08-09-2010, 09:22 PM
| ||||||||
| ||||||||
 قصايد على كيف كيفك لـ(بدر الحويفي الحربي) السلام عليكم ورحمة الله وبركاته حبيت أقدم لكم مجموعة من قصايد الشاعر الكبير :: بدر الحويفي وبدر قصايده كثيره واغلبها في وصف الطير والمقناص ... ?القصيدة الاولى وان كان تقدر لا طلـب منـك عـاز ه=عطه الطلب تقدير لا يطـوي اليـاس واهـم ميـزه بالنـفـوس الـعـزازه=والا ضعيف النفس ماهو على سـاس واظن مابـه شخـص مابـه حـزازه=يرضى على ناس ويزعل على نـاس ومن لا عرف قدر الشرف وامتيـازه=هذاك لا يشعـر ولا عنـده أحسـاس ضميـر مايشعـر عبـاره جـنـازه=مايجمعه بالمجتمـع نبـض الأنفـاس وصحبت ضعيف العقل مثل القـزازه=مهمـا تداريهـا تكّسـر وتنـحـاس هـذا ولـو كـل المساعـي مجـازه=ماصـار بالدنيـا موازيـن وقـيـاس ?ا لقصيدة الثانية: يالله ياجالي صـدى كـل كربـه=ياللي عن الطلاب ماصـك بابـه تفرج لمـن ذاق بالعمـر طربـه=شيبه تكامل قبـل يكمـل شبابـه امضى حياته بين سفره وغربـه=ولا ساعده حـظ الشقـا بانقلابـه واقرب قريب ليا شكى مانظربـه=خلان وقـتٍ اليـوم كـلٍ هبابـه ماكل طيرٍ يعجب اللي صقر بـه=ولا كـل رجـالٍ يثمـن جوابـه ولا كل من يبني جدار استتر بـه=ولا كل جـارٍ تستريـح بجنابـه ولا كل من يملك رصيد افتخر به=مالٍ بدون حقوق واضـح عيابـه الا الذي بالواجبات اشتهـر بـه=يحوز تقدير الشـرف باكتسابـه وطاع الذي فعل المكارم امربـه=يرجي رضا الخالق ويخشى عذابه القصيدة الثالثة: انا مع الطيّب علـى كـل بابـه=اللي ورى ظني تعـدى هقاويـه احسب حسابه واتحمـل عتابـه=اللي من الحكمه نتايـج مباديـه واللي يجي يمي هـلا مرحبابـه=عندي على الميسور والله يحييـه ومن صد عنّا ما حسبنا حسابـه=لا هو برجيني ولا نـي براجيـه من زارني زرته وأقـدر جنابـه=ولا همني شخصٍ عطاني علابيه كان اجنبي والا من ادنى القرابه=مااشره عليه ولا يجي لي مشاريه سلامةٍ من بعض الأشياء كسابـه=والرجل يعرف مايصيبه ويخطيه ?القصيدة الرابعة: واطيري اللي صـار موتـه غبينـه=تفريط موتـه والسبايـب مريخـان ذبّاح ماشافـت علـى القـاع عينـه=جزام مايكفخ علـى غيـر برهـان وصايفه من كـل الأطـراف زينـه=ماقلت به لـولا ولا قلـت نقصـان قطعيـةٍ حرشـاء قطـوعٍ متيـنـه=شرق ووصايفها تواصيـف شيهـان عوق النفيج ان صار بأرضٍ حصينه=اللـي مزابنهـا خمايـل وشعبـان لا صفّحت عنهـا التبـوع المهينـه=وباهت سلقها والقصص بأرض قيعان والخـرب منهـا مايفكـه خزينـه=مضرابها مع غاربه بيـن الامتـان ?القصيدة الخامسة: لا شفت لي شخصٍ علي متغيّر=ماني على شوفه وروياه منحـد انا ليـا منـي توريـت أسيّـر=سيرت يم اللي ليا جيت ماصـد علاقتي بالناس مع كـل خيّـر=لو كان مالي في نسوبه نسب جد وجه السعد في كل الأحوال نيّر=مـن مذمـوم الطبيعـه تعقـد ماني رفيق اللي ذراعه قصيّـر=لا صار ماهو بالمهمات مسنـد انا من ابطال الرجـال متخيّـر=اللي مساعيهم شريفـه وتحمـد ولاني من اقوال الغشوم متذيّـ=رناس على سرد السوالف تهـدد واللي يعيب الناس عقله صغيّر=لاشايف عيبه ولا حافـظٍ سـد ماقلتها للنـاس قصـدي معيّـر=انا عن القول الرخيـص اتبعـد ولا ني على فكر الأوادم مجيّر=الطبع تيـارٍ بالافكـار يصعـد ?القصيدة السادسة:: من لا يقـدر واجبـي مارجيتـه=كان أجنبي والا من اقرب لحومي اللي ليـا منـي بحاجـه بغيتـه=عقد حجاجه تقل مصاص لومـي لو هو بكيفـي يعلـم الله رميتـه=واشوم للطيّب قـوي العزومـي اللي يقـدر عنوتـي لا نصيتـه=يفرح ليا جيته ويقضي لزومـي وجه السعد فعله ورى اللي هقيته=لعل يفدونـه جميـع الرخومـي اللـي مشـرّع للمساييـر بيتـه=مزاح ماهـو دوبلـيٍ كظومـي ?القصيدة السابعة هذي قصيده من قصـار القصايـد=موضوعها يشرح عن الصيد تقرير ما اظن باقـي للحبـاري شرايـد=من يوم كل الناس صارو صقاقير ناسٍ تجول مـن جميـع البدايـد=أهل ولع كلٍ على المرتبـه طيـر وانا عن الموضوع ما من بعايـد=مالومهـم زميلهـم بالمشـاويـر وليا لقينـا اللـي هالأيـام صايـد=رحنا على دربه عسوس ومداوير وقلنـا ياليتـك معلـنٍ بالجرايـد=ياللي ذبحت الخرب واف الاشابير فعلك على اللي مالقى الصيد= زايدواصل مسيرك ياعشير المناعيـر كان انت لا دورت تلقـى طرايـد=شد الرحال ومتـر البـر تمتيـر خل الكسـل لمكبريـن الوسايـد=ياللي مع الصحراء تدل المعابيـر ?القصيدة الثامنة: الوضع اشوفه منعكس ومتغيّـر=مهما بغيت تعدل الوضع عيّـا دورٍ به العاقل صحيح متحيّـر=واللي يريد بخاطره مـا تهيّـا واكبر مصيبة كل ماجا مسيّـر=وقال الجماعه قلت ماهم هنيّـا دام القريب من القريب متذيّـر=وسوس له الشيطان من غير شيّا هذا خطا مايقبلـه كـل خيّـر=ماكان سلـم اسلافنـا هالسويّـا راحوا هل الجيره وحق المجيّر=ابعد علينا مـن نـوال الثريّـا ولا اقول ماباقي للأجواد ديّـر=ما أذم عشاق الشرف والحميّـا ?القصيدة التاسعة: يا علي طيري ضاع باادنى (طميّه)=اقفى وانا مع ساقته ناشف الريـق اقفـى يجـاذب خـارمٍ شقلبـيـه=لا صاعها تعطي عن الطير تدنيق وعودت اصفّق ياعلي فـي يديـه=في ساعةٍ صارت علي السعه ضيق مدري يمومه ياعلـي بـأي نيـه=اتلى الخبر به يوم تـلّ المسابيـق بينـي وبينـه تزمـي الجرهديـه=باارضٍ وعر منها تهاب السواويق مافيـه درب إلا لـراع المطـيـه=وتسددت قدمي جميـع الطواريـق وعودت بحـلٍ ياعلـي بالقضيـه=وعلقت دسّـه ياعلـي بالمعاليـق من عقب ماني كـل يـوم بشغيـه=اليوم ابقضب دافيـات المشاريـق القصيدة العاشرة: ياالمنتقد مالك علـى النـاس مدخـال=شوري توقع واقصر الحبـل للغـوج راجع ضميرك قبل احطك على البـالإ=ن كان ماراسك عن الشور مصنـوج مادام مكنونـي ورى عجـم الاقفـال=ترى الهروج الفاضيه ما لهـا حـوج حنا عـرب مـا همنـا نقـد الانـذال=نحمـى كرامتنـا ولانقبـل الـعـوج اجـواد ماننقـص للاجـواد مكيـال= اهل نقاء ماهـي سواليـف وهـروج ياللي تحيـل والدهـر فيـك محتـال=هاك الزمان اللى به الوجـه مسهـوج ايام فيها عشـت فـي خـوف واذلال=مثل المريعي يسبـر الحـوم ويلـوج واليـوم مامثلـك ولا صـار رجـال=وعندك لتحريـف السواليـف كتلـوج عن جيلنا الحاضر وعن ماض الاجيال=تخفاك عادات العرب وانت مرجـوج وان طعتني تعرض عن القيل والقـال=تراك مهمـا غـرك الـزود مفلـوج انعم بظـل اللـي لنـا درع واظـلال =للي يقـودون السفينـه مـع المـوج قيـاد رايتنـا صنـاديـد الابـطـال= اهل السيوف اللي بها السـم ممـزوج عيال الحرار اللي بها تضرب امثـال=والا انت لو يضرب بك الوصف فروج ?القصيدة الحادية عشر:: يارجل لا تنقل نبـاء كـل نقـال=به ناس حتى الميـت مايتركونـه والقيل عندي له مفاتيـح واقفـال=معناي ماكـل العـرب يفهمونـه ولا اقول انا زايد على كل رجـال=كم واحد مايقصر العـرف دونـه خص الرجال اللي يجيدون الامثال =البيت عن معنـاه مـا ينقصونـه اخص لي ناس يحوسون الاقـوال=ا لبيت لو هـو معتـدل يكسرونـه لو هم كبار اعمار بالعرف جهـال=ومن عمي قلبـه ماتفيـد عيونـه وان شفت لي شخص خيال=ي وخيالما اشفق عليه ولا تدخـل بشونـه ينبيه عن حظه تواريـخ الاجيـال=يجهل خبر والنـاس مايجهلونـه يشوف نفسه وين ما مثلـه امثـال=ترميه باحضان الجهالـه ظنونـه والناس تعرف بالطبايع والافعـال=واللي تعـزه سمعتـه يمدحونـه والماء يجيبه عذب ويجيبه احثـال=والكون به من كل كايـن نمونـه ?القصيدة الثانية عشر: يالله يامـكـون بالأجـسـام الارواح=ياكاتـب الارزاق والاجـل بالـلـوح ياللي بتقديـرك تصاريـف الاريـاح=بأمرك وتسهيلك عبـر بالبحـر نـوح تجعل لنـا بهـداك ممسـا ومصبـاح=واجعل لنا في طاعتك صدر مشـروح قبل انتـداب اللـي للاعمـار يجتـاح=اللي من أعصاب لجسد ينزع الـروح مهمـا تقـدم علمنـا والجـهـل راح=الملتزم من بعض الاشكـال مجـروح يشـوف بعيونـه تقالـيـد وأشـبـاح=وملابس تلبس علـى جسـم مفضـوح لبس الخـوارج عندنـا زاد وانسـاح=وهذا خطا ماهـو بالأسـلام مسمـوح وكثـر التبجـح والتفاخـر بالأفـراح=ينخاف مـن عقبـاه تبذيـر مسفـوح تبذيـر للنعمـة وتنثـيـر واشـفـاح=وبعض الشعوب بغيهب الجوع مطروح مافيهم اللي من طوى الجـوع مرتـاح=اللي هلك واللي على الجنب مسـدوح مانعتبـر ونكـرر الشكـر بالـحـاح=والموعظة نلقي لهـا سمـع وشبـوح الديـن لـه مرشـد وللخيـر نصـاح=وبـاب الكرامـة للمنيبيـن مفـتـوح وحفظ الشرف والدين للمسلم اوشـاح=تاج على متنـه مـن الـرب ممنـوح الديـن بالدنيـا لنـا عـز وســلاح=وبالاخرة نـور لنـا بالدجـا ضـوح والصبـر والتوحيـد للخيـر مفتـاح=وهدي النبي توجيه ناصـح لمنصـوح واللي ربح يـوم الخسايـر والاربـاح=اللي كتابـه عـن خطايـاه ممسـوح ?القصيدة الثالثة عشر: ما بالكرم يا زول عيب ومعاييـر=العيب باللـي يالـردي ينكرونـه لعـل بيـتّ ماتجيـه المساييـر=واللي يبون الكيـف ماينحرونـه ينزل عليه الفقر قسمـه وتقديـر=من واحدٍ كـل المـلا يرتجونـه مثبى الرخوم اللي تهاب المخاسير=المال لأعمـار الفنـاء يجمعونـه أخص من هو عند نفسه كما الزير=والمرجله عنها الرخامه تخونـه محروم مايقدر على نيـة الخيـر=مثل العقنقل بس يـدرج مكونـه عساه يفـدى الطيبيـن المناعيـر=اللي ليا اقبل ضيفهـم ينطحونـه اللي ليا شانـت وجيـه المثابيـر=بالواجب الموجـود مايذخرونـه والطيب سلعه للوجيه المسافيـر=كان الردي يحسب كرمهم مهونه العيب باللي به عن الطيب تقصير=اللي ليا أوجس نايبه غـار لونـه وشعاد لـو يملككنـوز ودنانيـر=محروم ماله غير نظـرة عيونـه لا قربوا عند الضريح الحفافيـر=والمال ضاع وصاحبـه يدفنونـه ما نال به طوله ولا نال به خيـر=حصل غثـاه وورثتـه يقسمونـه ويبقى الثناء لأهل الثناء يالمعاثير=وجزاء الكريم من الكريم المعونه ?القصيدة الرابعة عشر: صح باالعادات عنـوان الدبـور=تكثر الغلطات وأسبـاب النـزاع ان تحملنا الزعل فـج الصـدور=وان تكلمنـا لنـا حـق الدفـاع كيف يترك كـل نبـاحٍ عقـور=تزعج العربان بحلـوقٍ وسـاع قامت الادياك تطمـع بالصقـور=والثعالب ما تهاب مـن السبـاع وش هدفكم يامخوشـة الجحـور=مدة الفاره على الافعى الـذراع والوضيع اللي عن الراي امحقور=صار له بالمجتمع منطـق وذاع كيف ينسى قيمته ماض العصور=يومها بالملـح والملحـه يبـاع كـل شــيٍ يامماليكمخـبـور=لم ربي شملكم عقـب الضيـاع في ظلال اللي لهم بالمجـد دور=الاسود اللي لهـم بالمجـد بـاع شبرهم زايد على كـل الشبـور=آل سعود اللي لهم امـرٍ مطـاع ضدهم مكسور باسـه ومعثـور=وارثين المجد من ليـثٍ شجـاع القصيدة الخامسة عشر:: انا اكتفيت بعز راسـي وربعـي=ماهو مخافـه يالسنافـي سكاتـي انا على مجـراي الاول وطبعـي=وفي حـال وفـي حـال عاتـي ليا عوى الذيب المناحـر لسبعـي=اقيس بالحاضر مـدى المقبلاتـي مااشر على هذا وهـذا بصبعـي=ولا انفخ على ذرعان جسمي لهاتي ولا اقول بالمنتوج نصفي وربعـي=ولا اقول انا ابو زيد ولا الزناتـي عن درع ابو عمار قانـع بقبعـي=وشرار ضوي مالفزه في عباتـي لو مادخل قولي نظر كـل تبعـي=تجوف الزول الغشيـش طعناتـي ماني غديرٍ يرشح القيـض نبعـي=انا من الصافي تصـدر رواتـي ولاني بحال اللي ضحكعقب شبعي=واصبح يحلل منطقـي وكلماتـي قانع بعرفي لو ضحككـل هبعـي=ناسٍ يحركهـا النسيـم لشماتـي ادامها مـن حلـق دبٍ وضبعـي=ادرجتهـا فـي سلـة المهملاتـي ?القصيدة السادسة عشر: البل عطايا الله اللي قدرهـا عالـي=سفن الصحاري سعدها في قوايمها تبي لهـا واحـدٍ يبذلهـا الغالـي=مثل (الفريحي)مـدللها ومكرمهـا ومثله رجالٍ تقدر حرش الاذيالـي=عن صالح الذود ما تبرد عزايمهـا واللي سجنها بشبكوقيـد وعقالـي=حقيقه إنه مهيـن البـل وظالمهـا تأكل بعضها زعل من قلة الوالـي=تصرّف اللي يهين الإبـل حطمهـا خص اللي حطها في شبكالاهمالـي=يومين عنها يغيب ويـوم يطعمهـا واللي يبي يعترض ويعارض امثالي=يرسل علّيـه تقاريـره ويحكمهـا وباتصرف معه في كل الاحوالـي=وأنا رجل ما اظلم العالم ولا اشتمها وعندي براهين تثبت كل الاقوالـي=ناسٍ تعرف الصحيح وناس اعلمها وانا تراي اعرف المخرج ومدخالي=والسالفه واضحه من دون أترجمها ومعنى القصيدة يخاطب ناس عقالي=ماودي الناس تغفل عـن بهايمهـا إن طاعوا الناس هذا اللي يورالـي=وإن عيت الناس مالي حق يلزمهـا وإن كان به واحدٍ رأيـه تصدالـي=يرسل لي الحجة البيضاء ويرسمها القصيده السابعه عشر: ياهل النياق اللي عليهـن تصكـون=من فضلكـم لا تسجنـون البهايـم ما فيـه داعـي للبهايـم تحبسـون=خلـو عطايـا الله تـذب الخرايـم ياليتكم عـن مشتراهـا تجـوزون=والا تبّعد عـن صطـول القمايـم امـا عطوهـا حقهـا لا تشحـون=والا اتركوهـا مالكـم بالظـلايـم بحقوقها اللـي واجبـه لا تعيـون=الله عطاهـا للصحـاري قـوايـم البل بها شجعان نجـد ايتعـزوون=اللـي وراهـا يجدعـون العمايـم مقدارها عند المناعيـر مضمـون=يـوم انهـا بيـن القبايـل غنايـم ليت الذي تحت المقابـر يشوفـون=اللي عن البـل جاهـدوا بالعزايـم عنها بميـدان المعـارك يهوشـون=يوم الرمكتعطـي هجـوم وهزايـم هذا وانا ما افرض على الناس قانون=وجهة نظر ما افرض عليهم لزايـم واللي عطوها حقهـا مـا يلامـون=بعنايـة البـل مالحقـهـم لـوايـم ?القصيدة الثامنة عشر:: الكريم اللي نزل عنـد البخيـل=ضايقه مايحتمـل فعـل الخيـار الكرم يصعب على الرجل الرذيل=ضعف نفسه عيّفه حسن الجـوار والكديش يهس عن شوط الاصيل=والصويتـي مايجاريـه الثبـار الجزيلـه مايحصلهـا الهزيـل=والتحـرص مايطّـول بالعمـار الردي مثل السراب بلا حصيـل=بالمثل قد الجحـش در الحمـار والتوبيع لا طلع ماسـال سيـل=والكرم كالغيث والبخـل الغبـار والجزالة مستوى الرجل النبيـل=والردى يمناه محسـوب اليسـار الرجوله سلّّمٍ صعـب وطويـل=يمنع الرديـان عنهـا الانهيـار ?القصيدة التاسعة عشر:: (يابو حسن) غشام ماهو على الكيف=عيّا يحـول لـو ربطنـا الحمامـه يقـول ابقعـد بالهضـاب المقاييـف=قد هـج منـي ماحسـب بالسلامـه يقـول ابقعـد بالبـراد الهفاهـيـف=اخير مـن قصـرٍ عليّـه اردامـه مبرقعٍ راسـي ومربـوط ومخيـف=ولاشفت عنـدك يالحويفـي كرامـه بالبر انتـف ناعـم الريـش تنتيـف=آكل طري الهبر واتـرك اعظامـه وعندك على جلمد بعيرٍ تقـل ليـف=ياخـذ بحلقـي شدتـيـنٍ وقـامـه والبق ياخـذ لـه عليّـه تصانيـف=وحتى الدجاج يهوزني بـه حدامـه ياطير تكـذب يـاردي المعاريـف=ماجـاك منّـا يالمفضّـح مـلامـه غداك من هبر البكـار المشاعيـف=اللي كبـر رجـم (النميري)سنامـه مرباعها خضر الفيـاض المطانيـف=ترعى من (الشملي) ليا خشم (رامه) انشد (عريفج) يوم احسب المصاريف=شهـد ووقـع لـي ببسـرة بهامـه واجبك نركض به مثل واجب الضيف=لا واخسـارة حذفـتـي للعمـامـه ?القصيدة العشرون:: لو كل رجلٍ ينقـل الطيـر صقـار=كـان الصقـاره ماتغيـر سنعهـا مير الصقاره تختلف فيها الافكـار=وهذا سبب عيب الطيور ووجعهـا الطير له عنـد الصقاقيـر مقـدار=عند الرجال اللـي حقيقـه ولعهـا وإلا الغشيم يخلـي الطيـر بـوار=يشري من العالـم ويدمـر سلعهـا ولا تامنه لا يشوي الصقـر بالنـار=كلمة (مثل) كـلٍ بسمعـه سمعهـا يقوله اللي ماذكـر شـي ماصـار=ابيـات موجـز للجريـدة دفعهـا توجهت لمراقـب الشعـر مسيـار=امـا نشرهـا صـح وإلا منعهـا واللي يبي يأخذ مع الوضع مشوار=يمكـن يجاريهـا وينسـاق معهـا وتصير وجهة رأي مابيـن شعـار=واهداف موضوع القصيده جمعهـا وان كان ماناسب هدفها للاحـرار=صارت يتيمـه مستواهـا قطعهـا اخطت هدفها واختفت عنها الانظار=واللي درس موضوعهـا مارفعهـا وكان اعترضها من هلّ الشعربيطار=يعيش من شاف الفتـوق ورقعهـا ?القصيدة الحادية وعشرين:: ياطير يوم اشريك من حـر مالـي=ابغى الشبب بأسفل شغايا (غنيجـان) جسمك كبير وجوهر القلـب خالـي=مأنته مثـل ماقـال ليّـه (بعيجـان) ليا نطت الارنب يصيبـك اجفالـي=خسران من يرجي العشاء منك خسران يقـول لا جـاء بالمجالـس مجالـيا=ستر علـي الله يجازيـك باحسـان اوصلني الشعبـان واطلـق حبالـي=بأرضٍ بها حروة جـراذي وفيـران ماريـد شـوف ام الآذان الطوالـي=اللي صفار عيونهـا تقـل حـوذان واما الحباري مابهـن لـي مدالـي=ويطير قلبي مـن عيـون الكـروان مير اترك الموضوع واستر خمالـي=الله يخلـي لـك محمـد وسلـمـان قلت انثبـر لامـا تهـب الشمالـي=تقلعك عني يـم صنعـاء ونجـران ما للـردي عنـدي مقـام وجلالـي=لا صار ماتفعل مثل فعل (راكـان) اللي مضى وانتـه مخاشـر عيالـي=اقطع لك الهبرة وهم بـس عظمـان مـن اولٍ عنـدي حشيـمٍ وغالـي=واليوم قـدرك عندنـا مثـل (....) القصيدة الثانية والعشرين:: لا شفت لك مغرور يضحك على الناس=تـراه مايسـوى المغـفـل لبـاسـه لا تمنعـه شيمـه ولا يمنعـه بـاس=بعض العقول يصيـر فيهـا التماسـه يرى بنفسـه مثـل عنتـر وجسـاس=وعند المره مايقطـع السيـف راسـه ولو الرجوله وزنهـا قـدر وقيـاس=مـازاد عـن مثـقـال ذره قيـاسـه من غرته نفسه حصد زرع الأفـلاس=الـزود ينقـص لا يغـره احساسـه والكبر للي قدرتـه تحيـي الانفـاس=عـلاّم مابصـدور جـنـه ونـاسـه النـاس تفرقهـا الطبايـع والاجنـاس=فيهـم سبـاع وبــالاوادم بسـاسـه المجد للـي سمعتـه ترفـع الـراس=وإلا الـردي فرعـه يعـوّد لساسـه كثر التجارب بينن غيـب الارمـاس=وعرفت مثمون الذهب مـن نحاسـه عليك بالطيب ليـا صـرت عسـاس=طلق الحجـاج اللـي بقربـه وناسـه اللي ليا مسك مـن الوقـت مسـاس=ينعشك مـن طيـب المـروه وباسـه وإلا الردي لو شام للطيـب ينحـاس=الطيـب كايـد مايجـي بالطفـاسـه ?القصيدة الثالثة والعشرين:: عندي مثايل عسل وامثـال مسمومـه=هذا وانـا اقّّـدر الطيـب وميزاتـه بعض الرجاجيل لا يعجبـك بعلومـه=ان عشت وان مات ماينقص قراباتـه يقصر على العرف والمعروف مفهومه=فحـل مـره زول لا وده ولا هـاتـه والناس تعرف طيور الصيد والبومـه=والطيب تعـرف رجاجيلـه وحزاتـه المرجله بين كـل النـاس مقسومـه=إلا الـذي ماتطـول الجـود هقواتـه هذاك نفسه مـن التقديـر محرومـه=محدود رزقه علـى بطنـه ومخباتـه شهامته من صميم الـراس معدومـه=الله يمـحـق تقالـيـده وعـاداتــه لا صار يجهل مجال الطيب وسلومـه=احسن يغمض على مافيـه بااسكاتـه يغر مـن لا يعرفـه وسـع حلقومـه=جعل الدركتر يضفـه بيـن ويلاتـه لا صار ماياصل اهل الحق ولحومـه=قدره وماله تحـت رجليـه واحذاتـه ?القصيدة الرابعة والعشرين: يانـاس بالعـادات شفنـا الغـيـاره=رخص الشرف والطيش دقت طبوله بعض شباب اليـوم ضيـع وقـاره=خص الذي درب المعاصـي ميولـه مايفهـم اللـي ينفعـه مـن دمـاره=ولا يحتـرم دينـه وملـة رسولـه يعوم طول الليـل فـي كـل حـاره=مابه شـرف دنيـا ولابـه رجولـه يفرض على نفسه اسلـوب الحقـاره=ومن شان فعله مانفـع زيـن زولـه على الخنـا يسهـر ويرقـد نهـاره=وأمـه وأبـوه مضيقتهـم فعـولـه عقله ضعيـف ويدّعـي بالشطـاره=ولـه شلـةٍ لا مـرهـم صفقـولـه من بينهم معروف رمـز الأشـاره=وان طافهم مـا شافهـم صفرولـه سلـك التفاهـم بينهـم والعـيـاره=الفـاظ تنفاهـا النفـوس الخجولـة قالـوا تعـال وكلهـم بانتـظـاره=نبي لنا مـع هجعـة النـاس جولـه خسـارة ياكبرهـا مـن خـسـاره=ليـا عـوّد البالـغ لعقـل الطفولـة واستثني اللي نهج درب الاخياره =كارهالمستقيـم اللـي نزيهـه اسبـولـه اللي مع الطـرق السليمـه مسـاره=حافـظ مبـادي سمعتـه والحمولـه العقـل والديـن الحنيفـي شعـاره=وجيران بيته بالصلاة اشهـدوا لـه ?القصيدة الخامس والعشرين لا تـازن الرجّـال لا شفـت زولـه=وزن الرجال اعقولها يافتى الجـود دلايـل الرجـال فعـلـه وقـولـه=تحكم عليه بمنطقـه علـم موكـود ماينفـع الرجـال جسمـه وطولـه=لا صار مايدري عن النقص والزود كسب المعالـي مايجـي بالسهولـه=يصعب على اللي مايجامل على الكود المجـد عشـاق الكسـل ماينولـه=دربه على اللي يجهل الطيب مسدود وحفظ الشرف مبدا صفات الرجولـه=والمتزن ماهـو علـى درب منقـود ومرافق الجهـال يابـن الحمولـه=نقصٍ على السمعه وتعقيد وعقـود كـلٍ جليسـه يقتـدي فـي فعولـه=المعتدل واللي عن الخيـر مصـدود ومع الأسف بعض العقول معزولـه=ماتقـل بالدنيـا لهـم رب معبـود ماخافوا المولى وطاعـوا رسولـها=للي لـه العبّـاد خشّـاع وسجـود ماحسّبـوا يـومٍ حسابـه وهولـه=يشيب رأس اللي هكاليـوم مولـود يطـرق منافيـذ الخوافـق ذهولـه=يوم الحساب اللي به العبد موعـود بأخر نفس لا نوخـت بـه ذلولـه=التفاهـم بيـن ناشـد ومنـشـود عند الضريح أخـر محطـه نزولـه=النفس تصعد والجسد مرتـع الـدود يأهل العقول المبصـرات أحسبولـه=ترى الحياة بلا عمـل مابهـا فـود اعمل عمل واطلب مـن الله قبولـه=منهج طريق الخير واضح ومحمـود دامـك نشيـط وكـل شـئٍ تنولـه=ترى السفر له حد والعمـر محـدود القصيدة السادس والعشرين::ا لجاهل اللي ضحك له واحدٍ هكـه=يمـس نباطتـه ويقـول بازوكـه مافيه داعي لسوء الظـن والشكـه=وافكار من معدن القصدير مسبوكه اللي ظنونه من الاوهـام منزكـه=نفسه لشيطانها تخضـع ومملوكـه يالله ياللي وضعت البيت في مكـه=انك تسلط علـى النمـام وسلوكـه اللي يجّمع كـلام النـاس ويعكـه=من سوء ظنه ينوبه ريب وشكوكه يطرق لسانٍ من العـدوان مافكـه=نعارته في نحاء الاجناب مفروكـه عوجاء عدوه تدقه نطـح وتشكـه=وان وقعت في صميمه قال مبروكه وعلى الرفاقه يحد الموس ويحكـه=كلمة صديقه يحلل وضعها شوكـه وان ميزت هيئة التمييز في صكـه=ماله وثايق من المعقول منسوكـه نفسه خفيفه مع الداكـوك لا دكـه=ومشارك اللي يبيع العلك بعلوكـه قصده يكافخ صدى الهوجاس لا تكه=وذكراه عن طاعة المعبود ممسوكه ?القصيدة السابعة والعشرين:: يالواشـي الله لا يسـنـع سنـوعـك=فرقت شمـل بحينـا كـان مجمـوع ياللي تبجـح فـي بهـاك وميوعـك=يامرتدي نوعٍ مـن الزيـف مصنـوع مغرور يمكن مايجـي سبـر بوعـك=ياسبع ياللي تدعـي وانـت مسبـوع وزنك خفيـف وكـل شـيٍ يروعـك=بين الطيور الجارحـه تقـل جربـوع قاسـي وليّـن للقسـاوي خضوعـك=جنبك كبير بلا غضاريـف وضلـوع مهمـا تحـاول بالبلاغـه طلـوعـك=حبلـك معقـد لـو تمـده مقـطـوع اترك صدوع الناس عالـج صدوعـك=ياللي تلف الـراس والذيـل مقشـوع وان كان ماغيـرت سيـرة طبوعـك=سمعك عن التوجيه والنصح مطبـوع ياللي تمثل مـن هـل الخيـر نوعـك=وانته تقـول لفاعـل الخيـر ممنـوع تبي تحصـد اثمـار ناتـج ضلوعـك=واللي يودك نجدتـه حـزن ودمـوع راجع ضميرك قبل تطفـي شموعـك=تحت الثراء يسعى بك الدود مجضوع عريان تلقى عقـب الانعـام جوعـك=عطشان ماتملك من المـاي قرطـوع ساعة بهـا تقديـر كفـرك وطوعـك=آخـر دقيقـه ينتهـي كـل مشـروع الحـق باظفـار المنـيـه يلـوعـك=بارخص رخيص تلف والثوب مخلوع جف القلم واللي بقـى مـن متوعـك=حنزط ينشب فـي لواحيـك وتـزوع فـي ساعـةٍ ماينفعونـك فـزوعـك=لو لبسوا الفرسـان خـوذات ودروع لو مسحـوك بدمعـةٍ مـن دموعـك=ما انته على الدنيـا مخلـد ومرجـوع مضمون من بعـد طيرانـك وقوعـك=يا اللي نسجت من اهزل النكث قنصوع ?القصيدة الثامنة والعشرين: حنـا كـلام الـزور مانكتسبـه=ونساير العالم حسـب مستواهـا والرزق عند اللي خلق نوح وأبه=علام ماتبدي الصـدور وخفاهـا والهرج بالغياب من غيـر سبـه=كلمة سخيفـه والفشـل منتهاهـا والرجل واجب بالكـرام يتشبـه=والناس واضح طيبها من رداهـا الشخص جسم وثوب والعقل لبّـه=وليا جهلت بنـاس قيّـس نباهـا نطق اللسان اكبـر دليـلٍ ينبـه=ينبيك عن نقص العقول ووفاهـا وعمى القلوب هيام مفقود طبـه=وعمى العيون يجوز يلقى دواهـا من صارع الدنيا دخل لـه بغبـ=هسباحها يخشى شواذيـب ماهـا فيها نوايع جنـد سبحـان ربـه=اللي رفع سبـعٍ وسبـعٍ دحاهـا سبحان من يخرج من الزرع حبه=وأخرج من الما كل روح وسقاها والشعر زين وشين كـلٍ لعبـه=مثل الضريبه من تسلـح رماهـا أحدٍ ليا سدد على الـزول ذبـه=واحدٍ يثورها وهـو مـا قداهـا ولا أأحدٍ يشوف قصور فيما خطبه=كـلٍ بقولـه يفتخـر ويتبـاهـا وجهت معنايه لشخـصٍ مانبـه=رجّال فاهم جابتـي وش نحاهـا رجلٍ عن المنقود في راس تبـه=يحفظ كرامة سمعتـه ويحماهـا ماهوب مغرورٍ غروره نصبـه=عشاق عميا عند وجهـه قفاهـا يجي لها باللـي عشقهـا مغبـه=والا النشامـا ماتخثـع أخطاهـا وراع النميمـة لا تداريـه هبـه=خله يـروح بكلمتـه ماحكاهـا ?القصيدة التاسعة والعشرين: يابو فهـد قلبـي تقـل فيـه لحـام=كنه براس التـاج تكـوى عروقـه أسباب طيرٍ مات والنـاس صيـام=بآخر شهر تسعـه طوينـا سبوقـه النادر اللي يعجـب العيـن لاحـام=يازين تنجيمـه ومأزيـن اخفوقـه صيروم لا حوّل على الخرب جزام=وان طار واقفى عن نويّـه يعوقـه عز الله اني ضايـقٍ عقـب غنـام=آلحق على القلب المولـع حروقـه ان ماحصلي سجـةٍ مثلـي العـام=اخـذ بيـن الصقاقـيـر روقــه لا كان مدري عـن مقابيـل الايـام=يا الله عسى حظي تساعـد وفوقـه أنا غرامـي شقـة النـور مجهـام=الفجرلا قفى الليـل نـوره يسوقـه لا طاب نوم اللي ليـا نـام ماقـام=اكبر ضحى ياكـل غـداه وريوقـه يسهر على البيلوت وفنون الانغـام=وكشف البروق اللامعـه مايشوقـه ما لايعه لكم الصحـاري بالاقـدام=ولا احفت ذعاذيع الهبايب رموقـه ما هو بمثلي بيـن عـاذل ولـوام=من شان نفسي للضقـاره عشوقـه قلبي لشرسـات القرانيـس مريـام=اللي لهن بيـض الدواغـر علوقـه هذا غرامي لو تجي لـي بـاالأولام=مالي هدف وش باع وشلون سوقـه اليا قطعـت (البتر)وعروق(لـزّام)=ضاعت همومٍ بالضميـر مخنوقـه في ديرةٍ مابـه مـزارع ومرسـام=بين (الخرم)و(الهوج)و(اشعاف لوقه) مع ربعةٍ نقـوة شغاميـم وحشـام=وخويهم يحشـم ويعطـى حقـوقه الكـل منهـم بالمواجيـب مقـدام=نفسه على فعـل المراجـل سبوقـه كل ابلجٍ يعجـب مقامـه ليـا قـام=مستارثٍ طيب النبـا مـن عموقـه ماهـو لغـاوي ولا هـو بشـتـام=صدره وسيع وزين الاخلاق ذوقـه ?القصيدة الثلاثين:: كلٍ شراء له طيـر ويقـال صقـار=غشيـم والا عــارفٍ للصـقـاره غامر وطامر مع مسافـات واديـار=مع فّـرع الوديـان يكثـح غبـاره يدبك على الحروة وترويج الاذكـار=امـا الضحـى والا تليّـة نـهـاره واكثرهم اللـي ماتوفـق بالاسفـار=لا صـاد صيـد ولا ترّيـح بـداره هـذا وانـا معهـم مسنّـد وحـدار=والطيـر زاوي مربطـه بالغمـاره يومٍ مع الصحرا ويـومٍ مـع القـار=ونعطي على مصباح الارنب بشاره وناخذ مع الجره مسافـه ومشـوار=ومن خوف لا تجحر نسد الجحـاره كل النهار نحوس وندوس الاشجـار=من حرصنا ناطا الشجـو الحجـاره اثر الولع حكمه على النـاس جبـار=راعيـه ماتشكـل عليـه الخسـاره خص الي لهم بيض الدواغر لهم كار=وقت القنـص ماحسبـوا للتجـاره قبل صلاة الفجـر قـد شبـوا نـار=والصبـح تالـي ليلهـم بأنتظـاره وليا اصبحوا كلٍ نـوى درب دوار=قبل شعاع الشمس يكشـف حمـاره وعند الحراوي طلعوا عكف الاظفار=اللي على بيض الدواغـر سعـاره اللي لهن عنـد الصقاقيـر مقـدار=فيهن على الخرب المخيش جبـاره خص الذي بمصارع الخرب حشـار=يدلي على الخرب النشيط بشطـاره   آخر تعديل قليب الذيب يوم
15-07-2011 في 08:12 AM.  |
|
09-09-2010, 08:27 AM
| #2 (permalink) | |
|
عضو برونزي
روحــي امآرآتيه وقلبي فـزآعي 
 |  رد: قصايد على كيف كيفك لـ(بدر الحويفي الحربي) صصح لسسسآنه تسسسلمين ع النقل حبووبهـ | |
 لستُ وحيدة ، فأنت لم تفارقني حتى الآن , أنت تسكنني أبداً .. و لستُ حزينة ، فـ صوتك مازال يدوي فيَّ إنما أنا متعبة فقط .! أحاول أنّ أنفصل عن العالم دونما فائدة .. ليت لي أن أرسم كوناً يشبهك .. ليت لي أن أعرف كيف أقترف البياض مثلك .. ليت لي أن أطمس كل ما حولي إلا ذكراك .. لا أريد أنّ أسمعهم ، لا أريد أن يعكروا انشطاري .. لهم الجسد .. لهم الملموس مني ، و لي مخيلتي و ذكراك |
|
10-09-2010, 05:01 AM
| #3 (permalink) | |
|
عضو في فريق فزاع قروب فزاع للترحيب والتشجيع
| رد: قصايد على كيف كيفك لـ(بدر الحويفي الحربي) السلام عليكم و رحمة الله و بركاته أخي لو سمحت أعد تنسيــــــــق موضوعك | |
| الله لا يفرقنا ("زهرة الربيع"  ام هاشم )
•
عبد العزيز العروي صار حكاواتي المنتدى • تعرفوا على تونس قديما و حديثا • يـــــــــــوجد في تونس فقط ~ made in tunisia ( الجزء الثاني ) |
 |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
المواضيع المتشابهه |
|---|
| الموضوع | كاتب الموضوع | المنتدى | مشاركات | آخر مشاركة |
|---|---|---|---|---|
| برامج / دمج مقاطع (أغاني +قصايد )+ قص مقاطع (أغاني +قصايد ) + تسريع | بدويهـ وكلي غرور | عالم الكمبيوتر والبرامج | 1 | 05-08-2009 05:05 PM |
