09-10-2010, 01:16 PM
| |||||||||||
| |||||||||||
 باركولي قررت اتزوج..  شاب قرر أن يكمل نصف دينه  وطلب من أمه أنها تدور له عن بنت تناسبه , الأم في ثواني بس تطرح امامه عشرات الفتيات فلانة بنت فلان فلانة قريبة فلان فلانة صديقة فلانة تختار وحدة منهن تروحون لبيتهم وتخطبها يوافق الأهل وتوافق البنت تحددون يوم لكتب الكتاب يجي الشيخ ويعقد بينكم الكل قاعد يباركلك هذا الزواج وأنت في قمة سعادتك وما أن يعلن الشيخ بأنك أصبحت زوجها حتى تبدأ بالتحليق في خيالك بزوجتك وبيت الزوجية ويوم الزفاف وليلة الدخلة والأولاد والبنت نفس الشي مجرد ما يبارك لها الجميع هذا الزواج وتسمع الزغاريد والتهاني ورغم خجلها الشديد إلا أنها لاتتوانى في التفكير في بعض الأمور ووسط هذه الفرحة والتي تغمر الجميع.. يسأل الشاب الأب.. الشاب/ عمي متى اشوف المدام العم/ الوقت اللي تبيه البنت صارت حليلتك الشاب / والإبتسامة واصلة لأذونه .. ممكن الحين ..؟ العم/ أكيد....ياخالد أزهم على اختك زوجها بيقعد معها الشاب من يسمع زوجها بيقعد معها...عاد حدث ولاحرج... المهم طلع الشاب في غرفة وجت زوجته وشافوا بعض ماصارت بينهم سوالف كلهم مستحين شلونك الحمدلله شلونك أنت الحمدلله طق طق طق ولا الأب داخل ..يالله يبه اطلع الجماعة برا بيباركون لك طلع الشاب وهومستانس لأنه متأمل بيرجع يشوفها مرة ثانية لكن عند مين .. جا اليوم الثاني والشاب طلب من الأب يحدد موعد علشان يوم التلبيسة حددوا اليوم لبسوا الخواتم والشاب ياعيني فرحان بيقعد مع زوجته لحالهم يادوب لبسها الخاتم إلا طلعوه لديوانية الرجال الشاب / ياعمي ياجماعة اقدر اقعد مع المدام شوي الأب / وش هالكلام وانا ابوك خل قعداتكم لبعد العرس الشاب / ياعمي لازم نقعد مع بعض نسولف نفهم بعض نتقرب من بعض الأب / والله ياولدي على دورنا الرجال مايشوف مرته غير يوم العرس الشاب / طيب ياعمي متى تحدد يوم العرس انا اقول خلينا آخر الشهر أنا جاهز الأب / وش آخر الشهر ليش مستعجل مافي زواج غير بعد سنة او سنتين لين تتعرفون على بعض زين الشاب/ طيب ياعمي شلون نتعرف على بعض وانت تقول خلوا قعداتكم لبعد العرس الأب / عندك التلفون كلمها وسولفوا للصبح طبعاً الشاب مضطر يوافق وبالفعل بدت المكالمات وبداية أول يومين كانوا يسولفون 12 ساعة هذا إذ كانوا مشغولين طبعاً وماعندهم وقت.. الأب ماعجبه حال البنت طول اليوم ماسكة الجوال وكل شوي منحاشة بلها زاوية مسك بنته وقالها من اليوم وطالع لاتكلمينه لين يجي يوم العرس والعرس بعد سنة...يعني بعد 12 شهر...يعني بعد ....واحسب وانت طالع لازيارات لامكالمات ... رغم انها زوجته ومن حقه يقعد معها وهو ماطلب منها شي غير السوالف بس الأب عنده قناعة إن شباب هاليومين لعابين الواحد يخطب البنت يقابلها كلمة من هنا كلمة من هناك لمسة من هنا و ..و...و... وبعدين تطيح الفاس بالراس والبنت تطلق والأب يحمل عارها طول عمره هذي الفكرة عند أغلب الشيبان وسمعنا قصص من هالنوع كثير مابالغت وماجبت شي من عندي لاتخلي بنتك تقعد مع زوجها لين يوم العرس طب إذا كان يوم العرس بعد سنة او سنتين من يوم الخطبة وش اللي يمنع أنهم يشوفون بعض..؟ طب شلون الأب يتطمن على بنته وأنها ماتغلط بشي قبل يوم العرس؟ وش الحدود اللي لازم يتقيد فيها الشاب إذا بيقابل زوجته في بيت ابوها..؟ والبنت يحق لها تطلع له بكامل زينتها ولاتتحجب وتطلع الوجه والكفين علشان ماتثير الزوج..؟ وبرايكم المدة او فترة الخطوبة إذا كانت طويله إجبارياً بسبب الظروف يحق للأب وقتها يمنع الزوجه عن زوجها..؟ والنظرة السيئة اللي ماخذينها شيبانا عن الشباب هل هي حقيقية وتنطبق ع الجميع..؟ وش هي الأسباب اللي تخلي الشباب يتصرفون بهالدناءة مع زوجاتهم ..؟ أتمنى التفاعل وإعطاء آراءكم بكل صراحة وأعتذر ماقدرت اختصر أسئلتي لأنها مهمة ومحتاجة لإجابات خاصةً للي مقبلين على الزواج...    |
|
09-10-2010, 01:38 PM
| #3 (permalink) | |
|
V.I.P :~عَمَيَدْ آلفلآسِفهْ~: 
 |  رد: باركولي قررت اتزوج.. اجاباتي طب إذا كان يوم العرس بعد سنة او سنتين من يوم الخطبة وش اللي يمنع أنهم يشوفون بعض..؟ ما اايد يكون الزواج بعد الخطوبه بهذه الفتره لان طولها قد يوجد نوع من الملل ! طب شلون الأب يتطمن على بنته وأنها ماتغلط بشي قبل يوم العرس؟ هنا يجب الرجوع للدين لانه خير ضامن ولذلك ليس للشاب غير النظره الشرعيه ويجلس معها في وجود محرم لانها ليست زوجته بعد لكي يختلي بها وش الحدود اللي لازم يتقيد فيها الشاب إذا بيقابل زوجته في بيت ابوها..؟ اذا كانت زوجته فعليه احترام اداب البيت اللذي هو فيه وان لايكثر بالزيارات ويصير مزعج ^_^ والبنت يحق لها تطلع له بكامل زينتها ولاتتحجب وتطلع الوجه والكفين علشان ماتثير الزوج..؟ دام زوجها ارى تطلع بزينه محتشمه يعني مو كاشفه تلبس شيئ مستور وجميل لانه زوجها وبرايكم المدة او فترة الخطوبة إذا كانت طويله إجبارياً بسبب الظروف يحق للأب وقتها يمنع الزوجه عن زوجها..؟ اختي انتي تخلطين بين الخطوبه والزواج كيف اذا كانت فتره الخطوبه طويله ( تقصدي هنا انهم مخطوبين بس ) هل يمنع الاب الزوجه عن زوجها ( وهنا تقولين متزوجين !) مافهمت السؤال ! والنظرة السيئة اللي ماخذينها شيبانا عن الشباب هل هي حقيقية وتنطبق ع الجميع..؟ ليس الجميع اكيد في المهذب وفي غيره وش هي الأسباب اللي تخلي بعض الشباب يتصرفون بهالدناءة مع زوجاتهم ..؟ سببين اما اسباب ترجع للشاب والاخر قد يكون بسبب الزوجه فبعضهن بتعاملهن تدفع الشاب الى التعامل بالمثل شكرا للطرح اختي | |
| |
|
09-10-2010, 01:42 PM
| #4 (permalink) | |
|
عضو متميز
| رد: باركولي قررت اتزوج.. .وبرايكم المدة او فترة الخطوبة إذا كانت طويله إجبارياً بسبب الظروف يحق للأب وقتها يمنع الزوجه عن زوجها..؟ صراحه يحق له لكن لفتره قصيرة مب طويلة وذلك لمصحة الطرفين .. والنظرة السيئة اللي ماخذينها شيبانا عن الشباب هل هي حقيقية وتنطبق ع الجميع..؟ نظره خاطئه وخاصة احين هالنظره منتشره بين الشواب ومب كل الشباب من ذا النووع .. وش هي الأسباب اللي تخلي الشباب يتصرفون بهالدناءة مع زوجاتهم ..؟ يمكن عدم حرص اهل البنت على البنت والولد ماخذ حريتة وايد معاها والمفروض انه تكون بينهم حدوود .. وهذا راي طبعاا بإنتظار آراء بقيه الأعضاء .. ويعطيج العافيه يااختي ع الموضووع .. . | |
| |
|
09-10-2010, 02:44 PM
| #5 (permalink) | ||
|
V.I.P
| رد: باركولي قررت اتزوج.. اقتباس:
اخي انا اقصد اذا كانت فترة الخطوبه اذا كانت طويله يعني لمدة سنه او سنتين ..؟ يحق للاب ان يمنع بنته من مكالمته او ان يراها..؟؟ وتسلم لي على مرورك لصفحتي.. وانا | ||
| |
|
09-10-2010, 03:19 PM
| #6 (permalink) | |
|
عضو مجتهد
| رد: باركولي قررت اتزوج.. شلون الأب يتطمن على بنته وأنها ماتغلط بشي قبل يوم العرس؟ يكون حريص على بنت انها ما تظهر كامل زينتها عند مقابلتها لزوجها ، ينبها ودائما ينصحها / وفي المقام الاول لازم يكون مختار الزوج الثقه لابنته . وش الحدود اللي لازم يتقيد فيها الشاب إذا بيقابل زوجته في بيت ابوها..؟ عليه انه يحترم حرمة البيت الي قاعد فيه ، ويقيد نفسه بحدود في تعامله مع خطيبته ولا يتهور ويحط ف باله دائما انه يريد الستر له ولزوجته والبنت يحق لها تطلع له بكامل زينتها ولاتتحجب وتطلع الوجه والكفين علشان ماتثير الزوج..؟ ممكن انها تتزين لكن ما تظهرله بكل زينتها بما انها ما زوجته او في بيته وبرايكم المدة او فترة الخطوبة إذا كانت طويله إجبارياً بسبب الظروف يحق للأب وقتها يمنع الزوجه عن زوجها..؟ لا طبعا ما يحقله الا اذا كان في مخالفة للدين والعادات والتقاليد من قبل الزوج والنظرة السيئة اللي ماخذينها شيبانا عن الشباب هل هي حقيقية وتنطبق ع الجميع..؟ لا لا لا ماتنطبق على جميع الشباب ، في شباب ما شاء الله عليهم محترمين وطالبين العفه وفي شباب انفسهم مريضه ودنيه وش هي الأسباب اللي تخلي الشباب يتصرفون بهالدناءة مع زوجاتهم ..؟ انفسهم مريضه ، البشاعه ، الانتقام ، البطاله | |
| |
 |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
المواضيع المتشابهه |
|---|
| الموضوع | كاتب الموضوع | المنتدى | مشاركات | آخر مشاركة |
|---|---|---|---|---|
| قررت الرحيل | (كوني كل ذكرياتي) | أقلام ناشئة | 6 | 02-12-2009 11:40 PM |
| آسف فإني قررت الرحيل | مغربي و افتخر | اقلام مضيئه | 3 | 20-11-2009 05:47 PM |
| ... صوري و المعــاق و النتـ ..!! | * هـمـس الـمشـاعـر * | قسم المحاولات الأدبية | 11 | 15-11-2008 01:24 PM |
| ابي اتزوج ..ابي اعرس .. مالي خص | ضنحانيه وبس | قسم المواضيع الفكاهية والترفيهية | 4 | 21-06-2008 11:06 PM |
| لاااااااااااااااا مابي اتزوج مطوع انا اتزوج مطوع | غرشوب زايد | المواضيع المكررة | 9 | 02-08-2007 08:15 PM |
