23-02-2012, 04:54 AM
| ||||||||||||
| ||||||||||||
 ترى مدري المحبه بس تعلمت الهوى لجلك >> اول روايه لي .. واقعيه السلام عليكم .. هذي أول روايه اكتبها .. وراح انزلها بين فتره وفتررررره .. وهي قصة يرويها لي شخص مقرررب مني .. عنوان القصة : بكيت بيوم فرقاها تقل بين الحنايآ نآر وكني فاقد الدنيا ولاني قادر اتصبر القصه عن : شخض كآن يسمع بالـ حب ولا يعرف معنآه و و و و ...... فـ صار يحب ويترك ثم يحب ويندم ثم يحب وينصدم ثم يحب ويترك ثم يحب وينخان ثم يحب وينخان ثم يحب وينصدم وهكذا .. لين وصل للـ حب الأخير .. الشخصيات : عَ ـبدالله >> بطل الـ قصه . (( طبعا مو انا لا يروح بالكم لي )) عَ ـوّآش >> الـ حَ ـبيبه. فَ ـآلح >> صديق عبدالله المقرب . ماجد >> عم عبدالله . ملآك >> أول إنسان في حياة عبدالله . لطوف + عواش + ساره 1 + ساره 2 + نهى و و و و إلخ >> كل هذولا علاقات راح نتعرف عليها بالقصه ........................................ وترى هذي اول مره اكتب عن روايه واقعيه اذا اخطيت او شي نبهوني ^^ .      |
|
23-02-2012, 05:52 AM
| #2 (permalink) | |
|
عضو مبدع 
 | رد: ترى مدري المحبه بس تعلمت الهوى لجلك >> اول روايه لي .. واقعيه عبدالله في صف 2 ثانوي ويحب المنتديات وكان يلعب في نادي سعودي قآم عبدالله من الـ نوم السآعه 6 ونص كالعاده وجهّز نفسه عشان يروح المدرسه الثانويه (( طبعا ما يحتاج يجهز نفسه اللهم يغسل وجهه ويلبس الثوب )) أكل سندويش البيض مع الشاي واتصل على خويي فالح عشان يروحون المدرسه لان عبدالله ما كان يعرف يسوق سياره اصلا كان عنده عقده لانه اول ماراح يتعلم السواقه صدم في شاحنة حق إسمنت .. (( ما يتنازل يصدم سيارات صغار هههه .. )) رآحو المدرسه .. حضر الطابور انتهى الطابور دخلو الفصول وكالعاده نام عبدالله في الفصل جات الحصه الاولى والثانيه والثانيه ومازال ما سك الطبلون حق النوم هع .. وفجأه قآم .. أكيد عشان الفسحه .. وهو يتمشى في ساحة المدرسه سمع الناس .. اللي يقول حبيبتي خانتني واللي يقول حبيبتي ماتت واللي يقول حبيبتي مريضه يا خوفي عليها و و و و و طبعا الناس في الثانويه يعني فترة مراهقه فـ عبدالله يقول في نفسه : ياخي وش هالحب اللي شاغليني فيه ماغير يتكلمون عنه وابلشوني فيه انتهت الفسحه .. وجت افضل حصه عند عبدالله وهي البلاغه والنقد .. مو عشان العلم لا لا لا عشان مدرس البلاغه اولا ما يشرح زين ثانيا ما يشرح كثير ثالثا والأهم انه اذا شرح يدخل في مواضيع مال ام ام امها دخل في الدراسه يعني مثلا اللحين فيه موضوع عن الشعر يبدا بالشرح وبعد خمس دقايق تلقاه يتكلم عن الطب والولاده والسيارات والهوشات .. فأضحك عليه .................... عبدالله : فالح يا فالح فالح : ياخي فكنا خلنا نسمع للشرح منت نافعني وقت الاختبار عبدالله : اقول إلبخ تراك أددبي بتتخرج وبتقعد في البيت ولا انت لاقي وظايف زي الناس وبعدين وش هالاستاذ اللي يسولف عن مواضيع مالها دخل بالدراسه اللحين عندنا موضوع عن الادب الحديث وجالس يشرح عن مكونات الطائرات واللي اخترعوها فالح : مالك شغل خلني ادرس وبس المدرررس : ياخي انتوا الاثنين ما تسكتون ؟ ياخي والله اللي علمكم الكلام انه متحسف اللحين انه علمكم . الطلاب : هههههههههههههههههههههههه فالح : يا استاذ انا مالي شغل هذا ازعجني عبدالله : طيب يا فالح هيّن .. تررررررررررررررن ترررررررررررررن لا لا لا لا لا هذا مو جوال .. هذا الجرس رن .. هع عبدالله : هاه فالح وين تبينا نتغدا هالمره .. فالح : والله كيفك اي شي عادي انا مو جوعان ولا اقولك خل نتغدا عند سعد عبدالله : لا واللي يرحم امك فكنا منه هالبلشه فالح : اجل وين انتغدا ؟؟؟ عبدالله : اي مكان فالح : مشينا انا اعلمك وين .. وبعد الغداء .. فالح : هاه شرايك بالمطعم ؟ عبدالله : مثل خشتك يا الطعس مشينا فالح : وين وين بروح انام (( يحب النوم )) عبدالله : اجل سقها .. الظهررررررر .. في هالوقت يكون فالح نائم .. اما عبدالله فيدخل المنتديات والمواقع ويقرا عن هالحب اللي شاغل الناس ومع الايام والشهور بدا عبدالله يحس بشي غريب في نفسه فيشكي لـ فالح .. عبدالله : فالح فالح فالح فالح : هاه ياخي وش تبي ؟ عبدالله : ما ادري بس احس يشي في داخلي ما ادري وشهو بالتحديد لكن اللي اعرفه انه مدري كيف غريب فالح : ام الشرح اللي عليك عبدالله : لا جد والله .. فالح : ما ادري بس حسب خبرتي انه فرآغ عاطفي عبدالله : وش يعني فراغ عاطفي ؟ فالح : يعني شسمه انك تبي اهتمام وحب و و و و إلخ عبدالله : اقول لا تقعد تستهبل على مخي ترى مو فاضي لك فالح: من متى ونت فاضي لي اصلا هع .. عبدالله : من جدك فالح تتكلم فالح : اي والله اكيد انه فراع عاطفي ياخي انت ما تعرف شي عن الحب كله مع اخوياك وفي هالمنتديات وفي هالنادي بس من البيت للمسجد للمدرسه للنادي للتمشيات بس ياخي جرب حب عبدالله : هو على كيفي احب انت ووجهك .. فالح : عالعموم فكر في كلامي وجرب تحب ..................................... وقت النوم .. طبعا وقت النوم كلن يفكر .. عبدالله يقول في نفسه : ياخي فالح صادق بكلامه ليه انا ما احب ليه ما اتعلم كيف احب ليه وليه وليه وليه .. لااااازم احب .. لازم احد يهتم فيني .. فجأه دق الجوال . عبدالله : هلا فالح .. فالح : ونت للحين صاحي ؟؟؟ خساره اتصلت احسبك نايم كنت ابي ازعجك شوي هههه عبدالله : لا مو نايم ولا شي بس مدري شفيني فالح : شفيك صوتك متغير شوي لا يكون تعبان ؟ عبدالله : لا مو تعبان ولا شي بس كنت افكر في كلامك فالح : اي كلام ؟؟ (( فالح من النوع اللي ينسى كثير )) عبدالله : كلامك اللي عن الحب ومدري ايش .. فالح : اقول تعوذ من الشيطان ورح نم بكره وراك مدرسه .. عبدالله : ياخي ماني نايم ما قدرت ولاني رايح المدرسه بكره بغيب فالح : طيب طيب اعصابك .. عبدالله : لا مو معصب ولاشي بس مدري شفيني احس اني مو على بعضي فالح : يالله فمان الله .. ........................... ومرت ايام ونسى عبدالله سالفة الحب و و و و إلخ .. عبدالله : خلاص فالح رجعني البيت احس اني بنام .. فالح : طيب .. وصل عبدالله البيت حط راسه في السرير وتقلب ولا جاه النوم وطرت في باله فكره دايم يسويها داااائم اذا كان طفشان والحركه هي : ياخذ الجوال ويخربط في الأرقام ويتصل عشان يضحك على اللي يردون ويسوي فيهم مقالب .. المهم : صار يخربط بالجوال والارقام مره يطلع له هندي ومره سوداني ومره بنقالي ومره باكستاني ومره شايب ومره ورع لين مره قرر انه يتصل على رقم جواله لكن يغير اخر رقم وفعلا اتصل على رقم جواله وغير اااااااخر رقم طيييييييييييط ....طييييييييييييط .. طييييييييييييييط .. طيييييييييييييط فجأه رفع السماعه شخص لكن ما تلكم .. وعبدالله ساااكت .... فجاه قرر عبدالله يتكلم قال : ألوووووووو المتصل عليه : (( ما زال ساكت )) عبدالله : رد شفيك ؟ لا يكون متصل على وزارة الصم والبكم وانا مدري ؟؟ المتصل عليه : طوط طوط طوط عبدالله : افا يسكر في وجهي ذا؟ انا اوريه ويتصل عبدالله وذاك يعطيه مشغول ويتصل ويعطيه مشغول .. فأرسل صاحب ذاك الرقم رساله لعبدالله وكتب فيها : شفيك اخوي تراك غلطان .. رد عليه عبدالله برسالة جوال : لا مو غلطان اذا سمعت صوتك راح اعرف اناا غلطان او لا .. المتصل عليه : صدقني انك غلطااااااان عبدالله : انا متاكد اني مو غلطان وانك الشخص اللي في بالي .. ... واستمرت الرسااااائل لين طفش عبدالله وارسل : خلاص انا بروح انام تعبت منك لكن حسابك بكره .. المتصل عليه : الله يهديك .. فمان الله ................ ونسى عبدالله سالفة اللي اتصل عليه .. ومرت ايام فالح : عبدالله انا بجيك البيت ومعاي ظيوف عبدالله : الله يرجك اهلي مو في البيت كيف نجيب لظيوفك قهوه انا ما اعرف اسويها هع فالح : دبر عمرك عبدالله : يا هوو تراها مشكلتك مو مشكلتي فالح : تكفى يا عبدالله شوف لنا حل بسرررعه ما اقدر اتصل عليهم واردهم فقال عبدالله خلاص مو مشكله .. و راحت السالفه من بال عبدالله وجا وقت العشا وجيّت الضيوف ف اتصل فالح : هاه عبدالله بشرررر ؟ عبدالله : ابشرك ب ايش ؟ فالح : افا ؟ جحدتني ؟؟ عبدالله : لا جد ايش ؟ فالح : مو قلت لك فيه ضيوف بجيبهم وووو إلخ .. عبدالله : اووووووووووووووه نسيت خلاص خلاص دقيقه ويقفل الخط .. ويتصل عبدالله على اهله عشان يعلمونه طريقة تحضير القهوه .. فما احد رد عليه .. فتذكرررر الرقم اللي كان مزعجه من زماااااااان فارسل له رساله وكتب فيها : السلام عليكم فرد المتصل عليه : وعليكم السلام لاحول ولا قوه الا بالله انت لحين حي وش فيك دايم تزعجني ؟ عبدالله : انا ماراح ازعجتك في حاله وحده : اذا عمتني كيف اسوي قهوه رد المتصل عليه : طيب بعلمك ولا عاد تزعجني تسوي كذا وكذا وكذا وكذا و و إلخ .. فأرسله الطريقه .. فرد عبدالله : مشكوور ما قصرررت .. فعرف كيف يسوي قهوه للضيوف ومشت الامور والحمدلله .. ...... يتبع .. | |
| |
|
26-02-2012, 09:34 PM
| #5 (permalink) | |
|
عضو مبدع
| رد: ترى مدري المحبه بس تعلمت الهوى لجلك >> اول روايه لي .. واقعيه وبعد ايام تذكر عبدالله صديقه اللي علمة طريقة القهوه وحب يشكره .. ف أرسل له رساله كتب فيها : مشكوووووووور يا الغالي ساعدتني كثير .. رد المتصل عليه : اولا انا بنت مو ولد ثانيا : العفو ما سويت شي ثالثا دااايم اضحك كل ما تذكرت رسالتك .. عبدالله برساله : انتي بنت ؟ لا شكلك تلعب علي المتصل عليه برساله : لا والله ما العب عليك عبدالله : شسمك ؟ المتصل عليه : سلامات تبي اعلمك اسمي شتبي فيه ؟ المهم قاموا يتراسلون ويسولفون عن طريق الرسائل لمدة طويـيـيـيـ]ـله .. ايااااااام وسبحان الله ما زالوا يتراسلون دااائما وبدا كل واحد يتقرب من الثاني ...... جت الايام وحس عبدالله انه بدا يشتاق لهالبنت ولا يقدر يمر يوم ما يرسلها رساله يعني بدا قلبه يتعلق فيها ولا كان في باله ان هالـ شي هو بدآية القصة .. وبدآية المشوآر .. وبدآية دخلوه هالـ عالم ولا كان يدري إن هالشي رآح يغير نظام حياته للـ أبد ..... وما كان يدري إن هذي البنت هي اللي رآح تخليه يدخل في عالم هو في الحقيقه في غنى عنه .. وطبعا هذي البنت هي الأولى في حياته ولكن مو الـ أخيره .. ومو البنت اللي اقصد انها راح تكون حبيبة عبدالله بالأساس ................................. عبدالله يوم من الايام قرر انه يتصل على هالبنت وارسلها رساله وكتب فيها : عبدالله برساله : أنا بتصل مليت من الرسايل المتصل عليه برساله : طيب ما عليه بس ما راح اتكلم بظل ساكته : عبدالله : طيب قبل اتصل شنو اسمك ؟: المتصل عليه : لا ما اقدر اعلمك صعب عبدالله : ليه صعب عادي مجرد اسم لا يودي ولا يجيب .. << المهم حاول عبدالله لين وافقت >> المتصل عليه : انا اسمي ملاك .. عبدالله : عاشت الاسامي ما شاء الله اسمك حلوووو ملاك : عاشت ايامك اتصل عبدالله على ملاك : أهلين .. اهلين ردي تكلمي قولي اي شي .. (( وملاك ساكته )) ردي ولا ترى بسكرررر .. عبدالله : ردي .. يا ناس وين الناس ؟ وملاك هم ساكته . عبدالله : اجل خلاص اتصل وقت ثاني باي ملاك : لا لا تعال .. عبدالله : أخيرا تكلمتي ؟ لبّى هالـ صوت واللـه .. وملاك مستحيه وقاموا يتعرفون على بعض خلال ذيك الأيام ملاك : عبدالله انت تشتغل ؟؟ عبدالله : لا انا متخرج من الثانوي وعاطل .. للحين ادور وظيفه ونتي ؟ ملاك : انا ادرس في كلية الطب .. عبدالله : ما شاء الله عليك شكلك ذكيّه .. ملاك : شنهو اسوي هذا حنا يالبنات من البيت للمدرسه .. عبدالله : الله يعينكم واصلا احسن لكم عشان تكونون امهات مهتمات في بيوتهم .. ملاك : لا شدعوه .. المهم ظلوا يكلمون بعض فترات طويله .. وتعرفوا على بعض اكثر وأكثرررر وأكثرررررررر وأكثرررررررررررر وأكثرررررررررررررررر وحبها عبدالله أكثرررررررررر بشكل خيالي .. لـ أنه أول حب بحياته .. ومسكين ما كان يدري ان مو اول حب دايما موفق !! ((( وكان يفكر ان اول حب دايما موفق .. هناااااااااااااااااااااا المشكله .. ))) لـ أن ملاك كانت في الحقيقه تخدعه ؟ تدرون ليش ؟ لأنها حست من لهجة عبدالله وطريقة كلامه انه حبها بصدق وإخلاص وانه اول مره يحب .. فـ حاولت تستغل حبه .. كانت تلعب معاه .. لـ أنها في الحقيقه كانت إنسانه تحب تلعب بـ أحاسيس خلق الله .. كان اذا اتصلت ملاك .. عبدالله يفززززز قلبه .. لكن اذا اتصل عبدالله .. عادي بالنسبه لها .. مو مهتمه لأن عبدالله ما كان من اولويات ملاك لأنها كانت تكلم عبدالله من اجل تضيييع الوقت .. وللأسف عبدالله ما كان يدرررري وأيضا للأسف ما كانت تدري انها راح تندم في النهايه لتضييعها شخص مثل هالانسان المحب ..! مرررت ايام وجست ملاك بأنها ملت من مكالمة اخونا في الله عبدالله .. فصارت ما ترد على مكالماته وهو كان يححححححححححححترق من داخل يظن ان صار فيها شي .. ويوم من الأيام قرر عبدالله إنه يتصل من رقم غير يشوفها ترد او لا عشان يعرف هل هي تتجاهله هو بس او تتجاهل الكل .. وفعلا .. أخذ جوال أمه .. وإتصل عليها وردت .. تحححححطم عبدالله .. ولا شعوريا .. قالها ليه تسوين كذا ؟ اذا ما تبيني قولي وانتهت السالفه .. سكرت في وجهه .. وسفهته .. وظل تقريبا 3 ايام على هالحاله وهو في عذاااااااب وذابحه التفكير في النهايه قرر عبدالله انه يحط لهالمهزله حددددددد ... إتصل عليها وردت .. ويسولفون شوي عرف من لهجتها انها كانت تلعب معااااه .. وحزت بخاطر عبدالله وقال : شوفي انا حسيت انك تلعبين معااااااااي .. وعرفتي اني اول مره احب بحياتي وحاولتي تستغلين هالنقطه لكن انا شخص وعنده احساس ويحس ومو جماد صحيح اني رجل .. لكني قدام البنت أصير أضعف خلق الله .. ما يبكيني رجل .. ولا يقدر علي رجل .. ولا يقدر يأذيني رجل .. لكن بنت يمكن تسبب لي إنهيار بكلمة او بمجرد اهمال شوفي يا ملاك انا حبيتك صدق لكن للأسف ما كنت ادري انك تلعبين .. وشغل لها أغنية راشد الماجد (( تأخرتي ))  اول ما انتهت الاغنية سكر بوجها .. وكانت تتصل وترسل رساله فيها اعتذار ونددددددددددددم ولكن عبدالله ما رد .. عيّت نفسه تخليه يرد ليه لان الكرامه وعزة النفس أهم شي بحيات عبدالله ولان اكثر شي يكرره عبدالله في البنت حاجتين .. الخيانه .. الإهمال .. ................. وهذي اول قصة حب لـ عبدالله .. وراح نتعرف اكثر واكثررر على قصص حياته إلين ما تزوج .. وراح نلاحظ في جميع قصص عبدالله الجايه شي واحد .. (( الـ صدف )) | |
| |
|
26-02-2012, 09:52 PM
| #6 (permalink) | |
|
عضو مجتهد
| رد: ترى مدري المحبه بس تعلمت الهوى لجلك >> اول روايه لي .. واقعيه امم الرواية شكلها حلووه والشخصيات مب كثير يعني نقدر نحفظهم واصل ولا تقطع علينا مب اخر شي ما تكملها | |
| ترقبوا رواايتي الاولى في الاجازة وستكون في منتديات فزاع ومنتديات غراام اسم الرواية ✗┋ ﯾړُﮃۆۆﻧ ﻗ̮ـ̃ﻟﭠ ﻟﺂژﻣ̝̚ ﯾړُﮃۆﻧ ۆﯾﻧ ﻣ̝̚ﻧﯾ ﯾړُۆﺣۆﻧ ﯾړُﮃۆۆﻧ ┋✗ لا احلل لاي شخص يسرق اسم روايتي |
 |
| الذين يشاهدون محتوى الموضوع الآن : 1 ( الأعضاء 0 والزوار 1) |
|---|
| أدوات الموضوع | |
| |
المواضيع المتشابهه |
|---|
| الموضوع | كاتب الموضوع | المنتدى | مشاركات | آخر مشاركة |
|---|---|---|---|---|
| أموت أنا في حبهم ..... لا تفوتكم تراها حلوه واااايد ((انتهت) | شما الدرعي | قسم الروايات والقصص الطويلة | 74 | 18-04-2012 02:30 AM |
| مما تعلمت من مدرسة الدنيا ! ! | wings of desire | منتدى النقاش العام | 3 | 11-02-2010 03:49 PM |
| تعـلمـت | بنت ( رنـــا ) الرافدين | أقلام ناشئة | 1 | 18-06-2008 03:01 PM |
| من حكم الامام علي رضي الله عنه | BAIZID YOUCEF | منتدى النقاش العام | 16 | 31-01-2008 12:26 AM |
| رواية ( ابوي ابوي لو صد عني ماترجيته ) روايه راااائعه | عيون الضبي | المواضيع المكررة | 15 | 05-09-2007 12:35 AM |
