23-10-2010, 07:27 PM
| ||||||||||||
| ||||||||||||
 . . { حُبڪِ ڛْڪـטּ ڪِل آلنـَﯙآحيـﮱ ؛ ﯙأصـَبِح غ’ـدىــﮱ دَميـﮱ و آلعْ ـرﯚقً . . !* آلسلآمً عليڪمً ۉرحمَـﮧ آللـﮧ ۉبرڪآٿـﮧ. . أم عبد الله : بس يا عايشه عندج بنت محمد سالم وبنت منصور سعيد وبنت راشد سعيد وبنات الأهل (قصدها بنتها ) ورحتي ع ...يسعَدليــہ صبآحڪمَ/مَسآإڪمً .. بڪل خييرِوبرڪــہ. . ~ شحَآلڪمَ ؟! .. عسآڪمَ بخيرِ وسهآلــہ ؟! . : آلمَووهييمَ . . حبيت آعرض لڪمَ قصتـي آلثآلـثــﮧ . . : . . { حُبڪِ ڛْڪـטּ ڪِل آلنـَﯙآحيـﮱ ؛ ﯙأصـَبِح غ’ـدىــﮱ دَميـﮱ و آلعْ ـرﯚقً . . !* هند : بس يا حمد ....... حمد يقاطعها : أسف يا هند ما أقدر أكمل معاج !! هند تصيح : بس أنت تعرف أنك كل شي ف حياتي ، أنت أمي وأبوي وأخوي أنت نسمت هواي حمد يجذب : أدري يا حبي .. والله أدري بس الوالدة مصره تزوجني هند : بس أنت وعدتني أنك بتاخذني !! حمد : هند حاولت بس الوالدة مصره تزوجني اللي اختارتها بنفسها .. خلاص حبي أنسي وشوفي حياتج وأنا بعد بشوف حياتي .. لو أن حياتي بدونج مالها طعم هند : بس .. حمد يقاطعه شافها زودتها : خلاص هند كل واحد يشوف حياته عسى الله يرزقج واحد أحسن مني هند : أنا ما أبا غيرك .. ما أبا غيرك .. أباك أنت حمد خلاص زهق : خلاص حياتي قطعتي قلبي .. تعرفين كل شي قسمه ونصيب هند ما قدرت تستحمل سكرت الخط حمد يرمس ربيعه : أفففففف ما بغت خالد : هههههه زين ما رحت ترفسها شوف ويهك حمد : صدق لصقه .. زين أفتكيت منها خالد : ههههه عيل خلنا نحوط عسى نشوف صيده حلوه حمد : مشينا " حمد عمره 25 سنة مغازلجي يحب يلعب ع البنات ويوم يمل منهن يفرهن شرات فرت الكلاب .. وهو من عايله معروفه .. أما عن صفاته هو طيوب وحبوب وعليه سوالف صفته الشينه إذ عصب محد يقدر يرمسه وساعتهاا مايعرف حد جدامه " أما " خالد صديق عمره من الطفوله .. وخالد أكثر واحد فاهم حمد " خالد حس أنه حمد فيه شي : حمد حمد : ...... خالد : حمد حمــــــــد حمد : شو فيك فضحتنا !! خالد : ما أدري شفيك من سكرت عن البنت وأنت سرحان وما من عوايدك إذ شفت وحده حلوه تودرها ف حالها وما شاء اليوم الغراشيب ف كل مكان حمد : ما فيني شي خالد : ألعبها ع ياركم مب أنا .. أنا خلووود خويك إذا ما بتقول لي بتقول لمنو حمد ما قدر يكتم ع خالد يعرفه ما بخليه ف حاله : تبا الصراحه ما أدري أحس بذنب بالي سويته !! خالد : ليش شو سويت !! حمد : لاني ودرت هند !! خالد : أعتقد هاي مب أول وحده ولا أخر وحده حمد : صح .. بس هاي أنا أكثر وحده تميت وياها تخيل 4 سنوات و مب شرات البنات اللي عرفتهن خالد : عيل ليش ودرتها !! حمد : حسيت أنها تعلقت فيني وايد وما حبيت أجذب عليها وايد خالد : قصدك حبيتها حمد : شووو حبيتها أنت نسيت منو أنا .. أنا حمد أنحب ولا أحب خالد : عيل مدام ما تحبها ليش تفكر فيها !! حمد : لا ولا شي بس صاعبه علي حسيتها صدق حبتني .. لاني أنا ركضت وراها وهي ما عطتني فيس وحلفت ما خليها ركضت وراها شهرين لين ما وصلت ليها .. خالد : والله أنك غريب حمد سكت ولا علق قعد يشوف الرايح والياي وخالد يلعب بفونه وفجأه : خلــــــــوود خالد : بسم الله شفيك خوفتني !! حمد يوقف ويمط خالد من إيده : خالد قوم سرعـــــه خالد يبطل إيد حمد : بطل إيدك عورتني .. وبعدين شفيك جنك ذيب شايف فريسته حمد : إلا فريسه ما تتعوض . . . بعد مرور الوقت كانت روضة قاعده ف الصاله تشوف التي في دخل عليها حمد حمد : السلام عليكم روضة : وعليكم السلام .. زين شفت حد حمد قعد حذال أخته : ليش وينهم عنج ما شوف حد !! روضة : ما اعرف قمت من النوم وما حصلت حد حمد : بسم الله ليش توج قاعده من النوم !! روضة : لا بعد صلاه المغرب محد قومني تعرف يايه من الجامعه وكنت تعبانه عقيت عمري ع الفراش .. يوم قمت ما شفت حد حمد : ليش وين أمي !! روضة : سألت الخدامه قالت راحت العرس حمد : أها عيل وين مرت حمدان عنج ومرت أحمد ( أحمد ساكن ف بيت الوالد أما حمدان ف بيته حذال بيت أبوه .. بس كل عاده مرت حمدان تكون عندهم ف هالوقت ) روضة تبدل ف القنوات : أحمد ومرته رايحين بيت أهل مرته و حمدا طالع معا مرته يتعشى حمد : عيل وين حمود روضة : تعشى ونام حمد : فديته مشتاق ليه مووت حمد يرن فونه : أنا أستاذن بروح غرفتي روضة : هاي بعد من أي شارع لاقطنها حمد : روضة أحترمي نفسج .. هذا ربيعي روضة سكتت وطنشته ماحبت تدخل ف جدال بعدها بدقايق دخلت أمها أم حمدان : السلام عليكم روضة : وعليكم السلام .. ليش تأخرتي !! أم حمدان : نعم ليش أصغر عيالج .. وأنا ما أعرف روضة : أفا الغاليه .. بس مليت من القعده بروحي أم حمدان: عيل وينهم عنج حريم خوانج روضة : أحمد ومرته رايحين بيت أهل مرته و حمدان طالع مع مرته يتعشى .. وانا قاعدة بروحي أم حمدان : عيل وين حمد ما رجع روضة بقهر : امبلا رجع قبل شوي أم حمدان : عيل ما شوفه روضة : دخل غرفته أم حمدان : عيل بروح أشوفه روضة بفضول : ليش !! أم حمدان : وأنتي شو لج روضة : أفاا ماما نسيتي أني بنتج الوحيده أم حمدان بحزن : ليش نسيتي ريم روضة : ريم الله يرحمها .. ( روضة حست أنها ذكرتها بريم ) ماما إذ تبين حمد لحقي عليه قبل لا ينام ! أم حمدان تقوم : عيل بروح أشوفه راحت أم حمدان غرفت حمد دقت الباب .. حمد يرمس بالفون : لحظه .. منو ! أم حمدان : أنا أمك حمد : حبي الحين بخليج الوالدة ع الباب .. مع السلامه حمد يقوم يبطل الباب وراح باسها ع راسها : هلا والله بالغاليه أم حمدان : هلا حبيبي حمد : شحالج ماما ! أم حمدان : بخير فديتك .. شو بوقف ع الباب حمد يمسك إيد أمه جنها الأميرة ويفسح ليها تمشي : أفا الغاليه تفضلي أم حمدان تسحب إيدها : شو هاااا .. أنا مب ياهله جذا تسوى حمد يضحك ع أمه : أفا من قال أنج ياهل أم حمدان قعدت ع السرير وتجابل حمد : حمد أقعد بغيتك بسالفه !! حمد يقعد : الله يعين .. أكيد توج شايفه عروس يديده وأنا مب موافق أم حمدان : حمد أنت مب صغير اللي كبرك عرسوا وعندهم عيال وأحمد ...... حمد يقطع كلام أمه : وأحمد أصغر منك عرس وعنده ولد عمره 5 شهور .. وأنت كبير وأنا حابه أشوف عيالك .. والزواج ستر لريال والحرمه .. أم حمدان : حمد حمد : ماما أنا قلت لج جم مره أنا ما أبا أعرس أم حمدان : شو يعني عاجبتنك حياه العزوبيه !! حمد : ماما حبيبتي أنا جم مره قلت لج إذ بغيت أتزوج بيج وبقولج أم حمدان ولدج حمد بيترك حياه العزوبيه ويبا عروس أنا قلت لج أنتي بتختاري لي عروستي أم حمدان تصيح : بس يا حمد أنا أبا أشوف عيالك قبل لا أموت أبا أفرح فيك حمد : بعيد الشر عنج الغاليه .. إن شاء الله بشوفي عيالي وعيال عيالي أم حمدان : حمد أنا مب يايه أخذ شورك .. أنا حصلت بنت الحلال وخلصت حمد : شوووووو بس .. أم حمدان تقاطعه : أسمعني إذ ماخذت البنت أنا لا أمك ولا أعرفك .. والبنت محد أحسن منها .. حمد : بس ماما أنا مب رافض البنت.. بس أنا ما أبا أعرس أم حمدان توقف : شوف عمرك جم .. شو تبا تشيب أنا اليوم شفت أمها وسألتها إذا مخطوبه ولا محيره وبشرتني لا مخطوبه ولا شي حمد معصب : ليش يعني أنتي رمستيني أنتوا طابخينها ولا بعد رمستي أمها أم حمدان تبى تطلع : لا ما رمست أمها قبل لا أرمسك حمد يعصب : بس أنا ما أبا أعرس أم حمدان : أنا قلت إذ ماخذتها لا أنا أمك ولا أعرفك .. وبعدين شوف كم عمرك . . . وطلع حمد واقف مكانه وما عارف شو يسوي .. إلا شوي اتصال يقطع أفكار وكانت المتصله هند أما حمد من شاف رقمها سكر ف ويها وردت اتصلت .. حمد كان معصب رد عليها وطلع حرحته فيها حمد بعصبيه : نعم خير هند تفاجأة من أسلوبه : حمد شفيك أنا هند والله ما قدرت أصبر ولا أسمع صوتك قبل .. حمد يقاطعها : أنا بسألج أنتي شو من البشر .. يعني لازم تسمعين الكلام اللي مب حاب أقولج أياه هند : أي كلام ! حمد : أنا عمري ماحبيتج ولا مره فكرت فيج .. أنا كنت بس أبا أتسلا .. هند منصدمه : شو تسلا ! حمد : هيه أتسلا .. شحسبالج أنا ميت عليج .. وبخذ وحده رمستها مستحيل .. صح نسيت أخبرج خلي فونج ف أي وقت مفتوح عشان أرسل لج دعوه بمناسبه زواجي .. توها أمي مرمستني تقولي محصله وحده غاويه .. ولا أقولج عطيني عنوان بيتكم .. هند تصيح : يالجذاااب .. ليش يا حمد ليش جذبت علي .. ليش مب حرام عليك اانا شو ذنبي من كل هذا .. نسيت أنت اللي كنت تركض وراي .. ف النهايه بعد ماحبيتك وتعلقت فيك .. " يلست تصيح " أكرهك يا حمد .. أكرهـــك بعد ماشوهت حياتي أكرهـك سكرت هند .. حمد أنصدم من ردها ما توقع جذا بترد .. بس ما همه راح وأتصل ف خالد خالد : ألو .. شفيك يا حمد لهدرجه ماقدرت تستغنا عني لهدرجه وحشتك حمد : خالد مب متفيج لك خالد حس حمد فيه شي توه رايح عنه بخير : حمد شفيك حمد يتنهد : أإاآااا أمي يا خالد أمي خالد بخوف : شفيها أمك حمد : لا تخاف أمي مافيها شي .. بس بس تبى تزوجني خالد نقع ضحك : ههههههههههه حمد عصب : أنا أعتقد ماقلت شي يضحك .. صدق أحر ماعندي أبرد ماعندك .. أنا الغلطان اللي متصل فيك .. خالد : الله يهديك يا حمد .. الصراحه ضحكتني اللي يقول شي كبير مستوي حمد : تطنز حضرتك .. يعني هذا مب شي كبير أقول بتزوج خالد : بس هذه مب أول مره تتصل وتقول بتزوج حمد : بس هالمره جاده ولابعد رايحه لامها وتستفسر عنها خالد : هونا وتهون يا ريال .. وبعدين صدقها أمك أنت مب صغير أنت ريال حمد : أسكت أنت اللي يقول متزوج وعندك درزن من اليهال خالد : أنت تعرف أني محير لي بنت عمي ولو مادراستها أنا من زمان تزوجتها حمد : تصدق يا خالد اتصلت توها هند .. من عصبيتي رديت عليها خالد : الله يهديك يا حمد " روضة أخت حمد عمرها 19 سنه أخر العنقود وما شاء الله عليها حليوه فيها شبه من حمد .. أما ريم متزوجه الإنسان اللي حلمت فيه ولد عمها ناصر بس للاسف وهم راجعين من المستشفى سووا حادث ريم ماتت بمره أما ناصر تم ف العنايه يومين ولحق بريم ومن حسن الحظ عندهم ولد حمود كان ف بيت أهلها عمره سنتين ومر ع وفاتهم 3 سنين والحين عمره 5 سنين وهو متعلق ف حمد ويناديه بابا وحمد ميت فيه .. وحمدان أكبر واحد عمره 28 سنه متزوج من بنت عمه ساره عندهم ناصر عمره 6 سنوات وشوق 3 سنوات .. وأحمد أصغر عن حمد عمره 24 متزوج من اللي حبها شهد وعندهم ولد مايد " . . . نهيان بعصبيه : أنا أتصل فيج وأنتي مطنشه ولا ع بالج روضة : نهيان شفيك أنا كنت تحت .. نسيت فوني فوق نهيان : يحيج يعني لهدرجه ما خطرت ف بالج الا الساعه 2 روضة : كنت أشوف فلم .. وأنت مب مقصر حارق الفون 21 مره و6 مسجااات نهيان : من خوفي عليج .. وأنتي مب عبالج ناستني ومهتمه بفلمج روضة : عاد حبيبي بلا هالعصبيه شو صار كل هذا لاني ناسيه فوني نهيان : والله من خوفي .. والله خفت عليج قلت فيج شي .. تعرفي حتى باجر وراي دوام ومب قادر أنام من خوفي روضة : فديتك والله .. كل هذا خوف علي نهيان : بسج دلع الله يعيني عليج روضة : أفا وهذا من الحين جذا تقولي عيل لما بخضك خوفي ما أسمع كلمه حلوه نهيان : وأنا أقدر ما أتغزل ف رواضي حبيبة روحي .. تعرفين باجر بروح أكلم أبوي عن خطبتنا روضة : نهيان أنت تعرف ردي أبا أخلص دراستي نهيان : روحي لااا أنا من جم سنة أترياج وتقولين ( يقلدها ) أخلص دراستي روضة : نهيان !! نهيان : بلا نهيان بلا وجع راسج باجر بروح أفاتح أبوي روضة : كيفك برفضك نهيان : سويها عيل .. لقهرج وأخذ بنت خالتي روضة بغيره : ع راحتك نهيان : والله عيل برويج شو بسوي .. الحين بخليج بروح أنام روضة : أوك تصبح ع خير .. نوم العوافي نهيان : وأنتي من هله .. أحبج سكر عنها نهيان وروضة خايفه شو بسوي نهيان " نهيان عمره 23 سنه ولد خال الريم يحب روضة من هو صغير فكر يخطبها بعد بس روضة قنعته يأجل .. " ولا شوي حد يدق باب الحجره خافت روضة خوفها حد سمعها : منو ! حمد : أنا حمد روضة بخوف : شو تبى !! حمد : شو بوقف وراء الباب أكلمج روضة راحت تبطل الباب : تفضل حمد : ممكن أخذ من وقتج !! روضة أستغربت : تفضل حمد : ما أدري من وين أبدا بس اللي أقدر أقول أمي تبا تزوجني روضة بدون أهتمام : مب شي يديد !! حمد : أدري بس هالمره مصره الا تزوجني أوني كبرت ولا بعد مختاره البنت روضة نقعت ضحك : ههههههههههههههه حمد عصب : أنتوا شفيكم كل ما أقول لحد يضحك .. الغلط مب منكم مني أنا اللي أشكي الحال ليكم روضة : لا أفا عليك بس بصراحه شوف ويهك جنا حد ميت عندك حمد : رواضي بليز ساعديني روضة : شو تباني أسوي !! حمد : رمسي أمي .. قولي ليها حمد مب قد هالمسؤوليه .. وبعده صغير روضة : لو بإيدي جان ماوافقت عشان ماتظلم البنت حمد باستغراب : ليش شو فيني ! روضة : ليش نسيت جم وحده ترمس حمد يقوم : صج مب منج فايده تصبحي ع خير روضة : وأنت من أهله .. بس حبيت أقولك أنت مب صغير شوف عمرك وتأدب وودر عنك سوالفك حمد بدون أهتمام : أنا بروح أنام حذال حمود (ينام وياه) . . . اليوم الثاني حمد ع باب المطبخ : ماما بس أسمعيني أم حمدان : حمد لا تقعد تصدع راسي .. أنا قلت مابتاخذ غير هالبنت حمد يروح يلوي ع أمه : ماما حبيبتي أنا مب قصدي البنت .. أنا لا أعرفها ولا شي ربي يستر عليها أنا قصدي ما ابا أعرس الحين .. وإذا ع هالبنت بعدين خطبيها لي أم حمدان تبطل إيده : لا والله شو يضملي هالبنت ماتعرس .. ما شاء الله عليها بنت حلوه ومؤدبه وطيبه وناس ع قدهم مب شرات بنات اليوم عندهم مراكز وأعوذ بالله حمد : قصدج شرات روضة أم حمدان : بسم الله ع بنتي صدق بنت عز .. بس ربيتها مب تشوف الناس أقل منها روضة يايه من الجامعه : جنه حد طرا أسمي حمد : أعوذ بالله روضة تروح تحب راس أمها : السلام عليكم أم حمد : وعليكم السلام .. هلا بعروستي روضة : عروووووستج !! أم حمدان : هي عروستي اليوم نهيان ولد خالج خطبج من أبوج .. وأنا بخطب لخوج روضة تكح : شوووو .. نهيان خطبني حمد ينقع ضحك لو أنه منقهر : هههههه هذا وأنا رايح أشكي ليها الحال تساعدني هههه روضة : أنتي منو قالج !! أم حمدان : أبوج أتصل وقالي روضة تطلع وتروح غرفتها أم حمدان : روضة وين رايحه .. تعالي تغدي روضة : ما أبا غدا روضة دخلت غرفتها وقفلتها وتتصل لنهيان نهيان : هلا والله بحبيبتي وعمري ومرتي المستقبليه روضة : نهيان نحن ع شو أتفقنا !! نهيان : أي أتفاق !! روضة : سالفه الزواج نأجلها لبعد الدراسه نهيان : لا حبيبتي هذا أتفاقج مب تجمعين روضة : بس أنت وافقت نهيان : بس أنا قلت لج بعد ماتكملي سنه وما شاء الله أنتي ف السنه الثانيه .. وما أقدر أصبر روضة : بس أنا برفض .. أبا أكمل دراستي نهيان أنصدم من جوابها : عشان الدراسه تبيعيني روضة : أنا مب قصدي أبيعك بس أبا أكمل دراستي نهيان : وأنا مامنعتج من دراستج روضة : بس أبا أخلص الدراسه بالأول نهيان عصب من ردها : والله يا روضة إذا رفضتي لا تعرفيني ولا أعرفج وأنسى ولد خالج اللي خطبج (وسكر ف ويها ) .. روضة تضايجت من كلامه وما عرفت شو تسوي هي تبى نهيان وتبى تكمل دراستها عشان ماتهملها .. . . . أبو حمدان : كلمتي روضة !! أم حمدان : أمبلاً رمستها أبو حمدان : شو قالت !! أم حمدان : ما قالت شي سيده طلعت ع حجرتها أبو حمدان : خليها تفكر ع راحتها .. وما شاء الله نهيان مايتعوض ونعم الريال أم حمدان : تفهمني بولد أخوي .. صح تذكرت أباك ترمس ولدك ع سالفه الزواج مشيب راسي أبو حمدان : تعرفينه ولدج جتليه ولا تطري جدامه سالفه الزواج .. بعدين بنت منو بتخطبين له ! أم حمدان : بنت حياه المرحوم سعيد بن خالد أبو حمدان يتذكر : منو المرحوم سعيد بن خالد !! أم حمدان : صوب بيت أخوي عيسى أبو حمدان : أيو تذكرت بس هذيل مب من...... أم حمدان تقاطعه : يا بو حمدان أنت تعرف أن مايهمني المناصب أبو حمدان : صدقج والله .. بس أحيد بنته تعيش مع أمها .. أمها بعد ما تطلقت تزوجت واحد ثاني وبعد وفاه أبوها ما رضى بنتها تعيش معهم أم حمدان : هيه مسجينه حرمها من بنتها .. بس هي تعيش مع أختها وزوجها من صغرها أبو حمدان : بس عند منو نروح نخطبها !! أم حمدان : أنا سألت أمها إذ حد خطب بنتج عند منو يخطبها قالت ريل بنتها هو اللي ربها ومسؤول عنها أبو حمدان : وشو راي ولدج ف البنت !! أم حمدان : أنت تعرف ولدك هو رافض الزواج .. كيف يروح يسأل عن البنت .. وأنا أباك تقنعه أبو حمدان : خلي ولدج علي أنا بخليه بروحه يترجاج تخطبي له أم حمدان : يا ريت .. بس ما أعرف شو بيسوي حمود بعد فراق حمد تعرفه وايد متعلق بخاله أبو حمدان : صدقج ما ينطق الا بابا حمد .. وين بابا حمد !! . . . ف الملاهي كان حمد وحمود و ناصر ولد حمدان و روضة روضة : اللي بيشوفهم بيحسبهم عيالنا حمد : ههههه لا تخافي عاد في شبه بيني وبينج حمود يركض صوب حمد : بابا حمد !! حمد : هلا حبيبي حمود : أبا عصير من عند هناك ناصر : وانا بعد حمد : من عيوني .. روضة شوفيهم بروح أشتري ليهم روضة : أوك حمد راح يشتري ليهم ورجع وعطاهم .. ولاحظ ع شفايف حمود الإبتسامه حمود : شكراً حمد : عفوا ًحبيبي وأي شي بغيته تعال قول لي .. وأنت بعد ناصر حمود : أنزين . أنا بروح أكمل لعبي حمد يلس يتامل حمود و...... حمد : حمود شفيك حمود سرحان :..... حمد بخوف : حمود حبيبي شفيك !! روضة : بلاه مايتكلم حمد : ما أدري .. حمود حمود حمود يصد صوبه :...... حمد قعد حذاله : بشو تفكر حمود : ليش كل اللي وياي ف الروضه عندهم أم وأبو حمد و روضة تفاجئوا من السؤال .. روضة : بس حبيبي أنت عندك بابا وماما هم يدي ويدوه حمود : حتى هم بعد عندهم يدي ويدوه وبعد ماما وبابا حمد : حمود وأنا وين رحت من أنا بابا حمد وخالي حمد حمود : هيه (بعد صمت) بس أنا قلت ليهم عندي بابا .. قلت لهم بابا حمد هو أبوي حمد يبتسم ويضمه ف حظنه : يا بعد عمري حمود يلتقت صوب حمد : يعني ما بتنازعني إذ قلت بابا حمد حمد : لا حبيبي .. مستحيل أنازعك ومن اليوم ورايح قولي بابا روضة : من قدك صار عندك ولد .. لو أنه ما يركب عليك حمد وحمود : هههههههه روضة : حووو حمد حمد ينتبه : شوو !! روضة : أشوفك سرحت وانا من مساعه أرمسك حمد : سرحت ف سالفه حمود .. روضة بضيج : صدقك والله ماتوقعت جذا يفكر ومسجين فرح لما قالك باباه حمد : دخيلج روضة سكري السالفه مالي خلق أسمعها روضة : هههه أنزين ما قلت لي شو بسوى حمد : أمري لله .. بدش القفص الذهبي .. مشيشين حمود لي ويالس يقولي متى بتي ماماه .. ولا حظرته أبوي بيمنعني من مصروفي إذ ماتزوجت روضة : هههههه ماماه مره وحده .. وحليلك حمود حمد : جان حد وحليله أنا مب حمود روضة باهتمام : حمد إذ تزوجت حمود بيبق بروحه تعرفه متعلق فيك أنت أكثر واحد حمد بعصبيه : وجيه منو قالج أني بخليه !! روضة : بس لاتنسى الوالد مفكر أنه يعطيك البيت اللي حذالنا يعني ما بتسكن ويانا حمد : سهله بيسكن وياي روضة : أقول حمد ما ناوي تعشينا أنا ميته يوع .. عم بزئزئ عصافير بطني حمد يضحك : دخيلج لا تفضحينا .. روضة بنص عينها : نعم حمد يقوم : خلاص بروح أنادي حمود ونصور بروحي يوعان بنروح نتعشى بالمطعم . . . أحمد : ماما عيل وين حمد وروضة وما أسمع حس الجنكل حمود أم حمدان : محد راح يودي نصور وحمود الملاهي وراحت وياهم روضة أحمد : والله حمد غريب مايبى يتزوج ومعيش حمود جنه ولده.. عيل بالمره ليش مايتزوج ويشل عياله وياه أم حمدان تبتسم : لا تخاف وافق أحمد : كيف وافق غريبه أحيده تجتليه ولا تزوجيه أم حمدان : هالمره غير حمود حن عليه و أبوك كلمه .. قاله بيعطيه البيت اللي حذالنا .. وبيعطيه كل شهر بيزات أحمد : هههه هذا حمد من صغير وهو عنيد وإذ بغيتوا يسوي عطيتوا جم بيزه .. بس أنتوا من قبل ليش ما جي سويتوا !! أم حمدان : ومن قالك ما سوينا بس هالمره ركبنا ع راس حمود يقنعه تعرفه متعود ينادي حمد باباه وقلت ليه قول لحمد يتزوج عشان تسماها ماماه ومسجين عجبته الفكره .. وعاد ما شاء الله ع حمود شل البيت شل بصياحه أحمد : وبجذه حمد وافق .. صج نقطه ضعفه حمود شهد : وغريبه حمد وافق ياخد البيت أم حمدان : لا فهاي رفض قال مايبى ياخذ البيت عشان حمود .. بس بعدها قال بياخذ حمود يسكن وياه . . . ف المطعم بعد ما طلبوا الأكل ووصلهم .... حمود : باباه حمد حمد : هلا عمري حمود يشاور ع الطاوله الثانيه : هذيك البنت من مساعه تطالعك روضة صدت وراها تشوف شافت وحده عرفت أن حمد يعرفها .. روضة : بنات الشوارع لهنا بعد لاحقينا حمد بدون أهتمام : وأنا شو يخصني فيهن خلهن روضة : أقصد إيدي إذ أنت ماتعرف هالبنت حمد بصوت واطي : أمبلا أعرفها مرمسنها وقلت ليها متزوج وفكيت عمري منها .. (وياشر ع حمود ) وهذا ولدي روضة نقعت ضحك : صدق أنك مب سهل .. مستغل حمود .. صدق عليك حركات وذكاء حمد : طالع ع أختي وشوي واحد يحدر عليهم حمد أبتسم له وقام يسلم عليهم .. روضة حست الصوت مألوف ليها ألتفت شافت .. نهيان : السلام عليكم حمد : وعليكم السلام .. شحالك يا ريال من زمان ماشفناك نهيان يلتفت ع روضة ويعلي صوته : والله كنت ناوي أي مع الأهل جريب بس محد وافق روضة خلت عمرها ماعرفته نهيان يلس ع الكرسي : السلام عليكم .. شحالج روااضي !! روضة : بخير نهيان ينغزها : شحال الدراسه !! روضة عرفت أنه يقهرها : بعد بخير حمد : أحيد الأجواء قبل بينكم زينه .. بس أشوفها أنقلبت .. مع أن المفروض تكون للأحسن ( نهيان قال عن حبه لروضة .. خاف حد يخطبها وعلى الأقل حمد يكون عنده خبر .. وما شاء الله ع حمد فضحهم ) نهيان : والله حالي من حالك مستغرب حمد : شرايك تتعشى معانا روضة صدت بصوب حمد معناتها أنت شو تقول نهيان : ليش عشان أتسمم أبا عمري .. والعروس رافضه روضة : أعتقد بعدني ماوافقت نهيان بغرور : بس واثق من هالكلمه حمد : لا تخاف ما عندنا بنات يختارون الريايل بكيفهم وإذا تباها الحين خذها وبنقول منك المال ومنها العيال روضة بعصبيه : شووو !!!! نهيان : لاا أفا ما أسمح .. ما بشلها الا بموافقتها روضة : حسبالي نهيان يبتسم ويلتفت صوب حمود ونصور : شحالكم !! حمود : زين سألتنا من مساعه تكلم خالوه روضة نهيان انحرج و روضة نزلت راسها وطبعا حمد فهم النغزه ونقع من الضحك نهيان : هيه أنت جاهز تضحك حمد : وليش ما أضحك الدنيا شفيها خلنا نضحك قبل لا ندخل القفص الذهبي نهيان يطالع روضة : صدقك والله روضة : نعم !!!!!!!!!! نهيان : لامب قصدي شي .. سمحولي بخليكم ودرت الربع حمد : أفاااا نهيان : فشله من مساعه ودرتهم حمد : يالله عيل سلم عليهم نهيان : يوصل .. حاجه أماره حمد : مشكور نهيان : روضة ! روضة باهتمام : مشكور بس لا تسرعه حمد يقلدها : بس لا تسرع نهيان يبتسم : من عيوني حمد أونه معصب : يالله أحترم نفسك نهيان يمشي عنه : عادي جريب بتكون مرتي .. سلام حمد : هذا مصدق عمره . . . أم حمدان تقاطعها : أنا ماهمني غير أنها بنت ناس ومحترمة وما شاء الله عليها حلوه وطيوبه دشت القلب أم عبد الله : بس ماقلتي متى شفتيها !! أم حمدان : مره زرت خويتي ف بيتها وكان ريلها مسافر وذاك اليوم زارتها ما شاء الله عليها لوشفتيها جان خطبتيها لولدج أم عبد الله : لا حبيبتي مب بايعه ولدي لهدرجه أم حمدان تضايجه : قصدج أنا بايعه ولدي أم عبد الله : ما أدري عنج ودرتي كل بنات العز ورحتي لبنت فاطمه . . . حمد : ذيج المره تقولين لي مابتاخذ غير هالبنت واليوم يايه تشاوريني .. ماما شفيج شكلج مب طبيعي أم حمدان : مرت عمك تقول أني بايعتنك إذا مازوجتك من ثوبنا .. وأنت تعرف أنا أحب ليك كل خير .. و.... حمد يقاطعها : ماما أنتي أكيد ماحطيتي عينج عليها الا أنج شايفتنها غير عن البنات .. وأنتي تعرفين أنا ماهمني شي غير رضاج يالغاليه .. ونحن محد بيضيعنا غير مرت عمي تعرفيني ما أواطنها .. وأنها تباني أخذ بنتها بس لو شو يستوي ما أخذ بنتها مهره أم حمدان : يعني أنت راضي !! حمد بس غياض ف مرت عمه: هيي موافق حمد يفكير أكيد أمه مختاره له هالبنت باقتناع .. ولا مابتصر عليه لهدرجه .. وهي من قبل أختارت له بنت من ثوبهم بس مب قد مامدحت هالبنت .. وحمد مرتاح لا أتيه وحده من أهله ع راسه وتفضحه ويستوي مشاكل بين أبوها وأبوه لانه حمد بعده مصر أنه مايترك البنات .. ولا شوي صوت الفون يقطع عليه تفكيره .. حمد : هلا والله بطش والرش والماي الورد .. هلا بحبيبت قلبي .. هلا بالقاطعه . . . يتـبــ’ــع    سُبْحانَ اللهِ وَبِحَمْدِهِ عَدَدَ خَلقِه وَرِضا نَفْسِه، وَزِنَةَ عَـرْشِه، وَمِدادَ كَلِماتِه أستغفر الله العظيم التواب الرحيم لذنوبي استغفرالله العظيم لذنوب جميع المسلمين والمسلمات والمؤمنين والمؤمنات الأحياء منهم والأموات { سبحان الله وبحمده ، سبحان الله العظيم }  |
|
24-10-2010, 06:15 PM
| #4 (permalink) | |
|
عضو برونزي 
 |  رد: . . { حُبڪِ ڛْڪـטּ ڪِل آلنـَﯙآحيـﮱ ؛ ﯙأصـَبِح غ’ـدىــﮱ دَميـﮱ و آلعْ ـرﯚقً . . !* تـ’ـآاابـ’ع نهيان معقوله ما ردوا هذا أونه جذا تحبني كانت تقدر ترد من أول يوم .. وصار ع الموضوع أسبوع .. أااه يا أمي لو أنج عايشه جان خليتج تتصلي وتشوفي أخبارهم .. وتفرحين بعرسي .. دوم تقولين أتمناك لروضة .. بنت مافي أحسن منها .. نزلت دمعه حاره من قلبه ما قدر يستحمل فراق أمه .. كان متعلق فيها وايد .. أخ يمه وينج مرت ع وفاتج 3 سنوات بنسبالي 30سنه .. خطرت روضة ع باله وتذكر كلامها " لا تخاف يا نهيان أدري ما أقدر أعوضك من حنان أمك .. بس صدقني راح أعوضك لو بشي بسيط من الحنان " أخ يا روضة صدق أموت فيج .. خطر ف باله أنه يتصل ف حمد ويسحب منه الرمسه .. أتصل وحصله بزي قال بعدين بيتصل فيه .. الا دقايق حمد يتصل فيه .. نهيان : السلام عليكم حمد : وعليكم السلام .. هلا والله بنسيب نهيان بفرح : يعني أختك وافقت حمد : هي وافقت وأدري أنك متصل عشان تسأل مب عشان سواد عيوني نهيان : ههههههههه فاهمني حمد : هههه أكيد خبز أيدي نهيان : والله ياحمد ريولي مب قادره تشيلني .. مب قادر بتخبل حمد يضحك : ههههه ثقل ياريال مب حلو تكون خفيف نهيان : بس أنت تعرف أنه روضة بخاطري من زمان وخاصتاً بعد وفاه الوالده .."بنبره حزن " .. كان ودي تكون عايشه عشان أركض أفرحها حمد بحزن : الله يرحمها .. دعواتك ليها نهيان : بخليك بروح أفرح الوالد حمد : أوك سكر حمد عنه .. وراح غرفه روضة .. دق الباب روضة : تفضل حمد حمد : شو دراج أني حمد روضة : عشره عمر .. وأنت لك دقه معروفه حمد : المهم ياي أقولج أتصل نهيان وبشرته .. مسجين طار فرح .. لكن..... روضة بخوف : لكن شو !!!! حمد : لكن تضايج لما تذكر أمه مابتفرح وياه روضة بحزن : الله يرحمها .. وإن شاء الله أقدر أعوض له حمد : إن شاءالله روضة باستغراب : بس أشوفك أنت ما تسأل عن العروس حمد : شو الفايد الوالده تفصل وأنا ألبس روضة : حمد أنت أكثر واحد تعرف أنه أمي مب جذا قصدها .. أمي تبا تفرح فيك وتشوفك معرس .. وهي شاورتك إذ محطي عينك ع حد .. وأنت نفيت بهالشي حمد يقوم : أدري .. عشان جذا مخلي ليكم السالفه وأنا كان شرطي الوحيد تخطبوا البنت وعرسي بعد عرسج يالله بخليج بطلع ويا ربيعي .. وحطي بالج ع حمود . . . بعد مرور يومين بو نهيان و نهيان وأخوه الوحيد نواف راحوا يخطبون روضة رسمي وأتفقوا تكون الملجه بعد أسبوع بتكون عائليه والعرس بعد شهرين .. طبعاً نهيان لو وده اليوم ياخذ روضة قبل باجر .. بس هالأصول لازم ملجه وعرس .. ومن عرفت روضة أحتشرت تقول ماشي وقت كيف بكل هالسرعه .. وطبعا ماقدرت تغير شي الا أنها تزهب بسرعه .. دشت الحجره وحصلت مسج فتحته " ألف ألف ألف مبــــــــــروك حبيبتي ومتشوق متى بملج عليج .. وأخيراً بيتحقق حلمنا أنتي لي وأنا لج " روضة كانت معصبه منه بس لما شافت المسج ابتسمت وحظنت فونه وقالت ياحظي فيك يا نهيان .. روضة بدت تستعد للملجه راحت مع صديقتها فطوم السوق بغت تفصل فستان للملجه بس قالتلها فطوم ماشي وقت وإذا أستعيلتهم يمكن يخربون ليها فراحت تشتري وأخيراً بعد ما داروا من مول لمول حصلوا الفستان الي أقتنعت فيه .. فطوم : واخيراً حصلنا الفستان الي يليق بمقامج .. والله تعبت روضة : لا والله حضرتج تطنزي فطوم : ما أدريبج وايد حصلنا حلواات بس لانج محطيه هالالوان ف راسج روضة : أهم شي أنتي شرايج فيه مب أحلا فستان حصلناه فطوم: ف هالذي صدقتي روضة : يالله خلينا نشتريه .. بعدني بجوف جم محل ناقصني جم غرض فطوم : شووو بعد .. الله يعينك يا نهيان !! . . . مرت الأيام وقربت ملجه نهيان ع روضة .. نهيان مستانس محد قده يحسب الأيام والساعات أما روضة خايفه ومتوتره وف نفسها مب قادره تصدق .. أما حمد هالايام ما تغير فيه شي بالعكس زاد ومب مهتم بزواجه مطيح ف المراكز ويتحرش ف خلق الله .. أم عن حمود كل يوم والثاني يتعلق ف حمد زياده حاول أنه شوي يبعدوه عنه بحكم زواجه قرب .. بس طبعاً حمد مب مهتم لزواجه وهو نفسه متعلق فيه .. كانوا ف ستي قاعدين خالد وحمد وحمود طبعاً اليوم حمد متأدب بحكم حمود وياه خالد : متأدب اليوم حمد يلعب بشعر حمود : لازم خالد : متى ملجه نهيان !! حمد : باجر خالد : والعرس !! حمد : بعد شهرين خالد : وأنت متى ملجتك !! حمد : يعني لازم تغثني خالد : شفيك أسأل !! حمد : بعد ملجه أختي بيروحوا يخطبونها ، خالد : بيروحوا يخطبوها وليش أنت مابتروح تشوفها حمد : وليش أشوفها .. مالي نفس بشوفها ف العرس خالد : العرس .. ليش بعد الملجه مابتروح تشوفها حمد : ما أدري .. لو ودي بلا وجع راس ملجه وعرس .. مره وحده عرس حمود : باباه شو أسم العروسه مالك !!! خالد نقع ضحك : ليش حمد تلعب بعروسه أحيد العرايس للبنات حمد أونه يضحك : كر كر كر .. ياثقل دمك .. ياشينك لما تنكت خالد : لاا . . أنزين ماقلت شسمها العروس !! حمد تفشل : تبا الصراحه ما أعرف !! خالد : من صدقك !!! حمد: تعرف ليش ما أسأل عشان يشوفوني مطنش السالفه وما أسأل وأمي تغير رايها خالد : العب غيرها مب ع الحريم . . . اليوم يوم ملجه نهيان ع روضة الكل مستانس وأولهم نهيان .. بس يحاول يثقل بس مب قادر اليوم فرحته .. حمد مستانس لفرح نهيان واليوم ملجه أخته الغاليه : خالد دخيلك أمسك نهيان أخافه يطير خالد يضحك : وأنا قادر ، كل ما أمسكه يرفسني نهيان يبتسم : جب أنت وياه حضرتكم تتطنزوا بنشوف بملجتكم حمد : من صدقك أنت .. أنا لو ودي أيلس عزابي خالد : أنت عاد ما أخترت الا حمد .. تبا الصدق وأنا أخوك أنا حاسدك اليوم ملجتك وأنا بعدني بصبر سنه حمد : أنا اللي حاسدك .. جان زين أنا .. الكل ضحك ماتوقعوا لهدرجه حمد يبا يبقى عزابي .. . . . مها مرت نواف ( أخو نيهان ) تدخل ع روضة وتشوفها كاشخه وطالعه حلوه مها تبى ترفع ضغط روضة .. أونها منصدمه : روضة شو هذا !!! روضة بخوف : ليش طالعه مب حلوه !! فطوم فهمت : تبين الصراحه من مساعه أجامل فيج وأقولج حلوه خفت أكسر خاطرج .. بس مدام مها قالت قلت أقول راي روضة بضيج شوي وبصيح : ليش من صدق شكلي مب حلوه مها وفطوم: ههههههههههههههههههه روضة عرفت حركتهم : صدق أنكم خسفاااات .. والله خوفتوني مها تروح صوبها: الا أحلا عروس شفتها .. ألـــــــــف ألـــــــــف مبروك يا عروس .. شوي شوي ع نهيان مايقدر ع جذا .. واقري ع عمرج من العيون الحاسده .. روضة بغرور : عاد شسوي يوم أنا حلوه هالكثر .. فطوم : دخيلج مب ناقصه من مساعه قاعده تمدح نفسها .. مداح نفسه يباله رفسه مها : لا عاد شو رفسه خلها أول تطلع بعدين يبالها أخاف تتعوري بتفشلنا روضة : لا والله مها وفطوم : هههههه روضة بتوتر : مها وايدين تحت مها : هيه وايدين الا العايله ما شاء الله روضة : في حد من ربيعاتي !! مها : أيوا وايدين ومسوين حزب روضة بخوف : الله يعيني ع هالحزب .. . . . ف مجلس الريايل بعد ماملج نهيان ع روضة .. الكل بدا يبارك لنهيان سيف : مبروك نهيان وعقبال حمد حمد : يعني أنت لازم أطفرني .. أنا يسدني " حمد يمسح ع راس حمود " هالريال يناديني بابا هزاع بمسخره : والله يا حمد من سمعته يقولك بابا زعلت قلت حمد متى عرس ولا عزمنا خالد : هههه بل من 5 سنوات معرس الكل ضحك عليه .. أما نهيان متخبل يبا يروح يشوف روضة يرمس حمد بس حمد يبا يرفع ضغطه مطنشنه .. . . . أما ف الصاله ربشه.. وأم حمدان شاله وحاطه مسجينه فرحانه لبنتها .. حطوا العشى وتعشوا وبعد 10 دقايق نزلت روضة ع أغاني كانت من صدق حلوه الكل تخبل عليها .. وصلوا ع النبي من حلاتها .. كانت ملاك ، وعين أمها عليها من فرحتها تصيح وتقرا عليها من كل عين حاسده .. فطوم كانت فرحانه لربيعتها وصديقه عمرها ................ راحوا ربيعاتها وأهلها يسلمون عليها لانه ماشي وقت نهيان بيدخل .. ونهيان شال الدنيا يبا يدخل وحمد مطفر فيه مسجين يا نهيان الله يعينك ع حمد .. حمد : حشى حشرتنا يالله قوم نهيان يبتسم ويعدل غترته : مشينا أول ما دخل نهيان وعيونه تدور ف أي زاويه روضة حمد : بس دقيقه وتطلع نهيان : ألعب حمد : أقولك من أول ماشي أكلني ولبسني نهيان طنشه يعرفه يبا يرفع ضغطه راح صوبها.. وروضة مستحيه .. نهيان تخبل ع شكلها .. راح أبو حمدان سلم ع بنته وبارك لها .. أبو حمدان : مبروك حبيبتي .. مبروك نهيان ماوصيك ف بنتي نهيان : الله يبارك .. أفا عمي توصاني بقلبي روضة استحت من كلام نهيان جدام أبوها : الله يبارك طلع أبو حمدان أما حمدان و أحمد وحمد راحوا يسلمون ويطفرون بنهيان .. البنات تخبلوا ع شكل حمد .. وحمد مطنشنهم .. حمد : مبروك روااضي روضة : الله يبارك ف حياتك .. عقبالك حمد : نهيان سكت مرتك !! نهيان : شو قالت عشان اسكتها !! حمد : كل ما أروح مكان عقبالك نهيان يمسك إيد روضة : فديتها ماقالت شي غلط .. أحمد ربك حد يقولك جذا حمد : أولاً بطل إيدها .. وثانيًا لا تتفداها جدامي وثالثاً وين كلامك ف ميلس الريايل ما كان جذا بالعكس كنت تساعدني عليهم .. روضة استحت من كلام أخوها .. هيه تعرفه أنه غيور بس مب لهدرجه حتى من ريلها .. نهيان : رابعاً هذي مرتي وكيفي أتفداها وأمسك إيدها ،، موووت قهرر .............. نهيان يناضر روضة : مبروك حبيبتي مابغينا نملج وعسى الأيام تمر سرعه وأجوفج دوم قبالي روضة : نهيان !! نهيان : عيون نهيان .. قلب نهيان .. تصدقي يا روضة لأول مره أحس أسمي حلو .. روضة : إذا تميت جذا تراني بطلع نهيان : لا خلاص بسكت سكت نهيان وقعد يناضر روضة " معقوله يا روضة أنتي جذا حلوه وأنا ما أعرف .. أه يا روضة كنت متعذب بحبج والحين شكلي بستخف " روضة كانت ساكته ومب قادره ترفع عينها من نظرات نهيان روضة بخجل : نهيان دخيلك شل عينك عني والله أستحي نهيان يبتسم : والله كيفي حلالي ملكي أبا أشوفج متى ما أبا ....... إلا شوي يدخل عليهم حمد حمد : بسم الله ( حمد من النوع الغيور .. حتى يغار ع أخته من نهيان ) نهيان معصب : وأنت شيخصك مب مرتي حلالي .. وبعدين شفيك 24 ساعه ياي صوبنا حمد : أولاً بعدها ماصارت عندك .. وثانياً تعال الميلس يبونك نهيان : قولهم مشغول حمد يطلع : كيفك بقول لابوي وأبوك مشغول ولاصق ف أختي و..... نهيان يقوم يعرفه بروح يفضحه : دخيلك اسكت ياااي وياااك حمد يضحك بمكر : يالله جدامي نهيان : خلاص أطلع وبطلع وياك حمد : ماني طالع الا بعدك .. ولا بروح أفضحك نهيان يطالع حمد بنص عين : أنزين أوقف عند الباب شوي حمد أونه معصب : أقول ماجنه عطيناك ويهه وايد نهيان راح سلم ع الريم أكتفوا بالمصافح لانه عيون حمد عليهم طلع نهيان وراح حمد يكلم روضة حمد : هههه جذبت ع ريلج محد يباه روضة أطالعته باستغراب عرفته غيور : هههه ياويلك منه الحين حمد : مايهمني باس أخته ع راسها وطلع لانه ربيعاتها بيسلمون عليها مرت هاليله ع خير .. وكانت أحلى صفحه ف حياه نهيان وروضة .. أحلى يوم صار لهم .. نهياان حده مستانس بهاليوم تحقق وأخير .. أما روضة بدلت ملابسه وراحت تصلي ليها ركعتين تشكر ربها ع هالنعمه وتدعي ربها أنه تكون حياتها مع نهيان من أحلى أيام حياتهم وتقدر تكون الزوجة الصالحه وتقدر تسعد نهيان وتعوضه لو بشي بسيط من حنان أمه راحت تنام بس ماقدرت .. قالت ماباجي ع صلاه الفير غير نص ساعه قالت بتقرا قران لين يأذن .. . . . كان نايم دشت عليه معصبه فتحت الستاره وبطلت الدريشه أشعت الشمس ساقطه عليه رفع الحااف وغط ويهه راحت شلت الحااف وكانت من صدقها معصبه حمد معصب ويتأفف : أفففففف شفيج روووضة والله تعبان راقد الساعه 6 روضة معصبه : وليش يحظي حسبالك الساعه 8 ولا 9 الحين الساعه 4:30 قوم صلى حمد يبطل عينه ويحط إيده ف راسه : أف راحت علي نومه .. أحس راسي ثقيل روضة : قوم صلى وكل ليك شي عشان تصحصح حمد يبتسم ويقوم : إن شاءالله ياعروس .. ع شرط أنتي أزهبي أكلي روضة وهي تطلع : أفاا عليك .. أنت قم وبتحصل الأكل جاهز قام حمد خذ له شاور وتلبس وصلى .. كان لابس بنطلون شورت بيج وقميص أحمر وتعطر وقبل لايطلع ياه أتصال جاف الاتصال كانت وحده من اللي يرمسها حطه فونه سايلنت وطلع .. نزل حمد حصل حمود يلعب .. من جاف حمد ركض ف حضنه حمود: بابا حمد حمد يلس بمقام حمود ويبوسه : عيون بابا حمد حمود : وين بتروح !! حمد : بروح عند خلووود ربيعي .. شرايك تخاويني حمود هز راسه بالنفي .. حمد : ليش حمود : أنا وعدت نصور ألعب وياه حمد : يعني مابتروح وياي حمود يروح يكمل لعبه : لاا حمد يقوم : فديت الي يوفي بوعده .. أنزين عطاني بوسه قبل لا أروح قم حمود باس حمد ع خده وراح يكمل لعبه نزل حمد و حصل الغدا كان جاهز وبعض الحلويات .. ابتسم لروضة وقعد .. حمد : ليش جذا تشوفيني روضة : تبا الصراحه لو ما كنت أخوي ومب مالجه جان يت بنفسي أخطبك أكتفى حمد بالإبتسامه .. حمد : شرايج تقعدين تاكلين معاي تعرفين أخوج مايحب ياكل بروحه روضة تقعد : لو إني ما ابا بس بقعد مجامله حمد يلس ياكل ولا يتكلم من غير عادته .. أستغربت روضة .. حمد حس بنظراتها رفع راسه وابتسم : شفيج روضة : أنت شفيك مب من عوايدك لا ترمس ولا تعلق ع أي رد أرده بس تكتفي بالابتسامه حمد حاول يخبي عنها : فديتج مافي شي .. تعرفين أخوج يوم يقوم من نومه ما ليه مزاج روضة : بس الا أنا حمد يقوم : الحمدلله .. قبل لا يطلع .. صد صوبها ابتسم أبتسامه مملوا حزن : يمكن عشان أحاول أتعود ع فراقج انصدمت من رده .. معقوله عشاني أنا .. طلع حمد من البيت متضايج .. صح أنه فرح لروضة لملجتها بس ف نفس الوقت تضايج لانه تعود ع روضة وايد هي أقرب وحده له ف البيت .. روضة هي اللي تخبي أخطائه .. هو دوم يتضارب معها ف كل شي صغير وكبيره وصراخ .. دوم إذا حس بضيج يروح يقولها عن كل شي .. هي اللي مهتمه معاه بحمود اللي فقد أمه وابوه وعمره سنتين .. صح كان صعب عليها كان حزتها عمرها 18 كانت أخر سنه .. بس هي تأكله وتشربه وتسهر عليه مع حمد ،، قطع عليه حبل أفكاره اتصال خالد . . . قعدت روضة تفكر بحمد وكان تفكيرها مثل تفكير اخوها .. شوي ويقطع حبل أفكارها صوت فونها .. شافت الرقم وابتسمت .. روضة : الوو نهيان : هلا والله براعيه هالصوت .. هلا والله بالي سالبه قلبي وفكري وروحي روضة : نهيااااااااااااااااااان ! نهيان : حرام عليج ماا قلت شي غلط .. شحالج حبيبتي !! روضة تذكرت حمد : بخير نهيان حس بنبره صوتها فيها شي : حياتي شفيج !! روضة : ولا شي نهيان : حياتي مب علي روضة بضيج : حمد !! نهيان : شفيه حمد !!! روضة : أحسه فرحان لملجتي ومن داخله مضايج نهيان : ليش !!!!!!!!! روضة : يمكن لاني بروح عنه تعرفه .. نهيان : غيور عليج مني مب جني ريلج .. روضة : ههه حمد جذا من صغره نهيان : خاصتاً أمس سكتت له .. عاد قهرني لما جذب علي روضة : ههههههه نهيان : هي ضحكي عطيته جم كلمه روضة : والله حرام عليك .. من قالي مت من الضحك .. فديته نهيان : مب قد أخوج .. مب عليه حياتي أنا أعرف شقد علاقتج أنتي وحمد .. وأوعدج بين كل فتره أيبج لهم روضة : كل يوم !! نهيان : وعد .. . . . مر أسبوعين ع ملجه روضة .. وأم حمدان ف خاطرها تروح تخطب لحمد خوفها البنت تطير من أيدهم حمدان : وشو راي حمد !! أم حمدان : هو قال ع كيفكم أهم شي يكون بعد عرس روضة العرس .. أحمد : وليش مايكون عرسه مع عرس روضة !! روضة : والله الفكره حلوه ساره : صدق أحسن بلا عوار الراس مرتين شهد : الاول والأخير راي حمد روضة : صدق هو شرطه عرسه بعد عرسي ف ذيج الحظه يدش حمد : أوه العايله مجتمعه حمدان : وعليكم السلام حمد : السلام عليكم الكل : وعليكم السلام أحمد : وينك ماتنشاف !! حمد : ماشي يالس مع الربع حمدان : هذا وأنت معاه ف البيت ماتشوفه وأنا شو أقول صار ليه سنه مادخل بيتي ساره : صدقك يمكن زعلان منا ، حمد يبتسم : طال عمركم أشغال الدنيا .. خلاص باجر الخميس غداي عندج أم ناصر أهم شي أنتي تسويه ساره : ومن متى الخدامه تسوي الغدى تعرف أخوك مايحب أكل الخدم ، أحمد : صدقج والله زين ما رحت بيت بروحي كان شكلي كل يوم مطيح عند أمي شهد : والله عاد الطبخ هوايه وأنا ما أحب هالهوايه حمد : مهما كان أفضل الحرمه تعرف تطبخ .. " يكلم أمه " ماما أبا وحده تعرف تطبخ أم حمدان : لا تخاف الي محطيه عيني عليها شو حلاه أكلها حمد : وأنتي شدراج .. أنتي قلتي شفتيها عند أمها أم حمدان : كانت طابخه ويايبه لأمها حمدان : لا تخاف يا حمد أمك طابختنها وخالصه أحمد : الا شرايك يكون عرسك مع عرس روضة حمد : شوووو .. ماما مب هذا أتفاقنا أم حمدان : صح بس هالراي .... حمد : بليز ماما أنا موافق أعرس بس شرطي عرسي بعد عرس روضة حمدان : بس جذا ولا جذا بتعرس حمد : بس عاد هذا رايي أم حمدان : ع راحتك حبيبي حمد : عيل ما جوف الجناكل حمود ونصور وبنتك شواق حمدان : نصور وحمود يلعبون .. أما شواق نايمه حمد يروح عند أحمد ويشل مايد وقعد يلاعبه حمد : فديت هالويه يشبه عمه حمدان : عيالي يشبهوك ومايد يشبك وحمود يشبهك منو اللي مايشبهك !!!!! حمد : هههه كلهم خاصتا نصور يشبهني اللي يشوفه ومايعرفوني ما متزوج يحسبوه ولدي (نصور يشبه حمد خاصتاً ف العيون ) ساره تبى تقهر ريلها : ف هاي صدقت طالع عليك كل مايشوفونه ربيعاتي يقولون حلو قالوا طالع ع أبوه قلت الا طالع ع عمه أبوه مب حلوه الكل : هههههه حمدان : يعني أنا مب حلوه ف نظرج !! ساره : عاد شسوي أبتلشت فيك أحمد : صدقج ماطلع علينا الا هو مب حلوه أم حمدان : خلا عنكم ولدي شزينه شهد : عمتي في مثل يقول السبال ف عين أمه غزال روضة : خل عنكم كلا ولا حمداااانووووه حمدان : منوو حمدااانووووه !! روضة : أنت بعد منوو !! حمدان أونه معصب : ف عينج حمدااانوووه حمد : هههه تصدق حمدان حسبالي تطري ولد اليراان الكل : هههه حمدان يقوم : القعدة ماتنمل بس الوقت تاخر حمد : خلكم أنتوا مب ف بيت غريب شو الوقت تاخر ساره : لا بس الساعه 12 ونصور مب متعود يسهر روضة : حمداانوووه خلكم بعدها 12 حمدان يروح عندها يمسك إيدها : منو حمداااانوووه !! روضة : أيييييي بطل إيدي حمدان : مب مبطلنها لين تقولين منو حمدااانووووه روضة : ماااماااا أم حمدان : بطلها يا حمدان .. أنت تعرفها من صغرها تناديك حمدااانوووه حمدان يبطل إيده : هاك قبل مب جني متزوج وعندي أولاد أحمد : ليش أنت بس ،، حتى أنا روضة : ليش بس حلال ع مرتك وحرام عليا حمد : مسجين فضحوه شهد : هههه كيفي عاد هذا ريلي حمدان : والله سوالفكم ماتنمل بس لازم نروح أم حمدان : حافظكم الله ساره : صح عمتي باجر كلكم معزومين عندي حمد : ليش بالله مب سادنج أنا ساره : أفااا بس حلوه يوم تكونون كلكم حمد : بس كل يمعه هنا غدانا وعشانا ساره : بس هالمره ف بيتنا حمدان وساره: تصبحون ع خير الكل : تلاقوا خير حمد يقوم : وأنا بعد بروح أرقد أحمد : وأحنا بعد تصبحوا ع خير حمد : يالله عيل حمود خلنا نروح انام روضة : حمد حمد : هلااا روضة مستحيه : نهيان باجر بي يتعشى عدنا حمد يلتفت : شو تشاوريني ..حياه البيت بيته .. روضة : لا بس تعرف هو أول مره يتعشى بعد ماملجنا وأباك تكون موجود حمد : ليش موب هذه أول مره نهيان يكون هنا عادي متعودين عليه وهنا أحمد .. أنا باجر بطلع معه الربع .. روضة : حمد أنت تعرف أني أنا وياك وايد ونهيان ربيعك .. وأنا أستحي أكون بروحي وياه حمد : بس أنا باجر بطلع مع الربع روضة : بس هم مب أهم مني أنا .. وأنا قلت لك أنت وأحمد وحمدان بكونوا موجودين حمد : يصير خير روضة : شو يعني !!!! حمد : وأنا أقدر أقول لا روضة أبتسمت : مشكور .. وتصبح ع خير حمد : وأنتي من أهله حمد شل حمود بدل ملابسه ورقده حذاله .. حمد : بوسه لخالي حمود : بس أنت بابا مب خالي حمد : فديتك كل ولا زعلك حمود يقوم يبوس حمد : تصبح ع خير حمد : وأنت من هله يالله أرقد حمد يلس يلعب بالفون بعدها حط راسه عشان ينام حمود : بابا حمد : ممممم حمود : متى بتعرس !!! حمد صد صوبه : ليش تباني أعرس !! حمود : هيه مثل عمي نهيان .. حمد : إن شاء الله قريب حمود : بابا إذ تزوجت لا تخلاني وتروح عني حمد أنصدم من كلامه ما توقع هالكلام كلام ياهل عمره 5 سنوات حمد يمسح ع شعر حمود : لاتخاف حبيبي بخذك وياي ف البيت اليديد حمود : يعني مابتخلاني بروحي هنا حمد : لا حبيبي وبعدين أنت هنا مب بروحك الكل يحبك .. يدي ويدوه وخالي أحمد وخالي حمدان وخالوه روضة وخالوه شهد وخالوه ساره .. وسكت فتره .. وأنا أحبك وايد حمود : وأنا بعد أحبك واايد بعدها رقد حمود وخلا حمد يبحر ف عالم أفكاره ف عالم حمود وأخته ريم تذكرها لما تزوجت تذكر شكثر صاح ع فراقها ولما عرف أنها حامل وأول ما ولدت كان أكثر واحد يزورها ومن كثر معزه حمد هو اللي سماه وريلها ما أعترض حمد حده فرح .. سماه محمد ودلعه حمود .. نزلت دمعه حاره من قلبه .. دمعه أفتقاد غالي ع قلب .. . . . اليوم الثاني قام حمد الساعه 12 دش الحمام خذ له شاور ع السريع وهو طالع من الحمام ياه أتصال شاف الرقم عرف وحده من اللي يرمسهم .. طنشها ولا رد عليها .. راح تلبس لبس كندوره بيج وغتره بيج وتعطر وقبل لا يطلع ياه أتصال .. حمد بضيج : افففففففف شو هاي ماتمل !! راح جاف الفون شاف خالد حمد : هلا والله بو وليد خالد : هلا بيك .. شحالك !! حمد : يسرك الحال ، ومن صوبكم !! خالد : حال مديم ، وين دارك ! حمد : والله حالياً ف البيت .. والحين طالع بروح أصلي بعدها بروح بيت أخوي خالد : عسى ماشر حمد : ماشر بس حرمه أخوي عازمتنا من زمان ما رحت بيتهم خالد : خلاص عيل كنت ناوي أعزمك حمد : مشكور الغالي خالد : خلاص عيل نلتقي ف الليل حمد : ولا ف الليل نهيان ولد خالي معزوم ع العشى خالد : أشوفك محجوز اليوم كله وباجر غداك عيل عندي حمد : هههه يا رياال نسيت باجر اليمعه وباجر السلطات الداخليه تقول الغدا ف البيت خالد : هههه خلاص عيل ماشي الا أحجز الأسبوع الياي الخميس لا تقول محجوز حمد أونه يفكر : امممم وبعد ماا سكر ... نزل حمد ماحصل حد تحت قال بيروح غرفة روضة سمع صوت الإقامه وراح يصلى .. خلصوا صلاه وراح ويا حمدان بيته حمد : توقعت الكل موجود .. حمدان : يمكن الحين بيوون .. بخليك خذ راحتك بروح أشوف ساره راح حمدان وشوي تتصل روضة روضة معصبه : أنت وين .. شو نسيت سالفه العزيمه !!! حمد : أوه نسيت طلعت ويا ريعي روضة : بيمدحوك نسيت العزيمه أصلاً ليك .. حمد : سمحيلي فديتج .. وأعتذري لساره وحمدان .. روضة : أنزيين تقدر ترجع والله فشله حمد : حياتي أنا مب جريب من البيت أنا بعيد روضة : حسافه ماشفتك طلعت يالله بخليك بنروح الحين حمد : أوك فديتج وأعتذري ليهم .. روضة : إن شاء الله والله يعينك من ساره .. وما وصيك ماتنسى العشى حمد : أفا عليج وأنا أقدر أنسى روضة : مادام أنك نسيت عزيمه ساره بتنسى العشى .. يالله بااي حمد : باي حمدان وساره يدخلوا : السلام عليكم حمد : وعليكم السلام .. شحالج أم ناصر !! ساره : بخير يسرك الحال .. شحالك أنت !! حمد : والله رقيص .. حمدان : شو توك ترمس روضة .. حمد يضحك : هههه هيه متصله محتشره أونه نسيت العزيمه .. ساره : ليش !! حمد : أنا وطالع ماشفت حد .. رحت أصلي ويت ويا حمدان .. وهيه حسبالها نسيت .. حمدان : الله يعين الحين بتشل الدنيا ع راسنا .. دقايق ودشت روضة وأحمد وشهد وأم حمدان وبو حمدان و حمود .. حمود ركض لحمد وروضة من شافت حمد أنصدمه .. حمد طنشها وراح يسلم ع أمه وأبوه .. أبو حمدان : روضة ليش تقولين حمد محد وهو أول الحاضرين !!! حمد : أفاا يا روضة تبين تاكلين الغدى بروحج روضة : لساني مايخاطب لسان جذاب حمد : افا افا كله ولا زعلج روضة حرته بعين وسكتت .. حطوا الغدى تغدوا الريايل بروحهم والحريم بروحهم بعدها أجتمعوا وقعدوا يسولفون .. أبو حمدان : خلاص الأسبوع الياي بنروح نخطب لحمد حمد : أفا ليش جذا مستعيلين !! أبو حمدان : إذ خليناك ع راحتك مابنتحرك أم حمدان : وأنا راي من راي أبوك .. أحمد : ومتى إن شاء الله الملجه !! حمد : أي ملجه وأي بطيخ حمدان : ليش ؟؟؟ أنا أفضل أنكم تملجون حمد : والله أنا راي وقراري الملجه والعرس ف يوم واحد أم حمدان : بس أفضل تشوفها وتعرفها حمد : والله أعتقد مب لازم بما أنج أنتي مختارتنها وتروح روضة وساره وشهد يشوفوها أبو حمدان : وأنا جذا راي حمدان : بس أفضل يشوفها مب بعدين يقول مايباها روضة : صدق حمد أفضل تشوفها حمد : لا تخافون مابقول .. أنا مب عندي هالخرابيط قوم لبسني وأكلني خلنا نعرس وبس مب هذا همكم ساره : ما عليه عمتي خلوه ع رايه .. بس بعدين مب يقول ماباها حمد : أنتوا ماتقصروا . . . نهيان : ياخي أختكم أتخرت صار لي ساعه أترياها !! أحمد : وليش نحن مب مكفين !! نهيان : والله بدون مجاملات أنا ياي أشوف أختكم مب ويوهكم .. حمدان : هذا وبعده ما شاف روضة يقول جيه عيل يوم بيشوفها بيقول عطوني مقفاكم نهيان : ليش حسبالكم ياي عندكم أكيد بتعطوني مقفاكم .. حمد : ناس ما تنعطى فيس .. أقول قم أنت عطانا مقفاك نهيان : لا بوي أسكت أحسن لي .. بس والله زهقت حمدان : عيل قبل يوم أتي ما تقول زهقت ..!! أحمد : مصالح ولد الخال حمدان : الا ماقلت شحال نواف !! نهيان : بخير وهالأيام مبتلش ببنته مريضه حمدان : شفيها !! نهيان : الربو أحمد : مسجينه هاي من صغيره وهي مريضة !! نهيان بصوت واطي : حمد دخيلك أرحم حالنا حمد يعلي صوته : شو قلت ماسمعت !!! نهيان : حمد حمد يقوم : دقايق راح حمد ينادي روضة حصلها تنزل من ع الدرج قعد يشوفها حمد منبهر بجمالها ويصفر : أخاف أنا داش بيت اليران روضة : شرااااايك !!! حمد : هذا كله عشان نهيااان ..!! روضة : حمد .. حمد : هههه يالله امشي من مساعه ينتظرج وأنا وحمدان وأحمد رافعين ضغطه روضة : هههههه حرام عليكم دخل حمد ودخلت روضة وراه .. روضة : السلام عليكم نهيان تم ساكت بعدها رد السلام : وعليكم السلام حمدان وأحمد ضحكوا ع شكله نهيان طنشهم : شحالج روضة !! روضة تقعد حذال حمد : بخير يسرك الحال أنت شحالك !!! نهيان : والله من شفتج بخير من مساعه أخوانج رافعين ضغطي .. وبعد 5 دقايق نهيان : يلاااا ياااا أخواااني الاعزااااء بررررررع حمد : تحلم حمدان وأحمد : هههههههههه حطوا العشى تعشوا وبعدها حمدان راح بيته وأحمد راح عند مرته ،، أما حمد قاعد يلعب بفونه نهيان بصوت واطي : لو بإيدي رفسته ف بطنه أخوج هذا .. روضة : هههه حرام عليك ما أرضى نهيان : عيل قاعد بينا حمد ويرن فونه : خلاص دقايق وبرجع نهيان : مابغيت حمد : يعني أقعد نهيان : لا توبه .. سحبنا كلمتنا روضة تضحك : هههه نهيان أونه معصب : هي ضحكي شو وراج روضة تهدده : تراني بنادي حمد نهيان : دخيلج كل ولا حمد .. مابغى يفارج .. ..... عند حمد حمد : صدقيني هالأيام مشغول وايد بدور : لهدرجه مشغول .. يعني شغلك أهم مني حمد : تعرفين هالايام عرس أختي وبعد شهر عرسي بدور : عرسك منو بتاخذ !! حمد : نعم .. أقول مب جنج تخطيتي الخط الأحمر بدور : شفيك زعلت ما قلت شي حمد : كل هذا وما قلتي شي .. أقول عندي خط ثاني " يجذب عليها " بدور : أوك بخليك بس لاتنسانا حمد : ليش توني مب أقولج عرسي قريب بدور : أفهم هاي أخر مكالمه !! حمد : ع حسب بشوف وبقولج بدور : ع راحتك يالله حبيبي حافظك الرب حمد : مع السلامه سكر عنها وبعدها اتصل لخالد خالد : الووو حمد : هلا والله بو وليد خالد : هلا والله حمد : شحالك !! خالد : يسرك الحال .. ومن جداك !! حمد : ترتوب .. وين دارك !! خالد : والله ماشي غير هاالعزبه حمد : أهاا عيل مستانسين بس أكيد القعده بدوووني مب حلووه حمد يمشي صوب المطبخ سمع صوت صايح وصريخ : خالد بخليك خالد : شفيك !! حمد : باي سكر حمد ويركض صوب المطبخ الا يشوف ....... نهيان : هذا صوت حمد !!! روضة بخوف : شو صاير !! نهيان : قومي صوت حمد عالي أكيد فيه شي .......... حمود يصيح والخدامه واقفه صوبه معصبه وضاربتنه حمد معصب : يالسباله شو سويتي فيه !! الخدامه بخوف : أنا مايسوي شي حمد بكل قوته يصفعها ويسحبها من شعرها وبصوته العالي يصرخ ف ويهها : يالجلبه حسبالج ماجفتج " ويشد عليها أكثر .. وهي تصيح " شو حسبالج تضربينه ع كيفج .. شو ما وراج حد .. شو تتحسبين عمرج والله لجتلج .. نهيان يركض يمسكه : حمد بطلها بس قتلتها !! حمد معصب : والله ما خليتها .. نهيان : حمد بس اهدأ حمد : نهيان قوم عني نهيان ما قدر عليه .. وروضة ماسكه حمود وتصيح تخاف حمد يسوي شي .. الا فجاه يدش أحمد وأبو حمدان والباجين ع صوت الصراخ والخدم واقفين صنم خايفين لأنهم بشكل عام يخافوا اكثر واحد من حمد إذا عصب .. أحمد وأبو حمدان يحاولوا يهدون حمد بو حمدان : حمد بس .. نهيان : حمد بس جتلتها حمد يمسك أكثر : والله لجتلها أحمد : حمد بسها وحمد يسبها وشوي يرفسها بريوله .. نهيان : حمد بس أهدى حمد : حسبالج محد وراج .. شو تتحسبي عمرج يالنذله .. صدق أنج حقيره .. الخدامه تصيح وخايفه من عصبيته .. أم حمدان : حمد شفيك عليها حمد معصب : ماسكه حمود وتضربه هالنذله أحمد عصب : شووو تضربه شو حسبالها !!! نهيان : أحمد لاتزيد الطين بله أحمد يطلع حمد من المطبخ يشوف كل الخدم صوب الباب السواق والطباخ والخدامات يصرخ عليهم : والله لو شفت حد سوى بحمود ولا حد من اليهال والله لسوي فيه أخس عن جذا .. دشوا داخل وحمد بعده محتشر : والله ما تقعد هنا ولا دقيقه أحمد : والله لسفرها شهد : أحمد بس لا تزيدها ... أم حمدان تمسح ع راس حمود : فديت روحك بس لا تصيح حمد : حمود تعال حمود يركض ف حظن حمد ويصيح بصوت عالي .. خاف من الموقف .. حمد : بس حبيبي لا تصيح نهيان : الله يهديك يا حمد إذا تعصب محد يقدر عليك بغيت تقتلها حمد : جان زين تموت أم حمدان : هيه عشان ولدي يبتلش شهد : بس عمتي لا تخافين .. وأنتي تعرفي ولدج إذا عصب .. وما شاء الله ع أحمد يزيده أحمد : تبيني أسكت ليها نهيان يضحك : صدقج حمد معصب وأحمد يزيد النار حطب أبو حمد : صدقكم حمد إذ عصب مايعرف حد جدامه نهيان يقوم : يالله أنا أستأذن بو حمدان : قاعدين نهيان : الوقت تأخر فشله أم حمدان : ربي حافظك .. وهالله هالله بدرب نهيان : إن شاء الله حمد : السموحه نهيان ضيعنا عليك هاليوم نهيان يغمز ليه : شسوي عاد هذا حظي النحس ... حمد : هههه ويا ويهك .. "يغمز لروضة تقوم وراه" روضة : السموحه نهيان ... نهيان : ع شو !! روضة : ع اللي صار .. ما قعدت نهيان : ماعليه حياتي الأيام يايه.. يالله حياتي دشي مب حلوه وقفتج برع روضة : إن شاء الله نهيان : مع السلامه روضة : مع السلامه .. نهيـــــان ! نهيان يلتفت : لبيه روضة : حط بالك ع عمرك .. ولا تسرع نهيان : من عيوني .. وأنتي بعد . . . يتبـ’ع | |
| |
|
26-10-2010, 08:04 PM
| #9 (permalink) | |
|
عضو برونزي
| رد: . . { حُبڪِ ڛْڪـטּ ڪِل آلنـَﯙآحيـﮱ ؛ ﯙأصـَبِح غ’ـدىــﮱ دَميـﮱ و آلعْ ـرﯚقً . . !* بـآآآآآك ؛ بعد مرور شهر ما بقى ع عرس روضة إلا اسبوعين .. ومن حسن الحظ كانت أيام الأجازه .. وكانت تقضي أكثر أيام أجازتها ف الأسواق تجهز للعرس كانت مرتبشه .. أما عن حمد خطبوا له وراحت روضة وسارة وشهد وأم حمدان يشوفون البنت عجبتهم كانت ملاك وايد حلوه كانوا الكل يشوفوها تصلح لحمد الا روضة .. هي بنت عاقل وما شاء الله عليها صح عمرها 19 صغيره بس عقلها أكبر عن عمره .. بس تخاف من حمد ..... نهيان : مب تقولين عقلها أكبر عن عمرها فأكيد بتقدر تكسبه روضة : صح بس هي صغيره وأنت تعرف حمد إذا عصب ماشجوف حد جدامه والله يهدي يرمس بنات نهيان : ما عليه بيتغير .. "يبا يطفر فيها " أنا كنت بس تغيرت روضة : شوووووووو !! نهيان يكمل : حياتي هاك قبل بس لما ملجت ودرتهم محد يسواج روضة : نهيان من صدقك ترمس !! نهيان : عيل أجذب عليج أبا أكون صريح معاج .. روضة عصبت وسكرت أتصل فيها ولا ردت .. عرف أنها مابترد عليه طرش لها مسج .. " حياتي والله كنت أمزح وأنا أقدر أناظر غير عينج ،، أحبج " . . . كانت قاعدة ف غرفتها عندها صديقتها هند تعطيها العصير : يا هلا بميروووه ما بغيتي تزورينا ميرة تشرب العصير : الله حلو طعم عصيركم هند : ههههه صدق عيال فقر جنه عمرج ماشربتي عصير ميرة : مخلين العز لج .. شحال حمد !! هند : والله ما أعرف تعرفين بس جفت أخته وحريم أخوانه ميرة : يعني ماشفتيه !!!! هند : لو شفته أنتي أول وحده بتعرفين ميرة : والله غريبه أحيد كل واحد يعرس يشرط أنه يشوف اللي بياخذها هند : ما غريب الا الشيطان .. ما أدري ميرة : وأنتي كيف وافقتي عليه وماشفتيه يمكن خسف !! هند : بس أخته حلوه .. وأنتي أكثر وحده تعرفين أني ما أهتم بالجمال ميرة : هنووود أنا أدري أنتي ليش موافقه مب عشان أنج تبين تستقرين !!! هند ساكته :........... ميرة تتقرب منها : هنوود لا تقولين عشان عايشه ف بيت أختج !!! هند : بس أنتي تعرفين أنه بعد وفاه أبوي صرت بروحي زوج أمي رفضني وزوج أختي رفض أعيش ف بيتي " قبل وفاه أبوها سجل البيت باسمها خاف عليها هو عنده 3 بنات بس كلهم متزوجات " ميرة : أكيد بيرفض كيف بنت تعيش بروحها بدون ريال وأنتي عمرج 14 وزوج أختج طيب وهو شرات أخوج الكبير هند : والله أدري ولو كان عندي أخوه مابكون شرات معاملته .. بس أحس أني ثقلت عليهم ميرة : ليش حسسوج بشي !!! هند : لاا ميرة : حواري أنتي صليتي أستخاره !! هند : تبين الصراحه لا ميرة معصبه : لا والله وليش يعني ياما تقدموا ليش وتصلي وما ترتاحي ليهم ليش يعني لانه عنده بيزات !! هند تصيح : ميرة شو تقولين عمري مافكرت ببيزاته .. تبين الصراحه عشاان .... . . . خالد : ولا بعد جم شهر بتعرس حمد : صدق أنك فاضي حمود : بابا شو أسمها حمد أفتشل مايعرف شسمها : منوو هاي !! خالد عرف أنه مايعرف أسمها : ههههههههههههه حشى حتى عن أسمها ماعندك فضول !!! حمد : وشو أبا أسمها ما دام أختي مدحتها !! قعد حمد يلعب مع حمود وخالد قاعد مكانه .. صد صوبه شافه سرحاان حمد : حمود بروح عند خالد أنتي أقعد ألعب حمود : أنزين حمد : بو وليد شفيك !!! خالد : ولاشي .. متى بنروح عند الشباب !!! حمد : خالد لاتغير السالفه شفيك !!! خالد : بنت عمي ! حمد : شفيها !!!!!!!!!!!!! خالد : ما أدري أحسها رافضتني !! حمد : كيف عرفت !! خالد : كل ماتشوفني ماتعطيني فيس .. وكل ما أروح بيتهم تسلم وتطلع حمد : ليش أنتوا ماتحبوا بعض !!! خالد : أنا من شفت الدنيا أسمع خالد لمريم ومريم لخالد كنت أحسها عادي وأخر سنتين كل ماتشوفني تطنش وما أدري إذ تحبني ولا حمد كان يسمع خالد حس مشكلته خالد أكبر عن مشكته هو دوم خالد يسمعه وعمره ماسمع لخالد حمد : ليش ماتسألها !! خالد يرد بستهزاء : لو ماتحبني بتقول الحين ياي تسأل حمد : وأنت تحبها ! خالد : أنا اللي أعرفه أنه ماحطيت حد ف بالي مرتي ولا أم عيالي غير مريم . . . هند : خلج بعدني ماشبعت منج ميرة تلبس عباتها : من العصر وأنا عندج هند : أدري بس بعدني ماشبعت منج ميرة : أدري لو بقعد ليل ونهار مابتملين مني هند : مشكله الغرور ميرة تسلم ع هند : طالعه عليج طلعوا وشافتهم فاطمة أخت هند حور : ليش ماتتعشين معانا !! هند : قلت ليها ميرة : مشكوره فديتج بس أخوي ينتظرني .. مع السلامه .. هند وحور: مع السلامه هند تروح غرفتها تناديها حور : هنووووووود !! هند : لبيه حور : تعالي برمسج هند تقعد : أمري حور : هنوود سعيد سألني اليوم إذا أنتي موافقه !! هند بستغرب : ليش أنتوا مارديتوا عليهم !!! فاطمه : هيه .. بس راشد يقول مب مرتاح ليه وايد يقول يحسه مغرور وشايف عمره .. هو مايبا يوقف بسعاتج وبنفس الوقت مايبا يظلمج هند : أعتقد مب حلوه نرده .. حور : صح .. بس أنتي ع راحتج .. وأنتي كيف حسيتي .. صليتي أستخاره !! هند تقوم : هيه وحسيت عادي حور : ع راحتج وربي يسعدج . . . شهد : ما كنت أعرف ذوقج لهدرجه حلو روضة : شاريج بهالبدله !! شهد : وايد حلوه .. في شي بعد ناقصج ولا خلصتي !! روضة : أعتقد خلصت وإذا شي بس أشيا خفيفه تدخل عليهم ساره : أنتوو هنييه وأنا قااعده برووحي روضة : هلا ساروووه والله مانعرفج أنج هنا ساره : الله كل هذا زهبت العروس .. هالساعه وايد حلوه من وين ماخذتنها !! روضة : هاي هديه من عند حمد شهد : أونه ما أعرف ذوقه حلوه لهدرجه .. روضة تقعد حذال شهد ... : تصدقون خايفه من زواج حمد ساره : ليش !! روضة : أحس حمد وايد عصبي ع أي شي بيسوي سالفه .. ساره : روضة مب أول واحد عصبي بيعرس .. ياما ناس أكثر عنه بس نجحوا بحياتهم .. وتغيروا شهد : صدقها ساره وأنا قلت عن أخوي جذا .. بس والله لو شفتيه مابتقولين هذا كان عصبي روضة : صدقكم والعروس ما شاء الله عليها حلوه وطيبه وعاقل شهد : بسألكم ،، حمد بيسوي ملجة ولاا !! ساره : أنا سمعت يمكن قبل العرس بسبوع الملجه عاد ما أدري .. يقول حمدان أن حمد يبا الملجه والعرس ف يوم واحد . . . مابقى ع العرس غير جم ساعه .. نهيان اليوم محد قده اليوم طاير ف السما من فرحته ومرتبش .. والكل حذاله حمدان وأحمد وخالد وحمد وعيال عمهم الكل يشل ويحط وحمد وخالد كل شوي يطفروا فيه نواف أخو نهيان : وإن شاء الله جريب حمد وبعده بيلحقه خالد خالد : خلهم يا ريال هم غيرانين لأنه نحن عدنا الحريه حمد : ههههه خالد كيف الحرمه تتحكم بالريال !! خالد يقلد الحريم : أسمع إذ مارجعت الساعه 9 تراك تزهب تنام برع البيت الكل : ههههههههههههههههه . . . ساره تدخل الغرفه مع أختها مهره : السلام عليكم روضة كانت تناظر المنظره من سمعت صوتهم صدت صوبهم : وعليكم السلام ساره ومهره راحوا يباركوا ليها .. ساره : ما شاء الله عليج طالعه حلوه مهره : ألف ألف مبـــــــروك روضة : الله يبارك .. وعقبالج .. مهره : تصدقين رواضي أول مره أعرف أنج حلوه .. روضة : لا والله ليش قبل سباله .. ما شاء الله عليج حتى أنتي طالعه حلوه .. ألا أنتي وينج من الملجه ما شفتج ، شو بس ف المناسبات نشوفج ماجنه عندج بنت عم تسألين عنها "مهره عمرها 21 سنه .. مشكلتها مغروره وشايفه الناس أقل منها " مهره : لاحبيبتي بس تعرفي هموم الدنيا .. ساره : اللي يقول عندج عيال وبيت .. حتى أنا أختها ما أشوفها إلا من الخميس للخميس روضة : ههههه لهدرجه مهره بدلع : تعرفين الجامعه .. أووووو هنا فطوم شحالج !! فطوم بدون نفس : بخير مها تحدر عليهم : السلام عليكم الكل : وعليكم السلام مها بدون نفس : هلا مهره أنتي هنا .. شحالج !! مهره بستحقار : هي هنا مها بصوت واطي : أجوف الأجوا متكهربا فطوم تضحك : صدقج صدق أنها ترفع ضغطي .. ياليتها شرات ساره .. مها : تقارني القمر بشمس فطوم : هههههه صدقج بعد العشى ... دخلت روضة القاعة ع أغنيه راشد الماجد (( روضة )) ،، وبعد نص ساعه دخل نهيان .. حمد يسلم ع روضة : ألف ألف مبروك يالغاليه الريم : الله يبارك .. وعقبالك !! أحمد يسلم عليها : مبروك حبيبتي روضة وعيونها تدمع : الله يبارك .... حمد حس فيها فحب يلطف الجو : روضة ! روضة : لبيه .. حمد : مرتي جذا حلوه شراتج .. روضة أبتسمت : مابغيت تطراها .. لا تخاف حلوه .. نهيان : بس مرتي أحلا الكل ضحك وبعدها دخل ابو حمدان وحمدان سلموا وباركوا لهم وخذوا جم صوره معاهم وحمود ونصور معاهم .. بعدها الكل طلع ...... بس كانت عين من بين الناس تناظر حمد كانت منبهره بجماله من زمان ماجافته " معقوله الأيام حلتك جذا " ساره : شفيج سرحانه !! مهره : ولا شي .. بس ما قلتي لي حمد جذا حلوو ساره تقوم عنها : وليش أقولج .. بس نسيت أقولج بعد شهرين عرسه ! مهره منصدمه : شوووو !!!!!!!!! . . . راشد : هنووووده هند : هلا راشد .. راشد يقعد حذال حور : هند بغيتج بسالفه أتمناج تعتبريني أخوج الكبير ولا تزعلين مني هند : أفا يا راشد شو هالكلام أرمس ولا تخاف مابزعل ولا بحط ف خاطري راشد : أنتي موافقه ع حمد !!! هند : ليش هالسؤال !! راشد : تبين الصراحه مستغرب من أختيارج ياما ناس خطبوج وأحسن منه بس رفضتي هند : النصيب راشد يكمل : لو ما كنت أعرفج بقول أنج عشان بيزاته بس أنا أعرفج عدل .. هند : ليش أنت شايفه شي عليه مب زيين ..!! راشد : تبين الصراحه توني ياي من عرس أخته حسيته مغرور ومتكبر ، أقولج ما يا يسلم .. بالأول ما عرفني بس أبوه قاله لأنه يمكن بس شافني مره وحده .. حسيت تصرفاته وأسلوبه وتكبره مب هالشخص اللي يناسبج هند : أنت نفسك قلت أنهم عندهم بيزات ويمكن البيزات خلته متكبر راشد : وأنتي موافقه !!! هند : هيه راشد : أهم شي رايج وراحتج . . . الساعه 3 كانوا ف المستشفى ينتظروا الدكتور يطلع من الغرفه أحمد : ماما بس إن شاء الله أبوي بخير .. أم حمدان تصيح : وين الخير وأبوك مايرد علي !! يطلع الدكتور وحمد يركض صوبه : بشر دكتور الدكتور : الحمد لله ع سلامته .. حمدان : عسى أبوي مافيه شي !! الدكتور : والله شقولك الوالد يته جلطه بس الحمد لله خفيفه أم حمدان : آآآآآآه يا قلبي عليك يا بو حمدان الدكتور : لا تخافي يا الوالده هو هالوقت بخير بس يباله الراحه أحمد : نقدر نشوفه الحين !! الدكتور : هالوقت خلوه يرتاح شوي .. وإن شاء الله باجر يصير خير حمدان : مشكور دكتووور روضة يايه تركض وتصيح : شفيه أبووويه !!! حمد : هاي منو قالها .!!! روضة : ليش يعني مب ناوين تخبروني أنا هناك مستانسه وأبوي هنا تعبان .. ماما قولي أبوي شفيه أم حمدان تصيح :........ روضة تصرخ : شفيه أبوووويه !! حمدان : روضة لا تخافي أبوي بخير نهيان : حمد شفيه عمي !! حمد : ياته جلطه خفيفه أحمد : لا تخافون إن شاء الله بخير نهيان : بس توه الحمد لله كان بخير حمد : والله ما أدري الكل أستغرب إلا أنت كيف عرفت !!! نهيان : روضة تذكرت أنها نست فونها قالت بتتصل لأمك ورد عليها حمود يصيح حمد : فديته حمود خاف .. أنزين جان يبتها الصبح نهيان : أنت تعرف أختك كيف عنيده !!!!! .................... أول شي دخل حمدان وأمه وحمد وأول ما دخلوا شافوا الوايرات والأجهزه حمد وأم حمدان أول ماشافوا بو حمدان بهالحاله قعدوا يصيحوا .. حمدان : حمد أنت مب ياهل تصيح حمد : ماتوقعت يوم من الأيام بشوف أبوي بهالحاله من أنا وصغير أشوفه ذيب واليوم .. " قعد يصيح " ماتخيلته بيكون جذا ضعيف .. حمدان يحضن أخوه : حمد قول لا إله إلا الله .. هذا أبتلا من عند الله ونحن راضين به حمد يمسح دموعه : لا إله إلا الله .. اللهم لا أعتراض راح حمدان يهدي بامه كانت واقفه حذاله وتصيح حابسه ع صوتها بعدها دخل أحمد ونهيان ورضة دخلوا دقايق وطلعوا لأنه روضة ماقدرت تتحمل حمد : نهيان خذ روضة وروحوا البيت !! روضة : ما متحركه إلا إذ شفت أبوي بخير حمد يعصب : روضة ماله داعي لهالعناد أبوي بخير .. نهيان : حمد أهدى شوفها بروحها منهاره .. حمد : ما عليه نهيان رجعهم البيت لأنها تعبانه شو شكلها كيف .. وحمدان وأحمد خلاص روحوا وخذوا أمي وياكم وأنا بقعد هنا .. أم حمدان : أنا مب متحركه من مكااني .. حمدان : ماما قومي توج شفتيه الحمدلله بخير .. لان خلاص ما بيخلوج تشوفينه مرة ثانية إلا الصبح ... أحمد : يلاا ماما قومي عسب ترتاحين .. أم حمدان : كيف أرتاح وأبو عيالي ف المستشفى حمد : لا تخافي الحمد لله هو بخير وانا كل وقت بتصل لج أطمنج أحمد : وأنا بقعد وياه حمد : أحمد ما له داعي روح أحمد : بس ....... حمدان : صدقه حمد هو بيكون موجود روضة : إذ صار شي خبرني .. حمد ياشر بعينه : من هذه العيون . . . الساعه 8 الكل كان موجود وأبو حمدان تحسنت حالته شوي من حسن الحظ كانت خفيفه روضة : خوفتي عليك كل هذه لأني ودرتك .. بو حمدان : ههههه الله يعينك يا نهيان ع هالدلع نهيان : شسوي أبتلشت روضة : نعم !!!! نهيان : لا ولاشي سلامتج حمدان : ها نهيان من الحين بديت تخاف !!! بو حمدان : نهيان ! نهيان : هلا عمي !!!! بو حمدان : متى سفرتك !! نهيان باستغراب : اليوم ف العصر بس بأجلها .. بو حمدان : لا تأجلها ،، روضة : بابا كيف أسافر اليوم وأنت هنا مريض !!!! بو حمدان : أنا الحمد لله بخير .. يسد أني ضيعت عليكم فرحتكم ... ساره : وياه حق عمي ماله حايه تأجلوه نحن كلنا حذاله .. الا شرايج عمتي أم حمدان : راي من راي بو حمدان روضة : بس أنا قلت مابسافر !! حمد : يقولج أبوي بخير ليش هالعناد بو حمدان : شوف منو يرمس عن العناد شكله نسى هو أكثر واحد عنيد حمد : طالع ع أبوي بعد أسبوع طلع بو حمدان ونهيان وروضة سافروا نفس موعد سفرتهم . . . مهره : أنتي من صدقج حمد بيعرس !! ساره : عيل حظرتج أتمسخر !! مهره : وأنا !!!!!!!!!!!! ساره : مهره نسيتي هالحب من طرف واحد ! مهره : بس أنا شذنبي يوم حبيته من أنا وصغيره أحبه وكبر حبه .. ساره : حب مراهقه .. وبعدين ليش تبين واحد مايباج .. عمي شاور حمد إذا يخطبج له وكنتي أول وحده يختاروها لحمد بس حمد قال مايباج .. مهره تصيح :........ ساره تقعد حذالها .. عورها قلبها ع حظ أختها .. مهما كان هذه أختها : مهره حبيبتي أنسيه وبعدين أنا لاحظت عليج هالأيام راح من بالج مهره : أنا عمري ما نسيته بس شفته بارد معاي حاولت أتناسى ساره : مب عليه أنسي وبيج واحد أحسن عن حمد بميت مره .. وحمد مايستاهل دمعه من دموعج وأنتي الكل يتمناج مهره تقوم وترمس بكل جد : صدقيني يا ساره حمد بيندم ع هالقراره ساره بخوف : مهره شتقولين !!! مهره : بخلي حمد أول شهر يتهنى بزواجه بس بعدها بخليه يتعذب ساره : شو بسويين !! مهره تمسح دموعها وترمس بكل جد وقهر : مب حمد اللي دمعه من دموعي تذرف عليه ف النهايه هو اللي بيذرف دمعته .. وساعتها أنا اللي بقوله ما أباك .. وبتقولين مهره قالت .. طلعت مهره وخلت ساره بدوامه من الأسئله بس قالت يمكن هالكلام لأنها معصبه .. وقطع عليها صوت ولدها يناديها أنهم بروحوا .. راحت ونست الموضوع .. . . . حمد : ماله داعي ملجه وربشه مرتين خلوا الملجه والعرس ف يوم واحد .. أفضل أبوي توه طالع من المستشفى وما يقدر ع هذه كله .. حمدان : أنا أشوف راي من راي حمد مادام أنه بنفسه موافق حمد : وأنا من زمان موافق أم حمدان : أدريبك مب عشان سواد عينك حمد : شفيها الوالده قلبت علي أم حمدان : أحسك بتظلم البنت !! حمد : هذا بدل لا توقفين معاي توقفين معاها وليش إن شاء الله بظلمها !!! أم حمدان : عيل ليش رفضت تشوفها !! حمد : ماما صدقيني مب لازم وأنا وأثق بأختياركم شهد : الصراحه البنت ما عليها كلام ساره : صدقها شهد وأنتي عمتي لا تضايجين ما دامها عجبتنا فأكيد بتعجب حمد حمد : خلاص أرتحتي بس من أحلا عروستنا روضة ولا مرتي ...!!! شهد : كلهم حلوات بس روضة أحلا بشوي !! حمد : أهم شي ما تنافس روضة .. بو حمدان : عيل خلاص أنا بكلم راشد وبنشوف ... يدخل حمود وف إيده الكوره ونصور معاه يركض ف حضن حمد حمود يكلم حمد بصوت واطي : بابا كنى نلعب وأنكسرت الزجاجه مال سياره خالي أحمد حمد : شووو !!! بو حمدان : شفيك !!! حمد يطالع أحمد : عليك العوض .. عظم الله أجرك .. أحمد حس بشي : الله يستر شو !!! حمد : العصابه وصلت لجامه سيارتك أحمد : شووو !!!!! حمود يمسك ايد حمد ونصور ف حضن أمه .. حمدان : ههههههههههههههههه أحمد : حظرتك تضحك وولدك وحمود كاسرين سيارتي حمدان : عادي تعودت ما مخلين علي شي ف البيت ولا هنا خلهم يوصلوا لأغراضك أحمد عصب : والله لشوفكم مره ثانيه واصلين السياره ولا كاسرين شي بو حمدان : أحمد شوي عليهم هذه يهال وإذ ع السياره بتتصلح .. حمود تعال حمود من شاف يده ما هزبه ركض صوبه حمود : يدي قول لعمي مايضربني بو حمدان : ما عاش من يضربك وراسي يشم الهوا . . . كانت قاعدة فغرفتها وحواليها أغراضها.. إلا شوي حد دق الباب هند : اوووووووووفففف شوو تبوون !! ميرة : أنا ميييره هند تفتح الباب : ميرووووه .. سمحيلي حسبالي عيال راشد .. ميرة تشوف الأغراض : الله الله كل هذه مستعيله ع العرس .. هند : أنتي تعرفيني .. وبعدين مابقى ع العرس إلا اسبوع ميرة : صدقج .. ماخبرتج شفت المعرس ... هند : أي معرس !!!! ميرة تشوف الأغراض : تصدقين معرسي .. تستهبلين ريلج بعد منوو هند : متى شفتيه !! وشو عرفج فييه !! ميرة : شفته ف عرس أخته رحت معه أختي العرس .. لو شفتيه يا هندوووه بتموتين هند باهتمام : ليش مب حلوه !! ميرة : إلا يعق الطير .. الكل تخبل عليه ماكنت أعرفه أنه حمد بس سمعت البنات اللي صوبنا يرمسون عنه .. كل وحده محطيه عينها عليه .. هند : لهدرجه حلوه .. أكيد عيل أحلا مني !!! ميرة : الحق ينقال هند تقوم : شوقتيني أشوفه .. يالله مابقى إلا اسبوع ميرة : جان زين يكون ريلي ... هند : حووو شو هالرمسه بيكون ريل ربيعتج ميرة : انتي لو شفتيه بتتخبلين عليه هند : مب لازم بشوفه بالعرس ميرة : بسألج ليش ماملجتوا ع القل كل واحد يفهم الثاني هند : والله ما أعرف ماقعدت أسأل بس سمعت راشد يقول لأنه أبو حمد مريض وما يقدر ع المعازيم فأفضل كله يكون مره وحده ميرة : أصلاً شكلهم من قبل جذا ناوين .. لأنه هو تعب بعد عرس بنته وليش ماملجتوا قبل عرس أخته هند : والله ما أدري .. المهم قومي خلينا نجهز الأغراض . . . حمد ينتظر روضة تطلع من عند الدكتور .. خاف عليها شافها تأخرت قال بروح يشوفها .. إلا شوي وروضة تطلع حمد : تأخرتي .. بشري !! الريم تمسك الورقه : بتستوى خال مره ثانيه ! حمد يبتسم : شووو من صدقج .. ألـــــــف ألـــــــف مبــــــــــــــروك الريم : الله يبارك حمد يمسك الفون : عيل بتصل لنهيان أبشره .. روضة تمسك إيده : لا أنا بقوله .. بس لاتقول لحد لين أقوله أدري بيزعل حمد : إن شاء الله أم حمد روضة : منوو حمد !! حمد : أحم أحم الريم : منوو قالك بسمي حمد .. ليش خبله أسمي حمد عشان يظهر ع خاله عصبي حمد يضحك : تتمني . . . خالد : شحالك عمي !!! بو سيف : بخير يسرك الحال .. صار لك من فتره ما أتي شو نسيت عندك عم !! خالد : لا أفا .. بس هالأيام مرتبش مع حمد ربيعي عرسه هالأسبوع بو سيف : عقبال ماشوفك ريل بنتي خالد يبتسم : إن شاء الله سيف :حمد ولد أبو حمدان !! خالد : هيه هو .. بو سيف : وكيف الحين أبوه خالد : الحمد لله الحين أحسن ... بو خالد : مسكين أبوه بعد هالطيحه تعب وايد شوي يا خالد أتصال أستأذن عنهم وطلع برع خالد : هلا حمد حمد : هلا فيك وينك !! خالد : بيت عمي حمد : أنزيين بغيتك بحايه أول ما تطلع مرني !! خالد : إن شاء الله خالد : أقول حمد بخليك الحين حمد : أوك باي خالد يركض صوب المطبخ كانت مريم داخله : أحم أحم مريم تعدل شيلتها .. خالد : السلام عليكم مريم : وعليكم السلام خالد : شحالج مريم !! مريم بدون أهتمام : بخير خالد : ممكن كاس ماي ! مريم : إن شاء الله مريم تعطي خالد الكاس : تفضل خالد : دام فضلج .. مريم مريم تلتفت : هلا خالد : بغيتج بسالفه !!! مريم : أعتقد مابينا سوالف خالد : شقصدج !!! مريم : ما قصدي شي .. بس ممكن تقول اللي عندك مب حلوه يشوفونا بروحنا خالد : بغيت أسألج أنتي مغصوبه علي !! مريم بستهزاء : وايد متأخر سؤالك !! خالد أنصدم من ردها .. يعني من زمان أنا أكذب ع عمري .. معقوله .. دخل عليهم سيف وسمع رد أخته مريم .. سيف : مريم شو هالكلام !! مريم : أنت تعرف أني ما أبا خالد سيف بعصبيه: مريـــــــم خالد : سيف خلاها تكمل .. اللي أبا أفهمه أنتي ماتبيني مريم بكل جرئه : من زمان تمنيت أسمع هالسؤال .. لا طبعاً بس أبوي وسيف جابريني خالد طلع برع وركض وراه سيف : خالد خالد !! خالد ركب سيارته ولا عطى سيف أي أهتمام دخل سيف .. بكل حرته ضربها كف ع ويها سيف : أنتي شو ماتستحين .. زين جذا فشلتينا مريم تصيح : أنا من زمان أقولكم ما أبا خالد .. يدخلوا بو خالد وبو سيف .. بو خالد تفاجأه من كلام مريم بو سيف : سيف شو السالفه ليش تضربها !! سيف يشوف عمه : مريم قالت لخالد أنها ماتباه .. وخالد طلع معصب بو خالد : ليش يامريم شفتي ع ولدي شي ماعجبج مريم : لا والله عمي .. بس أنا أحسبه شرات أخوي .. وماحبيت أكذب عليه بو خالد يطلع : سيف ممكن توصلني سيف : عمي بو خالد : بعد هالكلام ما لي قعده عندكم ! . . . منصور ف السياره وحذاله مهره : حياتي ليش جذا زعلانه .. زعلتج أنا !!! مهره : لا ! منصور : عيل ليش !!! مهره تصيح :........... منصور يمسك إيدها : حياتي بلاج .. منو اللي زعلج ...!!! مهره تصيح :........ منصور : ما عليه إذا ماحابه تقولين لا تقولين .. بس لاتصيحي عورتي قلبي .. كل ولا دموعج قعدت تصيح ومنصور مب عارف شو يسوي فقال أفضل أنها تصيح يمكن تهدي بعد ما سكتت سألها .. منصور : حياتي شفيج منو زعلج !! مهره : ولد عمي ! منصور حس بنار تحرق قلبه : ليش !! مهره خبرته كل السالفه .. منصور : وأنتي للحين تحبيه !! مهره : ما أكذب عليك إذ قلت لك نسيته منصور : وأنا شو بنسبالج .. إذ حمد حبيبج !! مهره : منصور ! منصور : شو منصور .. أنا بعد بشر لي إحساس ومشاعر مهره : منصور أنت تعرف أنه أنا مجرد أرمسك .. وحمد صار بنسالي ولا شي غير الأنتقام بخليه يعرف منو مهره بس بغيت منك طلب منصور تضايج : أمري ..... مهره : بغيت خدمه وإذ اوافقت هالشي بأكد لي حبك لي منصور : كلي أذان صاغيه بسوي اللي تبيه بس تكونين لي !! مهره أبتسمت : أسمع ...... . . . خالد حس بخنقه ما عرف شسوي ما توقع بيسمع شرات هالكلام أتصل ف حمد وقاله أي صوبه .. حمد حس خالد فيه شي .. حصله قاعد ع البحر كان شكله مره تعبان وغترته ع كتفه .. حس أنه هموم الدنيا عليه .. حمد تقرب سمع صوت صايح تقرب أكثر بالفعل شاف خالد يصيح .. شاف صديقه وأخوه يصيح .. أنصدم من شكله معقوله هذا خالد اللي مايهزه ريح جذا منكسر .. معقوله هذا خالد اللي دوم يحل لي مشاكلي وكنت دوم أقوله بو الحلول .. واليوم أشوفه ومشكلته أكبر منه ومالها حل .. حمد : خالد عسى ماشر !! خالد يناظر البحر ماقدر يرد عليه .. ولا ألتفت ماحب حمد يجوف دموعه حمد خاف سأل جم مره ونفس الجواب الصمت والدموع اللي كانت أسرع من الأجابه .. قال أكيد مضايج وبخليه دقايق شوي يرتاح بعدها بيسأله .. لكن خالد كسر صمته : سألتها يا حمد وقالت ماتباني !!! حمد : منووو سألت !! خالد : بنت عمي مريم حمد : ليش شسالفه !!!!!!! قاله بسالفه كلها .. حمد : هونها وتهون يا ريال .. مب حرمه تكسر خالد ولد علي .. إذا ع البنات ميت بنت تتمناك "حب يلطف الجوف " ما عليك عرسي جريب وبنات وايدين بيكونوا موجودين بنختار لك وحده خالد ضحك من أسلوب حمد ف المزح .. أرتاح وايد لأنه صارحه .. حس أنه ما له كان داعي يصيح ويزعل وقال ف نفسه اللي مايباني مره ما أباه عشر خالد : هههه وإذا ماحصلت اللي تناسبني !! حمد : بقول لمرتي تشوف لك وحده غاويه خالد : أشوفك وايد ترمس عن مرتك .. هذا اللي شل الدنيا علينا عشان مايعرس حمد يقوم : شفت لو شو ما أسوي مابيب فايده .. فأقتنعت بأمر الواقع خالد : والبنات اللي ترمسهم حمد : تبا الصراحه من حطيت فكره العرس ف راسي بديت أودرهم خالد : والله أحسن لك حمد يمد إيده لخالد : قوم خالد : وين !! . . . منصور يفكر : بس يا مهره هذا ...... مهره تقاطعه : منصور موافق ولا !! منصور : مستعد أستوي قاسي بس عشانج مهره : منصور لازم أنزل وايد تأخرت " حميد عمره 27 يحب مهره حب جنون وهو يعرفها من 3 سنين كان إنسان يرمس بنات أوقات بس بعد ما عرفها ودر اللي يرمسهم عشانها .. بس بعده ما قادر يعترف بحبه لها .. بس بعض الأحيان يحاول يبين ليها وهي تفسره كل هذا واحد يرمس وحده جذا يسوي .. " . . . خالد وهو راجع البيت شاف أمه وأبوه ينتظروا .. خالد باستغراب : السلام عليكم بو خالد وأم خالد : وعليكم السلام خالد : عسى ماشر شفيكم للحين مب نايميين !! بو خالد باستغراب يشوف أم خالد كانوا يتوقعوا حاله خالد ماتسر بس يجوفوا أحسن من قبل .. خالد : شفيكم جذا تطالعوني .. مسوي شي غلط !!!! بو خالد : خالد أنت شارب شي خالد أستغرب من سؤاله فقال أكيد كانوا يتوقعوني العكس : هههههههههه بسم الله علي شو مينون أشرب عشان وحده قالت ماتباني .. اللي ماتباني مره ما أباها عشر .. ولا شرايج ماما ترضين أنهان جدام بنت !! أم خالد بعصبيه : تخسي والله ما أرضها وصدقك إذ ماتباك مره مانباها بو خالد : بس اللي يقوله سيف العكس أنت طلعت معصب وحتى نسيتني خالد : السموحه الغالي .. بس يمكن ساعتها أنصدمه بو خالد : وأنا طبعا مارضيت بالي أستوالك .. ولدي الوحيد جذا ينهان لا أعرفهم ولا يعرفوني .. أم خالد : صدق وأنا لساني مابخاطب لسان أم سيف خالد : أفا ما توقعت جذا بتكون عقولكم صغار والسموحه ع هالرمسه .. مهما كان هذا عمي ما لنا غنا عنه حتى سيف ما كان راضي .. إذا صدق تحبوني لاتقاطعوهم أم خالد : حتى بعد ماهانوك !!!! خالد : حتى ولو .. وف نفس الوقت إذا قاطعناهم بحسبوني ميت ع بنتهم وطبعا أنتوا ما ترضوها لي بوخالد : مهما كان نفس الوقت ما أرضها ألا إذا هم يعتذروا خالد : ع راحتك .. وأنا عن نفسي مابقطع علاقتي بسيف نسيتوا بنسيبنا أم خالد : ماعندنا بنت لعيال بو سيف خالد : العنود مالها ذنب بالي صار ولا تنسي هم مالجين ترضين بنتج تتطلق أم خالد : لا طبعا .. وأنا بشوف لك أحسن عروس خالد : بهالسرعه .. أنا قررت أسمع راي حمد عرسه جريب ويمكن أشوف غرشوب ! أم خالد : شووو !!!!!!!! خالد يقوم يحب راس أمه وأبو : هههههه يصير خير .. يالله تصبحوا ع خير بو خالد : وأنت من هله أم خالد : والله أني مستغربه من ولدك بو خالد : خله ع كيفه وأنا ما أبا غير راحت بنتي وولد مالي غنا عنهم . . . روضة تدخل غرفه حمد حصلته نايم من التعب : حمد حمد حمد يفتح عينه : روضة دخيلج خليني انااااام روضة : مب وقت النوم أدري تعبان بس اليوم عرسك ولازم تقوم .. حمد : بس بعدها الساعه 8 الصبح روضة : أدري .. بس لازم تقوم تزهب وأبوي تحت ينتظرك حمد يمسك راسه : راسي يعورني روضة : بسويلك شاي عشان تصحصح حمد : أنتي شو ردج هنا .. صدق ريلج أهبل روضة : أفا يا حمد نسيت هذه أخر يوم لك ف هالبيت تنام وماتباني موجوده حمد يقوم : صدقج هذا أخر يوم أنام ف حجرتي .. يالله قومي سوي شاي بس شوي شوي ع عمرج روضة : إن شاء الله طلعت روضة و قام حمد خذ له شاور وتلبس وتكشخ .. حس بشعور غريب .. قعد يفكر كيف شكلها وكيف بيكون معاه تذكر أول ما شاورت عليه أمه كيف عصب وتنرفز .. وشوف حاله الحين متشوق يشوف شريكه حياته .. سمع صوت الباب راح فتحه شاف حمود وعيونه مليانه دموع .. شله وحظنه حمد : حبيبي شفيك تصيح !!! حمود : أنت اليوم بتروح أنا عند منو بنام .. حتى خالوه روضة راحت عند عمي نهيان حمد : حبيبي كلهم هنا عندك عمي أحمد و..... حمود يقاطعه ويصارخ : بس أنا أباك أنت .. محد بيكون عندي .. منو بقولي حمود كليت ولا نمت ,,, حمد دموعه ف عينه : حبيبي أنا بروح جم يوم وبرجع وبعدين بتقعد معاي ف بيتي سويت ليك غرفه روضة تدخل : حمد أبوي ... شفيه حمود !! حمد : عشان زواجي وسفرتي روضة تقعد حذاله : حبيبي أنا عندك كل يوم بتشوفني .. حمود يرفسها بريله : ما أباج أنتي أبا بابا حمد حمد : دخيلج روضة قومي عنه روضة : بس حبيبي مب أنت تبا بابا حمد يستانس حمود ساكت :....... روضة : إذ تباه مستانس بتفرح ليه هو بعد يحبك وسوى ليك حجره ف البيت اليديد حمد : وأول ما أي بخذك كل مكان تبا تروحه روضة تذكر : حمد !!! حمد : شوو !!!!!!!!!!! روضة : نسيت أقولك أبوي ينتظرك تحت بسرعه حمد يقوم : شفت حمود الحين يدك بيهزبني حمود : أنا بقوله لا يهزبك حمد : عيل تعال معاي . . . كانت ف الصالون تتعدل .. كانت سرحانه تفكر بمستقبلها تذكرت أبوها .. كان ودها يكون حذالها كان ودها تشوف فرحته .. راعية الصالون : لاه لاه ليه عم تبكي .. المفروض اليوم بتفرحي ميرة : هنووود شفيج ليش هالدموع !! هند تمسح دموعها : تذكرت أبوي ميرة بحزن : الله يرحمه .. اليوم بتروحين عند حمد بنسيج هلج وطاريهم .. عاد ماتنسيني هند : وأنا أقدر أنساج ميرة : منو قدج اليوم انتي عروس هند : تصدقي لو ودي ما أعرس !!!! ميرة : ما علينا .. هذه بس جدامنا جذا .. هند : ههههه والله أنج كشششخة لولاج ما أعرف شسوي ميرة : عشان ادورين لي معرس هند : وأنا أقول ليش واقفه وياي !! ميرة : عيل عشان سواد عينج هند : أقول خلينا نخلص ما بقى وقت الحين الساعه 6:30 . . . خالد : صوبنا القمر ... حمد : لازم مب اليوم عرسي خالد : بس كاشخ وايد حمد : ههههه حتى أنت .. خالد يعدل الغتره : مب أنت قايل حمد يتذكر : شو قايل .. هيه عشان العروس صدق أنك مب سهل .. أقول خالد اللي هناك مب جنه سيف ولد عمك !!!! خالد : وينه !! حمد : صوب حمدان قاعد .. من مساعه يشوفك .. ليش أنت ما رمسته من صارت السالفه !!!! سيف حس أنهم يرمسون عنه .. فقال أكيد خالد مضايج منه خالد : ما صارت فرصه أرمسه .. أرتبشت بعرسك حمد : شرايك الحين .. أحسن فرصه !!! خالد : أوك .. قوم أنت وياي حمد : شو نسيت أنا معرس .. بيقولون هذه متخبل كل شوي ف مكان خالد : أوك برااحتك راح خالد يسلم ع سيف .. وسيف كان مع حمدان يسولف فما أنتبه لخالد خالد : السلام عليكم سيف ألتفت صوبه .. معقوله هو اللي ياي يسلم و نحن اللي غلطانين ف حقه .. سيف قام يسلم عليه : السموحه منك خالد خالد يقاطعه : أنت مايخصك بشي .. وأنا نسيت السالفه .. وأنت تعرف طبعا مب أنا اللي أشل بقلبي سيف منحرج : وأنا أشهد ياولد العم .. صدق أنك أصيل خالد : شحال عمي !!! سيف : تبى الصراحه متضايج وايد .. وخاصتا لما عمي زعل خالد : لا إن شاء الله .. مابصير الا كل خير .. مهما كان هذا عمي ومالنا غنا عنكم .. الظفر مايطلع من اللحم .. وبعد نحن أنساب نسيت أختي .. بس هو شوي مضايج سيف : ماتتخيل يا خالد كيف كلامك ريحني خاصتنا سالفه أختك خالد : أفا شو هالكلام مهما كان هذي مرتك .. يالله خلنا ننسى قوم نروح عند حمد نطفره .. حمدان حمدان : هلا خالد : خلنا نطفر بحمد حمدان : أفا عليك ما طلبت راحوا عند حمد يطفروبه .. خاصتنا خالد وحمدان .. حمدان راعي سوالف الكل يحبه لطيبه قلبه بعدها سيف أشترك وياهم .. سيف تحسف لأنه خالد مابيكون ريل أخته . . . ف القاعة روضة ومعاها مهره : حور وينها أختج مانزلت !! حور : إن شاء الله بعد شوي بتنزل روضة : نقدر نشوفها !!! حور : أكيد .. وراحوا صوب غرفة العروس ميرة : منوو !! حور : هنا أخت المعرس تبا تدخل ميرة : لحظه هند : كيف شكلي !! ميرة تبطل الباب وتأشر بصبعها أوك .. دخلت روضة ومهره سلموا ع ميرة بعدها راحوا يسلموا ع هند .. روضة : ألفــــ ألفــــ مبــــروكــ هند تبتسم : الله يبارك روضة : دخيلج شوي شوي ع أخوي مهره أنبهره بجمالها ماكانت جذا تتوقعها حلوه .. مهرة : مبروك هند : الله يبارك فيج روضة : هذه بنت عمي مهره هند : عاش من شافج مهره بدون نفس : عاشت أيامج " وف نفس الوقت أتصل ليها منصور راحت زاويه بعيده عنهم" مهره : هلا منصور : هلا عمري شحالج !! مهره : منقهره منصور تضايج : أفاا ليش .. إذا حمد مايباج .. أنا كلي لج مهره : تصدق ماتوقعتها جذا حلوه حميد : أحلا منج .. مهره بكل غرور : تخسي .. أنا أحلا منصور : فديت هالغرور .. حياتي بسألج أنتي متعدله !! مهره باستغراب : أكيــــد .. بس ليش هالسؤال منصور فرح : لا ولا شي بس قلت لأنه حبيبج مابتتعدلين مهره : أولاً نسيت بنت منو أنا .. شو بقولوا مهره بنت ....... طالعه خسفه .. وثانياً أنا همي الأنتقام ولازم أتعدل عشان ما أنكشف .. وهو بنسبالي ولا شي .. منصور : فديت هالقمر إذا عصب .. حياتي أنا وصلت العرس !!!! مهره : شووو " تخفض صوتها " منصور شو تسوى بتفضحنا منصور : لاتخافين أنا ياي معه ولد خالي يعرفه .. وثانياً خاطري أشوف حمد مهره : منصور لا تسوى شي منصور : لا تخافين مهره : مشكور .. باي منصور : باي منصور : مهــــره !!! مهره : هلا منصور : أحبج "وسكر عنها" مهره أستغربه من تصرفه ضحكت ع حركته وقالت شكلي أنا الي طحت بحبك\ روضة : يالله مهاري نزلت روضة ومهرة وبعدها بدقايق نزلت هند كانت وايد حلووووه .. الكل تخبل عليها نزلت ع أغنيه راشد الماجد .. كانت حركاتها متناسقه مع الأغنيه والمصوره هلكتها.. وصلت وكان أول من سلم عليها أمها تفاجات خافت ريل أمها الظالم يحرمها من شوفت بنتها الصغير قعدت تصيح أم حور : بس حبيبتي لاتصيح مكياجج بيخترب هند تمسح دموعها : ماتتخيلي شقد فرحت بييتج أم حور : وأنا بعد .. ما شاءا لله عليج وااااااااااايد محلووه هند : فديت عيونج ف نص الناس روضة قاعدة مع ربيعتها فطوم تسولف معاها ياتها بنت تنشاف عمرها 18 شما : السلام عليكم ،، مبروووكيين روضة : الله يبارك فيج .. شما : بغيت أسأل عن مهره إذا تعرفينها روضة : قصدج مهره بنت عمي !! شما : أيوا تقرب للمعرس روضة تأشر ع مهره : تشوفي هذيك البنت لابسه فستان تركوازي شما : أيوا شفتها مشكوره ... وراحت عنهم .. فطوم : منوو هاااي !! روضة : ما أدري أول مره أشوفها فطوم : حتى من رمستها شكلها ما تعرف مهره !! شما تقربت من مهره .. كانت متفاجا من جمال مهره .. ماتوقعتها حلوه لهدرجه شما : السلام عليكم مهره وساره : وعليكم السلام ساره تقوم : بخليج مع ربيعتج شما : أنتي أكيد مهره !! مهره : أيوا أنا مهره .. شما : وأكيد ماتعرفيني .. بس أنا سمعت عنج وحبيت أتعرف عليج مهره تبتسم وعلامه الأستفهام ف ويها : تشرفنا ! شما : أنـا شمـاا قعدوا يسولفوا .. مهره حبت شما وايد حستها إنسانه حبوبه وطيبه وع نياتها شما : مهره شرايج تروحي تسلمي ع أمي مهره : أوك عادي شما : ماما هذي مهره اللي رمستج عنها !!!! أم شما : هلا مهره !! مهره تسلم ع أم شما : هلا خالتي شحالج !! أم شما : بخير حبيبتي .. شحالج أنتي !! مهره تبتسم : بخير ربي يسلمج دق فون شما وقعدت مهره تسولف معه أم شما شما : هلا .. وين أنت .. أوك الحين طالعين .. باي ! يالله مهره : ليش مستعيلين .. ما قعدتوا شما : مشكوره فديتج تشرفنا بجوفتج .. لازم نروح مهره : ع راحتكم شما تركب السياره ورا وأمها جدام شما : تصدق منصور القمر اليوم وايد حلو منصور : يعني سولفتي وياه عشان تعرفينه حلو شما : هيه وشفته طيب أم شما : بسم الله شفيكم حد يرمس جذا عن القمر .. تصدقي شما حبيت مهره منصور أول ماسمع أسم مهره فز قلبه وعرف أنه أمه جافتها وهذا اللي يباه .. شما : هيه شكلها طيبه وحبوبه أم شما : دشت قلبي بسرعه وما شاء الله عليها حلوه طول الطريج أم شما ترمس عن مهره ومنصور مستانس .. كان متفق مع أخته شما أنها تروح العرس بضرابه لين وافقت تروح وتتعرف ع مهره بدون ماتحس ونفس الوقت تشوفها أمه وتسلم عليها ومحد منهم يحس .. . . . يتبــ’ع | |
| |
 | |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
