سلام وأثني لك تحيات قايله=من القلب وأعماق الضمير متهايله
سلام سلم إسلام مثني ومربوع=وأزكى التحايا وأجمل القاف حايله
أسوقها بالمسك والعنبر الزكي=والعود واليشموم وأجزل مثايله
لك ياعزيز الجاه يازاكي النسب=ياطايل الأمجاد في كل طايله
ياصاحب سمو المجد والجود والوفاء=ياذا اليدين اللي للأمجاد نايله
سجلت من فيض المشاعر مقالتي=وإخترت له حرٍ عريبٍ سلايله
إلى إبن مكتوم أوصل رسالتي=الشوشلي ماخاب منهو يخايله
حمدان بن محمد زبون الهجافا=طير السعد والعز قانص جلايله
اللي رقى علمه طويل المراقي=الله يزيده من عطاه وفضايله
وأنا بدعت القاف وأخلصت بالبنا=وعبرت ماكنيت بقافٍ أحايله
إخترت من جاش المعنى نوادره=مثل القراح العذب صافي زلايله
أبيات شعر ننتقي من فريدها=نشرب زلاله ونتجنب حثايله
وإليك ياشيخ النقاء ناهي الحسب=تر شرهة الطيب على أزكى حمايله
يالأجود الأكرم سليل المسمى=ترقى سنود العز وتنهض لهايله
من صلب عمدان الرواشد مناسبك=وسجل لك التاريخ عاطر خصايله
من حق ياسٍ والفلاسا تفاخر=بأمثالك اللي نادراتٍ مثايله
إسمك شبيه الغيث في ممحل الوطا=يخضر جوانبها ويزهر محايله
تفعل جميل وتعطي القاصد الطلب=من جبلةٍ ماهي تصنع رذايله
ولا الردي لوهو قريب مبعّد=وأبسط حمول القوم ماهو بشايله
ولا أنت دكتور المصايب وبلسمه=سنايد المضيوم عسر وسهايله
ولاتنِصي غير المشاكيل المطنّخ=ولاينطح الشدات ياغير أصايله
يامنتمي للعزوة الراشدية=الله يكثر جنسكم في فصايله
يفخر بكم عشاق طيبك ومذهبك=ياذا اليمين اللي تشادي مخايله
لولا مواقف شاربك ياذا السخا=ماكانت الأبشار يمك تمايله
وقد قالوا المكرم زبون الضعافا=وليا نزل صكوا عليه بنزايله
الناس ياضاقت عليكم توجهوا=ولاظنتي ترجع تحصد فشايله
متزبنينك عن لظى الوقت والشقا=وفيكم دخالا عن مغبة حبايله
ومن يمكم عادات الأجواد تعتلي=ورفع الشدايد من عناه وعضايله
فيكم ومنكم بذل الأسباب للبشر=ومدور الحاجات يلقى ضلايله
واللي تعنز غيركم يوم ضاقت=وجدي عليه ونظرتي مع عزاي له
ياشيخ السخاء والعز والجود والعطا=ياذخر الرفاقة قصر عزه دلايله
لاصرت شيخ مفترد وافي الفعل=وبحر الندى والجود منكم مسايله
جتك المسايل بالمثايل مدونة=فيها من الود الحقيقي صمايله
فاللي يخبرك ياريف داره وعزوته=مايلتفت للــلاش ولارزايله
انت الندى يامبعد الصيت بالفخر=ومن يستند يمك يشاهد فضايله
واللي قصدكم مابيقصد بعضهم=والفرق شاسع بين عد وثمايله
والطيب عند الطيبين أمثالكم=كسابة الطولة عوالي حمايله
والطيب والناموس والمجد والعلا=والجود والمعروف تثبت فعايله
تثبت على محمد ولد راشد الذي=رام العلا يوم أثبتـنه شمايله
ذاك يالزعيم اللي تجينا علومه=مخلف ظنون الضد ناطح عضايله
يمناه في فعل المعاريف تطرب=وإحراجة المعروف لمن كان سايله
يعطي ملايينٍ ويوفي مدايين=ويفك عن درب المهالك قتايله
من جالكم يشكي من الحوج والعوز=وقصر نصيبه يوم ضاقت محايله
حط النظر بالله ثم الأمل بكم=في راس عيطا عن غثاه وسفايله
وإنته سليل الخير والعز والسعد=ومن ظن فيك الجود حققت فايله
يابن محمد طيّب الذكر والثناء=يافزعة اللي ضيقت به ملايله
يشهد لنا فعلٍ لكفك مجرب=ترويه من بين الخلايق قبايله
ياعز محزونٍ تحطم خواطره=يالمارد المروي عذايب شهايله
كتبت قاف القيل وصوبك توجه=صوب الذي قالوا كرام سبايله
اللي له إشارات الزعامات تتضح=وإغاثة الملهوف بوجهه دلايله
أعطاك رب البيت من جوده قبولك=في معمورة الله كل خلقه تخايله
والعفو ياذا العفو عالم سريرتي=والعذر منكم عن خطاه وخمايله
وصلاة ربي عد مايظهر النجم=وماسال سيلٍ وإندرج مع مسايله
على النبي المصطفى مبلغ الوحي=اللي من الهدي السماوي نقايله
تميتها ستة وخمسين بالمثل=آخذ سمين القاف وأترك هزايله
وختامها تقبل سلامي وعذرنا=وعطر الكلام وماإحتوتها رسايله

المشاركة الأصلية كتبت بواسطة عنق الدماني يستاهل بو راشد صح لسانك اخوي تسلم ع الطرح