بسم الله الرحمن الرحيم
السلام عليكم ورحمة الله وبركاته

اخواني // اخواتي

اسعد الله جميع اوقاتكم بكل خير و اعتذر لأرواحكم الطاهره عن غيابي الفتره الماضيه عدت اليكم بهذه القصيده المتواضعه عساها ان تشفع لي لدى قلوبكم الطاهره



مناسبة القصيده


تلقيت دعوه من نادي السرطان التطوعي احد اندية عالم التطوعي العربي للمشاركة كشاعر في اللقاء المفتوح لمرضى الكلى و الكبد في قاعة سمير بن حريب الكبرى الكائنة في مدينة الملك عبدالعزيز الطبيه بالرياض - الحرس الوطني - بتاريخ 2-2-1433هــ.

.
.
.
.
.

نداء للي عالم الغيب شافاه = يفطن لمبليً عنا الوقت ضامه
يفطن لمن زاد الألم فيه و اعياه = مايهتني مصبح ولافي منامه
معه فشل يغسل على الدايم إكلااه = او علة بالكبد زادت اسقامه
واللي يصيب العبد تكفير سياه = لطف ً من المعبود منشي غمامه
افطن لمن كبر المرض فيه و اشقاه = صار التعب في وجه مثله علامه
من قبل لاينعاك والا انت تنعاه = بادر تبرع له وخفف الامه
ترى التبرع خير والله يرضاه = من يفرج الكربات يسمو مقامه
يارب ترحم من تبرع وترعاه = برعايتك نجّه بيوم القيامه
اللى سعى بالخير فالله يجزاه = بالخير و الجنه ويغفر آثامه
بادر بفعل الخير فالخير منجاه= و اياك تبخل تزرع الابتسامه
وختامها برفع يديني إلى الله = وانتم بعد ياهل الوفا والكرامه
عسى المريض اللي تألم و قال آه = لنا يقوم من المرض بالسلامه

المشاركة الأصلية كتبت بواسطة نخوه العتيبي وعليكم السلام ورحمة الله وبركاته ومرحبابك شاعرنا بعد الغياب الطوووويل صح الله لسااااااانك وبيض الله وجهك يالشاااااعر على هذه القصيده الاجتماعيه الهادفة الله يجعلها بميزان حسناتك الله يشفي جميع مرضى المسلمين يارب العالمين تحيااااااااتي وأحترامي

الله يبقيك وصح بدنك طال عمرك
جزاك الله خير والله يستجيب دعائك ويشفي جميع مرضى المسلمين
شاكر لك مرورك وتعليقك الرائع
احترامي و تقديري لك