02-02-2012, 07:23 PM
| #12 (permalink) | |
|
عضو جديد
 |  رد: تمــــ ن ــــــــــــــيتكــــ .... تــــــــ ح ـــــــس فــــيــــــ ن ـــــــي. البارت 5 اتجمعو حولها الناس بينهم ريال قال انه بيوديها المستشفى حصه من الصدمه نسيت انه عندها سياره وماقالت شي الريال شالهم هم الثنتين وطبعا سلامووه كان مغمى عليها ...حصووه كانت تصيح ومتغشيه بشيلتها وصلو المستشفى حصووه دقت حق اخر رقم اتصل من دون ماتشوف الرقم ....:الو حصه:الوو ..:بلاج حصييص ليش اصيحين؟ حصه:راشد انا فالمستشفى راشد:بسم الله عسى ماشر حصه:لا مب انا اختي راشد:بلاها؟ حصه:تخرطفت وراسها انفتح راشد:اونه.. خلاص لا اتصيحين مسافه الطريج وبكون عندج حصه:انزين بااي راشد:حصه حصه:هلا راشد:احببج حصه(استحت):مب وقته بااي راشد:فدييتج باااي >>أكييد عرفتو انه رشود خطيب حصووه<< الدكتوور طلع من الغرفه وقال:لازم ناخودها ع غرفه العمليات ده جرحها كبير أوي.. حصه:انزين تقدر تطلع اليوم؟ الدكتور:معرفش يعني بصي ازا حالتها صعبه اوي هنيمها ف المستشفى اما ازا طلعت مستقره تقدرو تاخدوها حصه:انزين الدكتور:هو جرالها اييه؟ حصه:اتخرطفت وطاحت ع ويهها الدكتور:انا هسيبك دلوقتي وهعلمك باللي هيصير معاها وربنا يقومها بالسلامه حصه:انشالله رشود يا............ رشود:سلام عليكم حصه:وعليبكم السلام رشود:شحاالج حصييص حصه:بخير رشود:بلاج حصيص اختك بتقوم بالسلامه وانشالله مافيها الا الخير حصه:......................(تصيح) راشد طلع كلنكس ومسح دموعها........... راشد يبي يغير الجو:اويييييييييييييييييه حصييص طالعي شكلج يزيغ قومي قومي سيري الحمام عدلي شكلج عن تروغين خلق الله.. حصه:مااباا رشود شاف ولد صغير قاعد يصيح راشد:طاعي شقايل زيغتي الولد مساعه كان ساكت حصه حليلها صدقت وكض عالحمام... ..........فبيت ميررروه.................... ميره كانت قاعده عند الزراعه الجو كان حلو بس بررررد ...كانت يالسه تاكل ايس كريم وترمس القطوه..<<خبله خخخ ماحست بعمرها الا وحد يلس عدالها ....:مرحبا ميره:بسم الله خلوووف متى ييت؟ خليفه:امس ميره:انزين خليفه:ميرووه زعلانه مني؟ ميره:هيه ليش لا خليفه:انزين بس والله ماكان قصدي ازعلج ميره:عيل تمسك يدها وتيلس معاها مــ.. خليفه قاطعها:انزين بنت خاالي واعتبرها شرات اختي وبعدين مب انا اللي كنت امسك يدها واسولف هي اللي كانت تبدا ميره:هه تباني اعتبر ها عذر يعني...ماعندك لسان تقول مابا....حمااااااار اكرههك..(وتممت تصييح) خليفه:انزين ممممممم انا تركتها الحين خلااص ميره:بعد شو؟ بعد ماهي تركتك خليفه:ميره سمعيني عدل لو كنت احبها جان ركضت وراها ولا تركتها طول حياتي بس عشان انا احبج تركتها وماصدقت من الله وانا الحين ياي اعتذر منج والله لو ماسامحتيني بتم اتعذب طول حياتي بلييز سامحيني تراني انسان والانسان يغلط ولا عندج راي ثاني؟ ميره:ماباا ومططت بوزها شبرين خليفه:فديتتتج انا وباسها ع راسها ميره استححت خليفه:هااا سامحتيني ولا؟ ميره بعدها ساكته خليفه:ايييه ميروه لا تخليني اتهور ميره:لا لا خلاص سامحتك خليفه:هههههههههههههه عفيه عالشاطره حمدووووه يت........... حمده:هااااااااا طيور الحب شتسوي هني؟ خليفه:اييييه خربتي علينا حمده:اهااااااا الظااهر انكم كنتو تسوون شي كبيير ميره:لااه حمده:عييل خليفه:ماايخصج ذلفي داخل قبل لا اطيرج بكف حمده:بسم الله ماقلنا شي...ميروووه خالتي تبااج خليفه:انتي سيري هي بتي روحها حمدوووه سارت..>>ترا حمدووه تعرف اخوها عدل وهو يثق فيها واايد ويخبرها كل اللي يستوي معااه<< ميره:هااتشوو..حمدلله خليفه:يرحمج الله ميره:يهدينــ...هااااااااااااااااتشووووووو..حمدلله خليفه:مريضه؟ ميره هزت راسها بلا:بس برد خليفه:انزيين تعالي نسير داخل ميره:انزين ..........صوب حصووه............... طلعو سلامه من غرفه العمليات ودخلوها غرفه ثانيه ويا الدكتور صوبهم حصه:هاا شحالها دكتور؟ الدكتور:حالتها مستقره والحمدلله انو الاصابه ما اثرت كتير عالجمجمه حصه:يعني بتطلع اليوم؟ الدكتور:اااه بعد مايخلص المغذي بتئدرو تاخدوها حصه:انزين الدكتور:بس خلوها ترتاح مشان الاصابه تلتئم بسرعه حصه:انشالله راشد:انزين حصييص انتي بتمين وياها حصه:هييه راشد:اوكي اذن بسير اصلي وبخطف عالدكان تبين شي حصه:ييبلي ردبول وكتكات وليز ملح وماي وعلكه نعنع راشد:عنبووه وين بتحطيهن؟ حصه:ف بطني وين يعني؟ راشد:حشى هب بطن عليج حصه:يوعاانه لااه راشد:انزين مع السلامه سلامه تحركت شوي........ حصه:سلووم حبيبي شي يعورج؟ سلامه:آآآآآآآآآه وين أنا؟ حصه:فالمستشفى سلامه:ليش شــ استوى؟ حصه:تخرطفتي يوم كنا ننزل من اسياره وطحتي ع ويهج وراسج انفتح سلامه:اونه...وانا اقوول ليييش رااسي يعورني حصه:ازقر السسيستر؟ سلامه:اوكي حصه دقت الزر مال السيسترات يت وحده وغيرت لها الشاش وعطتها ابره وشيكت ع المغذي السيستر:بعد ساعه بتطلع بسير اقول حق الدكتور يوقع ع اوراق الخروج راشد دخل........... راشد:حمدلله ع السلامه شحاالج سلامه:بخير متى ييت؟ راشد:يوم كانو يسووونلج العمليه سلامه:اهااا..حصييص دقي حق ماما ابا اخبرها حصه:لا لا الحين بنرد البيت لا تخلي امج تحاتيج سلامه:والشوبينق؟ حصه:باجر سلامه:بتاخذيني ويااج؟ حصه:لاا الدكتور قال نخليج ترتاحين سلامه:انزين منو بتاخذين وياج؟ حصه:مــ.. راشد قاطعها:انا بسير وياج حصه:لا انته روحك مشغول وهبابك تزهب وتخلص اللي عليك..خلاص باخذ موني راشد:ماحبها هاذي كرييهه حصه:جنها اختي راشد:انزين ماقلنا شي حصه:وين اللي قلتلك عليه؟ راشد:هااذوه بس مالقيت ليز ملح يبتلج حاار حصه:عاادي راشد:اندووج حصوه تمت تااكل وتاااكل وسلامه متحرقصه تبا تاكل سلامه:عطيني شوي حصوه:لا مب زين عليج توج طالعه من عمليه سلامه:تنزين العمليه ف راسي مب بطني حصوه وهي تاكل:همم لا سلامه:اووف منج..رشود بليييز ييبلي اكل راشد:لا سلامه:انتو اشراار راشد+حصا:ونفتخر حصه:خلاص بنظهر سلاموه نشي سلامه:لا عيبني المستشفى شوي وتدخل وحده............. راشد لف يطالع منو انصصصدم \هااذي شو يابها هني عوذ بالله ... احسنلي ماطالعها البنيه انتبهت عليه:اححم رشوود شححالك حصه مصدومه شوي تطالع رشود وشوي البنيه حصه:منو هاذي رشود بارتباك:ااا..م.. مادري حصه:انزين شقايل هي تعرفك؟؟ البنت:اصصلن رشود هاا حبيبي من زماان بس انتي خربتي علينا يالحيووانه راشد:هدووي حشمي رمستج خلاص مابتغيرين شي الحين قريب بنعرس هدى:هه ومنو قالك اني ميته عليك انا ييت عسب اقولك انك بتتنددم ع اللي سويته فيني يالخااين .. كل هالسنيين وانته قاعد تقص علي.. مب منك من اللي يحبك ويهتم فيك..وانتي ياويه النحس يالماصخه سرااقه الريايل بتشوفين شي ماشفتيه وبخليج تقطعين ثيابج ندم حصه:ويييت...مب انتي هدووي بنت خاالووه ام سلطاان؟ هدى:عليج نووور...والله وطلعتي تعرفين عايلتنا الله يستر منج سلامه عصصصبت:انتيه اييه مادري شسمج لا تتحرين اختي ابلييسه شرااتج انتي عاااااااار عااار ع هالعيله اللي ماشفنا منها الا كل خير هدى:حبيبتي انتي بعدج نونو وماايخصج ف هالسواالف سلامه:بتسكتين ولا كيف؟ هدى:ماابسكت تتحريني بخاف من يااهل سلامه:سمعيني عدل ادري انج لووث وبنت شواارع واعرف عماايلج واحد واحد...صبري علي جاان مافضحتج وسويتلج اعلاان مجااني فدبي كلها..ذلفي بررع يلا لا اقوم ادفنج مكاانج هدى بخوف بس مابينت:بسير من زين القعده وياكم .. وانتو تذكرو انه مابتستفيدون من هالعرس الا الندم..وظهرت حصه بعصبيه:راشد في شي تخشه عني؟ راشد:............ حصه وهي تصيح:راشد انا ارمسك راااااااااشد دخيلك لا تخليني انصدم فييك.. راشد:هاذي سالفتها طويله بعدين بخبرج.. حصه:...... يت السيستر:لو سمحتو نبغى الغرفه سلامه:بلاج انتي بعد الحين بنظهر وظهروا......... \ \ \ \ \ ............ف بيت بوعزووز................... عزوز:اماااااااايه ام عزوز:هلا ولديه عزوز:امايه ابغى اعرس ام عزووز:هااذي السااعه المباركه...بنت منو جان تبا بخطبها لك الحين عزوز:بنت خالي شما ام عزوز:فديت ولديه انا ... والله وعرفت تختار .. مشالله البنيه جمال واخلاق وبنت ناس وماعليها كلام...صبرالحين بكلمهم عزوز نش وحب راس امه :يعلني ما خلى منج رببببععع صوب غرفته وهو متشقق من الوناسه... ............صوب بيت بوسلطان........... \ \ \ شما:صصج؟ ام سلطان:والله توها متصله شما:ممممممم.. شو قلتيلها انزين؟ ام سلطان:قلتلهم البنت ماتبا شما انصصصدمت:ليييش انزين كيف تردين من دون ماتاخذين شووري؟ شوي وتصييح ام سلطاان:هههههههه اسوولف حبيبتي انتي كيف ارد من دون ما اخذ شورج شما:زييغتيني وسوت عمرها اونها مسستحيه ام سلطان:هاا شو قلتي؟ شما:بستخير ويصير خير... ورببعت صووب غرفتها شما\يااربييه ماااصدق اخييرا حلم حياتي تحقق ... هاا اججمل خبر سمعته ... اححبك عزووز احححبك .. يااا الله بغيييت اموووت من الونااسه... الله لا يحرمني منك يا عزووز ياا اططهر و اججمل ححب عرفته.. قامت وحضنت دبدوبهاا وقامت ترمسه:لووليي<<اسم دبدوبها>> تصصدق عزوز خطبني واباك اتيي عرسي ويوم عرسك بيي انا بعد انززين<<استخفت الاخت نشت ونزلت عند امها شما:ماما نا مووافقه الام:مسسرع شما:اوهووو الحين بتسويلي تحقيق الا هي ركعتين وماحسيت بشي وبعدين عبدالعزيز ريال والنعم فيه الام:انزين بخبرههم الحين شما:لا لا صبري الام:بلاااج؟ شما:لا لا ماشي الام:الحمدلله والشكر ...........صووب سلامه......... رشود وصلهم البيت ع الساعه 12 بعد ماسارو المول وتعشو وخذولهم شويه اغراض حق الزهبه سلامه:مشكوور عالتوصيله مااتقصر رشود:العفو حصه:اسفين تعبناك ويانا رشود:شهالرمسه حصييص فدييتج تعبج رااحه حصصه:يعللني ماانحرم منك رشود:ولامنج ترا مااروم اعيش بليااج سلامه:احححم جننكم تغاازلون بعض يداامي ها كلله من يدامنا عيل من ورانا كيف رشوود:جب انتي يلا نزليي سلامه:اصغر عيالك تقولي جب رشود:هيه...حصووه حبيبتي وانتي نازله شلي القوطي اللي ورا ترا مانروم ناخذ راحتنا سلامه فهمت وضربته ع رااسه بالقو رشوود:الله يغربللللج.. حشى هب يد عليج الا ميداااف حصه:سلاموووووووووووه عييب سلامه:اووووف احسن لي انزل حصه:بااي رشود رشوود:فدييت رووحج انا بااي حصه:هييه صح ماخبرتني سالفه هدى رشود تضايج:مب وقته باي حصه وسلامه/:بااي دخلو البيت................... اخوهم كان نازل من الدري وشافهم.. علي:سلاام عليكم حصه&سلامه:وعليكم السلام علي:بلاااااااااااج سلاموووه شــ استوابج؟ سلامه:تخرطفت ورااسي انفتح خذوني ع المستشفى وسوولي عمليه حلليلي ام سالم:بسم الله عليج اميه شــ استوابج؟ سلامه:تخرطفت وراسي انفتح خذوني ع المستشفى وسوولي عمليه علي:ههههههههههه ترمسين جنج انسان الي يمكن الاصابه مأثره ع منطقه النطق ف الدماغ و.... سلامه قاااطعته:عداااال.. يا بوالعلوم ............. نترك أبطال قصتنا شوي ونروح صوب هل لندن..................... \ \ \ سعيد\اااااه من الغربه...اشتقت حق اهلي وبلادي والمكان اللي عشت فيه حيااتي .. صح اني عايش هني سنتين ونص وشوي وبكمل السنه الثالثه بس حتى لو بلادي اماراتي الحبيبه ومااقدر انسااها.. ااه الشوق والوله يدفعني اني ارجعلها اليوم قبل بااجر ... هاانت يا سعيداان هانت سنه وتفتك من هالعذاب والغربه يالله رغم هالبرد ناار شوقي تكوويني تكوويني... دش دااخل.. وهو ماشي ف الاستقبال مال الفندق دعم ف حد هو من كثر ماهو متشتت عصصب سعيد:whats wrong with you are blind? البنت:s..soorry .. I didn’t mean it سعيد رفع راسه وطالع البنت..انصصدم وانبههر باللي شاافه سعيد\يالله محلاتها هااذي يااربي تخبل بالواحد وملامحها عربيه على اجنبيه اسسسميني ططحت على غزاال فدييتج يا غرشوبه لندن البنت\يااااوييلي وين اودي ويهي من الفشله ....اوووووف الله يااخذني ... اتمنى لو الارض تنشق وتبتلعني ...وبعدين هو اللي دعمني ليش يصاارخ علي افف فخااطري اصصفعه ويهها استوى شرات الطمااطمه... سعيد لا إراديا:فدييت اللي يستحوون عاااد الاخت تباها من الله تبي تبرد حرتها فيه البنت:لا تتفداني انزين..يعني فوق ما زاعجت علي تغازلني لا وجدام الخلق بعد... استح ع ويهك تراني مب شرات هاللوث اللي بايعات اعمارهن ... اففف نااس تللوع الجبد .... وشلت اوراقها وسارت عنه.. سعيد\امااراتيه بعد يااا حظك ياا سعوود سار غرفته اللي سااكن فيها ويا ربيعه... سعيد:هلا سلووم سالم:هلا سعيد:طلبت العشا؟ سالم:هييه الحين بييبونه سعيد:ماا بتصدق شو استوى ويااي اليوم سالم سكر اللاب:شووو؟ سعيد:وانا ماشي ف الرسيبشن دعمت ف وحده بالغلط انزين... كنت متشتت و عقلي ف مكان ثاني ف قمت ازاعج عليها يوم طالعتها حسيت انها عربيه من ملامحها ياالله لو شفت شقايل استوى فيسها اححمر ... تفديتها بالغلط ... عصبت علي و قامت تصاارخ...خخخ بس مادري احس عمري معجب فيها.. سالم:حلوه؟ سعيد:الا غرشوووووووووووب واماراتيه بعد اااااخخخ تععذب.. سالم:اسسميك محظووظــ .. لازم اشوفها سعيد:ايييييييه؟ وين تبا انت؟ سالم:بديينا نغااااااااار.. سعيد:انته انننطم ........ف الشقه اللي عدالهم......... سااره:ياالله ياا ديينا بغيت اموت من الفشله اليوم.. دينا:ليه شو صاار معك؟ سااره:دعمت بوااحد وتم يزااعج علي وبعدين غاازلني الحيواان وانا مااصدقت من الله بردت حرتي فيه قههرني.. دينا:ماتهتمي لهيك اشكال ساره:بس حليييو فدييت رووحه دينا:له له له ياسااره بتحببيه ساره:ايييه ما قلت شي .. بااجر برااويج ..غرشوووووووب ... واماراتي بعد دينا:انتي اصلا ماعندك زوء بكره ازا شفتو بخاف اموت من شكلو سااره:اييييه لا تطنزين ... باجر لا شفتيه لا تقولين يالله شو حلو ومادري شنو دينا:اي اي مارح احكي لانو بكون متت من كتر ماهوي بشع سااره:انتي كيفج تحكمين ... يعني يوم انتي تمدحين حد مانقولج شي ونساايرج وانتي يايه تتمصخرين.. مب منج من اللي يقولج شي ويبا يشوف رايج ... نشت عنها وسارت تتسبح.. ترقبو البارت القااادم... | |
 |
|
17-02-2012, 09:51 PM
| #13 (permalink) | |
|
عضو جديد
| تمــــ ن ــــــــــــــيتكــــ .... تــــــــ ح ـــــــس فــــيــــــ ن ـــــــي...!! بارت 6 سااره:انتي كيفج تحكمين ... يعني يوم انتي تمدحين حد مانقولج شي ونساايرج وانتي يايه تتمصخرين.. مب منج من اللي يقولج شي ويبا يشوف رايج ... نشت عنها وسارت تتسبح.. دينا:يالله هاي بتزعل بسرعه ماحكينا شي اوووف نااس غلييظة هلء كيف بدي راضيها سااره:سمعتج انتي الغليظه.. دينا:بسسسم الله ... يخخرب بيتك كييف سمعتي؟ سااره:سممعتج باذوووني هههههههههه دينا:ههههههههههههه سااره:تعاالي عندج فلم حللو؟ دينا:امممم عندي واحد رعب وواحد رومانسي سااره:انزين حطي الرعب وسكري الليتات وانا بنزل اييب االبوبكورن والناتشووز وو تبين شي؟ دينا:لا بس مش ع اساس رح تتحممي؟ سااره:خلاص بعدين دينا:اوكي على رااحتك بس رح تنزلي بالبيجاما ؟ سااره:اووووه من زيني عااد منو بيهتم حقي اصلا (سااره كانت لابسه بلوزه تركواز واسود ربع كم وبرمودا سودا ورابطه شعرها عالجانبين نفس الصغاريه وقصتها نازله باختصاار شكلها كاان وااايد كيوووت اللي يشوفها يقول قوم بو 10-11 سنه) دينا:بس شكلك ملفت بدك هداك يخبط فيكي مره تانيه سااره ف خاطرها\اخخخ ياليت بس:لا طبعا بس الا هو سوبرماركت مب مسافره دينا:ااه صح متى رح تروحي لاهلك بـ ليدز>>احد مدن بريطانيا سااره:بالويكند دينا:اها اوكي يلا انزلي ساره:اوكي ونزلت سااارووه... .................. بعييييييييييييد عنهم ف بيت بوسلطان............. فاطمه:انزين رييموه قوليلي بلييز رييم:لاااااا يعني لااااااااا فاطمه:بلييييييييييز ريم:انزين ... هنيج المره لما رحت الدكان وكنت احاسب اونه الهندي راعي الدكان قالي (وهي تقلده) انتي في وااجد حلو انا في حب انته .. وغمزلي.. عااد انا بغيت امووت من القهر على اخر عمري يجي هندي ويتغزل فيني بس ماسويتله ساالفه لانه بيمصخها..ههههههه فااطمه:ههههههههههههههههههههه الله يهنيكم ريم:يعللللللللج بريل هندي ريحته تللوع الجبد تصبحين وتمسين عليها فااطمه:ايييييييه لــ تفاااولين.. ريلج الهندي ريم:اييه ماارضى ع ريلي فديته فااطمه:عيل تفاولين ع ريلي ريم:انزين فطيم بخليج الحين خلاف برمسج اوكي فاطمه:تووكي ولا تنسين اللي قلتلج عليه ريم:اوكي باااي فاطمه:بااي ..........فاااطمه ساارت صووب الدريشه .......... فجأه شههقققققققت بالقووووو وتممت تكككح و تكككح .. تجمدت ف مكانها وهي مصصصدوومه .. فاطمه\لا لا الا هااذا .. اتمنى انه يكون حلم انشاالله كاابوس المهم ماايكون حقيقه ... ياارب سااعدني شـ اسوي الحين .. ياارب ما ينتبهلي او يسويلي طااف .. لا لا احسن حل اني ما انزل بتم هني ف غرفتي اممم لا لا بسير المول وبقول حق ريووم تي ... ربعت صوب الحمام تسبحت بسرعه ولبست سكيني ابيض وبلوزه موف طويله شوي عليها حزام اسود ونعال اسود لبست عباه مفتوحه ساده ولفت شيلتها وخذت شنطتها ونزلت ... خطفت الصاله ماشافت حد استغربت بس حمدت ربها الف مليوون مره... سارت المطبخ وخبرت امها انها بتسير المول بس ساعتين امها وافقت ربعت صوب الباب اوول مافتحته كانت تبي تشهق بس هو كان اسرع عنها وحط يده ع فمها سحبها ع صوب وهي خلاااص شوي وبتصييح.. فااطمه:فراااسووه خووز عني ترى والله مب متفيجه حقك فراس: انا متفيج حق الحلوين فاطمه:قووووم عني دخييلك شو تبا تسوي خلاص كل شي سويته مااخليت شي الا وسويته فيني .. فراس بعد عنها شوي:اسمعي انا ابا منج شي واااحد فااطمه:شو هو؟ فرااس:لا حبيبتي ماينقال هني عطيني رقمج وبخبرج فالفون فاطمه:فرراس ترااك مصختها مابعطيك رقمي تبا تقول هني قول ما تبا كيفك فرااس:بتعطيني وانا اعرف انج بتعطيني فاحسنلج لا تعاندين فاطمه:مابعطيك... ولفت بتروح بس هو مسك يدها وطلع شريط فيديو وقال:بتعطيني ولا ..؟ فااطمه خاافت :لا ا خلاص بعطيك بس لا تخبر حد انزين فراس ضحك باستهزاء:عفيه عالشاطره..هههههههههههههههههههههه فاطمه عطته الرقم وهو دق عليها عسب رقمه يتسيف عندها.. فااطمه:حيووووووووووان نذل وحقير بعد يعني ما كفاك اللي سويته فيني ..شرفي كان بيروح فيها بسببك هاذا اذا ماسويتها وراح اصلن.. انا قلت يمكن تتعدل وترجع فراس القبلي بس لا صج الحقير بيتم حقير .. يعلك ما تتهنى بحياتك.. وسارت عنه وهي خلاص معصبه بتصفع اي حد يدامها.. فراس:انا مايهمني كلامج اهم شي اني اسوي اللي ابي سبي سبي مابتغيرين شي ههههههههههههههه فاطمه خلاص انهاارت وتمت تصييح:فراااس الله يخلييك اططلع من حياتي اططلع خلاص ماتحمل انا والله اا انا انسانه وعندي مشااعر والله انا احس..خلاص عذبتني كل انواع العذاب ليش انته ترتاح يوم اتعذب لييش مب ذنبي انها ماتحبك .. اصلن منو بيحبك داامك وصخ لهالدرجه .. ليش ماتسير غندها وتقولها كل اللي فقلبك وتسوي فيها اللي تباه.. ليش انا اللي اتعذب واضييع لييسش شو ذنبي انا ... وتمت تشااهق وتصييح ... فراس قرب منها:لاني ابااج انتي.. فاطمه طاالعته بدهشه:انا.؟؟!!! فراس:هيه انتي .. اصلن كل هالوقت ماكنت اباها ولا كنت افكر فيها بس سويت منها حجه عسب اتقرب منج انتي .. صدقيني انا احببج .. وماسويت كل ها الا عشان ماتضيعي من يدي واضمن انج بتمين حقي.. فااطمه صرخت عليه:حيووووووووووووووووووووووووووااااااااااااااااا ااااااااااان و جلللللللللللللللللللب قوم عني قوووووووم مابا اشوف ويهك مااابا... فراس:بسير عنج بس بيي يوم تعرفين فيه انه كلامي ماكان جذب ولا تحسبين اني ف يووم ممكن افكر مجرد تفكير اني ااذيج.. فااطمه:وهاللي سويته فيني شو اسميييه شووو عربون محبه مثلا... فراااااس:هههههههههههههههههههههه.. مع الايام بتعرفين شو كاان هاا وبتضحكين ع عمررج .. بااااي حبي .. فاطمه تمت وااقفه مكانها ومب فااهمه شي ... قررت ترد البيت لان شكلها مايساعد انها تشوف حد.. ساارت غرفتها وخذتلها شاور بطئ اخذ منها سااعتين لان هي متعوده يوم تتضايج تاخذلها شاور ع رااااحتها عسب ترتااح... طلعت من الحمام(كرمكم الله) ولبست بيجاما عباره عن فستان تحت الركبه بشوي وكت لونه اسود وعليه سبونج بوب .. فتحت شعرها وسحته وتركته مفتوح ورفعت القصه<<شعرها مقصوص كااريه طويل شوي لونه بني غامج ونزلت تتعشى لانها مييته يوووع .. تعشت وسيده نامت... ............اليوم اللي عقبه الساعه 7 الا ثلث................... ام ساالم:سلامه قوومي سلامه قامت بسرعه لان نومها خفييف ام سالم:شحاالج اليوم .. ترومين تسيرين المدرسه؟ سلامه:هيه امايه اروم مااعليج مني ام سالم:انزين يلا اترياج تحت امها طلعت من الغرفه وسلامه سارت تتسبح وتلبس .. تلبست وسحت شعرها <<طبعا شعرها قصير ماينربط خخ>> نزلت ويلست ع الطاوله تبى تتريق... ام سالم:تبين جبنه ولا احطلج كورن فليكس سلامه:ابا جبنه وحليب اذا ماعليج امر ام سالم:انشالله حبيبتي علي:يلا سلامه وحصه وراي دواام انا بعد متى بلحق حصه:يلا مع السلامه ماما وحبت راس امها وطلعت .. سلامه سوت نفس الشي وطلعت وراها ..علي وصلهم وراح لشغله.. ................ف مدرسه البنات.................. سعااد:اوييه سلامووه شو استوابج؟ ميره يت وشهقت بصووت عاالي وصرخت :سلاااااااااااااااااااااااااامه شو فيييج سلااامتج البنات:ميرووووووووووه ججبببببببب ميره ببرائه:شو سويت ؟ سعاد:بغيتي تطرين اذونااا .......(من بعيد):فدييتج ميره ماتدرين شكثر انا احببج بس يارييت لو تحسين فيني .. ماتدرين انج الهوا اللي اتنفسه .. بس بيي يوم وبخبرج بكل اللي ف قلبي .. وابتسمت وسارت عند ربايعها.. يت ليلى وحضنت سلامه بمصااخه وتمت تتلزق فيها ليلى بدلع ماااصخ:انتو ماايخصكم ف حبيبي سلوووم هو يبااني انا بس صح سلوومي فااطمه بنظره استحقاار:من زييينج عاااد اونه يباني انا بس.. اقول جلبي ويهج سلامه بقرف:ليلووه قوومي عني بعدني ماستويت حبيبج سيرري ولللي يااخي رووحي تعباانه ليلى:ادري انك تعباان .. ولمست الشاش برقه وحنان وكل شي .. حبيبي شو استوى فيك؟ سلامه:تخرطفت وراسي انفتح وسوولي عمليه وبس ميره صرررررررررخت:قوووووووووووووولي والله سعاد سطعتها ككفف :انتي بس خلاص عووذ بالله ينيه انتي كل شوي تصارخين ميره:انزين سلامه قوليلي كيف تخرطفتي ؟ صحتي ولا؟ فتحو راسج بالسكين ولا بشو ؟ كنتي صاحيه يوم كانو يسوونلج العمليه ؟ فقدتي الذاكره ؟ متي ولا بعدج عاايشه ؟ بلييز قوليلي قوليلييي سلامه:هههههههههههه انا يدامج كيف مت يعني ههههههه ميره:هيه صح انزين قوليلي كيف سوولج العمليه؟ سلامه:مادري كنت راااقده ميره:اووووووووووووووويه كيف مانشيتي وهم قاعدين يلعبون براسج سلامه:ايييييييييه هدددي شوي عن ينطرلج عرج فاااطمه:هااذي دومها جيه خريش مادري منو بياخذها ميره طالعت ريم وغمزتلها وقالت:لا العريس موجود لا تخافوون هههههههه ...........:شو هااد انتي ويااها ليه عم تصرخو؟ ريم:لا ابله ماكنا نصارخ الابله:لاا والله لكان؟ ميره:ابله ابلللللللللله نعبر عن مشااعرنا فيها شي الابله:انتي اسسكتي اه صح زكرتيني عندك موعد مع الوكيله الساعه 10 ونص ميره:مابروح الابله:مش ع كيفك ميره:لا والله عيل ع كيفج..ليش انا اسير لها اللي يباني ايي عندي الابله:تعاالي معااي من هلء ميره وهي تقوم: افا عليج كم صدعه عندي البنات:ههههههههههههههههههههههههههههههههههههههههههه ههههههه سلامه:والله انج خطيررررررررره سعاد:فديتج كفو ميره غمزتلهن:اعجبكن الابله:مطوله حبيبتي ميره:لا لا سيري وانا بلحقج الابله خلااص عصصصبت مسكت يدها بالقوو وسحبتها معاها لعند الوكيله الابله:ابله تهاني شوفي ميره الوكيله:هاا ميره شو سويتي بعد؟ ميره تسوي عمرها تصييح:ابله انا كنت ياالسه مع البنات ونسولف هي يت وقالتلي ليش تضحكين مع انه كلنا كنا نضحك اهئ مادري ليش هي محطيه علي اهئ اهئ الوكيله:ليش يا ابله تسوين فيها جيه؟ الابله انصصصدمت من جذبتها:لا يا ابله مش هيك هي .. يعني لا .. بس الوكيله:خلاص ابله اعتذريلها الابله:لا والله انا ما رح اعتزر لها ميره:خلاص ابله مافي داعي تعتذر لي ...(لفت ع الابله السخيفه).. اسفه ابله... دوم انا نظلم بسس ماعليه الله معاي الوكيله:خلاص ميره عقابا لها بنخلي ابله ثانيه تدرسكم ميره تتصنع الطيبه:لا لا ابله خلاص سامحتها اذا الله يسامح نححن ليش مانسامح خلاص خليها ف كلاسنا الوكيله:طيب حبيبتي بس اذا ضايقتبج قوليلي انزين ميره:اوكي ابله ميره سارت صوب البنات والابله مننقههره منهاااا ميره:هههههههههههههههه شيخه:بلااج ميره:الوكيله وقفت وياي شيخه:ادريبج شيطانه ميره:قالتلي اونه بتنقلها من كلاسنا عقابا لها شيخه:عقابا لها ... طاعو التنقيعه بس ميره:انا ماصدقت افتك من عيوز النار هاذي بس قلت للوكيله انها تتم عندنا سعاد:الله يخس ابلييييسج ليييييييييييش؟ ميره:ابا العوززها شوي بعدين اشوتها ع الكلاس الثاني بعدني ماشبعت من هالعيوز فاطمه:هيه والله هاذي اكبر من يدوووه تتتوقعون كم عمرها ميره:ممممممممممم مادري بس اشك انها صكت الالف فاطمه:هههههههههههه شيخه:هههههههههههههههههه حشششى ديناصور هب انسان ميره:هههههههههههههههه هيه والله اسوأ شي اسمها ملاااك اونه منو قااص عليها سعاد:هههههههه لا والطامه الكبرى انها تحط ميك اب ع بالها انه يحليها ميره:هههههههه حليلها يمكن هي تدور ع عريس شيخه:اي عريس الله يخليج اظظظظن الديناصورات انقرضت من زمان فاطمه:لا مشالله عليها جمال واخلاق ودلال اسمييه محظوووووووظ اللي بياخذها سعاااد:ههههههههههههه كاااانت جيه الحين شكلها انحسدددت يعني والله ملامحها حلوه ميره:بلاااكم طحتو فيها مغااازل ........................رن الجررس.................... كلن راح كلاسه ............ ف كلاس ميره حصه الفيزيا رنا:ابله في بنت برع الابله طلعت عندها : هاه حبيبتي منو تبين؟ البنت:مس ممكن ميره الابله:ميره في بنيه تباج برع ميره استغربت وسارت عندها ميره:هلا البنت:اهلين ميره:بغيتي شي البنت مرتبكه:اا...ا ... انا انا حلا ميره مستغربه:اها وانا ميره تشرفنا حلا:الشرف لي ميره:انزين حلا عندي حصه ممكن تقولين شو تبين بسرعه حلا:مممممم بعدين بقولج ميره:انزين بتمشى وياج فالبريك اوكي حبي حلا طالعتها بنظرات كلها فرح وحب ماصدقت تسمع هالكلمه منها وماقدرت ترد عليها من الفرحه واكتفت بانها تهز راسها... ميره:بااي حلا:باااي ................ف مدرسه الاولاد............... كان عليهم حصه كيميا........ الاستاذ:و هكذا يتم التفاعل<<<من الاخر خخخخخخ حسن:استاذ انته شرحك مو اوكي ماروم افهم الاستاذ:لا والله شو رايك تشرح بدالي حسن:ممما اتشرف الاستاذ:حسن احترم نفسك حسن:مو قبل تحترم نفسك بالاول الاستاذ:ئوم معي للمدير حسن:افا عليك ..... وقام عند المدير............ االمدير:شو استوى الاستاذ:عم بيئل ادبو علي حسن:كل اللي سويته اني دافعت عن نفسي المدير:بس خلاص استاذ عصاام انا بتافاهم ويااه انته اطلع برع طلع الاستااذ................ المدير:حسن اباك ف موضوع حسن:هااه... المدير طلع شي من درج المكتب وقال : شوهاااا؟ حسن انصصصصصصصصصدم:ك كيف وصصلك؟!! ادري وايد قصير سووري ترقبو البارت القادم | |
| |
|
02-03-2012, 07:31 PM
| #14 (permalink) | |
|
عضو جديد
| رد: تمــــ ن ــــــــــــــيتكــــ .... تــــــــ ح ـــــــس فــــيــــــ ن ـــــــي. البارت 7 المدير طلع شي من درج المكتب وقال : شوهاااا؟ حسن انصصصصصصصصصدم:ك كيف وصصلك؟!! المدير:مو مهم كيف وصلي المهم من وين يبته وليش؟ حسن بهدوء مصطنع:من بيتنا يعني من وين المدير:وليش؟؟ حسن:ممممم عسب اذبح حد المدير:اهاا ومنو هالحد؟ حسن:اي حد اتضارب وياه يعني مب واحد معين المدير:تدري انه ممنوع صح حسن:اكييد بس كل ممنوع مرغوب المدير ابتسم:يعني انت تبا تستوي سفااح حسن:حشى علي لا طبعا المدير:انزين هالحركات ماباها ف مدرستي حسن:انشالله المدير:يلا سير صفك حسن:اوكي ..................انتهت الدوامات وكلن رد بيته........................... ف بيت بوعبدالله..................... خليفه:لا حياتي .........:خلوووف خليفه:هلا ......:احبببك خليفه:افداااج مووووااا... قطعت عليه حمدووه<<هاي دوم تخرب اللحظات الرومنسيه خخخخ حمده:اخي العزييز خليفه:انزين نصوور برمسك خلاف حمده:حبيبي خلوووف خليفه:بدت المصاالح حمده:ممممممم وديني عند ريمووووه خليفه من سمع طاري الريم قلبه تم يدق بقوو حمده:بلاك تصصنمت شكله العرض مغري لاااه وغمزت له خليفه\اففف يااربييه شسوي الحين انا احب ميرووه بس بعدني احي ريمووه مقدرر اقص عليهم ثنتينهم مابي اجرحهم خلاص لازم احدد موقفي يا اتخلى عنهم ثنتينهم يا احب وحده وبس... خليفه:خمس دقايق واشوفج ف السياره اوكييه حمده مااردت عليييه وطيرااان ع غرفتها لبست بلوزه خضرا عليها كلام بالاسود وسكيني اسود لبست عباتها وتعطرت .. تجحلت وحطت بلشر وقوس ونزلت خليفه وهو يطالع سااعته:خمس دقايق الا ثانيتين ههههههه كنت بخلييج حمده:ججججب ويلا بسرعه خليفه:فديت الزعلان حمده:يلا خلوووف بتأخر عالبنيه يلاااااا خليفه عطاها السويج وقال:افتحي السياره الحين بيي حمده خذت السويج ودشت السياره حطت اغنيه سكر العيون وتمت تغني و مرتبشه خليفه يا ويلس ووصلها ... خليفه:يوم بتخلصين دقيلي انزين حمده:يالحماار انزل سلم ع خالووه خلبفه:اووووه مب متفيج بااي ... وساار ... دخلت البيت وسلمت على خالتها وقامت بتسير فوق عند الريم..... فجججآه وهي طالعه فووق حست بيدين على عينها ............ حمده:م..ميين؟ ....:......... حمده:ريووم خلاص كشفتج شلي يدج عني .....:ههههههههههههههه حمده:سوااااااااااااااااف سيف بعد عنها وهو ميييت من الضحك حمده:منو سمحلك تلمسني؟؟ سيف:هههههههههههههههههههههههههههههههههه حمده يوم حد يضحك ماتقدر تمسك عمرها فضحكت ويااه :هههههههههههههههههههههههههههههههههههههههه سيف:ههههههههههههههههههه والله انج نكته هههههههههههههههه حمده:ههههههههههه ايييه خلاص عن ينطر بطنك << حليلها نسيت السالفه سيف:ههههههههههههه يلا عن أأخرج عنها حمده:هههههههههههه اوكي بااي سيف:ههههههه باااي<<<<قلبوها فلم كوميدي خخخخ حمدووه سارت عند الريم...... خلووف تم يحااوطط ف السياره وهو يفكر بسالفه الريم وميره خليفه \ اففف شسوي الحين كل وحده تشدني من صوووب ... كل وحده تتحراني حبيبها ههههه ...بس انا احب الريم لانها متفهمه وماعصبت ولا زعلت يوم قلتلها ان ميره تحبني وها بعد بيساعدني اني اتخذ قراري بس كيييف اختااار... قرر يتصل ع الريم ونسى ان اخته عندها ..........صوب الريم وحمده............ الريم:ههههههههههه زين سوى فيج سيفوو حمدوه:هذا بدال ماتوقفين ويااي وتقولين مايستوي يلمس بنات الناس وتدافعين عني ... صج ماتنعطين فيس.. الريم كانت تبا ترمس بس فونها رررن ((وينك اناديلك تعال... ودي اشوفك انــا ...)) حمدووه:حبتين احب هالاغنيه .. اشوف حق منو حاطه هالنغمه ... هاااا خلووف ... طالعتها بنظرات عجيبه غريبه الريم ارتبكت: ااا...اا ... يمكن يباج ع .. عشان تل..تلفووننج مسسكر حمده سوت عمرها مب مهتمه:ردي انزين الريم:االو خليفه:هلا ريووم شخباارج الريم:اا.. انا؟ خليفه:هيه انتي عيل البشكاره الريم:بخير... بغيت شي؟ خليفه:بلاج؟؟؟ الريم:لا بس تعبانه شوي خليفه:انزين ابا اشوفج بااجر الريم انصدمت:لييش؟؟؟ خليفه:اباج ف ساالفه بااجر بمرج من المدرسه انزين الريم:انشالله... حمده:اعطيني اخوي الريم:خليفه حمدووه تبااك خليفه\اووييييييييييييييه نسيت انه حمدووه ويااها الحين شو بتقول عنا ... بطيح من عينها بتحسبني اقص على ميرووه خليفه:انزين حمده:الو خليفه دقيقه واشوفك هني ابا ارد البيت خليفه:توو النااسس مامضت ساعه حمده:ججججججججب مايخصك تعال وبس والا والله لي معك شغل ثاني خليفه:انزين هدي خلاص الحين بييج حمده:بااي وسككرت فويهه الريم تمت سااكته لانها تعرف لو فجت حلجها بتاكل بووكس محترم من هالجبريت حمده تمت سااكته وهي تتنفس بصووت مسمووع من كثر ماهي معصبه الريم ملت فققرت تتكلم واللي يصير يصير اريم:ممم .. ااا ... ممم .. حمدووه حمده طالعتها بعين نااريه فعرفت الريم ان اللعنه ستحل عليها وستواجه مصيرها المحتوم حمده نشت:ماارووم اتم ويا الوصااخه ف مكان وااحد الريم تمت سااكته تلفونها رن وردت بدون ماتشوف المتصل الريم:الوو خليفه:قولي حق حمدووه تنزل انا تحت وسكر الريم سارت عند حمدووه اللي ف الصااله شافتها تعابل البي بي شوي وتكسره الريم بسرعه:خليفه يتريااج برع.. وشششردت حمده نشت وركبت السياره وهي مععععصبه حمده:انته ايييه ليش ماتصلت علي ؟ خليفه:وليش اتصل عليج؟ حمده:عسب تقولي انزلي ولا لا نسيت انها حبيبه القلب لازم تخبرها كل شي حشى هب عشق تعشقها ياللعاب صصصبر علي ان ماخبرت عليك ميرووه.. خليفه:لا لا دخيلج لا تخبرينها ماروم ع زعلها حمده:ليش انته يهمك زعلهاا؟؟ خليفه:هي اكيد مب حبيبتي حمده:لا والله والريم شو اسميها خليفه:ترا الشرع حلل اربعه حمده:هيه خذ اللي يعيبك من الدين خليفه:بلااج عليا يااخي تعرفين اني بعدني احب ريمووه بس بعد اححب ميره بس مااعرف منو اختاار.. حمده:ممممممم اصلا ميره احسن بوايد من هالريم خليفه:لا حمده:عندك راي ثاني خليفه:خلاص بودرهااا.. حمده:منووو؟ خليفه:ماشي .. امايه قالت انه بنسافر ويا مييرووه لندن جان نبا.. حمده:جذاااااااااااااب خليفه:والله حمده:الله وناااااااسه بس متى؟؟ خليفه:بالعطله اللي اسبوعين حمده:مابقى عليها غير اسبوعين وااااااااااااااااو خليفه ابتسم \\ \\ \\ صوب ميره......... ميره قاعده تتزهب حق عرس شما وعزوز اللي بعد يومين لان عزوز قال انه يبا الملجه والعععرس فــ يوم واحد.. ميره:انزين فطووم قولي اي لون البس؟؟ فاطمه:مممم شو رايج نطقم؟؟ ميره:هيه والله فكره فاطمه:انزين متى نسير؟؟ ميره:مممم...شرايج نسير الحين ؟؟ فاطمه:انزين بخبر ماما ميره:اوكيك.. انا بعد بخبر ماما فاطمه سارت عند امها وخبرتها وامها وافقت نفس الشي مع ميره ... ميره تلبست توب احمر وسكيني اسود لبست عباتها وشيلتها وطلعت شوي من قصتها حطت جحال واي لاينر ومسكارا وقلوس وتعطرت وخذت فونها وشنطتها ونزلت... فاطمه تطالعها:الله حلووو ميره ترمش بدلع:اسسستحي فاطمه:عن تصدقين عمرج الحين يلا الدريول يترياا تحت ميره:كيف جي .. نحن دريولنا محد.. فاطمه:ادري يالطمه ها دريولنا ميره:اها انزين نزلن فطوم وميره.... توفيق:وين يسير؟؟ ميره:mcc توفيق:اوكيه ماما \\ \\ \\ صوب الريم.......... الريم:ماما شي هوت شوكليت؟ ام سيف:لا بس شي شوكلت مارس وتشيز كيك جان تبين الريم:انزين ... مااري حطيلي تشيز كيك وشوكلت مارس ف الصاله ماري:اوكي \\ \\ \\ In mcc...... ميره:فطيمااااااااااااا طاعي هالفستان يخبببل فطوم:ميرووه قصري حسج فشلتينا ميره ماردت عليها وسحبتها للمحل ميره:excusme البنت:yes..madam..can I help u?? ميره:how much is this ? البنت:1400 after discount ميره مسكت يد فاطمه:الله فطوووم ابااااه ....:عفوا اختي انا مب فطووم ميره بعدها زاخه يد الريال من الصدمه:هااااااا .. منو انت؟؟ الريال:ودري يدي انزين ميره تفشششلت وودرت يده ومشت اونها تدور ع فطووم..اصلن فطوم كات وراها تراقبها هي مييته ضحك فطوووم:ههههههههههههههههههههههههههههههههههههههههههه مصصصخره قسم بالله..(تقلدها)..الله فطوم اباه ميره:ويهها استوى اححححمر :جببب كله منج .. فااطمه:يلا امشي بناخذ فستانج هذاك عيبني ميره:يلا ترقبو البارت القادم | |
| |
|
27-03-2012, 10:36 AM
| #18 (permalink) | |
|
عضو جديد
| رد: تمــــ ن ــــــــــــــيتكــــ .... تــــــــ ح ـــــــس فــــيــــــ ن ـــــــي. بارت 8 الحرمه اللي تشتغل بالمحل قالتلهم انهم يقدرون يخلصونه بعد 3 ساعات مايباله وايد شغل اصلن والمحل كان فاضي .. وافقو لانهم مابيردون الا الفليل يعني شي وقت.. ميره:يععت تعالي نسير ستاربكس فاطمه:انا بعد يلا سرينا سارو ستار بكس طلبو ويلسو.. فاطمه:باقي الشنط واالكعب والاكسسوارات ونخلص ميره:يب يااا الويتر وعطاهم الطلبيه مالهم وسار فاطمه:مب جنه هذيج شميم ميره:هييه وهذاك عزوز فااطمه:هههه اويه طااعي طااعي ميره:شفتي شقايل زخ يدهاا بكل حناان وحب ومشااعر فاطمه:قلللله ادب >< ميره وقفت:نشي تعاالي نسير صوبهم فاطمه:ونخرب عليهم الجو ميره:تفكرين نفسي وسااروو.......... عزوز:فديتج شما:عزوز خلاص عااد استحي فاطمه:هيييه حليلها تستحي ميره:شو كنتو تسوون هاااا.. لاتفكرون تقصون علينا كنا نراقبكم شما:عيل ليش تسالين ؟؟ ميره:.........(قفطت) عزوز:هههههههههههههههههههههه حياكم يلسو فاطمه:لا مانبا اصلن يينا بس عسب نخرب عليكم... يلا ميرووه مشينا عزوز:انتو الثنتين مدري منو بياخذكم ميره:وانت ليش شايل هم اللي بياخذنا ... عن يكون تبا وحده فينا وقاعد تلمح شما:عن يكون بس..هههههههه عزوز:مب متفيج حقج انتي لو قعدتلج لين باجر مابتخلصين سخافات ميره:قول قول انك ماتعرف ترد والله مابتطنز عليك شما فلعت ميره بقوطي الكلنكس:بسسسسسسسسسج فاطمه:كلله ولا ميره.. والله بخبر ماماه انج ويا حبيب القلب ومدري شتسوون شما:لا حبيبتي انا بخبرها جان تبين .. اقول لا تتفلسفين وايد وانجلعي فاطمه مقهووره حدددهااا. ميره بعفويه: خخخخخخخخخ حليلها مقهوره ماعندها ريل تيلس ويااه... عاااد فطوووم طيرتها بذاك الكف وميره عصبت اونه كيف تصفعيني يدام الخلق وتمو يضاربون (يهااالووه).. لين ما يا السيكيوريتي وطلعهم برا..وهم كملو ضرابه.خخخخ بعد الضرابه سارو عندهذيج الحرمه مال الفساتين وقالت انها خلصت.. ميرووه لبست فستانها اللي لونه ازرق غامج وقصير بدون حمالات والظهر كله مفتوح ع شكل اكسات بالاسود وفي حزام صغيير اسود حول الخصر .. فاطمه تمت تطالع ميره وسرحت فيها... ميره:حوووو بلااج.. فاطمه:تـــ..تـــخخخخببليـــــــن.. واااااااااااااو مشالله مشالله حتى شي حرمه مرت عدالهم وتمت تطالعها وتصلي عالنبي.. الحرمه مال المحل:you look pretty.. ميره استححت من الخاااطر بعدين سارت عسب تبدل وفاطمه لبست مالها وطلع وااايد حلو عليها المهم خلصو كل شي بسرعه وردو البيت .. .......................اليوم اللي عقبه............................ ميره تتجلب ف الشبريه هب رايمه ترقد سامعه اصوات مزعجه.. توها تستوعب انها اختها مريم الصغيره ياسه تصييح ميره:اووووووووووووووووووووووووووووووووووووووووف امااياااااااااااااااااااااااااا اممممممممممممممممااااااااااااااااااايااااااااااااا ااااااا ام سعيد حدرت غرفه بنتها بسرعه:وي بسم الله بلااج؟ ميره:سكتي هالبقره يالسه تباغم من الصبح ام سعيد:لا حول ولا قوة الا بالله وانا احسب مستوي شي اصلن جي جي بتقومين ورااج مدرسه. ميره جنها تذكرت شي:اووووووووووووووووووووويه كيف نسيت ونقزت من الشبريه وع طووول عالحمام.. ام سعيد استغربت بس ما اهتمت واايد ونزلت عسب تسكت مريوم.. حسن:صبحج الله بالخير امايا وباس راسها.. ام سعيد:صباح الخير ولديه ايلس اتريق حسن قعد ياكل ف امان الله فجاااه وقع الاكل من يده.. ميره:حسسسووووووووووووووووون وين الايباد مالي.. حسن:ويييييييييعه ميره:تووويعك يالسباال ... قوول وينه؟ حسن:بللاج هب صاحيه الا هو ايباد.. عنبو شحفان هب شايفه خير ميره:هب ماااااالي.. حسن:عيل؟!! ميره:هاا مااال فطوووم نسيته عندي حسن:اهااا ممممممم مادري وينه تدرين غرفتي معفوووسه فوق تحت وشدارني بعد يمكن (حب يغايضها) عقيته بالغلط ميره:خير خير اسمع حبيبي يا اتيبه يا اتيبه ام سعيد:وابويه عليج سكتي يايه تتضاربين من صبح الله خير ماشي احترام مووول ميره سارت تتريا الباص برا وهي تتحرطم .. حسن:عوذ بالله شو ياينها زيغتني ام سعيد:ماعليك منها دومها خبله انته كمل ريوقك ميره:سسسسمعتج انا هب خبله.. مريم:حثى هب اذون عليج (حشىى هب اذون عليج) ميره:جب مب متفيجه حقج مريم:انتي تب اثلا انتي وعه ماتعتيني حلاوه حسن:تعال مرييووم انا بعطيج حلاوه وبوديج الدكان بعد خلج من هاي العنز ميره:حرمتك العنز يالثوور .. حسن:ترا انا ماقدر اتناقش وياج وانا هب شايفنج احس عمري ارمس يني تعالي هنيه ميره:يييعععلك بحرمه ينيه وما بيي عندك وللل حسن:ولللللت حلااتج زين انا اخوج العود لازم تحترميني ميره:ماداني ارمس وياك ونشت لان الباص يا حسن:العبيطه نست شنطتها .. وسار يعطيها الشنطه حسن عطا ميره الشنطه وسوالها بوسه طاايره.. وقعد ف الحوي يتريا الباص مزنه:ميرررروه منو هالغرشوب فديته ميره:ريلي شيخه:اووويه صدج متى عرستي ياااحظج ريلج عذااااب ميره:تتغزلون ف اخوي يدامي مسووودات الويه مزنه:هههههههههههههه حليلها شويخ صدقت ميره:هههههههههههههههههههههههههه وتمو يسولفون لين وصلو المدرسه. ميره سلمت ع رفيجاتها وخذت حمده ع صوب.. ميره:يبتي اللي قلتلج عليه؟ حمده:ههههههههههههههههه هيه هيه ميره:ههههههههههههههههههههههههههههههههههههههههههههه ههههههه وردو صوب البنات... تمو يسولفون لين ما رن الجرس وكلن سار كلاسه ف كلاس ميره عندهم حصه كيميا <<ابله ملااك لو تحيدونها ميره:ابله ابله الابله:نعم ميره:ابله زعلانه مني عسب هاييج السالفه؟؟ الابله:ميره اعدي محلك ميره:ابله يبتلج شي حمده:قصدها يبنالج شي الابله:شو؟؟ يت حمده وهي شاله صحن فيه كيكه شوكولا هم مسوينها:ابله طعميها الابله كلت منها شوي فجأه تمت تككح تكككح وويها استوى احححمر.. ميره سوت عمرها اونها زااايغه وربعت ويابتها قلاص فيه مااي والابله شربته بسرعه فجأأه طاح القلاص من يدها وحطت يدينها على عنقها وتمتت تكككح ليين ما يت بنيه وعطتها مااي صجي .. الابله ارتاحت شوي ومن دون ماتقول شي سارت عند الوكيله ويابتها الوكيله مععصبه:شو مستوي هني؟؟ ابله ملاك:عطوني كيكه شوكولاته حاطين فيا ملح وبعدين شربوني خخخل على اساس انو مي الوكيله مصدوومه:منووه؟؟ الابله تاشر ع ميره وحمده:هدوول الوكيله:لييش ؟ ميره و حمده ببراءه الطفل:ابله ماسوينا شي الابله باستهزاء:اي بنوووب ماعملو اشي ميره:حررااام عليج حبينا نطعمج الكيكه اللي سونها امس وتعبنا عليها ما عيبتج مشكلتج حمده:هييه صح طعميها جاان تبين ابله تهاني<<الوكيله الوكيله يت وطعمتها:شوووووووووووووووو هاااااااااااا واااااااااايد حللووووووووووووووو متاكدين انتو سويتوه؟؟ الابله مصصدددددددددووووووووومه فااطمه:ههههههههههههههههه ياها الزهايمر حتى ف لسانها الكل:ههههههههههههههههههههههههههههههههههههههههههههه ههههههه الابله حاولت تسوي عمرها طبيعيه:اا.. طيب والخل ميره طلعت سفن اب:هاااااااااا تسمينه خخخل؟؟؟ الابله:؟؟؟؟؟؟؟؟؟؟؟؟؟؟ ميره:ابله تهاني انا شو قلتلج هي دوووم تحط عليا حتى يوم ييت بعتذرلها شوفي شو سوت فيني الوكيله:ماايستوي جييه ابله كبري عقلج شوي مشالله شكبرج قد امييه وتحطين عقلج ف عقل ياااهل الابله:بس والله هيك صااار حمده:خلاص ابله سكري عالموضوع شكلنا واايد عطينااج فيس الوكيله:وانتي حمده بسسس حمده:انشالله ابله طلعت الوكيله وطلعت وراها الابله... البنات:ههههههههههههههههههههههههههههههههههههههههههه ههههههه والله انكم مب هينين الريم:ههههههههه وييت كيف شو سويوتو بالكيكه يوم طعمتوها حق ابله تهاني ميره:اصصلن يبنا كيكتين عسب جييه حمده سارت وعقت الكيكه المالحه ف الزباله الفسحه........ العنود:ريمووووووووووووووووووووه يوديني بطييح بطييح الريم:بسسسم الله شو يااج؟ العنوود:يعذذذذذذذب هاللي يبااج ف مكتب الوكيله الريم شهقت:السبااااااااااااال بيفضحني الريم ربعت صوب مكتب الوكيله وشافت البنات مبركنين ومسوين حشره دخلت المكتب بهدوووء الوكيله:منو هااا ريم؟؟ الريم:ااا..اا..هاااا ولد عمي ممم اخوي طرشه عسب يشلني لان هو واايد مشغوول الوكيله:انزين بتصل فاخوج.. الريم"امبيييييه توووههقت ماااعليه خلوووف يالهرم دواك عندي" الوكيله:الوو .. مدرسه******* انته اخو الريم؟؟ منصور:هييه اختي بغيتي شي الوكيله:بغيت اسالك اذا انته مطرش ولد عمك يشل اختك من المدرسه؟ منصور وااايد مشغوول ومانتبه حق اللي قالته:هيه هيه فمان الله وبند الوكيله:اسفه اخرتكم يالله الله معااكم خليفه:مااعليه وطلعو هو والريم بسرعه.. دشو السياره.. الريم:خلووف شو تبا مني ؟؟ خليفه مبتسم:ابا ارمسج الريم:شووه؟؟ خليفه:بخصوص ميره الريم عقدت حياتها وطالعته بمعنى كممل خليفه:مممممم انتي تعرفين اني كنت احبج بس اللي ماتعرفينه اني للحين اححبج وو ممم يعني احب ميره بعد بس بعدنا ف البدايه وانتي كنتي اول حب بالنسبه لي وماقدرت انسااج دوووم احاتيج واشتاقلج اباااج انتي بس ف نفس الوقت مابا اكسر خاطرها "يقصد ميره" حليلها تحبني ادري انج تنازلتي عني عشاتها بس مااقدر بدوونج والله مااقدر .. وو ابا اودرها واردج بس مادري كيف اقولها ماباها تشل ف خخاطرها علي..ساااعديني الله يخليج الريم ما تغيرت ملامحها ابتسمت:كييف اسااعدك كييييف تبااني اسوي جيه ف ربيعتي كفاايه اللي شافته مني مب قليل .. اخونها واقولها بقوات عين احب حبيبج شوهاااا كيف تفكر ماشي مخ شووه ... تبا الصرااحه انا كلل مشااعري تجااهك تببخخخرت تدري شو يعني تبخخخرت يعني انته الحين شرات اخوي وببسسس .. وازيدك من الشعر بيت تراااك ططحححت من عيني ... ااابد ماتوقعتها منك كنت ف عيني رياال بس ياا للاسف خييبت ظني وبالقوو بعد ... اااسفه مااقدر .. نزلت راسها وردت رفعته...لو سمحت وقف هني بنزل .. خليفه مصدوم من رده فعلها: شو صاير لج مب انتي اللي قلتي انج بتحبيني طول عمرج حتى لو حبيت غيرج و بتنتظرين اليوم اللي بردلج فيه شو اللي تغير الريم: ما انككر اني قلت جذي بسس ف نفس الوقت ماااا اقدر ماااقدر اخووون ربيعتي والله ماقدر ... بصراحه بديت اشمئز منك ومن تصرفاتك الغبيه نزلني نزززززززززززلنننننننننننننننننني.. نزلت من عينها دمعه حااره.. ونزلت بسرعه ومن حسن حظها انه بيتها كان جريب فرامت تسير مشي.. صوب خليفه تحرك بسرعه"يالله شسويت انا شسوييت شو هااا والله بغيت اريح عمري واايد تعبت وااايد وااايد محد يحس فيني حبيبتي وطحت من عينها وميره ما حبها ذاك الزوود يعني شرات اختي .."تنهد وتساند عالسيد" خلاص بنهي هالسالفه الماصخه بكبرها.. وتوجه للبيت وفي راسه فكره" \ \ \ اول مادش البيت سلم على امه خليفه:امايا بغيت ارمسج ام عبدالله:خير ولديه خليفه:تحيدين بنت ربيعتج اللي بغيتي تخطبيها حقي ترقبووا البارت القاادم | |
| |
 | |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
المواضيع المتشابهه |
|---|
| الموضوع | كاتب الموضوع | المنتدى | مشاركات | آخر مشاركة |
|---|---|---|---|---|
| علمنــــــ كبريائي ـــــــي | آلوآن آلطيف | أقلام ناشئة | 4 | 16-07-2008 01:11 PM |
![الصورة الرمزية ][دفشووؤؤووؤؤه][](helm/no_avatar.png){kind=avatar}
![][دفشووؤؤووؤؤه][ is on a distinguished road](images/reputation/reputation_pos.gif)
