11-02-2012, 03:28 PM
| #11 (permalink) | |
|
عضو مجتهد 
 |  رد: آحبك لين تنزلني ايادي الناس في قبري..احبك لين يغمرني تراب القبر وغباره الجزء السابع يوم الثلاثا الساعة 7 ونص بتوقيت الشارجة وصلنا مطاار دبي..ياربي كيف متولهه على امي وابوية..مشتااقة اشووفهم.. شفت امي وابوووية يتريووني ف المطاار ونص الاهل تقريبا ..سلمت على ابوية ويوم سلمت على امي صااحت وصحت ويااها..اللي قااهرني راشد يضحك علييييه راشد: والله لو كنت انا اللي مسافر ما بتصيحين عليا مسوية طااف ههه مب متفييجة ارد عليه عبير: ما يسوى عليج هالصياح الا اسبووعيين علاية: لا حبيبتي انا مب نفسج انتي انا ماروم اصبر عن امي دقيقة اما انتي تتمنيين تفاارقيينهم طوول العمر حسييت بهاا قفطت بس يااريتني لو ما قلت لها هالكلام جدام عمتي حسييت اني جرحت عموو بهالكلام ما جرحت عبير..فديت رووحها وصلناا البييت انا وامي واخواااني..رحت حجرتي تسبحت وتلبست ..وشلييت هدية ماما ورحت حجرتها كنت ماخذة لها عطوور وسااعة مااركة..الحمدلله يوم عييبها خصوصا ان ذووقها صعب وااايد ردييت حجرتي حصلت مسكووليين من ريموو اختييه..ردييت اتصل بهاا الريم: هلا والله عليا: اهليين الريم: تو الناس جان ما رديتي علاية/ هههههه كنت يالسة وياماما وتلفووني ف الحجرة الريم: اهاا جاسم الحين بيظهر وانا بي عندكم علاية: هيه تعاالي بس ولدج المزعج لا تييبينا ويااج ياوييلج الريم: فدييت ولدييه انا لا تسبينه علاية: عيل مالت عليج وعليه وعلى ريلج الريم: هههههههه ما عليه يالسبالة بتجووفين ..يلا يايتنكم انا علاية: اوجييه باي الريم: باي رحت اجووف عباادي اخويه الصغير فدييته ..شفته متلبس وشكله يالس يتريا حد عليا: شو تسوي حبيبي عبادي: حمداان قال لي اتلبس وايلس ف الصالة بيوديني صحارى بيلعبني دش عليينا حمدان: ها عبوود جاهز علاية تستهبل: وين بتودييه حمدان: بودييه وياية صحاارى علاية: هييه انا ادري لييش بتودييه..عسب البنات ايوون صووبك حمدان: جب انتي ما يخصج..يلا عبوود مالت عليه دومه معصب هههه بس طيب حلييله ..يت ريموو ويايبة وياها شريط دي في دي علاية: اي فيلم: الريم: عمر سلمي علاية: واااااااااااو تعالي بنجووفه ف حجرتي وبنصك الليتات الريم: شو راايج نزقر خولة وفاطمة يجووفون الفيلم وياانا علاية: ناايس فكرة حلوة الحيين بدق لهم الريم تغايض عليا: لا تنسييين تعزميين عبير ترا القعدة بدونها ما تسوا علاية: جب انزيين بييج كف والله الريم: هههههههههه احب اغايضج علاية: جب دقييت بخوولة كاانت رااقدة وفطووم اونها تعباانة رحت ويا الريم فووق نطالع الفيلم عليا تفتح ثلاجتها: شو تبين الريم؟ الريم: فانتا عطييتها الفانتا وخذت لي بيبسي تميينا نطالع الفيلم روووعة الفيلم خباال شو هالروماانس..فدييت عمر وسلمى ف نص الفيلم الريم: ايي عليووو بطني يعوورني احس اني برجع عليا: عن العبط وخليني اجوف الفيلم نشت الريم صوب الحمام ورجعت اويييييييه هاي صدق تعبااانة ظهرت من الحمام ويهها كان مصفر علاية بخوف: نشيي بودييج المستشفى الريم: ماابا عليا: بسرعة ريم عن الدلع تلبست بسرعة..ورحنا المستشفى الدكتوورة ترمس الريم: مبروك انتي حاامل ريموو مستاانسة: الله يباارك فييييج في السيارة ونحن راادين البييت عليا: مبرووكييييشن الريم: الله يبارك فيييج وصلنا صووب بيت قووم ريموو الريم: انزلي شووي علاية:مابااا تعبااانة بروح البيت ارقد الريم: كيفج ترا راشد في البييت عليا: هييه بنزل ويااج شووي ما بردج اصلا كيف ارد اختي الوحيدة الريم: قصي علييه دشيينا البييت وكاان رااشد يالس ف الصالة برووحه ويطالع تلفزيوون ومانتبه عليينا الريم ترمس بصوت واطي: انا برووح قسمي صووب جااسم وانتي روحي عند ريلج شكله سرحاان ..راحت الريم قسمها..رحت من ورا راااشد عليا: بووو راشد مستانس وف نفس الوقت مستغرب من ييتي بيتهم: فدييييييييتج انا عليا: جب ماحبك راشد يلوي عليييييها: انا احبج عليا: اييه رااشد نحن ف الصالة راشد: افف متى بنعرس بس عليا: تو النااس راشد: زييين..ويا منو ياية اصلا شو مطلعنج من بيتكم هالوقت عليا: افف ما سرت مكاان بس هاي ريموو كانت ف بييتنا وتمت ترجع ودييتها المستشفى راشد: حليلها شو فييها عليا: مااشي حاامل راشد: ههههه عقبال حرمتي يااااارب عليا مستحيية: اسكت..يلا برووح البييت تاخرت واايد راشد: مااشي بنظهر عليا: ويين نرووح راشد: اي مكاان انا ما تعشييت بنتعشى وبنتحوط شوي عليا: الساعة 1 ونص الحيين راشد: مب رايحة ويا غرييب ريلج انا عليا: اوجييه بكلم ماما قبل اتصلت ف امي ام حمدان: انتي ويينج عليا: ودييت ريمو المستشفى ام حمدان بخووف: شوفييها عليا: حاامل ام حمدان:فدييتها بنتيي عليا: مالت ام حمدان: شو قلتي عليا: ماقلت شي ..ماما انا بروح ويا رااشد شوي بنتعشى وبنتحوط ام حمدان: روحي بس لا تتاخرين عليا: ان شاءالله مع السلامة صكييته من امي... راشد: هاا شو قاالت عليا: قالت ردي البييت بسرعة اخووج حمدان محرج علييج راشد: مب على كييفه انا رييلج هو ما يخصه عليا: ههههههه اقص علييك راشد: حماارة انتي عليا: ما علييه انا حمارة...انا برووح بييتنا ما سوا لي رااشد ساالفة..سحبني من ايدية وسرنا صووب سياارته طلبنا من كنتااكي تيك اوي ووقفنا مكاان ويلسناا ورا تميينا نتعشااا وبعدها تميينا نتحوط راشد يمسك ايد علاية: مستحييل اخلييج عليا تحط رااسها ع جتفه: فدييتك حبيبي راشد بااسها ع خدها عليا مستحية: ايه راشد يعطييني خده: ابا بووسة بسرعة عليا: ماابااا راشد: لا تخلييني اسرع ذكرني بفيلم عمر سلمي يوم عمر يقولها بوووسيني ولا بسرع..ههههههه عليا: لا اخااف لا تسرع راشد: يلا عييل بووسييني عليا بااسته ع خده راشد: آآه فديييت حبيبتي والله رديييت البيييت الساعة 3 ونص الفيير ههههههه حليلي ما تاخرت موول والله ان جاافني حمدااان بيذبحني .....دشييت حجرتي تمييت اتسمع اغااني ليين رقدت نشييت الساعة 1 الظهر ..خذت لي شور وصليت ..قالت لي اميي اتزهب لان بنرووح نتغدى ف بييت يديي..ونااسة بس تعكر مزاجي يوم تذكرت ان عبيير بترووح افف فجييت الكبت واخترت لي بدلة بلوون بيينك ..حطييت ميك اب بنفس اللون ولبست عباة وشييلة طقم بلوون وردي ...رحت صووب سياارتي..وكالعادة انا اخر وحدة اوصل هناااك دشييت البييت وسلمت عليييهم وصل لي مسج "القلب" مكتوب فييها دلوعتي كل الحلا فييها احترت انا مدري شسميها في حسنها كان البدر ضاوي اخت القمر محد(ن) يسااويهاا قفطة استحيت بالقو..بعد ما تغدييينا رحنا نيلس ف الصالة الثاانية..انا وراشد وخولة عمي سيف وطبعا عببيير لازم تلحق راشد وين ما يروح راشد يرمس علاية:فديييتج عليووتي اليوم مستوية اخت القمر خولة: اي اخت القمر الا هي القمر اويييه ويهي احمرر ..حسييتهم يبون يقهروون عبيرر ورديت عليهم بدلع: طانك عنونكم الاحلى عمي سيف: ها رااشد ما حددتوا موعد العرس راشد: العروس ما تبا عمي سيف: افاا ليييش عليا: عمي تو الناااس راشد: جب شو تو الناس والله عندج 3 شهوور عسب تتزهبيين عليا منصدمة: 3 شهوور بس!! راشد: هييييه | |
  ان مرت الايام ولم تروني فهذه مشاركتي فتذكروني وان غبت ولم تجدوني اكون وقتها بحاجة الى الدعاء فادعولي  |
|
11-02-2012, 07:06 PM
| #12 (permalink) | |
|
عضو مجتهد
| رد: آحبك لين تنزلني ايادي الناس في قبري..احبك لين يغمرني تراب القبر وغباره باارت ف قمة الرروعه بلييز كملي | |
| خل عنك غيابي وقوم توض .. صل و أبرد صدرك ليا حما .. حبك وفرقاك مفروضات فرض .. فالحياة الزايلة حنا دمى .. واللقاء والله موب فالأرض .. إدع ربك نتلاقى فالسماء .. |
|
12-02-2012, 04:35 PM
| #14 (permalink) | |
|
عضو مجتهد
| رد: آحبك لين تنزلني ايادي الناس في قبري..احبك لين يغمرني تراب القبر وغباره الجزء الثااامن بعد مروور شهرييييييييين السااعة 10 الصبح كنت اتزهب لاني بمر على خوولة وبنرووح امارات موول عسب اخلص تزهيبي للعرس ..بعد ماتزهبت نزلت تحت وشفت اميي ويا الرييم اختيييه امي: ويييين رااايحة عليا عليا: امي بمر على خوولة وبنرووح ايميرتس مووووول نتشرى حق العرس امي: روحي بس لاا تتاخرين ماادري لين متى ياامي بتعااملييني ع اني يااهل ..هه انا الحيين على ذمة ريااال ومابقى شي على عرسي غير شهر ...وصلت بييت قووم خوولة وقلت لهاا اني عند الباااب ركبت خولة السيارة: هااي علاية: هايااات..جان ماييتي خولة معصبة: هاا رييلج اونه ويين راايحيين وشو تسوون هناااك...ولييش ترووحوون دبي عندنا اسواق ف الشاارجة عليا: هههههههه يستعبط علييج اصلا انا استاذنت منه خوله: يقهرر عليا: وايد عطييتج وييه لا تغلطييين على رييلي فدييت رووحه زحمة بالقو حتى اني وصلت هنااك 11 وربع ..تريقنا ف ستاار بوكس وبديينا الشوبينج ..خذت لي نعوول وشنط وبيجامات وبدل واكسسريز..وسوع ماااركة.. علاية: خولة ملييت من المكان خولة: شو قصدج يعنيي علاية: بنكمل الشوبينج ف سيتي دبيي خولة: اوكييه ورحنا سيتي دبي وخذت لي المااساات وفصلت لي 8 عبي طقم واسكاارفاات و4 نظاارات مااركة ومكيااج وعطوور..ومن هالخربطييشن لوول... خولة: آآه تعبت شو ماخلصتي.. عليا:مشكلتج والله انا ماتعبت انا حاالفة اخلص كل شي اليوووم...الحين بنرووح اليشمك بغييت ااخذ لي جلابيااات خولة: مينون اللي يدش وياج السوق ههههه حليلها خولة تعبتها وياية...بعد ما دشييت اليشمك دشييت كم محل بس ما عيبني شيي ..احس ان في اشياء ناقصتني بكملها بااجر ف صحاارى....انتبهت لسااعتي وكانت الساعة 11 ونص ....تاخرت وااااايد....تعشيينا انا وخولة ف جييليز ووصلتها بيييتهم..وردييت انا بييتنا قبل العرس بيوووم رحت الصااالوون عسب اتحنى...وسوويت كم شي وسوويت بديكير ومنكير وكنت افكر اصبغ شعري بس قلت بعد العرس احسسن..وبعد ما خلصت من الصالوون..رحت اتحووط شوي .....آآه تولهت على رااشد خصوصا اني كملت 3 اسابييع مب شايفتنه ولا مكلمتنه ..هااي نصاايح امي عسب يتوله عليه ويحس ان شكلي تغيير وصلت البييت الساعة 9 ونص..تعشييت ويلست ويا هليي شوي حماني: وين بتساافروون عليا عليا: قلت حق رااشد ناجل السفرة شوي.. حمااني: لييش عليا: تونا يايين من لندن وانتو تعرفووني ماقدر اصبر عن امي ام حمدان: فدييتج والله حماني:يعني ما بتروحون مكاان موول علاية: بنرووح فندق شاطئ العقة صوب الفجييرة حماني: زيين الله يهنيكم ان شاءالله اليووم الثااااني نشيييت الساعة 12 ..تغسلت وتسبحت..لبست بنطلوون جينز وبدي اخضر...والساعة 5 يتني حرمة الصالوون..مكيجتني وسووت لي تسريييحة..وخلصت ع الساعة 8 الا ربع..طالعت عمري بالمنظرة الصراااحة شكلي متغيير واايد ...ولبست عباتي وشيلتي ورحت الفندق...الساعة 9 ونص لبست فستاااني..كاان كت وعاااري وفستاااني طويييل بس الصراااحة خبااال .. امي وهي تعطيني مسكتي:يلا علااية عسب تتصوريين علاية :ان شاءالله بعد ما خلصت التصوويير دشوا فطاامي وخوولة خولة: تهبلييين عليووو فطاامي: حلييله رااشد بيتخبل كنت مستحيية ماعرفت شو ارد علييييهم: ثانكس عنونكم الاحلى خولة: شو هالفستااان الحلو علاية: طبعاا حلو مب من تصميمي لازم حلو خولة: اوو بدت تخق ..اكرهج يوم تخقيين فطاامي: خلييييها تخق منو قدهااا الييووم علااية: تصوروا وياااية خولة: مب الحيين بنتصور ع الكووشة فطامي: ع فكرة علااية كووشتج الكل متخبل علييه برع.. خولة: احلى مافييه ان لوونه احمر الساعة 10 ونص خولة: يلا علااية بتظهريين الحيين من ظهرت بدوا يسكروون الليتااات وظهرت على اغنية البدر وطبعاا الطرحة طويلة خولة وفطاامي كانوا ماسكيينها من وراا وصلت عند الكووشة وفتحوا الليتاات...صورووني كم صوورة وبعدها يلست وبدوا الاهل يتصووروون وياااية..بس استغربت من خولة يوم قالت لي ان عبير مب حااظرة العرس..احسسن شي سوته انها مايت عشان مايخترب عرسيي وفرحتيي...شوي ويتني اختييه الرييم وخولة اول شي تصورت وياااية خوولة خولة: ألــــــــــف مبــــــروك علاية مستحية: الله يبارك فييج..وقلت لها بصوت وااطي:عقبالج ويا بعض النااس خولة: اييه جب عن ريموو تسمعنا تصورت ويا الريم وقلت لها:قولي حق ريلج ما يدش ويا رااشد الريم: ليش ان شاءالله علاية: مابا اتغطى لا تستغربوون اني قلت لها هالكلام في الوييه..بس جااسم مثل اخووية ومتعوودة علييه الساعة 12 ونص قالوا بيدخلوون رااشد ياربي مستحيية لوبايدي جان ردييت بيتنا ههههه ..فدييت رااشد تولهت علييه شوي ودش رااشد وياه عمي بو راشد وعمي سيف واخوااني وابووية..قلبي كاان يدق بالقو ..اول ما وصلوا عندي بااسني رااشد بين عيووني..استغربت يوم بااسني على خدي شوي ويو عمامي يسلموون علييه واخوااني..وابووية بااس رااسي وبااركلي فديت روحه..شوي وكلهم ظهرواا يتنا امي تصورت ويانااا ....وبدوا الناس يظهروون ومابقى حد غير اختي وامي وخولة ومرت عمي ويدتي..ماقدرت ايوود عمري يوم شفت امي تصيييييح....صحت ويااها وحظنتها بالقووو.. .................................................. ... وصلنا فندق شاطئ عقة فصخت فستااني وسااعدني رااشد..لبست بيجاامتي وكنت ياالسة ع الشبريية ياا راشد ويلس عداالي..نشييت من مكااني على طوول حسييته مستغرب من حركااتي وفجاة نقع من الضحك:ههههههههههههههه شو فيييييج عليا تلبس عباااتها: ابا ماما راشد:ههههههههههههههههههههههه دخيلج عليا هههههههههههههههه لا تفضحينا عليا تصيح: ابا ماماا راشد: ان شاءالله بودييج عند ماما عليا: لا تقص عليييه راشد: حبيبي شو اودييج عند ماااماا عليا: هييه ودني عند مااما راشد: ماتبيني عليا:لاماباااك راشد: لييييش عليا: برد الشارجة بغييت ارقد ف حجرتي راشد: افاا مابغييتي ترقديين ف حظن حبيبج حسيييت ويهي احمررر ..توني استوعبت اللي كنت اقووله صج يااهل...فدييتج يا امي يااا رااشد ولواا علييه طوط طوط طوط انقطع الارسااال لوول .................................................. ................... نشييت الصبح..الساعة 10 ..تغسلت وخذت لي شوور..لبست فستاان بسيط لوون اخضر وفييه حزام بلون ذهبي ..وكاان بدون اكمام...ورحت اوعيي راااشد علاية: صباح الخير راشد: صباح الورد عمري..الساعة كم الحين علاية:11 راشد: يلا بنش اسبح واتلبس وبنرووح نتريق تحت دش راشد الحمام وكلمت امي اطمنها عليينا...ظهر رااشد من الحماام وتلبس علاية: حبيبي خل اييبوون الريووق فووق راشد: هييه احسن عسب ناخذ رااحتنا اتصل رااشد وقالهم اييبون لنا الريووق...بعد ما تريقنا ..رحت ايلس في البلكووونة شوي واسمع راشد يصاارخ: عليوو عليا بخوف: هاا راشد: هههههههههه اشفيج عليا: لا ماشي راشد يبوس ايديها: احبج واايد عليا مستحييييية راشد: بتميين وياية دووم؟ علاية: هييييييه .................................... ع العصر نزلنا تحت في الفندق.....وتحوطنااا ليين الفليل الساعة 9 تعشيينا ورديينا الفندق بعد ما كملنا اسبووعيين رديينا الشارجة....الصراحة راشد ما قصر وياية بشي ..ردييت الشاارجة وانا مستااانسة.......رحت بيتنا وسلمت علييهم وبعدهاا رحت بيت عمي (بو رااشد) سلمت علييهم ويلست شوي ويا خوولة....وقبل الغدا بسااعة دشييت قسمي ..ودشيت حجرتي عقيييييت عمري ع الشبرية شوي كنت تعبااانة...ما حسسسسييت بعمري رقدت من التعب نشييت على اذان صلاة العصر..تغسلت وتوضييت وصلييت...دورت على راشد ف القسم وما حصلته ..سالت عنه ومحد جاافة دقييت علييه مرة ومرتييين ومارد علييه طرشت له مسسج "وينك حبيبي" عقيت تلفووني ع الشبريية وفجيييت اللاب تمييت اقرا قصص ليين المغرب.. رحت صووب تلفووني ما حصلت اي شي من رااشد لا مكالمة ولا مسج اتصلت فيه مارد عليييييه يااربييي هذااا ويييين راااح...رحت عند خوولة وخبرتها ان ما يرد علييه خولة: انا اقدر اعرف لج رااشد ويينه الحيين علاية: ويينه خولة :اتريي بدق حق عبير استغربت عبيير شو يخصها بالموضووع..ترييت لين تصكه عنهااا خولة: عبير ترمس ربيع رااشد اللي دووم وياااه..دقي ع ربيعه شوفي يمكن يكوون ويااه علاية: لااا شو ادق علييييه هبلة انتي فشلة خولة: الصراحة انا اخاف على اخووية اذا انتي ما دقييتي انا بدق له علاية: عطيني الرقم عطتني خولة الرقم وسجلت بفووني علاية: شو اسم ربيعه خولة: اسمه خالد دشييت قسمي ودقيت على رقمة وكنت خاايفة ..بس مارد علييه رن تلفووني "القلب" فدييته رااشد ردييت علييه راشد محرج: انتي هبلة ولا تستهبلييين كيف تدقيين على ربيعي علاية:....... راشد:لييييييييش تتصلين علاية تصيح: خفت علييييك طوط طوط طوط صكه بوويهيي ..دقيت له مرة ثاانية راشد: ان دقييتي لي مرة ثانية بيكون ها اخر يوم بيني وبيينج وصكه بويهي مرة ثاانية فرييت تلفوووني بالقوو وانكسر تمييييت اصيييييح بقهههر ..انتبهت للساعة كانت السااعة 1 ونص ورااشد ما رد البييييت سمعت صوت الباب ودش رااشد وشعره مغطي ويهه وحاط سفرته ع جتفه تقرب مني ردييييت على وراا وانا خاايفة ما حسييييت بعمري الا يوم عقني ع الارض راشد يصاارخ: شو اللي سوييييتيه انتي ما تستحيين تتصلين ف ربيعي عليا تصيح:.................. راشد: من وين يبتي الرقم.. عليا:......... راشد:وين مرقمنج ومن متى تعرفييه عليا تصيح: والله مااعرفه راشد: عمري ما توقعت منج هالشي عليا تصيح وتصاارخ: انا كنت خاايفة عليييييك من الصبح ادق لك وماترد علييه ع الاقل طرش لي مسج طمني فييها علييك راشد: كنت مشغوول عليا: ويين كنت راشد: مااا يخصج علاية:انا اكرهك رااشد : اناا بعد تصدقيين انتهى البااارت .gif) | |
| |
|
12-02-2012, 04:38 PM
| #15 (permalink) | |
|
عضو مجتهد
| رد: آحبك لين تنزلني ايادي الناس في قبري..احبك لين يغمرني تراب القبر وغباره آلجزء التاسع لا تصيف وانته مزعلني راضني من قبل ما تصيف يا غناتي ليش جارحني وانته تدري قلبي رهيف ظهر رااشد من عندي وهو معصب ......شوي ويتني خوولة خولة : اييه علااية شفيييج علاية تصيح: خولة اناا تعباانة خولة: عليا ليش تصييحيين علاية:........ خولة بخووف:لا يكوون رااشد صاار له شي عليا تصاارخ: اخووج بيذبحني خوولة بيذبحني ..اكرهه خووولة اكرهه ما كنت حاااسة بالكلام اللي كنت اقوولة ..بس كنت كارهه راااشد.. عليا: احس اني مب قاادرة اتنفس خوولة: دخيلج عليا نشي بودييج المستشفى عليا:........ خولة: يلا عليا عليا :مابا خولة: قوومي بنظهر نتحوط ..بغيت اكلمج بعيد عن البيت..مع ان لو حد درى اني ظهرت هالوقت يا وييلي عليا: هه لا عادي انا وحدة معرسة محد بيقول شي خولة: زين اتصلي ف راشد وقولي له انج بتظهرين وياي عليا تصيح: لا تيبين لي طااريه دخييلج خولة خولة: اوكي اوكي بس لا تصيحييين لبست عبااتي وشيلتي وظهرنا بسيارة خوولة خبرت خوولة بكل شي استوا بيني وبين راشد خولة : كله مني انااا ..انا السبب باللي صاار لج علاية:لا خولة لا تقوليين هالكلام اخووج السبب بكل اللي صاار...يعني ماقدر يطرش لي مسج يطمني علييه.. خولة: هو ما قال لج ويين كاان علاية: قال لي ما يخصج خولة:ما علييه هو معصب يعني وين بيروح غير ويا ربعه علاية: من الظهر ليين 1 مادري 2 وياا ربعه..اكيد ويا وحدة من اللي كان يرمسهم قبل خولة: مستحيييل رااشد يخوونج نص سااعة وردييينا البييت..وقبل لا ادش قسمي خولة: عليا دخيلج لا تعبيين عمرج.. عليا: ان شاءالله دشييت حجرتي لبست بيجامتي وعقيت عمري ع الشبريية بس ما ياااني رقااد..بغييت اجوف اميي تولهت علييها فديييتهااا..ياااريتني ماخذت رااشد..ياريتني لوكنت ف بيت ابووية مدلعة السااعة 1 ونص الظهر ودي يمر اسبوع من غير زعل ودموع ونعيش مثل الناس اهدى شعور واحساس دشت علييه خوولة بدفاااشة: افف شوو هاا علاية: شو فييييج خولة: ترا قوم عموو وعبير تحت علاية: وقوم امي؟ خولة: كلهم يايين الا بييتكم علاية: اهاا خولة: يلا تلبسي وانزلي تحت علاية: مالي مزااج انزل لهم خولة: لا تحسسينهم بشي علاية: راشد ما رد البيت خولة: بصراحة علاية: شو خولة: رااشد تحت ياالس ويااهم وهو اللي قال لي ازقرج علااية: فدييييت رووحه خولة: هههههههه البارحة تكرهيينه واليوم تتفديينة ماعرفنا لج بصرااحة عليا: بغيتي الصدق مب بس رااشد غلطاان انا بعد غلطاانة لو شو ما يستوي عيب عليه ادق على ربيعة..اصلا ربيعة شو بيقول عني الحيين.. خولة: يعني افهم من كلامج انج بتراضينه عليا: لا طبعا هو اللي لازم يراضيني خولة: زين يلا تلبسي وانزلي..حطي لج مييك اب لان وييهج محمر ومبين انج صاايحة(وظهرت) لبست تنوورة جينز وبدي بيييج ..حطييت لي مييك اب وفتحت شعري وحطييت هالشباصات الصغاار من جداام بدييت انزل من ع الدري..وف نص الدري انصدمت من عبيير اللي كانت لابسة عبااتها وحاطة شيلتها ع جتفها ومتكششخة اخر كششخة وتسولف وياا رااشد..حسييت اني بصييح..راشد لي انا وبسس سلمت علييهم ودشوا العياايز الميلس وتمينا انا ورااشد وجااسم وعبير وخوولة..شوي ودش عليينا اخووية سلطان حسييت برااحة اخيرا جفت حد من اخواااني.. شوي ونش رااشد: علاااية انا بروح سيتي دبي عبير: ليش تقولها انته رياال والمفروض تظهر بدون لا تخبرهااا شو ياهل انته تستاذن منهاا راشد يطالعني بنظرة ويرمس عبير: علمييها انقهرت من كلااامهااا هي اصلا لييش تتدخل هو رمسني انا ولا رمسها ظهر رااشد..وزقروونا عسب نتغدى كلهم سااروا وتميينا انا وسلطان في الصالة واول ما نشييت من مكاني سلطان: عليا صدييت صووبه: ها سلطان: شي مستوي بينج وبين راشد عليا: لا شوبيستوي يعني سلطان: كلام عبير ضايقج عليا: لا عادي سلطان انا تعودت علييها.. هني غصب عني نزلت دمعتي..ومسحتها على طوول عليا: يلا سلطاان عسب نتغدى.. بعد ما تغدييينا..تيمعنا ف الصالة كانوا يخلصون من موضوع ويدشوون بمووضووع ثااني.وانا ف عاالمي الخاااص.....استاذنت منهم ودشيييت حجرتي حسييت اني اباا ارقد...لبست بيجااامتي ورقدت من التعب .................................................. ....... نشييت على صوت راشد اللي كان يرمس ف الفوون ...انتبهت للساعة 11 الفليل نشييت من مكااني ورحت اتغسل..ظهرت من الحمام ..حصلت رااشد ع الشبرية شكله يبا يرقد..طنشته ورحت اعدل شعري.....شلييت لاابي ورحت ايلس ف البلكوونة وشغلت اغنية حمد العامري"ذكرى سنيني" انا مقوى على هجرك ذبحني بعدك وفرقاك ماادري لييش دمعت على هالمقطع..غطييت ويهي بايدي..مسحت دمعتي..وشلييت لاابي ودشييت دااخل جفت رااشد رااقد ..فديته كيووت بيبي وهو رااقد..نوم العواافي ياارب السااعة 1 ملييييييت وحااولت اني ارقد..انتبهت على رااشد اللي كان يزقرني صدييت صووبه وكاان رااقد..لوول شكله يحلم فييه .................................................. ............................. نشيييييت الساعة 3 الفيير على صووت بووسة ع خدي فتحت عيووني حسييت به استحى ...حاولت ارقد مرة ثااانية بس ما يااني رقااد......تغسلت وخذت لي شوور.....ظهرت من الحمام"عزكم الله" شفت رااشد يجوف التيفي راشد: سوري ازعجتج عليا بابتسامة: لا عاادي راشد: عليا ممكن ارمسج عليا: عن؟ راشد: عن اللي صاار البااارحة عليا: تكلم راشد ييلس عدالي: انا البارحة غلطت يوم اني ما رديت ع المسجاات صح بس مب معنااتة تروحين تتصلين ف ربعي..ويااريت لو كاان زيين ها اخيس وااحد من ربعي..والله يوم اتصلتي فييه عطااني تلفوونه قال لي تعرف هالرقم..انا يوم شفته ما صدقت حسييت اني احلم ..قلت معقولة عليا تخوني...عسب جي تنرفزت وعصبت علييج..و ع فكرة يوم عرف انج حرمتي قال هاي حرمتك لعاابة وخواانة ..تضااربت ويااه..حتى رقمه مسحته من الفون عليا: سووري سويت لك مشاكل ويا ربعك راشد:عليا انا كنت خاايف ان ينشر رقمج ولا يسوي شي.. عليا:راشد انا خفت عليييييك راشد:فدييتج حبيبي ..تحبيني؟ هالوقت رن تلفووني على اغنية عبدالمجيد عبدالله خلص حنانك مابقى الا قسوتك راشد:هههههههههههههههه شو تقصدين من هالرنة حسييت ويهي احترق: هاا مااشي راشد: زين منو متصل بج الحييين؟ علاية: ها اخووية حمداان صج متفييج وماشي شغل راشد: خل يولي لا ترديين علييه .................................................. ............................................ الساعة 7 ونص الفيير رااح رااشد الشركة..تذكرت ان حمدان متصل الباارحة وماردييت علييه...دقيييييت له حمدان:صباح الخيير علاية:صباح الورد حمدان: اشحالج علاية: الحمدلله حمدان: وينج البارحة دقييت علييييج ومارديتي عليه علاية:لا والله حد يدق للناس 3 ونص الفير!!! حمدان: بس جي بغييت اسولف ويااج علاية:والله انك متفيج.. حمدان:المهم الحييين انا برقد يلا باي علاية: بعض الناس مستوي خفاش ترقد الصبح وتنش الفليل .. حمدان: كيفي باي علاية:هه باي والله يضحكني ..مادري متى بيعقل مع ان اكبر اخوااني... .................................................. ...................... ع السااعة 11 ونص تلبسنا انا وخوولة عسب نرووح الصاالون وبنصبغ شعوورنا وصلنا الصالوون خولة: اي لون بتصبغيين علاية: ماادري خولة: اصبغي لون بني وفيه خصل باللون الاشقر..راشد يحب هاللون علاية: اوكييه بعد ما خلصنا رديينا البيت...خذت لي شوور ورحت صوب المنظرة الصررااحة اللون واايد حلو علييه خصوصا اني بيضة...تلبست وكششخت آخر كشخة...... ............................................ ع الساعة 2 رد رااشد من الدوااام راشد: شو هالكششخة...متى صبغتي شعرج؟ علاية: اليوم انا وخولة رحنا الصالون راشد:هييه علاية: شو راايك راشد:بصرااحة اللون رووعة علييييج..اصلا انتي برووحج حلوة علاية مستحية: ثاانكس حووبي عيوونك الاحلى راشد: يلا حبيبي انا باخذ لي شور وبننزل تحت عسب نتغدى علاية: انزين انا برووح بتغدى بييت ابووية..تولهت على امي راشد يحظنها: لا مااشي طلعة اليوم...متوله علييييج من خااطري..بنتغدى وبنرووح فيستيفال سيتي علاية: اوكييه حياااتي .................................................. ............................. بعد ما رحنا الفيستيفاال سيتي.......رحنا السينما وتعشييناا ..انتبهت على سااعتي كاانت 12 علااية: حبيبي يلا نرد البييت...انته ورااك دواام...وانا تعباانة راشد: ان شاءالله عمري وصلناا البييت ودشيينا حجرتنا بعد ما بدلت ملااابسي ..رن تلفووني "المزعج" راشد: منو متصل فييج علاية:ها حمدان راشد: وها ما يتصل الا وقت الرقاد علاية:هههه خل يولي ما برد علييييه .................................................. ................... نشيييييت على صووت تلفووني وشفت حمداان متصل فييه لكني طنشته ..اتصل لي مرة ومرتيين و3 ..وحطييته ساايلنت نشييت الساعة 8 ..ما حصلت رااشد اكيد رااح الدواام تغسلت وخذت لي شوور...تلفووني رن"المزعج" اففف طفرني هذا رديت عليه: هلا حمدان:عليا حسييييييت ان صووته متغير كان في شي حمدان: تراا امي وحمااني سوو حاادث واتوفو نهاااااااااااااية الباااااارت | |
| |
|
12-02-2012, 04:43 PM
| #16 (permalink) | |
|
عضو مجتهد
| رد: آحبك لين تنزلني ايادي الناس في قبري..احبك لين يغمرني تراب القبر وغباره اذا تبوووووون تعرفووون شو الي بيصير ترااااني بنزل البااااارت الساعه 10 ولا 9 انشاءالله لاني ما اباااكم تتريوون احس فييييييييييكم كيف يوووم تتحمسووون انا احين بسير اذاكر وعقب بحط البارت يلا سي يو حبااايبي | |
| |
|
12-02-2012, 09:11 PM
| #20 (permalink) | |
|
عضو مجتهد
| رد: آحبك لين تنزلني ايادي الناس في قبري..احبك لين يغمرني تراب القبر وغباره آلجزء العآشر من سمعت الخبر...رحت صوب بييت ابوووية دشيييت البييت شفت حمداان يالس في الصالة ومغطي ويهه بايدة..وصااك الليتاات..البييت وايد كئيب رحت صووبه :حمداان دخييلك قولي الصدق حمدان يصاارخ: امي وحمااني توفوا ليش مب قاادرة تصدقيييين بدت دمووعي تنزل وصرخت علييه: مستحيييل امي تخلييني اصلا كييف تخلييني انا متولهه علييها من الباارحة.. ..كنت بمووت واشووفها والحييين تقولي توفت .... حمدان يصيح: دخييلج عليا اسكتي يلسست اصييح مب مستووعبة اللي صاار .....ياا حمدان ولوا علييه حمدان: لا تصييحيين .................................................. ............. بعد مرور 3 ايام من العزاا ... كنت ياالسة ف حجرتي ...لاا شعوورياا رحت حجرة امي ..شفت عبود يلوون..حلييله ما يدري عن شيي تمييت وااقفة اطاالعة كووبي بيست من امي الله يرحمهاا..شفته انتبه لي ابتسمت له..ورحت ايلس عداالة عباادي: عليا علاية: ها حبيبي عباادي: وين ماما وحماني علاية: سافروا عبادي: عليا اتصلي في ماما قولي لها ترد بسرعة ..انا ماعرف اسوي الواجب برووحي.عليا بعد قولي لها عبادي ما بيصيح يوم بتوديينه المدرسة يوم قال لي هالكلاام غصب عني صحت وحظنته بالقوو عبود يطالعني مستغرب: ليش تصيحين راشد ضربج صرخت علييه: ماصييح رحت حجرتي وعقييت عمري ع الشبريية تمييت اصييح .. نشييت من مكااني ورحت اتوضا وصلييت العصر...... رقدت لي شوي ليين المغرب يمكن اقدر انسى اللي استواا .................................................. ............... نشييت على صووت فرييم (برواز) انكسر نشييت من مكااني وشفت الصوورة..كانت صورتي انا ويا حمااني(الله يرحمه) دمووعي نزلت ...هو الوحييد اللي كاان يفهمني....حظنت الصوورة بالقووو تذكرت خولة كيف كانت تصييح ف العزا وصحت اكثر قطعت قلووبنا تغسلت وتوضيت وشلييت المصحف وتمييت اقراا ليين اذن المغرب ..صلييت.. رحت حجرة حمااني جفت سفرته معلقة شلييتها وحظنتهااااا ..شوي ودش علييه سلطان وحظني سلطان: دخييلج عليا لا تصييحيين..قومي كلي لج شي ...انتي من كم يوم مب ماكلة شي صرخت علييه: ماابغي شيي ابغي امي ابغي حمااني نشييت من مكااني ورحت حجرتي صكييت الباب بالقو رن تلفووني"القلب" ردييت عليييه: هلا راشد: اهليين..اشحالج علاية قلت ف خااطري زفت وردييت علييه الحمدلله راشد: شو تسويين عليا: ماسوي شي راشد: ما تبيين ترديين البييت عليا: خلني ارتااح هني كم يووم راشد: برااحتج والله انا مابغصبج..بس خاايف علييج لو تمييتي هني كل شوي بتتذكرين اللي صاار عليا: لا عادي خلني شووي بس راشد: انزين عمري تييك كيير ناو على رووحج ..بس بغيت اطمن عليييج عليا: يوو توو راشد: باي عليا: راشد راشد:هلا عليا: لا تخلييني رااشد راشد: مستحييل اخلييج..حد يستغنى رووحه عليا: ........... راشد: يلا حبيبي باي عليا: باي صكييت من عنده وانا مرتااحة شوي......نزلت تحت وشفت حمداان وشكله سرحاان علاية بابتسامة: في منو تفكر حمدان:افكر بكلام حمااني الله يرحمه قبل لا يتوفى باسبووع كاان ينصحني يقوولي عييب اللي تسوييه ف بنات الناس..هم مب لعبة بايدك علاية: صح كلاامه حمداان: حليله حمااني هو اصغر مني لكنه اعقل مني وحنوون علييكم واايد ..ويوم كنتو تغلطوون هو اللي كاان ينصحكم وانا ماتفااهم على طوول اصاارخ ....وما كاان عنده هالخراابيط ويوم كاان ينصحني كنت اقوله مشكله اليهاال يوم ينصحوون نزلت دمعتي : الله يرحمه,,والله كل ماصار شي بيني وبين رااشد فترة الملجة كان يراضيينا حمداان: انا بظهر مسحت دمووعي: ويين راايح حمدان: بغيتي الصدق انا كل ما شفتج تذكرت حمااني وكل ما شفت عبوود تذكرت امي ...بظهر من البييت برووح بييت عمي(بو جاسم) ظهر حمداان من البييت ....وتمييت ياالسة ف الصالة شوي ودشت علييه الرييم الريم: السلام علييكم عليا: وعلييكم السلام رحت سلمت علييها وحظنتها بالقوو تميينا ياالسيين ويااا بعض ليين 11 الفليل الريم:عليا بطلب منج طلب علاية: اامري الريم:انتي من بعد اللي استوا ما كلتي شي..قومي خليينا نتعشى عليا: مااابا الريم: افاا تردييني عليا: اممم اوكييه من وين نطلب الريم: الحيين سلطوون بييب لنا عشاا عليا:هو اللي قاال لج اني ماتغدى ولا اتعشى صح الريم: امم هيه حليله كاان خاايف علييج شوي ودش عليينا سلطاان وكان يايب لنا من ماكدونالدز الريم: شو ماخذ سلطان: ماك جيكين عليا: يوعاانة بالقو سلطاان يطاالعني بنظرة:بعض الناس قالوا ما نبا ناكل شي سحبت كيس الاكل من ايد سلطان: انا ماقلت شيطااني قاال سلطاان: هييه شيطاانج يباله ظرب حسييت ان اخوااني يسوون اي شي بس عسب استانس الله يخلييهم لي يااارب بعد ما تعشيينا الريم: علياا انا برد البييت...ما بترديين وياية عليا: لا بتم هني ويا سلطان وحمدان ولا تنسيين عبوود يااهل ولاازم اهتم فييه الريم: عليا ترااج واايد هملتي رااشد عليا: غصب عني لازم ايلس ويااهم ولا تنسيين ان لازم نحسس ابوية ان نحن ويااه مافيينا يرووح ياخذ وحدة الريم: شو يااخذ وحدة؟ ياويلها اللي بتدش هالبييت من بعد اميي الله يرحمها السااعة 1 راحت الريم البييت ورحت انا حجرتي وطرشت حق رااشد مسج كتبت فييه "سوري رااشد انا ادري اني مقصرة ويااك بهالفترة بس قدر ظرووفي لازم ايلس ويا ابوية واخواااني,," رد عليه" لا تقولين هالرمسة حبيبي والله انتي ما قصرتي وياية كل اللي بغييته عطيتيني ..وياما تحملتييني..فدييت رووحج انا مابغيت اسمع منج هالكلام مرة ثاانية..والله يا عليا ان الكل يحسدني علييج" .................................................. .................................................. ......... ع السااعة 2 الفيير ..رحت حجرة حمداان وشفت عبوود يطالع ام بي سي 3 علاية: عبوود قوم ارقد عبادي: مابا حمدان: ماعلييه خلييه اليوم برقده عنديي .................................................. ............................... بعـد مرور شهر بعدني كنت ارقد ف بييت ابووية وكنت واايد مهتمه لاخوااني بس ابووية ما كنت اشوفه الا ف الاسبووع مرة وكنت اسمع ان يرقد برع البييت ..ماهتميت للموضوع واايد لان حتى على حيااة امي كان يرقد برع البيت...واذا رقد في البيت يرد لنا الفير .....اللي قااهرني وفااة امي ما اثر فييه ..صدق زعل شوي على حمااني..لكني ماحسيته تاثر نفس ماتاثرنا نحن بس الحمدلله نفسيتي ونفسية اخوااني واايد احسسن من قبل... قبل اسبووع فكرت اني ارد بييت قووم رااشد وفعلا شلييت اغرااضي ورحت تمييت يوميين وماقدرت اتحمل اجووف خوولة تصييح على حماني ...ومن اجووفها تصيح ماقدر ايوود عمري واصيح ويااها......وردييت بيتنا مرة ثااانية ظهرت من حجرتي وانا نازلة من الدري تمييت اغني اغنية علي بحر باجر تمر القبر تلقى ترابي تلقى معاه حبك فالحشا باقي حبك ورد ياما رويته بدمعي رويته بالاهات وبحسرتي ينعي تكفى ترحم لي وعليه لا تبجي عيش بسعادة دوم وبظل لك ادعي وصلت عند نص الدري وانا اطاالع من فووق ابوية دااش البييت ومعااه وحدة عمرها مابين 36_38 ووحدة صغيرة عمرها مابين 17_19 استغربت منو هاييييييل كملت ونزلت تحت تمييت اطاالعهم من بعييد انتبه لي ابووية: اشفيج عليا عليا: منو هاييل ابوي ابوية: حرمتي واختج!! انتهى الباارت | |
| |
 | |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
المواضيع المتشابهه |
|---|
| الموضوع | كاتب الموضوع | المنتدى | مشاركات | آخر مشاركة |
|---|---|---|---|---|
| انتفض قلبي بغزال منصوري ( قصه في قمه الروعه ) | طيرة الفجر | قسم الروايات والقصص الطويلة | 36 | 14-02-2009 11:28 AM |
| kkkhmn | الــــــكتبي | قسم الروايات والقصص الطويلة | 3 | 05-06-2008 04:32 PM |
| عندما قالت أحبك | حافظ المزروعي | قسم الشعر النبطي والفصيح | 25 | 15-01-2008 05:02 AM |
| !i \\ شو تقول للي في بالك ..!\\ i! | .. آمـ مسلّمـ .. | المواضيع المكررة | 1012 | 10-12-2007 07:42 PM |
| 000 | الــــــكتبي | المواضيع المكررة | 0 | 07-08-2007 12:41 AM |
