08-02-2012, 05:41 PM
| #212 (permalink) | |
|
مراقبة قسم فزاع التراثي 
 |  مواقف  أبلة الحاسوب تبا منا مشروع ~.~ صح اني احب اشتغل في مشاريع الحاسوب بس الحينه مب وقته ، باقي 3 أسابيع تقريباً و يخلص الفصل و أسبوعين تقريباً امتحانات و فوق هذا كله ، ما يدخل في المعدل أحس الموضوع غبي ... شو الفايدة عيل من الواجبات و المشاريع في الحاسوب دام انها ما بتدخل في المعدل و فوق هذا الوقت اللي بنسوي فيه المشروع نذاكر أحسن لنا >< *** سلمكم الله بنات صفي على طول بتضاربون و يتكلمون بدون ما يفكرون قبل كمن يوم كنت واقفة في اول الطابور ... : مكاني حمدة : ليش شارتنه بفلوسج !! ... : هيه حمدة : اها .. و شو المطلوب مثلاً ... : حمدة مكاني حمده : عن حركات اليهال و بعدين انتي كل يوم توقفين يدام ما بتطير الدنيا إذا حد غيرج وقف يدام المهم ثاني يوم انا و ربيعتي كنا واقفين و نسولف و لأنه محد كان يدامنا الأخت تتحرى إني اليوم بعد واقفه يدام .... : ارجعي ورى حمدة : !!!!!!!!!!!!!!!!!!!!!!! انا قلت لج اني واقفة يدام !! انا اصلاً واقفة يدام عشان تقولين لي شي انا واقفة ورى !! على طول ضرابة بدون ما تعرفين شو السالفة مرة ثانية شغلي مخج و ثمني كلامج عقب شغلي لسانج ... صدق الشي يلوع بالجبد ... على أدناة الدون يتضاربون *** في يوم من الأيام كنت ماشيه فـ شفت وحده و هي لما شافتني قامت و سلمت علي و انا رديت عليها السلام و سولفت معاها شويه و عقب مشيت في اليوم الثاني .. [ ماعرف اتكلم بلهجة البنت فـ بكتب بلهجتنا في أغلب المواقف ] .... : انتي كيف تسلمين على كتلة النجاسة !! حمدة : نجاسة !!! .... : هذي كتلة من القذارة ، لازم تغسلين ايديج بعد ما تسلمين عليها حمدة : ما احيد البنت مسويه شي فتحت عيونها .. .. : هذي !! الله و اكبر ، انا مستحيل اسلم عليها و أوقف هالكثر و اتكلم معاها حمدة : إذا بينج و بينها مشاكل انا ما يخصني فيكم ، البنت ما سوت لي شي عشان ما اسلم عليها و ثانياً و اشرت صوب قلبي و قلت لها : الحمدلله هذا نظيف ان شاء الله تكون الرسالة وصلتها و تفهم ~.~ *** الاسبوع اللي طاف يتني وحدة و قالت لي .... : حمدة نحن نبا كل وحده تدفع 10 دراهم بنسوي كيكه حق فلانه لأنها طلعت الأولى و اشمعنى السنة اللي طافت سويتوا حق فلانة فخاطري انا قلت اني ما بدفع او ما بشارك معاكم ، شكلها السالفة نذالة و يبون يقهرون وحدة من البنات حمدة : ان شاء الله باجر بييب لكم بالباجر عطيتهم الفلوس بدل العشر حطيت 20 درهم وقلت لهم الـ 10 الزيادة يشترون أي شي زيادة حق الحفلة اللي بيسوونها لين هني و نحن حلوين و طيبين يوم السبت انا عالمسن ارمس ام راشد و اسوي بحث العربي و حاطة بيزي فـ سوا لي انفايت و فرغت نفسي و شفت شو يبون دار حوار طويل و كل ما ابا انهي السالفة إلا تطلع مشكله يا عمي دام انه حلولي ما تعيبج ليش تسأليني .... : حمدة تقدرين تشترين الكيكة حمدة : ما اقدر ، مشغولة .... : أي حد يشتريها اخوج ابوج اي حد حمدة : محد يقدر كلهم مشغولين >> نشاده عنج وانا ما ادري اتعب اهلي عشان حضرت جنابج !! .... : حاولي حمدة : قلت لج ما اقدر .... : حمدة والله بنعطيج الفلوس يوم الأحد بس انتي اشتري الكيكه عاد هني انا صدق عصبت ، الحمدلله انا بنت نعمة مب ميته على كمن درهم و إذا انا سويتها ما كنت بآخذ ولا درهم من ولا بنت و إن عطوني غصب مصير الفلوس صندوق التبرعات لأني ما احب اشتري شي و حد يرد يعطيني قيمته مسكت اعصابي و قلت لها : السالفة مب سالفة فلوس يا حلوة المهم اسمحيلي بظهر الحينه وراي أشياء أهم من حفلتكم و حلي مشكلتج روحج اسلوبها واااايد كان خايس >> حتى ام راشد لاحظت اني عصبت ههههــ يعني الحينه انتي كل ساعة تقولين انا بشتري و انا بشتري آخر شي تقولين ما اقدر ، دام انج مب قد رمستج ليش ترمسين !!؟؟ لنفرض صار لها ظرف ، ما عليه ، بس لما تطلب ع الاقل في شي يسمونه [ أسلوب و أدب و أخلاق ] في النهاية حتى الحفلة اللي سووها ما كانت حلوة  | |
 |
|
10-02-2012, 07:56 AM
| #214 (permalink) | |
|
مراقبة قسم فزاع التراثي
| مواقف يوم الخميس 9 / 2 / 2012 في هاليوم كانوا بيودونا جامعة خليفة وكنا مستانسين لكن الجامعة اعتذرت يوم الأربعاء *** حصة الرياضة الأبلة حليلها اشتاقت لنا من بداية الفصل كمن حصة و باقي حصص الرياضة كلها حق الكيمياء و الأحياء  فانا كنت ارمس ربيعتي و يت الأبلة من وراي و حطت ايدها ع جتفي وانا ما اعرف انها الأبلة .. فكنت يايه بقولها خوزي .. اتحرهاا وحدده من البنات بس الحمدلله اني مسكت لساني و هي قالت : ازيك يا حمده !! و عقب تمينا فاضين ، نتمشى في الملعب وحدة من البنت وقفت على كرسي صوب الحضانة و دقت الدريشة و المسؤولة في الحضانة فتحت لها الدريشة و يلست ترمس اليهال فكل وحده سحبت لها كرسي و وقفت صوب الدريشة حمدة : تعالي شو اسمج يلست تحرك عيونها بطريقة كنت بنفع عليها من الضحك البنوته : انا مرح المسؤولة : هذي فرح حمدة : الحينه انتي فرح و إلا مرح !! المسؤولة : هذي الاميرة فرح و ردت تحرك عيونها وتسويلنا حركات و احنا ناقعين من الضحك حمدة : زين انا حمده ، قولي لي شو اسمج >> خلي البنت فـ حالها هههه البنوته : لا ، انتي مو حمده حمدة : افا .. عيل شرايج يكون اسمي سندريلا ههههههههههههــ البنوته : هيه هههههههههههههــ اسمي انه هالبنت دلوعة ، احسها شخصية كرتونية ههههههههــ فلانة : حمدوه شوفي البنوته اللي لابسة بنفسجي فديتها حلوه ما شاء الله حمدة : أكيد أكيد لأنها سميتي فلانة : عن الخرط حمدة : صبري ... حمـــــــــده على طول يت صوبنا فلانة : صح كلامج حمدة :  المهم يلسنا نلعب مع الصغارية و نحن واقفين ع الكراسي اللي يشوفنا يقول حراميه  *** في حصة الانجليزي طبعاً دخلنا الوحده المملة و السخيفة و التافهه و هي بعنوان Who is smarter, Dogs or Cats? و انا شو بستفيد إذا عرفت منو الأذكى الحصة في قمة الملل  فوحدة من البنات ما تحب الأبلة و لا تحب الحصة شلت نظارتها و حطت راسها ع الطاولة و غمضت عيونها فلانة : حمده عطيني ورقة من دفترج عطيتها ، و إلا أشوفها تقطع الورقة و تكورها و تفرها عالبنت الراقده و مع كل التجارب ما وصلت اي ورقة على راسها فأشرت لها صبري فتحت دفتري و خذت و رقة و كورتها ، صارت كبيرة و انا عين عالبنت و عين عالأبلة لما الأبلة كانت مشغوله و تقرأ الكلام جان افر الورقة المكوره على راس البنت بالضبط في الوقت المناسب و المكان المناسب هههههههههههههههههههـ البنت قامت و بنفس اللحظة اللي قامت فيها البنت البنت اللي يدامها كانت تسألتها إذا عندها قلم رصاص لكنها ضربتها ع راسها و مطت شيلتها ههههههههههههههــ و المسكينه ما يخصها و تحلف انها ما تعرف عن شي ، هذا كله و انا اضحك ع السايلنت و في جمهور يشاهد و يضحكون معاي عالسايلنت عقب صدت على البنت اللي وراها و كانت بتضربها و هاذيج نفس الحالة تفهمها انه وحده ثانيه فلعتها وانا خلاص بنفجر من الضحك المهم دق الجرس و ماعرف إذا البنت عرفت إني انا اللي فلعتها أو لا *** حصة الكيمياء وحدة من البنات كانت تكتب على الأوراق [ شوتيتي ] يعني اركليني كما تركلين الكرة خخخ و تحط الورقة ع ظهر اي بنت يدامها ، والبنات ما يصدقون يسيرون و يبون يشوتون البنت اللي عليها الورقة فيتني وحدة و حطت الورقة على ظهري و حسيت انه في شي و انا يايه بشل الورقة ، ربيعتي شلتها و قصتها فيلست وحده تقرقطني [ تدغدغني ] و انا ما احب ههههههــ جان امسك ايدينها و قرقطها شويه وجان اقولها حمدة : ههههههههههـ قولي التوبه .. : خلااااص توبه يتني وحدة ثانية ... :ليش بتغاري !! ويلست تقرقطني جان امسك ايدينها >> ماعندي حركة غيرها ههههههــ و يلست اقرقطها و اقول : و انتي ما بتغاري صدق ضحكنا ضحك هاك اليوم طبعاً كل هالشغب كان في مختبر الكيمياء و في هالحصة كانت عدنا تجربة و فيها مواد سامه و الأغراض موجوده فوقفنا اللعب ، حفاظاً على الأمن العام هههههــ لما وصلت الأبلة | |
| |
|
13-02-2012, 04:34 PM
| #217 (permalink) | |
|
مراقبة قسم فزاع التراثي
| مواقف [استدعاء ولية أمر طالبة بسبب صحن ] اليوم وحدة من البنات خبرتني عن سالفتها سلمكم الله البنت الإسبوع اللي طاف استأذنت من الابلة عسب تآخذ صحن من المختبر و تسوي فيه التجربة و سمحت لها عقب يتها معلمة ثانية وقالت لها هذا صحني وانتي ما تستحين تآخذين صحني و منو سمح لج إلخ و وصلت السالفة للمديرة هههههههــ و المديرة اتصلت في أم البنت و قالت لها لازم تحضر المدرسة عسب تتفاهم معاها قبل لا تكبر السالفة هههههههههههههههــ من قالت لي البنت السالفة و انا كل ما اشوف المديرة اضحك الحمدلله و الشكر قوانينكم و أنظمتكم الغريبة و العجيبة و معيشينا جو كئيب و كأننا في الجيش مب في مدرسة بنات كل هذا سكتنا عنكم ومشيناها قلنا هذا شغلهم و هم يسوون الشي اللي يخدم الطالب >> اونه يعني خخخ لكن توصل إنكم تتصلون في أم البنت عشان [ صحن ] لو سارقتنه بمشيها و بقول تستاهل لازم تتأدب ، لكنها مستأذنه اللي يسمع يقول صحن من ذهب و إلا فضه يعني صدق سخااااااافة ، وتهدد البنت عشان صحن صحن يا جماعة الخير صحن | |
| |
|
15-02-2012, 09:28 PM
| #218 (permalink) | |
|
مراقبة قسم فزاع التراثي
| مواقف هالأسبوع صراحةً كان وااايد حلوووو و أخباره حلوة أول خبر و أبلة العربي وايد استانست لأني اتأهلت في المسابقة اللي ... ما يخصكم خخخ مشاركتي في هالمسابقة تقدرون تقولون كانت في لحظة تهور هههههــ و ماعرف كيف اتأهلت يمكن لأني ما اهتميت لكلام الناس و سويت اللي كنت مقتنعة فيه و الحلو انه الأبلة خلتني على راحتي و ما عارضتني فاللي سويته ثاني خبر ربيعتي اتأهلت في أولمبياد الكيمياء ع مستوى المنطقة و عقبال ما تقوز ع مستوى الدولة بإذن الله ثالث خبر اممم مب خبر هو حدث وأخيراً سرنا رحلة هههههه ودونا نادي الفتيات عسب نتزلج اليوم اللي قبل الرحلة اتفقت مع البنات نسوي [ تهادوا تحابوا ] عسب نكسر من الحواجز اللي بين البنات شويه و اليوم الصبح قبل لا نسير الرحلة سوينا الفعالية في الصف و أحس هالفترة الحمدلله البنات مب مثل قبل ، في تطور و كنت مجهزة جبس [ شبس ، رقائق ابطاطس ] افهموها عاد و عصاير و أنواع من الكاكاو و وزعتهم عالبنات في الباص كنا بروحنا فالباص مع الأبلة >> يعني بس بنات صفي نط عرج الخبال عند وحده ، و اندفعت بشده و ما حست بعمرها لما وصلنا و نزلنا من الباص وحدة علقت على وحده ثانية إنها حلوة حمدة : هاي حلوة .. هاي بطة وحده من البنات ما تصدق حد يعلق على طول معاي ع الخط هههههــ لين ما دخلنا صالة التزلج قطعنا الحرمة تقطيع >> استغفر الله ، اليوم لازم وايد استغفر أحس بتأنيب الضمير ~.~ طبعاً انا ماعرف اتزلج و لا أحب التزلج مرة قبل 3 سنوات تقريباص جربت و ما حسيت انه الشي حلو لكن قلت بجرب مرة ثانية و أصلاً مافي شي غيره سرنا دفعنا و بدلنا ثيابنا وحدة من بنات صفي يلست تلبسني الجوتي مال التزلج عزكم الله حمدة : علميني كيف ... : بسوي لج حمدة : علميني ... : حمدوه اسمعي الكلام حمدة : حسستيني كاني ياهل هههههههههـ و دخلنا ، البنت اللي لبستني الجوتي عزكم الله تعرف تتزلج ، فمسكت ايدي شويه و انا احس اني بطيح ههههههــ انا ما كنت اتزلج البنت كانت تسحبني سحب هههههههههههههههــ اقولكم ماارفع ريلي و لا احركها و لا اسوي شي هههههههههههههههــ هدتني و وحدة ثانية مسكتني و يلست تعلمني بس انا مصره إني ماعرف و ما اقدر اسوي >>> لأنه مب عايبني عقب قالت لي انه بنسير فالنص كنت بمسك ايدها لكن قالت لي اوقف وراها و ليتني ماوقفت وراها هههههههههههـ لأنه فجأة اختل توازني و مسكت قميصها بالقو و ليش ما نطيح نحن الاثنين ههههههههههههـ الحينه يايين بنوقف و ليش مانطيح مرة ثانية هههههههههههههـــ ... : لك ايش هاظ  بقولكم ... آآآآآآآآآآآآه طراخ و جان تطيح هههههههــ حمدة : ايش هاظ !!! هاظ مب شغلنا ، خلي الخبز لخبازه انا بطلع تكسرت تكسير لما طلعت وحدة دوم تتغشمر معاي و سوالف معاها جان تقولي : حمدة يالخوافة ليش ما كنتي تسيرين بروحج حمدة : يا حياتي انا الخوافة ، و انتي يالجريئة ما شاء الله عليج حتى ما جربتي  ... : تعرفين بعد ما أخاطر بحياتي حمدة : هههه هيه صح صح .... : حمدوه بس خلاص فضحتيني لازم تقفطيني *** كانت الرحلة حلوة لما ردينا المدرسة ما درسنا شي ، قعدنا فالصف اللي رقدوا و اللي لعبوا اونو و اللي يلسوا يستهبلون ههههههــ >> انا و اللي نط عرج الخبال عندها و كمن بنت أم عرج الخبال ، يلست تمثل انها أبلة و نحن الطالبات و يلست تقلد أبلة الفيزياء و أبلة الرياضيات و انا الطالبة المشاغبة ، عاد هي عاشت الدور صدق ... : لك بتشوفوا هاظ انتوا ما بتشربوه ، بس المعلمات بيشربوه و جان تشرب الــ >> نسيت اسمه مب قادره اتذكره  مايخصكم المهم كانت تشرب شي خخخو ليش ما تشرق و ردت عقب تكمل و قبل ما توصل أبلة الانجليزي صارت حالة طوارئ ، بسرعة بسرعة نوعي فلانة.. راقده و عايشه الجو و الثانية تشل الأونو و اللي تمسح السبورة و اللي تخش الكيمره ، اليوم ما شليت كامي ، ربيعتي يابت كامها اممم صار أكشن .. وحدة من الأبلوات طاحت ماعرف اغمى عليها عقب ماعرف شو صار اليوم وايد استهبلت ، احس خلاص بس لازم ارد حمدة العاقلة  السموحة اكتب بسرعة نص الألفاظ نسيتها و النص الثاني كلتها ههههــ | |
| |
|
17-02-2012, 07:43 AM
| #220 (permalink) | |
|
مراقبة قسم فزاع التراثي
| رد: كُن مختلفـاً,فـالعالـمـْ لمـْ يَعُـد فـي حاجَه إلى المَزيـد مِـنَ النُسـَخِ المتك  هالصورة أمس صورتها كنا مسوين إفطار جماعي و حطينا الشنط ع الأرض و الطاولات حطينا عليهم الأكل و نصنا يلسنا برع عالحصير و النص الثاني عالطاولات اللي حطيناها يدام الصف | |
| |
 | |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
