25-06-2010, 03:36 PM
| #12 (permalink) | |
|
عضو متميز 
 |  (( البـــــــــــأرت الثـــــــــــأني )) نوال تتطالع شيخة وتتطالعني واحمد ولا عارفة شو تقول عواش : نوال دخيييلج قوولي قوووولي نوال : انا توني يـاية ماادري عن شي احمد اتطالعني وتم يكفخني ركبت بصعوبة لحجرتي ولا ادري كيف صعدت بالاساس شيخة : عيبتييني فديتج ماعليه ان شالله بنسير السوق وبتشترين على حسابي حبوه نوال : اناا عواش ماتهمني ولا تفيدني انا ابا احط عموه براسي والا انتي ليش حاطة عواش براسج شيخة : خل تنجلع شوي عن ويهي ويعرسونها وافتك محد واقف لي عظم غيرها هي والا كلهم مقدور عليهم نوال : يوم تبينها تعرس ليش تبين تفرقين من بينها وبين خليفة شيخة : لا خليفة ها خليه صوب ثاني نوال : بشو تفكرين .؟؟ شيخة : يا ذكية تبينها تعرس وتطير من الوناسة ويا خليفة لا لا .. خلها تاخذ لها واحد يطلع عينها نوال : هههههههههه وتموت على ايده بعد شيخة : خخخخخخخ ونفتك منها بالورررث نوال : مول ماهمج غير الفلوس هههه وسارت عنها حجرتي الله ياخذهم الله ياخذهم كلهم اكررههم والله حراااااااااام ,, لبست عباتي وبالخش ركبت ويا الدريول ووداني المستشفى حجرة الدكتور ووياي الدريول الدكتور : منو ضربج .؟ عواش : محد الدكتور : كيف محد عواش : انته جوف شغلك وداوييني بدون اسئلة الدكتور في خاطره ( عافان الله انزين سؤال جني انا اللي ضاربنها ) الدكتور : منو هذا >>> يقصد الدريول عواش : يعني بنغالي منو بيكون ريلي مثلا ,, الدريييول الدكتور : اعصابج انزين عواش : والله بسير عند دكتور ثاني الدكتور : ههههه لا لا خلاص اسف وطلعت من عند الدكتور اصرف الادوية الدكتور : تعال تعال سار له الدريول الدكتور : تعرف منو ضاربنها الدريول : بابا انا يقول حق انتي بس مايخبر هو الدكتور : انزين الدريول : هذا بابا احمد كل يوم يضرب اوااس حتى بابا كبير الدكتور : منو احمد الدريول : اخوو مال هي الدكتور : انزين عطني رقمك عطا الدريول رقمه للدكتور بعدين سار ورا عواش الدكتور : لييش يضربوونها .؟ لازم اعرف بيت بو خليفة حجرة سعيد سعيد : تحريتج بتتاخرين كنت باكلج سوسن ( مديرة المنزل وهي سورية وتشتغل وياهم من 10 سنين وعمرها 28 ) سوسن : لا ولو مابتاخر عليك حياتي ..!! سعيد : الله شو هاللبس الغاوي شقايل خطفتي فيه لي حجرتي سوسن : مافي حد هون كلوون برا سعيد : فديت انا الكلون اللي من حلجج سوسن : ههههههههههه ,, حطت ايدها حول رقبته : انته كيف بتحبني وانا 28وانته 25 سعيد : عادي حبيبي الا هي ثلاث سنين مافيها شي سوسن : لك اناا بموووت فيك نورة : سعيد سعووووووووووود سوسن : هاااه دي نووورة سعيد : صبري صبري , انخشي فالحمام يالله دشت نورة : شعنه يوم ازقرك ماتيي سعيد : هذا انتي ييتي شو صار .؟ نورة : هممم جني اشم عطر سوسن سعيد : يعني يا بقرة اكييد يت هني تنظف حجرتي بلاج .؟ نورة : اهـــأأأأأ ,, زين زين , جفت سوسن .؟ سعيد : يعني وين بجوفها لا يمكن بمخباي , شدرااني فييهاا انــــــــأ | |
 |
|
25-06-2010, 03:39 PM
| #13 (permalink) | |
|
عضو متميز
| نورة : انزين شوي شوي عن تااكلني بس اريدها تشل اغراض اميه يايبتنها وطلعت من حجرته سوسن طلعت : ولك حمة تبعت لي هلـأأأ كييف بدي روح سعيد : صبري شوي ,, تخاول سعيد برع ,, اطلعي اطلعي سارو حجرهم وشردت سوسن لحجرتها بيت بو احمد حجرة محمد نوال : انا ابا بيت بروحي محمد : نوال افهميني ابويه مايبانا نترك البيت وبعدين احمد ماطلب يطلع من البيت انا تبيني اقوله نوال : مالي خص نحن يبنا ثلاثة وبعدنا ويا اهلك انا مليت الصراحة ابا استقل واسكن ببيت بروحي وانا سايرة بيت اهلي يوم بتجوف حل تعال خذني هااييج الساعة وباخذ عيالي وياي محمد : نوال استهدي بالله سارت نوال وخلت محمد فالليل طق طق طق عواش : منو .؟ ام احمد : انا امج اووه زين عرفتي اني بنتج والله حاسة السالفة فيها مصلحة فتحت عواش الباب لامها ام احمد : بسرعة لبسي عباتج ونزلي ,, بسم الله شو فيج هنيه واشرت عيبتها عواش : هه ليش ماتعرفين ان ولدج المصون اليوم ضربني ام احمد : اكيد مسوية شي ,, الحينه بتفضحييننا عند العرب شقايل غادي ويهج عواش : انا انا قلت له تعال اضربني .! ام احمد : حشاا محد يروم يقلج شي يالله بسرعة البسي وانزلي عواش : ويين بنسير ام احمد : حرمة اخوج محمد زعلانة نسير نراضيها له وسارت عنها عســــــــــــــاها مااردت وانا شلي بهم ’’ لا حراام عيالهم مالهم ذنب ولبست عباتي و لحقت امي بيت نوال ام احمد : يعني نحن مسويين لها قسم كبير فيه اكثر من 4 حجر شو بعد ام نوال : البنت مااهامنها الوسع ,, بس هي تباا تعيش لحالها نوال حدرت الصالة : عندكم خيارين خبروه يا نسكن لحالنا يا الطلاق ويربي عياله روحه ام احمد نشت من مكانها : اما انج ماتستحين على ويهج ولا تخيلين ييبي عيالنا بسرعة موول غلطت يوم خطبت لج ولدي نوال : سيرو ليدووه اونها مسوية عمرها امبراطورة بجوف ولد امه كيف بيربي عياله روحه سارو عيال محمد ( عليا وسيف وهادي ) ام احمد : يالله عوااش نشي الظاهر احترمنااهم وايد وطلعو من بيت نوال بالسيارة عليا : ماما ليش مايت ويانا ام احمد : انسي ان عندج ام فاهمة عواش : اميه حرام عليج هاييلا يهال لا تقولي لهم جي ,, ان شالله بتجوفوها حبايبي بيت بو احمد محمد : ها امييه شو الاخبار ام احمد : بسرعة جدامي الحينه اتطلقها محمد : اطلقها ليش اميه شو قالت لكم | |
| |
|
25-06-2010, 03:45 PM
| #14 (permalink) | |
|
عضو متميز
| بو احمد : شو السالفة يا ام احمد ام احمد : موول مااحترمتناا ولا قدرت ييتنا ,, هااذووم عيالها فرتهم عندنا ماتباهم وتبا الطلاق عواش : اميه نوال ماقالت جي هي خيرت محمد على خيارين يا يسكنون لحالهم او تبا الطلاق ام احمد : انتي زوولي حجرتج ولا تتدخلين وشليهم وياج عواش : يالله يالله تعالو الظاهر السالفة مطولة ام احمد : بااجر تسلمها ورقة طلاقها محمد : اميه كل شي بالتفاهم ينحل ام احمد : لا لا هااي بينت شوو نيتهااا واناا عرفت محمد : خلاص باجر بسير المحكمة وبخلص الاجراءات وسار حجرته احمد وشيخة : السلام عليكم .. بو احمد وام احمد : عليكم السلام والرحمة احمد : ها شو سويتو .؟ ام احمد : باجر محمد بيطلقها هاي شرية عوذ بالله منها شيخة فخاطرها : ههههه تستااااهل ,, العيال وياها والــــــأ ويا ابوهم ام احمد : تخسي هاي تاخذ العيال لــأأ ويانا نحن شيخة فخاطرها : مالت يعني بيداحرووننا بالفلوس اووف سيارة نورة . عواش ونورة يسولفن عواش : نورة انتي مب حاسة انا كيف متضايجه نورة : والله حاسة فيج وحاسة انتي كيف حالج بس انا بعد ماادري شو اسوي عواش : انتي عالاقل امج وابوج يحبوج ,, انا ابويه مول ماقط رمستني او ربت على جفتي انا حاسة اني عالة عليهم نورة : لا عواش لا تقولين جي انتي بنتهم ولا شي بنت عالة على والدينها عواش : امبلا شي ,, انا نورة : هي هي انتي اللي معقدة السالفة ومظلمتنها عواش : انا عندي اقتراح ,, شو رايج انا وانتي نسافر كندا نورة : صووب خلوووف هااا هههههههههه عواش : ابي اجوفه نورة : ماصار له اسبوع ههه عواش : اشتقت له نورة : اشمعنى هالمرة .؟ عواش : يمكن لاني ابا اعتذر له نورة : اهلج بيوافقون .؟ عواش : بقنعهم اليوم بيت بو احمد عواش : دخيلكم دخيلكم بو احمد : يالله عاااد ارتزي ببقعتج عواش : هي بتسير صوب اخوها ومرة سياحة ,, حتى الدكتور قال لي هاي الكدمة خطيرة فاناا بعد بجوفها بو احمد : انا قلت لا يعني لا عواش : لا والله حرام عليكم مابنسوي شي بيكون هناك خليفة ولد خالوه وصعدت حجرتي وانا ميتة من القهر ام خليفة ترمس ام احمد وتحاول تقنعها ان عواش تسافر ام احمد : لا لا كيف تسافر ام خليفة : بنرد لنفس النقطة ,, هم بس بيكونن ارواحهن بالطيارة وبمطار كندا بيجابلهن خليفة ام احمد : برمس ابوها ويصير خير ام خليفة : خليهن يستانسن من خلصن الجامعة وهن يالسات رمست اميه ابويه ووافقو اني اساافر الحمدلله بعد ضغط من كل الاطراف اميه دخلت حجرتي عواش : هلا اماية ام احمد : من احيينه اخبرج احنا واقفنا على السفرة لكن ان سمعنا منا والا مناك ياويلج عواش : صدق اميييه ..؟؟ بتخلووني اساافر ..!! وحظنت امهاا ام احمد : خووزي فعصتييني يالدبة وطلعت عن بنتها حظنت ويهي بايدي مب مصددددقة اناا بسير دار خليفة فدييت قلبه واخيرا وافقو لي على شي بعد اسبوع من التجهيزات امل : يالجلبة بتسافريين وتخليني عواش : اسكتي انا روحي عقب حنة ورنة وافقوا عليي احس اني ماابتهنى بهالسفرة امل : لا ان شالله تسيري وتردي بالسلامة عواش : اميين شيخة : عشتوو الاخت بتسافر يقولون امل : وانتي شحارنج خليها تسافر وتتهنى عواش : اسكتي عنها خل تحترق شيخة : هههه اقدرر اسافر والف العالم فديتج فرحانة وايد بهالسفرة عواش : ههههههههههههههههههههههه انزين لفي العالم مع اني اشك ان وايد عليج بيت اهلج خخخخ شيخة : انا وايد عليي بيت اهلي اراويج امل : يالله عاد انا موجودة وانسي نوال مالج تطلقت وان شالله انتي وراها شيخة : لا فديتج انا معمرة وانتو اللي بتكونون برا | |
| |
|
25-06-2010, 03:47 PM
| #15 (permalink) | |
|
عضو متميز
| علي : منو برا اسمع هاه شيخة : انته بعد . خلاص انا حطيتكم انتو الثلاثة براسي وبتجوفون وسارت عنهم علي : يالله يالله انجلعي , ها متى تبوني اوديكم المطار عواش : المغرب لان طيارتنا السـأعة 11 ومتى يمدينا نوصل ونخلص الاجراءات علي : على خير تسيروون وتردون بالسلامة سلمت على اميه وابويه وعلى امل وسرت انا وعلي بيت بو خالوه وشلينا سعيد ونورة سعيد : ها مااوصيكم هالله هالله بعماركم نورة : ان شالله اخي العزيز لا توصي حريص بعد ساعتين وصلنا مطار دبي وكانو سعيد وعلي ويانا وهم يسوو اجراءات المطار الشرطي : لـأ اخويه خلاص هاي المنطقة للمسافرين فقط وانتو مايستوو تسيرون وياهم علي : انزين يوم بيوصلو للطيارة نحن بنسير واقسم ان ماابنسافر ههه الشرطي : اسمحلي مااقدررر ادخلكم ,, اذا هم مايعرفون وين اوعدكم انا اللي بوصلهم للطيارة علي : انزين شو الفرق .؟ الشرطي : هه لا تنسى هاا شغلي وانا مرخوص بهالشي سعيد : خلاص ماعليه هو بيسير وياهن وسلمنا عليهم وسارو الشرطي وهو يسير ويانا : مدام خايفين عليكم جي ليش تسافرو بروحكم من الاساس اتطالعت نورة ونورة تتطالعني نورة : نحن مب سايرين نلعب روحنا اخويه هناك بيجابلنا بالمطار يعني محاوطينا ونحن مب من النوع اللي فري الشرطي : اهاا ,, زيين والله , لان وايد يسافررن رووحهن ويلعبن لعوبهن عواش : نحن مب جي ابتسم الشرطي وهو بخاطره عن ياكلنني بس ركبنا الطيارة وانا مابين السما والارض قاعدة افكر بسير لخليفة وبجوفه وبرتاح ’ اووف نورة ليش ياية ههه ابا اخذ راحتي وياه خخخ الســــفرة كيف بتكـــــون .؟ محمد شو رايكـــــــم طلق نـــوال ومن راح يزوجونه .؟ | |
| |
|
27-06-2010, 01:00 AM
| #16 (permalink) | |
|
عضو فعّال
| السفرة شكلها بتكوون فنتك هع ومحمد ما ادريبه تسلم ايدج حبوبه ويعطيج العافيه | |
 لـا تغرك ضحـكتي ولـااســلوبي اعـرف اعزاز النفوس من الرديه كم وفولي ناس وكـم ناس اغدروبي وكـم كسبت بطيب نيه سوءنيـــه ( حزني مستمر سابقا ) ( سبحــان الله وبحمده .. سبحــان الله العظيم ) |
|
31-07-2010, 04:12 AM
| #17 (permalink) | |
|
عضو مجتهد
| رد: يكفي وجودك ياحبيبي عن الناس والناس ماتكفي ابد عن وجودك حبيتهآ القصصصه ,, رووووعهـ تسلميين .. ونتريآ البآآرت اليآي .. لآ تبطي عليينـآآ .. | |
| طـز فٱللـي مـآ يبونـي .. غيرهـم من ٱلبشر ملآـآيين .. وعمـر آلدنيـآ مآوقـفـت عـلـى»1«يٱللّہ NEXT .. ٱللـي بعدو . .  |
 | |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
المواضيع المتشابهه |
|---|
| الموضوع | كاتب الموضوع | المنتدى | مشاركات | آخر مشاركة |
|---|---|---|---|---|
| ديوان الشيخ حمدان بن محمد بن راشد ال مكتوم | حلا السعودية | أعمال فزاع | 17 | 16-11-2010 12:02 AM |
| kkkhmn | الــــــكتبي | قسم الروايات والقصص الطويلة | 3 | 05-06-2008 04:32 PM |
| ** (( ذاك شهر يغفل عنه الناس ..؟؟ )) ** | $*الخليجية*$ | قسم فزاع الإسلامي | 2 | 26-08-2007 08:49 AM |
| 000 | الــــــكتبي | المواضيع المكررة | 0 | 07-08-2007 12:41 AM |
