01-08-2010, 09:00 PM
| #25 (permalink) | |
|
عضو متميز 
 |  رد: يكفي وجودك ياحبيبي عن الناس والناس ماتكفي ابد عن وجودك (( البـــــــــــــارت الثــــألث )) ركبنا الطيارة وانا مابين السما والارض قاعدة افكر بسير لخليفة وبجوفه وبرتاح ’ اووف نورة ليش ياية ههه ابا اخذ راحتي وياه خخخ وصلنـأ مطار كندا وليتنا ماوصلنا بصراحة انقبض قلبي خليفة كل يوم ابجوف هالغبر بصراحة مالومه اذا انجر وراهم وهن يتميعن جدامه نورة : بلااج سرحتي .؟ دوري خلوف وينه الصراحة ضعت عواش : هاه نورة : شو فييج ..؟؟ عواش : كل يوم خليفة يجوف هااييلا نورة : هههههههههههههه هيه شو السالفة عواش : انا خايفة نورة : لا اتطمني خليفة عاقل مب مراهق يسير وراهن خخخ عواش : الله يسترر نورة : تعالي اندور خلوف وتمييينا نحوط ونحووط وندوره صوب شقة خليفة خليفة : اوووووووووووف تااخرت عليهن ونش من سريره وبسرعة بسرعة بعد ماحصلناا شنطناا تمييينا نتريا خليفة ولا يا لحد احيينه كل اللي فالمطار يتطالعننا انا ونورة ويالسات عالارض ودمعتنا على خدنا نحن بدون خليفة يعني ضعناااا تم خليفة يدوررنا وعقب حصلنا ويا لناااا نشينا من مكااننا ونورة ضررربته ضرب خليفة : اسف والله اسف نسيييت ان اليوم بتيوو نورة : لا والله تعرف لو انك ماييت كنت باكلك بضروسي خليفة : وانتن جييه قاعدات جي والله بيتحررنكن طلابات ويا عبيكن عواش : نحن طلابات .؟ اقول نوييير ترا انا ادل انجلييزي بتييين ويايه بسير ادور لي تكسي بنحجز لنا فندق وسارت عنهم تفاجات بخليفة يرني من ذراعي وقال لي وجنه كان بيصفعني بس تمالك نفسه : تخبلتي انتي .؟ ليكون تتحرين عمرج بالبلاد انتي ببلاد غريبة ماهمهم هنييه غير نفسهم وانتو احيينه مسؤوليتي يالله طوفن من جداامي اجوف نورة تصاصرني : لازم تخليه يعصب يعني عواش : انا ماقلت شي عيل يستهزئ بنا حضراته وهو السبب نورة : ماقال شي انزين وصلنا شقة خليفة كانت وايد عودة فيها ثلاث حجر نوم وصالة ومطبخ وحمامين (عزكم الله ) سحبت شنطتي بغيض ودخلت الحجرة اللي قال ان انا ونورة بنرقد فيها بداال مايقوول رمسة عدلة انا مسافرة علشانه يهزبني يعني اشرد من هزبة واسير لهزبة ثانية نورة : اكييد زعلانة وتفكر ترد خليفة : قصوورها بعد اجوف ماخذة الحياة عادي عندها نورة : ماكانت تقصد , انته ليش تقول لنا طلابات والله .؟ خليفة : ههه والله كنت اسولف ماكنت ادري انها بتجلبها جد نورة : تحمل عاد زعل عواش خليفة : ههههههه سيرو ريحو ونشوو الساعة 7 نورة : ليش .؟ خليفة : العشا الساعة 7 والغدا الساعة 12 نورة : والريوق متى ان شالله .؟ خليفة : الساعة 7 نورة : قفعععععة ,,, ومنو يسوي ها كله .؟ خليفة : مدامكن بناات وعندي ولا شغل ولا مشغلة انتو اللي بتطبخون نورة : يا سلام نحن مااايايين نطبخ يايين كشتة وعقب مع السلامة عواش : نورة بغيتج شوي نورة : يالله عن اذنك اخويه العزيز خليفة : هههههههه سيري سيري نورة : ها بغيتي شي .؟ عواش : خل اييب مفتاح هالحمام ( عزكم الله )شعنه قافلنه نورة : خلووف عطنا مفتاااح الحمام ( عزكم الله ) خليفة : ماشي له مفتاح استخدمو اللي بالصالة نورة : يعني مشتررك .؟ خليفة : ههههههه شو فيها نورة : يمكن هي تستحي خليفة : ههههه تلبس برقع وتدش وسار عنها نورة : ماشي غير نشترك وياه نورة : ها شو عادي .؟ عواش : هيه عادي بلاج رقدنا انا ونورة وقفلنا باب الحجرة يسوييها خليف يحدر عليننا الحجرة عايش ببلاد الاجانب يمكن نسى العادات نشييينا بسبة خليفة تم يدق الباب وحشررنا اننش نورة : تعالي وين سايرة .؟ عواش : بسير اغسل ويهي نورة : جي عاد .؟؟؟؟؟ جفت شكلي صح انا ببجامة وخليفة هنيه سحبت شيلة الصلاة مالي ولبستها وخطفت خليفة : ها وين تبن تظهرن بس بشرط مانتاخر باجر وراي دوام نورة : نتمشى الجو الحينه وايد حلو خليفة : اوكيه البسن وانا اترياكن عواش : نويير انا بفصخ العباة حسيييت اني بنقص نصين من النظررة اللي عطاني اياها خليفة : البسن عبيكن وبسرعة انا اترياكم تحت نورة : ليش تتعمدين تسوين جي عواش : انا ماسويت شي كل اللي قلته اني بفصخ العباة | |
 |
|
01-08-2010, 09:02 PM
| #26 (permalink) | |
|
عضو متميز
| رد: يكفي وجودك ياحبيبي عن الناس والناس ماتكفي ابد عن وجودك نورة : يالله بدون بزاعة وخلينا نلبسها وننزل نزلنا وانا كلي قهررر شو بلاه كل ساعة اتضارب وياي الله ياخذني يوم فكرت اني بسافر نورة قابضة ذراع خليفة وانا حذال نورة ومعصبة عالاخر كنت بصفع عمررري من القهر وتمييينا نتمشى وخليفة يتغزل بكل بنت يجوفها وانا خلاص الكيج مالي وصل 260 عواش : نورة خليننا نرد نورة : ليش .؟ مستانسين عواش : بردت خلينا نررررد مليييييييت تراااني خليفة : خلاص نرد نرد ردينا الشقة حسيت اني خربت مزاج نورة وخليفة ببزاعتي الزايدة ,, سرت لهم الصالة عواش : انا اسفة خربت طلعتكم نورة : لاا عادي عوااش الايام ياية عواش : يعني مازعلتي عليي نورة : هههههههه لا مازعلت انتي حبيبتي اللي ماازعل منج غلاتي وسارت لحجرتها سرت بلحقها والا اسمع خليفة يقول : يعني راضيتي نورة وانا محد يراضيني عواش : انته دواك تستاهل عساك مارضيت خليفة : قد هالكلام اللي قلتييه .! عواش : هيه خليفة : متاكدة .؟ عواش : متاكدة خليفة : بــــأجر بيبن كل شي زغت من كلامه وقلت له : شو بتسوي خليفة : بسوي اللي بسويه عواش : شوووووو قوووووول احسن لك خليفة : هاها واذا ماقلت عواش : والله بصفعك خليفة : يالله عواش : اذا فكرت تسوي اللي ببالك والله ياويلك خليفة : ليش .؟ ليش .؟ ماتبيني ارضى خليني اسوي اللي يعيبني عواش : انزين لو راضيتك مابتسوي اللي ببالك خليفة : ولا راح افكر فيه عواش : انزين انا اسفة خلاص ,,, وينك يالسة ارمسك انا خليفة : ههههههههه يالس اتذكر شكلك يوم انجب عليي العصير كيف انجلب ويهج عواش : الحينه انا اراضيك وانته تذكرني بهالسالفة زوول خليفة : تعالي تعالي والله اسولف وياج خلاص انا بعد اسف يعني رضينا على بعض عواش : انا عن نفسي رضيت واباك ترضى عليي خليفة : وانا بعد رضيت ومابخاطري شي عواش : توعدني طول هالايام ماتزعلني خليفة : اوعدج وانتي بعد اوعديني ماتخالفيني عواش : مول مابخالفك دامك راضي عليي خليفة : تحبيني .؟ عواش : شو هالسؤال .؟ مااحبه يعني اكرره زعلك واموت بس اراضيك وتسالني اذا احبك والا خليفة : ابا اسمعها منج عواش : احــبك خليــــفة احبــــــــك صوب حديقة من الحدايق نورة وانا وخليفة نتامل البحيرة خليفة : عنبوو ماتيمدتو من البرد نورة : هههه انا بصراحة اجوفه طرر عواش : انا وايد بردت خلونا ندخل اي كوفي ونشررب لنا كوفي يدفيننا نورة : هيه هيه راي عواش سرنا صوب الكوفي وشرربنا لنا بلاك كوفي وتميينا نسولف بيت بو احمد ام احمد : ياا فضييييييحتي موول ماايبت رياييل ااناا موول محمد : اميه هدي هدي فكرري بعيالي كيف تبوونهم يتشتتون حرام عليج ام احمد : والله لاخطب لك احسن بنت بس هااي موول وانا حلفت مااتدش بيتي ولــــــــأ تنجمع وياها بحجرة واذا صار هالشي لا اني امك ولا اعرفك بتبرى منك محمد : لا خلاص بطلقهاااا بو احمد : وامك بتخطب لك بنت الحلال باقرب وقت ام احمد : ماشي احسن عن نورة بنت خالتك شو رايك بها محمد : شو رايي بها بعد انا مااريدها الا ام لعيالي ام احمد : من ترد من السفر ان شالله بنخطبها ,,, بس انته طلق وخلنا نخلص محمد نزل راسه : ان شالله شيخة : السلام عليكم ام احمد ومحمد : عليكم السلام والرحمة شيخة : سمعت خطبة انا شو السالفة محمد : انا استاذن ام احمد : بنخطب نورة لمحمد شيخة ارتبكت : هااااه .؟؟؟ بس ماجن نورة ماتصلح لمحمد ام احمد : تناسبه نورة محد احسن عنها وهي بتربي عياله احسن تربية شيخة : عموه والله ان نورة ويهها انها ماتحبج صدقيني ام احمد : يالله عاد نورة مافي مثلها وسارت عنها شيخة : اووف انا ناقصة ابي افتك من عوشووه تييلي هاي لازم مايتم هالعرس لازم لازم صوبي انا والله مااقولكم كيف مستانسة خليفة الكل يتمناه الكل شخصيته خبــــــــــــأل يخليج تتعلقين فيه غصب حتى لو ماتحبيه نشينا من وقت اليوم انا ونورة بنطبخ له غدا نفاجئه ,, حرام بهدلناه هاييج الايام اللي طافت من ايي من الجامعة يقووم يدور فيننا ندور على مطعم ففكرنا نسير الجمعية ونشتري الاغراض نزلنا وعلى طول سرنا صوب الجمعية اللي حذال عمارتنا وخذنا لنا الماجلة كلها ويوم نحن واقفين بالطابور بنحاسب جفت شخص ماتوقعت اجوفه | |
| |
|
01-08-2010, 09:05 PM
| #27 (permalink) | |
|
عضو متميز
| رد: يكفي وجودك ياحبيبي عن الناس والناس ماتكفي ابد عن وجودك نورة : بلاج جيمتي .؟ عواش : هذا عكر لي مزاجي نورة : منو .؟ عواش : اللي ورانا طاعي شقايل يطالعنا فقت ويهه نورة : هه بلااه يبتسم جنه يعرفنا الدكتور : السلام عليكم عواش ونورة : عليكم السلام الدكتور : شحالج عاشة .؟ عواش : بخير الحمدلله الدكتور : ان شالله الحينه احسن وماتحسين بشي عواش : بخير انا والــأ ماجفتني بربوع كندا ههههه الدكتور : هههههههههههههه الحمدلله على كل حال نورة منصدمة هذا كيف يعرفني ادري بشعورها عواش : يالله عن اذنك وسرنا عنه نورة : تعالي تعالي منوو هذاا اللي يتخبر عن حالج ويعرف اسمج في اسرار ها .؟ عواش : ههههههههه اويييه هذا دكتوور عالجني مرة عن يروح بالج بعيد نورة : هههههه والله تحريت شي ثاني كنت بخبر خليفة عليج عواش : لا لا ماابيننا شي وصلنا الشقة وطبخنا مجبوس دياي بعد اخطاء وايدة ان شالله تكون ناجحة نورة : همممممم رييييييحته وايد حلوة اعتقد نجحنا عواش : ان شالله يعيبه وصل خليفة الشقة وكلنا امل انه يعيبه الاكل خليفة : من وين يبتو الاغراض نورة : احم , نزلنا الجمعية خليفة : وليش ماقلتو لي امس نورة : ها يزانا مسوين لك غدا خليفة : هههه انزين لا تذلوني يالله ميت من اليوع وعليي هوم وورك قد شعر راسي ابا اتغدا واريح نورة : 5 دقايق والغدا جدام عيونك تغدينا واستانس عليه خليفة وايد خليفة : جان زين انتو ويايه على طول استانست وياكم عواش : حتى نحن وايد مستانسين نورة : انا بسير اخذ لي شاور وسارت عنا خليفة : باجر بتسيرون .؟ عواش نزلت راسها : للاسف خليفة : تمي وياي انتي وخلي نويير تسير عواش : جان زين بس بيجتلوني خليفة : هم اذا نسوج الحينه انا اصدق عواش : اكييييد لانهم مايحبوني خليفة : عواش لا تقولين جي هاييلا اهلج ومستحيل يكرهونج عواش : بلاك ماتعرف , خلنا منهم كفاية اني برجع لهم وللعذاب خلنا لك خليفة : ههههه بلاني انا عواش : انته البلى كله خليفة يلس حذالها : انا والا انتي عواش : اوييه خليفة نورة بتجوفنا خليفة : عايبنها الماي هي ماابتخلص بسرعة عواش : خلاص انا بنش من مكاني سحبني وجرب مني اجرب من الهوا المحيط بي عواش : خليفة لا تتهور خليفة : خليني اتهور شو فيها عواش : خلوووووف خليفة : هههههههههه بكيفي جربه يخوف والله لو نورة تجوفنا بتكفخني وبطيح من عينها اتريا يخوز عني بس الريال اجوفه غمض عينه فديت شفاته فديت خشمه فديت شعره والله ولا جنه عدى الـ 30 جنه بحدود الـ 15 اقوله وانا اهزه من فوقي : خليفة خليفة نش خليفة : عوااااااااش خليني راقد عواش : سير ارقد حجرتك يالله وخزت عنه ووديته لحجرته وعلى طول طاح على سريره وسحب ايدي خليفة : لا تروحين بعيد عني انا مرتاح بقربج عواش : حتى انا بس لازم اروح . ارقد يالله حبيبي وسحبت ايدي وطلعت من عنده وسرت حجرتنا , اويه عووش اللي تسويه صح والا شو اليوم اللي عقبه ودعنا خليفة وركبنا الطيارة وانا اتذكر احلى لحظات ويا خليفة بالملاهي يوم العب وياه وبالحديقة اللي نيلس فيها ونطفر نويير وبالشقة هو وسوالفه الطفسة خخخ الحينه اتاكدت انه صدق يحبني , استقبلنا سعيد بالمطار وعقب وصلت البيت ومثل ماهو صخه واذا سمعنا ان في صوت اكيد شي ضرابة صايرة . عيال محمد يلعبوون بالحديقة سلمت عليهم ويلست وياهم وعقب حدرت الصالة جفت امي يالسة روحها وتشرب جاي عواش : السلاام علييكم امييه وسرت لوييت عليها وسلمت عليها اول مرة احس اميه مفتقدتني فالبيت ام احمد : هاا ان شالله استاانستي بالسفر عواش : الحمدلله اميه سرت حجرتي وجفتها مثل ماهي محد حدرها او نظفها او عالاقل يرتبها مايقولون ياية من السفر تبا ترتاح مول ولا شي من ها كله يالله متى بيفكني خليفة منهم عقب مارقدت لي ساعتين نشيت ويلست وياهم بالصالة وتفاجات باميه تقول ام احمد : بنخطب نورة لمحمد عواش : شووووو .؟ ام احمد : تربي عياله وتكون له خير الحرمة ومحمد مب عود الـأ عمره 28 عواش : اميييه ام احمد : شووو ..؟؟؟ عواش : نورة ماتناسبه ام احمد : تعال انته تعال نحن مول مانشوفك ليش عاد .؟ تعال جوف اختك اونه مب موافقة ان محمد ياخذ نورة علي : شوووووووووووووووووو نورة تاخذ محمد لا لا مستحييل هالشي يصير ام احمد : بعد هذا شو فيه عواش : اميه جفتي الكل رافض ام احمد : عاد انتو ماتهموني انا باجر بسير بيت اختي وبتفاهم وياها ومااظنهم يرفضون ولدي بهالسالفة اكتشفت شيئين ان علي يحب نورة هيه اكيد وان اميه مايهمها راينا مول هــــــل نورة بتوافـــــق وتاخذ محمـــــد .؟ خليـــــــــفة حلم لـــــي والـــــــــا حقيـــــــقة .؟ | |
| |
|
01-08-2010, 10:24 PM
| #28 (permalink) | |
|
عضو مجتهد
| رد: يكفي وجودك ياحبيبي عن الناس والناس ماتكفي ابد عن وجودك مررررررررحب السسساع .. البآآآآرت كشششششششششوووخيييي ... طررررررررررررررررررررز من الخااااااطررر ... هــــــل نورة بتوافـــــق وتاخذ محمـــــد .؟ لــآآآ طبعاآً .. خليـــــــــفة حلم لـــــي والـــــــــا حقيـــــــقة .؟ أكييد حقيقهـ ,. نتريا البآآرت اليآآي ولآ تبطي علينـآآ الغلآآ .. .... | |
| |
 | |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
المواضيع المتشابهه |
|---|
| الموضوع | كاتب الموضوع | المنتدى | مشاركات | آخر مشاركة |
|---|---|---|---|---|
| ديوان الشيخ حمدان بن محمد بن راشد ال مكتوم | حلا السعودية | أعمال فزاع | 17 | 16-11-2010 12:02 AM |
| kkkhmn | الــــــكتبي | قسم الروايات والقصص الطويلة | 3 | 05-06-2008 04:32 PM |
| ** (( ذاك شهر يغفل عنه الناس ..؟؟ )) ** | $*الخليجية*$ | قسم فزاع الإسلامي | 2 | 26-08-2007 08:49 AM |
| 000 | الــــــكتبي | المواضيع المكررة | 0 | 07-08-2007 12:41 AM |
