12-01-2012, 08:37 PM
| #41 (permalink) | |
|
عضو مجتهد 
 |  رد: ممنوع الدخول .. فقط لمن يريد(اجمل الأشعار+ وناسه + سوالف جدتي) من فتره لفتره احب اتكلم بمدونتي عن جوانب اجتماعيه ونفسيه من واقع حبي لمجال علم النفس.. طبعا تكلمت بمدونتي قبل عن الحزن لأنه اشوفه صار (موضة العصر) يعني حتى ولد اختي اللي بخامس توبيكاته كلها حزن بحزن وهو لسى ماشاف شئ من الحياه اجل بكره اذا كبر وشاف صعوبات الحياه وش يسوي شكله مايوصل المتوسط الا منتحر على هالعقليه.. يعني مشكلتنا احيانا لو يهرب منا الحزن نلاحقه واشياء بسيطه لو البنت تهاوشت مع صديقتها او صار موقف بسيط قلبت الدنيا مناحه وانا محرومه من الفرح ومن هالسوالف والشاب لو ماتوفق بمكان قال نفس هالكلام.. مو حرام نحزن الحزن لولا الحزن ماذقنا طعم الفرح ولولا الحزن والصدمه العاطفيه ماكتبنا الشعر ولا الخواطر ولكن نحزن بحدود صحيح مااحد يختار يحزن ولكن نحاول نحجم ونقلل من تأثيره علينا.. طبعا في مواقف ماينطبق عليها كلامي هذي مثل فقد عزيز او قريب ولكن ايضا مانكون اسيرين للذكرى هذي لانها راح تتعبنا ولاتنفعهم بينما لو عززنا الجانب الايماني فينا وقلنا انهم راحوا لرب ارحم منهم فينا ونبدل كل دمعه عليهم بدعوه لهم راح نخفف على انفسنا.. صدقوني لو اجتمع دكاترة الطب النفسي مادام الانسان ماعالج نفسه واقنع نفسه ماراح احد يغيـره.. جانب مهم بوجهة نظري البسيطه انه دايما توقع الاسؤاء حتى تفرح بالافضل يعني مثلا سويت مشروع توقع بنسبة 50 بالمئه فشله مثل ماتتوقع نجاحه حتى اولا تخطط بشكل جيد ولو فشلت ماتكون الصدمه قويه وتثنيك عن مواصلة المحاولات وحتى بعلاقتنا مانحاول نرسم الاحلام الورديه ونتصور النهايه السعيد وننسى الفراق يجب ان نضع كل الأمرين قدام عيوننا حتى نصل الى ليفيل او مستوى من تقبل الصدمات لا للاحزان نعم للافراح  وهذه من كلماتي تعبر عن هالشئ اخلع ثوب الحزن وافرح تعال معي ندور السعاده بقرب الله ونصنع الفرح لو من عدم نتفاءل ونخلي الامل بالله لا ياصاحبي لاتبكي كلك دموع من وثق بالله فلا عمره يذله وليه نحزن وهذا المقسوم من قبل نخلق ونشوف النور لا لاتقول انا بالحياه مظـلوم شوف مصيبة غيرك وعليك مصيبتك تهون | |
 |
|
13-01-2012, 03:46 AM
| #42 (permalink) | |
|
عضو مجتهد
| رد: ممنوع الدخول .. فقط لمن يريد(اجمل الأشعار+ وناسه + سوالف جدتي) من كلماتي ياوقت مثل مااهديت لي اصدقاء التعاسه ليه تشح وتحرمني من اقراب واحباب خاويتهم مخلص(ن) لعهود الصداقه سكنتهم عيوني وتحرسهم الاهداب وآخرتها اقول ليت تحصلي السلامه صداقة هالوقت مصالح وكذب ونفاق فتحت لكم ابواب الغلا باب...بـاب وقفلتوا بوجهي كل دروب السعاده مسحت ذكراكم من سجلات الاحباب كنسل ودليت اخر كلمتين بدرب النهايه | |
| |
|
13-01-2012, 05:37 AM
| #43 (permalink) | |
|
عضو مجتهد
| رد: ممنوع الدخول .. فقط لمن يريد(اجمل الأشعار+ وناسه + سوالف جدتي) السلام عليكم ورحمة الله وبركاته اليوم بتكلم بمدونتي عن شخصيه عجيبه ! شخصيه غيرت مفاهيم كثيره لدي واوصلت رساله لكل حزين ويائس ومن يلهث خلف الدنيا وجمع المال معتقدا ان السعاده فقط في جمع المال وامتلاك الثروات والعمارات.. الدين حثنا على طلب الرزق ولكن حثنا الا ننسى حظنا من الاخره والعمل للغد.. كثير من الناس يتعبون ويشقون انفسهم وينسون صحتهم واهلهم وربما خسروا اخوتهم وظلموا الناس من اجل حفنة دراهم ! يااكلون الحرام طمعا بالسعاده ! يبيعون الحرام ويشتكون من الهموم والاحزان! ياجماعه سر من اسرار السعاده المدفونه اللتي لايدركها الناس وقلتها بمدونتي هي مساعدة الناس والقرب من البسطاء وعمل الخير فأن ذالك يشعرك بالرضا والسعاده فقط جربوا ولن تندموا وعلى مسؤؤليتي انا الموقع ادناه نايف.. نرجع لشخصيتنا اللتي ابهرتني هي شخصيه من العصر الحديث شخصيه كما يقول كان بامكانه ان يمتلك العمارات والقصور ولكنه اختار التعب والفقر ومرافقة البسطاء ترك الرخاء واختار الشقاء ولكن لأنه وجد اللذه اللتي لم يدركها التجار والامراء رضي بواقعه.. هو الان مريض وبحاله حرجه اتمنى تدعون له بالشفاء اكيد عرفتوه انه الدكتور عبدالرحمن السميط استمعوا معي لما يقول فقسما انه كلام يخترق القلب وليس فقط يصل اليه.. استمعوا تحديدا لما يتكلم عن مفهوم السعاده ويقول كان بامكاني املك عمارات وافتح عياده ولكن لماذا لم يفعل؟ اسمعوا ماقاله ! كيف ان زوجته ورثت ملايين ومع ذالك لاتملك الا ثوبين ! اني احبك بالله ولاازكي على الله احدا يادكتور عبدالرحمن شفاك الله وعافاك [youtube] | |
| |
|
13-01-2012, 07:43 PM
| #44 (permalink) | |
|
عضو مجتهد
| رد: ممنوع الدخول .. فقط لمن يريد(اجمل الأشعار+ وناسه + سوالف جدتي) الدنيا ماتوقف على أحد كلمه تاريخيه اؤمن فيها بكل تعاملاتي وعلاقاتي بالنسبه لي منهجي احاول مااخسر اي قريب لي سواء صديق او غيره واقاتل حتى ارضيه دائما بس لما توصل الأمور للكرامه فأني مستعد لهدم مابنيته في سنين بيوم واحد وبكلمه وحدهـ الله معكـ يعني مااتعمد اخطئ واحاول افهم سبب زعل الشخص وتغيره ولكن عندما اشعر ان التغير بدون سبب فااعمل بمبدأ اكرام النفس هواها.. يوم تترك شخص عن اقتناع ويوم تكون اعطيته فرص كثيره وخذلك فيها لاتفكر بالماضي وتستعيد الذكريات ادري غصب عنك بتحن وتذكر الايام الحلوهـ ولكن فيه طريقه من وجهة نظري انها مفيده وهي انك فكر بالاشياء السلبيه اللي سواها الشخص معك وتذكر اخر ايامه معك وكيف استغل مكانته عندك وطعنك غدر فكر كثيرولاتندم وفكر أنه خيره فراقه لأنه ممكن لو استمريت سوا لك مشاكل كبيره وعظيمه البعض يقول كيف اقدراعيش من دونه ووو ...طيب السؤال انت قبل تعرفه كنت عايش صح؟تأكل وتشرب وتضحك ويمكن تكون أسعد من بعد ماعرفته.. صدقني فكر بالموضوع ولاتقول مستحيل انسى ومثله ماالقى ربما يخفي لك القدر نصيب اجمل وافضل هذا رأيي ويمكن يختلف معي احد فيه وتبقى وجهة نظر | |
| |
|
13-01-2012, 07:49 PM
| #45 (permalink) | |
|
عضو مجتهد
| رد: ممنوع الدخول .. فقط لمن يريد(اجمل الأشعار+ وناسه + سوالف جدتي) انتخبوا ام علـي  العنوان اللي كتبته عنوان مسرحيه كويتيه لكن انا اخذت العنوان مدخل لرأي لي وسوالف بعد قرار ابو متعب السماح للمرآه بالترشح للانتخابات.. عني انا مادريت الا ذاك اليوم الا جدتي متغيره علينا ماتسلم وتكلمها عشرين كلمه ترد عليك كلمتين استغربت الصراحه قلت لاتصير ماي جراند مااذر فيها شئ متهاوشه مع صديقتها طاقه مدرستها اللي بمحو الاميه متاثره بالشحروره وناويه تعرس الصراحه احترت اخر شئ طلع انها سامعه عن ترشح المرآه للانتخابات وعشان اخرب عليها فرحتها قلت انتي اصلا برا القرار هذا كله لاراح تقدرين تكونين مرشحه ولا حتى ناخبه يعني بالوقت بدل الضائع..  بس حسيت انها طموحه بس احس طموح متاااخر تقول بترشح ماادري تستهبل والا صادقه ماينعرف صدقها من مزحها قلت روحي والقلب داعيلك اول واحد يصوت لك انا بس نصيحه اذا تبين اصوات لاتحطين صور ولاشئ يمكن يمكن برقع او نقاب يالله يمشي خليه صوت بس ارحم. عاد ماعرفت برنامجها الانتخابي لو عرفتها بقولكم اياه وترى فعلا جدتي الله يخليها لنا عليها استهبالات يتوقعون الناس اني ابالغ صحيح ازود شوي لكن لو تشوفونها صدقتوا كل سوالفي عنها باختصار انها جده من كوكب آخر تتوقعون جدتي بتفوز؟ يمقن ايه يمقن لا ويمقن ربما | |
| |
|
14-01-2012, 01:10 AM
| #46 (permalink) | |
|
عضو مجتهد
| رد: ممنوع الدخول .. فقط لمن يريد(اجمل الأشعار+ وناسه + سوالف جدتي) من كلماتي طول عمري معك في اختبارات خليتيني في جامعة حبك طالب ناجح على طول وآخذ شهادات والمشكله للحين عندك طالب ! اذاكر غلاك ومافي حبك خيارات ولافيه صح وخطا ولا كمل عبارات واذا جاني في امتحانك علل ..صحت كيف اعلل حب سكن بالذات ؟ | |
| |
|
14-01-2012, 01:12 AM
| #47 (permalink) | |
|
عضو مجتهد
| رد: ممنوع الدخول .. فقط لمن يريد(اجمل الأشعار+ وناسه + سوالف جدتي) لا احد يستحق قلبي سوى أمـي لماذا اعرفوا السبب من قراءتكم لاحساسي المتواضع الذي تشرفت بكتابته لـ أغلى واصدق واوفى حب بالدنيا.. يكذب غيرها ويهجر ويغدر وتبقى هي كماهي لم يغيرها الكبر ولاتغير السنين جافيتها زعلتها ستجدها كماهي وحبها لك كما هو اول يوم رأتك فيه.. أمي واعتذر لانني لم استطع ان اكمل الخاطره لأني تأثرت عندما وقفت عند المقطع الذي يتحدث عن غيابها وانه سيأتي يوم تفارقني فيه .. خذ ورده من أجمل بساتين مشاعرك وعطرها بشوقك وغلفها بالحب وقدمها بيد حانيه لأغلى انسانه لاهي حبيبه ولا أنسانه تسمعها باليوم أجمل عبارات وتتغزل فيها بكل الاوقات.. أمــي ياقطعهـ مني ياجنة دنيتي سامحيني ببكي باحظانك واعتبريني مثل أول سنيني ماافارقك ولاانام الا على ايدينك.. ياحناني يادفاي من برد الهمـوم يكفي اعترافي أني لو كبرت بحاجتك وطيرك اللي غادر لأبد ف يـوم يــحن ويعود لـ عشـه أمي والعمر معدود ماابي بكره اندم على مافات من ايامي وابكيك وابكي ذكراك واقول ليتني وفيت معاك أمي بقبل راسك وأبوس التراب اللي قدمك الطاهر داسه واقول ارجوك لاتخليني لاتتركيني ماابي انصدم بغيابك وادري أن القدر علينا مكتوب ولااتصور روحي من غير نظرات حنانك أمي وانتي اللي اليوم معي ومدري مدري وش يخبي باكر لــي يمه أقسم مافي هالدنيا مثل حنانك | |
| |
|
14-01-2012, 10:07 AM
| #48 (permalink) | |
|
عضو مجتهد
| رد: ممنوع الدخول .. فقط لمن يريد(اجمل الأشعار+ وناسه + سوالف جدتي) من كلماتي ما ابي منك الا (حق السـلام) لا ابي حب ولا ابي وفا ولا ابي غــرام... وين ما فات وين راحت ليالينا ووين راحت المواعيد والذكريات راحت تاهت في مهب الريح وكل واحد منا يكابر وهو على درب الهوى جريـح... جمع ورود الهوى فـ بستان الهنا مر اماكن فيوم جمعـتنـا يمكن تحن وترجع اشواقك ويمكن تفتح لا اشواقي بابـك صدقني لو رجعت بكون لك مثل ما كـنـت الا ورد حظنته ما اظن بتلقاه في جماله وبهاه وردة حبك ذبلت وقتلها الضما تقاوت فوق ما تتحمل صبرت لين ماذبحها الجفا ياضما قلوب ماتت من يحييها ويامشاعر جرحت من يداريها... من علمك اصول الحب ما قال لك مواثيق الهوى اوفيها ...! | |
| |
|
14-01-2012, 04:16 PM
| #49 (permalink) | |
|
عضو مجتهد
| رد: ممنوع الدخول .. فقط لمن يريد(اجمل الأشعار+ وناسه + سوالف جدتي) من كلماتي لا واتس آب ولا هو از هيـر يجيب لي خبر واحد عنـك كل ماجاء برودكاست قلت خير عسى المسج اللي وصل منك لا واحظ الطيور اللي بالسماء تطير لا ضاقت من اهل الارض تركتهم وطارت انتي وحدك وغيرك آي دونت كيــر اسقي الروح تـراها من ضــماها ماتت احسد جدتي همها قهوتها غيرها ماعشقت حتى مشاعرها لجدي كانت مجرد هوايـه يحميها ربي من قل همها ماعمرها سهرت اول وحده تنام بالسعوديه وبكــل الـقــاره | |
| |
|
14-01-2012, 04:28 PM
| #50 (permalink) | |
|
عضو مجتهد
| رد: ممنوع الدخول .. فقط لمن يريد(اجمل الأشعار+ وناسه + سوالف جدتي) واحد من اصحابي يعني بالاماراتي ربيعي >>احمم اني اتحدث الاماراتيه بطلاقه يقول كيفك بالكمبيوتر؟ قلت لا الحمدلله تمام ماصدق خبر الاخ صار يقولي برامج واسأله حسستني أني مش تمام وأني ندمت اني قلت تمام قلت تبغى الصراحه انا أنسان فيني مزاجيه وملل مااحب اجلس على الكمبيوتر الا انشر كتاباتي وبس ولاعندي وقت والشئ الوحيد اللي استمتع فيه وانا اتعلمه اني اطور لغتي الانجليزيه يعني ماعندي صبر اجلس اتعلم برنامج أو تطبيق قال لي تعرف ترسم؟ قلت ايه اعرف أرسم نخله وشمس وارض بس ويوم كنت ادرس المدرس كان يقول ارسموا اي شئ تجيدونه انا 12 سنه وانا ارسم شمس ونخله وارض عادي تصير الشمس خضراء والشجره فوشي على حسب الالوان اللي معي لأن نص الالوان يضيعون(الاحمر كنت اشك بجدتي تستخدمه لـ احمم)  عاد بعدين صرت اتطور آخر سنه بالدراسه رسمت مع الشمس والارض والنخله رسمت جمل حسيت اني بيكاسو السعوديه صاحبي قالي ياعبقري انا اقصد مو رسم بالاوراق قصدي تعرف ترسم بالفوتشوب قلت له اول ماسمعت الكلمه فوتشوب كنت احسب انها من مشتقات الفول لحد ماعرفت من منتدى انه برنامج ولو سمحت بلا فلسفه  عاد صرت اكره صديقي لأنه يحسسني اني جاي من صحاري جيبوتي الشقيقه يحسسني اني مو فاهم شي مثل جدتي لما تقلب بالقنوات وتصير قناه انجليزيه تااخذ خمس دقايق مو مستوعبه تحاول تفهم تحاول تستوعب آخر شي يصيبها اليأس وتروح تنام بسس هذي سالفتي مع ربيعي وفي روايه صديقي | |
| |
 | |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
المواضيع المتشابهه |
|---|
| الموضوع | كاتب الموضوع | المنتدى | مشاركات | آخر مشاركة |
|---|---|---|---|---|
| يمسح الدمعة بشكـوى .. للكاتبه هدوئي | هاروهي سان | قسم الروايات والقصص الطويلة | 133 | 09-07-2011 05:23 PM |
| الدم اللي انطبع فوق خدي ,,, رواية قمة في الروووعهــ لا تفوتوووهـــــــــــأ ,,, | princes roohy | قسم الروايات والقصص الطويلة | 5 | 05-11-2010 01:34 PM |
| أسواق الخضروات والفواكه تستقبل رمضان برفع الأسعار | هيله الهاشمي | منتدى النقاش العام | 9 | 08-09-2007 06:33 AM |
| شاب يبوس فتاة امام الهيئه في مجمع الراشد!!! (ممنوع الدخول لمن هم تحت 18) | وصال بنت خليفة | المواضيع المكررة | 3 | 23-07-2007 09:59 AM |
