22-09-2010, 01:56 PM
| ||||||||||||
| ||||||||||||
 وحـــدي فــي عالمــي الـــوردي بــسم الله الــرحمن الــرحيم  تاريخ : 2010/9/22 الساعه : 1:56 تم قص شريط افتتاح مدونتي اتمنى انها تنال اعجابكم ورضاكم واتقبل تعليقاتكم ونقاشاتكم على الخاص طبعا     |
|
22-09-2010, 02:09 PM
| #2 (permalink) | |
|
V.I.P 
 |  رد: وحـــدي فــي عالمــي الـــوردي اعرفكم بنفسي أكثر أسمي الثلاثي : تدلل يآخر العنقود ^^ تاريخ ميلادي : 1988/10/19 المهنه : طالبه جامعيه وخريجه ان شاء الله , أدرس Visual media الاشياء الي احبها : طبعا الوردي عشقي , القطاااوه , احب البحر واااااااايد , وأحب الهدووء والرومانسية الاشياء الي أكرهها : البيض , البصل , الفوضى , الجذب , ظن السوء , العصبية وان شاء الله بتعرفون عني وااااايد اشيا من مدونتي ^^ | |
| |
|
22-09-2010, 02:40 PM
| #3 (permalink) | |
|
V.I.P
| رد: وحـــدي فــي عالمــي الـــوردي فكرت قبل ان اسويلي مدونه , خاصه لاني في كليه الاعلام وكل سنه في جامعتنا يسون ملتقى التدوين على مستوى دول الخليج ويشجعون واايد على التدوين ويوزعون مدونات مجانيه ويكرمون افضل مدونه بس ماسويتلي مدونه لاني من النوع الي بسرعه انحبط لو محد قرا خاصه ان البدايه اتكون صعبه لان المدونه ماتكون معروفه اما في المنتدى الله يحفظ الاعضاء ماشالله عليهم وانا يالسه أكتب لكم أتذكرت دكتور جوزيف درسني Writing كان كل مره بدايه الكلاس يخلينا 5 دقايق نكتب عن الي استوالنا في اليوم كان يقولنا انه من هو صغير لين الحين كله يكتب يومياته على كراسه والحين واااااااايد عنده كراسات في مكتبته بس اخر كم سنه قام يكتبهم بالكمبيوتر ويسفهم في الفلاش نصحنا ان انسوي نفسه وقالنا حلوو يوم بتقرون سوالفكم مال قبل كم سنه بتشوفون كيف تفكيركم اتغير وبتضحكون على نفسكم وعلى فكره هو وااايد كان يحب كتاباتي ومواضيعي وكان دوم يشجعني الله يذكره بالخير | |
| |
|
22-09-2010, 03:30 PM
| #4 (permalink) | |
|
V.I.P
| رد: وحـــدي فــي عالمــي الـــوردي اليوم سووويت شي حلو واستانست عليه ^^ اليوم سرت الجامعه عشان احل مشكله مساق ابا اسجله >> لاني سجلت كل شي بالنت الا هالمساق سرت سوق الاسهم اقصد مبنى القبول والتسجيل ههه , ولازم اول شي آخذ رقم واتريا لين يطلع رقمي في الشاشه واي غرفه اسير واول ما وقفت عند الرسبشن وخذت الرقم من المشين اختي اتصلت , وهي دوم عندها افكار وخطط تبا اتسوي اشيا بس دايما خططها فاشله ههه وانا يالسه ارمسها ماحسيت بعمري ويلست في مكان الرسبشن ماكان في حد >> انا يوم ارمس في التلفون ما احس بعمري بس عقب كل شوي حد يي يسألني من طالبات وأولياء الامور عن مكان التسجيل , مكان المنح , الماليه ... الخ وانا اجاوبهم واختي قالتلي شسالفه ليش كل الناس يسألونج عقب انتبهت على المكان الي انا يالسه فيه , بس حبيت الشغله وسكرت عن اختي وكملت شغلي هههه لدرجه استوى زحمه جنه كانو يتريوون حد يسألونه , لان محد يالس عند الطاوله بس الحمدلله قدرت اساعدهم كلهم , لين طلع رقمي وسرت استانست من هالشي واتمنيت ان رقمي لو اتأخر أكثر عشان اتم اكثر حلوو ان الواحد يستغل وقت فراغه بشي يفيد غيره | |
| |
|
24-09-2010, 09:24 PM
| #5 (permalink) | |
|
V.I.P
| رد: وحـــدي فــي عالمــي الـــوردي امس سرت ويا اختي نادي السيدات >> اول مره تكون خططها ناجحه  لان من زمااااااان انا وهي خاطرنا نتسبح في البحر ومايستوي نتسبح في اي بحر لان طبعا في رياييل حلوووو كان الجو  يوم اتسبحت في البحر اتذكرت ايام الطفوووله كنا كل جمعه انسير البحر كنت احب اجمع الصدف الي لونهم وردي ^^ ومرات يوم كنا انسير كنت اعزم ربيعي ولد جيرانا ههه وانا وهو كنا نبني بيوت على الشاطئ  سبحان الله الواحد كل ما كبر لازم يحن لأيام الطفوووله ومادري ليش اي شي انسويه ونحن صغار يكون احلى بوااايد من يوم انسويه ونحن كبار | |
| |
|
27-09-2010, 01:53 AM
| #6 (permalink) | |
|
V.I.P
| رد: وحـــدي فــي عالمــي الـــوردي اليوم كان أول يوم دراسه في الجامعه من بعد إجاااازه طويله سرت الجامعه بس كان بعده شي وقت وايد لين يبدا كلاسي فأستغليت الوقت وتميت احط منكير , لان ماكان عندي وقت في البيت كنت محتاره بين هاللونين ,, شو رايكم اي وردي احلى هههه  المهم , عقب سرت اول كلاس كان عندي , بس كان فيني رقاااااااد >< بعد ماخلص الكلاس , كنت امشي ومرت بنت وسألتني , وين الكفتريا جان ادليها المكان , عرفت انها يديده واول سنه ذكرتني بنفسي قبل 4 سنوات كنت توني داشه الجامعه وخايفه وما ادل مكان واحس اني ظايعه في هالعالم الكبير اذكر اتصلت في امي وانا فيني صياح , حسيت كأني في أول يوم روضه وابا ارجع البيت كان يوم صعب بس في نفس الوقت حلووو وما انساه سبحان الله كيف الايام تركض والحين ان شاء الله بتخرج الله يوفق كل شخص دخل الحياه الجامعيه | |
| |
|
27-09-2010, 02:11 AM
| #7 (permalink) | |
|
V.I.P
| رد: وحـــدي فــي عالمــي الـــوردي في موقف استوالي اليوم أثر فيني وااااااااااايد عشان جي قلت بكتبه في رد بروحه بعد ماخلصت كلاسي الثاني كنت يالسه على الكراسي في كليتنا وفي بنت عنا مسكينه ماتشوف ( كفيفه ) >> تعتمد على العصا في المشي فهي كانت تتحسس بعصاتها عن مكان الكرسي عشان تيلس فأنا قمت عشان ايلسها وهي حست ان بيلسها مكاني , فقالتلي لا لا خلاص مابيلس انتي ايلسي وانا قتلها لا تعااالي بيلس عندج عادي في وايد كراسي يلست وياها , وتميت اسولف معاها عن الدراسه >> ماحب اجرح مشاعرها واسألها عن حالتها اكتشفت انها ماشالله عليها من المتفوقات وعرفت انها ماخذه مساق التصوير معاي في كلاس باجر فرحت انها بتكون معاي , بس نفس الوقت زعلت لاتي تميت افكر , مسكينه كيف بتصور >< وانا متشوووقه لباجر عشان اشوفها في الكلاس , وبقولكم اخبارها بس في شي صار زعلني وااااااااااايد وخلاني اغير رنة موبايلي لان يوم كنت معاها رن موبايلي وانا حاطه رنتي صوت قطوه والبنت مسكينه على بالها في قطوه صدق , وخافت وتعلقت فيني وانا قتلها لا لا تخافيني ها موبايلي , وحطيته على السايلنت بسرعه بس واااااااااايد اتضايقت من الي استوى , احس انحرجت وخافت >< على فكره , انا السمستر الي طاف اتعرفت على ربيعتها , وربيعتها بعد كفيفه ) = مرات افكر اقول حرااام كيف بيشوفون بعض او يمكن يكونون نفس المكان بس ولا وحده اتعرف عن الثانيه الله يعينهم مساكين بس احسهم مثال للتحدي والاصرار وانهم ما استسلم للأعاقه الله يوفقهم ان شاء الله | |
|
التعديل الأخير تم بواسطة تدلل يآخر العنقود ; 27-09-2010 الساعة 11:33 AM |
|
05-10-2010, 11:35 PM
| #8 (permalink) | |
|
V.I.P
| رد: وحـــدي فــي عالمــي الـــوردي اسمحولي من فتره ماكتبت لان ماستوى شي مميز عشان اكتبه بقولكم الي استوى اليوم من بدايه هالسمستر وانا ماشفت وحده من ربيعاتي في الجامعه فقلت اليوم لازم اتصل فيها واطمن عليها يوم رمستها انصدمت من الي قالتلي قالت انها مرضت فجأه وكله تتعب والحين بتوقف هالسمستر عشان اتسافر برع اتعالج مع انها كانت مسجله حق هالسمستر وكل شي بس سبحان الله ربنا كاتب كل شي , و الواحد مايعرف متى بيمرض مع ان هي ماشالله كانت بصحتها وعافيتها ومافيها شي اتضايجت وااااااااايد عشانها ومن مساعه وانا افكر فيها مب سهل ان الواحد فجأه يمرض , ويبدا سلسله العلاج ومب سهل ان الوحده اتوقف دراستها ويتأخر تخرجها الحمدلله على كل حال , وقدر الله ماشاء فعل بس هي طمنتني وقالتي ان حالتها بسيطه ان شاء الله ومافي شي خطير يحليلها استانست واااايد يوم اتصلت فيها وقالتلي شي , احس كلام كبير في حقي قالتي : ياريت كل البنات مثل طيبتج واخلاقج !! تميت افكر هل فعلا انا جي , او كل البنات الي هي صادفتهم مب زينات !! مسكينه والله الله يشافيها ويعافيها وان شاء الله ترجعلنا بالسلامه و ان شاء الله اتكمل دراستها بتفوق | |
| |
|
08-10-2010, 02:43 AM
| #9 (permalink) | |
|
V.I.P
| رد: وحـــدي فــي عالمــي الـــوردي امس استوى موقف انصدمت منه واايد امس سرت المول ويا اختي ودشينا محل فساتين وكنا نطالع وماعيبنا شي وطلعنا من المحل وكملنا الشوبنق وبعد نص ساعه تقريبا يا واحد هندي و وقفنا قالنا , انا اشتغل في محل الفساتين الي دشيتوه مساعه وانا بقولكم شي بس لاتخبرون الي معاي في المحل قالنا انا اسوي نفس هالفساتين الي شفتوهم في المحل وببيعلكم بسعر ارخص وايد اي وقت تبون اتصلو فيني وانا بيبلكم اي فستان تبوون اختي قالتله لا مانبا اي شي منك ولا نبا فساتينك قال انزين خلاص بس بلييز لاتخبرون علي اي حد في المحل روحنا عنه , بس انصدمت كيف جي يخون الامانه يشتغل في محل ويصرق موديلاتهم ويروح يبيعه على الناس بسعر ارخص ويحول الزباين عنده صدق في هالزمن محد يقدر يثق في حد | |
| |
|
28-01-2011, 02:01 AM
| #10 (permalink) | |
|
V.I.P
| رد: وحـــدي فــي عالمــي الـــوردي صبـــاح \ مســـاء الوردي اشتقتلكم واشتقت للمدونه ادري اني من زمااااااااااان ماكتبت تقريبا مر 3 شهور بسبب : _ بصراحه في البدايه قلت خلاص محد يقرى مابكتب >> زعلت لوول _ الفتره الي طافت انشغلت واااااايد وانضغطت بسبب مشروع التخرج >> بخبركم التفاصيل عنه عقب _ مرت علي ظروف ومواقف صعبه ماقدر اكتبها في المدونه احب اشكر كل من اهتمو للمدونه وطرشولي رسايل يطالبون بأستمرارها واليوم ييت ابا احط لكم اعلان مهم  الحمدلله على جميع النعم وياااارب انك اتمم فرحتي بتحقيق الي اتمناااااه ويارب انك اتيسر امري وتفرج همي وعقبال الجميييع يارب | |
| |
 |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
المواضيع المتشابهه |
|---|
| الموضوع | كاتب الموضوع | المنتدى | مشاركات | آخر مشاركة |
|---|---|---|---|---|
| صـــَور ɱşɴ للَــيَويلِ فـ ۿ ـــد سـِعـيِـد الرميـــِـــثَـي حصَـري | *ريانة بوظبي* | بطولات فزاع | 41 | 03-05-2009 04:26 PM |
| صـــووورة تــســبــبــت فــي انــتــحــاار مــصــورهــاا.!!!!!! | شيخة بنت أحمد | المواضيع المكررة | 32 | 08-02-2008 04:41 PM |
| جاني وانــا فــي وســط ربـعـي ونـاســي | :) مشاعر حالمه :) | قسم الشعر المنقول | 5 | 17-11-2007 02:56 AM |
| اصبـحـت فــي قـبـري ولابــه مـواسـي | الغلا محمد | قسم المحاولات الشعرية | 5 | 02-11-2007 01:43 PM |
