11-02-2012, 05:02 PM
| #43 (permalink) | |
|
عضو مجتهد 
 |  رد: يفـــــز قلبي كــل مـــا حل طااااريكـ فـزة سجين جاته أمه زياره ,,,, A7bk تكلمة البارت ( السابع ) لبسن البنات وخلصن بس ما سون وايد اشياء في ويوهن بس جحال ومسكره وروج وقلوس وبلاشر خفيييييييييييييييييييييييييييييييييييييييييييييييي يييف وسارن وتشرن اغراض ودخلن السكيت ويا الشباب وخلص هاليوم على خير وردوا الشاليه وكانوا مقررين انهم يردون بوظبي الحييين وكانت الساعه 12 ونص بالليل ,, وهم متعودين عادي ,, وكل حد ضم اغراضه واتجهوا للساييرهم ,, وبعد ساعه ونص يعني الساعه 1 ونص وصلوا بوظبي وكل حد دخل غرفته ورقد .... نشوا ثاني يوم الصبح الساعه 10 " بيت ام راكان " كانت ام راكان يالسه على طاولة الريوق تتريا عيالها ,, دقايق ونزل راكان راكان : السلام عليكم ( وحب راس امه ) ام راكان : وعليكم السلام والرحمه ,, نشوا خوانك ولا بعدهم راكان : والله مادري امايه ما جفتهم ام راكان : أي----------- ( قاطعها صوت هند وسلمى ) هند وسلمى : السلام عليكم راكان وام راكان : وعليكم السلام والرحمه يلسن هند وسلمى على الكراسي ,, وشوي وينزلن ريموه وشهد ريم + شهد : السلام عليكم الكل : وعليكم السلام والرحمه ( ويلسن وبدوا ياكلون كلهم ) وبعد خمس دقايق نزلوا حميد وصقر : السلام عليكم الكل : وعليكم السلام والرحمه ( وقعدوا وياهم وتريقوا ) راكان : ها متى بتذاكرون ؟! هندوه : انا احين بخلص ريوق وبطير على حجرتي اذاكر سلمى : مي تو والله .. صعب الفيزيا يعلللهم حميد : لو دخلتن ادبي احسن لكم مرتاحين من الفيزيا ريم : لاحبيبي زين انهن دخلن علمي ,, لان الادبي ماله مستقبل شهد : هيه والله طلاب الادبي هب محصلين وظايف بعد راكان : انتن بس شدن حيلكن ومافي شي صعب سلامي : بس صج صج الفيزيا يباله وايد صعب صقر : هههه حليلكم طلاب العلمي راكان : هندوه وسلامي لو في شي صعب واببد ما فهمتنه تع---------- ( قاطعته شهد ) شهد : ما عليك راكان مستحيل اخليهن انا بساعدهن ,, وانت خذ راحتك ابتسم راكان : ها واختكم بعد بتساعدكم هندوه وسلامي : فديييييييييييييت اختنا انا الكل : هههههه ام راكان : وريموه شو شغلتها ريموه : والله امايه انا ما عندي شغله ,, بيلس وسا البنات بعد اساعدهن شوي وعقب الله واعلم شو بسوي ام راكان : عيل انا اليوم بسير صوب بيت ربيعتيه ام خالد ,, جان تبين تيين ويايه ؟! ريموه تفكر : اممممم متى بتسيرين امايه ؟ ام راكان : جي عقب صلاة المغرب ريموه : خلاص امايه بسير وياج هندوه وقفت : خلاص انا شبعت يلا بسير اذاكر تبون شي الكل : سلامتج راكان : ذاكري عدل هندوه : افا عليك بس ههه ووقفت سلامي : مي تو بسير اذاكر حدي مرعوبه من الفيزيا شهد : اوكي وانا بخلص ريوق وبسويلي كوفي وبييكن ام راكان : امايه شهد انتي ما عندج مذاكره شهد : لا امايه نحن كليه غير , يعني احين اجازه وبنبدا دوام وياهم ام راكان : ايواااا زين زين هندوه : يلا باي اجوفكم عقب المذاكره راكان : ههه الله يوفقكن ( سارن هندوه وسلامي يذاكرن وطبعا طرشت مسج حق امون انهم بدوا يذاكرون ) راكان : هاه وانتو هب ناويين تذاكرون ؟! حميد + صقر : الا ناويين راكان : هه هيه عفيه ام راكان وقفت : يلا وانا بسير المطبخ عشان نجهز الغدا ( وسارت ) صقر يرمس راكان : وانت هب ناوي تظهر اليوم راكان مبتسم : عاد اليوم الوحيد اللي مالي خاطر اظهر به صقر لوا بوزه : ايوا زين زين ( عقب ساروا حميد وصقر يذاكرون ووو راكان وريم على التي في و شهد سارت صوب هندوه وسلامي )) ****************************** ( وصوب ببيت بو عبدالله قبل ساعه ونص " يعني الساعه 10 الصبح " ) نش بو عبدالله وام عبدالله , وام عبدالله راحت تجهز الريوق الين ما ينشون عيالها نزل بو عبدالله يلس على الكرسي عند طاولة الطعام و خمس دقايق نزلوا عياله كلهم مره وحده وكلهم بصوت واحد : السلااااام عليكم بو عبدالله : وعليكم السلام والرحمه ( ويسلوا كلهم اماكنهم ) بو عبدالله : ها شعندكم كلكم واعيين كم الساعه 10 من دون محد يوعيكم امون : انا عني ناشه ابي اذاكر عيسوه : مي تو هجور : اممم وانا نشيت مادري ليه هه -------------------------------------------- ( لحظة سكوت ) بو عبدالله : وحلا وحمد وفهد وعبدالله بلاكم صاخين ؟! حلا + حمد + فهد + عبدالله : --------------------------- ( حلا حاطه راسها على الطاوله و حمد مجتف ايده ومنزل راسه ومسكر عيونه وفهد حاط ايده على وييهه و عبدالله متساند على الكرسي ورافع راسه ومسكر عيونه ) يت ام عبدالله والخدم وراها شالين الريوق وحطوه على الطاوله ام عبدالله يلست : امون وعيسوه تريقوا عدل عسب تذاكرون عدل عيسوه : خير انشاءالله خير امون : من عيوني ماماتي هجور : انزين امايه انا شو اسوي بمل ام عبدالله : يلسي ويا حلا حلا رفعت راسها من على الطاوله : امايه انا مريضه فيني حراره بو عبدالله : من شو يابنيتي حلا : مادري ابويه من اول ما نشيت بو عبدالله : خلاص سيري اليوم انتي وهجور على المستشفى حلا ردت حطت راسها على الطاوله : انزين ام عبدالله : اول شي كلي لج شي عقب سيري حلا : ------------------ حمد وفهد وعبدالله بدوا يتريقون وهم صاخين بو عبدالله : هههههه تحسسوني ان الرمسه حرام يوم تنشون عبدالله ابتسم : من التسطيل يا بوي فهد : امايه ابا حليب ام عبدالله عطته الحليب شوي وفون حمد يرن ,, حمد استغرب الرقم وقام وسار برع ,, رد على الفون حمد : الوووه ...........: الوه السلام عليكم حمد استغرب : منو معاي ...........: نحن من مستشفى ال------------ ,, اخويه انت تقرب حق محمد ال-------- حمد ( قلبه يدق بسرعه) : ااا هيه هيه ها اخويه الدكتور بحزن : والله مدري شقول لك ,, المهم هو سوا حادث قوي ونحن لقينا رقمك في فونه , ولازم تعرف انه ----------------- ( سكت ) حمد ميود راسه وقلبه بيوووقف من الخوف : دكتور كمل انه شو الدكتور : انه توفى من نص ساعه تقريبا ,, وعظم الله اجركم ,, امتنى تيي انت او حد من هله عسب تدفنونه مع السلامه ( وبند ) ( ملاحظه : هو اخوه فالرضاعه ,, وهو يتيم وشلوه بو عبدالله وام عبدالله ربوه ويتم بين كل فتره وفتره يزورهم ) وقف حمد مصدوم من الكلام اللي قاله له الدكتور وتتم وقققت طويل الين استوعب وتم يفكر كيف بيقول حق هله ,,, بعد ربع ساعه دخل حمد داخل ودموعه بعينه ويطالع الكل :----------------------- بو عبدالله جافه ووقف : حمد شفيك لا تخرعني حمد تعالت اصوات شهقاته : ابوووويه محمد ( يشهق بصوت يقطع القلب ) محمممد ام عبدالله وقفت ومسكت قلبها : يمه وليدي بلاااه محمد بلاه بو عبدالله ريوله هب رايمه تشله وبصوت عالي : شفيييه قوووووول حمد : تووووفى ,, سوا حادث وتوفى بو عبدالله من الصدمه يلس وام عبدالله انفجرت صياح والبنات مصدومات ويصيحن على اخوهن مع انهن ما يجوفونه وايد وحمد وفهد وعبدالله يالسين يدمعون وسرحانين بعد نص ساعه ,,,,,,,, وقف بو عبدالله وقال : قوموا ويايه نسير المستشفى عسب الدفن ونحن فالدرب خبروا بو علي وقوم راكان وقفوا الشباب من دون لحد يرمس ولكهم كانوا في سياره وحده .. ويا عبدالله ,, وام عبدالله تمت تصيح وبناتها شرات الشي .. فالدرب ,, اتصل بو عبدالله على بو علي ( وكان بو علي يالسه ويا عياله وحرمته يتريقون ) طوط طوط طوط طوط طوط طوط واخيرا رد بو علي : يا مرحبا الساع بو عبدالله بصوت مخنوق : المرحب باجي ,, شحالك بو علي اختفت ابتسامته : شفيك بو عبدالله بو عبدالله دمعت عينه : محمد توووفى يا بو علي توفى بو علي من الصدمه وقف : وقال بصوت عالي : شوووووووووووو بو عبدالله : توفى محمد ,, خبر راكان خله يي ,, انا احين ساير صوب مستشفى الل----------- تعالو هناك يلا فمان الله ( وبند ) وانتشر الخبر , وساروا صوب المستشفى والشباب والرياييل كلهم تيمعوا فالمستشفى والحريم كلهن والبنات سارن عند ان عبدالله على البيت ,, وفالمستشى الكل يبي يدخل على محمد ووافق الدكتور ويوم دخلوا وشلو اللحاف ععنن وييهه ,, علاامات الصدمه في ويووه الكل : -------------------------------------------------------------------------- Cut | |
 |
|
12-02-2012, 11:29 PM
| #45 (permalink) | ||
|
عضو مجتهد
| رد: يفـــــز قلبي كــل مـــا حل طااااريكـ فـزة سجين جاته أمه زياره ,,,, A7bk اقتباس:
تسلمين حيااتي من ذوووقج ^^ مسموحه حبي وو انشاءالله البارت الياي تمورو السموحه ^^ | ||
| |
|
13-02-2012, 06:31 PM
| #46 (permalink) | |
|
عضو جديد
|  رد: يفـــــز قلبي كــل مـــا حل طااااريكـ فـزة سجين جاته أمه زياره ,,,, A7bk يآإآإا حرآإآإم = (  يسِڵموو عڵى ﺂ̲لبآإارٺ يڵآإا بنٺظآإآإر ﺂ̲لببآإارٺ ﺂ̲لياي ~~~> ﺂ̲لڵه يخڵييج نزڵي ﺂ̲ليوم بارٺ ثاني | |
 روأإيتي صرٺ أسِرح بهِـ بفّڪري ڵآإ آإرآإدِي ,, ۈيڵ ح 'ـﺂ̲لي صآإبني منــﮧ جّ 'ـنۈن .. ❤ } music |
|
13-02-2012, 09:42 PM
| #47 (permalink) | |
|
عضو مجتهد
| رد: يفـــــز قلبي كــل مـــا حل طااااريكـ فـزة سجين جاته أمه زياره ,,,, A7bk البارت الثامن ^^ علاامات الصدمه في ويووه الكل : -------------------------------------------------------------------------- حمد وعبدالله وفهد وعيسى دمووعهم شلالات من يوم جافوا اللي في ويهه ,, تقرب عبدالله منه وتم يهمس له بصوت واطي : محمد ,, يمكن انا وانتي ما جفنا بعض وايد , وما عشنا ويا بعض وايد , انا كنت كل وقتي مسافر أكمل دراستي ( سكت وعيونه تدمع ) آخر مره جفتك فيها كان عمرك 15 سنه ,, وانا كان عمري 22 سنه , وسافرت أكمل دراستي ,, وتميت 6 سنين ما جفتكم ويوم ييت احصلك متوفي ( يصيح بقووه ) ليش ,, لييش توفيت ليش ( يشهق بصوت عالي ويصيح ويكمل بصوت عالي ويهز الشبريه اللي محمد عليها ) لييش رحت عنننننننااا هاااااه ليييييييش لييييييييييش ,, ماتبانا يعني مااتبا ,, قووول مابا بس هب تموت لييييييييييييييييييييييييييييييش لييييييييييييش ( وانفجر صياح ) يه راكان صووبه وشله من عند الشبريه ووطلعهم كلهم برع ,, وتم هو داخل واقف ودموعه تتسابق .. ما رام يجوف وييه اكثر عن جي ,, وتذكر ابوه يوم توفى وزادن دموعه وشهقاته تتعالى ,, راح صوب اللحاف وغطابه وييهه وظهر من الغرفه .. سار صوبهم ,, بو عبدالله وقف عسب يسير عند الدكتور ,, وسار عنده ورمسه عسب الدفن وجي ,, وكان الدفن اليوم على صلاة الظهر ,,,, ********************* } صــــوب الحـــــريم والبنـــــات { ام عبدالله يالسه وتصيح وكل شوي يعلى صوتها ,, ام عبدالله تصيح : اللـــــــــــــــــــــــــــه يرحمك يا وليدي ويغمد روحك الينه ياربي ( وتصيح) ام راكان وام علي حذالها ,, قالت ام راكان وهي تصيح : خلي ايمانج بالله قوي يا ام عبدالله ,, الحمدالله عيالج اللي من لحمج ودمج حواليج ام علي تصيح : صدقها ام راكان ,, الصياح يا ام عبدالله ما بيرد الميت ,, وكلنا ماشيين فالهطريج ,, إنشاءالله بتتجابلين وياه فالينه يا ام عبدالله بعد عمرن طويل انشاءالله ام عبدالله تنهدت بضيج وتمسح دموعها : إنشاءالله ( ووقفت ) عن اذنكم بسير اصلي ركعتين واقرا قرآن ام راكان وام علي : اذنج معج هجور وحلا وأمون كل وحده يالسه فممكان و تصيح وباقي البنات بعد نفس الشي لانهم ذكريااات ويا محمد ,, وقفت ام علي وقالت بصوت عالي : يابنات استهدن بالله وكل وحده تسير تصلي وتقرا لها قرآن وتدعي لمحمد ,, محمد ما يحتاي الحين الا الدعاء منكم ,, الصياح والنواح والضيج ما بيرده ,, سيرن اميه صلن وادعن واستغفرن ,, وذاكرن لكن شوي هجور وهي تصيح : خالتي متى العزى بيكون ام راكان : اليوم انشاءالله ( ونشن كلهن وسارن يصلن ويدعن لمحمد ) . . . صوب غرفة ام عبدالله .. كانت باردة والستاره شوي مفتوحه وتدخل الشمس على الغرفة ,,, وهي تصلي و وتقرا قرأن وتصيح ورافعه يدينها للسما وتدعي لولدها بالرحمه والمغفره وفجأه رن فونها ,,, ترن ترن ترن ترن ترن ترن سكرت ام عبدالله كتاب القرآن بهدوء وحبته ومسحت دموعها ووقفت وراحت صوب الفون وردت عليه ,, ام عبدالله : هلا بو عبدالله بو عبدالله : هلا بج الغاليه ,, حبيت اخبر جان اليوم عقب صلاة الظهر الدفن عسب تعرفون ام عبدالله دمعت عينها : انشاءالله بو عبدالله : ذاكرن البنات ؟! ام عبدالله تمسح دمعتها : لا والله كلهن متوالفات يصيحن محد له خاطر يفج الكتاب بو عبدالله : لا لازم تشدين عليهن يا ام عبدالله خلي هالسنه تعدي على خير ام عبدالله : انشاءالله احين بسير لهن بو عبدالله : خلاص عيل تامريني بشي الغاليه ؟! ام عبدالله : دير بالك على روحك بو عبدالله : انشاءالله .. يلا فمان الله ام عبدالله : فمان الكريم ( وبندوا ) سارت ام عبدالله صوب البنات عسب تخليهن يذاكرن سارت صوب غرفة هجور وكان الكل فيها عقب ما صلوا وجي .. كانن يالسات ويصيحن ,, دخلت عليهن ام عبدالله ,,, ام عبدالله : بنيات يلا سيرن ذاكرن انتن وراكن امتحانات أمون بملل وهي شبه منسدحه : امايه محد له خاطر يذاكر ام عبدالله : لا قومن يلا امون : يا اماي----------- ( قاطعتها امها ) ام عبدالله : يلاااقوومي ( صدت صوب الباجيات ) وانتن بعد اميه يلا قومن هندوه : انشاءالله خالتي ( وقامت وقومت الباجي وسارن غرفة امون يدحن ) Cut آآم سوري | |
| |
|
17-02-2012, 05:07 PM
| #48 (permalink) | |
|
عضو مجتهد
| رد: يفـــــز قلبي كــل مـــا حل طااااريكـ فـزة سجين جاته أمه زياره ,,,, A7bk (( البــــاآاآأرت التاآاآاآسع )) سارت ام عبدالله صوب البنات عسب تخليهن يذاكرن سارت صوب غرفة هجور وكان الكل فيها عقب ما صلوا وجي .. كانن يالسات ويصيحن ,, دخلت عليهن ام عبدالله ,,, ام عبدالله : بنيات يلا سيرن ذاكرن انتن وراكن امتحانات أمون بملل وهي شبه منسدحه : امايه محد له خاطر يذاكر ام عبدالله : لا قومن يلا امون : يا اماي----------- ( قاطعتها امها ) ام عبدالله : يلاااقوومي ( صدت صوب الباجيات ) وانتن بعد اميه يلا قومن هندوه : انشاءالله خالتي ( وقامت وقومت الباجي وسارن غرفة امون يدحن ) ************************************************** * أمون تصيح : افف وقسم مالي خاطر اذاكر سلامي : امون حبيبتي لازم تذاكرين ,, خلي هالسنه تعدي على خير منى : يعني احين تعتقدين ان لو ما ذاكرتي وتميتي تصيحين بيرد لج محمد ؟! أمون تمسح دموعها : اوكي خلاص يلا صخن وذاكرن ( وبعد هدوووووء استمر ربع ساعه ) أمون : محد يعرف كيف استوا الحادث ؟! ودوم : لا محد يعرف اصلا الريايييل بعدهم ما يوا هند تشل الكتاب عن ويها : اوهو بس سكتن ابي اركز ودوم : انزين يلا ذاكرن وصخن ************************************************** **** ( وصوب هجور وحلا وريم وشهد ) كانن يالسات في حجرة هجور وما حسن بعمارهن الا وهن راقدات ,, وبعد وبعد 7 ساعات ,,,,, هجور تقوم تجوف الغرفه ظلاااااااام وبارده والكل راقد وتسمع صوت قرآن عالي ,, ظهرت من حجرتها شوي شوي ووايجت من فوق وجافت حريم وايدين لا بسين اسود فأسود ,, تذكرت هجور انه عزا اخوها ,, دخلت داخل غرفتها ووعت البنات ,, ولبسن عبي مسكره ساده وشيل ومسحت الجحال اللي في ويوهن ونزلن تحت ,, الكل كان يالس وصوت القرأن عالي والكل منصت له ويصيح ويتذكر محمد ,, وبعد شوي حد اتصل على فون البيت ترن ترن ترن ترن ترن ترن راحت منى وردت ,, كان صوتها مبحوح من زود الصياح ::: الووه حمد : الوه هلا منى صخت : ---------- حمد: منى ؟!!!!!! منى :: هلا حمد وصوته فيه غصه وكان يصيح بس مايبي يبين : اقولج منى ( يكتم شهقاته ) خلي حد من البشاكير ييب صوب الميلس ماي منى : خلاص اوكي انشاءالله , تامرني بشي ثاني ؟ حمد : سلامتج , يلا باي منى : ربي يسلمك ,, باي وراحت منى صوب المطبخ وخبرت البشاكير يودون ماي صوب الميلس وردت الصاله والساعه 10 ونص بدوا يسيرون الناس , والساعه 11 وربع محد كان عندهم الا الاهل كانوا متيمعين كلهم يعني الثلاث عوايل الكل كن في صالة الحريم ... بو عبدالله يرمس البنات : ها ذاكرتن ولا لا أمون : هيه ابويه ذاكرنا بو عبدالله : الله يوفقكم انشاءالله ( هدووووووووووووووووووووووووووووووووووووووووء ) كسر هالهدوء بو عبدالله : خلنا نسير نرقد بو علي : انا بسير وانتوا خذوا راحتكم بو عبدالله : والله ما تسير بترقد هني بو علي : بس ما يص-------------- ( قاطعه بو عبدالله ) بو عبدالله : انا حلفت ماشي بو علي: خلاص بنرقد هني وتوزعوا كلهم على الغرف عسب انهم يرقدون ,, في غرفة امون كانت امون وهندوه وسلامي ومنوش وودوم ,, وفي غرفة هجور كانت هجور وريموه وحلا وشهد وو الحريم كانت ام علي وام راكان وام عبدالله في غرفة ام عبدالله ,, والشياب بو علي وبو عبدالله كانوا في الميلس راقدين ,, و الشباب اللي هم حميد وعيسوه وميود في غرفة عيسوه ,, وحميد وحمد وفهد في غرفة فهد ,, وبعدالله وراكان وسعيد ,, في غرفة عبدالله , ووو لطوف وعلي غرفة رواحهم ظهرت سلامي من الغرفه وسارت برع صوب المطبخ تدرو لها شي تاكله كانت يوعانه ,, راحت وبطلت الباب وشغلت الليت والمكيف مال المطبخ وسكرت الباب تمت تحوس فالمطبخ الين ما سوت لها سندويج جبن ويا طماط وخيار و كوكاكولا ويلست على الكرسي وحط الكوب على الطاوله تمت سرحانه شوي الين حد فتح باب المطبخ بقووه ,, وسلامي قلبها طاااااااااااااااح وشهقت بصوت عاااااااالي سلامي : الله ينطبج طيحتي قلبي يا حيوانه امون : ههه جب جب والله اني يوعانه سلامي : سويلج سندويج جبن ويا طماط وخيار وشربي كولا شراتي امون : انزين جي بسوي انا اكلتنا المفضله هاي وسارت امون وسوت لها شرات وسارت ويسلت حذالها وتمن ياكلن ويسولفن ,, فجأه يسمعن صون قطوتين يضاربن وامون وسلامي تجمدن فمكانهن شوي سكتن هالقطوتين وفجأه ين يضاربن حذال باب المطبخ ويدقن فالباب وامون وسلامي يصيحن من الخوف وبعد خمس دقايق ما حسن الا في باب المطبخ ينفتح كلللللللله وضرب الباب في اليدار وكان الصوت عالي ... طااااااااااااااااااااااااااااااااااااااااااااااااا اااااااااااااااااااااااااااااااااخخخخخ Cut << see you fr albart alyay ensahallh | |
| |
 | |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
المواضيع المتشابهه |
|---|
| الموضوع | كاتب الموضوع | المنتدى | مشاركات | آخر مشاركة |
|---|---|---|---|---|
| طحة طيحة في هواهم((قصة طويله بس كاملة للنهاية رووووعة)) | ملك الساحه | قسم الروايات والقصص الطويلة | 31 | 25-06-2011 09:08 PM |
| عدنــــــــا مع طااااارق المحياااااااااس ..... | شبيه المووون | قسم الشعر المنقول | 10 | 16-12-2009 09:04 PM |
| انتفض قلبي بغزال منصوري ( قصه في قمه الروعه ) | طيرة الفجر | قسم الروايات والقصص الطويلة | 36 | 14-02-2009 11:28 AM |
| الي مايدخل عمرة خسارة | آڸخېآڸېـﮧ | عالم الكمبيوتر والبرامج | 18 | 26-11-2008 02:25 AM |
