02-02-2009, 06:55 PM
| #27 (permalink) | |
|
عضو متميز 
 |  يـــؤيـــؤ وينـــــج..........؟؟ انا اتريــــــــــــــــــــــــــــــــــــــــــــــ ـاج لاتبطــــــــــــــــين............ | |
 اللهــم صــليعلى محمــد وآل محمــد اللهــم لا تدع لنـا ذنبـا إلا غفرته ولا همّـا إلا فرّجته ولا سقمـا إلا شفيته ولا عيبـا إلا سترته ولا رزقـا إلا بسطّته ولا خوفـا إلا أمنته ولا سوءا إلا صرّفته ولا مريضـا إلا شفيته ولا غريبـا إلا رددتّه ولا ديْنا إلا قضيته ولا حاجة من حوائج الدنيـا والآخرة لك فيهـا رضـا ولنـا فيهـا صلاح إلا قضيتهـا ويسّرتهـا يـا أرحم الراحمين الله يرحمج ياعذبه بعد ڠْد ، آإڶمْۈآفق 2_11 _2009هَي آإڶذڪرْى آإڶخآإمْسهَ ڶرحيْڶ فقْيد آإڶۈطْڼ ، ’, ~ سمۈ آإڶشيْخ [ زآيد بْڼ سڶطآڼ آڶ ڼهَيْآإڼ رحْمهَ آإڶڶهَ ] ’.. أنبـِـٍـٍِض ياقلـٍٍـٍِـٍبـٍي مصَــٍٍٍِِـٍٍِِِيركـٍِ بتٍِــٍٍِـوقـٍِِـٍٍِفـٍ |
|
02-02-2009, 09:14 PM
| #28 (permalink) | |
|
عضو جديد
 | ( الجزء الرابع) الساعه 5.40العصر في بيت بو احمد عبدالله وصل بيت عمه ووقف سيارته في الحوش ونزل ومن السيارة يبا يدخل البيت عشان يعطي موزه شنطتها. ( كانت علياء في الصاله بروحها كلهم رقود وهي يالسه تفكر في عبدالله وشيلتها على جتفها ومندمجه في غنية ميحد حمد لانها حاطه قناة نجوم وهي يالسه على الكرسي الي مجابل الباب... اي واحد يدخل بشوف علياء جدامه وعلياء تسمع الغنيه ودموعها يطيحن على خدها وخشمها احمر وينبان انها صايحه.....ومتأثره في الغنيه... (( لا شفتني ضايق واهل الدمع وابكي بقتناع....لا تحزنك عيني.. ولا تشره على دمعاتها..انا فقط حبيت ..ادربها على يوم الوداع احبابنا قاسيين والايام هي عاداتها ...مهما جلسنا نضحك وناخذ من الحب المتاع لابد لحظات المفارق نرتشف كاساتها .....انا لواكذب واتوهم حبنا وهم وخداع ...والدمعه الي في عيوني تعكس معاناتها حتى خفوقي ...لو يقول انه على بعده شجاع ساعات فراقك مستحيل يحتمل لحظات كل ما نظرت لرمش عينك ..جيت بامرك بانصياع )) ويوم كانت مندمجه في الغنيه انفتح باب الصاله ... وشافت حد لابس كندوره بيضه بسبب دموعها ما رامت تشوف لانه تشوف جدامها نفس الضباب وماتعرف منو الي دخل تحرته احمد اخوها وسيده سارت لوت عليه وطاحت في حضنه بدون ما اتشوف ويهه وتمت اتصيح واتشاهق.. عبدالله اول ما دخل صالة قوم عمه لقى علياء يالسه اتصيح ويلس سرحان في جمالها ... واستغرب يوم طاحت في حظنه ...قال في خاطره شكلها ما انتبهت اني عبدالله ياليتها اتم بحظني على طول .. فديتها شوفيها تصيح اكيد حد فيه شيء . علياء وهي فحظن عبدالله وهي تصيح وتشاهق :احمد ... احمد انا تعبانه قلبي يعورني ... تخيلك ما استحمل .. عبدالله بعدها عن حظنه خاف حد يشوفهم وهم بها الوضع وهي بحظنه واول ما رفعت علياء راسها ...خاز الضباب عن عيونها وشافت انه مش احمد اخوها ويوم عرفت انه عبدالله .. علياء وهي تصيح واطالع عبدالله وتعاتبه نست انه الشيله على جتفها:ليش خنت حبي لك ... ليش يا عبدالله حرام عليك انا احبك من يوم انا صغيرة .. عبدالله منصدم من علياء انها تحبه من يوم كانو صغار وبعد انها عرفت عن سالفت شويخ... عبدالله : علياء حبيبتي .. انتي فهمتي السالفه غلط انا ما كنت ادري انها اختج والله .. علياء : مالقيت ياعبدالله غير اختي ... اختي يا عبدالله خساره حبي لك .. عبدالله : والله انا احبج انتي ياعليو ه وعليا ء كانت واقفه جدام عبدالله واجدمت منه لانها كانت تبا تقوله اطلع برع بس فقدت توازنها وطاحت وهي مغمى عليها.. عبدالله شاف علياء تتقرب منه وهي تترنح بطل ايديه وتلاحق عليها عن اطيح وطاحت في حظنه وهي مغمى عليها وتم يصفعها شوي شوي على خدها يباها تصحى بس ما قامت خاف عليها وشلها وحطها في السيت الجدامي لسيارته وشخط ويل وسار صوب مستشفى توام وهم في الدرب يالس يشوفها ويسوق وخايف عليها ووصلو المستشفى ونزل من السيارة وسار صوب باب علياء وقبل ما يشلها لبسها الشيله الي كانت على جتفها وشلها ووداها دخل المستشفى وزقر السسترات وشلوها وحطوها على سرير المستشفى ودخلوها غرفت المعاينه... ونسى عبدالله يبند سيارته ....من خوفه على علياء وسار بندها ورد يلس جدام الغرفه الي دخلو علياء فيها ...ويالس يدعي ربه انه علياء تقوم بالسلامه .. وسمع صوت الباب وهو ينفتح وطلعت الدكتورة ... ووقف مجابل الدكتورة وقالها : يادكتورة شوفيها علياء بخير هي ... قامت ! . الدكتورة :أيوه يا إبني البنت بأت زي الفل ,,,وهيه صحيه دل وأتي .... انته جوزها. عبدالله في خاطره: ياليت عبدالله: هي نعم أنا ريلها ... هي شوفيها بالظبط . الدكتورة :جالها انهيار عصبي,,,, انتو حاولو ما تزعلوها... انا إديتها وصفة حبوب تهديها .. عبدالله : عادي ادخل عندها الدكتورة:اي يابني ادخول جوه. سارت الدكتورة تشوف باقي المرضى ودخل عبدالله عند علياء ولقاها واقفه عند الدريشه ودموعها طايحه على خدها . عبدالله اجدم ووقف جدامها.. عبدالله: انا اسف . على الي صار علياء: ممكن توديني البيت . عبدالله : انشاء الله بس بتطلعين جي بكندورج. علياء : كيف تباني اظهر عيل ما يبت عباتي . عبدالله: انتي يلسي هني بسير اشتريلج عباه وبي.. . علياء : لا تسير تا خذ لي عباه خل حد من اخواني ايبلي عباه ويوديني البيت ألحين بيدورون عليه وما بحصلوني . عبدالله:اخوانج ما بسويلهم ما فيه يسالونج ليش كنتي ويايه . علياء: كيفك . طلع عبدالله من المستشفى وسار خذ لعلياء عباه وشيله طقم ورد عطا علياء ولبست علياء العباه والشيله وسارت مع عبدالله السيارة وركبوها . وهم في الدرب كانت جدامهم اشاره وعبدالله كان يطالع جدامه وسرحان وما انتبه على انه الاشاره حمره ويت شاحنه ودعمت سيارت عبدالله من عند بابه وتمت السيارة تجلب 6جلبات وإعتدلت السيارة وكان عبدالله ينزف دم كل مكان في جسمه وكندورته خايسه دم وعلياء كانت طايحه على الكرسي وإيدها انكسرت لانها كانت متاجه على الباب وويها كله شموخ وكانت إصابتها خفيفه أما عبد الله كانت حالته خطيرة وفتح عبدالله عيونه وحط ايده على ويه علياء يبا ايشوف جان ياها شيء وشاف اصاباتها بسيطه ويالس ايهزها ويقول : عبدالله : عليوه ... عليوه قومي حبيبي شي يعورج قامت علياء وشافت عبدالله خايس دمان ويالله يالله يحرك عمره وما يروم يتنفس يالس يتكلم بصعوبه مسكت ايديه وهي خايفه : عبدالله شيء يعورك اشوفك خايس دمان قوم نطلع من السيارة . عبدالله حاول يفج بابه بس ما رام لانه الشاحنه عفصت الباب وعلق وعبدالله نقز من سيته لين طاح على القير . عبدالله: حبيبي انتي حاولي تفجين بابج انا مايتبطل بابي . علياء رامت تبطل بابها وقالت لعبدالله: تعال عبدالله قوم نظهر من السياره عطني ايدك. عبدالله: حبيبي ريلي عالقه وما روم أتحرك سيري وقفي حد من السيارات وطلبي حد يساعدنا أنا تعبان ما فيه شده أتحرك وأظهر ريلي . علياء: عبدالله أنا ما بخليك روحك ..... ردت علياء ويلست عدال عبدالله وتمت اتمسح على راسه وتقرى عليه لأنها وايد خايفه عليه لأنه الي يشوف سيارتهم ما يقول هذيله لين ألحين عايشين وبس الله رحمهم. عبدالله شبه مغمى عليه ويصيح ويهاذي ويقول : عليوه سامحيني انا آسف والله آسف وأنا أحبج وعرفي إذا أنا مت بتم أحبج ووعديني إنج ما توافقين على أي واحد يجدملج.... إلا إذا كان يحبج .. والله يوفقج بحياتج. علياء مارامت تستحمل تمت إتصيح وتقول لعبدالله : حبيبي لا تقول جذيه أنا أحبك وإذا استوالك شيء أنا بموت بدونك أنا مسامحتنك دنيا وآخره بس لا تخليني اروحي . عبدالله : حبيبي حطيني فحضنج آخر مرة أبا أموت وأنا مرتاح .....انج عندي تـعـال واحـضـني قـبل سـكـرة الموت ..... تـعـال أنـا بعـطيك باقي حناني)) أيـام عـمـري مـعـك لـحـظات وتفوت ..... شـوف يـاخـلي زمـاني رماني حرام تحرمني من الشوف والصوت ..... أبـيـك وانـته يـالـغـلا ما تباني أبـيـك تـرسـم فـرحـتـي قبل لا اموت ..... وتـرجع لـقـلبي يا أعز الأماني قـلبـي كسير وبالحزن صار مكبوت ..... يـاويـل قـلبـي كم بصبر وأعاني لا تـستوي في الحب يازين طاغوت ..... خل حبنا ايدوم بأسمى المعاني قربـك لـقـلـبي يـالـغـلا طـب منعوت ..... تبرى جروحي لو أشوفك ثواني تـعـال يـا خـلي تـرى وقـتـنـا يـفوت ..... تـعـال وادفـا بـيـن جمر المحاني)) علياء لمت عبدالله في حضنها وتمت لاويه عليه بقو واتصيح واتقوله : عبدالله انته حبيبي ... تسمعني انته حبيبي وعمري وحياتي . عبدالله غمى عليه وهو في حضن علياء . علياء وهي تهز عبدالله : عبدالله قوم حبيبي قوم ما سمعتني اقولك حبيبي ...( وتصيح وتشاهق ويعلى صوت صياحها وهي تهز عبدالله ) قوم لا تخليني . علياء صارخت بأقوا ما عندها باسم عبدالله : عبداااااااالله ..حبيييبي لا تموت وتخليني ... وكانت سيارة فيها شباب 2 وشافو الحادث واتصلو بالاسعاف ويوم وصلت الاسعاف سارو صوب باب عبدالله وكسرو الباب ويوم كانو بشلون عبدالله عن حظن علياء ... علياء تمت اتصيح ما سكه عبدالله ما تباهم يشلونه عنها وتمو يحاولون فيها لين بعدوها عن عبدالله وهي تصيح وتصارخ تبا عبدالله وشلت الاسعاف عبدالله والاسعاف الثانيه شلت علياء لانه غمى عليها. تابع | |
| |
|
02-02-2009, 09:36 PM
| #29 (permalink) | |
|
عضو جديد
| في المقهى 7:30المغرب حمد وسعيد ومحمد وأحمد يالسين يسولفون ويضحكون وفجأه صاح تلفون محمد وشاف إنه الرقم غريب ومارد عليه وبعدين صاح تلفون أحمد وشاف بعد الرقم غريب واستغرب ورد عليه .. أحمد: الوو. الريال: ألو السلام عليكم هذا رقم أحمد ال...... أحمد: وعليكم السلام .. هي هذا رقمي.. الريال: لو سمحت ممكن تتفضل تي مستشفى توام .. أحمد ( خاف حد من أهله فيه شيء): أخوي لو سمحت صار شيء حق واحد من الاهل . الريال: أنا والله ما أعرف شو إلي صار بس قالولي إني أدق على صاحب هذا الرقم وأخليه إي مستشفى توام فورًا. أحمد: مشكووور أخوي ... ألحين أنا ياي مسافة الطريج بس. الريال : نترياك ,, فمان الله. أحمد: فداعت الرحمان. وسكر أحمد عن الريال وصد صوب محمد وخبره شو قاله الريال,, وقامو بسيرون مع بعض لأنه أحمد ياي ويا محمد وسارو صوب مستشفى توام ..... وهم في السياره صاح تلفون محمد وطلع نفس الرقم وهالمره رد عليه الريال: السلام عليكم هذا رقم محمدال........... محمد : وعليكم السلام ... هي نعم أنا محمد. ( وقاله الريال مثل ما قال لأحمد ومحمد سكر عن الريال وصد على أحمد وخبره شو قال الريال وثنينتهم خافو وزادو السرعه عشان يوصلون بسرعه ووصلو صوب الطواري.ودخلو. أحمد ومحمد سارو الإستقبال وقالولهم إنه حد إتصلبهم وقالهم إيون المستشفى . ودتهم السستر لمكتب الدكتور . ودخلو ..... المكتب وقالهم الدكتور يتفضلون الدكتور : منو الأخ محمد ال....... محمد: أنا دكتور محمد ال....... الدكتور : والله يا أخ محمد أخوك عبدالله مسوي حادث وحالته حرجه... محمد( منصدم ومتروع على عبدالله): عبدالله أخويه !.... كيف سوى الحادث؟ ومتى ؟.... وشو حالته؟ وليش تقول حرجه ؟ الدكتور: إهدا يا أخ محمد أخوك توه طلع من غرفة العمليات وإذا ما قام خلال 48ساعه من وعيه يمكن يدش في غيبوبه لأنه الضربه يت على الراس وكانت شديده واحنى قدرنا نسوي اللي علينا والباقي على الله ,, والله يعلم متى بقوم إدعوله يقوم بالسلامه. محمد: إنشاء الله يقوم بالسلامه ... بس ما قلتلي كيف صار الحادث .. الدكتور : الشرطي إلي برع في قسم الطواري قال ما إنتبه على الإشاره ودعمته الشاحنه وإلي يشوف السيارة مايقول إنهم عايشين بس الله ستر ونجاهم ... محمد (متفاجأ): إنته تقول الله ستر ونجا هم منو هم حد كان معاه .. الدكتور : هي لأن يوم يت الإسعاف كانت معاه وعبدالله كان يهاذي بإسم البنت أظني إسمها علياء .. أحمد إنصدم وقال في خاطره شو ياب عليه ويا عبد الله وخاف عليها وقال : دكتور علياء أختي فيها شيء؟ وينهاهي ؟ألحين أبا أشوفها ... محمد: خلنا نشوف أخوانا تخيلك دكتور حتى لو من بعيد. الدكتور : إنشاء الله بس ممنوع تدخلون داخل بس شوفوهم من برع . ساروا محمد وأحمد صوب قسم العنايه الفائقه ... ووقفو عند دريشة عبدالله وعبد الله راقد على السرير وكل مكان في جسمه وايرات وكان راسه لافينه ... وريله بعد وشكله يقطع القلب... محمد ( يصيح على حالت أخوه ) يا أحمد ومسك جتف محمد يبا يهديه لانه اول مره يشوفه جذيه على هالحال .. وبعد ما هدأ محمد ... قال : أحمد سير شوف أختك إنته لين ألحين ماسرت تشوفها... أحمد: صدقك والله بسير أشوفها عيل وبرجعلك ... سار أحمد حجرت أخته كانت عدال حجرة عبدالله وخلوه يدخل لأنه أخته حالتها تحسنت جبسو إيدينها وحطو كم لصقه على ويها وكانت نا يمه لأنهم عاطينها مهدئ ... وأول ما شافها سار وحبها على راسها وتم يمسح على شعرها ... علياء حست بحد يمسح على شعرها وأول ما فجت عيونها شافت أحمد واقف ويقرى عليها .... ومسكت إيدينه ...وقالت: أحمد........أحمد وين أنا ؟وشو إستوالي.....؟ أحمد : عليوه إنتي في المستشفى ... سويتي حادث علياءوهي تذكر أحداث الحادث ... وإتذكر عبدالله يوم كان خايس دمان وكان في حظنها وتمت تصيح وتشاهق وتقول: أحمد ... أحمد عبدالله وين؟ ... عبدالله وين ؟شو صارله ؟كان عندي !!وينه يا أحمد ؟( وترد تصيح ) أحمد ( ضايق على حالت أخته وعلى حالت ولد عمه يعرف إنه عبدالله يحب علياء لأنه قاله ,,وقاله بيخطبها قريب ويعرف إنه عبدالله ما بسويبها شيء بالعكس بحطها في عيونه. عبدالله .إللي لين ألحين مب عارفين إذا بعيش أو لاء ): عليوه إستهدي بالرحمان .. عبدالله حالته ما تسر (وقالها شو قالهم الدكتور عن حالت عبدالله ...). علياء تمت تصيح وتصارخ بهيستيريه تبا عبدالله ... وأحمد تم يهدي أخته لين هدت لأنه قالها إذا هدت بوديها عند عبدالله ويابلها كرسي ووداها عند عبدالله وقال للدكتور إذا عادي تدخل علياء عندعبدالله لأنها تمت تصيح وقال لأحمد عادي تدخل لأنه رحم حالتها ... ودخلت علياء حجرت عبدالله بروحها لأنه أحمد قال يمكن بتستحي إذا كان وياها تم يستناها برع الحجره .. علياء وقفت وقربت من سرير عبدالله تمت تصيح بصمت وهي اطالع عبدالله وكل الوايرات عليه وتمت تمسح على راس عبدالله وتقرى عليه وقربت من اذنينه ... وقالت (بهمس ): عبدالله حبيبي أنا عليوه... ما أدري إذا تسمعني ولا لاء حبيبي أنا أحبك قوم تخيلك لا تخليني بروحي ... أنا ما عيش من دونك ... أحبك عبدالله وأنا أعترفلك إني أحبك ومسامحتنك بس قوم تخيلك قوم ... عشان تقولي أحبج ... وحبت علياء عبدالله على يبهته ومسكت إيده ورصت عليه بقو ... وأول ما بطلت إيدها عن إيده سمعت تخطيط القلب يسوي صوت وشافت السيسترات يدخلن والدكاتره ويعطونه صدمات كهربائيه لأنه قلبه وقف كم دقيقه .. وعلياء تصيح وتشاهق وتصارخ بإسم عبدالله .... ألين غمى عليها .. وودوها السسترات لغرفتها ... وردو يعطونها مهدئ ... ودخل أحمد على أخته ولقاها تصيح صياح يقطع القلب وحاظنه سفرة عبدالله لأنه عطو كل سامان عبدالله لها ... لأنها من قرايبه.. احمد إجدم ويلس على سرير علياء ويلس يهديها .. أحمد: عليوه مب زين تسوين جذيه بعمرج ... هو ما مات ووقف قلبه شوي وألحين هو بخير الحمد الله بفضل ربج ... ربج ما ينسى عباده وإدعيله يقوم بالسلامه .. علياء: أحمد .. أنا ماروم أستحمل إنته ما شفت عبدالله ... شفت حالته .... أخافه ما يقوم .. أحمد: علياء ... لا تفاولين عليه هو بعده ما مات إتفائلي بالخير ...سيري إغسلي ويهج وإقري شوي قرءآن .. إندوج إياه أنا يبته من سيارتي .. إقريلج كمن سوره تريح قلبج .... علياء هدت : إنشاء الله أحمد قبل ما يروح( يعرف إنه هالوقت مب المناسب عشان يسألها هالسؤال ... بس خايف عليها) قال لعلياء:عليوه إنتي ليش كنتي راكبه ويا عبود ... علياء قالت لأحمد يوم إنها طاحت غشيانه وعبدالله وداها الدختر وعلى الرده سوو حادث ... أحمد فهم إنه عبدالله خاف على علياء ووداها الدختر غصب عنه من الخوف عليها ...نسى يخبر أهلها.... وسار للبيت عشان يخبر أهله عن عبدالله وعلياء.. علياء يلست تقرءا قرءان وكل شوي تصيح ..ألين رقدت تابع | |
| |
|
02-02-2009, 09:41 PM
| #30 (permalink) | |
|
عضو جديد
| في بيت بو أحمد الساعه 8.30 فليل في الصاله ( دخل أحمد البيت ولقى أبوه وأمه يالسين يطالعون التلفزيون وأخته شيخه يالسه تلعب بالاب ... وموزه وإيمان يالسات آخر الصاله يسولفن ... وسار عند أمه وأبوه وسلم عليهم وسلم على الكل ... أحمد: أبوي وأمي أبا أقولكم شيء بس لاتخافون .. أبو أحمد : قول يابويه شو فيك؟ أم أحمد : حد فيه شيء يا أحمد قول ؟؟ أحمد ( وهو منزل راسه ) : عبدالله وعلياء سو حادث.. وكلهم إنصدمو وأولهم موزه إللي يت ووقفت جدام أحمد وهي تصيح على أخوها وبنت عمها ... موزه: أحمد شو فيه أخويه ؟ هو وين ؟. بخير هو ؟. أبا أسير عنده تخيلك ودني الله يخليك . شويخ في خاطرها ندمت على إلي سوته بعبدالله وعلياء وتمت اتصيح عللى حالت ولد عمها واختها ... وقالت يارب يسامحوني ...هي عرفت إنه هي ما تحب عبدالله بس كانت تغار من علياء وتبا تاخذ من علياء كل إلي تحبه .. وأبو أحمد وأم أحمد سيده سارو توام ما شلو حد وياهم لأنه أحمد قال بس بيشل شويخ والباقي بيشلهم باجر الصبح لأنه ممنوع الزيارات ألحين .... وفي السياره تمت أم أحمد إتصيح خايفه على بنتها .. وأبو أحمد خايف على أخوه وولده لأنه عبدالله حالته خطيره... في بيت أبو محمد ( في الصاله ) االساعه 9:30 دخل محمد الصاله وما حصل حد..قام يدورهم وبعدين سار يدق باب حجرة أمه وأبوه وما حد رد عليه وهو خايف ما يعرف كيف بيقولهم عن عبدالله ..سار صالة البنات وحصل أخته سلامه وأخوه عامر يلعبون بليستيشن 3..يوم شافهم طاحت دمعته على خده ..طبعا محد إنتبهله عامر وسلامه مندمجين فلعبة الكورة سلامه: كارميرو يعلك بحرمه عوره قول آمين شو هاغلبتني ياهالشكل عامر: جب جب إنتي..والله حاله البنات شودراهن في لعب الكوره ... سلامه: لاتستهين فينا .. عامر: يمه روعتيني سلامه:ماخبروك آخر خبر عامر:لا والله ما خبروني (قاطعهم محمد فالكلام وقال محمد(يصيح):أنا عرفته هالخبر ..أخويه عبدالله فالمستشفى سلامه(فرت الجهاز بقو):شو تقول إنته؟ محمد(يتكلم بصوت واطي):إلي سمعتيه؟ (وروح عنهم لأنه ما يحب حد يشوفه وهو يصيح سلامه ( زايغه ): محمد لا لا لا تروح قولي شو فيه (روح هو ما دزلها ويه) عامر(دموعه على خده):لااا مستحيل أخويه فالمستشفى سلامه(تصيح):عموور سيرله خله يخبرك عن عبدالله عامر يطاالع سلامه بنظرات تروع سلامه:لا اطالعني جذيه سير قوووله (عامر قام يربع ساير صوب أخوه محمد..حصله داخل حجرته يالس على الشبريه وحاط ايديه على ويهه ويصيح ( محمد وايد حساس ويحب خوانه وايد ما يستحمل إذا صابهم شيء)سار لين عنده ويلس عداله يوااسيه والريال روحه يصيح عامر:حمود بسك صياح.. محمد:كيف تباني اهدى عامر: شو ياه أخويه قولي شو ياه محمد:سوى حادث دعمته شاحنه...لأن هو ما شاف الإشاره إنها حمرا وخطف بسيارته ودعمته هالشاحنه والله ياعمور لو إجوف السياره كيف غديه ما بتقول إلي داخل مستحيل يكونون عايشين ... عامر حاط ايديه على راسه:حااااادث؟..لاا لا مستحيل فأي دختر هو؟ محمد:فمستشفى توام . . عقب ساعتين الكل درى بالحادث محد قدر يصبر كلهم سارو صوب عبدالله وعلياء . . الساعه 7:00المسا الكل فالمستشفى..حد يصيح وحد يحاتي أم أحمد سارت عند بنتها وتمت حاطتنها فحضنها أم أحمد: عليا ءلا تخافين كلنا وياج علياء تصيح:أمااايه لا تخلون عبدالله يموت دخيلكم أم أحمد: ما بيدينا غير قول الله يسلمه الغرفه الثانية عند عبدالله من ورى الزجاج كلهم يطالعون عبدالله ويتأملون شفاه.. منظرهم يقطع القلب بو محمد(دموعه على خده): فديتك يعبدالله والله ما تستاهل يابويه .. أم محمد(تصيح):ليش سويت بعمرك جذيه يا يابويه؟ (محمد كان يدق يديه فالزجاج وإخوانه وأخواته يصايحوون) فحجرة عليا ء الساعه10:08 شيخه ويا علياء وأحمد كلهم ويايها أم أحمد: أنا ببات الليله عندج أحمد: لا أنا إلي ببات عندها الليله علياء: ماأريد أحد يبات ويايه أم أحمد: ليش ياأمايه ؟؟لالا أنا ببات عندج علياء: أمايه ما يحتاي إلا باجر بطلع من المستشفى وبعد محاولات علياء انها تبات الليله بروحها اقتنعوا (كلهم روحو من حجرة علياء بس بقت شيخه تبا ترمس علياء.. شيخه: علوويه انا اسفه علياء: ولج ويه بعد يايه هنيه شيخه: حرام عليج والله خلاص تووبه ما اعيدها علياء: عقب شو تتأسفين شيخه(تصيح وما سكه إيد علياء: علياء والله توبه ما أعيدها علياء: خلاص شويخ سامحتج بس إذا.. ما خلتها تكمل شيخه: والله ما أعيدها والله وهذا أنا حلفت مع إني ما أحب أحلف علياء: خلاص شويخ فديتج سامحتج وأنا متأكده إنج ما راح تعيدينها بس لا تخيبين ظني فيج شويخ: تم تم شيخه(حبة علياء على راسها): مع السلامه وإنشالله تظهرين بالسلامه إنتي وعبدالله علياء: من ثمج لين باب السما (روحو كلهم أهل عليا وأهل عبدالله... . . . . الساعة 3:42فليل علياء متحرقصه تبا تسير عند عبدالله تبا تكلمه تبا تخبره عن مشاعرها أول ما سارت حصلت السيستر عنده تعطيه إبره وردت غرفتها قالت بعد شوي بسيرله فالمره الثانيه يو م بغت تسيرله حصلت الدكتور يشوف دقات قلبه لكن فالمره الثالثه توها تبا تفتح باب الغرفه.. . . _________________________________________ توها تبا تفتح باب الغرفه.. حست إنه عبدالله يترياها تي .. سارت عنده يالسه تكلمه وتقوول علياء: حبيبي متى بتقووم ..متى ؟..أريد أسمعك كلمه يقوولها حبيبك عبدالله حبيبي (قامت علياء مسكت إيد عبدالله بقو علياء: عبدالله أعرف إنك تحس فيني ..عبدالله والله ثم والله إني أمووت فيك والله إني أحبك عليا ء :حبيبي عمري خلاص أنا مسامحتنك ..أريدك لو شوي بس تعرف أني عدالك.. (سارت علياء وباسته على خده بوسه قويه خذتلها تقريبا 3دقايق ... عليا : أحبك (عبدالله حس بها ومسك إيدنها يبا يشوفها يبا يلمحها حتى لو شوي.. علياء: عبااادي إنت حسيت فيني حمدلله..ما مصدقه حبيبي انت تسمعني قول هيه (علياء تترياه يتكلم لو كلمه وحده بس هو ما قدر ..هيه قالت يمكن لو عطيته بوسه بعد يمكن يتكلم.. سارت تبا تبوسه ..ما باقي عن ثمها وخده غير سنتمتر بسيط .. توها بتبووسه . . | |
| |
 | |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
المواضيع المتشابهه |
|---|
| الموضوع | كاتب الموضوع | المنتدى | مشاركات | آخر مشاركة |
|---|---|---|---|---|
| وصف حبك | عشق المتيم | اقلام مضيئه | 23 | 26-08-2010 06:05 AM |
| أحبـك .. وهذا الشي يكفيني | مهرة العام | قسم الشعر المنقول | 6 | 15-12-2009 09:11 PM |
| مسجااات | اڷڝاحپ اڷمٿعاڷي | قسم المسجات | 14 | 06-08-2009 10:58 AM |
| مسجات ببلاش>>>الله اني كريمة | سموة النفس | قسم المسجات | 2 | 28-08-2008 02:05 AM |
| ((أتدري لماذا نحبك يا زايد +يسألوني ليش أنا أحبك يا زايد)) | علي الحمادي | الشيوخ والحكام ورؤساء الدول | 14 | 07-01-2008 11:56 AM |
.gif)
