.. سلامي كانت فيا رفيعه ووودوم كانت فيا النيره... وسارن الحرمات يتعشن.. وخلاف قالوا انهم بيدخلون المعاريس... ساروا غطوا النيره لانه سعيد بيدخل.. وبيشل حرمته... وغطوها ودخل سعيد فياه ابوه وابو العروس.. واحمد كان محترق يترى خاري لين ما يضهر اخوووه... سلامي : لووووول ما شفتي احمد محترق.. يالس خاري.. ودوم : ههههههههههههه مسكين حاله هالدقايق ما يروم يصبرهن... سلامي : لا وين بيروم يا خوفي يدخل ولا يشاور حد.. ودوم : لا ما يسويها.. منوه عنده خاري.. سلامي بخبث : ريل المستقبل.. ودوم : منوه ... سلامي : خويه منصور... واخوانج محمد وحمد وخوان العرايس.. ودوم : سباله وحده.. سلامي : طالعي... ودوم : ما شاء الله طالعات قمر.. والله فنااااناااات.. والعرس طررررر من الخااااااااااااطر... شوي عقب ما اتصور فياها عالكوشه سعيد شل حرمته وسارت امه وسلامي عشان طبعا يغطونها لانها بتركب السياره وبتسير فيا ريلها... وسارت رفيعه فيا سعيد... >>> الله يهنيهم.... وخلاف يى احمد الفرج... واخيييييييييرااااااا اللحظه اللي كان يترياااها من سنين.. ودخل احمد واخوان العروس وابوه وابو العروس من قبل داخل يعني ما ضهروا... واحمد اول ما دخل بغى يمووووت من الفرحه... (( يا الله يا النيره كل هالجمال فيج وانا ما ادريبه.. )) ودخل ويالوا اخوانها وشوي ويال فياهم احمد.. ومسك ابو العروس اللي هو خاله عمير وابوه ويال فياهم.. وارتبشوا.. فالاثناء سعيد ورفيعه طبعا يتصوروون... ودوم : الله حلوووووو.. قسم بالله طررررررر سلامي : ميغا على قولتهم.. راشد ايوووول وفي نفس الوقت يدور وحده ... وحده يحبها قلبه... لكن وين بيشوفها وسط هالحرمات واصلا لو حتى بيشوفها من ورى الغشوه والعباه... راشد (( يالله يا وديمه ... شو هالحال... متى بتكونين من نصيبي متى بيكون عرسي.. شو بيصير العرس وعرسوا.. الله يستر من الياي )) وديمه كانت يالسه فالسيد الاولاني مع سلامي.. يالسات يطالعن.. راشد عرف وديمه لانه منصوري سار صوبها وتم يصيح يبا حلااااوه ويزاقرها باعلى صوته وهو اتقرب من هناك عسب يتأكد اذا هي وديمه ولا لاء.. احمد فهم عليه وسار مسكه ويبسوا عندهن.. اخته وبنت عمه...خالته ام محمد وكانت اغنية حربي العامري.. تذبحني ابنظره من عيونك السود... ويلي على ذيج العيون الكحيله >>> اضغط للاستـــماع سلامي ضحكت... وديمه تضحك بس يوم اطالع راشد تذكر الكلام اللي قاله.. ودوم : طالعي النيره ... سلامي : حليلها... الله يسعدها يا ربيه... ودوووم : امييييييييييييين.. شوي وخلاف سار احمد صوب حرمته.. ومسكها من ايدها وساروا وجان يغطونها تدرون بتركب السياره... وساروا واتصوروا.. شوي ولانه الشباب حادرين منصور- حمد - عبادي - محمد - سيف – حمدان – راشد – فلاح – سلطان – خليفه – ايولون.. حركاااات.. وطبعا ما كان حريم واااايد لانهخلاص اتعشن وضهروا العروس وخلاف دخلوا المعاريس عليهم.. يعني الا شويه.. حمد نزل من عالكوشه وسار ايبس هو وعبادي عند امه واخته وديمه خالته ام سعيد و سلامي كانت عند وديمه.... سار بعدين راشد ويبس منصور لحقهم ويبس عدال راشد وقريب من ودوم ... >> حركات غياض... راشد طبعا اتغيض.. بس ما قاله شي.. عادي.. مسك منصور عسب يقهره اكثر.. وشله وساروا ... المهم خلص العرس.. والله يهني سعيد بسعيده.. ^_*.... عقب العرس بـ5 ايام... احمد فيا حرمته وسعيد فيا حرمته ما ساروا بقعه اتعرفون الحينه عربان بتيهم.. واصلا بيسافرون.. شهر عسل... احمد والنيره بيسيرون فرنسا... سعيد ورفيعه بيسيرون ألمانيا.. في بيت بو محمد ام محمد : انقفضي بسير تراني عنج.. وديمه : يالله يايه بس بلبس شغابي.. ام محمد : عنبوه هوب يلسه عندج.. فطامي خلصت قلج.. وديمه : الحينه دقايق.. )) وعالسريع لبست عباتها وشيلتها واتعطرت..ونزلت تحت (( وركبن السياره ووداهم محمد... صوب بيت بو سعيد... في بيت بو سعيد الكل متلبس وكاشخ ويالس تحت اتقولون العيد.. والا احلى من العيد.. وصلوا ام محمد وفريجها.. وسلموا على اللي فالبيت.. النيره توها حادره وطالعه خباااال ولابسه مغربي بيج وشيله سودا طبعا ..وووو برقع ^_^ مب نفس براقع العيايز.. لا برقع بس كشخه يعني هذا اللي يكون صغير من تحت من صوب الثم.. المهم انه حلوووو ضاهره >> حركااات تدرون عادات الاول.. يا حاااافظ... النيره : السلام عليكم..>> مستحيه كانت... الكل : وعليكم السلااام مرحبااا... )) واتوايهوا... (( شوي ولانه رفيعه حادره ولابسه نفس لبس اختها.. مع برقع.. >> اللي بيشوفهن اول مره بيقول يتشابهن.. رغم انه ما في شبه.. واذا فيه.. خوات صح ^_^ طبعا يا حافظ عليهن وعلى من رباهن.. قهوين عمتهن وقربن الرطب.. ووحده سارت اتخلي البشكاره تيب العصير.. يعني... وخلاف يلسن.. شوي ولانه احمد حادر.. وسلم ووايهه خالته..وخلاف ضحك.. كان يبا يسير صوب حرمته وبدال ما يسير صوبها سار صوب رفيعه .. وقالها بصوت واطي حنون النيره.. ضحكت رفيعه وقالت له لا هكيه النيره.. ضحك ولف صوب النيره وجان اتشوفه وعرفت انه مغلط اشدراه لابسات نفس الشي و كلهن لابسات براقع ونفس الهيئه وكلهن يالسات ونفس تقريبا الضعف وجان اتقوم له وساروا خاري اونه يباها في شي.. حركاااااااااااااات عفكره النيره ما اتغشى عن اخوانه ورفيعه نفس الشي.. يعني في نفس البيت وين بتغشى عن اخوان ريلها... يعني عشان ياخذن راحتهن.. | |
| |
 | |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
