30-01-2012, 09:36 PM
| ||||||||
| ||||||||
 { مْا بنڪـسـر صابـر لو فرصتي تمْضــي والحظ لـو عاثـر بصنــع أنــا حـظــي ..~ السسسلام عليكم هالقصه مقتبسه من قصه واقعيه وفيها شويه خيــال ,, وهاي تجربتي الاول لكتابه قصـــه .., اتمني تنال اعجــابكم واذا عندكم اي ملاحظه خبرونــي عشان اصحح اخطائي اتمنى يكون فـي تفاعل للقصصه ما بنكسـر صابـر .. لو فرصتي تمضــي ..,~ والحظ لـو عاثـر .. بصنــع أنــا حـظــي !!~ لــو تنثـر أحـلامـي .. برجــــع أرتبـــها..,~ ولو تصعب أيامـي .. بعيش وماحسبها.., عادي التعـب عادي .. والهم هو ملحه .., ولو ما الحزن بادي .. مانفهم الفـرحه..,~ / \ / البــــارت (1) \ / خليفه : 1 , 2 محمد : اصببر اصببر بفصصخ الجوتي روضه : بكفخك على راسك دومك جي خليفه : يالله بسسرعه فكنا لوعت جبودناا نبا نتسايق محمد : انزين خلاص خلاص فصخته جوااهر : يالله 1 , 2 خليفه : اييه جب انا بعد ,, يالله 1 , 2 , 3 وركضضضضضو روضه عمرها 11 سنه خليفه عمره 11 سنه بس اكبر من روضه بكمن شهر وحلو احلى واحد فالعائله ويستوي ولد خال روضه محمد عمره 9 وهو اخو خليفه جواهر عمرها 10 سنوات اخت خليفه ومحمد وهي واييد ويا روضه >> بتعرفون تفاصيل اكثر عنهمم خليفه : هيييييييييييييه انا الاول كالعاده روضه : وانا الثانيه كالعاااد محمد : وانا الاخيير كالعاده ههههه الكل : هههههههه جواهر : دووومك الاخيير , شكلك اتعوديت خليفه : اقولكم طوفو طوفو بنسير الخيمه كلهم هناك روضه : هييه يالله بنسير يوعانه وسسارو صووب الخيمه الخيمه كلها زجااااج وفخمه ودومها متروسسه ,, حريم الفريج كلهم اييون يلسسون فالخيمه ويحششون بخلق الله ,, وهالخميه موجوده ف بيت ام خليفه دخلو الخييمه ..., ام خليفه : مابتودينها عند الدختر ؟ ام روضه : مادري والله ,, مااعرف شو اسسوي !! الحرمه 1 : هي يوم تمشى اطييح ؟ ام روضه : مراات الحرمه 2 : عيل لازم تودينها وتفحصينا ,, يمكن البنت فيها ششي !! خليفه : شو السسالفه منو مريض؟ روضه : مادريبهم ,, اكيد وحده من الفريج جواهر : رواضضي صبيلي عصصير ليمون روضه : اخدم نفسك بنفسسك جواهر : دومج جي عفان الله روضه : هههههه ادري مايحتاي تقولين محمد: اييه مابتسيرون الجمعيه ؟ خليفه : هييه بنسير بس اصبر برمس اميه روضه : مابطيييع وبتحتششر عليناا محمد : لا لا ماعلييج انا برمسسها جواهر : سييير يادلوع الماما محمد : جب جب انا مب لوع انا ريال خليفه: انزين يصيير خير قم رمس اميه سار محمد يرمس امه ووافقت طبعا الجمعيه قريب من البيت وهم سارو مششى وكل واحد عنده 10 دراهم . خليفه : اقول لاتفششلونا تيمعون حلويات وايد وانتو ماعندكم بيزات روضه : هاي هاي جواهر تييمع وهي ماعندها اللى عشر جواهر : جب جب كيفي خليفه : انجبببو ربعي اكيد بيكونون هنااك لاتفشلوني جواهر : مالت عليك وعلى ربعك روضه : اقول انا وجواهر بنسير روحنا وانت وحمود سيرو روحكم محمد : لا لا ابا اتم وياكم مابا اسير ويا خلوف خليفه : احسسن فكه مابااك جواهر : عفان الله شقايل بتصلق فيينا , انت بنتو بنتو ! محمد : جب جب , خلوف كله يهزبني مابا اسير وياه خليفه : لانك تستاهل روضه : اقول انجببو ويالله ادخلوا لجمعيه روضه وجواهر سارو مع بعض وخليفه ومحمد سارو مع بعض عقب دفانه ويا محمد في الجمعيـــــه ..! روضه : يالغبيه مابتكفي بيزاتج الله يغربل بليسج بتفشلينا عند الحساب جواهر : انزين زيديني ..! روضه : لو عطيج شوو بيبقالي راس مالي 10 , وعلى فكره محد ايبيج الجمعيه اخر مره ايي وياج جواهر : انتي كل يوم تقولين اخر مره ومااستوت اخر مره روضه : جب جب اششتري على قد بيزات احسلج جواهر : اوففف انزيين صـــــوب خليفه ومحمد .., محمد : خليفه ابا اشتري سياره خليفه : كيفك ,, مايخصني فيك , اشتر اللى تباه محمد : انزين انا ماعندي غير عششر خليفه : اوفففف تراك حشريتني محمد : اســـف >.< عقب نص ساعه وصلو البيت ام روضه : روااضي طوفي بنسير البيت محمد : لا خالوووه خلى رواضي عدناا روضه : امييه مابا اسير البيت ابا اتمم ام روضه : اوصص ولا كلمه البارحه بايته عندهم روضه : انزين انزين ,, جواهر : باجر الصببح تعالي بيتنا روضه : خلاص اوكيه بخلى فاطمااه اتيبني , يالله باي كلهم : بــــــاي فــي بيت ام روضضه بقولكم ششوي عن عائله أهل روضه ابو روضه اسمه أحمد بن محمد الـ ..... وهو يحب عياله ومب مقصر وياهمم ويدلعهمم واي شي طلبونه يتنفذ ام روضه اسمها أمنه وهي تحب عيالها وشديده شوي وياهم ومااتحب ريلها يدلع عييالها زاده عن اللزوم البجر اسمه محمد وهو هادي ومايخصه بحد عمره 18 سنه سعيــد : عمره 16 سنه وعمره مافلح بششي لا فدراسسته ولا بششي وراعي بنات وصايع فاطمــه : في عالمها الخاص وهي ربششه وسوالف عمرها 13 بتعرفون اكثر عن شخصيها فالقصه وهي تحترم امها ابوهاا واييييد وما تعصى امر روضه : عمرها 11 سنه وهي ربششه وفالمدرسسسه مخبله الابلوات , وشيطاااانه ماتيلس ف مكان وااحد وهي بطله قصتناا ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,, ام روضه : روااضي تعااالي اباج روضضه : ها امييه آمري تدللي ام روضه : ايلسي بقولج ششي روضه : يلسناا ام روضه : باجر الصبح بوديج المستشفى روضه : لييش ؟ ام روضه : بسويلج تحاليل روضه : لييش تسويلي انا فيني شي !! ام روضه : مافيج الا العافييه بس باجر بوديج روضه : بس انا بسير بيت خالي ام روضه : قلتلج بوديج المستشفى ولا ترادديني وقولي ان شاءالله روضه وهي منزله راسها : ان شاءالله اليـــوم الثاني .., ام روضه : رواضييي ,, رواضييييييي ,, روضووو نشششى روضه : هممممم ام روضه : نششى الساعه 10 قومي بوديج الدختر روضه : انزييييين نششت روضه وسارت الحمام (أكرمكم الله) فـــي السياره ام روضضه : ياويلج لو صصحتي تفهمين ولا لا روضه : امييه بس انا اخاف من الابر ام روضه : اوص ولا كلمه روضضه : ياربي يعني غصب غصب اسيير ام روضه : قلتلج اسسكتي سكتت روضه فــــي المستششفى . ام روضه : السسلام عليكم السستر : وعليكم السلام ام روضه : لوسمحتي عندي موعد للمريضه روضه احمد الـ .... السستر : هييه , الموعد موجود ,, ممكن تنتظرين في غرفه الانتظار شوي ام روضه : ان شاءالله فـــي غرفه الانتظــــار .., روضه : اميه انا مريضه ؟ ام روضه : لا مافيج ششي ,, البارحه كنتي تربعيين وياهمم , مافيج الا العافيه روضه : بس ليش قلتي المريضه روضه احمد محمد ام روضه : اوفف منج تراج حششره دخلت السستر : تفضلي لوسمحتي , الدكتور بأنتظارج.    |
|
30-01-2012, 09:39 PM
| #2 (permalink) | |
|
عضو جديد
 |  رد: { مْا بنڪـسـر صابـر لو فرصتي تمْضــي والحظ لـو عاثـر بصنــع أنــا حـظــي ..~ / \ البــــــارت (2) / \ ما بنكسـر صابـر .. لو فرصتي تمضــي ..,~ والحظ لـو عاثـر .. بصنــع أنــا حـظــي !!~ لــو تنثـر أحـلامـي .. برجــــع أرتبـــها..,~ ولو تصعب أيامـي .. بعيش وماحسبها.., عادي التعـب عادي .. والهم هو ملحه .., ولو ما الحزن بادي .. مانفهم الفـرحه..,~ / \ / \ دخلت السستر : تفضلي لوسمحتي , الدكتور بأنتظارج ام روضه وروضه سارو صوب غرفه الدكتور وكانت بيييضا كل شي فيها ابيضض ام روضه : السسلام عليكم الدكتور : وعلييكم السسلام ام روضه : لوسمحت بغيت تسوي تحاليل حق بنتي روضه ,, في شي ف ريلها ماتمششى عدل وكله اطييح الدكتور : خلاص ان شاءالله ,, الحين بخليهم يسسولها تحليل دم ويشوفون شو فيييها روضه : بتضربوني ابـــره !!!! الدكتور : لاتحاتيين مابتعور روضضه وعيونها ادمع : لا لا مابا تعووور ام روضه : اوص مابا اسمع حسج ,, انا شوق لتلج فالسسياره روضه وهي تنزل راسسها : ان شاءالله يت السستر وودت روضه وامها صوب غرفه التحاليل ويلستها ف كرسي طووويل >> مثل اللى ف عياده الاسسنان حذال الكرسي طاوله كلها ابر و غراش التحاليل مسكت السستر اصغر ابره ولفت ايد روضه (بالربل) مااعرف شو يسمونه المهمم ..~ روضه : مابا مابا ماباااااااااااااا ام روضضه : روضوووووه اسسكتي ولا كلمه مابا اسسمع حسج السستر: ماتخفييش ده الابره مابتوقعش روضضه : لا تعووور ام روضه مسكت ايد روضه عشان ماتتحرك وخذت السستر عينه من دمهااا وطلبت السستر منها ترجع عند الكتور .. في غرفـــه الدكتوور الدكتور : خذنا منها عينه من الدم ان شاءالله باجر بتطلع التحاليل ,, تعالو باجر في نفس الموعد ام روضه : خلاص ان ششاءالله باجر الصبح بنييك طلعت ام روضضه ووراها روضضه من غرفه الدكتور ورجعو البيت فــــــــي بيت ام خليفه ..,~ خليفه : اانا قلتلج ابا اطلع ,,, ابا اسير المول ام خليفه : ماششي سيره ومابعييد هالرمسس , رد غرفتك و ذااكر احسسلك خليفه : مابا مابا ,, ابا اسير المول كلهم هنااك ,, محد يالس فالبيت غيري كل ربعي هنااك ميلسن ام خليفه : وانا شعليه منهمم نفاد ينفدهمم جواهر : تراك حشرييتنا خلاص اميه مب موافقه خلاص اسسكت خليفه : انتي جب ولا كلمه ,, تراج والله بتنضربين جواهر طلعت لسسانها وركض صوب غرفتها وقالت : امييه لاتخلينه يطلع ترى ربعه مغازلجييه خلييفه : انا براوييج حسسابج عقب محمد : اميه اذا سار خليفه انا بسير وياه ام خليفه : رمسسو ابوكممم انا مايخصني فيكم خليفه : خلاص اوكيه برمسسسه سسار خليفه رمس ابوه وطبعا وافق وسار هو و محمد المـــول فـــي الصاله اللى في الطابق الثاني ..,~ ترمس روضضه بتلفون البيت جواهر : ايييه روضه تعالي بيتنا والله ملل كلهم طلعو محد فاليبت غيري انا امييه روضه : انزيين برمس امييه و برد اقلج جواهر : خلاص اوكييه ردي عليه بسسرعه بااي روضه : اوك باي سسكر روضه روضه : امييه ابا اسير بيت قوم جواهر ام روضه : سيري بس منو بيوديج ؟ روضه : بسير مششي ويا فاطمااه ام روضه : انزين سيري اتلبسسي وانا برمس فاطمااه ركضت روضه غرفتها وتلبسست ولفت ششعرها سوت ذيل حصصان >> في ناس تسميه ذيل حصصان و في ناس تسسمي قرن دقت روضه حق جواهر ,, ردت جواهر ع اول رنتين جواهر : وافقققت ؟ روضه : هييييه ,, بيي مششى ويا فاطمااه اترييني برع جواهر : اوك يالله بسسرعه روضه : يالله باي سسكرت روضه قبل ماتسمع رد جواهر روضضه : فاطمااااااااااااااااااااااااااااااه يالله طوفييي فاطمااه : انجين انجيين الســــــاعه 7 في بيت ام خليفه جواهر : وليش ودتج امج ؟ روضه : مادري ,, بس قالت اني ماامشي عدل وكله اطييح جواهر: هييه انا لاحظت انج وايد اطيحين بس ماركزت انج ماتمشين عدل ,, نشي نشي ابا اششوف كيف تمششين نششت روضضه ,, ومششت جواهر : هييه غريبه مشيتج روضه : شو فييها ,, اششوف اني امششى عدل كانت مشيت روضه غريبه ششوي رييها على دااخل وتعري ششوي جواهر : المهم المهم نششى يوعانه ابا اكل روضه : حتي انا يالله نششى ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,, اليييوم الثاني .., ام روضه سارت المستشفى روحهاا لانه روضه معانده ماتبا تسير المستششفى فـــي غرفه الدكتور ام روضه : ها دكتور بششر شو طلع لبتي ؟ الدكتور : بنتج عندها نقص فالكالسييوم وهالنقص بياثر عليها وايييد وخصصوصا فالمششى و الركض ,, يعني بصعوبه بتقدر تركض وبصعوبه تلعب ,, وكل ماتكببر المرض بيكون علاجه اصعب , وهالحالات اتي بنسبه كبيره للاطفال ام روضه : وهالمرض له علاج ؟ الدكتور : طبعاا له علاج بس لازم تستمرين وياها فالعلاج لانه بيطول ,, بياخذ فتره طويله ام روضه : خلاص ببدا وياها العلااااج عقــــــــــــــــــــــــــــــب 6 سنوااات روضه : وقسسسم بالله السسالفه مب هينه السسالفه فيها قبايل , السسالفه فيها دم لين الركبه علييا : اقوولج بدينا بدينا بالافلام الهنديييه روضضه : تستهبلييين منقصتني 10 درجات بس عشان شردت من الحصصصه ,, الله يغربل بليسسسها هالعششر درجات فيها حياه او موت السسالفه مب هينه علييا: قلتلج لاتشردين من الحصصه وانتي عاندتي وشردت يشو تبيني اسويبج روضه: تلتعن ماعليييه ف الامتحان بيب درجه كامل وجان فيها خيير خله ترمسس عليا : ماعليه يصير خيير طوفي طوفي علينا تارييخ مافينا على حششره الابله دخلو الصصصف والابله كانت موجوده الابله : وانتي بتعمليييييي ايييييه هااا ,, كل مره كل مره بتخووشي متأخر روضه : كنت فالحمممام ( اكرمكم الله ) يعني الانسسان مايسير الحمااام الابله : داه الحماام كل مرره ف حصصتي علييا : اسفيين ابله اخر مره الابله اطالعتهم بنظظهر : روحي روحي اوعودي ,, قتلك نيله عليا مسسكت روضضه عن تضارب الابله و تسسوي سسالفه عليا : طوففي طوووفي مافيينا ع المششاكل كافي هالسسنه ,, احنا الحيم ثنويه عااامه ونتحاسسب على الدقه سسسستوب الحييين كلهم كبرووو روضضه الحين ثنويه عاامه وعمرها 17سنه وربييعتها علييا قدهااا وهم ويا بعض على طووول وكل وحده تعرف اسرار الثثانيه اما بالنسسبه لجواهر : في صف ثاني ثنوي عمررها 16 سنه وواييد ويا روضضضه بس هم مب بنفس المدرسسه فـــــي الصف علييا : تعالي خبريني شو استوا ويا خليفه روضه : اوفف اسكتي قلتله اني احبك عليا : احلفييييي !! روضضه وهي تضحك ضحكه مستحيه : واللللله ,, وقالي انا بعد احبج عليييا : احلفيييييييييييي !! روضضه : والله ,, وجوااهر تدري بعد علييا : احلفييييييييييي !!! روضضه وهي ترفع ايدها : بييييج كف على راسسسج كمن مره تبيني احلف عليا : سوري سوري اتحمسسست ههههههه ,, والحيين شو بتسسوين روضضه : ششو ششو بسسوي برمس كل يوم لما اميه تكون محد فالبيت عليا : ولين متي بتمون جي روضضه : ماادري الابله : انتي يالوليييييييييييييييييييه ,, مابتسكتووووش ,, ترى لا والله هخركم براااا روضضه : انزين انزين بنسسكت دق الجررسس روضضه : عليووه الله يخليج سيري اشتريلي حلاوة من المقصف مشتهيه جلكسسي عليا : وانا كل مرره اسير واشتريلج وانتي ميلسسه روضه : اخر مره اخر مره عليا : اوفف انزييين بس تبين جلكسي روضه : هيه فديتج ^.^ سسارت عليا المقصف روضه قالت بتطلع ششوي بتستنششق الهواااء وهي سسايره صوب الباب عششان تطلع من الصف البنت(1): ششوفيها ششوفيها كيف تمششى تضحك هههه البنت (2) : هههههه صدقج والله تضحك ,, تمششى جنها عيوز البنت (3) : جنه امها لما ودلتها سسحبوها من ريلها استوا شي في ريلها ههههههههه وقفت روضضه مااعرفت ششو تسوي تسير تضارب وياهمم ولا تسوي طااف حتي لو تضاربت وياهم ششو بتقول ليش تقولون عني جي بس المشكله هذا الصصدق انا معوقه انا امششى غلط ,, كل الناس تطالعني يوم امششى كل الناس تضحك عليه طلعت روضه من الصف ويلست على اول كرسي شافت , عيينها بدأت ادمع روضه \ مابا اصييح مابا اصييح لازم اكون قوويه هاي مب اول مره اسسمع هالرمسه طول حياتي اسسمعها لازم اكون قوييه خلاص انا تعوديت على هالششي يت عليا : بلاج ميلسه روحج جنه فيج توحد روضه ابتسسم ابتسامه حزينه : ولاشيي علييا : روضضه شو فييج ؟؟!!! روضضه مااقدرت تمسسك عمرها و حضنت عليييا وصصاحت بصصوت عالييييييييييي !! نهايه البارت الاول , الثاني اتمنى انه البارتين ينال اعجباكمم واذا عندكمم اي ملاحظه خبروني و اذا ماعيبتكم القصه مابكملها  والسسموحه على القصصور  | |
| |
|
08-02-2012, 09:14 PM
| #5 (permalink) | |
|
عضو جديد
| رد: { مْا بنڪـسـر صابـر لو فرصتي تمْضــي والحظ لـو عاثـر بصنــع أنــا حـظــي ..~ \ البــــــارت (3) / \ ما بنكسـر صابـر .. لو فرصتي تمضــي ..,~ والحظ لـو عاثـر .. بصنــع أنــا حـظــي !!~ لــو تنثـر أحـلامـي .. برجــــع أرتبـــها..,~ ولو تصعب أيامـي .. بعيش وماحسبها.., عادي التعـب عادي .. والهم هو ملحه .., ولو ما الحزن بادي .. مانفهم الفـرحه..,~ / \ / \ روضه ابتسسم ابتسامه حزينه : ولاشيي علييا : روضضه شو فييج ؟؟!!! روضضه مااقدرت تمسسك عمرها و حضنت عليييا وصصاحت بصصوت عالييييييييييي !! عليا : بسسم الله علييج ,, روضضه بلااج !!! ليش تصييحين ؟ منو مصيحنج !!! روضه ماترد علييها بس تصيييح وعقب فترره من الصصياح سكتت روضضه و دق الجرس وبدأت الحصه عليا مستغربه من روضه ليش صاحت , توها كانت تضضحك و تسسولف وفجأه صاحت !!!! نهايييه الـــــداوم ..~ روضضه و جواهر يرجعون مع بعض لانه بيت حذال بيت روضه فـــي السسياره جواهر : روضضه خبروني انج صحتي اليوم ؟ روضه : جواهر اسكتي عني مب متفيجه جواهر سكتت لانه تعرف اذا روضه كانت معصببه لحد يكلمهاا طوول الدرب جواهر و روضه ساكتين ,, نزلت عليا بيتهم جواهر وهي نازله من السياره : بااي , ووقفت عشان تسسمع ردها مثل كل مره تسسمعه بس روضه ماردت علييها !!!!! فـــي بيت روضه ., ام روضه : يالله تعالي قلت حق فاطمااه تحطلج الغدا روضه : مابا مب مشتهيه ام روضه : وشحقا مب مشتهيه ,, مسويلج برياني دياي اللى تحبينه روضه : مب يوعانه , كلت فالمدرسه , ركب روضه الدري ودخلت غرفتها وقفلت ع عمررها ويلسست تصيييح , وعقب سساعه رقدت من التعب .................................................. ....................... دق دق دق ,,,,,, دق دق دق >> صوت الباب ههع ام روضه : روضضه ,, روضضه نششي سساعه استوت 6 المغرب ,, نششي روضه نشت ع صصوت زعييج امها ,, راحت الحمام ( اكرمكم الله ) توضضت وصلت المغرب راحت روضضه المطبخ ادرولها ششي تأكله لانها ماكلت ششي فتحت الثلاجه ماحصلت فيها شي ينأكل خله خضرا راحت غرفه اختها فاطمممه ,, فاطمه كانت راقده دخلت روضضه شوي شوي عشان تفتح الصندوق السسحري اللى فيه اكل وايييييييييد توها بتفتح الصندوق فاطمه : تتحريني راقده روضه : ههه اووه انتي واعيه فاطمه : كمن مره قلتلج مادقين صندوقي روضه : حرام علييج اوووختي انا قوعااانه نطت روضه على سرير فاطممه بس فاطمه شاتتها و طيحتها على الارض روضه : خيبه تخيب العدو ,, اييه عورتيني فاطمه : اطلعي برع , مادانييج يوم تدخلين غرفتي روضه : محسستني انه فيني مرض معدي فاطمه : انتي اذا دخلتي غرفتي نييتج تكون مب صافيه روضه : هههههه حرام علييج انا بكبري صافييه فاطمه : بعد لين 3 اذا ماطلعتني والله بتنضربين ,, 1 ,,,,, 2 روضه : انزين انزين بطلع وياويهج من زين غرفتج الحين فاطمه تمسك قوطي الكلينكس وبتفره على روضه بس روضضه ركضت صوب الباب وطلعت قبل ماتفر عليها هع هع وهي طالع من غرفه فاطمه طلع في ويهاا محمد فجأأه مسسكت ريله اليمين محمد : اعووذ بالله بلااج ,, هدي ريلي روضه وهي متعلقه في ريل محمد : الله يخليك ,, الله يخليك ,, ابا اكل ,, مابهدك لين ماتوافق تعشيني برع محمد : هدييني الله يغربل بليسسسج ,, ربعي يتريوووني , هدي ولا تري بششوتج روضه : حرام عليك اانا اختك محمد بصصوت عالي : روووضضه !!!! روضه هدت محمد عن شوتها ويسفرها بلادها هع هع روضه : الله يساامحك ,, مااحببك طلع عندها محمد سار عن ربعه وسوالها طاااف نزلت تحت حصلت سعييد يالس فالصاله يطالع التلفزيون راحت صوبه وهمزت ريله سعيد : بسسرعه من الاخر شو تبين روضه : سعيييد اناا اختج الصغيييره ,, انا حبيبتك , انا روحك ,, انا عمممرك ,, عمري ماطلبت منك ششي , و و و سسعيد : بعطييج كف ع راسسج ارمسي شو تبين , بسير الدوام روضه وهي تفز : دوااام هالحزه ,, يالهووووي ! سعييد : عندي شفتات روضه وهي تطالعه بنص عينه : يختي يختي على الكزااب نش سعييد : يالله انا ساير قولي حق امج انا طالع ويمكن اتأخر روضه : انزين سعود سعود ييوعانه ,, ابا أكل سعيد طالع مخباه وعطاها عششر , اندوج هذا حق المطعم روضه : الحين بخبرك هالعشر شو بتسوي !! ,, مابتيبلي غير شورما وبيبسسي ,, عطني عطني زياده وعن الزط رد سعيد طلع بوكه وعطاها 50 روضضه : هيه هذا هو الكرم ولا بلاااش الحين بطلب شي زين هع هع سعيد : ماسوالها سسالفه و طلع روضضه ركضضت صوب تلفون البيت ودقت ع تلفون بيت جواهر رد خليفه : آلووو روضه توتر : آ آ آلوو خليفه عرف حسسها : ها روضضه شو تبين ؟ روضه فخاطرها \ قسسم بالله ابو الدفاششه روضضه : وين اختك ؟ خليفه وهو يزااعج : جواهرر ,,, جوااهر ,, تعالي روضه تباج ع التلفون جوااهر وهي تربع صصوب التلفوون وتدز خليفه : قم قم خليفه : خيبه تخيبج يالدفششه جواهر : جب جب ,, آلوووو , هلا يابعد جبدي ,, هلا يابعد طواايف هلي انا روضه : جب , لاتسويلنا دراما الله يخليج ,, تعالي بيتنااا جواهر : و على اي اساس ايي بيتكم روضه : تعالي احسسلج ولا بيي بيتكم وبعطيج كف , وبرد بيتنا ههههه جواهر : خيبه سويتي فلم هندي هههههه روضه :هههههه انزين تعالي بيتنا جواهر : اوكيي ,, اوقفيلي بببرع بيي مششي روحي , ميري تسسوي عشى حق ربع خلوف الهيلق خليفه : سسمعتج جواهر : اسسمعني وخير ياطيير روضه : ههههههه خبايل ,, يالله يالله بترياج برع سكرت التلفون و سارت فوق اتيب شيلتها الورني روضه وهي عند باب الحوي : الله يغربل بلسسها, هاي وينهاا , قسسم بالله انا براويها > وطول الوقت وهي تتحرطم وتسب جواهر جواهر وهي تزاعج : ايييه انا هنا روضه صدت صوب جواهر حصلتها يايه ويا خليفه !!! روضه \ اوييييه خليفه يا وياهاا !! شششت !! اوييه شو اسسوي ,, طع شكله طرر الله يغربل بليسسه , تغير شكله روضه ابتسسمت ^_^ خليفه : السلام عليكم روضه وهي منزله راسها : وعليكم السلام جواهر تطالها بنص عين : هههه انتي ام المناكر هههه روضه اطالعتها بأستغراب وسوت طاف دخلت روضه ووراها جواهر جواهر : اييه انتي شو لابسسه روضه وقفت تفكر ونزلت راسها شوي شوي وصارخت : آآآآآآآآآآآآه !!! ركضت روضضه داخل البيت ووقفت ع اول منظره روضه كانت لابسه بجامه زرقا وعليها ميكي مواس , ولابسه شيله روني عليها ورود ولونها وردي ولابسسه نعال زنوبه كل واحد غير عن الثاني جواهر وهي تدخل : قسسم بالله انج فضييحه ! روضه تطالع جواهر وعينها تغرغر : ادري اني فضيحه و فضيعاااااا !! جواهر : خلاص اخويه مايباج , بيقول شو هالجلحا و الملاحا المتبهدله اللى باخذها روضه : لاتقوليين جي , بمووووووووت !!! جواهر : تعاالي ع طاري خليفه ,, خلوف قالي شي عنج روضه وهي تتقرب صوبها وتمسك جتها : شششو !!! | |
| |
|
08-02-2012, 09:36 PM
| #6 (permalink) | |
|
عضو فعّال 
| رد: { مْا بنڪـسـر صابـر لو فرصتي تمْضــي والحظ لـو عاثـر بصنــع أنــا حـظــي ..~ السلام عليكم ورحمه الله وبركاته تسلمين ع القصة ونتريا البارت الياي فديتج | |
 ٵألڪْـــۉۉٍטּ مـٍטּ دۉۉٍטּــيےً « مـٍششـڪْڸڸًـــہً.. !! |•--{ لَسْــتُ الأَفْــضَلْ .. وَلــكٍنَ لـيْ أُسـْــلُوبِيْ }--•| سَأضَلُ دائِماً .. أتقَبَلُ رأيَ النَاقِدْ والحَاسٍدِ,, فـالأوْل يُصَحِحْ مَسَاري .. واَلثَـانِي يـَزيدُ مـنْ إصْراري,, سُكُوتِي لآ يَعْنِي [ جَهلِي ] بِمَا يَدُور حَولِيْ ,, ولـَكٍنْ!! مَـاحَـولي لآ يَستَحقُ [ الـكَلامْ ] ●● فڪٍيف مًآ أكًـوُنُ ﻷ يُشٍـبهنيًـے الأخٍرُونـًے ●● استمع للقرآن أثناء تصفحك http://www.tvquran.com/Shatri.htm |
 |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
