16-08-2009, 03:53 PM
| |||||||||
| |||||||||
 وحلـــيلج يا نخلتي!!  بسم الله الرحمن الرحيمعدنااااااااااااااااا  السلام عليكم ورحمة الله وبركاته يا حيكم اخواني وخواني في موضوع بوعبود اكسر روتينك ونعنعش مع سفن اب خخخخخ ما عليكم مني اسوي دعايا لهم يمكن شركتهم خسرانه من يومين ما علينا على العموم ندخل بالموضوع ,, بيوم من الايام ماشي بالسياره والمكان شوي يشبه الصحراا الا ما رحم ربي نشوف شجيرات في المكان هذا  وانا بالطريق شفت سياره واقفه بهذيك الصحراا وقدامها نخله صغيره  عاااد انا شدني صاحب السياره وش عنده واقف هناك وشوي نزل صاحب السياره ونزل معاه دبات ماي مال مسافي وجلس يسقي النخله الصغيره تعجبت من امر صاحب السياره وش اللي يخليه يسقي شجره بتلك الصحراا(يعني الناس ما تهتم الا بنفسها الا ما رحم ربي) الا اكيد الدنيا بخير والحمدلله على هذه النعمه بوعبوود ملطوش حاب يكون مثل صاحب السياره واول ما وصلت البيت فتحت بيب الماي وجلست ارشرش الزرع ومستانس حيل الا وشوي الوالد وصل >>انادي الوالد بشويبتي للاستظراف عليه فقلت له هلا شويبتي ما بتساعدني في سقايه الحديقه ؟؟!! الوالد:بوعبود من متى وانت مهتم بالزرع ؟؟!!  احرك له حواجبي وقلت له: من اليوم يا عم!! وشوي الصغاريه يتولفوا عندي واركض وراهم بالماي وارشهم يعني يا حبهم للماي والركض مثل العفاريت خخخخخومن يومها حاس الزرع مستانس معاي وازيدكم من الشعر بيت سميت كل شجره عندي على حسب فصليتها مثل شجرة اللوز اقول عنها >لواز واسلم عليهم وهنه تعلموا الصغار انهم يكلموا الشجر ويسقونهم بدل ما جاليسن حواطه بالسياكل والبلايستيشن !! لا تنسوا رسولنا الكريم كان يكلم الجماد وهو قدوتنا بالحياه!! صلوا عليه >>عليه افضل الصلوات والتسليم وبعد السبوح بالماي واللعب <<تخرست ملابسي كلها بالماي ودخلت الصاله وانا متبلل ويوم شافتني الوالده :بوعبوود روح غرفتك ولا بفرك بالرموت اللحين!! وانتوا تعرفواا الطير لما ينفض نفسه من الماي انا شورواه نفضت عمري اعاند فيها بس مش اضايقها بالعكس تركض ورانا وتصير يوله بالبيت وطبعا قبل الركيض واليوله اركض ركض واسكر التلفزيون عنهم حضرتهم يشوفوا تركي >>اللي ما ادنيه اشوفه عندي بالبيت واشرد بعدها !! اما البنات المفروض يعني كل وحده منكم تتعلم الطبخ وان كان لها خوات فيا بختها!! لانهن يتقرقرن بالمطبخ وكل وحده تتفلفسف على الثانيه افضل من الجلوس على مسلسلات التركي والافلام البطاليه اكسروا روتينكم واضحكوا ولا تنتظروا انه حد راح يضحكم هذا انا استظرف على اهلي لحتى اضحك انا قبل ما يضحكوا هم ولا تعيشوا بملل قاتل وذلك فقط لوجود المال في حياتكم فيعني عيش يومك بيومك وونس نفسك بنفسك <<هذه هي حكمتي في الحياه لحتى اضحك! السموحه على الاطاله قلم اخوكم بوعبدالله    |
|
16-08-2009, 04:23 PM
| #3 (permalink) | |
|
V.I.P 
 |  هههه ,, ضحكتني يوم نفضت نفسك مثل الطير صح كلامك بسيط في التعبير لكنه قوي في توجيه رساله طيبه ,, اسأل الله ان لا يحرمك اجرها ,, و الله يهدي الجميع ,, و فعلاً حلو ان الواحد يونس نفسه و اللي حوله بالطريقه الصحيحه مهما كانت بساطتها ,, يعطيك العافيه بو عبدالله فعلاً موضوع جذبني للقراءه و الرد . , | |
| |
|
16-08-2009, 04:26 PM
| #4 (permalink) | |
|
عضو ذهبي
| ههههههههه والله انك حركات يا بو عبووود خخخخخ تسلم عالطرح الغاوي ولا هنت تقبل مروري | |
•
كلمة توجهها لامك\ج الغـــاليــة ..!!~ • بسْ ‘ قلبيَ .. آنكسرَ شُويْ ..] ! • هذا العضو اعطانا / هذه العضوه اعطتنا ( الكثير ) ( تقيم العضو ) |
|
16-08-2009, 08:15 PM
| #7 (permalink) | |
|
مراقبة قسم الحياه الفطريه
| ,.، بسم الله الرحمن الرحيم وعليكم السلام ورحمة الله وبركآته الله يحفظ لك الوآلد والوآلده .. ويجعلهم لك ذخر .. اللهم آمين ما شاء الله عليك أخينـآآ بـو عبدالله كتبت كلامك بلغة بسيطه ولكنها شامله وفيها الكثير من المواعض .. من سقاية الاشجار إلى أخر شيء النصيحه والإرشاد كلام جميل جداً وآتفق معاك فيه بوركت ،، ،، ،، بحفظ الرحمن وودآعتـــه | |
| |
|
17-08-2009, 09:02 AM
| #10 (permalink) | |
|
V.I.P قروب فزاع للترحيب والتشجيع
| , ههههه ضحكتنيَ يآخويهْ ،, آحيدّ قبلّ كمَ يومْ ، . خوييّ كآنَ متعمدّ آنهْ يصبّ عليهْ مآيَ , . بآلبيبْ مآل آلزرعّ ، ! هوَ آلليَ بدآ عقبْ آنآ يرييتَ عنهْ آلبيبْ و صبيت عليّه مآيَ . , و يومْ حدرنآ آلصآله آميهَ هزبتنيَ آنآ و هوَ شررردّ خخخخخ > حليليَ وآلله ,* تسّلمَ ع آلطرحَ آلطيبَ و آتريآ يديدك خوييّ بو عبدآلله . . بآركَ آلله فيكْ آخويه . . ربيَ يحفظكْ ." =$ | |
| |
 | |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
المواضيع المتشابهه |
|---|
| الموضوع | كاتب الموضوع | المنتدى | مشاركات | آخر مشاركة |
|---|---|---|---|---|
| صديقتي الإلكترونية .. وموعد لقائنا ..! | m i n i c l i p | منتدى النقاش العام | 22 | 20-07-2009 10:16 AM |
| *¨®¨*--|شتاء يذهب ويأتي شتاء|--*¨®¨* | ألم الغربة | المواضيع المكررة | 5 | 27-06-2008 03:41 AM |
