12-02-2012, 05:46 PM
| #22 (permalink) | |
|
عضو جديد 
 |  رد: روايتي الاولى: حسافه ما عرفت قدر المحبه .. حسافه البارت السادس ..} . . . مدخل " قالوا لي الناس انه يحبني .. فقلت لهم ما لحبه مكان في قلبي .. فعاتبني الناس على قولي .. فعاتبتهم على عتابهم لي .. فلا حبه طغى على قلبي .. ولا كرهي له طغى على قلبه .. " . . . سالم: صدقيني لو ما سكتي الحين والله لقوم لج وما تشوفين مني خير .. مريوم ع طول راحت عنهم وخلتهم وعواش وراها .. تمت تمشي وعواش تزقرها بس ولا جنها تسمع .. كل همها تبتعد .. عواش وقفت مكانها عواش : مريوم بس عاد وقفي ريولي عورني .. لا تبعدين اكثر بيظلم المكان الحين .. بس مريوم ولا جنها تسمعها .. عواش ردت عنها لانها تعرف مريوم ما بتوقف .. بتيلس اروحها وبتي يوم تهدي .. مريوم وايد ابتعدت لانها ما كانت تحس وين ريولها شالاتنها .. ظلم المكان ويوم لفت تبا ترجع ما عرفت وين تروح مشت ومشت ومشت بس ما حصلتهم .. تمت واقفه وهي خايفه لانه ظلام .. مريوم: يا ربيه .. الحين وين اروح .. يويلي .. ضعت .. سمعت ضحكة وراها وخافت .. .....: ههههههههههههههه .. والله انج نكته يا مريوم عرفت منو وصدت له بسرعه ..: افففففف .. انت شيايبنك ورايه .. .....: عرفت انج بتضيعين .. قلت ايي وراج ... لا ياكلج الذيب هههه مريوم بسخريه : هه هه هه .. وايد تضحك .. قرب صوبها شوي وهي ابتعدت ع ورا .. مريوم : لا تقرب .. والله يمحموه بصارخ والكل بيسمع وبسويلك سالفه عوده .. محمد تقرب منها ولا جنه سمع شي .. وكانت وراها سدره لصقت ظهرها فيها .. يا هو وحط ايده ع السدره والايد الثانيه يلعببها ضفورة .. محمد : يلا صارخي .. صارخي الحين انا جاهز .. مريوم ما سوتله سالفه ويت بتصارخ وهو بسرعه حط ايده ع ثمها .. محمد : والله وطلعتي مب هينه .. وبتصارخين .. مريم حاولت اتفج ايده عنها بس هو مسك ايدها اليسار بايد والايد الثانيه لا زالت ع ثمها .. كانت تضرب جتفه بابيدها اليمين .. بس هو ولا تهزه ريح .. قرب شفايفه من اذنها وهمس : اقعدي بالطيب ولا بتجوفين مني شي ما شفتيه .. تراه عادي عندي .. بعد ويهه وغمز الها .. وخر اييه عنها بشوي شوي وابتسم محمد : زين جيه اباج .. هادية وساكته .. مريوم : حقير .. يت بتشرد عنه بس رد ومسكها من ايدها وردها مكانها محمد : تؤ تؤ تؤ تؤ تؤ .. لا لا حبيبي..قعدي مكانج احسن لج .. واريح بعد .. لي ولج .. مريوم ( دموعها كانت بطيح لاكن مسكتها بقوة وهي تجبرها ما اطيح ) : خلني اروح .. وخر عني .. محمد اونه يفكر : اممممم .. لا .. مابا .. ( قرب منها ) انا مستمتع جذا .. وما ابا اخرب وناستي عشانج .. مريوم بكره : اكرهك يالحثاله محمد: نعم نعم .. عيدي ما سمعت .. شو قلتي ( قرب منها اكثر ) مريوم بقوه : حثآآآآله .. هب عايبنك محمد ( قرب من ويهها لين تلامست خشومهم ) : منو الحثاله ..؟ مريوم قوت عمرها : في حد غيرك هني محمد : تعرفين شو احلى شي فيج .. تمتلكين قوة تحمل اكثر من البنات العاديات .. فلو سويت شي فيج .. ما راح يهزلج شعره .. صح ..؟! مريوم دزته بايده قد ما تقدر .. وقدرت توخره شوي عنها وركضت عنه .. ومحمد يضحك بصوت عالي ومسموع وهو فمكانه .. فخاطره ( هههه .. والله وشردتي مني .. وخفتي .. بس بقالي انزل دمعتج .. والله لنزلها ..بتنفعج القوه عقب .. هه) . . . . . نرجع بالاحداث ورا شوي .. بعد ما راحت عنهم مريوم .. حمده ..: وين مريوم ..؟ عواش: اوووبس نسيتها .. وييه ظلم المكان . ما اعرفها وين سارت ولا ردت مها : ليش هيه وين راحت .. عواش قالت الهم السالفه .. حمده : لاااا ... اختي .. وانتي ليش ما لحقتيها عواش : ما اعرف .. ما تحريتها بتسير بعيد .. شوفو انا بسير اشوفها يمكن سارت صوب الخيام .. بس لا تخبرون حد .. اوكيه ..؟ مها وحمده : اوك عواش راحت عنهم صوب الخيام دخلت خيمتهم وما حصلتها .. طلعت برا وبعد ما حصلتها عدال الخيم .. يت بترد الهم بس حد وقف بطريجها .. احمد : شو ادورين .؟! عواش سوتله طاف .. ويت بتروح .. مسكها من ايدها وردها مكانها احمد : ع ما اعتقد قاعد ارمسج انا .. عواش : شو تبا ..؟! احمد : شياه اسلوبج تغير .. ؟! عواش لفت عنه الصوب الثاني : انت ما ينفع وياك الا هـ الاسلوب .. بشو تباني ارمسك عيل ..؟! احمد لفها صوبه : منو لاعب براسج ..؟! عواش اطالعه عين بعين : محد لعب براسي .. ولو سمحت وخر ايدك عني احمد مستغرب : شفيج..!؟ مريضه ..؟! ( قرب ايده وحطها ع يبهتها بس هيه مسكت ايده وفرتها فالهوا ) عواش : قلت لك .. لا تحاول تلمسني ابد ..انا مب حيوان جدامك تتلاعب بي .. احمد باستغراب اكثر : اتلاعب بج ..؟! انا احبج .. واذا فاهمتنها ع اني اتلاعب بج .. شيلي هـ الفكره من راسج .. عواش بجرئه اكبر : تحبني ..؟! وعلياا ..؟! احمد فج عينه ( هاي شدراها بـ عليا ) عواش : اشوفك سكت .. شووو .. ذكرتك وين قلبك ساكن ..؟! احمد ..: من وين تعرفين عليا ..؟! عواش لفت الصوب الثاني : يعني تعرف وحده اسمها عليا .. يعني تحبها .. ( لفت له ) عرفت كل شي .. مب لازم تقص عليه وتقولي احبج .. احمد مسك ايدها : والله .. والله ما سكن قلبي غيرج .. انا احبج انتي .. عواش سحبت ايدها : قلت لك لا تلمسني .. شو انت ما تفهم .. احمد : شو تبيني اسويلج عشان ابرهن لج اني ما احبها واحبج انتي ..؟! عواش تمد ايدها .. احمد ما فهملها .. ومد ايده .. عواش : هات فونك هب ايدك احمد : شووو ..؟! شتبينه فوني .. ؟! عواش رافعه حياتها : بتأكد .. احمد عطاها ظهره : اسف .. فوني ما بعطيج .. عواش : هههه .. خايف لا اشوف مكالماتها ومسجاتها .. احمد لف لها : لا تخربطين ع كيفج ( طلع فونه من مخباه ومدلها اياه ) فتشي ع حراحتج ويوم تخلصين عطيني اياه راح عنها وقعد فخيمتهم ..عواش ( ما راح تقص عليه وتلعب بمشاعري .. ومن اليوم ورايح .. ما راح تهزلي شعره من راسي بالاعيبك ) فتحت الفون دورت فالمكالامات وفالرسايل والصور بعد .. بس ما لقت شي .. بس في شي لفت انتباهها فالفون وانصدمت منه .. عند احمد ضرب ايده فيبهته ( اووووبس .. انا ليش عطيتها الفون .. لا تقوم تشوفه .. اقوم الحق عليها ) بسرعه طلع من الخيمه ولقاها مكانه وماسكه الفون .. يوم شافته بسرعه طلعت من المكان اللي كانت فيه ع الفون ومدتله اياه .. احمد بتوتر واضح : تاكدتي ..؟! عواش بقوه وهي اطالعه : لااا ( وراحت عنه صوب البنات ونست سالفة مريوم ) . . . . . رجعت عواش عندهم وحصلت مريوم قاعده وياهم .. يت وقعدت عدالها .. مريوم تهمس الها : انتي وين كنتي ..؟! عواش بنفس نبرة صوتها : انتي اللي وين كنتي..؟! مريوم : امممم رحت اتمشى شوي مني مناك .. وين كنتي ..؟! عواش : عقب بخبرج .. مريوم : شكلها السالفه فيها إن ..؟! عواش : واايد .. حمده بصوت عالي وكله دفاشه ..: شبااااااااااااااااااااب سلامه بكل دلع ورقه : يا الله ع الدفاشه.. حمده لفت الها : خلينا الرقه والدلع لج يا الخانوووم خالد : عاد بدت حمدوه .. سالم بهمجيه : شتبين ..؟! عبود : نعم خييير ..؟! حمده ..: عنبوووكم كلتوني بقشوري .. هاه وبعدني ما قلت شي ولا بديت .. حمدان : ههههه .. عفدوا عليج كلهم حمده : حليلي والله .. الموهم .. شرايكم تغنولنا ..؟! مها : هي والله .. ( وهي اطالع حمدان بنص عين ) يقولون .. يقوووولوووون .. في ناس اصواتهم حلوة .. حمدان عرف عمره وبخقة : احم احم .. طبعا طبعا انسه حمده .. لازم تكون اصواتهم حلوه هالناس احمد : يا الخقاااااااااااه عبود : افا عليج بس .. تامرين امر انتي .. تبون شي بعد مها : لا بس غنولنا واطربونا حمده ..: وكل واحد يغني اغنيه ونحن بنقيم .. سالم : عافان الله .. حتى هنيه لاحقينا بعرب ايدول .. مريوم بعدها زعلانه ع سالم لانه هزبها.. ونادرا ما يهزبها هو .. عاد هالمره حطم وهزبها جدام الكل .. مها : يا الاحم احم .. ( تقصد حمدان) اطربنا .. انت الاول .. حمدان : فالكم طيب .. ما طلبتو .. احم احم . . . بهديك يالغالي وياليــــت تقبل هديت قلب مضنـــــــاك من خافي الوجدان عديـت قول صريح يطلب رضـــــــاك ياسيد عيني ما تمنيــــــــت غير الحياه بقلـــب لامـــــــاك كل العذارى عنهم اقفـــيت حبك ملكني بطيــــب حسناك هذا سؤالي وصوبك انشيت جـــيل وفيه العد ينصــــــاك عايش فقربك ما تهنيتــــــت اسال لبكره كيف دنيــــــاك عدت النظر صوبك ورديـــت عينن تمنت شوف رويــــــاك هل كيف لو تبعد وصديـــت كيف الحياه بيوم فرقــــــاك صبح ومساء والليل ونيــت ابكي خيالك كيف بنســـــاك هذا حياتي وانت اقفـــــيت كيف الحياه بصد مغــــــــزاك . . . طول ما هو يشل عيون الكل عليه .. طبعا نظره عن نظره تختلف .. وطبعا نظرة سلامه هي الشاذة .. حمده : اوف اوف .. شهالصوت اللي عليك يا اخ .. طرررررر .. كفك كفك ( ويعكيها كفه ) والله انك عجيب انت وصوتك .. حمدان : طبعا طبعا .. وغصبن عنج صوتي عجيب .. سالم : يا الله بدت الخقه منو بيسكته .. مها : احم احم خبرنا عن شعورك وانت تغني حمدان :لا والله .. بعد هذا سؤال ينسأل للمتسابق .. ما احيده ف عرب ايدول .. مها : عاد نحن بنسال عكيفنا .. لازم نقلد البرنامج كوبي بيست لازم ..؟! عبود : والله انكم متفيجين . مها : انت شيخصك .. مب متفيج قوم منيه وخلنا فحالنا .. عبود : يا بوج كملي شغلج .. والله انج هبله .. مها : منو الاهبل يالغبي خالد حط ايده ع راسه : يا الله بدت الضرابه .. حمدان : ايه ايه هدوا خلوني اجاوب ع سؤالها .. احم احم احمد : والله انك حشرتنا انت وهالاحم احم اللي ما تخلص.. سيف: عاد حمدان يوم يبا يخق بيقول احم احم بس حمدان : ياخي انتو شيخصكم .. اقول اللي اباه .. عنبوه واقفيلي ع البلعوم سالم : قبل لا تجاوب .. انا مستغرب من شي الكل : شوووو سالم يطالع مريوم وعواش : ام لسان منو قصلها لسانها .. الكل لفو ع مريوم : نعم .. خير .. يعني الانسان ما يسكت .. كله يتكلم منصور : والله انتي هـ القاعده ممسوحه من عندج .. عواش : هههههه بصراحه حتى انا مستغربه تصدق عاد منصور ..: شكلها بدت بقانون يديد هههه احمد كان يطالع عواش ومنقهر .. لفت صوبه واطالعته بعين ولفت صوب منصور ابتسمت .. منصور قلبه انقبض من ابتسامتها ونظراتها .. هي قاصده تغايض احمد.. مها : الموهم نكمل موضوعنا .. حمدان .. شعورك ..؟! حمدان : والله ما في شعور محدد.. الراحه .. الحب الكل : اوب اوب اوب احمد : معقوله حمدان يحب سالم : الا معقوله .. من كلامه يحب ( غمز لحمدان ) حمدان : والله اني بكون اكبر متفيج جان حبيت .. عبود : علينا علينا حمدان : عليكم ولا على غيركم .. متفيج احب انا حمده : الموهم .. منو دوره الحين .. امممممم عبود .. اطربنا .. عبود : عاد ما نقيتي الا انا .. حمده : بصراحه انا اخترت اول شي اللي اصواتهم حلوه .. وانت صوتك حلو .. عبود ..: شدراج .. ؟! حمده : شدراني .. ما اعرف منو هاك اليوم قاعد اروحه فجو رومانسي ويغني بحب عبود : انا ..؟! حمده : هي انت عيل منو .. يلى الموهم اطربنا مها بصوت عالي : عبووووووووووووووووووووود عبود يغطي ايده : يعلج الصمخ قولي امين .. تكلمي شوي شوي هب لازم تصارخين .. مها : منو تحب .. اعترف ..؟! عبود : جب جب اقولج .. لا اقولج الجواب الا .. ها اللي ناقص عبود طالع مريوم بس مريوم كانت منزله راسها وتلعب بالرمل .. وعواش ع فونها .. وبدا يغني . . . مظلوم وأنت ظالمني يا من عليك الدمع همال يا من بحبه متعبني هجرك عليّ طوّل وطال كل الليالي مسهرني ظلمك عليّ اليوم قتّال روف وترفق بي وحني ارحم رحمك الله ذا الحال للظلم يا خلي محّني وأنت تزيد بحملي أحمال استعطفه قلبك يحنّي يذكر ليالي الوصل لي زال معقول قلبك ناسيني واليوم مالي بقلبك آمال عذب وخذ مني وعني خذني في بحر الموت ما سال أنته ضميرك عارفني وأنا بصبري اليوم ما حال ظالم ومن ظلمه ظلمني ولابد ظلم الظالم امحال مظلوم وأنت ظالمني . . . مها حست من صوته انه يحب .. وما بطوفها عليه لين تعرف منو يحب اخوها .. . . . بعد ما خلصو قعدتهم كل حد راح لخيمته .. وكان الوقت 10 فليل .. خيمة البنات .. مها وحمدة سوالف اروحهن .. وام منصور راقده وعواش ومريوم ع زاويه مريوم ..: حتى ما ياني وقالي انا اسف .. لهالدرجه هنت عليه عشان هالخسفه سلاموه .. عواش ..: مريوم .. يا حبيبتي .. لا تضايجين .. والله ما عرفت اسولف وياهم لانج ما قمتي تسولفين وساكته طول الوقت .. سويلهم طاف وعيشي حياتج .. مريوم : مستغربه .. منصدمه .. اول مره يهددني ويرفع صوته علي وينازعني ولا .. جدام الكل بعد .. وعشان منو .. سلامه عواش : يا بنيه بسج احقاد .. خليها تولي .. وانا اعرفه سالم .. باجر بتلاقينه عندج يتأسف لج .. هو الحين منقهر ومعصب عليج .. فشي طبيعي ما بيحس ع ذنبه .. خليه يهدي وبيحس بتانيب الضمير وبتشوفين.. مريوم : الموهم .. طبي هالسالفه .. وقوليلي شصار لج ..؟! عواش..تلعب باصابعها : تصدقين .. اول مره استقوي عليه واوقفه عند حده مريوم شقت الحلج : واخيرا .. شصار انزين عواش قالتلها اللي صار باستثناء اللي ف الفون .. مريوم : شاطره .. خلج جيه قويه .. وما يهزلج شعره .. وبتشوفينه يشرد عنج شرا البقره هههههه عواش : ههههه الله يخسج بلا هـ التشبيهات .. مريوم ..: انزين انتي شو تحسين ناحيته .. عواش اطالعتها دقيقتين وعقب جاوبت : مشاعر خوف .. توتر .. بس اكيد مب حب ولا بحبه فيوم ابدا .. مريوم : عاد والله قلبج اللي بيحب مب انتي .. وهو بيختار اللي يباه .. عواش : بكفخه قلبي اصلن .. هههههه مريوم : لا جتليه بعد .. هههههه عواش : تبيني اموت يعني مريوم ابتسمت : ومنصور ..؟! عواش لفت عليها مستغربه من سؤالها : ومنصور شو ..؟! مريوم : ما حسيتي بحب اتجاهه .. يعني هو يحبــ.... قاطعتها عواش ..: اعتبر منصور شرات اخويه .. ما تربطنا الا علاقة عيال عم لا اكثر ولا اقل .. مريوم حاست بوزها : انزين هو يحبج .. عواش مسكت ايد مريوم : مريوم دخليج قوليله لا يحبني .. انا ما ابا اعذبه .. ما اقدر احبه .. قلبي ما يدق صوبه .. بليز خليه ينسى حبي .. يتزوج ويعيش حياته لا يترياني .. مريوم تنهدت : مستحيل يقدر ينسى حبه لج .. من يوم صغير وهو يحبج .. كيف تبينه بسهوله ينساج .. . . . . . خيمة الشباب ..: سيف راقد .. ومنصور منسدح يفكر .. وحمدان واحمد وسالم وعبود وخالد يلعبون ورقه .. ومحمد برا فسيارته يرمس فون .. احمد : ههههههه اقول حمدان احفظ ماي ويهك واطلع بكرامتك .. لا تحاول تفوز هههههه حمدان : شو ها والله ان الحظ مب معاي سالم : يا بوك كل مره نلعب تفوز .. الحين حاسدنا ع هالمره فزنا عليك.. احمد : محمد وين ..؟! عبود : انت ليش وايد مهتم به وتسأل عنه كل ساعه والحين .. ابا افهم ..؟! احمد: امممم لا بس كل ما نكون مكان ما يكون موجود .. عيل لشو ياي عندنا .. حمدان: انا الصراحه مستغرب .. امبونه ما يحب التجمعات .. شياه اليوم صدق ..؟! عبود : يمكن يبا يغير من نفسه ..؟! سالم : يمكن .. ما نقول الا الله يصلحه .. . . . . . منصور كان سرحان وباله بعيد عنهم .. >> ما ينلام يفكر بحبيبه القلب .....: فشو تفكر وقاعد تتنهد ..؟! منصور ..: سيف .. انت مب راقد ..؟! سيف : وتنهيداتك تخلي الواحد يرقد .. منصور ..: تقنعني انه تنهيداتي مززعجه يعني .. سيف ..: شفيك .. مو ع بعضك منصور : ولا شي .. الحياه وما فيها سيف : قصدك الحب منصور ابتسم : ما حبيت فيوم .. ؟! سيف : لا .. وانا مرتاح جذا .. بلا حب بلا وجع قلب منصور : ههههه .. غريبه .. فترة الحب تظهر فالمراهقه .. سيف ابتسم : مب فكل مراهق .. منصور : الله لا يبليك في ما ابتلاني .. سيف : ههههههه .. توني ادري ان الحب بلوه .. منك .. اشوفك مبتلي منصور : الا مبتلي .. متعذب يا ولد عمي سيف ..: منو تحب ..؟! منصور.. اشر ع قلبه : قلبي سيف لف عنه الصوب الثاني وغمض عينه : قول انك ما تباني اعرف وفك عمري ( يقلده ) قلبي منصور : ههههه . . . . . ومرت هـ الليلة على خير .. والكل رقد .. ع الساعه 6 الفير .. الكل نش للصلاه .. واللي رقد ولا طلع يشم هوا واللي واللي . . . . . فـ خيمة البنات ..} الكل راقد الا عواش .. نشت عنهم طلعت برا وكان الجو بارد وحلو .. والشمس بعدها مب طالعه بس على وشك .. قعدت فوق سيارة منصور لانها كانت الاقرب .. ياها صوت حد يكح من وراها .. لفت تطالع منو .. عواش مبتسمه : صباح الخير سيف ياي صوبها وقعد عدالها : صباح النور .. ليش ناشه .. الجو بارد ردي الخيمه .. عواش تطالع جدام : مب برد .. امممم منو ناش غيرك ..؟! سيف : احمد .. وقاعد داخل .. ليش تسألين؟! عواش: بس جذا .. احمد كان ياي صوبهم : ماشالله الاخوان مجتمعين ع الفير .. اقدر اشارككم القعدة ..؟! سيف ..: ويبالها استئذان .. احمد وهو يقعد ع السياره عدال سيف ..: يمكن الاخت عندها مانع .. عواش بابتسامة عذبه : عادي .. ما عندي مانع .. احمد يوم شاف ابتسامتها توتر وانهز كيانه .. لف عنها الصوب الثاني ويسأل عمره ( شياها تغيرت فجأه .. فحياتها ما ابتسمت لي ..) سيف قطع تفكيره : شو ريلك .. تقدر تلعب اليوم احمد : اقدر .. بس ما فيني تنجلب عليه مره ثانيه واروح فيها .. عواش : ههههه والله حد قالك .. احمد ( ابصم انه شي ياينها ) : شسوي .. قضاء وقدر .. سيف : الا قول خبله .. احمد مبتسم وهو يشوفها وبصوت خفيف: اكيد بكون خبل دام هاي جدامي سيف ما سمعه ونزل من السياره رايح .. عواش : وين رايح سيفان ..؟! سيف وهو رايح..: قعدوا اروحكم بسير الخيمه .. وانغط تحت لحافي احسن لي من هالبرد القارص .. احمد : شو .. خايفه تقعدين ويايه يعني ..؟! عواش : ما عدت اخاف شرات اول .. بس ما ابا ايلس ويا واحد شراتك .. ما يحق لي .. وما اتشرف طبعا احمد: انتي شياج .. من امس واسلوبج متغير .. صايره قويه وتقولين اللي تبينه .. من دون لا تحاسبين .. عواش.: الانسان ما يبقا ع حاله ( لفت له ) صح ولا لا ..؟! احمد تنرفز : بس بس اقول .. لا تخربين مزاجي وتعكرينه ع الصبح .. دامج بترمسيني بهـ الاسلوب .. خلي الرمسه لج .. ( قام بيروح ) عواش : شفيه اسلوبي .. ما كان من البدايه لازم يكون جذا معاك .. اكتشفت انه هـ الاسلوب اللي تستاهله انته وامثالك .. احمد لف الها معصب ومسكها من ايدها بقو وسحبها لابعد مكان يقدر له .. عواش والخوف ياها الحين : ايه انت ودرني .. عورت ايدي .. ااااااي .. وخر عني .. احمد وقف ووقفها جدامه : شفيج انتي .. ناويه تخلين موتج ع ايدي .. بس صخي لا ترمسين ولا والله لادبج .. عواش دمعت عينها : ايدي .. بطل ايدي عورتتني .. آآآآآآآآآآي احمد : دامج ما تتحملين مسكة ايد .. ودموعج بينزلن .. انصحج من اليوم ورايح ودري هالقوه اللي يايتنج فجأه وردي القبليه .. وهالاسلوب ما ابا اسمعه منج مره ثانيه ( يعلي صوته ) فاهمه .. ودر ايدها ومسكها من ذقنها يرفع راسها بكل قوه .. والعصبيه واصله حده .. احمد : يعني بصدق قوتج المزيفه .. تبين توهميني انج قويه وما يهزج ريح .. من الحين اقولج .. لا تحاولين .. لان قلبيج ضعيف .. ما تنفع لج القوه يا بنه ( بطل ايده ) احمد كمل كلامه : مابي اشوف هـ الاسلوب منج مره ثانيه .. ولا بتشوفين تعامل ثاني معاج .. عواش كانت تصيح لان ايدها عورتها وايد .. من قبضته حست ان الدم توقف فايدها .. وكانت تصيح لانها مهما قوت عمرها بترد الضعيفه .. كانت تصيح بصمت وهي متسانده عالسدره اللي وراها وهو مجابلنها يشوف دموعها .. هدى شوي ورد لواقعه قرب منها ومسح دمعتها : خلاص لا تصيحين .. اسف عواش : اا .. ااسف ..!! تقولي اسف .. دخيلك .. لا .. لا تحطمني . اكثر .. بعد عن حياتي .. خذها بحضنه وهي تقاوم بس من ضعفها الجسدي ما قدرتله .. تمت بحضنه تصيح وتنوح .. عقب دقيقه .. عواش : احمد .. دخيلك لا تقرب مني اكثر من جذيه .. ما ابيك تكون فحياتي ... اطلع منها .. انت بس قاعد تعذبني .. انا ما احبك ما احبك .. لا تكرهني فيك اكثر من ما انا كارهتنك .. وخرها من حضنه وشافها وع طول راح عنها .. وهي قعدت مكانها تصيح بصوت خفيف .. ......: عواااش .. ليش تصيحين .. ليش قاعده هني اروحج ..؟! رفعت راسها وشافت منصور جدامها .. ع طول ردت راسها ( هذا شو يسوي هني .. ش قوله الحين ) قرب منها ونزل لمستواها : عواش ليش هالدموع ..ليش تعذبين عمرج .. ما تعرفين اني انا اتعذب معاج .. عواش وهي ع وضعها : منصور دخيلك الكل بينش الحين .. روح بعيد عني .. خلني بروحي منصور : لو يوم واحد بس تخليني اقعد معاج .. لو يوم واحد تخليني اواسيج .. ليش جذا كله تصديني .. .......: ليش منو انت عشان تقعد معاها وتواسيها ..؟! . . . . . توقعاتكم .. محمد .. بيقدر ينزل دمعة مريوم ..؟! منو عليا اللي ترمس عنها عواش ..؟! وعواش شو شافت فالفون وصدمها ..؟! حمدان .. تتوقعونه يحب ولا لا ..؟! منو اللي رد ع منصور..وشو راح ايصير بين اللي قال جملته وبين منصور ..؟! . . . . . | |
 روآآيتـ’ي آلأولـ’ى .. ح’ـسـآآفــ’ه .. مآآ ع’ـرفت قدر آلمحبـ’ه { ح’ـسآآفـ’ه } |
|
12-02-2012, 05:49 PM
| #23 (permalink) | |
|
عضو جديد
| رد: روايتي الاولى: حسافه ما عرفت قدر المحبه .. حسافه البارت السابع ..} . . . مدخل " اكرهك .. نعم اني اكرهك .. لست مجبرة على حبك .. ولست مجبرة على الانخداع .. فقد اصبحت عدوي اللدود .. فكيف لي ان اقبل قلب عدوي .. " . . . منصور: عواااش .. ليش تصيحين .. ليش قاعده هني اروحج ..؟! رفعت راسها وشافت منصور جدامها .. ع طول ردت راسها ( هذا شو يسوي هني .. ش قوله الحين ) قرب منها ونزل لمستواها : عواش ليش هالدموع ..ليش تعذبين عمرج .. ما تعرفين اني انا اتعذب معاج .. عواش وهي ع وضعها : منصور دخيلك الكل بينش الحين .. روح بعيد عني .. خلني بروحي منصور : لو يوم واحد بس تخليني اقعد معاج .. لو يوم واحد تخليني اواسيج .. ليش جذا كله تصديني .. .......: ليش منو انت عشان تقعد معاها وتواسيها ..؟! عواش رفعت راسها .. ومنصور لف لورا يشوف منو .. وقف جدامه وبتحدي .. منصور : كوني ولد عمها .. عندك مانع..؟! احمد : هه .. ولد عمها .. هب ريلها .. منصور : ولد عمها ولا ريلها .. ان شيخصك .. احمد: تحلم تكون ريلها .. منصور : ليش احلم انشالله .. راح اكون ريلها فيوم من الايام .. احمد : هه .. هذا اذا وافقت عليك .. منصور رص عيونه : وليش ما توافق .. لا يكون بس تحبها .. احمد : مالك خص فهالشي .. منصور : عيل مالك خص فيه انا بعد .. عواش قامت من مكانها ويت بتروح .. احمد : صبري شوي .. ( وقفت بس ما عطتهم ويه ) .. بتوافقين عليه لو يا خطبج ..؟! عواش لفت له : اضن هـ الشي يخصني انا .. مستقبلي انا .. منصور : عواش .. من الحين حددي .. تبيني ولا لا .. عواش لفت ع احمد : احمد .. انا لو الموت ما خذتك .. لو الموت .. ابتعد عني لاني كرهتك .. ( لفت ع منصور ) وانت يا منصور .. لا تكمل احلامك معاي .. انا اعتبرك شرات اخويه لا اكثر ولا اقل .. لفت وراحت عنهم تاركه وراها اثنين مصدومين من كلامها .. تمو يطالعون بعض .. احمد : هه لا انا ولا انت .. بس فالاخير بتاخذني انا منصور مسكه من ياقته ( وهو يصارخ) : ابتعد عنها .. تكرهك ان شو ما تفهم .. لا تعذبها وخلها فحالها احمد مسك ايده وفرها فالهواء وبنفس نبرة صوته : مالك خص فيه .. سامع ولا لا .. منصور : صدقني لو ما ابتعدت عنها لتشوف شي ما يعيبك مني .. احمد : مثلا شو تقدر تسوي ... منصور عطاه بكس ع ويهه وطاح عالرمل : صدق انك ما تستحي ع ويهك احمد قام من مكانه وهو ينفض التراب وحط صبعه السبابه ع صدره : لانك انت اكبر عني .. فما بمد ايدي عليك مثل ما مديتها .. الكل سمع صريخهم ويو يشوفون شو السالفه.. منصور : هه .. من متى وطلع الادب عندك هااا .. احمد عصب ومسكه من ياقته .. : اسمعني زين .. احترمتك فالبدايه .. بس دامك قاعد تسب ع راحتك ما بسكت لك .. بو حمدان بصوت هزهم كلهم : احمد احمد وخر عنه .. بو حمدان ..: عيل ما بنلوم اليهال دام الكبار يتضاربون ومافي احترام امبينهم .. احمد وهو يطالع منصور : السموحه عمي .. تعديت حدودي .. ركب سيارته وشخطها وراح وهو مسرع .. بو حمدان : شصاير .. يهال انتو تضاربون .. منصور : ولا شي .. سالفه وكبرت .. ما صار شي بو حمدان: كل ها وما صار شي .. منصور ..: السموحه منك عمي .. بو حمدان لف عالبنات والباقي : جهزوا اغراضكم .. بنروح الحين .. دام السالفه فيها ضرايب يهال منصور نزل راسه وراح وباس راس عمه .. ودخل الخيمه . . . . . عواش كانت داخل الخيمه وتحت لحافها وتصيح بصوت مسموع .. ومريوم عدالها تهديها .. دخلت عليهم سلامه .. سلامه بطنازه : سمعت ان الضرابه اللي استوت كلها من راس عواش .. صح ولا لا مريوم لفت عليها وهي منقهره : منو سمحلج تدخلين .. برا يلاا سلامه قعدت بس شوي بعيد عنهم : ما اضن الخيمه مكتوبه باسمج عشان ما ادخلها .. مريوم ما تبا تحتك وياها : اقصري الشر واطلعي برا .. سلامه : انا يايه استفسر من عواش عن اللي صار .. عواش وهي تصيح بقو : اطلعي برااا .. براااااااا .. مريوم : اطلعي شو ما سمعتيها .. سلامه : مالت عليكم والله .. بس اكيد مسويه شي عشان جيه اضاربو احمدوه ومنصوور .. طلعت برا ومريوم شوي وكانت وبتجتلها ..: عواش خلاص هدي ما صار شي .. عواش : كيف ما صار شي .. اكرهه .. انا اكرهه .. كل المصايب منه هو .. بس اباه يبتعد عني ويخليني فحالي ويفكني من مصايبه .. . . . . . عند احمد .. كان صدق معصب وباين من سرعة سيارته اللي وصلت 160 انه معصب .. وصل دبي بسرعه وراح ع طول للبحر .. نزل من سيارته وقعد عليها من جدام .. ( والله لرويك .. ونهايتك ع ايدي بتكون .. بس انت جرب وخذها .. حقيير ) ضرب ايده ع السياره بقو وعورته بس ما عطاها اهميه .. وتم يفكر بعواش وكلامها .. ( تكرهيني يا عواش .. تبين تفتكين مني ..؟! .. بس بتحبيني .. وبذكرج ..) . . . . . نرجع لعواش .. بعد ما هدت قامو يشلون اغراضهم وحطوهن فالسيايير وانطلقو .. بس هـ المره الترتيب كان غير .. بما ان الجو تكهرب .. فكل واحد ركب مع عيلته.. وطول الوقت والكل ساكت.. لين وصلو بيوتهم .. ع طول عواش راحت لغرفتها.. وسكرت الباب وانسدحت ع سريرها ( ليش انا جيه حياتي .. ابا يوم واحد بس يمر عليه وانا مرتاحه .. محد بيخرب حياتي الا انت يا احمد .. من يوم دخلتها وبقوه .. تغير كل شي .. صرت انسانه ضعيفه .. الله يسامحك ع كل اللي سويته فيني ) . . . . . رن تلفونه بس ما كان له خاطر يرد .. رن مره مرتين ثلاث .. بس فالاخير رد وبكل عصبيه : الوووو .....: بسم الله .. شفيك .. ليش معصب احمد : اففففف .. معصب وانتي شلج .. ليش داقه فوقت غلط .. ......: احمدوه .. انت معصب وانا شلي تصارخ عليه .. هدي انزين احمد سكت وبعده ع الخط وفونه ع اذنه .. خمس دقايق .. احمد بصوت مبحوح : اناا تعبان .. .....: احمد شفيك .. ؟! احمد : عليااا .. ابا اشوفج .. محد بيريحني غيرج .. عليا : حبيبي والله ما اقدر اشوفك .. انت تعرف ظروفي .. احمد : عليوووه .. محتاجنج انا .. ابي قربج .. ابيج تواسيني .. تضميني وتحضنيني.. عليا : معليه احمد .. لا تضايج .. وقولي منو مضايقنك هالكثر بكسر له خشمه اللي ما يستحي .. احمد ابتسم : انتي عليا : نعم نعم .. انااا ..؟! احمد: هيه .. يلا اكسري خشمج .. عليا : لا كله ولا خشمي فديته .. احمد : متى بشوفج يعني .. عليا : قريب انشالله .. شخبار الاهل ..؟! احمد وهو ينتنهد : الحمدلله .. بخير .. عليا : وليش هالتنهيده .. يا بوك لا اتم جذا كله متضايج ومتكدر .. خل كل شي حلو فحياتك .. انت وايد تتضايج حبيبي احمد : شسوي .. يوم اني وحيد وانتي مب معاي .. عليا : يعني لو اييك الحين بترتاح مثلا ..؟! احمد : بتخوزين عني هموم وايد .. صارلي شهرين مب شايفنج .. عاد وايد صبرت .. لا اطولين اكثر من جذا .. ولا والله لايي الحين بيتكم واقتحمه واسحبج من ايدج .. عليا : لا لا لا لا لا .. خلك مكانك .. ادريبك بتسويها .. تبا امي تذبحني .. احمد: بحميج انا .. عليا : حسستني سوبرمان ولا جاكي شان بتحميني .. احمد : تشكين فقدراتي يعني .. عليا : حبيبي بسكر الحين .. امايه يايه .. ارمسك عقب .. احمد : اوووووف .. ياخي قوليلها انج ترمسين ربيعتج بس لا تسكرين .. حبيبتي والله اني محتاجلج .. عليا ( ترمس امها ) : يايه يايه امايه ويت شوي ارمس ربيعتي ..( ردت له ) زين جذا قصيت ع امي .. احمد : يا روحي انتي .. عليا : احم احم ادري اني روحك وقلبك وحياتك .. وكل شي .. احمد : ههههه .. متى بشوفج ..؟! عليا : يا الله .. ردينا ع الطير يلي .. احمد : كم بتريا يعني .. شو هـ الظروف اللي مانعتنج .. عليا : حبيبي احمد .. قدرني انا وظروفي عاد .. احمد : اففففف .. خلاص خلاص .. ما ابا اشوفج .. عذرت .. عليا : لا تزعل عليه .. بس اوعدك قريب بتشوفني .. احمد : بتريا شسوي بعد .. بس لا اطولين .. عليا : ما بطول عليك .. هالاسبوع يمكن اييك .. احمد شق الحلج ..: والله ..؟! .. يلا عيل اترياج .. عليا : فديتك والله .. الموهم .. شخبار شيخوه ..؟! احمد تضايج : دخيلج الا هالانسانه لا تسالين عنها .. عليا : ليش انت ما ادق الها .. احمد : لاااااا .. ولا ابا اسمع صوتها .. عليا : الله .. ليش عاد .. حتى ولو .. هاي اختك المفروض انت ادق الها .. احمد : علوي دخيلج سكري هـ الموضوع .. ما ابا اتكلم عنها .. دامها هي ما تتكرم وادق عليه .. وناسيه انه عندها اخو .. عليا : الله يهديها .. تم يسولف وياها لين تقريبا ساعتين وعقب سكر عنها وراح لشقته يريح .. . . . . . بيت بو منصور .. الساعه 4 العصر .. فالصاله مريوم وحمده .. سالم طلع عنده كم من شغله يبا يخلصها .. حمده : يقولون عموه بتيي بيتنا باجر .. مريوم بوناسه : اوب اوب .. هل العين بيون عندنا .. ومنو خبرج .. حمده : دقتلي لطوف اليوم .. وقالت لي .. مريوم : اهاااا زين زين .. اروحي مشتاقه لعموه .. من متى ما شفتها .. حمدوه:. بنستانس عيل باجر .. خاصة عمووور والله انه نكته هههههه مريوم وعينها عالمجله وبلا مبالاه : عايبنج .. بنخليه يخطبج حمده كفختها ع راسها : ناقصة انا بعد اخذ عموور .. ما لقيت مريوم ..: أي يا الدفشه لا تضربين .. عنبوها من ايد ما تنكسر ع كثر ما تضرب ابها .. حمدوه فجت عينها : ايييييييييه .. لا تحسدين ايدي يالخببله .. ( مدت ايدها ) تفلي عليها بسرعه .. وقولي ما شالله مريوم ما صدقت تفلت ع ايدها : ما شالله حمده متقززه وتمش ايدها ع بدلة مريوم ..: الله يسقمج يالوصخه مريوم : انتي قلتيلي ( قامت ) اوف والله انج ممله .. امبونا فالبر ومستانسين والحين محد عندي .. حمده : عنبوه ما تقول اختها هنيه بقعد معاها .. كاش فالويه تقول ممله .. مريوم : هههههه ( راحت لغرفتها ودقت لعواش ) عواش بصوت كله رقااد : الوووو مريوم : راقده ..؟! عواش : شو رايج .. مريوم : انزين قومي وتعالي بيتنا .. عواش : لحقتي تشتاقين لي .. وبعدين ليش انا ايي .. انتي تعالي مريوم : جنج ما تعرفين قوانين البيت .. ع الاقل انتي عادي .. يلا تعالي .. عواش : اففففف مريوم والله ما اقدر احس عمري تعبانه وااايد مريوم : عن الدلع وقومي اتسبحي وتنشطي وتعالي .. عواش : والله مب قادره اقوم .. احس عمري ثجيله .. مريوم : من متى راقده .. ؟! عواش : من اول ما ردينا .. مريوم فجت عينها ع وسعهن : خييييييييييبه .. هب رقاد عليج .. عواش : افففف مريوم .. والله انه ما فيني حيل ارمسج حتى .. تعبااانه مريوم .. : لا يكون مريضه .. ( خافت عليها لانها مب من عوايدها ترقد هالوقت وكل هالمدة ) صبري بييج انا الحين .. بااااي .. سكرت عنها وع طول راحت غرفة امها ودقت الباب ودخلت .. حصلت امها ااطالع التي في .. مريوم : امايه ابا اروح بيت عمي .. الام : مريوم فكيني منج .. ما واحيتي تشتاقين الهم .. مريوم : امايه بروح عند عواش .. احسها تعبانه .. بروح اشوف شو فيها .. امها : انتي تعرفين ابوج ومب لازم اقولج .. مريوم : افففففف .. بنروح انزين انا وحمدوه .. بدق لابويه وبقوله امها: كيفج .. انا مالي خص فيج .. مريوم ظهرت من عند امها ودقت لابوها .. مريوم : اهلين ابوي ابوها : اهلين مريوم شحالج ..؟! مريوم : الحمدلله بخير انت شحالك ..؟! ابوها : الشغل تارس عيني .. خير في شي .. تبين شي ..؟! مريوم : امممم ابويه .. عادي اروح بيت عمي .. ابوها : عنبوج ما تشبعين منهم .. مريوم : ابويه والله عواش شوي تعبانه بروح اشوفها .. ابوها : وكيف بتروحين ..؟! مريوم بصوت شوي اقل : مشي.. ابوها : نعم نعم .. ماشي سيره .. ما عندي بنات يسيرن مشي بيوت الناس مريوم : ابويه بيتهم الا فرة حصاه .. وما بروح بروحي باخذ حمدوه وياي تمت مريوم تقردن ابوها لين خلاها .. مع شرط ان الرده حد يردها.. شلت حمدوه وياها وراحن .. دخلت غرفة عواش ولقتها منسدحه ع السرير .. يت عدالها : عواااش .. عواااش قومي عواش : همممم مريوم حطت ايدها ع يبهتها : هييييييييييييييييأ .. عواااش .. انتي محمومه .. ليش ما تقولين .. عواش : مريوم .. تعبانه .. تعبانه .. مريوم : ويت بشوف حد يوديج المستشفى .. بسرعه طلعت عنها وراحت صوب غرفة حمدان ودقت الباب .. ظهر الها حمدان حمدان : عنبوج .. مسرع ما ييتي بيتنا .. من كم ساعه شايفينج مريوم : مب متفيجتلك الحين .. عواش مريضة .. فيها حمى .. حمدان : شوووو ..؟! بسرعه راح صوبها وقعد عدالها وحط ايده ع يبهتها وهي تهاذي من الحمى .. حمدان يلف صوب مريوم : هاتي عباتها خلينا نوديها المستشفى .. مريوم راحت صوب الكبت وطلعتلها عباة وحمدان لبسها وشلوها عطول المستشفى حطولها مغذي لان حرارتها وصلت 39 وتريوا المغذي لين يخلص مريوم : وانت ما قدرت تمر عليها تشوفها .. حمدان : وانا شدراني بتمرض .. مريوم : لو ما دقيتلها كانت الحمى بتزيد وانتو ولا مهتمين حمدان ..يصارخ : اقولج حطي لسانج فلهاتج احسن لج .. شو ما مهتمين بعد هاي .. مريوم : اسفين اسفين .. لا تصارخ .. ترانا فالمستشفى بعدنا حمدان كان معصب بسبب اتصال ياه ونرفزه .. ولان اخته ياتها حمى وهو ولا يدري .. مريوم : شفيك بسم الله معصب ..؟! حمدان : ما فيني شي .. بس سكتي لاني ما ابا اسمع شي بعد مريوم حاست بوزها مستغربه .. ( بلاه جذا لابق .. اول مره فـ التاريخ اشوفه معصب جذا .. احسلي اسكت لا اييني كف يطيرني ) . . . . . نرجع بيت بو حمدان .. فـ الصاله .. حمدوه قاعده تسولف ويا سيف .. سيف : بسج تراج عورتيلي راسي حمده: افففف .. يعني اسكت .. انا اروحي ملانه سيف : وما لقيتي غيري يعني .. حمده قامت : خلاص بروح بيتنا ابرك عن القعده بدون سوالف .. سيف سحبها من ايدها ويلسها : قري مكانج خلاص اسفين .. كملي سوالفج ست الحسن والدلال حمده ..: مابا .. اخاف اصدعلك راسك بعد .. سيف ابتسم وضربها ع راسها : كملي كمي .. شصار بعدين ..؟! ما صدقت حمده وكملت السالفه .. . . . . . بيت بو خليفه .. الصاله والموجودين ( خالد وسالم وعبود ومها ) مها : اقول سالم .. شيايبنك بيتنا .. مسرع ما اشتقتلي يعني .. سالم : ما لقيت .. مها بخقه ورافعه خشمها : تتمنى اصلا انت القعده معاي .. سالم : الشيخه وانا ما ادري .. مها : غصبا عنك .. عبود : المهم فكونا من هالخقه .. سلوووم .. قوم نطلع المول .. من زمان عنه .. خالد : هذا انتو .. اصحاب المولات والمغازل .. عبود : لازم لازم .. ( يلف صوب سالم ) يلا قوم خلنا انروح .. الربع يتريونا .. مها : يعني الا بيلس اروحي اجابل اليدران .. والله ملل .. سالم وقف : لهي عمرج باي شي .. عبود : يلا روحنا سالم : يلاا مع السلامه .. خالد : مع السلامه طلعو سالم وعبود .. وخالد انشغل بالفون .. مها : افففففف رفع راسه الها : لا تتاففين مها بعناد : افففففففففففففففففف خالد : بصمج بكف الحين مها بعناد اكثر : افففففففف اف واف واف بعد خالد قاملها ومها صاروخ ع غرفتها .. خالد : هههههه لا لا تعالي هني وكملي تافايفج .. جبانه . . . . . فـ المستشفى .. نزلت حرارتها بعد ما خلص المغذي .. عاد ردو البيت .. وكان الوقت 7 المغرب .. فالطريج .. مريوم : يعني من البداية قوليلي انج محمومه .. مب تعبانه وبس حمدان : بس عاد يالستلها عظم ع البلعوم .. خليها ترتاح لين نوصل البيت عواش مبتسمه : مافيني شي لا تحااتون .. احس عمري احسن الحين مريوم: يعله فـ ع دوينج ولا فيج حمدان : لا الاه الا الله .. بتسكتين يالراديو .. مريوم: انت شفيك عليه اليوم .. كله معصب وتسكتني .. ياخي لا تفش خلقك فيني انا .. حمدان بعبط : قالولج خلقي نفاخه مثلا .. مريوم : اففففف .. والله محد يعطيك ويه ... حمدان : ههههه وصلو البيت ونزلو .. وكانت حمدة ويا سيف قاعدين وشالين البيت بظحكهم وسوالفهم .. حمدان : اللهم سكنهم في مساكنهم .. عوذ بالله منك يا بليس .. شتبا ياي بيتنا .. حمده: والله محد غيرك ابليس .. حمدان : حد قال انج انتي بليس حمده : هه هه .. يعني ما فهمتلك يا وانسدح ع الكنبه : والله افهميها مثل ما تبين .. مريوم شلت عواش عسب تريح ونزلت .. مريوم : اقول سيف .. ازقر الخدامه خلها تيي اباها تسوي لعواش شوربه تريحها ( وقعدت ع الكنبه ومدت ريلها ع الطاوله اللي جدامها وسيف كان واقف عدال الطاوله ) سيف : وحد قالج قبل اني انا اشتغل عندج .. ( نزل ريلها من الطاوله ) وحد قالج بعد ان الطاوله تنحط فوقها ريولج .. مريوم : يلا بسرعه نفذ اوامري راح سيف ووصل للباب اللي يودي المطبخ : والله عاد بروح عشان اختي هب لانج قلتيلي ..( وراح ) حمدان منسدح وحاط السماعه ع اذنه يتسمع اغنيه عبدالمجيد عبدالله .. قامت الساعه ويغني وياه بصوت خفيف ومغمض عيونه وعايش الجو .. حمده : مينووووون .. حدك مينون حمدان : جب يلااا خليني اعيش الجو مريوم: والله انك مخبل .. عيش عيش .. شو وراك ( يت الخدامه وقالتلها تسوي شوربه ) مريوم : احسن لي اروح عنكم ..( راحت عند عواش ) حمده تمط السماعه من اذنه ..: بسك اغاني .. حشى مب اذن عليك جانها تسمع اصوات البنات والاغاني ومتحمله .. حمدان يمط السماعه من ايدها .. ويردها فاذنه: مالج خص ..( وكمل الاغنيه ) حمده ردت تمطها .. حمدان راص ع عيونه : اسسسسستغفر الله .. ما بتوبين انتي .. هاتي السماعه حمده خطفت تربع وتلعب بالسماعه فصبعها ..: مااااباااا .. الاغاني حرام .. حمدان يمشي وراها : هاتي يا شريفة مكه .. بسرعه .. حمده : ماااابااااا ( اطلع السانها تغايضه ) وفجأه تدعم عمود الدري اللي يكون تحته .. حمده تتويع : اااااااااااااااااخ حمدان ضحك عليها وما رام يوقف وانسدح تحت وهو فاطس ضحك عليها .. حمدان : ههههههه أي بطني ههههه والله انج تحفه ..هههههه بموت بموت من الضحك ههههه حمدة ( تحك راسها مكان الضربة ) : موت بنفتك منك .. حمدان : هههههه عيدي عيدي اللقطة كانت حلوه .. حمده : اعترف دعيت علي .. حمدان قاام من مكانه ويا صوبها ومسك السماعه ورد ع الكنبه ..: والله اروحج يبتيها لنفسج .. ههههههههه حمده قعدت ع الكنبه اللي عداله : اااااااخ يا راسي .. يعورني سيف ياي : سلامة راسج شياج ( شهق ) هييييييييييييييييييأ .. شو هاااا حمده زاغت : شوووو ..؟! سيف : دممم حمدان فتح عيونه ويشوف راس حمده يصب منه دم ..: والخيبه .. عاد راسج حساس هالكثر .. حمده شوي وبتصيح وحاطه ايدها ع مكان اليرح : رااااسسيييي اهئ اهئ سيف راح اييب ادوات الاسعافات الاوليه ويلس عدالها ..: وخري ايدج اشوف .. خوزت ايدها وحمدان بس يطالع .. تم يعقم الجرح اول .. كان الجرح ع يبهتها ع اليسار .. وكانت صبعه بالغلط ع عينها اليمين .. وهي بكل لمسه من ايده تحس برجفه .. انتبه سيف ع رجفتها بس طوفها .. عقب ما خلص شغله سيف ..: وخلصنا .. شو تحسين براسج حمده بتوتر : عادي ما يعورني .. حمدان يصفق : برااااافوووو دكتورنا .. وفرت علينا البترول بدال لا نوديها المستشفى حمده تطالعه بنص عين : ياله يالزطوط .. بخل بخل .. سيف : عسب تعرفون اهميه الاسعافات الاوليه .. حمدان قام من مكانه : اففففف بدا التفلسيف .. ( بطل باب الحوي ) حمده : على وين انشالله ( اطالع ساعتها ) الساعه 8 الحين حمدان سكر الباب : انتي امي ولا ابوي حمده : بنت عمك اللي ما في مثلها فالكون .. سيف : وانا اشهد .. خبله ومينوه .. ما في مثلج ههههه حمده لفت عليه اونها معصبه : جنك سبيتني سيف رفع ايده اونه مستسلم : اسحب كلمتي .. اخافج تجتليني .. حمده : زبن سحبتها ( لفت ع حمدان ) وانت .. وين رايح ..؟! حمدان : اففففف يا هي اذيه .. بروح برا اتمشى .. برمس اللي مغازلنهن .. انتي شلج .. حمده : ولا ويقولها كاش انه بيرمس بنات الزباله.. سيف : ههههه ياخي والله انك متفيج .. حمدان ما سوالهم سالفه وطلع عنهم .. حمده : اخوك خبل .. سيف ببصوت خفيف : وانتي اكثر .. حمدة اطالعه بنص عين : تراني سمعت ( مسكت راسها ) اخخخ يا راسي هب ضربه ضربتبها .. سيف ابتسم : خبله صدقيني خبله .. حمدة : طالعه عليك .. . . . . . توقعاتكم .. منو اللي بياخذ عواش فالنهاية .. منصور ولا احمد .. ولا طرف ثالث راح يدخل فالروايه ..؟! منو تكون عليا بالنسبة لاحمد ..؟! وتوقعاتكم للبارت الياي .. وللاحداث القادمة ..^^" . . . . . | |
| |
|
13-02-2012, 01:01 AM
| #25 (permalink) | |
|
عضو جديد
| رد: روايتي الاولى: حسافه ما عرفت قدر المحبه .. حسافه آبدآع +تحططيييم بصرآآحة روآيية جميللة بمعنى آلككلمة بس هآأي عوآششه غببية لييش تعذب آحمدووة حرآم عليهآآ وسلأممة الكريه شو ينحب فيهآأ بأليه سلووم فيهآآ جتليهآآ لاتخليهآا تكمل وآمممم ومريووم عيبتني شخصيتهآآ سوآلف وحركأت علييه وبعآآد شسممة مهآآ خرريش وجيي آآأسستمري في الأأببدآع وآنا من متآبييعنج بس كنت خللف آلكوأللليس^^ | |
| |
|
13-02-2012, 06:19 PM
| #26 (permalink) | |
|
عضو جديد
| رد: روايتي الاولى: حسافه ما عرفت قدر المحبه .. حسافه  بااااااارت جناااااان هع برووحي بتوقـع مايحتاي الأسئلـه ....~ْ أحمد : خااااطري اعرف شو اللي فـ فونه و مايبى عواش تشوفـه  عوااش : ياااخي تقهـر  ..ليش تعامل أحمدوه جيه < حرآأأم عليها عليـآء : أظن وحده تحـب احمد .. و لا ماخذنها بالسر هـ‘ع حمدوه : خخخخخ فنتك هالأنسـآأنـه .. حبيييتهـآأ < و أظن تحب سواف سيف : اممم انسان هااادي  بمعنى الكلمـه < بس الااا بيطلع شي من تحت راسه هع منصور: احسسه كرييهه .. ليش يحب عواش  < خخخ شدخلي عاد سلامـه : ويييييع وعععع ..< هااي من أول مآ تطلع تلوع جبدي ..مووولت عليها  مريوم : عليييها قوه عجيبه << مادري كيف تتحمل  محمـد : هههه حلااااتـه يوم يعصـب ..< لا تغيريييين شخصيته  عبدالله :  يآآرب يحب وحده ثانيه غيير مريووم << ابااهاا لـ محمــــد ووووو البآجي نووو كومنت جآأأأري الأنتظااار < للبـآأرت اليااااي<< لا اطوليييين علينااا  | |
| |
 | |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
المواضيع المتشابهه |
|---|
| الموضوع | كاتب الموضوع | المنتدى | مشاركات | آخر مشاركة |
|---|---|---|---|---|
| روايتي الاولى احبك موت ومستحيل اتخلى عنك مهما يصير | محبوبة الكل1 | قسم المحاولات الأدبية | 17 | 16-12-2011 03:27 AM |
| انتفض قلبي بغزال منصوري ( قصه في قمه الروعه ) | طيرة الفجر | قسم الروايات والقصص الطويلة | 36 | 14-02-2009 11:28 AM |
| أرقام مهمه لدولة الإمارات العربيه المتحده | يوسف الشحي | السفر والرحلات السياحية | 29 | 06-10-2008 01:38 PM |
| صوم يوم عرفــــــــــــه .. | مكتــوم بن زايــد | قسم فزاع الإسلامي | 12 | 11-12-2007 10:46 PM |
