بالأمس

أنا وهو...تعاهدنا...على عشق يسكن جوارحنا...

لا يفرقنا سوى الموت...

أنا وهو...وشهد الغرام الذي لطالما سكن بنا...

فأنا أميرته...وهو عاشق لهذه الأميرة...

أنا وليست بغيري...



رحيل

وماذا يعني...فراق الجسد....لا اكترث به

ولكن القلوب والأرواح هي في اتصال دائم...مجتمعة...أبدا لا يفرقها سوى الموت



أتعلمون ما هو القدر...هو كلعبة تتحكم بنا...تجبرنا على ما لا نريده...

ولكن الحب الحقيقي يظل مترسبا ...ثابت كثبات الجبال في هذه الأرض...

أعلم

بأنه عشق الكثيرات قبلي...ولكن أعلم أيضا بان عشقي مختلف..

له مذاق آخر...متميز...

نكهة هو لم يعرفها من قبل....

يحبني...بل يعشقني...نعم أنا سيدة الإحساس

وشعرت بهذا القرب الذي يجمعنا...



فأنا لست كباقي النساء...

أدرك بان الغرور أصابني...فاعذروني...هو حبه الذي ألهمني القوة...

وهذا الكبرياء الذي وهبته له..

فقط له



فلم أعد أبالي ببعده عني...

فيكفي قلبه الذي بات يسكن قلبي...ونبضاتي التي تعربد بداخله...

يكفي

كلمات : الصمت الجارح

تمر الايام عادي ....في يوم من الايام ....أيي جابر بيت قوم عمه فاضل وكان يايب بنته هند ....
لان الكل محتشر عليه يبا يشوف بنته ....
في الصاله الكل كان يالس ....وجابر معاهم ...وجابر من طلق وديمه ما شافها .....
ووديمه أول ما سمعت أنه جابر يايب بنته تلبست ونزلت ....
أول ما دخلت وديمه الصاله ...
وديمه : السلام عليكم ...
وديمه داخله ولا كأن شي صار ....ناسيه الموضوع ...ولا كأنه شي صار شي بينها وبين جابر ..
الكل : وعليكم السلام والرحمه ...
وديمه : شحالك جابر ...
جابر وشكله تغير من شافها لانه من خاطره زعلان عليها لانه ما كان يتوقع انه وديمه بتقوله هذيج الرمسه ..
جابر : بخير يعلج الخير ....شحالج انتي ..
وديمه : بخير ..يا الشيخ ..
وديمه أطالع البنت ..
وديمه وهي تيي صوب هند ..
وديمه : فـــــديتها محلاها ...شحالج هندوووووه اخبارج حبيبي ..
جابر واقف ويطالعها ..وفي خاطره هي هذه البنت الي ما تبين تربينها ...
تقوم وديمه وتيلس هند على ثبانها وتيلس ترمسها ..وجابر ما خوز عينه عنها ......وتنش وديمه وتطلع خاري ...ويلست تلاعب هند .....ركبت وديمه هند الدراجه وركبت معاها وتمت تلعب معاها ...وعقب ودتها حديقة البيت ..ويلست أدرفها ..وتلعب معاها ....وديمه أطالع البنت ..وفي خاطرها ليتني ياهل ..ليتني كبرج لا عرف هم الدنيا ولا عرف شي فيها ...ليتني أرد بعمري لوراء واعيش طفولتي ......يلست وديمه مع هند تلاعبها .....وعقب سارت وعشتها ......
جابر : خولوووووووه وين هندوووه ؟؟؟؟
خوله : والله ما أدريبها بس مساعه شفتها عند ودوووووم ..
جابر : سيري يبوج يبيها بروح أنا ...
أهني تدخل وديمه وهند اللي كانن يايات من المطبخ ....وهند فرحانه والابتسامه شاقه الويه ..
يطالعها جابر : يالله بابا ...بنروح ....
هند : ماريد أروح أبا أيلس عند عموه وديمه ...
تبتسم وديمه .....تعيب جابر انه هند تزقر وديمه عموه .......رفع جابر عينه في وديمه ...
وديمه : خلها اليوم عندي ...
جابر : شو أخليها عندج .....أنتي بتعابلينها ...أنتي بتسهرين عليها ...أنتي بتتكرمين تهتمين فيها ..
جابر كان ينغز وديمه ....لانها ذيج المره قالتله مابربيلك عيالك ...
طالعته وديمه وأبتسمت لانها تدري أنه جابر بعده زعلان عليها ومسوي من رمستها ..
وديمه : هي بعابلها ...وبسهر عليها ...وبتنزل اهتم فيها ...بس خلها اليوم بس تبات عندي ...
طالعها جابر ...وفي خاطره لو أبا ازعل عليج بس ما أقدر ...
وديمه ..وهي تيي صوبه وتعطيه هند الي كانت شالتنها ..
وديمه : هالكثر زعلان عليه ...
جابر : كنت زعلان .....بس الحين عادي ...
وديمه : لا تزعل منيه يا جابر ...الله مب كاتب نكون لبعض ...
جابر : يالله الحمد الله على كل شي ...
وديمه : وين ترقد هنودي ...
جابر : أرقدها والله عنديه ....
وديمه : ويوم تسير الدوام ...؟؟
جابر : لا تتخبرين يا وديمه ...والله أني اتروع أخليها روحها ...ترى عزه أداوم ومحد يتم عندها غير خالتيه ..وأنتي تعرفين خاليته عوده ...
وديمه وهي توصل جابر لين السياره ...
وديمه : ليش ما تعرس ..
طالعها جابر بنظره : يوم بنت عميه رفضتنيه لانه عندي بنت ..وين بنات العرب ؟؟!!!!!
وديمه وهي تحس انه حد يدوس على قلبها ..
وديمه : جابر أنا عندي لك وحده ....لو تلف الدنيا كلها ما تبحصل حد شراتها ..
يبطل جابر عيونها وينزل بنته من يدينه : من ؟؟؟؟؟ قولي ؟؟؟
تضحك وديمه : شو بتعطيني ؟؟؟
جابر : اللي تبينه ..بس والله أبا أرتاح ..وريح هالبنت ..
وديمه : هي وايد قريبه منك .....
ينزل جابر عيونها ويفكر : وحده قريبه منيه ...من ؟؟؟
وديمه : كل يوم ترمسها ؟؟؟
جابر وهو يعقد حياته : كل يوم أرمسها ..؟؟؟
وديمه : هي ...
جابر : والله ما حيد عمريه أرمس حد ...غير ..وهني يسكت جابر ....ويطالع وديمه ..
تبتسم وديمه : هي ....غير أمنو ...؟؟؟
جابر : ساكت وهو يطالع وديمه ...
وديمه : يالله ...
جابر : حصه ...
وديمه : والله يا جابر ما بتحصل وحده احسن عنها ....أنت ما تتخيل قدرك عند هالانسانه ...هالانسانه أنت سويت معروف في حياتها ...وهي تبى تجازيك بأي شي ..وما أظني بتردك والله ما بتردك ....سير يا جابر لا تضيع حصه من يديك ....حصه لو تطلب عيونها بتفديك فيهن ....من كثر ما هي ودها تردلك شي من الي سويته ....
يتنهد جابر من خاطره : ثرج ما بتردني ...؟؟
تبتسم وديمه من خاطرها : والله ما بتردك ...دخيللللللللللك جابر ..خذها الحين ..الحين جابر ...رمس عميه وسير أخطبها ...دخيلك ....
جابر يطالعها ومتعيب : وأنتي ليش فرحانه ...
وديمه : هــــــا فرحانه أني حصلتك حرمه ..وبطيع تربي هالغزال ..
جابر : الله كريم ...
وروح جابر عن وديمه وهو يفكر في كلامها ....هي والله ليش ما أخطبها ؟؟؟ خلاص محد على ذمتيه ؟؟؟؟ والله ما بحصل وحده مثل حصه ..طيبه ورحيمه ....وتحب هندوتي ...وكل شي ...
ويبتسم جابر من خاطره لانه حس أنه حصه في أمل أنها توافق ....

ويوم وصل البيت ...سار وسبح بنته ..وقصلها قصه ..لين ما غفت عينها ...ويوم رقدت ..قعد جابر يفكر ..يالله أول أنسانه تحركت مشاعري صوبها هي حصه ...وأول أنسانه أرمسها وأرتاح هي حصه ......يالله كم ترددت في البدايه أني ما أخذ وديمه وأخذ حصه ....الا انه القدر رد وياب لي حصه مره ثانيه .....والله ما بحصل حد شراتج يا حصه ..وعسى بس توافقين

والا وديمه أول ما حست أنه جابر رضى عليها أرتاحت ...وانه حطت فكرة زواجه من حصه ....يالله عسى بس ترمس عميه يا جابر .....
مع مرور الايام رمس جابر أبوه أنه يسير ويخطبله حصه ..اللي ما كانت تدري بالموضوع بتاتا ...ولا جابر فاتحها في الموضوع ولا شي ...حتى وديمه ما قالتلها أنها رمست جابر وقالتله يسير يخطبها رغم العلاقه القويه الي صارت بين وديمه وحصه ....لانه خلاص مهره صارت حياتها وديناها محمد ....وبعيده عن الكل ....طبعا وديمه درت أنه قوم عمها بيون يخطبون حصه ...ومن الفرحه ما قدرت تتريا حد يخبر حصه .....اتصلت وديمه في حصه ...وعزمت عليها الا تيي عندهم ...وحاولت حصه تعرف شو الموضوع الخطير الي تباه وديمه تقوله لحصه ....حصه حطت كل شي ..معاد أنه جابر بيي يخطبها ......وسارت حصه بيت قوم وديمه الساعه 6 العصر ..
وأول ما دشت حصه على وديمه ......
حصه : السلام عليكم ...
وديمه والفرحه من عيونها تنقرا : كللللللللللللللللللللللووووووووووووووووووووووووووو ووووش
تبطل حصه عيونها : ودوووووووم الهبله شو ياج ؟؟؟؟؟؟؟
وديمه وهي تي صوبها : ألف ألف ألف مبروووووووووووووووووووووووك ..
تعقد حصه حياتها وهي مب عارفه شو الموضوع : على شو مبروووووووك .....
تيي وديمه وتسلم على حصه .....وسارت وسكرت الباب ..وحصه عينها وراى وديمه .....
لفت وديمه أطالعها : ســــــــــاكته ..
حصه : ودوووووووووم رمسي ويا ويهج لا تمين تحرقين أعاصبي ....
تي وديمه بكل برود وتعق عباة حصه ..
حصه : ودوووووووووووووووووووووم
وديمه : جابر بيي يخطبج عن قريب ........
علامة التعجب تحولت الى علامة أستفهام ؟؟؟؟ حصه واقفه تراجع الكلمه الي قالتها وديمه ..._( جابر بي يخطبج ) حصه كل شي فيها وقف ...مب قادره تستوعب أنه يمكن حلمها بيتحقق ...
حصه واقفه واطالع وديمه ...وعيونها بحر هادي بأمواجه ...شعور حصه بالفرح كان مثل الامنيه البعيده في زمنها هذا ..تشوفه ....كانت دايم تشوف جابر ..وتترقبه بكل لهفه ..وتسعى للوصول حقه ..الا برغم كل هذا ....ما تقدر توصله ..لان الفرح في حياة حصه ما يدوم ..
وديمه أطالع حصه ......والابتسامه مرسومه على شفايفها ..تقول هي الي حلمها تحقق ...وديمه أطالع حصه ..وساكته ....خمس دقايق والهدوء يعم المكان ....كل وحده تناظر الثانيه ....
حصه مب قادره تستوعب حجم الفرحه ..ولا بقادره تتحدد هي وين ؟؟؟؟ ووديمه الفرحه غامره قلبها ...تحس أنه الدنيا ردت تضحكلها مره ثانيه ....يالله وأخيرا بيتحقق حلم ...الله .......
تقرب وديمه من حصه وتمسك يدينها ...وحصه واقفه متبريده ..
وديمه : ألف ألف ألف ألف ألف ألف مبرووووووووووووووووووووووووووك ...
وديمه تقول كل كلمه ..ويبدأ صوتها يهدأ ولا ينسمع .....وديمه من الفرحه خنقتها العبره .وهي تشوف حصه أنها مب قادره تستوعب هالشي ..ولا بقادره تتكلم ولا بأي كلمه ....
وديمه وهي ترص على يدين حصه : حلمج تحقق ...حلمج رد يناديج مره ثانيه ..ويقولج انه ما يقدر يروح ولا يحقق لحصه مبتغاها ...














تغمض حصه على عيونها ..ويلست وهي ماسكه راسها ....: وســــــــــــــاكته ....
تيي وديمه وتيلس عدالها : حصووووووووووووه ....
ترد حصه ترفه عينها في وديمه : أنتي تجذيبن عليه ...صح ....
وديمه وهي تبتسم : والله ما أجذب عليج .......والله أنه جابر بيي يخطبج ....
حصه وهي تمسك يدين وديمه : ما أصدق ...ماأصدق ودوووووووم ....
وديمه : لا صدقي يا حصه ...هذا القدر ....القدر مره بكاج .واليوم رد يبتسم لج ....
حصه والدموع بدت تنزل : يعني ..يعني ..يعني .....
وديمه : يعني حلمي تحقق ...هي يا حصه حلمج تحقق ...
حصه ..اطالع وديمه مثل اليهال ...: ما أقدر أتحمل هالفرحه ...ما أقدر أحسها كبيره عليه ...
انا بتزوج جابر ...بعد ما يأست وقلت خلاص أكبر أحلامي ما بيتحقق ....
وديمه وهي تحس أن هالفرحه الي أمتلت على حصه فرحتها هي ..
وديمه : هذا اللي يعيش على أمل ..هذا الي يخلي الامل في قلبه مزروع ..ويخلي له مساحات كبيره في قلبه ....
حصه : ودووووووووووووم أنتي تعرفين شو يعني الحلم ....
تغمض وديمه على عيونها : أدري ....والله العظيم حلمج اليوم اللي بيتحقق ..كأنه حلمي انا اللي بيتحقق ....الله ( أهني وديمه أترد بعمرها على الكرسي ) كم تمنيت وكم حلمت أني اتزوج من الانسان اللي أحبه ....كم تمنيت هالاحساس اللي تحسين فيه ...بس يعلم الله أنه من بشروني وقالولي جابر بيي يخطب حصه ...تقولين قالولي وديمه ...................أهني تسكت وديمه ....
حصه : قالولج شو ؟؟؟؟
وديمه كان لسانه بيقول ....كأنهم قالولي سيف ياي يخطبج .....بس الحمد الله اهنيه قدرت تتمسك عمرها ....
وديمه : حصه أنا فرحانه ....
حصه : تصدقين وديمه عمري ما فكرت بهالحظه ....وعمري ما تخيلت أنه يمكن الانسان بعد ما ييأس يرد الامل يناديه ...وعمري ما فكرت بلحظه انه جابر بيكون من نصيبي بعد ما ملجتوا على بعض ..
وديمه : شفتي يا حصه ..انه الانسان لازم ما ييأس ..أنا أدري أنه عمر الفرح مثل عمر الزهور ...يذبل بسرعه ...الا ان الانسان الي يمني نفسه بأمال وبأحلام صديقني يقدر يجتاح أي مرحله ...
حصه : ياللـــــــــــــــــــه مب قادره أتحمل هالفرحه ....والدموع صباباة على عيون حصه ...
والله ما أقدر أتحملها .....معقوله أنا تحقق حلمي ...انا اللي من يوم يومي الفرح معدوم في دنياي ...يتحقق حلمي ..لا ما أصدق .....انا الي أحلم وأحلم وأحلم ( أهنني حصه تحط يدينها على راسها ) يتحقق أكبر أحلامي ....لا مستحيل ....
وديمه : حصه في أشياء وايد في قلوبنا مطبوعه بحزن ..ومطبوعة بفقدان الامل ..أشياء وايد في قلوبنا نتمنى أنا نتحرر منها ...خلاص الالم أنزرع في قلوبنا ..ومع الوقت تحول الي أشباح متعطشه للفرح ......( وديمه كانت ترمس من قلبها ..لان الالم صار منها وفيها )
صرنا يا حصه نرسم دوائر الفرح بدخان أحزانا ..صرنا نبحث في الظلمات عن خبزه أو قطعه ترفع من معنوياتنا ...تجنبنا ألم السقوط ومرارة الانكسار ...

حصه كانت مندمجه في كلام وديمه الي تحس انه يطلع من قلب وديمه ...
وديمه : آآآآآآآآآآآآآآآآآآآآآآآآآه يا حصه دايما أسأل نفسي نفس السوال اللي تسألين نفسج كل يوم ....
من اللي يعشق الثاني ....نحن والا الحزن ....أبا اعرف من يحب الثاني انا والا هو ...
حصه : نحن أمة حزينه تهوى البكـــــــــاء على الاطلال ..
تبتسم وديمه : هي والله قلتيها ....بس يالله اليوم حصه ووديمه بيودعن الحزن ..خلاص ...حلم وتحقق أكثر من جذي شو تبين ...
حصه : هي والله ......آآآآآآآآآآآآآآآآآآآآآآآآآآآآآآآآآآآآآآآآآآآآ ه أحس أني في حلم ..أخاف يكون حلم ....لكون أحلم ..
تضحك وديمه وهي تشوف حصه أنها مصدقه عمرها انه تحلم ..
وديمه : لا حبيبي مب حلم ...انتي واعيه وفي بيتنا بعد ...
حصه : ما عرف كيف أشكرج يا ودوووووووووووم ....
تنش وديمه وطبت كلام حصه ...
وديمه وهي تعابل المسجل ..
وديمه : أبا أرقص ..أبا أغني ...أبا أفرح ...أبا أزغرط ....
وديمه كانت ترمس وهي تحرك يدينها من الفرحه ....
تضحك حصه : عنبووووووو تقولين أنتي اللي بتعرسين ...
وديمه : والله فرحتي ما تتخيلين .....الي بيتحقق حلم حصه ...واليوم بسعد جابر ...واليوم بحرر قلبي من هم كبير سكن فيه ....ومابيقالي غير هم واحد ...أدعيلي يا حصه أنه يغادرني ..
حصه : الي هو ...
وديمه : المهم انتي أدعيلي وبس ...
وقامت وديمه وطلعت خاري...وزقرت خوله ...ومهره ....وقالتهن أنه حصه أنخطبت ولازم نرقصلها ..ومشاء الله ما قصرن البنات ..تمن يرقصن لحصه هن 3 وديمه وخوله ومهره من الفرحه ....وأرتبش الكل ...ووتذكر وديمه انه دانووووووه اكبر راقصه ...وقامت وزقرت دانوه ..اللي يت تربع ....ويوم شافت الكل يرقص وقبل لا حد يعزم عليها تمت ترقص ..
حصه يوم شافت أختها ترقص خنقتها العبره ....تقوم حصه وتلوي على دانه ...وتمت أتصيح ..وتم الكل يصيح ....
دانه : ليش تصيحين ...
وديمه :جابر بيكون ريل حصه ...
دانه وهي متعيبه : كيف بابا جابر بياخذ حصه ....كيف تأخذ أبونا ....
وديمه : أبوج بس أنتي س مب أبو حصه ...
دانه : يعني عادي يأخذ حصه ....
حصه : غربلج الله يا ودوووووم سكتي لا تفضحيني اليوم لو أتصل ...
وديمه : خلها تقول ...
وتم الكل يرتبش وفرحان ....وفليل طلبوا من المطعم وطلعن خاري ويلسن يأكلن ...فرحه ما توصف ..اليوم .....
طبعا فرحه حصه ما توصف ....بعد ما تحقق حلمها اللي يأست منها ...واللي الهم لازمها وهي صغيره .
ها هي الأيام أراها تمسك بذراعي لتناصرني بمعركة الحياة,,
نعم طالما عشت على بصيص من الأمل,,كنت أراه بعيدا عني,,لا استطيع بأن ألتقي به بشتى الطرق,,
إلى أن ولأول مرة أشعر بأنني قد ولدت من جديد,,فانصهر قلبي كالجليد,,أصبحت دافئة عدت كما أنا,,
العاشقة التي تبحث عن السعادة,,فقط رأيت الأيام من تساندني,,
لأشعر بأنني أميرة تنتظر الأمير بحصانه الأبيض ليأخذها بعيدا حيث لا أحد,,,
أنا وهو وأمواج البحر التي باتت لا تسع عظيم سعادتي,,
في لحظة قد ملكت الدنيا بقبضة يدي,,نعم سيدي,,أعشق ذاتك,,أسلوبك,,,أهيم بقلبك,,
فاقترب مني لأعلمك كيف تسعد,,,فوظيفتي باختصار هي إسعادك يا من أحب!!!!
كلمات : الصمت الجارح

ووديمه اللي من عرفت بالخطبه وهي أسعد من سكن هالارض ...تحس انها هم كبير أنزاح عن قلبها ..بقالها هم واحد الي هو نسيان سيف ..وبس ..وأن شاء الله يا وديمه تنسينه مع الايام ....

تمشي الايام وملجت حصه على جابر ....وتحدد العرس بعد شهر ونص . ...بس حصه ما صارت ترمس جابر على التلفون بالمره ولا عمرها أعترفتله وقالته كنت أحبك ..ولا هو ...أذا أتصل ترمسه دانه وبس .....وطول أيام تجهيزات العرس كانت وديمه ومهره مع حصه ...يسيرن معاها ويساعدنها في المشترى ....بس أذا بسيرون دبي وديمه ما طيع أتسير معاهم ...والاجابر الا رايح وراد ..يحجز االخيام ..والبطايق ..والذبايح ...وكل شي ....هو الي كان متكفل بالعرس كله ...
والا هند أحيانا تبات عند وديمه لانه وديمه واااااااايد متعلقه في هند ...وهند بعد تعلقت فيها ..يوم يروح جابر مكان والا مشغول ..يخطفها عند وديمه الي تحطها في عيونها .....وعدت الايام على خير ..وقرب عرس حصه ...لا مب عرس حصه ..لا حلم حصه .....وكان يوم الخميس ....

اليوم عرس حصه ...الي كان الكل فرحان ..ومستانس ...وحصه ماشاء الله عليها طالعه ولاا الاميره ...كانت أسعد من سكن هالارض في هاليوم .....والاوديمه كانت مفصله حق هند ودانه نفس الفستان ..أبيض ...عشان يدخلن حصه ...في الزفه ...
وديمه كانت لابسه فستان أسود مخصر عليها من فوق لين تحت ..وكانت لافه الشعر كله لفوق ...
والا مهره كانت لابسه فستان خمري من ذوق الحبيب محمد ....وكان الكل مرتبش وفرحان ...

في بيت قوم حصه ....وديمه نست التاج اللي مسوتنه حق هند في حجرة حصه ....
تدخل وديمه بسرعه البيت وقالت لهند تيلس تترياها تحت ...وركبت فوق ويابت التاج ..ونزلن وديمه ويلست تلبس هند التاج ..وهي تغنيلها ..مالت وائل كفوري ..

يا هوى روحوا وألوا ..ألو كتير أشتأتله ...لو بدوا عمري كلوه بعطيــــــــــه ..لما يا حبي تردوا
راح كمل عمري حدوه ..ناروا طفيه برد ودفيه ......
كانت تغني من قلبها ...وجنها تزقر سيف بغناها ..كأنها تقوله انتي معاي وبين ما روح ...
وديمه كانت مندمجه وهي تغني وتهز جتوفها لهند اللي كانت ترقص ...وديمه ما حست انه حد وراها .....اللي كان جابر واقف وراها يطالعها ..وهي تعدل بنته ...واللي لين يومه هذا هو مب مقتنع بأسباب وديمه لانه يعرف وديمه زين ...
هند : بابا جابر ..
تلف وديمه الي كانت لا لابسه شيله ولا شي ....تنش وديمه وتعدل عباتها وشيلتها ..
وديمه : روعتنيه شو يايبنك ....
جابر يطالعها ..ويطالعها : خاطريه أعرف ليش طلبتي الطلاق ...رغم حبج لهند ..
وديمه : لاني وعدتك أسعـــــــــــدك ....وسعادتك مب في يديني ...سعادتك عند حصه الي تحبك .
يعقد جابر حياته : ســــــاكت ...
وديمه : يالله بتأخرني ...أبا هند ودانوه يدخلن حصه ...
يضحك جابر ...أخاف تتخرطف وطيح فوقهن ...
وديمه : حرام عليك ...
جابر : الحين وين شاله هندوه ...
وديمه : أبا أدربهن كيف يدخلن حصه ..
جابر : متفيجه ودوووووم .....الحين بسير فوق بصور عند حصه ...أبا بناتي يصورن معايه ..
تضحك وديمه ......: حلوه هاذي بناتي ....
وديمه : هندوووووه صوري وتعالي في الخيمه اترياج ...
وسار جابر وهو شال بنته ..والي من ركب وهو يبوس فيها ....ويوم وصل عند حصه ...
يلس يصور معاها ....ومحد كان عندها غير دانه وهند وهو ..والمصوره ....
كل ما يبى يصور ...يزقر جابر الغلامتين عشان يصورن معاه ...والمصوره مضيقه على جابر ...
المصوره : ويلك ما يصير كل صوره فيهن هالبنتين ...
جابر :صوري أنتي ما عليج من حد ...
المصوره : من هذيلها ...
جابر : بناتي ...
تبطل المصوره عيونها وتبتسم حصه من خاطرها
المصوره : بناتك ...
جابر : هي ...
المصوره : بتمزح ..
جابر وهو يضحك : والله ما اجذب ...
عقب طفرت المصوره من جابر ...تمت الا تشل هند ودانه وتخليهن يلسن وراه عشان ما يصورن ..
دانه تأشر على جابر أنه يسوي 2 حق حصه ...
يغمزله جابر أنه بيسويها ...
أول ما تبى المصوره تصور ..يرفع جابر يدينه مسوي 2 أونه قرنين لحصه ...وصورت المصوره ...وضيقت المصوره ...والا البنات تمن يضحكن ...من الخاطر وجابر معاهن ...والا حصه الفرحه مب شالتنها ....

المهم خلصوا تصوير ...ودخلت حصه في الخيمه ..وكانت هند ودانه هن الي يمشن جدامها ...
وينثرن الورد .....وعقب يت حصه ويلست ..ودخل جابر ويلس عدالها ....وتموا الكل يرزف ويغني ....وتمن دانه وهند يرقصن جدامهم ...الا شوي تيلس دانه في نص جابر وحصه ...
أهني تمت هند تصيح لانها هي تبى تيلس ...
جابر : لاحول ...من الحين الغياره ..
ولز جابر وخلها هند تيلس ..ولا طاعن يفارجن عن المعاريس ...
ووديمه تضحك من خاطرها وهي تشوف جابر مرتبش مع بناته ..ومخلي حصه ..ويسولف مع بناته ..ويضحكهن ..ركبت وديمه الكوشه ..ووحاولت تشل البنات ما طاعن ...
وديمه : قومن عشا ...
دانه : عادي بتعشا معاهم يوم بيتعشون ...
وتم الكل يضحك من الخاطر ....وعقب شل جابر العروس .....وحليله ما واحى يركب حصه السياره ..الا لقى هند ودانه راكبات ورى ....
تم جابر يضحك وحصه نفس الشي .....ركب جابر ..ولف طالع ورى . ولقاهن . مندمجات في الورد الي مقطعاتنه من الكوشه ....لف جابر وطالع حصه ..
جابر : ماشاء الله يا حصه ....يبنا العيال قبل ما نعرس ...











طبعا يت أم حصه ونزلت البنات ....وطرجوا العربان وساروا دبي يومين وفي السياره ..
أول ما طرجوا قوم جابر ........
جابر : والله قلبي عند بناتي..
حصه : حتى أنا والله ...
يطالعها جابر ..ويطالع ..وعقب لف ويه ..وعم السكوت في السياره .....وشكل جابر تغير ..
طالعته حصه وهي ساكته ...
جابر وهومتكي على يانب الدريشه ..ويسوق .....رد يطالع حصه الي كانت مستغربه من سكوت جابر ...
جابر : حصه ...
طالعته حصه بنظره خجوله ...
جابر : بقولج شي بس لا تزعلين ...
تغمض حصه عيونها وتنهدت من قلبها لان شكل جابر ما يسر ..وشكله بيقول شي ما يريح ..
جابر : ماباج تزعلين ..أباج تتقبلين الشي اللي بقولج أياه مثل ما قبلتي الزواج منيه ..
حصه ساكته وطالعه بنظره ....( لا تقول شي يكدرني ..لا تخليني أقول صدق أنه عمر الفرح في دنيتي معدوم ...دخيلك لا تقول شي يغضب خاطريه ...أرجوك ) حصه أطالعه وبعيونها تترجا جابر أنه ما يتكلم بشي يكدر ...
طالعها جابر ..ولف عنها .....وتنهد من خاطره ...
حصه يوم سمعت تنهيدة جابر ......ألف شي يدور في راسها ...
لف جابر وطالعها ..
جابر : حصه ...
طالعته حصه وعيونها بحر وهي ساكته ...
جابر : ســـــــاكت ..
وحصه : ســــــاكته ...
جابر :
*
*
أحبـــــــــــــــــــــــــــــــــــــــــــــــ ــــــــــج ...

أول ما قالها جابر ...طالعته حصه ..عقب لفت على اليانب الثاني وهي حاطه يدينها بين عيونها ..
جابر وهو يضحك ...
جابر : روعتج صح ...
طالعته حصه وهي ودها تذبحه ..
حصه : في ذمتك الي يبى يقول هالكلمه يقولها بهالطريقه ...والله قلت شي صار ..
جابر وهو يضحك : قلتي أكيد الريال بعد طالع متزوج فلبينه وعنده ولد ...
طالعته حصه وهي ســــــــاكته ..
جابر : أحبج ...
حصه أطالعه وتبتسم ...
جابر وهو يعلي صوته ....
جابر : أحبـــــــــــــــــــج .....
ترد حصه بعمره على السيت .....وهي مب متخيله انها تسمع هالكلمه من جابر ...
طالعها جابر وهو مستغرب ليش ما تقوله شي ..
جابر : أكرهج ...
طالعته حصه بنظره ..وفي خاطرها شو هذا ...
جابر وهو يخلي عمره بري ..
جابر : أبى بناتي ..
تضحك حصه ..
حصه : والله يا جابر ما تتخيل شو شعوري ..وأنا أدري بعمري أنه دانه ما بترقد عنديه ..
جابر : خلاص أنتي تخيليني دانه بس على الاكبر ...
حصه : لا حول ...

وهذا جو قوم جابر ..وحصه ..الي كان حبهم بعده سكاتي ..وصامت ومع الايام بيتفجر كل شي ...




والا البنات ...تمن يصيحن ......
وخاصه دانه الي ما قدرت على فرقا حصه.....وهذه أول مره ما بتنام في حضن حصه ...كيف بتنام ..؟؟؟ من بيهتم فيها ؟؟؟؟؟ من بيراعيها ؟؟؟؟؟ هذه الاسئله عقل طفله يفكر فيها ؟؟؟؟
أهني تيي أم حصه وتلوي على بنتها ...
دانه : ماباج أبا حصه ........أبا ماماتي ....
أم حصه سكتت وجنها صفعه قويه يتها في ويها ....ووديمه واقفه وماسكه هند واطالع الموقف ومب عارفه كيف تتصرف ....
أم حصه : عيب دانوه أنا ماما يالله حبيبي خلنا بنروح أنام ...
دانه وهي تمسح دموعها : أنا مابنام عندج ...أنا مابنام عندكم ...أنا بنام أهني بره ..أنا بتريا حصه ..حصه ما بتخليني ...
أم حصه وهي تحس أنه النار تلهب في صدرها من كلام بنتها ...
ام حصه : حبيبي دانه بعطيج فلوس بعطيج الي تبينه بس يالله حبيبي ندخل داخل ..
دانه : انا مابا فلوس ..مابا شي ...أنا ما أحبكم ....ما أحبكم ما أحبكم ما أحبكم ....
وهي تيي صوب وديمه وتلوي عليها ......دانه ترمس وديمه , وهي تصيح ..
دانه : شليني معاج ما أريد أيلس أهني ....
وديمه واقفه ومتبريده مكانها ....لاول مره تسمع كلام بنت صغيره بهالطريقه ....
أم حصه : دانه ....
وديمه : ما عليه عمتيه خليها اليوم تبات عنديه ....
أم حصه : ما أعرف شو فيها البنت ما تبانا ..
دانه وهي لاويه على وديمه ..
دانه : مابروح معاج ...لانج بتيلسن عند أبوي وبتخليني روحي ....انا أتروع أنام بروحي ...
أم حصه وكأن ضميرها بدى يصحى وهي تسمع هالكلام ..
أم حصه : والله بنام عندج ...بس تعالي ....
دانه : مابا .....مابا ...أنتوا ما تحبوني ..انتوا لو تحبوني جان سويتوا لي مثل الي يسوي أبو مريم حقها ...
وديمه واقفه ومب قادره تستوعب انه هالكلام من طفله عمرها خمس السنين ...
دانه : هو يشتريلها كل يوم من الدكان ....
ام حصه : خلاص بابا كل يوم بشتريلج الي تبينه بس تعالي ...
دانه : مابابا ...مابابا .مابابا ....انا يوم قتلج تعالي معايه المدرسه لانهم بيسولي حفلة تخرج ما طعتي تيين ....قلتلي لا تروحين المدرسه مب لازم .....انا ما أحبج انا أما أحبج .....
ام حصه ما قدرت توقف على ريولها ........طالعت وديمه جان تقولها ...
أم حصه : وديمه شلي البنت اليوم عندج ....
وديمه : أوكي ....
ودخلت ام حصه بخطوات بطيئه بيتهم ...


.....وشلت وديمه البنات ....وسارت البيت ..وسبحتهن ....وبندت الليل ..وشغلتلهن الابجوره ...
وهي نفس الشي تلبست بجامتها ويلست عندهن ترطن معاهن ..وتسولف وياهن ...
وكل وحده يوم ترمس ما تسكت ....طفلتين فقدن حنان الامومه والابوه في يوم من الايام ...
هند راح تعيش ضحية طلاق ..وضحية زواج أبو من عالم لا يمدله بأي صله ....ودانه ..عايشه في أحضان لا تتحرك فيها المشاعر أبدا ...يتيمه وأبوها على قيد الحياه ...وفاقده حنان هي في أمس الحاجه له ...
وتمت وديمه يالسه عندهن ...ومستانسه معاهم لانه عالم الطفوله عالم برئ ..عالم مليء بالحب الصادق البريئ ..وقعدت معاهم لين ما رقدن ...ويلست هي تتذكر العرس وشو صار ..وعقب نشت وصلت ..وشكرت الله انه الله سبحانه وتعالي أستجاب دعاءها وشل الهم من قلبها ..وحقق لها مبتغاها ....وان زوج حصه من جابر .....وبعد ما خلصت سارت وتوكلت على الله ورقدت ...

في بيت قوم حصه ...وبالتحديد ...في حجرة أمها وأبوها ....الساعه 12 ونص فليل ...
ام حصه كانت ماسكه راسها ومب مستوعبه الي قالته دانه حقها ...اهني يدخل عليها أبو حصه ..
أبو حصه : نيلى شو فيج ؟؟؟ ( نيلى أتصير أم حصه )
أم حصه : ســـــاكته ...
أي أبو حصه ويلس عدالها : شوفيج ؟؟؟؟
أم حصه : ما أصدق أنه الكلام الي قالته دانه يطلع منها ...
أبو حصه : ليش هي وين ؟؟؟؟
أم حصه : شفت أنه لا نسأل عن عيالنا ولا شي ...
أم حصه كانت ترمس وتأنيب الضمير اليوم صحى فيها ........
أم حصه والدموع صبابه على خدها ...: ليتك سمعتها وهي تقولي ماباج ...ماأحبج .....آآآآآآآآآآآآآآآآآآآآآآآآآآآآآه كنت أحسها مثلا الرصاصه في قلبي ....والله العظيم ما صدقت أنه هالبنت الصغيره تطلع منها هالرمسه ...لا ما أصدق ...
أبو حصه : دانوووووووه تقولج في ذمتج انها ما تحبنا .....
أم حصه : بتلوم ياهل ...خلنا أنلوم عمرنا الي عمرنا ما سالنا فيهم ..ولا اهتمينا فيهم ...هذا جزاتي أني أشوف بنتي تقولي ما أحبج ....آآآآآآآآآآآآآآآآآآآآآآآآآآه سامحيني يا حصه ...
أبو حصه : ســــــــاكت ...
أم حصه : أنت تعرف انه البنت ما طاعت تبات اليوم عندنا ..تعرف شو تقولي ..تقولي انتي وأبوي بتخلوني روحي وبتمين أطالعين التلفزيون معاه ...
أبو حصه : حلفي ....
ام حصه وهي تمسح دموعها : والله ...
أبو حصه : بسير أييبها ...
أم حصه : ينيت أنت ...خلنا أنرد أنربي هالبنت ...خل الضمير دامه صحى اليوم أنرد نبني دانه من أول ويديد ..يكفي انه حصه راحت ومالقت الي تتمناه ..آآآآآآآآآآآآآآآآآآآآآآآآآآه ياما كانت تقولي أمي أبا حظنج ..أبا نصايحج ..أبا كلمه حلوه منج ....عمري ما عطيتها شي .....همي كان كله ربايعي والسوق والتزين ....الله يا الدينا يوم عزينا كل شي على عيالنا ....يا خساره والله يا خساره ..

اليوم صحى ضمير ام حصه بعد الكلام اللي سمعته من دانه ..الي فجر فيها كل حنان الامومه الي عمرها ما عطت بناتها منه ....والحمد الله يوم صحى ضميركم ....ووعدت أم حصه نفسها انها من اليوم ورايح راح تخلي اهتمامها الاول والاخير في دانه ...

مرأسبوع على هالحال ...ورد جابر بيتهم ....ويا شلو هند من بيت قوم وديمه .....
وبتعيش هند في كنف وحظن حصه الحنون ...والا دانه بدت امها تحاول بأي طريقه تتقرب من دانه .....الي يوميا جابر أيب حصه عند دانه أو العكس ....والا وديمه في نهاية الاسبوع تعبت أشوي ....ومع أصرار أخوها محمد أنها يوديها دبي ويسويلها فحوصات في المستشفى الايراني ...

وفعلا سارت وديمه المستشفى وعطوها موعد بتاريخ محدد انها تيي وتبات ...
يوم الاحد ...سارت وديمه وأمها وأختها مريوم والخدامه دبي ....وطبعا حجزولهم غرفه ..ويوم المغرب يو قوم محمد ومهره ..ويلسوا لين العشاء ...طبعا باجر موعد وديمه عشان يسوولها منظار ...
ويوم بغى محمد يسير حلفت وديمه على امها الا تسير معاهم لانه أمها كانت تعبانه أصلا من قبل ..ولازم تأخذ دواها ....وام وديمه ما طاعت تخلي وديمه روحها ..بس مع أصرار وديمه أنها لازم ترد وأن شاء الله باجر بتيي ...وافقت أم وديمه اتروح ...وتمت مع وديمه في الغرفه اللهم الخدامه ....وبالصدفه ومحمد طالع من الغرفه ...يتلاقى مع سيف ....اللي كان ياي يصرف دواء لامه ..
محمد ما عرف سيف ..لكن سيف كانت ذاكرته أقوى من محمد ..وخاصه بعد ماشاف سيف مريم ..عرف انه هذيله أخوان وديمه ....محد يقدر يوصف أحساس سيف ذيج الساعه ...الي يشوف سعادته ..يقول شاف وديمه مب أخوها ....
ويقوم سيف يسلم على محمد ....الي ما أذكره لين ما قاله سيف عن الموقف ( اللي صار في صلاله ) ...سألهم سيف شو سبب الزياره للمشتشفى عسى خير ..قاله محمد انه وحده من خواته تعبانه شوي ..
...سوى قلب سيف ؟؟؟؟؟ وفي خاطره لا أن شاء الله ما تكون وديمه ...المهم روحوا قوم محمد ...وروح سيف بيتهم ...وهو طول الطريج قلبه يقوله أنه وديمه هي الي تعبانه ..رد سيف البيت ..
وكل شي يقوله ان وديمه هي التعبانه ...ماطاع سيف يرتاح ...يحس أنه شي في قلبه يعوره ...
والا وديمه أول ما روحوا أهلها ...يلست اشوي ...وعقب ردت توقف على دريشة المشتشفى ...
وقعد قلبها يرمسها ...آآآآآآآآآآآآآآآآآآآآآآآآآآآآآآآه ....تعودنا أنا وأنت ..تعودنا على النسيان ...خذتنا عزت الدنيا وتهنا في ليالينا ...تكابرنا على العشره ولا به غيرنا خسران ..صحينا والزمن غالي ..وضعنا في خطاوينا ...آآآآآآآآآآآآآآآآآآآآآآآآآآآآآآآآآآه انا في دارك يا سيف ...أنا عدالك ..يا ترى وين الحمريه ..ياترى أنت وين ؟؟؟؟؟ أشتقتلك وربي أشتقتلك ...تولهت عليك ....وديمه أطالع تحت وتشوف الناس ..وطريقة تصميم المشتشفى ....ياليت خذت موعد في مستشفى راشد عشان أحط ريلي في نفس المكان الي حطيت فيهن ريولك ..آآآآآآآآآآآآآآآآآآآآآآآآآآآآآآه يا الايام مقساج ...تقريبا كملت3 شهور وشي وانا لا اعرف شي عنك ...يا ترى اخبارك ..؟؟؟؟؟؟؟ كنت دايما أقولك خاطري أصرخ صرخه وتصول مداها لدبي وأقولك أحبـــــــــــــك ....الحين أنا في دبي ...أبا أصرخ أبا أسمع الناس كلها أني أحبــــــــــــــك .....وربي أحبــــــــــــــــــــــك ....ترد وديمه تدخل يوم شافت أنه الساعه 12 يت ...دخلت وحصلت البشكاره راقده في سابع نومه ...
بدلت وديمه ثيابها ...ويلست على الشبريه ...تفكر ...وتفكر ....
والا سيف ما قدر يتحمل . طلع من البيت ..وسار مكانه المعتاد الي هو البحر ..ونيسه ..وراحته .... قلبه يقوله أنه وديمه هي التعبانه ....سيف بعد تردد 3 ساعات ...3 ساعات من شاف اخوها لحد ما وصل البحر...وهو بس يحاول يكتبلها مسج ....ومب قادر ..لانه يعرف انه وديمه مالجه ومايبا يتعدى على حقوقها ..الا انه حبه الكبير ..وخوفه الاكبر ...طرش سيف مسج اللي حس عمره وهو يطرشه أنه روحه طلعت ...سيف كان واقف على البحر ...وحاط موبايله على سور البحر ...من طرش سيف المسج وقلبه ....يدق ...يدق ...يدق ....وعينه عن الموبايل ما خازت ......طرش مسج وكتب فيه ..
( هلا وديمه ..شحالج ..أخبارج ....سمحيلي على الازعاج بس حبيت أطمن عليج ..أذا كنتي مريضه والا لا ...وأسف على الازعاج ..)






وديمه كانت يالسه ومبنده كل شي في الحجره ..اللهم مشغله نور بسيط في الغرفه اللي مخلي لون الحجره على البرتقالي ...وديمه يالسه وحاطه يدينها على راسها ....وتفكر ...وتفكر ..الا شوي تسمع صوت المسج ...تلف وديمه وطالع من الي مطرش المسج ..توقعت الكل الا سيف الي كانت مستبعده انه يطرش مسج ....تبطل وديمه المسج وهي منسدحه بكل راحه على الشبريه ..أول ما بطلت المسج ..تقرا من فوق ...( صدفه ) يعني مب طالع الرقم .طالع الاسم ......
تيلس وديمه من بعد ما كانت منسدحه ...وأيدها تتنافض ..ومب قادره اتصدق أنه المسج من سيف ...وديمه أطالع المسج ..و كل شي وقف فيها ..أطالع المسج ...وهي تقرا ..

هلا وديمه ..شحالج ..أخبارج ....سمحيلي على الازعاج بس حبيت أطمن عليج ..أذا كنتي مريضه والا لا ...وأسف على الازعاج)

وديمه والدموع أربع أربع على خدها ...وهي ماسكه الموبايل ..بأيدها ثنتين وعينها عن المسج ماخازت ...سيف طرشلي مسج ....وكيف حس أني مريضه ....؟؟؟؟ تحط وديمه الموبايل على قلبها وتغمض على عيونها ......والدموع خرست حتى موبايلها وديمه ماكانت اتصيح بصوت ..كانت عينها تذرف من دون ما تحس ...ترفع وديمه عيونها ...وتقرا المسج ....
أكيد سيف سمعني ....أكيد سيف سمعني وانا أناديه ....ترد وديمه وتحط الموبايل على قلبها ...وحاضنتنه من كل قلبها ...حاضنتنه بشوقها ......يالله يا كيف الواحد يوم يشتاق ينسى حتى الزعل ....
أحبـــــــــــــــــــــــــــــــــــــــــك ...
(أ) أريج عطري أنثره بزوايا غرفتي ...شموع ...موسيقى كلاسيكيه ..كل من هو حولي جميل ..ولكن لن تكتمل روعته سوى بحضورك سيدي ..
(ح) حبـــــك حطمني ..الحنين دمرني ...عشقك يأسرني ..قلبك يرافقني ..حبك لا يفارقني ..
فمتى ستكون حقيقه لاراك قريبا منى تخاطبي ..
(ب) بحر أنت بامواجه ..وأنا سفينتك التي ترسو فقط بمينائك ..وكأنك بذلك نثبت هذا التقارب..لتختلط قولبنا وتعلن توحدها معك ..لتكون جسدا وروحا واحد..أبدا لا نفترق ..
(ك) كصفـــــــاء نور الشمس أحبك ..وكنور القمر الخافت المستكين أعشقك ..وكسعادة الصحراء عندما يزورها المطر أهواك ..وكرزهرة ندية في بستانها تزهو بخيلاء أهيم بك ..
كلمات : الصمت الجارح ...

آآآآآآآآآآآآآآآآآآآآآآآآآآآآآه أحبـــــك يا سيف ..ليش خليتني ..ليش خليتني ورحت عني ...والله حرام ....
وديمه ترمس عمرها وتصيح من خاطرها ...لانها ما توقعت يمكن سيف يطرش مسج ...واللي صيحها أكثر أنه سيف طرش المسج وهي كانت قبل دقايق تناديه ....آآآآآآآآآآآآآآآآآآآآآآآآآآآآآه ...
أهني كل شي تجمع في وديمه ....شوقها ...حبها ...كل شي ....وتقوم وديمه وطرشت له مسج بعد نص ساعه ...وبعد ما قدرت تمسك عمرها ...وتكتب ...لانها كانت تتنافض بشكل ما محد يتصوره ..طرشتله ..

( شحالك بابا أخبـــــــارك ..أنا بخير ...وبصحه وعافيه ...

قعدت وديمه عشر دقايق ..وهي بس تبى تكتب كلمه وحده الي هي ..أشتقتلك من كل قلبي ....
وبعد تردد ..طرشت المسج الي كتبت فيه ..
شحالك بابا أخبـــــــارك ..أنا بخير ...وبصحه وعافيه ....تولهت عليك من كل قلبي ..
طرشت وديمه المسج ..وحطت الموبايل على ثبانها وتحس عمرها كل شي فيها يحترق من داخل وهي ما خوزت عينها عن الموبايل ..
والا سيف أول ما طرش المسج ...تم واقف يطالع المسج ..ويوم تأخرت 10 دقايق بدى قلبه ييأس ..وكل ما تأخر الوقت ..كل ما يلوم عمره ....ليكون أزعجتها ..ليكون غلط يوم طرشتلها ؟؟؟ يالله شو سويت ..
حط سيف الموبايل على سور البحر ...ورد هو ووقف عند باب سيارته .....ويطالع الموبايل من بعيد ..وعلى أعصابه ...الا وشوي يوصل المسج ....سيف واقف بعيد لكن صوت المسج رن في قلبه ...وهو يطالع من بعيد شاشة الموبايل تولع ...يخطف سيف بخطوات سريعه وهو يدعى انه يكون منها .....يمسك سيف الموبايل ..ويبطله وقبل لا يبطله يغمض عيونه ..وأول ما بطل المسج بطل عيونه ....
شحالك بابا أخبـــــــارك ..أنا بخير ...وبصحه وعافيه ....تولهت عليك من كل قلبي ..

سيف يمسك بيدينه سور البحر لانه ما قدر يوقف على ريوله ....وديمه طرشت مسج ...وديمه مشتاقتلي ...لا ما أصدق .....سيف يرد يحط ظهره على سور البحر وهو يقرا المسج وماسك الموبايل بيدينه أثنتين ..يغمض سيف عيونه ..ويحط الموبايل في صدره ...والله أحبـــــــــــــج وربي فوقي أحبــــــــــــــــج ...رد سيف يمشي على البحر ..دخل داخل وقعد يمشي على الرمال الناعمه ..والبحر الهادي ....والليل الساكن ..والسما الصافيه .....سيف يمشي ...
آآآآآآآآآآآآآآآآآآآآآآآآآآآآآآآآآآآه وينج عني ...ليش خليتيني ...قعد سيف عدال البحر ...ورد يطرشلها مسج ...
( ممكن أرمسج ....أذا ما عندج مانع ....
المشتاق بالحيل ..
راعي شيشة الغافتين )
أول ما وصل المسج لوديمه الي كانت تتريا أي شي منه على أحر من اليمر ...أول ما قرت المسج ...
من دون تفكير ..ومن دون تردد ..ومن دون ما تحس ...أتصلت ...تحط وديمه سماعة الموبايل في أذنها وهي ماسكه يدينها بأقوى ما عندها ...
سيف أول ما شاف رقمها .....( الرقم يتصل ) تم قلبه يدق ..يدق ..يدق ...سيف ماسك الموبايل ومب مصدق ...يرفع السماعه بسرعه ...
سيف وبكل شوق الدنيا : ألو ...
تغمض وديمه على عيونها وما قدرت تتكلم ..
سيف : ألو ......
تتنهد وديمه من خاطرها تنهيده زلزلت كل شي في سيف ...تنهدت تنهيده ألم ..شوق ...حب ..حرمان ..تعب ..كل شي ...
أول ما سمع سيف بس تنهيدتها : يحط يدينه على عيونه ...وتم ساكت ..محد قدر يتكلم ..

أنا وهو والشوق ثالثنا,,آآآه,,,
آهات سببها الفراق,,نعم أضناني ألم بعدك,,سيدي,,لم يكن بمخيلتي أبدا بأنني بذات يوم سأعشق هكذا,, دونك وحيدة أعاني غربة مريرة,,استأصلت كل ما بي من قوة,,لأصبح أضعف مخلوقات الأرض,,
أتعلم لما,,لأنه وبوجودك فقط كنت امتلك قلبي,,روحين,,وهذا الهواء كنت أتنفس مرتين,,
هو أنت,,وأنت أنا!!!
آآه,,سأعود لتكرارها لتعلم كم هي عظيمة فاجعتي منذ رحيلك,,أصبحت طفلة ضائعة تجوب الطرقات,,أيضا كمن فارقت أحضان الأم,,وكعائق أحرقه الوجد,,
جاءتني همساته كقطرات المطر التي تداعب وجنتي,,كنت انتظرك,,أراقب القمر الى أن أشعر بأنني ألامسه بأطراف أصابعي,,لأهمس له كم أحبك
لأرى دمع العين يتدفق غزيرا مني ليعلمني بأنك لست معي,,ماذا فعلت من دوني,,,
هل أصبحت تحبني أكثر؟
هل وجدت أنثى غيري ترضي غرورك؟
هل وجدت من تعشقك غيري؟
أرجوك لا تدع صمتك يقتلني في هذه المرة أيضا,,,

هو: أحبك طفلتي الصغيرة,,كم اشتاق لك,,لنبرات صوتك ولتقاسيم وجهك التي أعشقها,,

هي: هل وجدت من تعطيك الحب,,من تضحي لأجلك دون أن تبالي للآخرين؟

هو: لا تعذبيني أرجوك,,أحبك,,أحبك فها هو القلب معشوقتي قد احترق ألما بانتظارك,,فمن هي التي بإمكانها أن أجد معها ذاتي غيرك,,؟؟

هي: الأيام,,الأقدار,,أنت,,
كلمات : الصمت الجارح

وديمه تصيح من خاطرها بس ماسكه عمرها لا يسمع سيف صوتها وهي تصيح ..ولا سيف قدر يتكلم ...وبعد سكوت ..
سيف : ودوووووووووووووم بابا ...
أهني وديمه صاحت بصوت فجرت كل اللي فيها ......صاحت وهي مب قادره تسمع صوته ..مب قادره تتخيل أنه الي يكلمها سيف ...وهي تتذكر ألمها طول هالشهور ...
سيف وهو مب قادر يتحمل يسمعها وهي تصيح : ودووووووووووووم رمسي بابا تراني تولهت عليج ..
صغيرتي لا تبكين أتوسل لكي,,,كم أتمنى الآن لو كنت منديلا أزيل هذا الدمع الذي يؤرقني,,لن أتركك وسأتحدى الجميع فقط من أجل عينيك

هي: بنبرات الألم,الحزن,,أنفاس متقطعة,,أحبك,,,أعشقك,,فلا تدعني أعاني هكذا,,,

هو : سآتيك سيدتي,,,,,أنــــا


!

تدور لحظة صمت,,,,,,,,,,يطول

هي: معشوقي لا تبكي فأنا معك أرافقك ولن أفارقك


!


لتكتمل ليلة العشق بدمع العين الذي كان الفيصل الوحيد لهذا الحب التأجج بالأعماق,,,,!


كلمات : الصمت الجارح

وديمه وهي مجتفه ريولها على الشبريه ..وحاطه راسها بين ريولها ,,,,,
وديمه وبعد ترجي سيف ..
وديمه : أحبـــــــــــــــــــك ...
قالتها وديمه من قلب قلبها ..لدرجه أول ما سمع سيف هالكلمه أنسدح على تراب البحر ...
وديمه : والله أحبـــــــــــــــــك ...بس ليش تخدعني ؟؟؟؟ليش ؟؟؟؟؟؟؟ ليش؟؟؟؟؟
سيف وهو مب قادر يتكلم بعد ما سمع كلمة أحبج منها الي كانت أصدق كلمة نطق فيها قلب وديمه ...
سيف : وربي ما خدعتج ....وديمه انا ما اجذب ..وديمه انا اهلي ربوني على مبدأ ..أني ما أجذب ...وديمه أنتى ادرى وحده فيني ...وعرفتيني زين ....بس أنتي ما عطيتيني فرصه عشان أدافع عن نفسي ...أبدا ما عطيتيني فرصه عشان أدافع عن نفسي ..أبدا ...
وديمه : شو اعطيك فرصه ..وانت كمن مره تقولي ما بيني وبينها شي ...واخر شي تتطلع ترمسها ..
قعد سيف وخبرها بكل شي .....وشرحلها الاسباب ...وكل شي ...
وديمه : حيوان ..
يضحك سيف من خاطره : يا فاسقه ...
وديمه وهي تبتسم وتحس أنه هم كبـــــــــــــــير أنزاح من قلبها ...
وديمه : يا أهبل ...
سيف : آآآآآآآآآآآآآآآآآآآآآآآه تعبتيني معاج ...يلعنج كيف أحبج ...والله وربي فوقي أحسج في روحي ..
وديمه : سيف أنا ملجت ...
غمض سيف عيونه ...حس سيف جنها تقوله لا تقولي شي لانك مالك حق ..
سيف : ســـــــاكت ...
وديمه : واطلقت ....
يشهق سيف برب اللي خالقنه : شو .....
وديمه : اطلقت ...
وقعدت وديمه تخبره بالاسباب وليش ما وافقت ......قعدت وديمه أترمسه واترمسه ..وكل واحد يشاكي الثاني ..كل واحد لو يعطي الثاني عمره كله عشان يوصف أحاسيسه ما بيوفي ..
من كثر الهم والتعب الي عانوه الطرفين ....سيف عمره ماتخيل أنه يمكن يرمس وديمه بعد مرور كل هالأشهر ...ولا وديمه فكرت أنه يمكن أترد ترمس سيف مره ثانيه ....
قعد سيف يمشي على البحر ...والراحه في قلبه اليوم تستقر بعد ما سمع صوت وديمه ...
وديمه : سيف أنا في دبي ...
يلف سيف بكبره ويطالع دبي ..ويدور بعيونه ...: جذابه ..قولي الصدق ...
وديمه : والله العظيم أني في دبي ...
سيف : يعني انتي اللي تعبانه ...
وديمه : لا يا الشيخ ما فيني شي ...بس تعال أنت أشدراك أني في المستشفى وأني تعبانه ..
سيف : تراني شفت محمد أخوج وسلمت عليهم ...
وديمه : كيف ..؟؟؟
سيف : وهو طالع وأنا كنت ساير أصرف دواء لاميه ..ولقيت اخوج ؟؟؟
وديمه : انا عدالك يا سيف ...قبل لا تتصل كنت أزقرك ..كنت اناديك ..
سيف : صدق شو فيج ؟؟؟
وديمه : ماشي والله بس باجر بسوي منظار لانه شوي عندي ألم في بطني بس والله ..
سيف : بييج الحين ..
وديمه : أهبل .......
سيف : والله بيييييييييييييييييييييييييج ....
وديمه وهي تضحك : ينيت ...
سيف : عيل باجر بطرشلج أكبر هديه ...
وديمه : سيف أصطلب وغد ريال ..شو تيبلي هديه ....يكفي أني سمعت صوتك ....هذه والله أكبر هديه وصلتني ...أصلا شو هديه ..خلاص انا حتى الويع نسيته ...
سيف : بتوصلج باجر أن شاء الله الساعه 10 ..
وديمه : سيف ..
سيف : لمي حلج ....وأص ولا كلمه ....
وديمه وهي تضحك : عن الخبال ..
سيف : خلاص ودوووووووم أنا بيي أخطبج ...خلاص دام جابر عرس ..بيي ..لازم أيي ..
وديمه أول ما سمعت أنه سيف يبى .. حطت راسها على الشبريه : وساكته .
سيف : بيي أخطب ..
وديمه : ساكته ..
سيف : ما تبيني ..
وديمه : آآآآآآآآآآآآآآآآآآآآآآآآآآآآآآآآآآآآه معقوله حلمي بيتحقق ..
سيف : مب بس حلمج ..حلمي معاج يا وديمه ..
وقعد سيف يرمس وديمه لحد الفجر وعقب سكروا عن بعض ..وكل واحد يحس انه الهم طاح اليوم ...سار سيف المسيد وصلى ...وشكر ربه أنه وديمه رجعتله ..وانه يقدر الحين يخطبها ....ووديمه نفس الشي ...
ومحد يتصور كيف هالهم انزاح ..من قلوب سيف ووديمه .....حتى من الفرحه وديمه ما غفت عينها .....لانها عمرها ما تخيلت هاللحظه وهالصدفه الي بتصير وبترد المياه لمجاريها ..









الساعه 8 في المستشفى .....قامت وديمه وتسبحت ..وتلبست ويلست ترمس أمها ...وعقب طرشت الخدامه تشتريلها مجلات ...ويلست وديمه تقرا ...ويوم يت الساعه عشر ...الا حد يدق الباب .....
تنش وديمه وهي مب عارفه منو ياي ..الا تشوف حرمه كبيره مع حرمه وولد وبنت ...

الجماعه : السلام عليكم ..
وديمه اطالعهم وهي مب عارفه من هذيله ..
وديمه : وعليكم السلام والرحمه ...هلا والله ..
الجماعه : وديمه ...
اطالعهم وديمه واحد واحد..ويوم نزلت عينها وشافت التوأمين ..عرفت انه هذيله أهل سيف ..
على طول ترفع عينها في أم سيف ...
وتيي وديمه صوبها ...وترد أتسلم على ام سيف ..وتحب راسها ...وتقوم ام سيف ولوت على وديمه ...اللي من لوت عليها ...تمت وديمه متشبصه فيها ولاويه عليها من خاطرها ..وخلود تبتسم ومب عارفه شو يصير ...ويلست وديمه عندهم ...وهي ما تتخيل انها تشوف أم سيف ..الي كانت دايما تحشر سيف انها تبى تشوفها ....ودايما تقوله أني أحب أمك أكثر عن ما حبك ...صح اني ما عرف امك ...بس حبها متمكن فيني ....وكان سيف كل ما تقوله وديمه هالرمسه يقوله بس لانج تحبيني ..تحبين أميه ......وديمه ما كانت تصدق أنه اللي تشوفها بعيونها هي أم سيف ...ما كانت تصدق انه احلامها بدت تتحقق من الصغير ...ما تصدق انه بعد كل ألم وكل هم سكن فيها بدى الحين يروح ..بدى يودعها .......

وها هوحلم وديمه تحقق ......طلعت وديمه من المستشفى وهي بخير ...وكل شي صار ..بسرعه ...يااا سيف وخطب وديمه ..وبعد أيام يااا وملج عليها ...بس محد شاف الثاني ...
وأستعيلوا على العرس ..وتحدد يوم العرس ........وقرب حلم وديمه ....الي معاه طاحت همومها ...والي يرد الفضل الاول والاخير لرب العالمين الي ما نسى دعواتها ....وحبها للناس وطيبة قلبها ....والي يعطي الناس الله ما ينساه ....وتحقق حلم وديمه ......

اليوم عرس وديمه ....الي كان الكل فرحان لفرحة وديمه ....ومهره مب مصدقه أنه سيف رد يخطبها ..ولو ما كان يحبها ما فكر يرتبط فيها ......وديمه في حجرتها ولابسه الفستان ..وكانت ولا الملكه ...وكانن عندها مهره اللي كانت توها في الشهور الاولى من الحمل ...وحصه اللي لو توصفون سعادتها مع جابر ما تتخيلونها ........وكانن عندها..
الا شوي يدش أخوها محمد ...الي يااا وحبها على راسها ..وقال لقوم مهره يطلعن عشان يدخل سيف ويصور ..
وديمه : لالالالالالالالالالالا ما دخلونه عليه ...والله بموووووووووووووووت
مهره وهي تضحك : يا الخبله عشان تتذكرين شيشة الغافتين ...
وديمه وهي تحس بالموت ياها لانها ما تتخيل انها تشوف سيف ..
وديمه : مهرووووووووووه لا تروحين عنيه ...
مهره : لا يبوج ما فيني أشوف سفاح الامارات ليطلع ولديه سفاح ....
تبتسم وديمه : زولي ...

وفضت الحجره ومحد بقى فيها غير المصوره ..الي يالسه مع وديمه تعدل فستانها ...وشوي الا يدش سيف ......
أول ما رفعت وديمه وطالعته ....اللي كان سيف واقف ويطالعها ....عم السكون بينهم ...
أيي سيف بخطواته الي كان يتمنى هاللحظه ....سيف يقرب من وديمه ووديمه دقات قلبها ..العالم كلها يسمعها ..والمصوره واقفه من كثر ما الموقف حار ..ما قدرت المصوره تنزل عينها ..وقعدت أطالعهم ...أيي سيف .....ووقف جدامه ...ووديمه أطالعه .....وعيونها بحر عاشق لسيف ..هايج بأمواج الاشتياق ...وديمه أطالعه وهو يطالعها ...سيف ما كان يتصور أنه وديمه يكون جي شكلها ..لانها متغيره 360 درجه ..غير عن الي شافها في الشيشه وفوق اليبل ......سيف يطالع وهي أطالع .....غمضت وديمه عيونها وهي ترص على الباقه الي ماسكتنها ..........لانها حلمها تحقق ..لان مناها تناظر في عيونه ..حلمها توقف جدامه وتشوف عيونه ......أول ما نزلت وديمه راسها ..يقوم سيف ويرفعلها راسها بكل هدوء ...
سيف وهو يتكلم بكل أحاسيس الدنيا ..
سيف : والله وتحقق منــــــــــــــــــاي ...شوفوا حبيبي معــــــــايه ...
من سمعت وديمه هالكلمه دقات قلبها سيف يسمعها ..من كثر ما كانن يدقن....تقوم وديمه وتمسك بأيد الباقه والثانيه حاطنها في قلبها ...يقوم سيف ويمسك يدينها .....
سيف : ما أصدق ...
ترفع وديمه عيونها ...وتقوله بعيونها : ولا أنا ....

المهم قعدوا يصورون وتم العرس ....لا والله ما تم العرس ..الا تحقق حلم .....وتحقق حلم وديمه ......

في دبي وبالتحديد في دبي ...وفي حجرة سيف ....الساعه 2 ونص فليل ..
كانت وديمه يالسه هي وريلها سيف ....اللي كانوا ينتظرون هاللحظه من زمان أنه يجمعهم سقف واحد ...
سيف وهو يطالع وديمه ومب مصدق أنه اللي جدامه هي حلمه .ومناه ...
سيف : وديمـــــــــــــــه ..
زقرها سيف بكل ما يملك من أحاسيس الدينا ..
وديمه وهي أطالعه ومب قادره تستوعب أنه اللي جدامها سيف ..
وديمه : عيــــــون وديمه ...
سيف وهو يمسك يدين وديمه ...:
سيف : صفعيني ...صفعيني ..أنا مب قادر أستوعب أنه الي جدامي حلمي ..اللي جدامي نبض قلبي ...
وديمه أطالعه وهو ماسك يدينها ..
وديمه : أحبــــــــك حب ما أقدر أعـــــاند فيه أحساسي ..لقيت الحب شي أكبر من أنـــــــي أخذ أنفـــــــــاسي ....وديمه تناظر عيونه الي من عرفته وهي مناها بس تشوف عيونه ...مناها تمسح بيدينها دموعه ....سيف يطالعها وكأن لاول مره يشوف ..كأنها أول مره ينولد في هالدنيا .....

سيف يطالعها ...ويطالعها ...وعيون وديمه بحر ...وأول ما خلصت عم السكون بينهم ...
سيف يطالع ...ووديمه اطالعه ...وكل واحد يذكر الالم الي صابه ...والي عمرهم ما تخيلوا هالحظه يمكن تيي ...
وديمه : كنت اتمنى أناظر عيونك ....كنت اتمنى ( أهني وديمه تشوف حجرته وتدور بعيونها في حجرته ) كنت اتمنى أشوف حجرتك ...تعرف شو يعني اتمنى ...آآآآآآآآآآآآآآآآآآآآآآه تغمض وديمه على عيونها ....أمانيه وايد كانت وأحلامي كانت أكبر ...كنت أتمنى تكون أنت فارس أحلامي ....من كثر ما كنت أحلم ...كنت كل يوم أرسم هالبيت ..وهالحجره بالتحديد ...
سيف يطالعها ويسمعها من كل قلبه ...
وديمه : كنت دايم أقول لنفسي خاصه بعد ما تفارقنا ....لو القدر فرقني عن سيف ..الا أني بزوره ...وبيي بسلم على أمه الي هي أمي ...
يغمض سيف على عيونه ...ويتنهد من قلب قلبه
وديمه : يالله أشكثر حلمت ..وأحلامي كانت اتعبني ...كنت دايما أتخيل أني يوم بعرس وبيب عيال وبسمي أول عيالي سيف ..بييك وبسلم عليك وعلى حرمتك ..بقولك ما نسيتك ولا بنساك لانك أول حب في حياتي ..لانك الرجل الوطن ...
وديمه ترمس والدموع على خدها ..وسيف خانقتنه العبره ..
وديمه : كنت أحلم أني أشوفك لو من بعيد ..تعرف شو يعني من بعيد ..كنت في كل صلاة أصليها أدعيلك من كل قلبي أنه الله يسعدك ويهنيك ....
تسكت وديمه وطالعه .....
وديمه : ما أصدق أنه حلمي تحقق ..ما أصدق أنه الي جدام عيوني سيف ..ما أصدق ...
تسكت وديمه وما قدرت تكمل رمستها ...أي سيف ..ويلوي عليها من خاطره ...وبقتها وديمه من الخاطر ...حتى سيف دمعن عيونه ....آآآآآآآآآآآآآآآآآآآآآآآآآآآآآآآآآه يا حلم وتحقق ..

مع شعاع القمر الخافت,,,موسيقى كلاسيكية,,,قلوب تحمل دفئا مع نبضات تترنم بأجمل الاحساسيس
هذيان العشاق هو ما بنا,,بل لربما هي حمى الحب الشديدة التي أصبحنا بأسبابها نتصبب عرقا,,,هو ما اسميه جنون العشق,,وأي حب هذا,,,لا يمكن للتعابير أن تصف,,أو للحروف أن تصفه,,,شعور يتأجج بعظيم العاطفة,,
سكون الليل هو ما يجعلني حائرة وهو ساكن ما باله لا يتحدث,,,ما هو الشيء الذي يفكر به الآن,,,
نعم كم أتمنى أن أهرول مسرعة لأرتمي بين أحضانه,,لأهمس له كم احبه وكم يعشقه قلبي البريء,,المتمرد على حبه تارة وأيضا الرضوخ بتارة أخرى,,,قتلني الصمت,,,ليتني اخترق عقله,,لأعلم ما الذي يفكر به الآن,,,
لتدور لحظات صمت,,,تكسرها الهمسات العذبة,,,
أعشق أنفاسك,,أهيم بنظراتك,,تصيبني بالارتباك تقاسيم وجهك ,,,نعم أحب ذاتك,,تضحياتك,,,أحبك لعلي أصل بها لأدق التفاصيل بك,,لأزرع بقلبك وجدا,,,حبا,,,لم تعرفيه منذ قبل,,,نعم سأعوضك عن كل شيء,,,سأجعلك أميرة,,في زمن قد ندر به العشاق,,ولكن أنا وانتي سنكون أسطورة عشق لا تنتهي,,,لا تعرف حدود للزمان والمكان,,,سندون تفاصيل العشق بخارطة لنكون بها التعاريج الدقيقة,,لنخوض بعالم الذكريات الجميلة المؤلمة أيضا بذات الوقت متى أردنا.
فقط انتي من أصبحت هاجسي الوحيد,,من قلبي لرؤيتها يخفق من جديد,,,لينصهر أمام عينيك الجليد,,لأصبح كتلة مشاعر تحمل الاخلاص ,,الحب,,,تحمل كل شيء جميل تستحقينه سيدتي
كلمات " الصمت الجارح
وما بعد النهايه ...

في عياده خاصه ...كان محمد مودي مهره العياده ...وكان واقف يترياها بره ...
محمد واقف ويمشي .....وفي خاطره ..يالله يا الدنيا من يقول أني بنسى ميثه وببدى حياة يديده ..وفي الطريج يايني ياهل ..اللـــــــــــــــــه ......الحمد الله على كل شي ..وعمري ما تخيلت هاللحظه تي أني أكون أبو ...وتكون مهره قلبي ...محمد يمشي وييذكر أتصال ميثه ..
آآآآآآآآآآآآآآآآآآآآآآآآآه ..والله يا ميثه ....ما بقول غير

( عــــــــــرفتك والنـــــــــــظر خـــــــــــــــــــدا ع ) ......وهو يذكر أول مره يشوف ميثه يوم يته في الدوام ...لانها كانت عندها قضيه ..
وأهني طلعت مهره ..وبخطوات سريعه يقوم محمد ويمسك يدينها ..وركبوا السياره ..



في لندن وبالتحديد في كامبرلي ..اللي تبعد عن لندن بساعتين ..
جابر وحصه ...وهند وكانوا شالين معاهم دانه ....كانوا سايرين هالمنطقه الي فيها مثل البحيره وفيها بط ..... وكانوا الكل لابس نفس اللون ...ونفس البس ....جابر وبناته لابسين بناطلين وقمصان ...ونظارات ومع كاب ...والا حصه نفس الشيء لابسه بس تنوره .....وكانوا الكل مطقم نفس الشي ....
حصه يالسه واطالع جابر الي يالس يلاعب هند و دانه ...وكانوا يقطعون الخبز ويعطونه البط ..
تقوم دانه وتشل هند بعيد وتصاصرها أنهن يعقن جابر في البحيره ..والشيخ جابر واقف ويطالع بناته يترياهن أين ..ما يتحراهن يالسات ويتفقن عليه ...الا شوي جابر يالس يناول هند الخبزعشان تعطي البطه ..الا تقوم دانه وتدفر جابر في البحريه ......وتمن يضحكن عليه ..
حصه أول ما شافت أنهن عقن جابر يت صوبه تربع ...الي شكله يضحك من الخاطر ...
حصه تبى تساعده ما قدرت لانها ميته من الضحك ....ينش جابر ويربع ورى بناته ...
الي حصه أنتهزت الفرصه وتمت أتصورهم بكمرة فيديو ....تحط حصه الكيمرا على جتفها..
واطالع جابر ..وتبتسم ...

( عـــــــــــــــــرفتـــــــــــــك والنظر خداع ) وهي تتذكر أول لقاء بينهم يوم نزلت تربع ويت عينها في عينه ..وعم السكون بينهم ...



في دبي ...وبالتحديد على البحر الساعه 2 فليل ...
وديمه وسيف يالسين على البحر ..والجوء هادي ...والبحر كان ينتظر هالثنائي العاشق أنهم يجتمعون مع بعض ....
وديمه : والا هالبحر اللي كل يوم تييه يا سيف ..
سيف : هو هذا البحر الي يعرف كل الي في قلبي ...
وديمه وهي اطالع البحر ....وسيف يطالعها ...تلف وديمه ولقت سيف يطالعها ..
وديمه وهي تلف ويه سيف : لا تم اطالعني جذي ..
سيف : تذكرين يوم تقوليلي خاطري امسكك من حلجك ولزقك على اليدار وسطرك طراقات ..
تضحك وديمه من خاطرها : ماشاء الله عليك تتذكر ..
سيف : كل شي منج أذكره ...
عقب نشوا وقعدوا يتمشون على البحر ..وسيف حاط يدينه على جتفها وهي حاطه يدينها على خصره ويمشون ......
تقوم وديمه وتنزل وتحط يدينها على البحر ..وسيف واقف ...
وديمه : أتصدق يوم كنت في صلاله وكنت واقفه على البحر ...قلت في خاطريه
( عـــــــرفتك والنظر خداع ) لاني من شفتك دخلت قلبي ....بس قلتها بحب وبالراحه ...
سيف واقف ويطالعها ...
وديمه : وبعد السالفه الكبيره الي ما أحب أذكرها قلت ( عرفتك والنظر خداع ) قلتها وانا ماباك ..قلتها بكل حسره وندم ..
واليوم ...
أهني أي سيف عدالها ...
سيف وهو يحط يدينه على ماي البحر ..
سيف : هي ..
وديمه : عرفــــــــــــتك والنظر خداع ..
سيف : وانا أقولــــج ..
( عرفتــــــــــــــــج والنــــــــظر خداع )


النهــــــــــــــــــــــــــــــــــــــــــــــ ــــــــــايــــــــــــــــــــــــــــــــــــــ ــــــهــــــ





كاتب القصة : الصمت الجارح - منقول