14-08-2010, 02:08 AM
| #101 (permalink) | |
|
عضو متميز 
 |  رد: يكفي وجودك ياحبيبي عن الناس والناس ماتكفي ابد عن وجودك (( البــــــــــــارت التـــــــاسع )) وانا عند الباب جابلني خليفة خذاني لزاوية وتمييت اصيح وهو حااظنني وانا ماحاسة بعمري لو حد جافنا الحين ..!! يالهوتي ياخرابي بس تعرفون حد جافنا منو تتوقعون ..؟ انا مازلت بحظنه اصييح ضامة اييدي وحاطتنها بصدره وهو لاف ايدينه من ورا لظهري وانا حاسة بدفىء ومرتاحة صدق انه ينحط عالجرح يبرى قلت له عواش : خليفة انا وايد احبك لا تتركني سامحني اذا خطيت بحقك بس مب ذنبي اغار عليك وايد ومااستحمل تطري حد غيري... كنت برد الحجرة صديت لورا جفت الدكتور قاعد يتطالعنا ووالله اعلم ان شكله منصدم , خل ينصدم وانا شخصني فيه الحقيقة اني احب خليفة هذا مب هو ودخلت الحجرة وحدر ورايه خليفة وجاف الدكتور وكان مستغرب من وقفته يجوفنا الدكتور : وانا اللي تحريت انها تحبني طلعت تحب ولد خالتها . انا ليش افكر فيها من الاساس انا من البداية عارف انها مابتحبني بس قلبي عاندني وحبيتها .! هيه نعم حبيتها من دون مااحس الحينه شو اسوي هي تحب غيري الله يساامح وسار لمكتبه مدري ليش افكر بالدكتور لحد احينه والله شاغل بالي كيف كان يتطالعنا صدق هذا ويه واحد منكسر بس شو اسوي انا احب خليفة واذا فكرت لحظة بالدكتور فمعناه اني اخون خليفة ,, تمينا نص ساعة نتريا خبر عن حالة هادي والدكتور ( خليفة ) ولـا يا ابي اعرف هو وينه الحينه ,, سرت طلعت من القسم جفت عاملة هنيه قلت لها خل تجوف اذا موجود والـا دخلت عليه قالت انه موجود عيل ليش مامر عليننا ويوم هي ياية تقولي فتح الدكتور الباب لفيييت ويهي على طووول مابغيته يجوفني بس جافني اووفيييييه . سرت بسرعة رديت للقسم جفتهم كلهم واقفين عند الحجرة سرت سالت نورة عواش : شو السالفة .؟ نورة : هادي نش بس .. عواش : بس شوو .؟؟؟؟ نورة : فاقد الذاكرة حـــرااااااام ماايستاااااااااااااااااهل فديييييته اناا جان زين اثنييناتهم يفقدون الذاكررة مب لاني مااحبهم لـا عشان ينسون امهم اللي تبرت منهم الله ياخذها دخلنا عليه يحليله مستغرب منا مب عارفنا تميينا وياه شوي شوي نفهمه وقالو بيظهروه بعد يومين اما سيف راح ايي ويانا البيت لكن ويهه مازال فييه تشوهات والمجررم الحيوان لحد احينه ماحصلوه بدى رمضان .. اميه ماترمسني مدري ليش بس تطلب مني اساعدها بالمطبخ يوم اقولكم انها تحتاي لي بس ماتعترف بهالشي , مابقول شي هاي اميه مهما يصير . اخاف تسوي مثل نوالوه تتبرى مني لا لا اميه اكبر من هالشي .. صار العالم كله جدام بيتنا بسبة الخيمة الموجودة وملعب الطايرة اللي يتيمعون فيه الشباب عقب صلاة التراويح . طلعت شالة الصحن اتريا محمد ايي يشل عني بس تفاجات بخليفة اللي ياي خليفة : يعطييج العافية عواش : الله يعافيك ,,,,,,, يالله شله عني حرقني من زمان اتريا حد ايي خليفة : خليه يحررقج عواش : خليييييييييفة خليفة : هههههههه وشله عني , يالله دشي داخل وايد رياييل هنيه عواش : ههه انزين وسرت عنه ويوم وصلت الباب جفته طلع رجعت ركضت للباب ووايجت جفته يوم يمشي للخيمة ,,, فديت جسمه انــــأ مشيته مشية دبلوماسي شوو هالعذاب اللي بنتظره انا هه اتنهدت وبعدين دخلت البيت , فطرنـا وبعد مافطرنا تيمعنا عند التلفزيون وقعدنا نحلي وبعدين قطع وناستنا صياح هادي ,, ماعرفنا شو العلة ... >>> هادي صار ينسى بسرعة وماعرفنا منو .. طلعه ابوه وتم يرمس وياه ,, ام احمد : الله يعينه محمد ,, والــأ امه بتذكرره يعلهااا ماادري شو اقول شيخة : عموه ترا نتريا من زمان , احمد باجي له اسبوع والا بيطيح بمشكلة ام احمد : ان شالله باجر بسحبها لكم السالفة فيها فلوس ,,, هاي شيخووه اذا خيروها بين اهلها والفلوس والله بتختار الفلوس , الحين جاذبين على اميه جذبة . واميه مصدقتنهم , الحينه شو اخبر اميه مابتصددقني خلوني ساكتة مالي دخل فيهم احسن بو احمد : عاد مرة ثانية لا تكررها احمد : ان شالله مابكررها ,, بس والله كنت محتاي هذيج الساعة وماحصلت غير اتسلف الله يسامحهم ويوعيييهم والله انهم بيصرقوون اميه وابويه اذن العشا وسارو الرياييل المسيد واميه وخالوه . سرت انا اصلي وبعدين ييت يلست ويا نورة فرشنا الحصير ويلسنا بالحوي وتمينا نلعب ويا عيال محمد , انفتح الباب تفاجات بشيخة وهدى يايين سلمنا عليها لقعة الله عليها ويو يلسو ويانا شهالنحااسة اللي فيهم .. سمعنا ربشة الشباب بعد الظاهر انهم وصلو وبيبدو يلعبون ,, دشت امل ويايبها علي سلمت عليها عواش : تعـــــال تعال يـأك لنا علي بس اتفاجا بنورة موجودة وبحظنها علايا طلع بسررعة جفت نورة نزلت راسها متلومة جان زين ماقلت لها .. سمعنا صوت خليفة ومحمد يزقرونه ايي يلعب وياهم ,, الله يعني خليفة هنيه والظاهر انه بيلعب قلت حق نورة وصعدنا فوق البيت نتطالعهم كان فريق خليفة ضد فريق محمد عسب جي كنا نتضارب هي تقول ريلها بيفوز وانا اقول حبيبي بيفوز وكنا نشجعهم بصوت عالي بس يوم نجوف ان حد يحس بنا نحس على دمنا نسكت وننخش ,, بالنهاية فاز فريق خليفة , فصخ التيشيرت اللي لابسه وتم يناقز فيه هو وربعه وانا ميتة اقصد ذبت ذبت اوني طحت اغمى عليي مااحاسة بعمري شو هالجسم الخبـاااال عذبني ,, فرييت نظري لليمين جفت الدكتور يالس وريله مجبسة خفت شو بلاه ..؟؟ عالساعة 3 الكل سار وانا على طول سرت حجرتي فتحت شنطتي شليت كرته افكر اتصل به والا لا من متى ماسمعت عنه اخبار خل اتطمن واجوف شو اخباره دقيت على الرقم بس ماقدرت اضغط اتصال اووف ,, اخر شي اتصلت , كل رنة جنها طعنة فقلبي ماادري ليش انا ما طعت ارمس خليفة . اتصل عليه ..!! اول ماسمعت صوته ماقدرت ارمس تذكرت يوم المزرعة الدكتور : الـو ,, الــــــو ,, بصكر تراني تداركت عمري : الو السلام عليكم تم ساكت فترة بعدين رد السلام الدكتور : عليكم السلام والرحمة عواش : عرفتني .؟ الدكتور : هههه لــا تسالين هالسؤال مااعرف الكل واعرفج انتي احم مااعرف كيف ابدي وياه كنت بساله عن حاله بس فاجاني بهالرد الدكتور : ليش متصلة ..؟ | |
  like him so much  |
|
14-08-2010, 02:15 AM
| #102 (permalink) | |
|
عضو متميز
| رد: يكفي وجودك ياحبيبي عن الناس والناس ماتكفي ابد عن وجودك بغييت اصكر شو هالاسلوب مالت عليك عواش : بسال عن حالك الدكتور : جفتي اليوم ريلي مجبسة صح انصددددددمت وييين جاافني هذا . نحن يوم حد يحس بناا ننخش ويين عررفني الدكتور : سمعت صريخج تشجعين فريق خليفة مبرووك فاز ناقزتي وايد يــــــافضييحتي لا لا هو عرفني لانه يعرف صوتي وعارفني زين الدكتور : اطمنج انزلقت بالسلم وكسر خفيف عواش : ســــلامتك ماتجوف شر الدكتور : الله يسلمج . ماكان له داعي تتعبين عمرج وتتصلين عواش : انا الغلطانة لاني بغيت اتطمن عليك وصكرت عنه بدون مااسمع رده فققققتك وفقت ويهك ,, هذا دليل صدق انه يحبني من عرف اني احب خليفة قام يعاملني جي , وييه علني افداا خليفتي انــــــــأأأ الدكتور بخاطره : انا ليش اقول لها جي . بعد شو تبا تتطمن عليي وهي تحب خليفة . اجوفها زاغت يوم عرفت اسمي خليفة عسب جي ,,, لازم اتجنب منها اذا جفتها بعد ايام قبل الفطور تعودت اجوف خليفة يشل عني الصحن واتم اسولف وياه ونتطالعهم يوم يلعبون كرة طايرة ونااسة كل يوم اجوف خليفة وهدى الحيوانة صارت تيي بيتنا كل يوم صدق انها ناوية على خليفة . الدكتور صار كل يوم ييلس وياهم يتطالعهم ويشجع الفريق اللي ضد خليفة >< صددق انه يستهبل , دايما يحط نظره فوق عسب يتطالعني بنظرات جني ظالمتنه بس مب ذنبي احب خليفة ياناس الحق وياه والا وياي .؟ يوم من الايام عزمتنا انا ونورة وحدة من ربعنا ايام الجامعة بيتها على نفس الشارع بس بعيد شوي فطلعنا من البيت وخطفنا حذال ملعب الطايرة عاد الله لا يراويكم كل العيون صوبنا يارب خليفة بس مايجوفني .. بعد ماابتعدنا من الملعب جفت سيارة الدكتور اللي ركبتها ذاك اليوم ضحكت على عمري وحزنت بنفس الوقت , جفت الباب مفتوح والعكاز طايح والظاهر يحاول انه ياخذه ولـا رايم ,, شليت العكاز وبعطيه له تم يتطالعني بنظرة تقول لا تخليني وانا اتطالعه بنظرة مبهمة مااعرف افسرها ,, قطع نظراتنا ضحكته المنخجلة الدكتور : عاد ربيعي كل يوم ايي وياي واليوم مايا الظاهر حاس انج بتيين اكتفيت ببسمة ماابا ارمسه واندم على اللي بقوله الدكتور : امم بحط ايدي على جتفج مااروم اوقف من البداية ..! ابتسمت بمعنى عادي >>> شوو بلاكم للضروورة عادي ماانسوي منكر حط ايده على جتفي وضغط عليها حسيت انه جتفي بينقص نصين ووقف وشل العكاز عني الدكتور : مشكووورة وسار عني وهو يعري بعكازه نورة : عوااش يا ماما متاكدة من اللي سويتيه طااع هاي عسب انه حط ايده بجتفي ماتعرف اخوها شو يسوي بي خخخخ ,, هي خاربة خاربة عواش : اسااعده شو فيج ماسويت غلط وكملنا سيرنا وسرنا بيت سارة اللي هي ربيعتنا بالميلس سارة : عاد ماتوقعت جي تقطعوني نورة : كلن يلتهي بحياته سارة : انزين انتي عرستي وعواش شو عذرها عواش : انا التهيت بحرمتي ههههههههه سارة :هههههههه بعدج عسوالفج ,, ها اشتغلتوو .؟ اتطالعنا بعض انا ونويير بمعنى لـــا حييلة عواش : للاسف لا وقاعدة انتظر النصيب سارة : ههه جريب اكيد باذن الله جريب بــــلاها واثقة يمكن نورة مخبرتنها اني احب خليفة او يمكن ... لا لا ان شالله اللي ببالي يكون غلط , دشت علييننا امها سلمت عليننا وبعدين قالت ام سارة : منو عواش فيكن سارة اشرت لي : هاي عواش اميه يت يلست حذالي .. وانا جد مستغربة شو السالفة اتطالع نورة وهي تضحك بداخلها الظاهر حست باللي حسيت فيه .. عقبها سرنا ناكل فالة ويوم نحن طالعين تمينا نرمس شوية دش واحد البيت سلم وردينا السلام ,, جفت سارة يت حذاله وصاصرته وعقب تم يتطالعني ,, اووف انا شوو اللي خلاني ايي هنيه هاييلا ناويين على شي .. تم يتطالعني وماشل عينه من عليي ,,, استاذننا منهم واصر اونه بيوصلنا قلنا لــأ بنتمشى احسن ورحنا الحمدلله .. ونحن بالشارع تمينا انا ونورة نسولف عواش : حسيتي .؟؟ نورة : ههههههههههههه حسييت يابوج حسيت عواش : انـــأأ اخذ هالسلق جييه ماشي شغلة هههه نورة : عوااش حرام عليج شكله اعجب فيج وبعدين ماافيه حيلة ياحيه عواش : جاااب ولــــــا تنطقين بهالرمسة هيه قالت حرام عليج زووولي انتي اخذيه نورة : انـا تزوجت خلاص عواش : نويير .. مرتااحة ,,.؟ نورة : الحمدلله محمد بدا يحس فيني وعقب العيد الظاهر بنسافر الله عواش : الحمدلله ,,.., والله اتمنى لج الخير وياه وااحد ورانا ذبحنااا يدق هرن وانا ونويير معطيييه طااف ,, قلت بصد له ورا براوييه ,,, طلع خليفة يستهبل حااشر الخلق تمييت اضحك ووقفت وعطييته ويهي عواش : يالله ادعمني خليفة : هههههههههه خوزي عواش : ماابا ماابا نورة : عوااش قووومي والله اذا حد جاافنا بيرمسون عنا عواش : بسم الله ولد خالتي شو فيها نورة : انتي تعرفين انه ولد خالتج بس يمكن غيرج مايعرف خليفة : يـــــالله ركبوو نورة : ايييه لــــــا بيقولون ركبنا ويا واحد غريب سير يالله وعند بيت خالوه بنركب وياك وصلنا بيتنا وعقب ركبنا ويا خليفة كان خاطري اركب جدام حذاله بس بعد لا هو خطيبي ولا ريلي وتم يحاوط فييننا وانا ميتة من الوناسة ,,, عالساعة 1 ردينا البيت >> رمضاان عادي السهرة صباحي يوم من الايام بيت بو احمد كنا يالسين بالصالة نتريا الدريول ايي لاننا بنسير السوق ام احمد : عاد لــأ تنسون العيال نورة : ان شالله خالوه مابننساهم ,, ماتبيناا انييب لج شي ام احمد : لـا انا مفصلة لي جم كندورة بلبسها مايحتاي اسواق بعد عواش : انزين نعال ( اكرمكم الله ) او شي ام احمد : لا لا مااريد شي اشترو لعماركم من يت نورة انشغلت اميه عني وانا ماصرت احتك فيها وايد , شيخة واحمد محد يجوفهم الـأ عقب صلاة التراويح تيي شيخة وهدى وياها لان خليفة ييلس صوبنا , ابويه صار منشغل بميالس الرياييل ومااجوفه غير يوم نتيمع بعد الفطور صح نتيمع بس كل واحد لـــــأهي خلصنأ زهبتنا للعيد واشترينا لعيال محمد ,, ياحظه محمد يوم انه نال نورة ردينا البيت ونحن هلكانات ,, زعلت اليوم ماجفت خليفة يوم يلعب حرام , تميينا تنطالع التلفزيون لي الساعة 2 جان زين امل وعلي ويانا بس امل بالعين لانها بالجامعه وعلي لانه يشتغل بالعين وراح يطلب نقل اول ماامل تخلص دراسة بس باجي لها سنتين , دخل محمد واحمد ووياهم خليفة وسعيد وعبدالله الظاهر ناويين يسهرون اليوم هنيه ,, سارو الصالة اللي تحت وارتفعت الاصوات الظاهر يلعبون ورقة ,, نزلنا لهم تحت هيه صح يلعبون ورقة يارب خلييفة يفوز ,,,, عصبو عليننا اونه ليش ناشين لهالحزة ههه بعديين قالو لنا نسوي لهم سحور طاعو هااييلا .. سرنا المطبخ سوينا لهم خبز وجاي بالحليب وايد عليهم .. فرشنــأأ وتسحرنا يميع كان خليفة مجابلي ويتطالعني وانا بذوب خلاص .... الظاهر ان هدى ماتقدر عليه بالدوام يعني صددق يحبني يا فرحتي ,, خلصنا وشليينا وبعديين اذن الفيررر سارو رباعة وبعدين رد احمد ومحمد روحهم , اليوم اللي عقبه كان تاريخ 29 رمضان ولحد الحينه محد يعرف اذا باجر العيد والا لا ... اليوم انا بالمطبخ قاعدة اساعد اسوي الفطور انا ونورة لان اميه تعبانة ,, هدى اليوم مقيلة ويـــــانا مرتزة من الصبح ,, واكييد بعد بالعيد بتيلس ويانااااااااااا اوووف شو هاي اللزقة وقفت برا شالة الصحن اتريا خليفة ايي ,, بس جفت محمد ياي انقهررت شل عني وسار وبعدين وايجب ابا المح سيارة خلوف بس مب موجودة شو السالفة يا عررب ,, ركضت لنورة اخبرها وانها لازم تتصل بامها اونها تسال عن حالهم ,,, اتصلت و تبين ان خليفة ميهود ,, حليييييييييييييله عله فييني ولــــأ فيه ’’ ابــــــــــــــا اسييير له ,,, سارو صلاة التراويح لان ما يعرفون اذا باجر اخر يوم والــأأ اليوم ,, بعد الصلاة ارتزيينا انا ونورة عند التلفزيون نسمع خبر وعقب يت ويانا اميه و تبين هلال شوال يعني باجر العيد ,, نورة : ماتحنينا ..!! عواش : هيه والله الحيينه الصالونات اكييد زحمة فول انا ماتوقعت باجر العيد ام احمد : بنت الحرمة الهندية يرانا تدلينها عواش عواش : هيه هيه عرفتها بلاها .؟ ام احمد : تعرف تحني سيرو لها اتطالعتني نورة قلت لها خل نجرب ,, سرنا لها فعلا حناها خطير وحنتني وحنت نورة بعدين ردينا البيت .. سرت حجرتي وابــأ ارقد وانا قاعدة افكر بخليفة بجوفه باجر اكيد بتعذب من ويهه التعبان حراام والله هدى علـــى شو نــاوية ..؟ العيــــد كيف بيكــــون وياي وخليــــفة ..؟ بجــــابل الدكــتور والــــا ..؟ | |
| |
|
14-08-2010, 03:18 AM
| #103 (permalink) | |
|
عضو جديد
| رد: يكفي وجودك ياحبيبي عن الناس والناس ماتكفي ابد عن وجودك طانكيو حبيبتي مشكوره عالبارت الطرطرييشن هدى علـــى شو نــاوية ..؟ امم احس بتحاول تخلي خليفه يحبها بس هوو مابيحبها العيــــد كيف بيكــــون وياي وخليــــفة ..؟ والله بيكوون طرر وخليفه حبيته ~> خخخخ عوااش بتعصصب بجــــابل الدكــتور والــــا ..؟ ياارب لا بلييز | |
| يآ عَآآزفْ ٳلنآإيْ قصّر بـבّـة النبرهْ .. صـבّـيتّ جفنْ الـבـزنْ منً مدّة ٳنفآسّـﮐ .. ! |
|
14-08-2010, 03:41 AM
| #104 (permalink) | |
|
عضو مجتهد
|  رد: يكفي وجودك ياحبيبي عن الناس والناس ماتكفي ابد عن وجودك تسسسلمي ع البآآرت الكشششووخي ونتريآ البآآرت اليآآي ولآ تبطي علينآآ غلآيه .. هدى علـــى شو نــاوية ..؟ أحسسسهآ نآآويه ع الشششر .. موتيهآ هآآي .. هيه وأختتهآ مخربين القصصه هيهيهيهي .. خخخخ العيــــد كيف بيكــــون وياي وخليــــفة ..؟ ططططررررررررررز من الخآآطر أن شآآء اللله .. بجــــابل الدكــتور والــــا ..؟ لآآآع أن شآآء الله .. ^_______^ .. | |
| طـز فٱللـي مـآ يبونـي .. غيرهـم من ٱلبشر ملآـآيين .. وعمـر آلدنيـآ مآوقـفـت عـلـى»1«يٱللّہ NEXT .. ٱللـي بعدو . . 
التعديل الأخير تم بواسطة كتكوتهـ ; 14-08-2010 الساعة 03:49 AM
سبب آخر: لآآزم تعرفوون ششو ؟؟ والله ..
|
|
14-08-2010, 03:54 AM
| #105 (permalink) | ||
|
عضو متميز
| رد: يكفي وجودك ياحبيبي عن الناس والناس ماتكفي ابد عن وجودك اقتباس:
هع يــــــــاويلي على توقعـــاتج لــــا ماعليج انا راضيه تغزلي به حرام حليله وايد طيب بنجوف بالبارت اليــاي مشكورة على مرورج الكششخه فديتج دوم نوريني ^^ | ||
| |
|
14-08-2010, 03:59 AM
| #106 (permalink) | ||
|
عضو متميز
| رد: يكفي وجودك ياحبيبي عن الناس والناس ماتكفي ابد عن وجودك اقتباس:
هدى واختها مخربين لاه .؟ ويييه بعدهم ماسوو شي اتريي بس خ خ خ  ان شالله يكون طررر ههههه مايندرى اجابل الدكتور والـا مشكورة على مرورج الغاوي دوم نوريني ^^ | ||
| |
|
14-08-2010, 05:21 AM
| #107 (permalink) | |
|
عضو جديد
| رد: يكفي وجودك ياحبيبي عن الناس والناس ماتكفي ابد عن وجودك تــسلميـن حـبي ع الـبارت ونتـرياا الــبارت الــيااي ولاا تبـطيين عـليينا غـلايه هدى علـــى شو نــاوية ..؟ امممم تحب خـليفه يمكن ولا تحااول تخرب من بين خلوووف وعـوااش العيــــد كيف بيكــــون وياي وخليــــفة ..؟ أحــس بـكون مـب شى ,, شى بصـير بجــــابل الدكــتور والــــا ..؟ يـب يـب ^^ | |
| |
|
14-08-2010, 06:34 PM
| #108 (permalink) | ||
|
عضو فعّال
| رد: يكفي وجودك ياحبيبي عن الناس والناس ماتكفي ابد عن وجودك
| ||
| |
|
15-08-2010, 03:16 AM
| #109 (permalink) | ||
|
عضو متميز
| رد: يكفي وجودك ياحبيبي عن الناس والناس ماتكفي ابد عن وجودك اقتباس:
ان شالله مايصير شي او يمكن شي يصير خ خ خ هع توقعـاتج حلوة مشكورة عالمرور الغاوي منورتني حبيبتي | ||
| |
|
15-08-2010, 03:19 AM
| #110 (permalink) | |||
|
عضو متميز
| رد: يكفي وجودك ياحبيبي عن الناس والناس ماتكفي ابد عن وجودك اقتباس:
فديـــــــــتج والله مشكووورة من ذوقج الغـــــلا مصدعينج لــــاه ..؟ شو اسوي وين افرهن خ خ خ دوم نوريني | |||
| |
 | |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
المواضيع المتشابهه |
|---|
| الموضوع | كاتب الموضوع | المنتدى | مشاركات | آخر مشاركة |
|---|---|---|---|---|
| ديوان الشيخ حمدان بن محمد بن راشد ال مكتوم | حلا السعودية | أعمال فزاع | 17 | 16-11-2010 12:02 AM |
| kkkhmn | الــــــكتبي | قسم الروايات والقصص الطويلة | 3 | 05-06-2008 04:32 PM |
| ** (( ذاك شهر يغفل عنه الناس ..؟؟ )) ** | $*الخليجية*$ | قسم فزاع الإسلامي | 2 | 26-08-2007 08:49 AM |
| 000 | الــــــكتبي | المواضيع المكررة | 0 | 07-08-2007 12:41 AM |
