القاف كنـّه ياهل العرف مسيوق=سوق السحاب اليا قفته الرياحي
يرزم رعود وفيض المزن بدفوق=وبرقه تنافض بالجوانب وضاحي
لعيون دار ٍ قدرها شامخ فوق=فوق ٍ تباين للمعالي وشاحي
غلاتها سارت بها عروق وعروق=حب ٍ تحرك بالجواري وساحي
دار ٍ هواها يسبي النفس ويشوق=ذعذاعها ماهو بكل النواحي
شمتي لشيخ ٍ ثبت العدل وحقوق=واومى على عهد التناحر وطاحي
شيخ ٍ خيوله لا نوى تلحق لحوق=ماردها كثر الحدا والصياحي
جمـّع شتات وسدد خلول وفتوق=وقرّب اقلوب ٍ بالتسامح اشحاحي
وطفـّت شموع الهم والحزن والعوق=وقرّت عيون ناد عنها المراحي
شيخ ٍ ثبت يومنـّها يبست حلوق=والطيب يقفاه الهدى والفلاحي
فزاعنا يزهى لك المدح ويلوق=مكنون صدري لك تبين وباحي
بالصدر لك حب به الطاق مطبوق=وقدر (ن) تفجّر بالحنايا قراحي
فزّاع يمـّك يحتفي كل منطوق=جواهر ٍ تشبه بياض الصباحي
فزّاع يمك نرسل الحب بوثوق=اعهود صدق ٍ صافيات ٍ انقاحي
فزاع وانتم ملتجى كل مضيوق=وعندي على ذلك اعلوم ٍ صحاحي
شيخ ٍ علا بالمرجله سحب وبروق=شيخ ٍ على درب النقا والصلاحي
والله يالولا تلـّة الحرف بسبوق=غير يتعدى موميات الجناحي
مثايل ٍ يطرب لها كل حاذوق=ويكنّ دونه من لكد بالسّماحي
هذي مشاعر شاعر ٍ ياهل الذوق=تسابقت يا شيخنا بانشراحي